Leita í fréttum mbl.is

Bloggfærslur mánaðarins, mars 2009

Evruþátttaka lækkar lánshæfni Slóvakíu

Moody's Investor Service lækkar lánshæfnismat Slóvakíu

Það sem er athyglisvert við þessa lækkun á lánshæfni ríkissjóðs Slóvakíu er sú staðreynd að það eru einmitt langtímahorfurnar fyrir efnahag Slóvakíu sem hafa leitt til lækkunar á lánshæfnismatinu. Það gerðist nefnilega þann 1. janúar á þessu ári að Slóvakía tók upp evru sem sinn gjaldmiðil

 

Lesið allan pistilinn hér á vefsetri mínu

Evruþátttaka lækkar lánshæfni Slóvakíu 

 

 

Fyrri færsla:

Fréttir frá Danmörku: ESB mun koma og passa að fiskimið Íslands verði ekki eyðilögð af íslenskum sjómönnum og útgerðarmönnum

Forsíða þessarar bloggsíðu 


Fréttir frá Danmörku: ESB mun koma og passa að fiskimið Íslands verði ekki eyðilögð af íslenskum sjómönnum og útgerðarmönnum

ESB mun bjarga Íslandi 

ESB mun bjarga Íslandi 

Já kæru lesendur. Þetta er inntakið í frétt danska ríkisfjölmiðilsins, Danmarks Radio. Venjulega er blóðþrýstingur minn alveg ágætur. Ég mæli hann reglulega sjálfur, því þegar ég fer til læknis þá hækkar hann alltaf en lækkar svo aftur þegar ég er kominn út. Mín innri sál virðist ekki treysta læknum neitt sérstaklega vel, eða jafnvel hræðast þá góðu menn, enda fer ég aldrei til þeirra. En ég þorði samt ekki að athuga blóðþrýstinginn i mér eftir að hafa lesið þessa frétt. Svo í staðinn settist ég við takkaborðið með mína 110 þumalputta - sem einnig hafa innbyggða þroskaða meðfædda stafavíxlun og ásláttar glundroða - og sendi Danmarks Radio einn tölvupóst. Gerði þetta í staðinn fyrir að mæla mig eða reikna mig fram til þess að ég væri ókei

 <><><><> SÍMASKEYTI <><><><> 

Der er nye toner fra det konservative Selvstændighedsparti i Island. Partiet, der er Islands største oppositionsparti, er fortsat en indædt modstander af EU, men i forbindelse med finanskrisen, der har tvunget østaten i knæ, er Selvstændighedspartiet gået med til, at islændingene kan stemme om optagelse i EU.

 

<> ÚRFELLING Í SKEYTI <>

 

Men blandt andre fiskere og ansatte i fiskeindustrien er imod, og generelt var islændinge inden krisen skeptiske over for EU af frygt for, at Bruxelles ville gribe ind over for den islandske fiskeri- og energiindustri

 

<><><><> FULLT STOPP <><><><>

 

Fréttin segir að sjálfur Sjálfstæðisflokkurinn hafi haldið ársfund og þar hafi komið fram nýjir tónar sem hljóma þannig að sjálfur Sjálfstæðisflokkurinn á Íslandi gangi með til þess að halda þjóðaratkvæða greiðslu(r) um að afnema fullveldið og lýðræðið á Íslandi. Þannig að landið sem ber nafnið Ísland, sem varð fullvalda ríki fyrir aðeins 65 árum, geti átt það á hættu að verða afnumið sem sjálfstætt og fullvalda ríki. Að hægt verði að kjósa (reikna) um að afnema fullveldi og lýðræði á Íslandi. En verður þá nokkurn tíma hægt að fá það aftur spyr ég? Það virðist nefnilega ekki gerast annarsstaðar. Ef einusinni er kosið undan sér fullveldið og lýðræðið þá virðist það ekki koma aftur til baka. Samanber þá nýju stjórnarskrá sem er verið að þvinga ofaní 500 milljón manns í ESB, í heildsölu

Svo verður þessum 500 milljón manns smá saman gefir kostur á að kjósa sig til auðæfa hvors annars. Kjósa sig til auðæfa þinna. Sagan segir okkur nefnilega að allsstaðar þar sem kjósendum er gefinn kostur á því að kjósa sig til auðæfa annarra, þar mun þeir einmitt gera það. Svona gufa auðæfin smá saman upp, þ.e.a.s ef þú þá átt einhver auðæfi eða auðlindir. Þetta gerist að sjálfsögðu ekki í einum grænum hvelli, en það mun samt gerast. Tönn fyrir tönn, atkvæðaseðil fyrir atkvæðaseðil - 20 ár, 50 ár, 100 ár, 150 ár, já þá er jöfnunin á auðæfunum um garð gengin og þá verður nú allt gott (sjá: Málefni Nýfundnalands)  

Rúsínan  

En rúsínan í trollenda fréttarinnar er enginn venjulegur fréttafiskur. Ekki einusinni flugfiskur í skötulíki eða í smjörlíkisljóma og heldur ekki einu sinni í Saxbauta, ef forstjórinn skyldi nú koma óvænt í heimsókn um borð í dallinn. Nei í þessari veiðiferð fréttamanna Danmarks Radio - sem pr. ríkishefð örlátra skattgreiðenda hér í landi veita 3.000 mönnum þess atvinnu - og sem næstum allir eru villuráfandi ríkis-íhaldsmenn, vinstrisinnaðir hálfkommar, ESB-sósíal-demó-kratar og álíka - þá kemur hinn raunverulegi boðskapur fréttarinnar fram. Hann blasir við þeim sem skilja hið skrifaða mál. Boðskapur fréttarinnar er nefnilega sá að íslenskir sjómenn og útgerðarmenn eru hræddir við að ganga í ESB vegna þess að þá myndi hið algóða ESB koma og passa uppá að þeir gætu ekki haldið áfram að eyðilegga fiskimiðin og fiskistofnana í fiskilögsögu Íslands

Já kæru lesendur, þarna hafið þið það. Auðvitað mun ESB koma og bjarga fiskimiðunum við Ísland. Bjarga þeim frá Íslendingum. Frá eyðileggingu Íslendinga. Því auðvitað hefur ESB bjargað Evrópu frá sjálfri sér. Það hljóta allir að sjá sem lesa, heyra og sjá fjölmiðla á borð við Danmarks Radio og Risa Ríkisútgerðar Ríkisútvarp Íslands (RRRUV). Skoðið bara hin glæsilegu fiskimið í núverandi fiskilögsögu ESB, hún er stútfull af spriklandi ekkifisk. Svo vel hefur ESB passað uppá þessar auðlindir hér 

Interflug til himnaríkis 

Ykkur verður bjargað 

Þá vitið þið þetta kæru Íslendingar. ESB mun koma og bjarga ykkur frá ykkur sjálfum. Þetta vita að minnsta kosti næstum allir hér í Evrópusambandinu, þar sem ég bý. Það er m.a vegna þess að miklir villuráfandi miðjumenn, sósíal-demó-kratar og miklir ESB-sinnar í þessu einsflokka alríki ESB segjast heldur vilja rökræða við nazista en rökræða við okkur sem viljum ekki ESB. Já, þetta sagði fyrrverandi Moskvu fréttaritari Danmarks Ríkis Radio, Poul F. Hansen. Hann hefur þó reynt að afsakað þetta núna. En hann er núna í framboði til þings Evrópusambandsins, hvað annað? Í framboði fyrir þá sem kalla sig Venstre hér en þykjast samt ennþá vera eitthvað smávegis til hægri. En já, þetta passar svosum mjög vel því nazistar voru jú sósíalistar. Þeir þjóðnýttu bara þegnana en ekki atvinnutækin. Svo tóku þeir aðalinn af lífi og slátruðu Gyðingum í leiðinni. Mörgum milljónum. Svo auðvitað vilja svona menn heldur tala við þá en við okkur sem erum á móti Evrópusambandinu (EU-modstandere værre end nazister)

En já. Það er svona sem sannleikurinn verður til. Fyrst er hann búinn til inná ríkisveitum á borð við Danmarks Radio, Risa Ríkisútgerð Ríkisútvarps Íslands og BBC. Svo er honum pakkað inn og hann er sendur inn í stofuna til þín þar sem hann fer inn um hornhimnurnar tvær sem sitja ofarlega á andliti þínu. Svo festist hann inni í hausnum á þér, þ.e.a.s ef hann fær að fara þangað inn nógu oft. Þetta eru sterk vopn. Þau eru svo sterkt að miklir sósíal-íhalds-demó-kratar vilja heldur rökræða við nazista heldur en við okkur sem viljum ekki Evrópusambandið. Þetta virkar. Just plain works!

Elta peningana 

En þetta er svo sem ekkert undarlegt því það fjármagn sem Evrópusambandið hefur til umráða við að heilaþvo þá sem sitja inni á fréttastofum og búa til raunveruleikann fyrir okkur er svo mikið að það er meira og betra en þeir fjármunir sem risafyrirtækið Coca Cola notar í öllum heiminum á hverju ári (ESB eyðir tveim miljöðrum punda í áróður fyrir eigin ágæti - á hverju ári!). Fjármunir til að markaðsfæra vörur sínar og fyrirtækið sjálft. Mikill er máttur peninganna og þeim á Evrópusambandið nóg af. Sand af þeim. Þeir koma frá þér. Frá skattgreiðendum sjálfum. Vissir þú að þú sjálfur fjármagnar Evrópusambandið? Þetta er svona já. Get ég ekki fengið svona peningavél?

En hvað sem öllu líður þá þurfa Íslendingar ekkert að óttast. Evrópusambandið mun koma og bjarga ykkur. Það segir DR.DK, svo það hlýtur að vera rétt. Sjálfstæðisflokkurinn virðist ætla að aðstoða ESB við þessa björgunaraðgerð. Eða er þetta einhver misskilningur hjá mér? Eru það bara erlendir fréttamenn sem eru að flækja sig í steinullinni sem er að vaxa á haus Sjálfstæðisflokksins núna? Eða er reiknivélin kanski biluð. Eða er þetta allt saman einn stór misskilningur? Getur það hugsast?

Skeyti sent í höll sannleikans - í moðull og físmoll

En allavega, þá sendi ég blaðamanni Danmarks Radio tölvupóst og reyndi að útskýra þetta með sjómennina og útgerðarmennina, það gat ég þó, því það er mjög auðvelt. Ef einhversstaðar eru til sjálfbær gjöful fiskimið ennþá, þá eru þau við Ísland og það er Íslendingum sjálfum að þakka. Þetta er ekki svona í ESB og það er svo sannarlega ESB að þakka. Það væri sem sagt ryksuga ESB sem íslenskir sjómenn og útgerðarmenn óttuðust. Ekki öfugt.

En það var öllu verra með E-málefni Sjálfstæðisflokksins. Ég vona að mér hafi tekist að útskýra e-málefni flokksins á mannamáli því ekki getur Sjálfstæðisflokkurinn útskýrt þau sjálfur á mannamáli. En eigum við ekki barasta að treysta því að Danmarks Radio fari með rétt mál? Það er bara það að eftir 25 ára búsetu í Danmörku þá veit ég betur en svo. Þeir búa jú til raunverulekann samkvæmt sínu pólitíska landakorti. Hann hlýtur bara að vera "réttur". Það þarf bara að segja raunverulekann nógu oft. En ef hann er ekki réttur þá er bara að kjósa og kjósa hann þangað til hann verður réttur. Tra la la. Reikna og reikna, þá veður allt gott

En svo er það atkvæðið dýrmæta - á meðan það hefur eitthvað að segja   

Svo hvar á ég að kasta atkvæði mínu núna? Þetta var ekki neitt vandamál fyrir mig hér áður fyrr. Ég kaus Sjálfstæðisflokkinn. En hvað gerir Gunnar núna? Þarf ég að fara að læra reikna aftur? Þetta er orðið svo flókið - og það boðar venjulega aldrei neitt gott. Mér líkar illa við flækjur. Sérstaklega illa við opna enda, því maður veit ekki hvort það er morgunbirtan sem lýsir þarna fyrir endanum á jarðgöngunum - eða hvort það er ljósið frá öskrandi járnbrautarlest sem er að koma æðandi - og sem svo mun keyra yfir mann  

 

Fyrri færsla

Er Bretland ennþá sjálfstætt og fullvalda ríki?

Forsíða þessarar bloggsíðu 


Er Bretland ennþá sjálfstætt og fullvalda ríki?

 

Bretland no longer an idependent state150 

Breska Bruges Group spyr:

Er Bretland ennþá sjálfstætt fullvalda ríki?

smellið og lesið pistilinn á vefsetri mínu www.tilveraniesb.net

Er Bretland ennþá sjálfstætt og fullvalda ríki? 

 

 

 

Fyrri færsla

Fyrrverandi seðlabankastjóri Belgíu: Engin leið út úr evru aftur án þjóðfélags- og efnahagslegs sjálfsmorðs 

Forsíða þessarar blogsíðu 


Engin leið út úr evru aftur án þjóðfélags- og efnahagslegs sjálfsmorðs

Yrði afleiðingin evruúrsagnar þjóðfélagslegt og efnahagslegt sjálfsmorð?

Evru handjárnin

Fyrrverandi seðlabankastjóri belgíska seðlabankans, Alfons Verplaetse, segir að við hönnun myntbandalags Evrópusambandsins hafi því alls ekki verið veitt nein athygli að lönd gætu sagt sig úr myntbandalaginu aftur - þ.e. að ríkin sem einusinni ganga í myntbandalagið gætu skilað evrunni sem gjaldmiðli ef þeim líkaði hún illa sem gjaldmiðill þjóðar sinnar. "Þetta var einfaldlega ekki rætt því allir vissu að það eitt að segja sig úr myntbandalaginu myndi þýða "þjóðfélagslegt og efnahagslegt sjálfsmorð" fyrir viðkomandi ríki (socio- economic suicide). Þetta var samhljóða skoðun allra þeirra sem stóðu að stofnun og hönnun myntbandalagsins, segir Verplaetse

<><><><> SÍMASKEYTI <><><><> 

Bloomberg: would be socio- economic suicide

When the euro was on the drawing board, “nobody” expected a bust like the current one, said Verplaetse, now an honorary governor, with an office at the central bank’s headquarters. “Even a year ago, I personally -- and I have a lot of experience -- I didn’t think what happened was possible. And I think we are not alone.” 

 

When asked to grade the ECB’s handling of the slump, Verplaetse simply applauded. Speaking a day before the bank cut its main rateto a record low of 1.5 percent, he said the ECB will stop before getting to zero. 

 

While that forecast reflects the market consensus, Verplaetse’s reasoning is different. The dominant force in the euro region, he said, continues to be the German postwar obsession with “stability” andlow inflation

 

“An interest rate of much lower than 2 percent for a long period of time is not possible,” Verplaetse said. “The Germans will not accept that.” 

 

<><><><> FULLT STOPP <><><><> 

Ekki ný ályktun

Í grein minni sem birtist í Þjóðmálum síðastliðið haust (Þrífst frelsið í faðmi ESB og evru?) kom ég einmitt inná þessa hluti því sumir óskhyggju- og draumóramenn á Íslandi hafa einmitt verið að halda því fram að það sé ekkert vandamál að taka upp evru því líki manni hún ekki þá sé ekkert mál að skila henni aftur. Þetta er því miður það vitsmunastig sem ESB og evruumræðan hefur að stórum hluta til verið á - á sjálfu Íslandi. Fæstir á Íslandi virðast gera sér grein fyrir að gjaldmiðlamál þjóða er næstum óendanlega miklu dýpra og flóknara mál en það virðist við fyrstu sýn. Það er einfaldlega ein af forendum sjálfstæðis og sjálfstæðrar tilveru fullvalda þjóða. Einn af hornsteinum fullveldis.

Einnig kemur það fram í viðtalinu við Verplaetse að seðlabaki Evrópusambandsins (ECB) mun ekki lækka vextina niður í núll eins og rétt væri að gera þegar verðhjöðnunarþrýstingur verður of mikill. "Þetta verður aldrei" segir Verplaetse því "Þjóðverjar munu aldrei leyfa það". Þá vitum við hver ræður í bankaráði ECB: Þjóðverjar, auðvitað, enda vissu það allir, en gleyma því þó oftast þegar þeir eru að störfum við að selja sjálfstæði Íslands í skiptum fyrir efnahagsleg handjárn á íslensku þjóðina - að eilífu.

En markaðurinn hugsar sitt

En engu að síður þá eru markaðsöflin farin að huga að skipbroti nokkurra þjóða í myntbandalaginu. Af þeirri ástæðu varar fyrrverandi seðlabankastjóri þýska seðlabankans, Karl Otto Pöhl (sat frá 1980–1991), við hættunni á að segja sig úr myntbandalaginu. Hann segir að gengi landa sem segja sig úr myntbandalaginu myndi falla um 50-60%.

En þá segir markaðurinn: þetta þýðir aðeins að fyrir þessar þjóðir þá er gengi evrunnar 50-60% of hátt metið, - og markaðurinn heldur því áfram að gera ráð fyrir því að sum lönd verði svo illa farin efnahagslega að þau kjósi að taka þeim hörmungum sem því mun fylgja heldur en að deyja þjóðfélagslegum og efnahagslegum dauða innan myntbandalagsins.

 

 Roger Helmer þingmaður á 10 ára afmæli myntbandalagsins

Móðir allra fjármálakreppna

Þær raddir hafa heyrst á Íslandi að ef gangi illa að bindast og taka upp evru sé alltaf hægt að hætta við hana aftur! Að segja sig úr myntbandalagi Evrópusambandsins er vissulega hægt í orði en nánast útilokað á borði. Úrsögn myndi krefjast langs undirbúnings. Heimili og fyrirtæki myndu gera ráð fyrir gengisfellingu þeirrar myntar sem myndi koma í stað evru. Þau myndu því einnig undirbúa sig vel og flytja bankainnistæður sínar yfir í banka í öðrum evrulöndum eða skipta innstæðum yfir í aðrar myntir. Fjárfestar skuldabréfa myndu skapa kreppu á skuldabréfamörkuðum og hin óskilvirka vél skuldatryggingaálaga myndi einnig fara í gang á ný. Allar alvarlegar umræður um úrsögn úr evru myndu alveg sjálfkrafa vekja ótta, og það ekki að ástæðulausu, um yfirvofandi gengisfellingu þjóðarmyntarinnar því með úrsögninni er verið að segja umheiminum að efnahagsstjórn undir evru hafi skaðað efnahag og efnahagsstjórnunarmöguleika landsins.

Það er ekki kostnaður, eins og stundum heyrist, sem væri vandamálið við úrsögn úr evru-myntbandalaginu heldur sú staðreynd að allir mundu gera ráð fyrir að úrsögnin hefði gengisfellingu í för með sér. Þetta blasir við. Þeir sem hyggjast segja sig úr myntbandalaginu vilja fá aftur fullan umráðarétt yfir eigin mynt, stýrivöxtum og stjórn peningamála. Svo hvað annað en gengisfelling kæmi til greina?

Kohl_Mitterrand

Eitt land hefði þó möguleika á úrsögn undir öðrum formerkjum, en það er Þýskaland. Þá myndu viðbrögð allra verða örðuvísi, því það myndi þýða að rykið yrði dustað af altari hins gamla Deutsche Mark. Allir aðilar markaða myndu samstundis skilja að sú ákvörðun yrði flestum Þjóðverjum og þýsku efnahagslífi gleðifréttir, því það var með miklum efasemdum sem Þjóðverjar gengust undir evru á sínum tíma. Úrsögn Þjóðverja yrði á hinn bóginn miklar sorgarfréttir fyrir þau lönd sem eftir sætu með evru sem gjaldmiðil.

Kæru evruáhugamenn, úrsögn allra leppríkja úr evru-myntbandalaginu, þ.e. allra evrulanda sem heita ekki Þýskaland, myndi einungis þýða að móðir allra fjármálakreppna yrði gangsett í viðkomandi löndum. Úrsögnin myndi skapa stærsta áhlaup allra tíma á fjármálastofnanir, skuldabréfamarkaður yrði lagður í rúst, vextir á erlend lán ríkisins myndu líklega hækka, og kjarasamningum yrði sagt upp. Allir myndu gera sér ljóst að það eitt að yfirgefa evru og taka upp gömlu mynt landsins aftur myndi aðeins leysa hluta af þeim vanda sem kom úrsögninni af stað. Allir myndu jafnframt gera ráð fyrir meiriháttar stefnubreytingum og víðtækum umbótum flestra þátta efnahagsstjórnar og beinlínis krefjast þess. Ef halli á ríkisfjárlögum væri vandamál, þá yrði þess krafist að tekið yrði á þeim vanda strax í sjálfu úrsagnarferlinu. Um leið og úrsagnarferlið hæfist yrði landið gengisfellt um alla eilífð niður í neðstu kjallaradeild Evrópusambandsins og dæmt sem skaðvaldur samstarfsins. Aðeins fáar ríkisstjórnir myndu lifa af þá streitu sem úrsögnin hefði á alla þá sem hafa eitthvað með peninga, skuldabréf, fjármál, kjarasamninga og bankamál að gera.

Það er því fullkomlega glórulaus bjartsýni að tala sem svo að ef Íslendingum líki ekki hið takmarkandi og hið frelsisskerta athafnasvigrúm sem er í löndum sem enga peningastjórn hafa, þá sé hægt að yfirgefa félagsskapinn og fara í gömlu vinnufötin aftur. Þetta eru einungis villtir draumórar sölumanna Evrópusambandsins á Íslandi, veruleikinn yrði allur annar . . . 

Lesið alla greinina hér:

Þrífst frelsið í faðmi ESB og evru?

Slóð: Þrífst frelsið í faðmi ESB og evru?

Fyrri færsla

Sögulegur atburður: viðtal við seðlabankastjóra Bandaríkjanna, Ben Bernanke

Forsíða þessa bloggs 

 


Sögulegur atburður: viðtal við seðlabankastjóra Bandaríkjanna, Ben Bernanke

Viðtal við Ben Bernanke, formann stjórnar seðlabanka Bandaríkjanna

Það hefur varla gerst áður í sögunni að sitjandi seðlabankastjóri Bandaríkjanna veiti viðtal. Þegar þáttagerðarmenn sjónvarpsþáttar CBS, 60 minutes, höfðu samband við bandaríska seðlabankann (The Federal Reserve, sem í daglegu tali er bara kallaður The Fed) til að biðja um viðtal, var þeim sagt að þeir gætu beðið alla æfina eftir því, það myndi aldrei verða veitt. En hér viðtalið samt, en bara heilu ári eftir að beiðni þáttagerðamanna 60 minutes var send til The Fed. Ástæðan? Jú það er hin sögulega kreppa. Þetta er tækifæri seðlabankans til að tala við þjóðina. Og það er sonar sonar sonur innflytjenda frá Austur Evrópu sem situr þarna fyrir svörum, sem seðlabankastjóri Bandaríkjanna, Ben Bernanke

Fyrri hluti 

60minutes_the_chairman

Smella hér til að horfa á fyrri hluta (opnast í nýjum glugga)  

Seinni hluti 

60minutes_the_chairman2

Smella hér til að horfa á seinni hluta (opnast í nýjum glugga) 

Fyrri pistill

Bara ef Finnar hefðu evru: þá væri iðnaðarframleiðsla þeirra ekki að hrynja um 40%

Forsíða þessa bloggs


Bara ef Finnar hefðu evru: þá væri iðnaðarframleiðsla þeirra ekki að hrynja um 40%

Ef Finnar hefðu evru þá væri iðnaðarframleiðsla þeirra ekki hrunin um 40%. Iðnaðarframleiðsla Finnlands er hrunin - með evrum

Finnish Jan manufacturing orders down 38 pct yr/yr
13.3.2009 at 15:53
The value of new orders won by Finnish manufacturers in January fell by about 38 per cent from the year-ago period, Statistics Finland (SF) said in a statement Friday.
"The exceptionally strong decline in new orders in manufacturing that started in September 2008 continued through January 2009," the agency added.
"The value of new orders fell in all the examined main industries." Finnish Jan manufacturing orders down 38 pct yr/yr 

 

Athugið að þetta eru tölur fyrir janúar síðastliðinn. Þetta á því miður eftir að versna mjög mikið í viðbót. Það er því alveg greinilegt að vandamál efnahags Finnlands væru mun auðveldari viðfangs ef þeir myndu lýsa því yfir núna að þeir ætluðu að taka upp evru og nota hana sem vörn geng illum öndum heimsins. Þetta segja sérfræðingar á Íslandi. Samt er allt bankakerfi Finnlands ekki á hliðinni - ennþá. 

Illir andar? - samsæriskenning? Með evrum.

Hvað gæti komið í veg fyrir kínverska gengisfellingu núna? Jú, kæru lesendur; útflutningur Kína til ESB er mjög mikill. En hann er einnig stór og mikill til Bandaríkjanna. Málið er þó það að Kínverjar eru hræddir við Bandaríkin, því Bandaríkin hafa tennur. En hvað með ESB? Eru Kínverjar hræddir við ESB? Hefur ESB tennur? Nei ESB hefur engar tennur. Evrópusambandið er alveg tannlaust því á síðustu 20 árum hafa tennurnar verðir dregnar úr ESB og bræddar niður í eina evru handa öllum. Það þarf því enginn að vera hræddur við ESB. Svo já, ef ég væri einráð kommúnista ríkisstjórn Kína, þá myndi ég halda uppi gengi evrunnar, því þannig þarf ég ekki að fella mitt eigið gengi og því mun ég ekki þurfa að móðga vígtennta Bandaríkjamennina. Svona gerum við þetta. Málið er nefnilega það að evran er leiksoppur spákaupmanna gjaldeyrismarkaða. Það sagði m.a einn af þekktustu hagfræðingum Evrópu:

Since 2001, the euro has more than doubled in value against the dollar. This appreciation can be interpreted only as a bubble driven by speculation gone wild.  By Paul De Grauwe - Financial Times Published: September 4 2008

 

Hér er slóðin á grein Paul De Grauwe á mynd númer 6: Flökt íslensku krónunnar : : Evra gegn bandaríkjadal - japanska yeni - breska pundi - svissneska franka

Alþýðusamband Íslands og hagsmunir íslenskra launþega

Afstaða ASÍ til hagsmuna íslenskra launþega

Það er einnig staðreynd að evran hindrar atvinnusköpun og drepur hagvöxt. Ég leyfi mér að benda á pistil minn frá 12. ágúst á síðasta ári: Hindrar evra atvinnusköpun? Það er því undarlegt að hagsmunasamtök íslenskra launþega (ASÍ) skuli vilja innleiða Evrópusambandslegt atvinnuleysi á Íslandi um alla eilífð. Sjá: Atvinnuleysi á evrusvæði síðastliðin 28 ár Er ASÍ steinrunnið?

Fyrri pistill

| Bara ef Þýskaland hefði haft evru. Þá væri iðnaðarframleiðsla þeirra ekki að falla um 50%  |  Forsíða þessa bloggs |

Tengt efni

Ísland lærir hratt: það fór finnsku og sænsku leiðina strax. En getur Samfylkingin lært? 


Bara ef Þýskaland hefði haft evru. Þá væri iðnaðarframleiðsla þeirra ekki að falla um 50%

Horfur á að iðnaðarframleiðsla Þýskalands muni falla um 51% á þessu ári

Iðnaðarframleiðsla Þýskalands er hrunin - beðið eftir Bandaríkjunum - með evrum 

Ótti hinna allra svartsýnustu manna um galla efnahagslíkans þýska hagkerfisins er því miður að rætast. Samdrátturinn í þýska hagkerfinu er nú orðinn svo mikill að iðnaðarframleiðsla í þýska hagkerfinu mun dragast saman um 51% á þessu ári (á ársgrundvelli)

Keyrt í gegnum Google Translation:

 

<><><> SÍMASKEYTI <><><> 

 

We have been among the biggest pessimists about the German economy, but it appears that our own forecast for a 4-6% fall in German economic growth this year is looking a tad optimistic after yesterday’s horrendous data for industrial orders in January. The orders were down 8% with respect to the previous month, and 37.9% lower than a year before (foreign orders were down 42%), reports the FT. Apart from Japan, Germany’s economy is among the worst-affected by the slump in global demand.

 

Dieter Wermuth, in his blog Herdentrieb, has calculated that the annualized rate of decline over the last six months is -51.4%. So if this continues until the summer – and there are no indications why it should not – this means that Germany will have lost half of manufacturing output. Industrial production – data due out Thursday – will show a similar decline. (So this means we are heading into Great Depression territory just in time for the election. Germany is well on course for a double-digit decline of peak-to-trough economic growth, unless the economy stabilise mid-year. We don’t see that happening.)
Eurointelligence
 
<><><> FULLT STOPP <><><> 
 
De_idnaður09 
Kemur mér ekki á óvart 
 
Þetta eru hrikalegar tölur, en koma mér alls ekki á óvart. Það eru þingkosningar í Þýskalandi í sumar. Það dapurlega við þessar kosningar er sú staðreynd að um 50% (fimmtíu prósent) af öllum kjósendum munu þá verða orðinn sextugir og eldri. Hagkerfi Þýskalands byggir fyrst og fremst á útflutningi. Í hagkerfi sem byggir nær einvörðungu á útflutningi - og sem er að breytast í elliheimili sökum ömurlega lágs hlutfalls barnseigna - er mjög erfitt að ætla sér að örva innanlands eftirspurn. Hvernig á að örva hagkerfi sem samanstendur af gamlingjum sem eru að miklu leyti búnir að neyta og fjárfesta í þeim hlutum sem knýja hjól efnahagslífsins? Hvernig á maður að örva svona hagkerfi án þess að verðbólga fari af stað því vinnuaflið mun ekki þola álagið og verðlag þess mun því rjúka upp úr öllu valdi. Í áratugi hafa þýskir launþegar átt að lifa og starfa eftir uppskrift stjórvalda sem hvetur til minni neyslu og aukins útflutnings. Smásöluverslun í Þýskalandi hefur ekki aukist um meira en 0,00% á síðustu 10 árum og kaupmáttur hefur ekki aukist um meira en 0,00% á þessum síðustu 10 árum
 
Ekki pláss fyrir auknar skuldbindingar - með evrum
 
Kanslari Þýskalands Angela Merkel hefur gert Þjóðverjum það alveg ljóst að Þýskaland mun ekki þola auknar lántökur eða fjárhagslegar skuldbindingar sem yrði varpað yfir á komandi kynslóðir því þær kynslóðir verða svo litlar að þær munu ekki geta staðið undir byrðinni. Það verður enginn til að borga skuldirnar. Þessar kynslóðabreytingar munu slá inn af fullum krafti eftir aðeins 5 ár. Ungu fólki mun fækka mikið og vinnuafl Þýskalands mun minnka varanlega
 
Er 8-12% samdráttur í þjóðarframleiðslu Þýskalands mögulegur? - með evrum
 
Sjálfur spái ég að þjóðarframleiðsla Þýskalands munu dragast saman um allt að 8-12% á þessu ári. Opinberar hagspár eru sífellt að versna og samdrátturinn kemur mönnum sífellt meira og meira á óvart. Fyrir aðeins þrem mánuðum hljóðuðu opinberar hagspár uppá jákvæðan hagvöxt fyrir 2009. Núna er að myndast consensus á opinberum vettvangi um 6% samdrátt. En það er einungis byrjunin
 
En bara ef Þjóðverjar heðu haft evrur - og hefðu verið í Evrópusambandinu.  Þá væri land þeirra ekki svona illa statt núna. Eftir 16 mánuði mun atvinnuleysi þeirra þjóta upp á sama hraða og það hefur gert í Bandaríkjunum undanfarna mánuði. FIFO og LILO. En það er bara eitt vandamál kæru vinir. Evrópusambandið er svo miklu fátækara en Bandaríkin. Það hefur því alls ekki efni á því að standa utan við Evrópusambandið eins og það gerir. En bankarnir eru ennþá opnir
 
Öldrun Þýskalands - kjarni evru  

Samfélags- og efnahagslegt sólarlag Evrópusambandsins - með evrum

Of fáir til að geta staðið í skilum á framtíðinni? Já, það lítur út fyrir það, því ekki fæðast hér börnin. ESB virðist ekki trúa á framtíð sína eða barna sinna. Einhvernveginn virðast samfélög Evrópusambandsins sjálfkrafa fara inn ferli útrýmingar við það að ganga í Evrópusambandið. Fæðingatíðni Frakklands er ágæt á pappír vegna þess að 2/3 af öllum fæddum börnum þar eru börn innfluttra Afríkubúa. Frakkar sjálfir eignast helst ekki börn lengur. Hví skyldi það vera? Sama saga er um Bretland. Þetta gengur bara ansi vel finnst mér. Bráðum verða svo kallaðir Evrópubúar útdauðir. Einnig hefur flótti Svía úr heimalandi sinu Svíþjóð ekki verið meiri síðan Karl Oskar & Liv Ullman fluttu til Ameríku þegar landnám var þar í fullum gangi. Núna eru afkomendur þeirra efnaðir Ameríkanar - alla vega á sænskan og evrópskan mælikvarða, því ESB er alltaf að dragast meira og meira aftur úr Bandaríkjamönnum í hagsæld, ríkidæmi og atvinnusköpun. Til huggunar er hægt að bæta því við hér að ef mönnum er illa við Bandaríkin þá ættu þeir að mæla með því að Bandaríkin gangi í Evrópusambandið strax. Þannig er auðveldlega hægt að losna við Bandaríkjamenn, það tekur einungis smá tíma. En þetta kemur. Þolin mæði  
 

Fæðingatíðni

 

 

Ár

1995

2005

Poland

1,62

1,24

Slovakia

1,52

1,25

Slovenia

1,29

1,26

Lithuania

1,55

1,27

Czech Republic

1,28

1,28

Bulgaria

1,23

1,31

Latvia

1,27

1,31

Hungary

1,57

1,31

Italy

1,19

1,32

Romania

1,41

1,32

Greece

1,31

1,33

Germany

1,25

1,34

Spain

1,17

1,35

Malta

:

1,38

Portugal

1,41

1,4

Austria

1,42

1,41

Croatia

:

1,41

Cyprus

2,03

1,42

Switzerland

1,48

1,42

Macedonia, the former Yugoslav Republic of

2,12

1,46

Liechtenstein

:

1,49

Estonia

1,38

1,5

Luxembourg

1,7

1,66

Netherlands

1,53

1,71

Sweden

1,73

1,77

United Kingdom

1,71

1,78

Denmark

1,8

1,8

Finland

1,81

1,8

Norway

1,87

1,84

Ireland

1,84

1,86

France

:

1,94

Iceland

2,08

2,05

 
Heimild: Eurostat
 
Til þess að þjóðfélag geti viðhaldið sér, eða jafnvel vaxið, þarf hver kona að fæða minnt tvö börn á æfi sinni 


Fæðingatíðni og atvinnuþáttaka kvenna

 
Fyrri færsla:
 
Forsíða þessa bloggs 

Lifandi land - Ísland

Jæja kæru lesendur

Þá tók þessi Ísalandsferð mín enda. Ég var sem sagt á Íslandi í 10 daga og kom aftur heim í kotið í fyrra gær.

Höfnin í Reykjavík 

Lifandi land - Ísland 

Þetta var ákaflega ánægjuleg ferð. Það sem sló mig mest var hið virka, öfluga, ríka og fjölbreytta mannlíf á Íslandi ásamt almennum áhuga Íslendinga á sveita- lands- og alþjóðamálum. Á Íslandi er ennþá "allt hægt" í hugum fólksins, sem betur fer segi ég. Mikil og virk umræða er meðal nánast allra Íslendinga um lýðræðið, stjórnarfar, þjóðarhag og stöðu Íslands í hinu stóra alþjóðlega samfélagi. Hér eiga Íslendingar að mínu mati "heimsmet", eins og í svo mörgu öðru. Lýðræðið er virkt á Íslandi því það er lítil sem engin fjarlægð á milli þjóðarinnar og hinna kjörnu fulltrúa hennar. Sama gildir um embættismannakerfið. Nánast allir sem ég talaði við höfðu mikinn og jafnvel brennandi áhuga á atvinnu- og samfélagsmálum og ekki skorti fjölbreytt viðhorf. Einnig er vídd umræðunnar það mikil á Íslandi að fyrir venjulegan ESB-búa - sem er vanur því að geta aðeins kosið um, eða haft áhrif á, þau fáu málefni sem ennþá eru á valdi þjóðþinga þeirra - er víddin svo mikil að hann myndi ekki skilja nema hluta af þeim málefnum sem fullvalda Íslendingar takast á um.  

Menningarlíf Íslendinga virðist einnig vera afskaplega virkt og fjölbreytt. Flestir Íslendingar eru virkir í menningarstarfi á einn eða annan hátt og framboð menningar er stórt og fjölskrúðugt. Söngur og tónlist, leiklist, bókmenntir, raun- og félagsvísindi blómstra. Ísland á sennilega "heimsmet" í kaffihúsamenningu og það er sláandi hversu hugmyndaflug Íslendinga er frjálst og óheft ennþá. Allir eru "í einhverju". 

Útför í kjölfar útrásar 

Maður tók einnig eftir að 5 ára leiðtogi þjóðarinnar hafði látið lífið í stórkostlegu hjartastoppi. Það voru víst of margar útlenskar makkarónur fljótandi í blóðinu hjá honum. Útför hans fór ennþá fram þegar ég fór frá Íslandi. Sem afleiðing virðist ákveðið tómarúm ríkja á vettvangi leiðtogamála á Íslandi. Hérna á ég að sjálfsögðu við herra fjármálageira sem dó á haustmánuðum og sem verið er að jarðsyngja að hætti Corleone. Þið vitið, þessi geiri sem hreif svo mörg okkar á ákveðnu tímabili og sem við héldum að væri "kominn til að vera". Mennirnir og leiðtogarnir sem gátu gengið á vatninu og breytt því í vín og góðar vísitölur. Allt átti að vera komið til að vera: hlutabréfaverð, olíuverð, hráefnaverð, fasteignaverð, glóbal warming, Kína, ESB, og hvað eina. Rykið féll því óhindrað á okkar gömlu hefðbundnu leiðtoga og landsfeður. Núna hiksta því og hósta okkar rykföllnu fyrrverandi leiðtogar upp gömlu ryki og eru að reyna ná áttum á ný. Þeir gera sér alls ekki ennþá grein fyrir því að sviðið er tómt ennþá og að það er beðið eftir þeim. Kaktusar feykjast þar um í andblæstri frá almúganum - heyballs. Hvar eruð þið? Eruð þið hræddir? Eftir að eini núlifandi virki leiðtogi þjóðarinnar, Davíð Oddsson, var lögsettur út úr Seðlabankanum af sjálfu Alþinginu með aðstoð barnaverndar, þá er enginn við lengur. Það er á tali hjá næstum öllum - píbb bíbb bíbb bíbb. Þeir eru núna að hringja í leiktjaldadeildina, föðrunarmeistarana og kunna sig ekki lengur sem þeir menn sem þeir voru. Þeir eru hræddir við að hafa skoðanir því þeir hafa þær engar og eru oftast jafn allsberir og þeir sem liggja í kistunum, - eru hræddir við að vera menn með skoðanir. En þér að segja, er varla von á öðru? Ég spyr. 

Ég fór á tvo fundi hjá Heimssýn og vil ég nota þetta tækifæri til að þakka innilega fyrir þessa skemmtilegu fundi. Fólk kom oft langar leiðir að - einnig úr sveitinni.

Tjörnin í Reykjavík 

Borðaði vel

Það var mikil lukka að fá saltkjöt og baunir á sprengjudag og ekki voru nú rjómabollurnar neitt slor á bolludeginum heldur. Einnig skaust ég tvisvar í mat niður á BSÍ (Umferðarmiðstöð) í Reykjavík og fékk mér svið með rófu- og kartöflustöppu (stranglega bannað í ESB) og svo í seinna skiptið fékk ég uppáhaldsmatinn minn, lambakótilettur í raspi með feiti, rabbabarasultu og Ora baunum. Konan fékk sér fisk enda miklu hollari manneskja en ég. Maðurinn við hliðina á okkur var að borða kjöt í karrí. Ég játa hér með að ég er ekki mikill makkarónumaður. Þarna ræddu menn einnig pólitík og efnahagsmál beint fyrir framan gamla Farmall traktorinn. Þarna liggja leiðir til allra átta á Íslandi      

Jæja   

Það verður skortur á verðbólgu í mörgum löndum á næstunni. Mikill skortur. Enginn vill fjárfesta í neinu sem stöðugt er að falla í verði. Enginn vill kaupa neitt núna sem fæst ódýrara seinna. Enginn vill eiga neitt sem sífellt tapar verðgildi => sell now! Það er því hætta á að við sjáum miklar og stórar gengissveiflur víða á næstunni.

Næsti póstur mun fjalla um e-málin, að venju

Takk fyrir kæru Íslendingar og takk fyrir kæra Ísland. Þú ert lifandi land. Sama hvað á gengur!  

Fyrri færsla:

Hörðustu evrusinnar í Evrópusambandinu missa móðinn, en bara ekki á Íslandi

Forsíða þessa bloggs 


Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband