Bandaríkin senda landgönguliða til Taívan. Hjólastígar, nei takk!

Samtal við söguna árið 2004: Viðtal við bóndann og sagnfræðinginn Victor Davis Hanson um mikilvægi sögunnar. Heilræði Victors til ungdómsins í lokin eru að sjálfsögðu klassísk

****

Eitt-Kína-stefnan að falla?

Ríkisstjórn Bandaríkjanna hefur ákveðið að senda hermenn bandaríska landgönguliðsins til að gæta Bandarísku stofnunarinnar í höfuðborg kínverska lýðveldisins Taívan, sem er Tapei, segja bæði SCMP og Stratfor. Eitt-Kína-stefna Bandaríkjanna er hér með varla lengur sú sem hún varð frá og með Richard Nixon. Á Taívan ríkir eina lýðræðislega kjörna ríkisstjórn Kína, yfir þeim hluta landsins sem kommúnistum tókst ekki að leggja undir sig með vopnaðri byltingu. Þegar kínverski kommúnistaflokkurinn var stofnaður 1921, voru meðlimir hans fimmtíu. Sú passandi stærð bíður flokksins á ný

En hvenær það gerist veit þó enginn, því veruleikafirrt samgöngumálaráðuneyti Eistlands (já í NATO) hefur snúið sér til Rússlands til að biðja þá um að greiða götur kínverskrar járnbrautar frá höfninni í Paldiski í Eistlandi til Changchun í Kína. Rússneski minnihlutinn í Eistlandi er um 25 prósent af íbúum landsins og klappar. Forseti Frakklands sagði líka í gær að "Evrópa" (hann meinar Brusselveldið, og helst undir hans stjórn) þyrfti að "nútímavæða" samband sitt við Rússland, sérstaklega á sviði öryggismála, til að styðja við "stöðugleika" í heimshlutanum (lesist: Evrópa er að hrynja vegna tilvistar ESB). Forseti Tékklands krefst einnig að slakað verði á kröfunum til Rússlands. Lesist; við í vösum Þýskalands erum að kafna og sú köfnun mun síst batna við það að gjaldmiðlar tveggja miljarða manna á útflutningsmörkuðum hins útflutningsháða Þýskalands, og ESB, hafa verið í næstum frjálsu 10 til 50 prósent falli frá áramótum; Indland (-10%), Tyrkland (-40), Brasilía (-20), Argentína (-45)

Í kosningabaráttu sinni sagðist Donald J. Trump ætla leggja pressu á Kína í þeim tilgangi að endurskilgreina samband ríkjanna tveggja, undir nýjum skilmálum. Samband ríkjanna hefur kallað fram félagslega krísu meðal stórs hluta bandarísks almennings og mjög svo víðar í hinum vestræna heimi

Fyrsta jarðsambandslausa kynslóð sögunnar? Náttúrubólan að springa?

"For example, he said, people who make their living on farms understand the nature of weather and seasons—all the cycles and elements involved—and do not over-romanticize the outdoors to the point where they would create dangerous situations for themselves or others. The more privileged urbanite, on the other hand, takes an abstract or romantic view when it comes to experiencing the outdoors that are not a part of the struggle to survive."

Fyrsta kynslóð fábjána flýgur nú um Vesturlönd í formi náttúru-ferðamanna sem stofna sér og öðrum í hættu. Engin önnur kynslóð í mannkynssögunni hefur vitað eins lítið um lífið utan borgarmúra Vesturlanda. Og engin önnur kynslóð í sögunni hefur eins abstrakt og rómantískar hugmyndir um náttúruna. Það er eignlega þetta sem Victor Davis Hanson bóndi og sagnfræðingur segir hér: Hanson: Struggle Between Elites And Masses Defines US Policy

Toppliðið í þessari kynslóð heldur meira að segja að heimurinn sé að farast, bráðna, þorna upp, gufa upp, steikjast og bara farast á alla mögulega vegu, eftir að hann átti að vera að frjósa í hel 1975. Efnahagslegar afleiður fáviskunnar sjást sem ferðamannabólur og þyrluflotar við björgunarstörf, þar sem bjánum er bjargað frá náttúru sem þeir halda að sé að verða uppseld

Í borgum sjást þessi fyrirbæri líka þeysast um í teygjubuxum á reiðhjólum, þar sem hvorki er pláss fyrir innkaupapoka með mjólk og mat fyrir fjölskylduna, né sæti fyrir börnin. Þegar ég sjálfur hjólaði í samfellt fimm ár, þá var ég oft með tvö börn mín á hjólinu, eitt í barnasæti á stöng, og annað í sæti ofan á bögglaberanum og með innkaupapokana hangandi um stýrið og að sjálfsögðu með dýnamó (rafal) til að hafa ljós í öllum veðrum. Bílar voru ekki á færi námsmanna og verkafólks, enda bjó ég í bílafjandsamlegri Danmörku DDR-Light, þar sem 180 prósent koma ofan í FOB-verð bíla, þannig að konan á búðarkassanum sem afgreiddi mig, neyddist til nota það sama og ég, til sinna ferða, og greiddi hún þó fulla skatta. Þarna kynntist ég manni sem átti Jagúar, af því að honum fannst Jagúar fallegasti bíll heims. En hann neyddist til að hafa fallega Jagúarinn sem punt inni í stofu hjá sér, því skráningargjaldið er eins og ég sagði: hvorki meira né minna en 180 prósent ofan í FOB, og því myndi hann aldrei í lífi sínu hafa efni á. Það er því ekki neitt skrítið að margir Danir kalli Danmörku fyrir DDR-Light (vægari útgáfan af Austur-Þýskalandi)

Ég hét því þá, að þegar þessu tímabili lífs míns væri lokið, að þá myndi ég aldrei nokkru sinni hjóla aftur. Og við það hef ég staðið. Egóistahjólandi bjánar í borgum heimta meira að segja í dag sérstaka gatnagerð úr vösum skattgreiðenda til sinna einkaafnota. Slík er teygjubuxna-geggjunin í borgum orðin, enda missa karlmenn náttúruna og þar með vitið á því að hjóla þannig. Þessir menn þurfa engar sérstakar hjólabrautir. Þeir geta bara hlaupið í vinnuna og stofnað mér sér hjólaklúbb og byggt þar sínar hjólabrautir sjálfir, fyrir sitt eigið fé. Annars heimta ég sjálfur sérstakar reiðbrautir fyrir hesta og einnig skíðabrautir á kostnað skattgreiðenda

Í dag ek ég um á 420 hestafla Jeep Cherokee SRT8 2007 og ætla aldrei að hjóla aftur. En ég geng og hleyp, og það er hægt að gera hvar sem er. Ég hef aldrei komið inn í svo kallaða líkamsrækt og mun aldrei leggjast svo lágt að stíga þar fæti mínum inn, að minnsta kosti ekki á meðan ég hef ókeypis rok og rigningu úti. Og svo er það bylurinn maður, og allt sveitamyrkrið góða. Kostar hvorki mig né skattgreiðendur neitt, og hefur ekki gert síðastliðin 30 ár. Verst hvað mér líst vel á nýja 2018 og 700 hestafla módelið af Jeep Cherokee SRT8 sem sjá má hér, undir heitinu Trackhawk. Samt grunar mig að ég endi á Wrangler eða RAM. Auðveldara að koma keðjunum undir

Fyrri færsla

Ráðherra Macrons segir af sér í beinni

Ráðherra Macrons segir af sér í beinni

Skjáskot: Forsíða Wall Street Journal leiddi mann inn á þessa glæsilegu síðu blaðsins á mánudag

****

Frá franska hræðslubandalaginu í ESB

Fyrirvaralaust sagði Nicolas Hulot umhverfismálaráðherra Frakklands af sér í beinni útsendingu í gær. Hann segir að Emmanuel Macron sé orðinn bara enn einn áhrifalausi franski forsetinn í viðbót við þá sem sátu sem brusselskir prúðuleikarar á undan honum og töluðu hallamál, sem er eina löglega málið sem tala má, því annars hrynur evran, og þá hrynur "Evrópa", segir merkantelistínan Merkel, sem því aðeins heimilar innflutning á lifandi vandamálum inn í Þýskaland

Lítið gengur með neitt af kosningaloforðum Emmanuel Macrons. Þar er flest við það sama og síðast: stöðnun, stöðnun og meiri stöðnun. Franskur almenningur bíður enn eftir áhrifum þess á heimilisbókhaldið að hafa verið hræddur frá því að kjósa Marine Le Pen, sem talar bara frönsku en ekki hallamál. Þarna haggast lítið og ekkert bólar á bata í buddum fransks almennings. Og það þrátt fyrir að Macron hafi lofað að gera alla plánetna mikilfenglega á ný, þá virðist hann ekki einu sinni hafa getu til að gera hvað þá næstu götur við Élysée-hallarkynni sín neitt betri en þeir sem sátu þar síðast. Þetta mál kemur ofan í Benalla-málið þar sem Élysée-kontor Macrons neyddist til að hvorki neita né játa að sá öryggisvörður forsetans sem barði mótmælendur svæfi hvorki þar né vakti á götum úti. Franska þjóðin spáir því enn í hvers konar sambandi Macron sé við eiginkonu sína, og veltir vöngum. Mörgum frönskum finnst orðið að forseti þeirra sé ofvaxið barn

Karl-Marx-Stadt lifir enn í ESB

Hinn 30. mars 1990 mælti seðlabanki Þýskalands með því að gengi austurþýska marksins (GDRmark) yrði metið þannig að það fengist eitt Dmark fyrir hver tvö GDRmörk. Þessu var hafnað 1. apríl og hinn 2. maí var gengið sett fast á 1:1 fyrir fjármuni allt að 6.000 GDRmark og 1:2 fyrir hærri upphæðir. Seðlankinn beið lægri hlut | frá: Seðlabankinn og þjóðfélagið

"Sértu G20-velkominn til helvítis-ástands" er nú að breiða úr sér í Þýskalandi. Sumir muna kannski eftir því hversu gersamlega þýska lögreglan brást G20-fundinum í Hamborg. Framhaldsfundur var því haldinn í Karl-Marx-Stadt Chemnitz í Þýskalandi um helgina. Allt er þetta þýska teboð haldið í boði Angelu Merkel, sem í losti frá CDU-súrefnistjaldi sínu í bunker gegn þýsku þjóðinni, vinnur nú að gerð hjálparpakka til handa Tyrklandi, sem hætt er að geta keypt útflutning hennar vegna gengisfalls líru, en þó fyrst og fremst vegna þess að hún gerði samkomulag við djöfulinn (WSJ), sem hún þarf að greiða Erdogan fyrir, til að halda aftur af fjórum til fimm milljón flóttamönnum í Tyrklandi, sem hann að öðrum kosti sigar á þjóð hennar - og annarra, sem hún stjórnar gegnum ESB, eins og þegar hún gekk frá Grikklandi - og svo er það aðhlátursvirkið Schengen

- WSJ: Berlin fears a meltdown of the Turkish economy could spill over into Europe, cause further unrest in the Middle East and trigger a new wave of immigration toward the north. "We would do a lot to try to stabilize Turkey, a senior German official said. We dont have much choice."

Komið er nefnilega í ljós að þar sem Angela Merkel hefur drepið Grikkland alveg, þá er kannski hægt að senda Tyrklandi pakkann sem komst ekki í póstkassa Grikkja. Aðstoð við hið rússneskt eftirhermda ríki Erdogans í Tyrklandi, mun svo tryggja AfD-flokkinum völdin í Austur-Þýskalandi öllu og moka CDU-flokki Merkels út úr bunker. Og svo eru það október-kosningarnar í Bæjaralandi, þar er CSU-systurflokkur hennar nú fallinn úr 47,7 prósentum í kosningunum 2013 og niður í 36 prósent fylgi, eins og það mælist í dag. Og þessa dagana mælist AfD (Valkostur fyrir Þýskaland) næst stærsti flokkurinn í öllu landinu. Flokkur Angelu Merkel er hins vegar fallinn niður í aðeins 28 prósent flokk í fylgi og SPD-flokk þýskra sósíaldemókrata tekur sig varla að nefna á nafn lengur

Austur-Þýskaland er enn svo gott sem fast á efnahagslegu klósetti miðað við Vestur-Þýskaland, þrátt fyrir endursameininguna 1990. Það mun taka 200 ár að jafna muninn, ef það þá nokkru sinni tekst. "Sértu G20-velkomin til helvítis-ástands" Þýskalands, hverfur ekki í bráð, heldur mun það bara versna, ofan í allt annað vont sem Merkel hefur framleitt af vandamálum handa Þýskalandi og flestum ríkjum ESB

Mattis segir (án ESB)

Að sögn "fjölmiðla" sagði James Mattis varnarmálaráðherra Bandaríkjanna í gær, að engar áætlanir væru um að fresta fleiri stórstíluðum heræfingum með Suður-Kóreu, af tillitssemi við Norður-Kóreu

Fyrri færsla

Búið ykkur undir nýja flugeldasýningu Norður-Kóreu [u]

Búið ykkur undir nýja flugeldasýningu Norður-Kóreu [u]

Já

Vel getur hugsast að Bandaríkin séu í ró og næði að búa sig undir hernaðarátök við Norður-Kóreuútibú Kína. Það segja sum þau kínversku dagblöð sem koma út undir merkjum Norður-Kóreu í Norður-Kóreu. Sumir ríkisfjölmiðlar Norðursins þar sem allir fjölmiðlar eru ríkisfjölmiðlar, ásaka Bandaríkin um að vera þjálfa heri sína fyrir innrás, með innrásaræfingum frá japönsku Okinawaeyju yfir til Lúzon sem er stærst Filippseyja. Fjarlægðin þar á milli er svipuð og fjarlægðin er frá Okinawa til Pyongyang höfuðborgar Norður-Kóreu. Enn fremur halda ríkis-þeir því fram að liðsafli bandarískra sérsveita sé nú kominn til Jinhae í Suður-Kóreu, til þjálfunar þar. Suðurkóreönsk blöð segja að Moon Jae-in forseti Suðursins og Donald J. Trump (með Pattonían snilld "hvern einasta helvítis dag" (1. hluti er hér)) hafi ekki talað sama í tvo mánuði. Talsmaður Moon segir að hvell-aflýsing Donalds J. Trump á fyrirhugaðri ferð Mike Pompeo utanríkisráðherra hans til Norðursins, komi í veg fyrir fyrirhugaða opnun málalengingarskrifstofu Moons milli Suðurs og Norðurs. Líklegt er því að Norðrið munu kynna nýja kínverja á fyrirhugaðri hersýningu þar í ríki bráðum

Fjárfestar flýja nú Kína í stórum stíl, bæði erlendir en þó sérstaklega innlendir. Lítið fer fyrir því að lög og reglur gildi í Kína, svo best er að pakka saman áður en allt verður gert upptækt. Það er reynsla James D. Jameson, aðstoðarviðskiptaráðherra Bush forseta hins fyrsta. Jafnvel hann lét glepjast

Já já

En - já en - verðið á kínverskum dagblöðum er samt mörgum sinnum lægra en á íslenskum dagblöðum. Og ekki er víst að eingöngu sé við mismun á pappírsgæðum að sakast. Íslendingar eru því hvattir til að lesa kínversk dagblöð umfram þau íslensku, því þau kosta mörgum sinnum minna. Enginn getur látið slíkan verðmun fram hjá sér fara. Og ef þau fást ekki, þá er hægt að tala við utan ríkis ráðherra Íslands og hann mun greiða götur lesenda með innfluttum kínverskum dagböðum undir fána "frjálsra viðskipta"

Uppfært: Með hverjum deginum sem líður er mörgum að verða það æ meira ljóst að Bandaríkin geta ekki lengur verið aðili að Alþjóðaviðskiptastofnuninni WTO á meðan Kína er það líka. Komið er að kaflaskiptum, því Bandaríkin og nánustu engilsaxnesku bandamenn þeirra, sem með baráttu sinni í Síðari heimsstyrjöldinni bjuggu til til þann frjálsa heim sem Kína var veittur aðgangur að, ætla ekki að láta taka sig og þann heim í nefið. Sárt er einnig fyrir þau ríki að horfa upp á Tyrkland afrita Rússlandsstjórnarfar Pútíns og innleiða stjórnarhætti hans í landi Erdogans. Nógu sárt var að horfa upp á hinn fyrrverandi rússneska bandamann sinn nota ekki tækifærið á meðan það gafst, til að ganga þeim aftur á hönd, er hlekkir Sovétríkjanna um ökkla þjóðarinnar loks féllu

Og já

Í fréttum í gær kom fram að aðeins einn aðili kann að reka matvöruverslun á Íslandi. Og það eru Fjarðarkaup. Allir hinir leggja stund á sóun fjármuna eigenda

Fyrri færsla

Staða vinstrimanna í dag er vond

Staða vinstrimanna í dag er vond

Páll Vilhjálmsson benti á súrrealískan Egil Helgason í gær. Sú ábending átti einkar vel við. Af aðdáendunum skulu menn þekkja góðu fréttamennin. Time bað líka um að fá að taka mynd af Steve Bannon, ráðgjafa Donalds Trump, sem er fyrrum starfsmaður á öskuhaugum, sjóliðsforingi og bankamaður, og fékk það. En svo birtist hins vegar myndin af Steve sem stafræn afbökun á forsíðu tímaritsins, þar sem húð og andlit fórnarlambsins voru hönnuð til með hatri og fyrirlitningu Time á kjósendum Trumps. Það þarf jú að selja þetta tímarit góða fólksins

Þegar vinstrimen ruddu sér til rúms sem stjórnmálaflokkar sósíaldemókrata og vinstrimanna í byrjun 20. aldar, var allt vont í þessum heimi hinum efnuðu og ríku að kenna. Þá voru það kapítalistarnir sem voru þeir vondu. En svo urðu vinstrimenn efnaðir -oft sem opinberir starfsmenn og menntamenni úr miðaldalegu heiðnikirkjuveldi háskólanna- og þá breyttist pólitísk stefna þeirra í það, að allt vont í þessum heimi væri minna efnuðu og fátæku fólki að kenna, það er að segja, kjósendum Trumps, Brexit og andstæðingum landráðalegra Icesave samninga. Allt vont er þeim að kenna

Þetta er staða vinstrimanna í dag. Þeir vondu í dag, eru fátæklingarnir sem stefna vinstrimanna bjó til. Það eina sem hræsni-stefna vinstrimanna gat yfir höfuð búið til

Fimm auðveldar fyrri færslur

• Breytingaöldin mikla er hafin
• Lýðræði hefur sín takmörk
• Nú segjast þeir geta í evrum í ESB
• Bandarískir fjölmiðlar í dauðadansi
• Áhlaupið á íslensku krónuna (ritgerð)

Breytingaöldin mikla er hafin

Breytingar

Sovétríkin hrundu => Breyting
Múrinn féll => Breyting
Maastricht kom => Breyting sem hefði ekki gerst án þessa
NATO hætti að skipta Þýskalandi máli => Breyting
NATO hætti hins vegar ekki að skipta önnur ríki máli => Óbreytt staða þar

Afleiðingar

Rússland breyttist
Þýskaland breyttist
Tvö breytt evrópsk stórríki byrja að hugsa sig um og endurmeta stöðu sína í breyttum heimi. Staða þeirra í heiminum er breytt, vegna þess að þau-sjálf breyttust

Mikilvægast

En það sem er þó mikilvægast að hugsa hér, er að afstaða þessara tveggja ríkja til hvors annars er gerbreytt. Enginn veit með vissu hvað þau hugsa með tilliti til hvors annars

Er Þýskaland á leið austur? Já sennilega. Óútreiknanleiki hefur einkennt tilvist Þýskalands öll árin frá 1871. NATO er byrjað að þvælast fyrir hagsmunum Þýskalands. Fyrir þau ríki í Evrópu sem heita ekki Þýskaland, er NATO því byrjað að virka sem verndarstofnun þeirra gagnvart Þýskalandi

Spennið beltin, því hagsmunir Þýskalans liggja ekki lengur á sama stað. Evrópa er byrjuð að óttast Þýskaland á ný og það með réttu, því frá og með nú eru helstu hagsmunir Þýskalands þeir að skapa stöðugleika í Þýskalandi, sem hægt er að nota til að skapa óstöðugleika í Evrópu. Og það hefur Þýskalandi tekist mjög vel, verður að segjast

Bandamaður þeirra landa í Evrópu sem heita ekki Þýskaland eru Bandaríki Norður-Ameríku - og það á einnig við um Frakkland. NATO stendur frá og með nú frammi fyrir nýjum ógnum í fæðingu

Fyrri færsla

Ástralía bannar kínverska tækni - Þýskaland og Trump - Microsoft og Trump

Ástralía bannar kínverska tækni - Þýskaland og Trump - Microsoft og Trump

Mynd: Forseti Bandaríkjanna, Donald J. Trump

****

Ástralska ríkisstjórnin heftur bannað að tæknivörur frá kínverska Huawei fyrirtækinu séu notaðar í tæknilega innviði nýs 5G-netverks Ástralíu, sem er í smíðum. Þetta er gert vegna þjóðaröryggis Ástralíu, sem þar með flygir Bandaríkjunum að máli í þessum efnum og ríkisstjórnin reynir samhliða að minnka eyðnivægi stjórnmála kínverskra kommúnista í heimshlutanum

Þegar Ástralía lagði inn pöntun á nýjum kafbátum fyrir flota sinn á síðasta ári, áttu flestir von á því að Ástralir myndu velja bandaríska kafbáta, því þeir smella sem innfæddir inn í varnarmálakerfi landanna. En ástralska ríkisstjórnin ákvað hins vegar að kaupa nýju kafbátana frá Frakklandi, til að reyna þannig að viðhalda áhrifum Frakklands í heimshlutanum. Ástralir lögðu þar með lykkju á leið sína vegna þjóðaröryggis landsins. Hið sama ræður för í uppbyggingu ástralskra innviða. Þetta mun í sívaxandi mæli eiga við í fleiri löndum. Kínverskri tækni er ekki treystandi í innviðum Vesturlanda

Donald J. Trump er nú farinn að líta á Evrópusambandið sem tollrænt fjölþjóðafyrirkomulag (e. multilateral) sem af prinsippástæðum er ekki hægt að gera tvíhliða viðskiptasamninga við. Eðlislægur og þar með fastbyggður viðskiptaójöfnuður milli ESB-landanna sjálfra, innan ESB, og svo út á við, en þá sem ein heild, gagnvart umheiminum, kemur í veg fyrir það, því þar með er ljóst að viss lönd í sambandinu nota það til að dulbúa sig í heiminum á kostnað annarra. Þetta fékk hann margstaðfest er hann þráspurði Angelu Merkel um möguleikann á tvíhliða viðskipasamningum milli Bandaríkjanna og Þýskalands. Landamæratollar og gengisfölsunar- og virðisaukaskattamótvog er því sennilega það sem Trump mun grípa til gagnvart Þýskalandi, sem er í þann mund að senda út fréttatilkynningar um stærsta viðskiptahagnað nokkurs lands á kostnað annarra í sögu mannkyns

Ríkisstjórn Donalds J. Trump er einnig að rannsaka viðskiptahætti Microsoft í Evrópu. Fyrirtækið er grunað um að hafa selt hugbúnað sinn á gjafverði til aðila í austurhluta Evrópusambandsins, sem selja hann síðan til ríkisstjórna í þeim hluta ESB fyrir fullt verð, en nota hins vegar mismuninn til að múta hinum sömu ríkisstjórnum í ESB til kaupanna

Fyrri færsla

Lýðræði hefur sín takmörk

Lýðræði hefur sín takmörk

Styrmir Gunnarsson skrifar í dag um skort á staðreyndaeftirliti eða sannleikseftirliti. Styrmir býr núna í miðju auga lýðræðislegasta augnabliks mannkynssögunnar, og hefur árum saman kallað eftir þeirri stund. Internetið færði honum hana. Það veraldarnet lækkaði markaðsfærslukostnaðinn við stjórnmál. Allir geta verið með og allir geta látið glepjast og allir geta blekkt fyrir bara brot af þeim kostnaði sem pólitískar blekkingar kostuðu, frá upphafi alda og fram til ársins 1997. Áður fyrr kostaði það menn miklu meira að blekkja, hanna, laga og hagræða sannleikann það vel til -vinkla hann- að hann rynni niður hjá kjósendum. Til dæmis má nefna stofnun og sjósetningu evrunnar, sem var fölsun á efnahagslegum og pólitískum staðreyndum frá upphafi til enda. Evran var byggð á lygum

Þetta eru því erfiðir tímar fyrir þá sem reka dagblöð. Þetta segi ég ekki í háði, því árum saman keypti ég auglýsingar í dönskum prentmiðlum sem kostuðu allt að þrjár til fjórar milljónir króna stykkið. Og ég gat mælt hvað þær gáfu, því ég seldi tískuföt í pósti um allt landið og víðar, en þó einum til miðborgarbúa Kaupmannahafnar, þar sem tískuverslanir voru flestar. Þær mælingar og samtöl við hundrað þúsund Dani, leiddu mig svo að þeirri niðurstöðu að dálkapláss prentmiðla væri mörgum sinnum of hátt verðlagt. Hefðbundnar verslanir vissu hins vegar ekkert um hvað þær voru að gera, þær eyddu peningum eigendanna blint. Þetta var fyrir tíma netsins þar sem katalógar og póstþjónusta voru okkar stórmagasín. Í dag er búið að lýðræðisvæða markaðsfærslu alls og þar með einnig skoðana svo mikið, að allir geta verið með. Kostnaðurinn er á færi allra. Þetta vissu stofnendur Bandaríkjanna að myndi gerast. Þess vegna stofnuðu þeir Lýðveldi, en ekki Lýðræði. E. Republic en ekki Democracy

Íslendingasögurnar eru því sannar. Ekkert lýðræði kom nálægt útgáfu þeirra og enginn Íslendingur var nógu ríkur til að skálda þær upp, því þær kostuðu heilan foss fjár

Þeir sem agíterað hafa fyrir svo kölluðu "beinu lýðræði" ættu að endurskoða þá afstöðu sína í ljósi dagsins í dag, því dagar styttast og vetur nálgast

Fyrri færsla

Nú segjast þeir geta í evrum í ESB

Nú segjast þeir geta í evrum í ESB

Gengisþórun nokkura gjaldmiðla frá því í apríl, miðað við Bandaríkjadal

****

Utanríkisráðherra Þýskalands, Heiko Maas, segir að til þess að "bjarga" því súra bruggi sem Barack Obama samdi um við Íran -þ.e. kjarnorkumálin- að þá verði Evrópusambandið að búa til alþjóðlegt greiðslukerfi sem Bandaríkin geti ekki truflað, svo að ESB-löndin geti haldið áfram viðskiptum við íranska klerkaveldið sem er með þróun kjarnorkuvopa á sínum prjónum

Stutt er að minnast þess er seðlabanki Bandaríkjanna bjargaði í tvígang evrunni frá vissum dauða með því að opna gjaldmiðlaskiptagátt til handa ECB-seðlabankanum upp á gátt, svo bjarga mætti evrunni frá því að leysast upp sem peningakerfi - og Evrópusambandslöndum frá þjóðargjaldþrotum með því að Bandaríski seðlabankinn bjargaði AIG, sem tryggði flestar skuldir fjármálakerfa evrulanda, og sem voru svo hátt upp-gíruð, miðað við eiginfé, að þau eru ekki enn komin út úr mýrunum sem evran gróf þau föst í með fölsunum á lífsins staðreyndum. Fjármálakerfin á evrusvæðinu gátu þá ekki lengur staðið við skuldbindingar sínar í Bandaríkjadölum, vegna þess að heimurinn beið eftir því að allt evrukerfið léti þarna lífið, er loksins á það reyndi. Það stóðst ekki álagið og enginn vildi eiga viðskipti við það í öðrum gjaldmiðlum en Bandaríkjadölum. Þarna kom í ljós að hin stofnanalega og afskræmda hugmyndafræðilega uppsetning peningakerfis evrunnar hvíldi á sandi. Ekki tókst því að halda kerfinu á lífi, því allir vissu að það var að enda líf sitt í þurrð (e. non liquid) og fjármagnsflótta á milli evrulanda í takt við yfirboð ríkisstjórna um ríkisábyrgðir, um miðjar reykfylltar nætur. Aðeins ótakmarkað aðgengi að bandarískum dölum úr hirslum bandaríska seðlabankans bjargaði evrukerfinu frá vissum dauða - í tvígang

Fróðlegt verður að fylgjast með því hvernig bandaríski seðlabankinn bregst við næst, nú þegar margir útflutningsmarkaðir evrulanda eru vel hugsanlega að sogast inn í nýja alþjóðlega gjaldeyriskrísu, með helstu eldsupptök í Tyrklandi, ásamt nokkrum öðrum stærri þróunarríkjum jarðar. Þetta er sérstaklega áhugaverð spurning í ljósi þess að yfirvöld evrusvæðis misnotuðu þá aðstoð sem bandaríski seðlabankinn veitti þeim síðast, því sú aðstoð var notuð til að ná sér niðri á þeim ríkjum sem hétu ekki vissum nöfnum og bjuggu helst í suðri. Nefna má til dæmis Grikkland, Írland, Portúgal, Spán og Ítalíu, svo ekki sé minnst á Ísland. Útkoma krísunnar í myntbandalagi ESB var gerð háð þjóðerni, þó svo að allt öðru hafi verið haldið fram þegar löndin gengu í það og skuldsettu sig á þeim forsendum

Skuldastaða ríkisstjórna á evrusvæðinu í heild, miðað við landsframleiðslu, er mun verri í dag (87%) en hún var þegar síðasta kreppa skall á myntsvæðinu 2008 (69%) og sem lítið hefur gengið að draga úr. Sú kreppa varir því að stórum hluta til enn á evrusvæðinu, 10 árum síðar. Og þar sem fyrirkomulag alþjóðaviðskipta er farið að snúast um að Alþjóðaviðskiptastofnunin WTO muni ekki geta innihaldið Bandaríkin mikið lengur, sé Kína þar meðlimur líka, þá er ekki líklegt að mynt kínverska kommúnistaflokksins geti bjargað evrusvæðinu fyrir næsta horn. Og ekki eru það útgjöld til varnarmála sem íþyngt hafa ríkisstjórnum evrulanda, þvert á móti

Væri ég Donald Trump myndi ég íhuga að skilyrða næstu aðstoð því, að gengið verði fram hjá ECB-seðlabanka Evrópusambandsins og hún aðeins veitt beint til seðlabanka þjóða, því aðeins þjóðir geta verið trygging og ábyrgar fyrir því að greitt sé til baka, og þar með því að aðstoðin sé ekki misnotuð eins og síðast - og sem að mörgu leyti varð til þess að gera Evrópusambandinu kleift að halda efnahag heimsins í gíslingu

Ronald Reagan gagnrýndi stundum ákvarðanir seðlabanka Bandaríkjanna og hélt honum við tvíþættar frumskyldur sínar. Hið sama er byrjað að sjást hjá Donald J. Trump í dag

Fyrri færsla

Einn plús einn látinn laus úr pólitískum fangabúðum Erdogans og Merkels

Einn plús einn látinn laus úr pólitískum fangabúðum Erdogans og Merkels

Mynd: frá myndskeiði DoD 2017

****

Erdogan Tyrklandsforseti lét leysa þýsk-tyrkneska blaðamanninn Mesale Tolu úr haldi í gær. Forsetinn lét búra hana og mann hennar inni á pólitískum ostalager Tyrklands, svo hún gæti þroskast þar og borist á borð við hátíðarpólitísk tækifæri, eins og það sem gafst í síðustu viku. En þá bara varð forseti Rússlands sí svona að hitta kanslara Þýskalands, og öfugt, til að minna hana kurteislega á þá fimm milljón íslamísku flóttamenn sem sitja í Tyrklandi, Jórdaníu og Líbanon og bíða boðskortanna frá kanslara Merkel eins og síðast, en sem nú er valdalaust pólitískt viðrini og líklega hataðasta persóna Evrópu. En það mál var hins vegar bara forrétturinn

Í aðalrétt minnti aðframkominn Pútín hana þá þann akút 400 milljarða dala endurreisnarkostað í Sýrlandi sem komið gæti í veg fyrir síðari sveiflu íslams upp til ESB-Þýskalands hennar, og sem hann Rússlandur sjálfur hefur ekki séns á að borga. Og svo vildi til að sá aðalréttur málsins var borinn á borð fyrir þau á sama tíma og boðskortið frá Erdogan datt með aðstoð tvisvar sinnum dýrara frímerkis á diskinn þeirra en í fyrra, og hið sama gildir að sjálfsögðu um afborgunarbyrði Tyrklandsforseta af því erlenda skuldasafni sem hvílir nú sem einn gengisfelldur hálfmáni á hans herðum - og þar með á kanslara Merkels að miklu leyti líka

Þýska gerviþingið Bundestag -án stjórnarandstöðu áratugum saman- er nú meira rússneskt er bara fyrir ári síðan. Ostpolitískt límósíana embættismannaveldis SDP, sem sér enn lífsrými sitt þar, tosar austur og sama gerir AfD. Merkel blaffrar því um hið pólitíska svið sameinaðs Þýskalands, sem verulega hratt er að breytast í sömu gömlu sviðnu jörð og síðast. Og það var hún sem kveikti í

Á sama degi og hér efst, var Grikkland látið laust úr Berlínar-þýskum fangabúðum evru og mun á næstu áratugum deyja drottni sínum ESB, þökk sé kanslara Angelu Merkel. Enginn fagnaði þó í tilefni þess dags, því Grikklandið er svo gott sem tekið af lífi, af kanslara Angelu Merkel. Þegar Aþena svo fréttir af fyrirhuguðum íslamískum afborgunum Þýskalands til Rússlands-Sýrlands og Tyrklands, undir ESB-borði Brussels, þá er aldrei að vita hvað gerist í Grikklandi næst. Það er því mikið rétt að hin pólitíska gjaldþrotamiðja Evrópu nálagst nú Berlín

Varsjáryfirlýsing Donalds J. Trump stendur hins vegar enn. Hún gildir fyrir allt það 300 milljón manna svæði sem mætist í einum spíss á flóa Gdansk, þar sem Rússar sökktu Wilhelm Gustloff í janúar 1945 og drápu 9400 manns. Má kannski bjóða yður upp í einn Trump í Intermarium

Fyrri færsla

Angela Merkel heimsækir fangaverði sína

Angela Merkel heimsækir fangaverði sína

Innheimtur

Angela Merkel er önnum kafin við að heimsækja þá sem gæta hennar í fangelsinu. Rússland skrúfar þá kannski ekki fyrir hitann hjá henni í klefanum í vetur. Og hugsast getur því að þjóð hennar lifi veturinn af. Forseti Tyrklands sem geymir pólitískt líf Merkels í hendi sér, mun þá kannski ekki heldur sleppa lausum þeim milljónum af íslamískum fátæklingum sem hún óttast mest. Hún hefur mútað honum til að halda þeim til baka í vissan tíma. "Wir schaffen das" reyndist einungis vera jugend plakat-blaður ættað frá DDR. Þýskir gátu þetta bara alls ekki og landið þeirra logar pólanna á milli, þannig að CSU mælist nú hrunið úr 47 prósent niður í 37 prósent í Bæjaralandi á aðeins rúmu ári, en þar verður kosið við "við-getum-þetta" DDR-hryllingsundirleik Merkels í október

En nú er Tyrklandsforsetinn kominn í viss vandræði, því íslam er hætt að geta brauðfætt þjóðina. Og gengi tyrknesku lírunnar fellur og fellur vegna skulda Tyrklands í erlendri mynt, sem þá hefur ekki lengur efni á innflutningi frá Merkel, sem er óðaöldrunar-kanslari útflutningaháðasta hagkerfi heims. Hið sama gildir um Íran, þaðan frá sem þýsku Deutsche Telekom og hið ríkisrekna Deutsche Bahn tilkynntu fyrir helgi að væru að hypja sig út og heim, til að lenda ekki í notbremsenresistent lestarkerfi Trumps. Þar getur íslam hvorki brauðfætt þjóðina, hýst hana né menntað. Merkel gæti þó hugsanlega gripið til þeirra efnahagslegu ráðstafana sem hún hefur notað svo vel síðastliðin 10 ár. Já, hún gæti kveikt í enn einu evrulandinu í viðbót, til dæmis í Ítalíu, og lækkað þannig gengi evrunnar svo að þýskir gámar hendist betur út úr höfninni í Hamborg. Já, og komið þannig til móts við brauðgengi Tyrklands í íslam. Hún gæti líka sett upp slæður að hætti Mogherini og flutt rússnesku loftvarnarbatteríin sem Erdogan (í NATO!) er að kaupa, með sér í töskunum til Ankara, fyrir hinn fangavörðinn hennar, hann Pútín, til að tryggja sér og þýskum þannig hita alla leið til páska

Þetta er að verða þungamiðjan í Evrópu. Ekki vegna þess að Tyrkland, Íran og Rússland séu kjarnarnir í Evrópusambandi Þýskalands. Nei nei. Heldur aðeins vegna þess að í kjarna Evrópu er ekkert, því þar er einungis svartholið Þýskaland í sínu peningapokalega singularity, og sem er sjálf þungamiðjan og sökkvaldurinn í Evrópu og víðar

Svo eru það hin þekktu fjögur skilyrði Bandaríkjanna fyrir titlinum gengisfalsari (e. currency manipulator) og sem sett voru í forsetatíð Obama. Þýskaland uppfyllir þau öll, með glans. Hvað skyldi Trump gera í því. Í síðustu viku tók hann spænskar ólífur fyrir. Þær eru niðurgreiddar með styrkjum frá Brussel. Tollur kom því á þær - og tollur mun sennilega brátt koma á þið vitið hvern, jú hina niðurgreiddu mynt Þýskalands, sem greidd er niður af örkumla löndum í evru

Fyrri færsla

Bandarískir fjölmiðlar í dauðadansi

Bandarískir fjölmiðlar í dauðadansi

Afkoma bandarískra dagblaða er nú svo slæm að þau gera örvæntingarfulla tilraun til að rétta búskap sinn við með því að ráðast í sameiningu að þjóðkjörnum forseta landsins. Upplag þeirra snarféll eftir að mörg virtustu dagblöð landsins háðu viðurstyggilega kosningabaráttu gegn Donald J. Trump, fyrir hönd Hillary Clinton og gengis hennar, sem lét Donna Brazile frá CNN leka fyrirfram spurningum til hennar fyrir sjónvarpskappræður við Trump. Svo brugðið var lesendum blaðanna í Bandaríkjunum, að ritstjórnir þeirra neyddust eftir kosningar til að senda út afsökunarbeiðnir til áskrifenda með loforði um bót og betrun. Kom í ljós 80 prósent kosningaumfjöllunar blaðanna þar sem greina mátti skoðun, beindist gegn Doland J. Trump, samkvæmt Harvard Kennedy School í fjölmiðlun

Upplag blaðanna féll úr 41 milljón eintökum fyrir forkosningar og niður í 33 milljón eintök eftir kosningar. Uppátæki þeirra í gær bendir til að niðurtúrinn sé yfirstandandi enn, bæði upplagslega og tekjulega séð. Eina efnahagslega von þeirra er Donald J. Trump. Blöðin virðast hafa gleymt því að  sjálfur líberalistinn þeirra, Franklin D. Roosevelt, reyndi að koma því í lög að gagnrýnar fréttir í hans garð yrðu gerðar refsiverðar. Það mistókst að sjálfsögðu, þökk sé stjórnarskrá Bandaríkjanna. En henni tókst þó ekki að koma í veg fyrir að Barack Obama léti dómsmálaráðuneytið njósna óviðeigandi og á laun um fréttamenn Associated Press og hlera James Rosen blaðamann Fox News. Obama sem talaði næstum aldrei sjálfur við fréttamenn blaðanna, lét sér bara nægja að svífa fram hjá þeim og segja swift, og var það kallað góð fréttamennska, af því að það var jú hann, þeirra maður. Donald J. Trump er greinilega ekki þeirra maður, því hann svífur hvorki hjá um háloftin blá né segir swift, heldur svarar spurningum þeira með svörum sem þeir þola ekki að heyra

Bandarísku blöðin eru reið yfir því að þeirra maður skyldi tapa kosningunum og að eini maðurinn úr röðum Repúblikana sem yfir höfuð gat unnið þær, skyldi einmitt sigra. Vanmáttarreiði þeirra kom svo út sem samhæfðir og prentaðir hefndar-leiðarar í dagblöðunum gær. Þessir fjölmiðlar eru nú valdalausir því enginn hlustar á þá lengur, nema efstu lög taparanna í embættum

Í tilefni aðfarar dagblaðanna að forseta Bandaríkjanna hefur verið minnst á ummæli Thomas Jeffersons um þær mundir er bandaríska stjórnarskráin var samþykkt 1787. Hann á þá að hafa sagt að hann vildi frekar lifa án ríkisstjórnar en dagblaða, yrði hann að velja. En þá var Thomas Jefferson í Frakklandi, sem betur fer fyrir Bandaríkin, því Jefferson var líberalisti og fyrirleit flest breskt og var aðdáandi úniversalistans John Locke, sem var kenningasmiður úniversal-sósíalisma líberalista sem rifu niður Frakkland

Íhaldsmennirnir Alexander Hamilton frá New York og James Madison frá Virginíu gátu því án Jeffersons og undir stjórn George Washington frá Virginíu lagt lokahönd á bandarísku stjórnarskránna, og búið svo um hnútana að hún kæmi í veg fyrir að Bandaríkin gætu orðið eins og Frakkland varð. Stjórnarskráin tók því lítið sem ekkert úr pólitískri heimspeki sósíalistans Locke, heldur kom stærsti hlutinn úr Gamla testamentinu í gegnum helstu Íhaldsmenn Englands á borð við John Selden og John Fortescue. Petition þeirra of Rights rann því beint inn í bandarísku stjórnarskránna ásamt öðrum tilvistarlega mikilvægum hugsunum Íhaldsmanna. Jefferson var þurrkaður út

Stuttu síðar þegar búið var að meina hluta frönsku þjóðarinnar að tilheyra henni, og fjarlægja hann úr þjóðinni með því að myrða hann, þá skrifaði Jefferson heim og sagðist frekar vilja sjá helming jarðar lagðan í rúst en að franska byltingin mistækist. Hún mistókst að sjálfsögðu svo hroðalega að Frakkland er nú misheppnað land þar sem stofnað hefur verið fimm lýðvelda, því úniversalismi byltingarinnar tortímdi því sem hægt var að byggja á, og á annan tug franskra stjórnarskráa hefur verið hent í ruslið. En án árangurs, því nú er rætt um enn eitt nýtt franskt lýðveldi, sökum þess hve misheppnað það fimmta er

Jefferson tókst því miður að koma í veg fyrir bandaríska þjóðkirkju að fyrirmynd þeirrar ensku, því það mál hafði af höfundum stjórnarskrárinnar verið sett í vald fylkjanna sjálfra eins og England hafði sína ensku þjóðkirkju og Skotar skosku þjóðkirkjuna, því Bandaríkin byggðu á kristni. Jefferson óð yfir þetta með túlkun sinni á Fyrstu stjórnaskrárbreytingunni sem gerð var 1791 og hélt því fram að hún hafnaði þjóðkirkju, sem er ekki rétt. Fylkin eru enn að melta það mál

Síðasta valdaránstilraun hersins í glundroðaríki líberalista í Frakklandi fór fram 1961. Enginn efast nokkru sinni um hollustu bandaríska hersins við stjórnarskrá Bandaríkjanna

Sú hollusta sást best í borgarstyrjöldinni 1861 til 1865, þar sem Abraham Lincoln eiðsvarinn forseti Bandaríkjanna varði stjórnarskránna með bandaríska hernum gegn uppreisnarmönnum í svo kölluðum suðurríkjum, sem héldu að þau gætu sagt sig úr Bandaríkjunum og stofnað nýtt ríkjasamband, sem hefði orðið eins og Evrópusambandið. Hálf milljón manna létu lífið. Ekkert fylki getur farið úr Bandaríkjunum því það er bandaríska þjóðin sem ein heild, sem er ósundrandi fullvalda þjóð undir Guði. Það þurfti því ekki að "innlima" uppreisnarríkin í Bandaríkin á ný eftir styrjöldina, því þau höfðu aldrei yfirgefið þau, einfaldlega vegna þess að slíkt er ekki hægt

Tengt: Ritgerð: Hvað er Íhaldsmaður og Íhaldsstefna?

Fyrri færsla

Íhaldsmenn sluppu við Kommúnisma-eitt og tvö

Íhaldsmenn sluppu við Kommúnisma-eitt og tvö

Kommúnismi-1 réði í loftslögum menntamanna í kringum aldamótin 1900. Hann átti að gera heiminn réttlátan og voru menntamenn vissir um sigur hans yfir fátækt og kúgun í heiminum. Alveg vissir. Handvissir. En hann endaði sem versta fátæktargildra mannkynssögunar í framkvæmd og abstraktsjón. Og hann endaði einnig sem heil úthöf full af blóði þeirra sem frelsa átti frá kúgun og fátækt. Þessi kommúnismi endaði með að drepa 100 milljón manns þegar hann var leystur af hólmi árið 1990

Kommúnismi-2 er alþjóðavæðingin (abstrakt útópía í anda Kommúnisma-1) og svo kölluð "frjáls-viðskipti" (afskræmd abstraktsjón). Sú útópía hófst þar sem útópía númer eitt endaði. Hún átti einnig að gera heiminn frjálsan og réttlátan og voru ákafir menntamenn handvissir um sigur hans yfir fátækt og kúgun í heiminum. Sérstaklega ef svo kölluð "frjáls viðskipti" réðu för. Alþjóðavæðingin og hin "frjálsu viðskipti" byggjast einnig á því að láta aðra borga og blæða. Og þannig viðskipti hafa ekkert með upprunalegu kenninguna um frjáls viðskipti að gera, en sú kenning byggist á jafnvægi. Þetta segir til dæmis skákmaðurinn Peter Thiel sem stofnaði greiðsluþjónustuna PayPal. Og ef menn nenna ekki að hlusta á það sem Michael Pettis hefur að segja um "frjáls viðskipti", þá sjá brátt allir að hinir heyrnarskertu synda naktir

Þessi kommúnismi-2 lét lífið víða hér á jörð, og sérstaklega, skyldi maður ætla, hér á landi árið 2008. Nema kannski í forstokkuðum vested interest pörtum Sjálfstæðisflokksins, að sjálfsögðu. En þrátt fyrir brottför hinna forstokkuðu harðlínukomma-2 úr flokknum yfir í Viðreisn, þá er samt enn kropið of mikið við 1991-altarið enn, af gömlum en heilaþvegnum vana. Og menntamennin, já menntamennin, sem höfðu ekki snefils vit á Sovétríkjunum og hruni þeirra, né á því sem gerðist frá 1991 til 2008 og vita ekki enn, halda enn kommamessur-2 sínar í Valhöll og í útibúum Austur-Berlínar Reykjavíkur. Nú á að fá það menntalið sem vissi ekkert frá upphafi til enda hvaða böl ESB-aðild var og þýddi: og sem vissi ekkert um hvaða og hvers konar böl EMU var og þýddi (peningapólitískt myntbandalag ESB og lokafasi hins örkumlandi ERM): og sem vissi ekkert um hvaða böl alþjóðavædd banka- og fjármálabóla var og þýddi: og sem vissi bara alls ekkert um hvaða böl Icesave var og þýddi, en sem mælti samt með þessu öllu og hótaði Norður-Kóeru og Kúbu ef þjóðin gengi ekki fyrir kommabjörg þeirra: já nú á að láta þetta uppblásna fólk úr sinni eigin örorkuskapandi menntabólu -sem er jú orðin dýrasta bóla sem Vesturlönd hafa mátt bæði þola og fjármagna- já nú á að láta þetta fólk segja íslensku þjóðinni hvað hún á að hugsa um síðasta tilbrigðið úr töfraflautum menntamanna, nefnilega hinn þriðja orkumálapakka ESB-pakksins í Brussel: ACER!

Að enn skuli ekki kvikna tært og sýnilegt vitavarðarljós á perum neins staðar í Valhöll, sýnir okkur það, að þá höll þarf brátt að gasa með svo þykkum taðreyk að ilmurinn hverfi þaðan aldrei, því sá gamli er greinilega horfinn og nýkommafýlan sest þar föst

Sért þú hins vegar Íhaldsmaður, þá komstu hjá því já, og slappst við það já, að láta bæði kommúnisma eitt og tvö bora út á þér hausinn. Kerlingabókunum í Sjálfstæðisflokknum þurfa flokksmenn að kveikja í, eða tortímast ella. Þessi dauðhættulegi divergens frá edrú upphafinu, gengur ekki lengur

Gunnar er Íhaldsmaður í Sjálfstæðisflokknum 

Fyrri færsla

Tíu ár liðin frá gjaldþroti sérfræðinnar 2008

Tíu ár liðin frá gjaldþroti sérfræðinnar 2008

Mynd: Lesa hér. Horfa: Pettis hafði rétt fyrir sér um Kína á meðan allir aðrir höfðu rangt fyrir sér

****

Fyrir rétt rúmlega 10 árum síðan, þann 7. ágúst 2008, réðst Rússland inn í Georgíu. Sex vikum síðar féll Lehmans-bræðra bankinn. Þessir tveir atburðir mörkuðu endalok þess heims sem varð til í kjölfar Síðari heimsstyrjaldarinnar. Frjáls verslun hafði ekki gert heiminn öruggan og sérfræðingar klesstu alþjóðavæddum heiminum með sölu á hlutum sem þeir vissu ekkert um og sem reyndust loft. Þeir reyndust ekki vera sérfræðingar

Sameinuðu þjóðirnar og alþjóðastofnanir höfðu heldur ekki komið í veg fyrir þessi endalok, heldur þvert á móti stuðlað að þeim. Evrópusambandið hafði heldur ekki komið í veg fyrir neitt, heldur aðeins gert Evrópu verri en hún var

Áratuga "frjáls viðskipti" höfðu ekki læknað heiminn og allur sá ofboðslegi massi fólks sem naut ekki góðs af þeim, sat mun verra eftir í sínu og leiddist biðin eftir árangrinum, á meðan hinir fáu böðuðu sig í fossandi alþjóðapeningum í vissum hverfum vissra stórborga heimsins

Kína hafði ekki breyst úr vondu í gott við allt það sem að þeim var rétt úr vösum hinna mörgu sem biðu svo lengi eftir kraftaverkum frjálsra viðskipta, fastir á fjóshaugum Vesturlanda. Kína varð einungis að hættulegu einræðisríki með vindil

Sérfræðingarnir héldu að Rússland væri að eilífu hætt að hugsa um þjóðarhagsmuni sína - og þeir yfirtóku NATO. En Rússland mætti aftur til sögunnar, þrátt fyrir ESB-skriffinna NATO

Bændur urðu lægst launaða stétt Vesturlanda á þessu tímabili "frjálsra viðskipta" á meðan sérfræðingarnir skófluðu í sig

Já það er nú það. Kristian Thulesen Dahl, formaður danska Þjóðarflokksins, sem er næst stærsti stjórnmálaflokkur Danmerkur, sagði því á flokkssamkomu á miðvikudaginn að Danmörk ætti ekki að segja sig úr Evrópusambandinu alveg strax. "Við leggjum ekki til útgöngu fyrr en að valkostur við ESB-aðild liggur fyrir. En strax og Bretland er komið út, þá er sá valkostur fyrir hendi", sagði hann

Ungverjaland tók í sömu vikunni ákvörðun um að hætta fjármögnun á "kynjafræðum" í háskólum landsins. Þær námsgreinar verða því aflagðar í ungverskum háskólum. "Háskólapróf eiga að byggja á vísindum. Kynjafræði snúast meira um Marx-Lenínisma og álíka hugmyndafræði en um vísindi", sagði Bence Rétvári í mannauðsráðuneyti Ungverjalands. En þau "fræði" þekkja Ungverjar allt of vel frá fyrri tíð svartra sovéskra fræða

Nú er sem sagt eftirstríðs-heimurinn liðinn undir lok, og miklar breytingar eru nú þegar að eiga sér stað, - og enn meiri eru jafnframt í vændum. Aldir Íhaldsmanna eru líklega að renna upp á ný og leiðir Líberalista og Íhaldsmanna eru skilja. Þeir voru aldrei eitt og sama stjórnmálaaflið, þó svo að þeir snéru bökum saman í baráttunni við alræðisöfl tuttugustu aldar

Gunnar er Íhaldsmaður í Sjálfstæðisflokknum  

Fyrri færsla

Gengisfall í evru-Evrópu og nágrenni

Gengisfall í evru-Evrópu og nágrenni

Benedikt evru-Bimbo verður varla hress í dag. Tyrkneska líran hefur dregið evruna hans niður um rúmlega eitt prósent í andrá dagsins, því líran er fallin um 17 prósent í dag. Þýskir gíslar í evrulandi komast þá ekki til Íslands í ár né heldur á þeim næstu, því gjaldmiðill þeirra er evran sem stöðvar hér enn frekar innflutning á íslenskri ferðaþjónustu til þýskra gísla evrulands, sem hafa ekki efni á neinu, því raun-kaupmáttur þeirra hefur ekkert lagast í 18 ár, þökk sé evru

Bankar evrulands fóru líka á samstundis-hálfhvolf í dag og seðlabankastjóri ECB-aukaseðlabanka Þýskalands hefur áhyggjur af smitum á hina nú þegar fárveiku stórbanka evrulanda. Þannig hrundi Deutsche Bank um rúm fimm prósent í einum grænum og frönsku stórbankarnir tveir um BNP-fjögur prósent og SOC um þrjú prósent. Hið þýska útibú Akbank, sem er stærsti banki Tyrklands, hrundi um 23 prósent í Frankfurt dag. Svo koma Spánarbankar og evrustórslys Ítalíu eftir helgi og hella glóandi hömsum út á evrusteypuna, sem er réttur dagsins alla daga, því með þýskan ritvéla-gjaldmiðil hefur aðeins yfirstéttin efni á ekta saltfisk. Bilbao-bankinn og UniCredit gáfu mínus fimm til sex prósent tóninn í dag

Bimbo-evra Benedikts grefur undan ferðaþjónustuútgerð á Íslandi í takt við upplausn Evrópusambandsins. Evran er nú fallin um tæp 30 prósent gagnvart Bandaríkjadal, frá því að fjármálabóla ECB-aukaseðlabanka Þýskalands fyllti öll bakherbergi evrusvæðis af reyk, og setti á svið 100 þátta neyðarfundarseríu fyrir það vonlitla fólk sem búa þarf við gerspillt stjórnarfar Evrópusambandsins og evru, þar sem engin gengis-skóstærð evru passar neinum, nema hinu uber-útflutningsháða óðaöldrunarhagkerfi Þýskalands

Fyrri færsla

Tuttugu og þrjú ár síðan að fyrsta internet-fyrirtækið var skráð á markað

Tuttugu og þrjú ár síðan að fyrsta internet-fyrirtækið var skráð á markað

Í dag eru 23 ár liðin frá því að fyrsta internet-fyrirtækið var skráð á markað sem almenningshlutafélag. Það var fyrirtækið Netscape Communications sem þá var 16 mánaða gamalt. Verð eins eignarhluta var 28 dalir. Hluturinn fékkst keyptur eða seldur í Nasdaq-hlutabréfaversluninni. Verðlagningargata Bandaríkjanna sér um verðskrár slíkra verslana og heitir hún Wall Street

Bandaríkin hafa umbylt heiminum einu sinni enn og eru nú í gangi með aðra umskipun. Hún gengur út á að sparka útidyrunum aftur í hurðagöt heimsins, sem hangir að mestu á herðum Bandaríkjanna. Bara Bandaríkin geta slíkt sovétstopp

Á meðan hefur Evrópusambandið svo gott sem dottið úr sambandi við heiminn. Sést táknmynd algerrar stöðnunar Evrópu best á beinagrindasafninu Deutsche Bank, sem er ári eldri en sjálft Þýskaland. Flest í Þýskalandi ætti með réttu og fyrir löngu að vera orðið gjaldþrota vegna nýjunga. En þær verða bara ekki til í elítuvæddum fyrirbærum á borð við ESB. Þar má ekkert nýtt gerast sem stuðlað getur að því að ritvélaiðnaður ESB-elíta svitni. Evrópusambandið er enn sem komið er frekar mjúk útgáfa af sovétríki. En það mun breytast því  sambandið getur aðeins valið um að forherðast enn frekar eða deyja

Fyrri færsla

Blað (möl)brotið í sögu kínverska hersins

Blað (möl)brotið í sögu kínverska hersins

Xi Kínaforseti (möl)braut blað í sögu kínverska hersins þann 1. ágúst síðastliðinn, með því að neita að tilnefna nýja hershöfðingja úr röðum liðsafla hersins. Hann þorir ekki að taka áhættuna á að útnefna nýja hershöfðingja, því óvíst er um tryggð lægra settra manna við einræðisherrann Xi. Kínverski herinn er, eins og ég hef áður bent á, fyrst og fremst lífvöður kommúnistaflokksins gegn fólkinu í landinu

Stjórnarfar þar sem líf hins pólitíska höfuðs landsins veltur á tryggð hersins, er öskuhaugamatur. Herinn er fyrst og fremst grunnstofnun þjóðríkis borgaranna, eins og lögregla, en ekki búlla einstaklinga

Þá vitið þið það. Kína er búlla kommúnistaflokksins og lífvöður búllunnar er herinn. En það vissu íslensk stjórnvöld að sjálfsögðu er þau gerðu fríverslunarsamning við búllu og gengu í fjárfestingar-svindlnúmer búllu sem kallast AIIB. Er íslenska utandíkisráðuneytið kannski búlla líka?

Þegar á reynir mun kínverski herinn að sjálfsögðu ekki virka neitt öðruvísi en búlla

Fyrri færsla

Pólland spyr hvort að þetta sé rétt

Pólland spyr hvort að þetta sé rétt

Utanríkisráðherra Póllands hefur spurt þeirrar spurningar hvort að Evrópusambandið ætli virkilega að koma í veg fyrir útgöngusamkomulag við Stóra-Bretland vegna Írlands. Afstaða Póllands til þessa máls mótast af sögulegri vináttu við Bretland og hins gamla bandalags ríkjanna gegn Þýskalandi í Síðari heimsstyrjöldinni, þar sem tapararnir drápu 75 prósent af þeim tæplega 70 milljón manns sem létu lífið og 80 prósent þeirra voru óbreyttir borgarar. Þar reyndist Þýskaland Evrópu ver en Svarti dauði, því það knúði fram meira mannfalli en hann. Segja má að Þýskaland sé að því leytinu versta plága sem herjað hefur á mannkynið. En svo tóku Sovétríkin og Kína við drápskeflinu, en þó að mestu innvortis, með drápum á sínu eigin fólki. Gordon A. Craig hefur útskýrt þetta dapurlega fyrirbæri mannkynssögunnar með því að sameining og myndun Þýskalands 1871 hafi verið afskræming, eða afmyndun. Ef til vill eins og myndun Evrópusambandsins er að virka fyrir álfuna og efnahagsmál heimsins í dag? Það gæti vel hugsast

Andúðarafstaða Þýskalands til Póllands mótast af ágirndarvináttu við Rússland, því þar er Pólland fleygur á milli og strategískur vinur Bandaríkjanna. Afstaða Þýskalands til Írlands mótast af vináttu Írlands við Þýskaland í Síðari heimsstyrjöldinni, gegn Bretum, þar sem Írar veittu þýskum kafbátum skjól. De Valera þriðji forseti Írlands ritaði þannig forsetanafn sitt og samúðarkveðjur til Þýskalands vegna dauða Adolfs Hitlers kanslara í kveðjubók þýska sendiráðsins í Dyflinni í apríl 1945

Bretland og Pólland hafa nú gert með sér nýtt samkomulag á sviði varnarmála. Evrópa virðist enn geta treyst því að leiðtogar Þýskalands taki flestar rangar ákvarðanir fyrir álfuna sem það hefur ekkert umboð frá, og sem þegar bitna illþyrmilega á henni, sérstaklega í suðri, þar sem Grikkland er nú til sýnis sem versta efnahagslega örkumlað land í hagsögu síðustu nokkur hundruð ára. Fjórðungur gríska hagkerfisins er horfinn í þýskt hannaðri evruárás á landið

Kínverska lögreglan var send inn í fjármálahverfi Pekings til að bæla niður óeirðir vegna gjaldþrota lánafyrirtækja þar sem fjöldi fjölskyldna tapar aleigunni. Skothríð var einnig í þarsíðustu viku nálægt aðalstöðvum kínverska kommúnistaforsetans. Kínverska myntin heldur áfram að falla þrátt fyrir aðgerðir seðlabankans. Sumarráðsefna kommúnistafokksins í Beidaihe mun ekki verða fagnaðarfundur, því kínverski forsetinn er ekki lengur fastur í sessi og elíta hans óttast um hag sinn í landinu sem hún rændi frá þjóðinni

Seðlabankastjóri Írans hefur nú verið fangelsaður og ásakaður um gengis- og gjaldmiðlafúsk. Gengi ríal fellur mikið og verðbólga sækir á

Fyrrverandi Sovétaðdáandi íslenskra vinstrimanna, en nú málaður grænn, ritar andúðargrein á þjóðríki Gyðinga í Ísrael í Morgunblaðinu í dag

Fyrri færsla

Af hverju er sífellt verið að tala um loftárásir Bandamanna?

Af hverju er sífellt verið að tala um loftárásir Bandamanna?

Af hverju eru fjölmiðlar endalaust að tala um einmitt þessar loftárásir sem Bandamenn stóðu fyrir og svo það sem gerðist í Hirosima og Nagasaki? Það er eins og að menn séu að reyna að snúa sögunni á hvolf og búa til eins konar fjarvistarsönnun fyrir þá sem stóðu fyrir þessum ósköpum. Þetta fólk -tapararnir- stóð fyrir 75 prósent af því mannfalli sem varð í Síðari heimsstyrjöldinni, þar sem það var á við samanlagt mannfall í styrjaldarsögu síðustu 300 ára þar á undan

Tapararnir: Þjóðverjar, Japanir og öxulveldin drápu sem sagt 75 prósent af þeim tæplega 70 milljón manns sem létu lífið í Síðari heimsstyrjöldinni. Tuttugu og sjö þúsund manns misstu lífið að meðaltali á dag. Af hverju er verið að vorkenna þessu fólki svona hina síðustu marga áratugi? Er verið að reyna að snúa sögunni á hvolf? Er verið að reyna að koma vonda-stimplinum yfir á Bandamenn, sigurvegarana? Frelsarana sjálfa!

Og ekki nóg með það, þá voru 80 prósent þeirra sem féllu í heimsstyrjöldinni sem þetta fólk stóð fyrir, óbreyttir borgarar. Japanir drápu sjö sinnum fleira fólk en þeir misstu, sem er ótrúlegt hlutfall þegar um tapara er að ræða. Og nú eru menn byrjaðir að impra á þýskum kjarnorkuvopnum í Þýskalandi. Og Þýskaland er þegar orðið það land í Evrópu þar sem andúð eða jafnvel hatur á Bandaríkjunum mælist hve mest. Hvað er að?

Það sem Þýskaland stóð fyrir í Evrópu var verra en Svarti dauði fyrir álfuna. Mannfallið var meira. Og þökk sé Evrópusambandinu, hefur Þýskaland nú sest ofan á meginland álfunnar og er byrjað að kúga það, einu sinni enn. Svo virðist sem fólk hafi almennt misst áttavitann sinn. Hvorki Hitler né Stalín stóðu í sláturiðnaði á þjóðunum einhentir. Almennir Þjóðverjar vissu nákvæmlega hvað var að gerast í Evrópu undir stjórn Hitlers, en aðhöfðust ekkert. Alveg eins og þeir aðhafast ekkert núna, þegar Þýskaland er að ganga frá Suður-Evrópu, efnahagslega séð, og hafa nú þegar kálað Grikklandi. Sameining Þýskalands er greinilega misheppnuð í þessu tilliti og Gyðingahatur víða í Evrópu er á hraðri uppleið á ný

Hvað með að segja sögu þeirra sem stöðvuðu þetta helvíti. Og hvað með að segja söguna eins og hún er. Það er gott að fá hér persónulega sögu af málinu og henni fagna ég, en stóra myndin verður samt ávallt að vera heiðskýr og klár. Það virðist hún því miður ekki vera lengur, hjá mörgum þeim sem fjalla um söguna í dag, því svo margir eru hættir að þola sannleikann og segja hann því ekki eins og hann er. Aðvörunarljósin blikka því á ný. Fælnimáttur sannleikans dvínar hratt, því honum þarf að viðhalda og efla, en það er ekki gert. Evrópa er því byrjuð að springa í loft upp á ný

Fyrri færsla

Google breytist úr vondu í verst. En hvað með xD og VG ?

Martröð í mörg ár á eftir

Google breytist úr vondu í verst. En hvað með xD og VG ?

Mynd U.S. EIA: Hráolíuútflutningur Bandaríkjanna í maí 2018 var rúmar tvær milljón tunnur á dag, samkvæmt tölum EIA

****

Þeir furðufuglar sem stýra dílastafrænum iðnaðarfyrirtækjum á borð við Google og Facebook virðast ekki hafa alist upp sem menn, heldur sem fáráðlingar

Stofnsáttmáli Google samsteypunnar átti að heita þessi: "ekki verða illt fyrirtæki" (e. Dont be Evil). Sú afsökun var notuð þegar fyrirtækið neitaði að aðstoða bandaríska varnarmálaráðuneytið í sambandi við þróun á flygildum til landvarna. En nú er Google hins vegar orðið svo aðframkomið af útópískri góðmennsku að það ætlar að aðstoða kínverska kommúnistaflokkinn við ritskoðun í Kína. Google er að þróa leitarvél fyrir Kínamarkað sem uppfyllir kúgunarritstjórn kommaliðsins yfir 1500 milljón manns

Þetta er ef til vill í boðskaps-anda greinar flokksfélaga míns í Sjálfstæðisflokknum, Vilhjálms Bjarnasonar þingmanns flokksins, sem leggur fram hrunda spilaborg glóballaristanna í flokknum í grein sinni í Morgunblaðinu í dag

Það eina sem glóbalistunum virðist heilagt, er "frjálst" þrælahald á milli landa, útblæðing millistéttar með því að flytja afkomugrunn og vogarstangarafl hennar í kjaramálum burt úr þjóðríkinu, og síðan frjálst flæði peninga glóballaristanna á milli landa, sem svo í framhaldinu skattpína þegna sína inn í dauða millistéttarinnar, sem aldrei fyrr, svo að starfshópurinn sem embættismannaveldið tilheyrir geti haldið áfram að ríða á bökum fórnarlambanna, sem er þjóðin

Mynd: Frá innsetningarathöfn Donalds J. Trump í forsetaembættið. Þegar forsetinn og Steve Bannon voru að undirbúa athöfnina nóttina áður, þá langaði þeim mest að Trump myndi snúa öfugt svo hann gæti þrumað ræðu sína yfir valda- og glóbalista-elítum Bandaríkjanna, sem sitja að baki hans, er hann ávarpaði þjóðina. En það var ekki gert. Forsetinn snéri fram. Að vera elítuisti og blankur, eða hins vegar vinur litla mannsins og fossríkur, er hvorki mótsagnakennt né nýtt í sögunni. Slík viðhorf eru oftar en ekki óháð efnahag

****

Frjáls viðskipti eru ekki til og þau hafa aldrei verið frjáls, því annars myndu þingmenn á borð við þennan fást í innfluttum kippum frá láglaunalöndum á einum fimmtugasta af launum þeirra sjálfra í dag, og ritstjórar fjölmiðla og DDRÚV myndu þá einnig flytjast inn á sömu kjörum, eða á borð við kjör þeirra innfluttu þræla sem þjóna ferðamönnum á Íslandi í dag, og sem byggja hér hús yfir þingmenn og halda verðbólgunni niðri, því án innfluttra þræla væri hún hærri, þ.e.a.s eðlileg, miðað við hita hagkerfisins

Þú ert kominn fram yfir síðasta söludag með þennan málflutning, kæri þingmaður Sjálfstæðisflokksins, því þið glóballaristarnir sprengduð eftirstríðs-heiminn í loft upp á árunum 1991-2008. Ykkur var ekki treystandi. Þið vissuð ekki hvað þið voruð að gera. Og nú er Donald J. Trump að slá á putta ykkar, því þeir urðu einfaldlega of langir og heimskir af sérfræði. Ykkur er illa við hann, því hann er í kjarabaráttu fyrir hönd þjóðarinnar. Viðskiptastríð eru kjarabarátta. Þar er enginn munur á

Og bara svona til að segja það, þá er 180 prósent skráningargjald ofan á FOB-verð á innfluttar bifreiðar, eins og er í Danmörku, ekki frjáls viðskipti þó svo að tollar á þeim séu lágir. Þetta virðist vera sú braut sem ríkisstjórn ykkar er að steypa hér um þessar mundir: gjöld gjöld gjöld og meiri gjöld. Ég þakka því Donald J. Trump fyrir að bregðast við, því aðeins Bandaríkin geta bjargað alþjóðaviðskiptum og sambúð þjóða áður en þau leggja Vesturlönd að velli

Gunnar er Íhaldsmaður í Sjálfstæðisflokkunum 

Fyrri færsla

Kjarnorkuvopnað Þýskaland?

Kjarnorkuvopnað Þýskaland?

Christian Hacke er þýskur pólitískur spekingur með langan og mikinn feril í þjóðaröryggismálum Þýskalands og utanríkisstefnu. En samt heldur hann að Evrópa sé nafli heimsins og segir að Bandaríkin séu "einangrunarsinnuð" - á sama tíma og ekkert þróað ríki heimsins er eins einangrunarsinnað og Þýskaland. Og þar sem Hacke lifir í miðjum nafla heimsins, sem er þýskt-barnlaus með stálhring en engum streng, þá veit hann ekki að Bandaríkinu voru heldur betur að skipta sér að málunum 1920+ og 1930+ í bæði Asíu og á Kyrrahafi, þar sem þau studdu Kínverja gegn Japan með því að senda til dæmis skip og flugvélar, settu Japan í flotakví eftir innrás þess í Indókína og reyndu að hindra japönsku útþensluna. Bandaríkin neituðu hins vegar að láta draga sig inn í hinn þýska einangraða nafla-heim Hacke, því Evrópa er ekki heimurinn og landamæradeilur hennar urðu ekki að heimsstyrjöld fyrr en 1941

Ekkert ríki Evrópu hatar Bandaríkin eins mikið og Þýskaland gerir í dag. Þess vegna kennir það Bandaríkjunum um, en er samt á framfærslu þeirra. Bandaríki Norður-Ameríku hafa aldrei verið einangrunarsinnuð og þau eru það heldur ekki í dag, því annars væri Þýskaland komið í vasa Rússlands því Bandaríkin verja það í austri í Póllandi og Rúmeníu, halda siglingaleiðum þess um heimshöfin opnum, eru kýlandi niður Norður-Kóreu án þess að til stríðs komi, og verndandi Japan og Suður-Kóreu, og við skulum ekki tala um allt annað sem Bandaríkin bera á sínum herðum, einsömul, með Þýskaland hangandi sem óábyrgan og hættulegan skemmdarvarg um háls sér í NATO. Án Bandaríkjanna væri Þýskaland bæði bensínlaust og útflutningsstopp í dag. Á sama tíma getur Þýskaland ekkert og gerir ekkert, annað en að ryksuga og rukka heiminn um eftirspurn

Það sem er merkilegt við hinn þýska naflabúa Christian Hacke, er það að í nýrri grein í Cicero kemur hann með nýjar þjóðaröryggishugmyndir handa Þýskalandi og segir að tími sé kominn til að byrja að tala um þýsk kjarnorkuvopn handa Þýskalandi

Sjálfsmorðsveitir þýskra stjórnmálamanna fyrir opnum tjöldum liggja ekki á lausu og hafa aldrei gert, því þeir starfa á bak við tjöldin. Erfitt er að gera sér í hugarlund göngu þeirra upp að hinu pólitíska sjálfsmorðsaltari í þýska þinginu til að fyrirfara sér þar með opinberum tölum og tillögum um þýsk kjarnorkuvopn. Þeir munu því kjósa að fara með hugmyndir Hacke inn í hin hefðbundnu reykfylltu bakherbergi esb-hælisins, þar sem Grikklandi var banað á laun. Þýskaland mun svo nota komandi kjarnorkuvopn Evrópusambandsins á sama hátt og það notaði sambandið til að kála Grikklandi. Eitt og sér, hefði Þýskaland aldrei þorað að ganga þannig til verks gagnvart Grikklandi, og Suður-Evrópu, því það hefði einfaldlega ekki komst upp með það. Evrópusambandið er fjarvistarsönnum Þýskalands. Hana mun það nota að vild, til að ganga í skrokk á allri Evrópu, einu sinni enn. Enda er það einmitt það sem er að gerast

Svona er að hafa umboðslausan og ábyrgðarlausan staðgengil sér til einkaafnota og uppihalds, með hinu eina sanna falska vörumerki ESB, sem ræður för í öllu er varðar fjarvistarfölsun alls í Evrópu. Sambandið er og verður alltaf einungis elítu-persónuvernd embættis- og stjórnmálamanna gegn kjósendum. Næsti bær við mafíu

Fyrri færsla

Persónuvernd þingmanna gegn kjósendum