Leita í fréttum mbl.is

Bloggfærslur mánaðarins, ágúst 2020

Finnst einhverjum þetta sniðugt?

Fjöldi erlendra ferðamanna með flugi og ferju til Íslands ár fyrir ár, aftur til 1977, sést hér á myndinni fyrir neðan. Takið eftir að fjöldi erlendra ferðamanna árið 2018 svarar til þess að 448 milljón erlendir ferðamenn hefðu komið til Frakklands það árið. Hefði það gerst, þá hefðu Frakkar gert uppreisn og hent ríkisstjórninni á haugana. Árið 2018 var metár í komu erlendra ferðamanna til Frakklands. Komu 90 milljón manns og þótti Frökkum það miklu meira en nóg. Miklu meira en nóg. Og er Frakkland þó eitt mesta ferðamannaland veraldar

Hvernig stendur á því að þeir sem kalla sig ríkisstjórn hér í landinu, geta bara ekki komið við bensíngjöf V8-kaggans Ísland án þess að þrusa honum af veginum, út í skurð og klessa hann. Kunnið þið bara alls ekki að keyra? Hvað er að ykkur. Á hvaða lyfjum eru þið. Eruð þið kannski á borgarlínuduftinu? Og svo voruð þið svo barnalegir borgarsveitamenn að skattleggja ekki þennan engisprettufaraldur ykkar inn í hvelvíti á meðan hann var hér

Tölurnar eru úr talnaseríunni "Heildarfjöldi erlendra ferðamanna með skipum og flugvélum 1949-2019" á vef enn einnar stofunnar; þ.e. Ferðamálastofu. Af hverju mátti hún ekki heita ráð, þá hefði kannski farið betur. En nei, þið hoppið á hvað sem er.... stofur og Groups... bara á hvað sem er og hvenær sem er. Hvernig væri nú að taka þessa plebbahöll frummanna niður og verða eins og hæfir ráðamönnum í landi fiskimanna og bænda. Og aldrei hefur þessi ferðamannabræðsla ykkar skilað hagnaði og hún mun aldrei gera það. Ferðaþjónusta er lélegasti atvinnuvegur veraldar, alls staðar í öllum löndum heimsins. Þarna er engin framtíð til að bíta í, nema fyrir fátæk láglaunalönd, sem þá halda áfram verða fátæk láglaunalönd til eilífðar. Þetta er vanþróun. Ferðamannaiðnaður er vanþróun og eitt fyrsta merki hnignunar

Fjöldi erllendra ferðamanna með flugi og ferju 1977-2019 300px

Enn hef ég ekki hitt þann Íslending sem er ekki dauðfeginn að losna við pláguna erlenda ferðamenn burt af landinu núna

Fyrri færsla

Japan: 99,9 prósent færri erlendir ferðamenn


Japan: 99,9 prósent færri erlendir ferðamenn

Í júlí komu 3800 erlendir ferðamenn til Japans. Það svarar til þess að ellefu erlendir ferðamenn hefðu komið til Íslands í þessum sama mánuði. En ekki nóg með það, þá óska margir Japanir sér þess að sú tala hækki helst aldrei aftur. Svo margir þeirra hafa fengið nóg af erlendum ferðamönnum

Fólk ferðast ekki af þremur átsæðum núna. Í fyrsta lagi vill fólk ekki eiga á hættu að komast ekki til síns heima aftur, að ferð lokinni. Þetta er mikilvægasta ástæðan. Í öðru lagi vill fólk ekki ferðast vegna smithættu; það vill ekki veikjast. Í þriðja lagi vill það ekki eiga á hættu að missa vinnuna. Fólk sem sýnir ekki vinnustað sínum hollustu núna er það fólk sem fyrst verður látið fara. Þess vegna tekur það ekki áhættur núna

Þeir sem kvarta hve hæst vegna aðstæðna íslenskrar ferðaþjónustu núna –sem að allt of stórum hluta er rekin með innfluttu láglaunavinnuafli– virðast halda að það eina sem skipti máli sé það sem við hér heima erum að hugsa. En svo er ekki. Það er heimferðin og atvinnuástandið heima sem erlendir ferðamenn hugsa mest um. Og þeir vita líka sjálfir ósköp vel að því fleiri samskonar erlendir ferðamenn sem koma til Íslands, því minni líkur eru á að einmitt þeir sjálfir vilji fara þangað

Þessi atvinnugeiri er svipaður rekstrarlíkani næturklúbba; of margir meðlimir í klúbbnum eyðileggja gildi hans í augum þeirra sem komast inn, en líka í augum þeirra sem fá ekki að koma inn. Og síðan einnig í augum þeirra sem hugsanlega vilja vinna þar. Þetta er það prinsipp sem Harwardháskólinn rekur sig samkvæmt. "Allir komist inn í Harward" er slagorð sem gengur ekki upp fyrir Harward

Það er fyrir löngu kominn tími til að snúa sér að öðru en rekstri næturklúbbs sem þolir helst ekki að hann sé notaður

ÚTKOMA ÚR GREINDUM TILFELLUM

En hvernig farnast þeim sem smitast og greinast með kínversku Wuhan-veiruna? Í Belgíu ná 65 af hverjum 100 sem greinast með veiruna sér. En 35 af hverjum 100 deyja af hennar völdum. Í Frakklandi deyja 26 af hverjum 100 sem greinast með veiruna og á Ítalíu deyja 15 af hverjum 100. Þetta er svakalegt og bendir til að aðeins brot vandans sé greindur, eða þá að heilbrigðiskerfi þessara landa ráði ekki við þann vanda sem þó næst að greina

Tölurnar eru líka skuggalegar í Svíþjóð þar sem öll ríkisstjórnin brást sænsku þjóðinni og atvinnu- og efnahagslífi hennar. Þar eru 5800 manns látnir úr veirunni í landi þar sem stjórnvöld gefa upp að 84 þúsund manns hafi smitast af henni. Það þýðir að minnst sjö prósent sjúklinga séu nú þegar dánir úr veirunni og að enn fleiri sem enn liggja veikir eigi eftir að bætast við þá tölu

Allar þessar tölur geta enn náð að breytast til hins betra eða verra, en það gildir þó ekki fyrir þá sem þegar eru látnir og aðstandendur þeirra. Og aðstæður landa eru jafn mismunandi og löndin og ríkisstjórnir þeirra eru margar. Þarna sést hversu mikilvægt það er að reyna að koma í veg fyrir að fólk smitist

Sumir hér á landi virðast ekki enn hafa tekið eftir því sem gerst hefur víða um heim. Þeir taka sennilega ekki eftir því sökum þess að þeir hafa verið varðir, með ærnum tilkostnaði og fyrirhöfn. Þjóðin varði þá, lega landsins varði þá og stjórnvöld vörðu þá, og þess vegna var einnig hægt að veita þeim er veiktust af öðrum orsökum góða aðhlynningu, án þess að of mörgum sem á annarri sjúkraþjónustu þurftu að halda væri hent til hliðar og bætt á bálið

Fyrri færsla

Gatið í veltutúkalli ferðaþjónustu


Gatið í veltutúkalli ferðaþjónustu

NÝ-TRÚ ENDAR

"How do you like the uppbygging", spurði Halla-Hásing Holskefludóttir

Hún kom en hann kom ekki þegar rápherrann lagði síðasta hálmstárið á altarið og fórnaði sér sem úrbeinuðum karlmanni á altari náttúrunnar. Engin börn voru til staðar, eðlilega ekki. Hófst þá prédikunin. Því næst hófst alenskur upplestur úr bæklingum ferðaþjónustunnar, sem flutt hafði þjóðina til útlanda, svo byggja mætti píramídana miklu á Íslandi. Nóg var grjótið. En þjóðin var því miður fyrir. Hana þurfti því að fjarlægja úr landinu

Ný þjóð var flutt inn og uppbygging númer endalaust núll hófst. Frá og með þarna hét öll byggingarstarfsemi uppbygging. Enginn nema herra halló byggði. Allir uppbyggðu og uppbyggðu

Veltan jókst og jókst en hagnaðurinn ekki. Hann kom ekki. Lét aldrei sjá sig. Enda óafsakanlegt fyrirbæri í trúfélögum

Náttúra náttúra náttúra. Ó hvar ert þú, mitt síðasta uppselda hálmstrá. Náttúra náttúra og umhverfi - helvítis. Helvítis umhverfi. Djöfulsins umhverfið. Umhverfi djöfulsins. Meira umhverfi helvítis náttúru leysisins. Peninga leysisins í veltunni. Gatið í veltutúkallinum. Nátúrar!

Engin önnur atvinnugrein –ef svo mætti kalla þessa kirkju– krefst þess að þjóðin sé annað hvort flutt úr landi eða sett á safn. Að hún sé ekki að flækjast fyrir í landi ferðaþjónustunnar

Amma mín er til sýnis eftir kl 16:30. Komið! Komið og skoðið ömmu mína. Stingið túkalli í ömmu mína. The road ends here. Pavement ends. Open, closed. The end...

Til fjandans með þessa tapútgerð sem aldrei hefur skilað hagnaði. Farið hefur fé betra, enda hefur túrhestabransinn haldist sem óbreytt og krónískt gjaldþrota láglaunagrein frá því á tímum Krossferðanna, og jafnvel fyrr

Hamborgarinn, væni minn, er ofsteiktur og of dýr hjá þér. Sama viðbrennda hlið og síðast, á glataða grillinu hjá glötuðum þér. Hérna væni minn, taktu túkall, hentu hamborgarnaum í mig og ak þú mér í borholuna. Og sjá: ný hola til helvítis helvítis. Velt þú nú mér á hina veiruna, væna mín. Veltu mér...

Náttúrbólan sem sprakk. Í henni bjó bóla ferðaþjónustunnar. Vegur endar. Tapið endar hér. Og kemur aldrei aftur, sem betur fer

Fyrri færsla

Er Trump að svæla Biden upp úr kjallaranum?


Er Trump að svæla Biden upp úr kjallaranum?

Truman-Dewey-polls-1948

Veggur skoðanakannana: Dewey - "Til hvers yfir höfuð að halda þessar kosningar í nóvember?

Vert er að minnast bandarísku forsetakosninganna 1948 þar sem repúblikaninn Thomas Dewey var í könnunum viðstöðulaust langt fyrir ofan Harry Truman næstum alla daga kosningaársins, þar til talið var upp úr kjörkössunum og hann sendur í kjallarann. Truman vann öruggan sigur, öfugt við hróp og köll kannana

Demókratar binda vonir sínar við kínversku Wuhan-veiruna. Þeir binda vonir sínar við að með henni takist þeim að fela forkalkaðan Biden í byrgi sínu, þar sem hann heldur bunker-stemmingunni uppi með því að elliæra sjálfan sig og geta þannig ekki svarað fyrirfram innsendum spurningum, sem hann var búinn að fara yfir

Daily New Cases in the United States 2020-08-25

Bandaríkin - ný tilfelli

En nú virðist vont fyrir Biden en gott fyrir þjóðina vera á leiðinni. Nýjum Wuhan-veiru tilfellum fækkar í Bandaríkjunum og dánartölurnar hafa ekki náð að rísa, því læknar vita meira núna en þeir vissu þegar Biden gekk í björg í mars. Og síðan eru kúrfurnar þannig vaxnar núna, í þeim ríkjum sem ófréttamenn segja að séu í nýrri sveiflu, að þær benda til þess að sveiflan sú sé sú fyrsta og eina þar

Daily New Deaths in the United States 2020-08-25

Bandaríkin - ný dauðsföll

Ástandið er enn mun verra í heildina í stjórnlausri Belgíu, Spáni, Bretlandi, Svíþjóð og Ítalíu en það er í Bandaríkjunum, þ.e. fleiri dauðsföll á hverja milljón íbúa. Og sennilegt er að Frakkland sé að gjósa á ný núna þegar kúrfan þar af nýjum tilfellum er að mynda svipaða kryppu og snemma í vor. Nýtt uppsving kúrfunnar er að mynda hið strategíska bros Wuhan-veirunnar á milli nú tveggja kryppa þar - og víðar í Evrópu, Þýskalandi líka

Daily New Cases in France 2020-08-25

Frakkland - ný kryppa af nýjum tilfellum að myndast

Gildir það um mörg önnur ríki Evrópuskagans sem stingst út úr móðir-Rússlandi. Dánarhlutfallið í Frakklandi er 26 prósent núna (e. mortality rate). Það er að segja að 26 af hverjum hundrað manns sem greinast með veiruna deyja. Sú tala bendir til að Frakkar séu aðeins að greina brot vandans eins og Svíar, sem aldrei hafa viðurkennt hann

Daily New Cases in California 2020-08-25

Kalifornía - ný tilfelli

Bandaríkin hafa nú skimað 77 milljón manns eða 230 þúsund íbúa af hverri milljón, Frakkar aðeins 91 þúsund á hverja milljón og Svíar einungis 100 þúsund af hverjum milljón íbúum þess lands. Svíþjóð er hætt að gefa upp hversu margir ná sé af veirunni, sem þeir segja að 87 þúsund Svíar hafi fengið og 5800 látið lifið af. Þar er dánarhlutfallið hreint út sagt skuggalegt

Daily New Cases in Texas 2020-08-25

Texas - ný tilfelli

Takist Trump að ná veirunni nægilega niður þá verður Biden að sýna sig og opna munninn - og þá tapar Biden. Slík er blekkingariðja flokksins

Nú er afar líklegt að atvinnuleysi í Bandaríkjunum verði komið niður sex prósent á kjördag og það mun hjálpa kjósendum svo um munar. Biden fær enga þökk þar, því kom hann þar hvergi nærri. Og þá tapar Biden

Plús það að Demókratar minntust ekki á nein stefnumál á flokkssýndarráðstefnunni í síðustu viku og láta þar með Repúblikönum eftir að kynna þau fyrir bandarísku þjóðinni. Ákafinn í að ná sér niðri á einum manni er slíkur að Trump fjarstýrir nú stefnulausum Demókrataflokknum með iPhone-tísti sínu og tungu

Veiran niður => Trump sigrar
Atvinnuleysi niður í 6 prósent => Trump sigrar
Meiri skrílslæti úr herbúðum Demókrata => Trump sigrar

HLAÐVARPIÐ: LIÐIN ERU 75 ÁR SÍÐAN ÞÁ

Aukaútsending með Victor Davis Hanson sagnfræðingi og bónda: Þetta er einkum fyrir vinstri-manntegund kertafleytara og Þýskalands-fetista í tilefni þess að 75 ár eru liðin frá lokum Síðari heimsstyrjaldarinnar

Fyrri færsla

Trump er sá sem litlir menn vilja taka niður


Trump er sá sem litlir menn vilja taka niður

Ég kann ákaflega vel við byggingarmógúlinn Donald J. Trump sem þekktur er fyrir að afhenda verk sín á réttum tíma og í tipp-topp standi eins og lofað - og jafnvel undir fjárhagsáætlun. En ég kann þó enn betur við stjórnmálamann sem efnir og stendur við það sem hann lofar kjósendum. Það er það sem flestir andstæðingar Trumps þola ekki við hann. Þeir þola ekki hversu öflugur hann er, því það gerir þá sjálfa svo litla. En best kann ég þó við hugrakka menn sem standa uppi í hárinu á klúbbum fráránleikans á borð við Parísarsamkomulagasmiðina. Hugsið ykkur hugrekkið sem þarf til að vera einn á móti klúbbi fáránleikans, og þar að auki að lesa þá menn eins og opna keilusláttarbók lýðskrumara. Þetta eru góð gildi sem aðrir mættu reyna að tileinka sér

Þarna sést vel hver er besti maðurinn í bransanum. En það er sá sem allir vilja taka niður og helst skófla inn fé á. Og það getur ekki gengið nógu hratt fyrir sig því tíminn vinnur ekki með þeim. Eftir endurkjör er sá gluggi lokaður og læstur. Og endurkjörinn verður hann

Kosturinn við Trump er líka sá að honum er alveg sama um hvað pólitíska elítan í landinu hugsar og segir um hann. Hann þekkir þá ekki og hefur aldrei gert. Hann er ekki einn af þeim. Hann á ekkert undir þeim komið. Þar hefur hann engu að tapa og getur því verið Trump á meðan þeir sjálfir geta ekki verið neitt, nema það sem þeir halda að pólitíska elítan, bankarnir, fjölmiðlastappa vinstrisins og alþjóðaelítan samþykki

"Trump er hinn ófullkomni maður sem passar fullkomlega í starfið", eins og fullorðin kona sem kaus hann sagði. Þess vegna var hann kosinn. Þjóðin var búin að fá upp í háls af pappírsmönnum og pantaði sér því jarðýtustjórann sem byggir. Mann orða sinna. Manninn sem efnir loforð sín og er hættulegur, þ.e. manninn sem hefur fælnimáttinn í sér

Meinlausir menn ríma við beinlausa menn

Fyrri færsla

Hvítarússland: Varlega! [u]


mbl.is Systir Trump kallar hann grimman lygara án gilda
Tilkynna um óviðeigandi tengingu við frétt

Hvítarússland: Varlega! [u]

Stratfor: Landfræðilegar aðstæður Hvítarússlands (tvær mínútur)

****

Þið munið öll eftir meðferðinni á sjálfstæðismönnum Katalóníu og ofbeldissveitum Madrídar er þangað voru sendar, og síðan fangelsun katalónskra sjálfstæðisismanna, næstum því án dóms og laga. Þá heyrðist ekki múkk úr bandormabjörgum Brussels - sem einnig þagði þægt um árásir framkvæmdavaldsins á Francois Fillon, pólitískan andstæðing framboðs Macrons í París

En nú þykjast bandormarnir undir því fargi allt í einu geta, eftir að hafa í svitabaði strokað orðið Kína út úr öllum pappírum Evrópusambandsins og víðar um kínversku Wuhanveiruna

HVÍTARÚSSLAND

Hvítarússland er rúmlega 200 þúsund ferkílómetra sjálfstætt ríki milli Rússlands og Póllands. Á nyrðri kanti þess liggja þrjú NATO-ríki Eystrasalts. Að sunnanverðu er það Úkraína sem rammar landið inn. Þjóð landsins er um níu og hálf milljón manns. Landið stingst djúpt inn í Rússland að austanverðu og inn í NATO í vestri

Úkraínu var snúið á grillinu yfir á hálfa vesturlensku hlið hennar og ætíð síðan hafa verið læti. Úkraína er stuðpúðasvæði Rússlands. En hún er einnig stuðpúðasvæði Evrópu. En þessi stuðpúði virkar hins vegar ekki fyrir neinn í raunheimum, sé landið ekki hlutlaust

Óformlegt og þegjandi samkomulag milli Moskvu og Washington er það sem heldur Úkraínu enn fastri á jörðinni og ekkert annað. Litlu þar innanborðs er að treysta - og það er hið króníska og eilífa vandmál stuðpúðasvæða. Þau virka aðeins svo lengi sem stjórnvöld innan þeirra eru stöðug. Annars losnar fjandinn og fer laus

Hið sama gildir um Hvítarússland. Lukashenko hinum föðurlausa syni mjaltakonu hefur með lagni og herkjum tekist að halda Hvítarússlandi hlutlausu og oft hefur hann slegið á fingur Kremlar. Honum hefur þar með að mestu tekist að halda Hvítarússlandi sem hlutlausu stuðpúðasvæði, því forsetinn veit að takist honum það ekki, þá er úti um sjálfstæði Hvítarússlands

Rússland getur nefnilega aldrei í þessu né neinu öðru lífi þolað að Hvítarússland verði að vesturlensku áhrifasvæði, því þá myndi Smolensk um leið verða að landamærabæ gagnvart Vesturlöndum. Þar með þyrfti vesturlenskur her aðeins og rúlla örstutta leið til að rífa Moskvu-hjartað úr Rússlandi. Staðan er nógu slæm fyrir, því NATO er aðeins 150 kílómetra frá Pétursborg

Útópíumenn Evrópusambandsins sem þekktir eru fyrir að haga sér eins og ráfandi rónar um stræti landa sem þeir eiga ekkert í, en látandi aðra um að gæta lífs þeirra, eru hér til alls vísir. Þeir enda auðvitað á því að kveikja í Evrópu eins og síðast

Þýskaland kastaði í gær fyrstu eldspýtunni á taparabálköstinn sem það er búið að hrúga upp úr innréttingum sem voru innviðir áður fullvalda ríkja Evrópu. Þýski kanslarinn þakkaði nefnilega Litháen en ekki Póllandi fyrir að hafa aðstoðað mótmælendur í Hvítarússlandi. Fáar fréttastöðvar hafa hins vegar minnst á þær mómælagöngur sem gengnar hafa verið til stuðnings ríkisstjórn landsins

Með því að þakka Litháen en ekki Póllandi, hefur Þýskaland snúist gegn grundvallarhagsmunum Rússlands. Það mun ekki enda vel, og alls óvíst er hvort að blessun sé lögð yfir þann verknað í Hvítu húsi og á þinghúsahæðum Washingtonborgar

Rússland þolir ekki að missa Hvítarússland. Ekki vegna þess að Moskva álíti að innrás vestanfrá sé þar með yfirvofandi, heldur vegna þess að enginn hélt að Þýskaland myndi verða neitt annað en áframhaldandi gjaldþrota rúst tapara eftir bæði 1918 og 1945. Rússland þekkir skiptandi aðstæður, langanir og hugarfar ríkja of vel af eigin reynslu, vegna þess að það sjálft hafði engar áætlanir um að halda kyrru fyrir í Evrópu frá og með 1945, en gerði það samt. Tímar og ríkisstjórnir breytast. Það gerir landafræðin hins vegar ekki. Hún mun áfram kalla á geopólitísk viðbrögð - og þau munu koma

NatCon  

Uppfært fimmtudagur, 20. ágúst 2020 kl. 11:33

Borist hafa fregnir þess efnis að mötuneyti diplómata Evrópusambandsins sé svo skilvirkt í framleiðslu afglapa, að Angela Merkel kanslari Þýskalands hafi borðað þar yfir sig af þeim eina rétti sambandsins. Og svo sadda að forrétturinn varð að mjólkurhristingi í maga hennar. Hélt hún að steik myndugleikans þar væri ekki skósólinn Thierry Breton í framkvæmdastjórn Evrópusambandsins. En hann matreiddi nefnilega þann yndislega rétt ofan í kanslarann að Hvítarússland væri ekki í Evrópu og Rússland enn síður. Hélt þýski kanslarinn því þar með væri henni væri óhætt að segja eitthvað. Forseti Hvítarússlands tók því að sjálfsögðu ekki símann er þýski kanslarinn í annarri heimsálfu reyndi að hringja í hann. Á meðan töluðu Pútín og Lukashenko fjórum sinnum saman og hlógu sig máttlausa. Bíbb bíbb bíbb sagði sími Merkels og Langley skellti upp úr, vestan Atlantsála

Munnvatnið frá Brussel virðist þannig vera að falla í sama farveg og jólagjöf Vestur-Þýskalands til Póllands féll, veturinn 1981-1982, fyrir tilstuðlan klodsmajora vestur-þýsku ríkisstjórnarinnar í Bonn. Í pakkanum voru herlög Jaruzelskis

Fyrri færsla

Jæja. Wuhan-veiran leikur marga grátt


Jæja. Wuhan-veiran leikur marga grátt

Fyrrum Obama-forsetafrúin lýsir því þarna yfir að núverandi forseti Bandaríkjanna sé rangur forseti fyrir landið. Það er ekki að spyrja að því. Svipað gerði fyrrum forsetafrú úr sama flokki er hún sagði að sá hluti bandarísku þjóðarinnar sem styddi Donald J. Trump, væru undirmanneskjur og hennar kjósendur þar með yfirmanneskjur. Svo talar þetta sama fólk um rasisma! Þarna hefur ekkert breyst og ekkert verið lært. Demókratar sem frá byrjun sáu að þeir gátu ekki komið í veg fyrir kjör Trumps í kosningum nema með því að eyðileggja hann á milli kosninga, halda áfram á þeirri braut sinni beint til heljar núna

Það versta sem Trump gerði þeim og því ríkisbubba-embættismannaliði, sem í yfirgnæfandi mæli aðhyllist demókrata, er það að hann lýsti því yfir að hann þyrfti ekki á því liði þeirra að halda. Það væri gagnslaust og ofborgaður óþarfi sem enginn þyrfti á að halda. Og við það hefur hann staðið. Hann hlustar ekki á þetta fólk og fer sínar eign leiðir. Það þola ríkisbubbarnir og kerfishershöfðingjarnir ekki og heldur ekki hugveiturnar og allar "stofnanirnar", sem allt eru að sliga með naggrísa-nagi sínu á skattgreiðendum. Hefur það lið hrúgað til sín réttindum og launum áratugum saman

Ég-get-sjálfur-aðferð Trumps hefur virkað afskaplega vel. Átta arfavitlausum árum Obama hefur verið sturtað á öskuhauga sögunnar, efnahagurinn tók því að blómstra og einkafórnarlömb aumingjavæðingar Demókrata fengu vinnu og gátu þar með sannað að þeir gerðu gagn í þjóðfélaginu og væru ekki upp á ölmusur Demókrata komnir. Algjör hryllingur fyrir Demókrata

Utanríkispólitík Trumps hefur einnig virkað vel. Stofnanavætt vesalingaveldi ESB-sukksins á meginlandi Evrópu þorði ekki öðru en að kaupa vasahnífa á kústsköft herja sinna og hætta að taka því sem gefnu að Bandaríkin myndu verja það fyrir sjálfu sér og eyðileggingarmætti Evrópusambandsins. Enginn nennir lengur að vera blásari í þokulúðrasveitum Miðausturlanda-sírenusveita vinstrisins á Vesturlöndum, og sögulegar sættir Araba og Ísraela fara nú fram og vinskapssambönd þar á milli er verið að formfesta einmitt núna, þökk sé Trump

Fimm ára styrjöld Demókrata á hendur Trump hefur því farið heldur betur illa fyrir Demókrata sjálfa. Sumir toppar þeirra eru á leið í fangelsi og margir þeirra hafa verið reknir úr opinberum störfum með skömmina eina í skilnaðargjöf. Moldvörpustarfsemi, drottinsvik, misnotkun og þjóðníð var það sem þeir reyndu að nota gegn Trump forseta bandarísku þjóðarinnar

Nýjasta vopn demókrata á Trump er hins vegar kínverska Wuhanveiran ásamt nýjum aukaflokki rasista innan Demókrataflokksins, sem kallar sig Svört líf skipta máli. Sú hreyfing er ekki nýnasistahreyfing eins og MeToo var. Hún gekk nefnilega út á að ræna störfum og lífsviðurværi frá öðru fólki sem annars hefði ekki verið hægt, og alls ekki fyrir rétti í réttarríki. Um eins konar Iittala-kristalnótt hinna löngu kristalvasahnífa góða fólksins var bara að ræða og sem stöðvaðist um leið og hún náði til Hollywood og demókratans Joe Biden. Hreyfingin Svört líf skipta máli er hins vegar hrein rasistahreyfing með mottóið "við erum æðri, þið eruð rusl og sek um allt milli himins og jarðar" (svipað og sagt var um Gyðinga)

Á þennan vagn ofurheimskunnar sem virðist hafa það sérstaklega gott á tímum heimsku-símanna, hoppa nú bjánar út um allt. Þar er tungumálið "já, nei, æði, líkar, þú skilur" eða með öðrum orðum eins konar háhraða-rafeindasuð nýbjána á borð við þá sem klesstu hlutabréfamarkaðnum þegar þeir tóku í notkun háhraðaviðskipti með hlutabréf í tölvum

Þarna klessa nýbjánar og barnafullorðnir sér næstum daglega núna og birta um leið myndir af hruni sínu í beinni. Möguleikarnir á að gera sig að fífli þarna eru svo gott sem endalausir, fyrir nýbjána. Kannski hófst þessi sjálfsklessuferð á félagshrunsmiðlum á því að vesalingar fengu borgað fyrir að koma fram í sjónvarpi og útstilla sér þar sem til dæmis óhæfir uppalendur barna (einræðisherrabörn sem þetta fólk hafði búið til var sýnt) eða til dæmis fólk sem bjó á fjóshaug sem það sjálft hafði skapað með leti sinni, subbu- og aumingjaskap. Þetta varð því miður vinsælt sjónvarpsefni

Nú geta hins vegar hverjir sem er, ráðherrar líka, sent sjálfa sig beint út sem vesalinga og raðdómgreindarskerta fávita

Er þetta ekki æðislegt. Jú jú, endilega meira af þessu!

Fyrri færsla

Kínaveiran: Þingflokksvindur nú (ó)Sjálfstæðisflokksins


mbl.is „Donald Trump er rangur forseti fyrir land okkar“
Tilkynna um óviðeigandi tengingu við frétt

Kínaveiran: Þingflokksvindur nú (ó)Sjálfstæðisflokksins

"Nú get ég"

ÍSLAND

Það er harla stórfurðulegt að sjá til dæmis þingflokksformann Sjálfstæðisflokksins og fyrrverandi dómsmálaráðherra sama flokks tala um "einstaklingsfrelsið" sem ferðaþjónusturáðherrann í ding-dong kína-hennar varð sér til skammar fyrir um helgina

Ef við viljum varðveita það þjóðfrelsi okkar Íslendinga sem ávallt er grundvöllur og frumforsenda einstaklingsfrelsis okkar, þá er erfitt að sjá að orkupakka- og landsölumenn Sjálfstæðisflokksins geti yfir höfuð komið nálægt umræðu um einstaklingsfrelsið, því þeir hafa barist svo hart fyrir afnámi þess með því að grafa undan þjóðfrelsi okkar Íslendinga í eigin landi. Þetta er auðvitað meira en stórfurðulegt þegar það mál á prent er sett, miðað við að því er virðist uppnefni flokksins

Mér sýnist á grein xD-orkupakka þingvaktarformanns niðurlagningaverksmiðju fullveldisins í Sjálfstæðisflokknum í Mogganum í dag, að hann ætli að smíða skip eða flugvél sem tekur hann til útlanda. Gott hjá honum. Vindurinn blæs og hann er frjáls. Orkupakkamaðurinn sá hefur frelsið til að byggja skip og sigla sér burt á því. Hvar hann lendir fleyi sínu er ekki mitt mál, heldur mál lögsögu annarra ríkja. Hann gæti til dæmis lent á Bretlandseyjum, á Kólaskaga, þar sem kókberin vaxa (ekki satt), jafnvel á Grænlandi, eða enn betra, - í Færeyjum, fái hann yfir höfuð landgönguleyfi!

Ef við viljum varðveita það þjóðfrelsi Íslendinga og sem ávallt er frumforsenda einstaklingsfrelsis okkar í eigin landi (Ísland er eina landið sem við eigum og stjórnum), þá er erfitt að sjá að orkupakka- og landsölumenn Sjálfstæðisflokksins (einnig sitjandi í AIIB-bankaráði Kínverska kommúnistaflokksins) geti yfir höfuð komið nálægt umræðu um einstaklingsfrelsi, því þeir hafa barist svo hart fyrir afnámi þess með því að grafa undan þjóðfrelsi okkar Íslendinga í eigin landi. Orkupakki ánauðarinnar sér fyrir því, ásamt Schengenstöppu hins sama umboðslausa illfyglis plús EES

Jafnvel James Onedin þurfti að fara í sóttkví eða láta vera að sigla, þrátt fyrir það frelsi sem vindurinn veitti honum. Hann þurfti iðulega að fara í sóttkví til þess að eyðileggja ekki þjóð- og einstaklingsfrelsi landa sinna. Það fékk hann nefnilega ekki. Heldur ekki í öðrum ríkjum

Ísland er ekki lokað land svo lengi sem skip okkar sigla. En hve lengi þau fá það, er því miður á valdi annarra ríkja, því kaupskip okkar eru skráð þar - í útópíuríki líberalista. Þau eru skráð utan íslenskrar lögsögu. Kannski kemst hinn dæmigerði þingsitjandi orkupakkamaður xD ekki úr landi, þrátt nú-get-ég-frjálsan vind, sökum eigin aulaháttar og sjálfskipaðrar ánauðar. Lögheimili hans og "þingflokks" hans virðist því miður hafa verið flutt til Útópíu, þar sem ferðaþjónustan ein ræður ríki (hamborgaraþjónustan)

Tengt: Hvað er Íhaldsstefna?

- Gunnar er þjóðaríhaldsmaður (Nat-Con) í Sjálfstæðisflokknum 

****

MINNI SAMDRÁTTUR Í DANMÖRKU EN Í SVÍÞJÓÐ

DANMÖRK

Landsframleiðsla Danmerkur dróst saman um 7,4 prósentustig á öðrum fjórðungi ársins miðað við þann fyrsta, samkvæmt tölum dönsku hagstofunnar. Þetta er mesti samdráttur sem mælst hefur í Danmörku frá því að fjórðungsuppgjör voru tekin upp í byrjun tíunda áratugar síðustu aldar

Þetta er þó mun betri árangur en náðst hefur í stjórnlaust meðvirkri Svíþjóð, þar sem tæplega sex þúsund manns eru látnir úr kínversku Wuhan-veirunni, miðað við rúmlega sex hundruð í Danmörku. Þannig dróst landsframleiðsla Svíþjóðar saman um 8,6 prósentur á sama tímabili. Og heilum fimm sinnum fleiri á hvern íbúa féllu fyrir hendi kínversku veirunnar

Árangur Dana í stríðinu við veiruna er meira en fimm sinnum betri í landi þeirra Danmörku á hvern íbúa, miðað við Svíþjóð. Almannaöryggi og rekstraröryggi er meira í Danmörku, bæði fyrir fólk og fyrirtæki, og danska þjóðin skelfur því ekki eins og embættismannaskelfd Svíþjóð. Danir kóast og kúgast heldur ekki með hálfsovésku yfirvaldi með prófgráðu, eins og skattpíndir Svíar gera í hæstu sköttum veraldar í sextíu ár

FINNLAND

Finnska hagstofan: "Seasonally adjusted GDP is estimated to have fallen by around 3.2 per cent from the previous quarter."

En samt er það Finnland sem hefur vinninginn, að minnsta kosti þar til norska og síðan íslenska hagstofan koma með tölur sínar í enda mánaðarins

Þannig var samdrátturinn í Finnlandi ekki nema 3,2 prósentur á þessu sama tímabili og Wuhan-veiru dauðsföllin eru rúmlega tólf sinnum færri á hvern íbúa en í Svíþjóð

Að mörgu leyti er þessi hlutfallslega litli samdráttur litlar fréttir fyrir Finna, því Finnland hefur aldrei beiðið þess bætur að ganga í ESB og taka upp evru. Landsframleiðsla Finnlands er nefnilega næstum því sú sama og hún var árið 2008, á föstu verðlagi. Enginn vöxtur hefur verið síðustu tólf árin. Evran drap Finnland og er því mun erfiðara fyrir kínversku Wuhan-veiruna að drepa enn frekar það sem þegar dautt er

Samdrátturinn árið 2009 varð sá versti í Finnlandi allar götur frá 1918, eða um það bil 9 prósentur og útflutningur hrundi um 24 prósentur. Allt þetta –plús enginn hagvöxtur í 12 ár– er vegna þeirrar þýsku myntar sem landið notar; þ.e. stálfátæktarevru (verri en sýklahernaður)

Fyrri færsla

DDRÚV og aldarafmæli svikamyllu Ponzy


Minni samdráttur í Danmörku en í Svíþjóð

DANMÖRK

Landsframleiðsla Danmerkur dróst saman um 7,4 prósentustig á öðrum fjórðungi ársins miðað við þann fyrsta, samkvæmt tölum dönsku hagstofunnar. Þetta er mesti samdráttur sem mælst hefur í Danmörku frá því að fjórðungsuppgjör voru tekin upp í byrjun tíunda áratugar síðustu aldar

Þetta er þó mun betri árangur en náðst hefur í stjórnlaust meðvirkri Svíþjóð, þar sem tæplega sex þúsund manns eru látnir úr kínversku Wuhan-veirunni, miðað við rúmlega sex hundruð í Danmörku. Þannig dróst landsframleiðsla Svíþjóðar saman um 8,6 prósentur á sama tímabili. Og heilum fimm sinnum fleiri á hvern íbúa féllu fyrir hendi kínversku veirunnar

Árangur Dana í stríðinu við veiruna er meira en fimm sinnum betri í landi þeirra Danmörku á hvern íbúa, miðað við Svíþjóð. Almannaöryggi og rekstraröryggi er meira í Danmörku, bæði fyrir fólk og fyrirtæki, og danska þjóðin skelfur því ekki eins og embættismannaskelfd Svíþjóð. Danir kóast og kúgast heldur ekki með hálfsovésku yfirvaldi með prófgráðu, eins og skattpíndir Svíar gera í hæstu sköttum veraldar í sextíu ár

FINNLAND

Finnska hagstofan: "Seasonally adjusted GDP is estimated to have fallen by around 3.2 per cent from the previous quarter."

En samt er það Finnland sem hefur vinninginn, að minnsta kosti þar til norska og síðan íslenska hagstofan koma með tölur sínar í enda mánaðarins

Þannig var samdrátturinn í Finnlandi ekki nema 3,2 prósentur á þessu sama tímabili og Wuhan-veiru dauðsföllin eru rúmlega tólf sinnum færri á hvern íbúa en í Svíþjóð

Að mörgu leyti er þessi hlutfallslega litli samdráttur litlar fréttir fyrir Finna, því Finnland hefur aldrei beiðið þess bætur að ganga í ESB og taka upp evru. Landsframleiðsla Finnlands er nefnilega næstum því sú sama og hún var árið 2008, á föstu verðlagi. Enginn vöxtur hefur verið síðustu tólf árin. Evran drap Finnland og er því mun erfiðara fyrir kínversku Wuhan-veiruna að drepa enn frekar það sem þegar dautt er

Samdrátturinn árið 2009 varð sá versti í Finnlandi allar götur frá 1918, eða um það bil 9 prósentur og útflutningur hrundi um 24 prósentur. Allt þetta –plús enginn hagvöxtur í 12 ár– er vegna þeirrar þýsku myntar sem landið notar; þ.e. stálfátæktarevru (verri en sýklahernaður)

Fyrri færsla

DDRÚV og aldarafmæli svikamyllu Ponzy


DDRÚV og aldarafmæli svikamyllu Ponzy

Í gær árið 1920 var Charles Ponzi handtekinn fyrir fjármálamisferli í Boston. Hann hafði svikið sex milljónir dala út úr fjárfestum sem hann hafði afvegaleitt

En Ponzi borgaði þó fjárfestum sínum peningana til baka 90 dögum síðar, með því að taka fé frá nýjum fjárfestum, eða eins og dómarinn orðaði það; "þú rændir Pál til að geta greitt Pétri". Síðan þá hafa slík píramídaspil verið kölluð "Ponzy svikamylla" - eða á ensku "Ponzi scheme"

Það gæti verið þarna sem hugmyndin að nefskatti til uppihalds vinstrimanna DDRÚV fæddist: Pétur er rukkaður til að Páll-DDRÚV geti greitt laun vinstrisinnaðra starfsmanna hans

Pétur bað hins vegar ekki um neitt frá DDRÚV, notar ekkert frá því og fær því ekkert frá DDRÚV, nema það að hann fær þukla á reikningnum sem hann er píndur til að borga

Segið svo að DDRÚV-einkahlutafélag vinstrimanna á Ponzy-forminu "opinbert hlutafélag" (vinstrimanna) kunni ekki sitt fag

Ef ég réði þá myndi ég banna DDRÚV, þó ekki væri nema siðferðisins vegna. Því miður get ég ekki bannað mínum að nota það, en það myndi ég gera ef ég gæti. Sjálfur nota ég það aldrei og fyrirlít það

Það jaðrar satt að segja við sturlun að ætla að fara byggja heilt nýtt fjölmiðla-sovétríki í kringum þessa svikamyllu vinstrimanna, með þeim rökum einum að hún sé til. Hvað er að fólki?

Leyfum þeim að borga fyrir og halda DDRÚV uppi sem vilja nota það. En þegar það verður lagt niður vegna þess að vinstrimenn vilja ekki borga nógu mikið til að halda því uppi, þá er hægt að bjóða þeim ókeypis áskrift að Lögbirtingarblaðinu, því þar fræðast þeir meira um hagi landsmanna og um íslenska landafræði en þeir fá út úr fimmföldu DDRÚV

Við fáum aldrei frambærilegan, ábatasaman og skilvirkan fjölmiðlamarkað með verðugri og spennandi samkeppni, svo lengi sem DDRÚV-svikamyllan er á lífi

Tilvist DDRÚV drepur einkaframtakið, sköpunarviljann og sjálfsbjargarviðleitnina. Ekkert borgar sig svo lengi sem sovétríkið DDRÚV lifir. Það er reynslan úr öllum sovétríkjum veraldar

Fyrri færsla

Samherji svarar loksins fyrir sig 


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband