Leita í fréttum mbl.is

Bloggfærslur mánaðarins, desember 2012

Jólagjöfin: Ný Andspyrnuhreyfing í fæðingu á Ítalíu?

Villt íslensk bláber og jarðarber í óþjóðareign
Mynd; Þessi hér íslensku villtu bláber og þessi hér íslensku villtu jarðaber, verða á jólaborðinu á eftir lambahryggnum sem hékk í fimm daga. Jólin koma. Ég óska ykkur hér með gleðilegrar jólahátíðar.
 
Er míster Silvio Berlusconi að mynda þá nýju andspyrnuhreyfingu sem taka mun mölbrotna Ítalíu út úr evrunni?; eftir 10 ára dvöl ítalska lýðveldisins í kvalarakvörn myntbandalags Evrópusambandsins. Út úr dómsdagsvél hinna nýju sovétríkja Evrópu þýskarafrakka? Taka Ítalíu úr evru-handjárnunum?
 
Samsteypa "hinna viljugu" í "húsi frelsisins" (Casa delle Libertà) og "aðskilnaðarsinnanna" í (Lega del Norte) ásamt "fimm stjörnu hreyfingu" (Movimento 5 Stelle) Beppe Grillo er að myndast í korridor sérstaks stjórnmálavængs, sem sameinast mun undir einu og aðeins einu stefnumáli; að koma Ítalíu út úr helvítis evrunni hvað sem það kostar. Framhaldslíf fyrir land Ítala er undir þessu eina stefnumáli komið.
 
Enginn hagvöxtur hefur verið á Ítalíu í meira en 10 ár og hefur evran og tilvistarkreppa hennar nú teppabombað eldsneytissölu sem knýr vélknúin ökutæki ítalska hagkerfisins aftur á bak til ársins 1960, að magni til. En samt eru úr þessu litla magni innkreistir skattar sem aldrei að magni og verðmætum til hafa verið hærri í sögu landsins.
 
Fyrri færsla
 

DDRÚV: Getið þið ekki komið betur fram við börnin? Ég spyr

Helstu skiptin sem ég sé og heyri frétta- og þáttamenn DDRÚV spyrja viðmælendur sína ágengra, oddhvassra og gagnrýninna spurninga um eitthvað, er þegar starfsmenn DDRÚV eru að yfirheyra saklaus börn. Eins og til dæmis í Landanum í gærkvöldi. Sérstaklega lítil börn. Þá er eins og það sé í lagi að vera ágengur og spyrja þá sem minna mega sín beittra spurninga. Og þetta er ekki einu sinni lygi. Landinn hefur líka kynnt Brussel.

Lítil börn eru of oft eina fólkið sem DDRÚV þorir að hjóla í. Saklausu börn landsins. Þá er af DDRÚV spurt af hverju?, hvers vegna?, trúir þú þessu? - og oftar en ekki af ferlegri heimsku sem krefst gáfulegrar hraðleitar að heimskulegum svörum handa kössum DDRÚV. Þetta eru spurningar hannaðar fyrir stjórnmálamen, en sem DDRÚV þorir ekki að spyrja þá um. Þeim er helst varpað fyrir börnin sem DDRÚV reynir að gera að börnum byltingar sinnar.
 
Aðeins þegar saklaust barn er að ræða við skattalega niðurgreiddar yfirverur DDRÚV, þá er eins og að allt sé leyfilegt hjá þokulúðrasveitum þessarar impótentu stofnunar, sem lifir hátt á því að hafa alla hljóðnema sína stanslaust fasttengda niður í vasa skattgreiðenda; og sem lítið nema áróður fá til baka frá fréttastofufyrirbæri kommabælisins. 

En ef eins og einn eða nokkrir þjóðkjörnir en sviksamir stjórnmálamenn ríkisstjórnarinnar gegn kjósendum Lýðveldisins birtist hins vegar í nálægð við hið hljóðafnumda DDRÚV —til dæmis dulbúinn sem Steingrímur J. Sigfússon eftir kosningar— þá hegða úr og aftanítengdir fréttamenn DDRÚV ríkisins í ríkinu sér eins og sjálft rauða gólfteppið, sem alltaf var aleina jarðsamband hjólbarða Zíls límosínuflota valdaklíku Sovétríkjanna, við móðurjörðina. Allir sjá að síldarbræðsla atkvæða Steingríms J. Sigfússonar hefur ekkert jarðsamband við það umboð sem hann sótti til kjósenda í síðustu kosningum. Sama gildir um flesta aðra þingmenn þess flokks. Þingmenn sækja umboð sitt til kjósenda, en ekki öfugt. Hann, þessi eini með allar þær tölur réttar, fær bara að svífa um eins og að hann sé sjálft andaglas DDRÚV-ríkisins í ríkinu. Bæði fyrirbærin eru þó stanslaust á fullum launum hjá almenningi í landinu. Endalaust!

Getið þið ekki komið betur fram við börnin? Ég spyr. Eruð þið vesalingar? 
 
Enginn getur orðið góður stjórnandi nema að hafa átt og alið upp eigin börn fyrst. Lélegustu stjórnendur eru oftast þeir sem engin börn eiga. Þeir skilja svo oft minna en ekki neitt um líf fólksins. Þeir eru það sem kallað er "a walking management disaster". Það er þar sem byltingin étur börnin sín.

Mér liggur við að segja; að hafi hér ekkert DDRÚV verið, að þá hefði hér aldrei orðið neitt hrun.

Fyrri færsla
 

Einn með allar tölur réttar

"Sérstakt miðnætti" með CCR sem voguðu sér erlendis og héldu svo sem eina tónleika í Royal Albert Hall í Lundúnum árið 1970. Næstu 15 árin neitaði John Fogerty síðan að spila lögin sín vegna einmitt upphafsréttar umboðsmanns á lögum hans. Hann samdi þó að minnsta kosti eitt nýtt lag á því tímabili. Það hét "Grís". Fogerty er nú talinn einn af hundrað bestu lagasmiðum samtímans. Ekki lagasmiðum heldur lagasmiðum. Sterkur listi það
****************

Sá sigursæli og aleini með allar tölur réttar á tombólu Vinstri grænna, fær sjálfan sig að (verð)launum í ríki síns sérstaka.

Happdrættisvél upphafsrétthafa almúga hins Vinstri græna í Norðurlandskjördæmi eystra, óskar líklega öllum þeim fjölda almúga almúgavélar hins aleina almættis til hamingju með þennan "sterka lista". Sem er yfir einnar tölu hneppingu utan um það sem við þekkjum svo allt of vel. Takið eftir orðunum: "Mér sýnist þetta vera sterkur listi".

Lagasafn DDRÚV sá svo um að spila péerrið á trommuslagi þess klukkan sex.

Og hér - en sérstaklega þar - er greinilega ekki allt sem sýnist. Hvað skyldu nú sumir sanngjarnir segja um þennan listamann Vinstri grænna? Ein Icesave lögin enn? Ætla þeir áfram að spila hér undir?
 
Fyrri færsla
 

mbl.is Steingrímur: Sterkur listi
Tilkynna um óviðeigandi tengingu við frétt

Spurt er: Er ekki hægt að fá sannar fregnir úr Danmörku?

Bloggvinur minn og pólitískur samherji, Halldór Jónsson verkfræðingur, varpaði eftirfarandi spurningu yfir mig. Eins og Halldór, vann ég einu sinni ungur í mörg ár í steypu og líka í múr.

Halldór Jónsson, verkfræðingur

Halldór skrifar: "Aftur þakkir Gunnar ármaður. Er ekki hægt að fá sannar fregnir með dæmum úr Danmörku frá því fólki sem upplifir ranveruleikann þar og lífskjörin.Hvad koster en öl,pölse og bröd? Hvad er skatten?"

Svar

Jæja í kvöld fékk ég línuþorsk með fullt af hamsatólg og mínu eigin gullauga úr garðinum. Og okkar eigin bláber úr dalnum í eftirrétt.

Sannar fregnir úr Danmörku Halldór?

Jhá þar bjó ég í 25 ár frá 1985 til 2010. Svo það ætti að vera hægt. En því miður Halldór minn kæri. Skattakerfið í Danmörku er svo flókið að enginn einn lögmaður er fær um að sjá það fyrir sér.

Í stjórn fyrirtækis míns í DK á tíunda áratug síðustu aldar sat einu sinni færasti skattasérfræðingur í Danmörku sem stjórnarformaður. Hann var lektor í skattarétti með meiru og rak mikla stofu. Skattayfirvöld landsins komu, og koma sennilega enn, í heimsókn til hans til þess að fá að skoða laga- og málasafnið á stofu hans. Altsaa, skattayfirvöld komu til hans til þess að reyna að fá botn í hvað þau sjálf yfirvöldin ættu að segja borgunum landsins um skatt og skattakerfi þeirra - áður en fólkinu er síðan stefnt upp á von og óvon með gratís skatta-skammbyssum yfirvalda. Það kostar ríkið aldrei neitt að hefja þessa byssu á loft gagnvart skattborgunum. Þessi lögmaður kallaði þingmenn Folketingets "bjørnebanden" (löggjafarvaldið). Að þeir/það væru eins og örvita fólk sem fær hríðskotabyssur í jólagjöf um leið og það tekur sér sæti á þinginu. Kerfið er svo ógagnsætt, ófyrirsjáanlegt og interaktíft að þegar lög númer 100.125.698 um skatta eru sett, þá er eins og að rafstraumi sé hleypt á dauðan kolkrabba. Og túlkun laganna fyrir dómstólum er háð stund og stað.

Í landinu er gildandi stighækkandi tekjuskattur upp í max 56 til 64 prósent. En það segir svo lítið því svo margt annað spilar þarna inn fyrir launþega og alla sem anda í landinu.

Stýrivextir, verðbólga og atvinnuleysi í Danmörku 1978-2008

Í Danmörku eru gjöld á nánast öllu sem neytt er og einnig því sem aldrei er neytt. Þegar seðlabanki Danmerkur missti hið peningapólitíska vald undir ríkisstjórn grasasnanna Paul Schluters og Uffe Ellemann-Jensen, með fastbindingu dönsku krónunnar við svarthol Þýskalands árið 1986, þá þýddi það að stýra varð öllu í hagkerfinu með gjöldum, sköttum og skatta sköttum. Gjöld, þ.e. hinar svo kölluðu "punktafgifter" héldu þá fyrir alvöru innreið sína og tröllriðu öllu og hafa gert það æ síðan. Afborganakaup voru t.d. bönnuð að hluta til og mörg lög sett um þau, til þess að reyna að stýra greiðslujöfnuði og verðbólguþróun. Eins var gert með matvæli, heimilistæki og flest annað. Hið peningapólitíska vald í hagkerfinu (stýrivextir) hvarf með gengisbindingunni og það þýddi að einu stjórntækin sem danska ríkið réði þar eftir yfir, var sovésk neyslu- og hegðunarstýring. Sjálfir segja Danir að land þeirra sé orðið DDR-Light.

Nú er svo komið að skattayfirvöld í Danmörku hafa byggt múr gegn borgurum landsins umhverfis hina svo kölluðu starfsemi sína. Það er ekki lengur hægt að hitta sjálft fólkið sem heimtar af þér skattinn. Það er allt falið á bak við "endurskipulagðan" múr af síma-biðraðakerfi og "gerðu það sjálfur" (tast selv) köngulóarvef af illa gerðum vefsíðum á internetinu í endalausum runum. Skattafólkið þarf því aldrei að hitta skattborgana. Þeir bíða bara endalaust hálfu og heilu dagana í biðraðakerfi í símanum og er þar vísað á milli Pontísurar og Pílatusar á meðan enginn kann þar neitt né veit neitt um skattakerfið og skattana og skattamálin nema akkúrat um þann smásjárstól sem það sjálft situr á. Þetta er orðið ein stór málalengingaskrifstofa Dickens, Halldór. Hreinn hryllingur.

Fasteignamarkaður Danmerkur er í frjálsu falli, í annað sinn á síðustu 27 árum. Þessi fasteignamarkaður landsins —sem allur er í óverðtryggðum lánum og sem að meðaltali er skuldbreytt á þriggja ára fresti og er þá við það tækifæri höfuðstólshrært upp fyrir skorsteinstopp í hvert sinn er nýr höfuðstóll afmyndast með nýjum lánakostnaði og nýjum gjöldum til Realkreditten, sem einu sinni var í eigu húskaupenda en er nú eign í/á barmi gjaldþrota banka— hefur hrunið tvisvar sinnum síðan 1987 með hörmulegum afleiðingum. Verðhrunið varð allt að 40 prósent í fyrra skiptið. 1800 nauðungaruppboð fóru fram í hverjum mánuði. Fólks sat uppi með óseljanlegar eignir á lægri launum, en með hærri greiðslubyrði miðað við ráðstöfunartekjur.

Frá og með árinu 2007 hefur fasteignamarkaðurinn aftur verið í frjálsu falli. Um 40 prósent húsnæðiseigenda undir 35 ára aldri í Danmörku skulda nú meiri peninga í fasteign sinni en hægt er að selja hana fyrir.

Alls er hver fimmti fasteignaeigandi í Danmörku orðinn eignalaus. Skuldar meira en hægt er að selja fyrir. Kemst ekki út. Þetta (boom-bust volatility) eru helstu einkenni óverðtryggðra fasteignamarkaða. Þeir sveiflast meira og í hverri sveiflu er fólkinu hent úr úr húseignum sínum. Ekkert lát er á fallinu til lengri tíma litið. Og sjálfum litla fingri stjórnvalda verður ekki lyft neinum til aðstoðar, frekar en fyrri ferðina. Og heilum FJÓRUM björgunarpökkum hefur nú verið hent til bankakerfisins á kostnað skattgreiðenda. Það er enn á leið til fjandans, með nýjasta gjaldþroti Tønder Bank, sem fór í þrot í þar síðustu viku, eftir að yfir- og fullmannað fjármálaeftirlitið hafði blástimplað bankann í bak og fyrir sem fyrirmyndarbanka, aðeins nokkrum vikum áður. Fjármálaeftirlitið (finansiel stabilitet) er ruslatunnuselskab þeirra 50 fjölskyldna sem eiga Danmörku og sem hafa mest og réttast eftirnafn. Þarna misstu margir litlir það sem átti að tryggja tilveru þeirra í ellinni. Þeir treystu á gamla góða bankann sinn sem alltaf hafði verið þarna fyrir það frá árinu 1913, sem stolt héraðsins. Þar á undan hafa meðal annars eftirfarandi fjármálaeftirlits-blástimplaðir danskir bankar orðið gjaldþrota. Eignasafn Roskilde Bank sem fór fyrst, rotnaði niður í rúst á aðeins nokkrum vikum beint fyrir framan nefið á fjármálaeftirlitinu, og aðeins munaði hársbreidd að Danske Bank færi í þrot. En þetta er bara byrjunin á því sem koma skal: 

  • Max Bank
  • Fjordbank Mors
  • Amagerbanken
  • Eik Bank Danmark
  • Capinordic
  • Fionia Bank
  • Løkken Sparekasse
  • Ebh Bank 
  • Roskilde Bank

Í Danmörku búa nú um 5,45 milljón sálir

Danmörk er skattpíndasta OECD-land veraldar. Og ekki af ástæðulausu. 

840 þúsund manns gera ekki neitt. Eru annað hvort atvinnulausir eða komið fyrir í kassageymslum ríkisins eða stimplaðir út fyrir-tímann-öryrkjar (førtidspensionister) sem frá 1985-2002 var þannig komið fyrir í kassageymslum ömurleikans utan atvinnumarkaðs vegna þess króníska mikla atvinnuleysis sem ríkt hefur í landinu á 30 af síðastliðnum 35 árum. Það hefur aldrei öll þessi ár borgað sig fyrir ungu giftu eða einstæðu konuna með tvö börn að hafa fyrir því að vinna á búðarkassa í danska Hagkaupi, eftir fyrst að hafa hjólað með þau í pössun á rándýrum og niðurníddum ríkisreknum barnaheimilum, vegna þess að það eru 180 prósent gjöld á bifreiðum (hver bílkróna FOB frá útlandinu kostar um það bil þrjár krónur út úr bílabúð í DK). Svo hún vinnur ekki lengur og eignast helst engin börn lengur Halldór minn, því það gengur ekki upp. Frjósemi kvenna (fertility) er þó miklu lægri í flestum öðrum löndum Evrópusambandsins á leið þeirra til ESB-heljar. En hver á að kaupa íbúðirnar og húsin af þessu fólki í framtíðinni? Geimverur?

1200 þúsund manns eru ellilífeyrisþegar eða fólk á eftirlaunum, að mestu leyti á framfærslu skattgreiðenda sem fækkar ört.

700 þúsund manns eru opinberir starfsmenn á fullri framfærslu þeirra peninga sem verðmætasköpun einkageirans skaffar þeim (opinberir starfsmenn búa ekki til verðmæti; þeir eyða þeim). Velmegun er ekki það sama og velferð. Það þarf sem sagt einn opinberan starfsmanna til að hugsa fyrir og um hverja 7,8 Dani, þ.e.a.s ef opinberir starfsmenn geta þá talist hugsandi verur sem hugsa um aðra án þess að hugsa um sjálfa sig samtímis. Því á ég erfitt með að trúa. Ef opinberir starfsmenn eru dregnir frá, þá þarf einn opinberaðan starfsmann til að halda í höndina á hverjum 6,7 Dönum. Svo aumt er ástandið orðið.  

900 þúsund eru börn undir 14 ára aldri

300 þúsund eru námsmenn eða álíka

Og atvinnuleysi í Danmörku hefur sem sagt ekki farið niður fyrir íslenkst bankakreppuhlutfall í samfellt 35 ár, að fimm árum undanskildum; þ.e. á fjármálabóluárum sogrörs ECB-aukaseðlabanka Þýskalands í Evrópusambandinu. Það er nú um 8 prósent.

Þrír af hverjum fjórum kjósendum eru á framfærslu hins opinbera, að fullu leyti, að hluta til, eða eru opinberir starfsmenn. Þetta er nokkurs konar dópsala stjórnmálamanna. Hver kýs undan sér þennan kassa Halldór. Ekkert lýðræði getur þrifist í svona sovétríki. Allir kjósendur landsins eru með annan fót tilveru sinnar fast depóneraðan í ríkiskassann. 

Svo ert þú að spyrja um verðið á pylsum!!!

Hvernig pylsum Halldór minn? Pylsu sem framleidd er úr úrgangs beinamjöli af grís sem óx upp í Danmörku? og sem síðan er keyrt niður fyrir landamærin til að slátrast þar, því þar eru launin aðeins helmingur á við dönsk laun í sláturhúsum landsins sem flest eru horfin úr landi til ESB-landa sem borga lægri og lægri og lægri laun í handjárnuðu gengisfyrirkomulagi þeirra við hvort annað. Eða viltu pylsu úr grís frá Austur-Evrópu frá landflótta dönskum bónda sem einhvernvegin tekst enn að kalla pylsur sínar "danskar"? Allar pylsur í Danmörku eru algerlega óætar Halldór. Alveg 100 prósent rusl. Og ekki skaltu heldur spyrja mig um ísinn, því hann er ennþá verri. Síðasti ísinn sem ég át í Danmörku, honum henti ég. Ís þar á ekkert skylt við ís lengur. Danir eru heimsmeistarar í matvælasmínki. Þeir neyðast til að vera það. Að dulbúa drasl sem mat. Svona er að missa gengið! Svona er að missa hin peningapólitísku völd!; þá er það blóðug samkeppni niður á kostnaðarbotninn í Evrópusovétsambandinu sem gildir. Þá þarf maður að keppa með því að smínka drasl; Hérna sérðu að matur í sjálfu landbúnaðarlandinu Danmörku er sá dýrasti í öllu Evrópusambandinu. Hvernig gat þetta gerst Halldór? En, þannig er það að vera bóla á rassinum á Þýskalandi; svartholi Evrópu. Við Íslendingar erum heppin að þurfa ekki að deila túnfæti okkar með neinum. Því það er virkilega erfitt að vera bara Danmörk í Evrópusambandi Þjóðverja og de Gaulle, sem sagði: "Frakkland og Þýskaland er Evrópa. Restin er grænmeti."

Svona færi með sjávarútveg Íslands ef elsku elsku Lýðveldið okkar myndi nokkru sinni leggjast svo lágt að láta troða sér í Evrópusovétsambandið. Þá þyrftum við að flytja inn fisk okkur til matar. Til fjandans með ríkisstjórn sósíalista og Marx–Lenínista í NiðurÍslands leshring þeirra umhverfis ítroðsluumsókn sömu sósíalista og kommúnista inn í sovétríki Evrópusambandsins.

Ef þú vilt fjárfesta þig í bremsuklossum Halldór, þá er bara að ganga í helvítis Evrópusambandið? Og fá þér þar eina pylsu úr beinamjölsúrgangi sem kostar einhvern andskotann.

Og takk fyrir kaffið kæri Halldór

Fyrri færsla

Honecker-hagdeild DDRÚV í Austur-Berlín Reykjavíkur 


Honecker-hagdeild DDRÚV í Austur-Berlín Reykjavíkur

 

ERICH HONECKER

DDR var Marxískt–Lenínískt ríki sósíalista í Austur-Þýskalandi og samfélag svikara. Systurríkisútvarp hins íslenska DDRÚV í Austur-Þýskalandi hét "Rundfunk der DDR". RDDR sendi út lygar, hálflygar og hálfsannleika vafinn inn í orðagjálfur alvörunnar áratugum saman. Fés alvörumenna við undirleik þokulúðrasveita vinstrimanna, sem fóðraðar voru með fé, svita og lífum almennings, var eitt helsta valdaverkfæri hinnar sitjandi nómenklattúru einræðisins ofan á borgurum þessa ríkis sem annarra austar í Austeritíu.

Skransala sannleikans í Austur-Þýskalandi er dauð, en DDRÚV lifir enn og sendir út áróður, hálflygar og hálfsannleika í þágu sósíalista á Íslandi, undir sturtubaði peninga sem fossað er úr vösum almennings með ríkisvaldi.

"Fréttatími" gærkvöldsins í DDRÚV sjónvarpaði því að "verðlag" á Íslandi hefði hækkað miklu meira en á hinum Norðurlöndunum. Þessu til vitnis var dregin fram Hagtöluárbók Norðurlanda 2012. Í næstkomandi júnímánuði mun DDRÚV þar af leiðandi segja þjóð sinni frá því að dagurinn hafi lengst, en sólin því miður hækkað mest hér á landi. Þetta er jú DDRÚV allra landsmanna. Mið stöð séðs & heyrðs í öllum málum íslenska Lýðveldisins og á fullum launum hjá skattgreiðendum þess; Rundfunk der DDRÚV.

Konsumentprisindex- Livsmedel och alkoholfria drycker 

Á blaðsíðu 122 í þessari Árbók hagtalna Norðurlanda 2012, sem út kom í nóvember mánuði þessa árs, fann DDRÚV mynd sem þjónar málstað sósíalista og Marx–Lenínista í NiðurÍslands leshring þeirra umhverfis ítroðsluumsókn sömu sósíalista og kommúnista inn í sovétríki Evrópusambandsins. Þessi mynd sýndi veðlagsvísitölu. Og bara verðlagsvísitölu. Ekkert annað. Hún sýndi og sýnir enn ekki neina launavísitölu.

Því hef ég útbúið eftirfarandi yfirskilvitslegu mynd sem sýnir BÆÐI verðlagsvísitölu OG launavísitölu í einu —og sama— vetfanginu. Myndin segir okkur að laun hafa hækkað mikið umfram verðlagið sem DDRÚV spilaði svo svart á skjánum fyrir peninga þína;

Launa og verðlagsþróun á Íslandi frá 1995 til og með 2011 

En þetta er ekki nóg. Því að á þar næstu blaðsíðu í Árbók hagtalna Norðurlanda 2012, er önnur mynd. Sú mynd sem sýnir okkur hvar aðvífandi og utanaðkomandi geimvera myndi fá mest fyrir fjármuni sína ef hún skyldi ákveða að lenda til að kaupa sér mat eða hins vegar alla framleiðslu, vörur og/eða þjónustu hagkerfisins - á einhverju af öllum hinum fimm Norðurlöndum Norðurlanda. Þarna á myndinni eru tvær súlur (ein súla plús önnur súla eru tvær súlur). Þetta er kallað verðlags- og/eða jafnvirðisgengi, og/eða kaupmáttarjöfnuður og/eða á ensku; Price levels

Price levels. 2011 

Þarna eru kaupmáttur utanaðkomandi á milli hagkerfa gerður samanburðarhæfður og verðbólga og gengismismunur þurrkuð út úr myndinni. Verðlag fyrir utanaðkomandi verður þar með samanburðarhæft. Þetta er nytsamt fyrir þá sem vilja vita hvert ódýrast sé að ferðast, eða staðsetja og framkvæma fjárfestingar. Því þessar tölur segja einnig í einu og sama vetfanginu hvar samkeppnishæfasta hagkerfið er að finna. Fjárfestar vilja helst festa fé sínu í samkeppnishæfu umhverfi. Þeir festa helst ekki fé sínu til að tapa því á gólfið eða ofan í ríkissjóð sem er að verða gjaldþrota sökum þess að allar skattatekjur hans fara í það að greiða öllum atvinnuleysisbætur, eða sökum þess að öll þjóðin vinni við DDRÚV'leg skemmdarverk á öllum grunnstoðum Lýðveldisins.

Það sem er merkilegt við þessa mynd er sú staðreynd að sjálfstæðri krónu Lýðveldis Íslendinga hefur tekist halda samkeppnisstöðu íslenska hagkerfisins betri þegar á þarf að halda, en tekist hefur á öllum hinum Norðurlöndunum. Þrátt fyrir mikla uppgangstíma, ríkidæmisverðbólgu, bankahrun og verðbólguskot í kjölfar þess.

Íslenska krónan er gírkassi hagkerfisins. Hann virkar svona; Þegar hagkerfið stendur frammi fyrir brattri brekku þá skiptir gírkassinn um gír til að landið okkar komist upp brekkuna. Til að geta skipt um gír þá verður maður að hafa sinn eigin gírkassa. Það er ekki hægt að notast við gírkassa í annarra þjóða bíl sem læstur er inni í bílskúrsbygginu í öðrum löndum, eins og fleiri en fjórtán á sig skitin hagkerfi evrusvæðis þurfa að gera; í kjölfar þess er allt springur í loft upp á meðan brekkan er fjarlægð með handafli launþega sem handjárnaðir eru við ECB-sogrör aukaseðlabanka Þýskalands í mittelpúnkteraðri Evrópu.

Og að lokum; hér er svo það sem DDRÚV gat viljandi ei lesið; 

  • 1) Livsmedel är särskilt dyrt i Norge och Danmark. I de två länderna låg prisnivån på livsmedel år 2011 52 procent (Norge) och 23 procent (Danmark) över EU-15-genomsnittet. Finland och Island var Nordens billigaste länder när det gäller livsmedel.
  • 2) Prisskillnaderna mellan de nordiska länderna är mindre när det gäller den samlade prisnivån, d.v.s. priserna på samtliga varor och tjänster som ingår i BNP. Här är Island det billigaste landet med en prisnivå år 2011 som ligger 8 procent över EU-15-genomsnittet, medan Norge är dyrast med en prisnivå 41 procent över EU-15-genomsnittet.  

Þetta er á sömu blaðsíðu og ein súla plús önnur súla eru tvær súlur; númer 124.

Svo er bara að hækka skattana sem kyndir hitaveitu helvítis og kála Lýðveldinu með því að ljúga því inn í Evrópusambandið í þágu félaganna í Samfyklingarsamsteypunni og Vinstri grænum. Þá er þetta komið hjá DDRÚV;

  • UMSÁTUR DDRÚV UM SEÐLABANKANN
  • (búsáhalda?) BYLTINGARÁRÓÐUR DDRÚV
  • KOSNINGAVAKA DDRÚV GEGN LÝÐRÆÐINU
  • ICESAVE DDRÚV I + II + III GEGN ÞJÓÐINNI
  • SAMHERJUN DDRÚV á SJÁVARÚTVEG
  • PLATESTÍNA DDRÚV
  • HATUR DDRÚV Á BANDARÍKJUNUM OG REPÚBLIKÖNUM
  • EVRÓPUSAMBANDSÁRÓÐUR DDRÚV
  • FINNSKA LEIÐ DDRÚV OG JÓHÖNNU
  • ESB-STYRKJASUKKSÁRÓÐUR DDRÚV
  • DDRÚV MÁLPÍPA VINSTRISTJÓRNAR
  • FÍASKÓ-GREINING DDRÚV Á FJÁRMÁLABÓLUNNI
  • FÍASKÓ-GREINING DDRÚV Á MYNTBANDALAGINU (EMU)
  • FÍASKÓ-GREINING DDRÚV Á EVRÓPUSAMBANDINU
  • KOSNINGAANDVAKA DDRÚV GEGN FORSETA
  • STJÓRNARSKRÁRMÁL DDRÚV GEGN ÞJÓÐINNI

Listinn er endalaus og allur í eina átt

DDRÚV ER MÁLPÍPA OG KRÓNÍSKT KOMMA- OG SÓSÍALKRATABÆLI sem enginn Íslendingur ætti að þurfa að borga eina krónu fyrir

Af hverju fær þetta fólk að halda þessum einka-DDRÚV-leshring vinstrisins yfir þjóðinni áfram?? Þetta er skandall

SIGUR RUV.002

 

Fyrri færsla

Ég dreg ég hér með ummæli mín til baka


Ég dreg ég hér með ummæli mín til baka

Stuttu eftir að ég hóf skrif mín hér á síðunni, var því núið í annað auga mitt að hvorugt þeirra þyldu ljós hins pólitíska litrófs. Að ég gæti ekki tekið breytingum og sætt mig við að lifa undir og búa við svo kallaða "vinstri-ríkisstjórn".

Þá sagði ég að litaskipti eða öllu heldur pólitísk kerfisskipti, ef svo mætti að orði komast, væru stundum af hinu góða. Að ég gæti vel haldið út að sitja undir svo kallaðri "vinstri-stjórn", þó svo að hún væri og yrði aldrei kross á mínum kjörseðli. Þetta gæti ég í krafti þess að ég væri svo heppinn að búa í landi þar sem þingkosningar eru haldnar á fjögurra ára fresti, í það lengsta. Að hámarks sársaukinn (max_pain) fyrir mig væri því í mesta lagi heil fjögur ár. Þá yrði kosið aftur, því þannig eru leikreglur hins frjálsa Lýðveldis Íslendinga.
 
Sagði ég að þetta væri svona hér á landi þar sem við erum meðal annars ekki í Evrópusambandinu, þar sem aldrei er kosið aftur eftir að einu sinni heftur tekist að koma Evrópusambandseinveldinu til valda. Þá er aldrei kosið aftur og allar þingkosningar innan múra rómarsovétríkja Evrópusambandsins þar með orðnar merkingar- og tilgangslausar. Þá væri Lýðveldi Íslendinga þar með búið að kjósa undan sér lýðræðið. Þessa vegna gæti ég haldið fjögurra ára DDR-Síberíu "vinstri-stjórnar" út. Vonin er svona máttug. Ég hefði alltaf vonina til að halda mér í og hugga mig við.

En eftir að hafa kynnst ríkisstjórn Jóhönnu Sigurðardóttur, Steingríms J. Sigfússonar, Össurar Skarphéðinssonar og Ögmundar Jónassonar, dreg ég hér með ummæli mín til baka. Aldrei ALDREI má hleypa slíku fólki aftur að völdum hér í lýðveldi okkar Íslendinga undir neinum kringumstæðum. ALDREI. Á genetískri skemmdarverkastefnuskrá þeirra er og verður alltaf meðal flests svarts annars, sú inngróna stefna þeirra að hér verði aldrei kosið aftur.
 
Mikið hefur blessað Lýðveldi Íslendinga frá hinum 17. júnídegi sumarið 1944 mátt þola frá höndum þessa fólks hin síðustu fjögur ár.  

Varið ykkur Íslendingar. Varið ykkur.
 

Vill svipta Lundúnir stöðu gjaldeyrisviðskiptamiðstöðvar - með evrur

Hinn á vissum stundum opinberi embættismaður og Seðlabankastjóri Frakklands, Christian Noyer, sem með herkjum vinnur af sér sína helstu og hörðu aukavinnu á stólsessu í bankaráði ECB-aukaseðlabanka Þýskalands ofaní Evrópusambandinu, hefur nú skyndilega smitast af veiki Jean-Pierre Grard hinum fyrrverandi peningastefnumanni bankaráðs þessa eða hins seðlabanka Frakklands —og sjálfum höfundi "Gerard-kúrfunnar"— og sem svo seint sem árið 1998 sagði að sjálfur tilgangur myntbandalags evrunnar (EMU) væri að sjúga fjármagnið út úr Bandaríkjum Ameríku, þvinga stýrivexti Bandaríkja Ameríku upp, þrýsta atvinnuleysi í Bandaríkjum Ameríku upp í hæðir og loks að þvinga þessi sömu Bandaríki Ameríku til samþykkja miðstýrða gengisskráningu gjaldmiðils einmitt þessara sömu og sjálfra Bandaríkja Ameríku. Væntanlega helst líkamlega og þá kannski samkvæmt reglusetti gengisskráningar CFA-nýlendnanna, sem gerist á hádegi frá einu skrfiborði í miðpunkti alheimsins í París. Það er að segja þegar og ef tími til þess gefst. Og tíminn er ekki gratís eins og allir ættu nú að vita, sérstaklega ekki eftir að hann hætti að þora að koma út.   

Noyer seðlabankastjóri Frakklands segir nefnilega nú, að bráðnauðsynlega verði að svipta Lundúnir stöðunni sem stærstu fjármálamiðstöðvar heimsins, þegar að alþjóðlegum viðskiptum með öngva Frakklands en alla mynt Þýskalands kemur. Sú mynt heitir í dag evra. Og Lundúnir sjá um næstum helming allra alþjóðlegra viðskipta með evrur í 250 alþjóðlegum bönkum borgarinnar á hverjum degi, og sem einnig er stærsti alþjóðlegi gjaldeyrismarkaður alls heimsins á sama tima.

Þetta er nauðsynlegt segir Noyer, svo að aflandsviðskipti með evrur séu ekki staðsett á Bretlandseyjum —já þið heyrðuð rétt; aflands var það— en verði framvegis staðsett innanlands —og hér kemur rúsínan— á sjálfu evrusvæðinu! "Því þá getum við á evrusvæðinu betur stýrt öllum fjármálaviðskiptum á öllu evrusvæðinu." Já. Stafað; komandi fjármagns og gjaldeyrishöft. Þetta sagði Noyer á löngu ferðalagi sínu um heiminn í þeim tilgangi sanna fyrir vissum mönnum að miðpuntur alheimsins í París yrði og ætti að verða miðstöð viðskipta með heimatilbúinn ógjaldfæran gjaldmiðil kommúnistaflokksríkis Kína í sóttkví.
 
Skransala með evrur gætu þá orðið framtíðin. Hún gæti orðið ágætis rúbla þegar fram í sækir í hinum nýju sovétríkjum Evrópusambandsins, og sem þá væri ekki lengur aflands-viðskipti heldur afláts-viðskipti án-lands. Þetta passar vel heim og saman við það sem Charles de Gaulle sagði: "Frakkland og Þýskaland er Evrópa. Restin er grænmeti." 

Evrópusambandið var frá fyrsta neista hugsunar um stofnun þess ávalt, ætíð, fyrst og allra fremst stofnað til höfuðs Engilsaxneskum mönnum; frelsishugsun þeirra, lögum þeirra, lagaheimspeki og dómstólum þeirra, og hinum Engilsaxneska kapítalisma frelsis þeirra (e. the Anglosphere). Got that!
 
Enginn annar raunverulegur hvati lá að baki stofnunar Evrópusambandsins; enginn annar en sá að stúta Anglosphere [inu]. Sjaldan launar kálfur ofeldið
 
Fyrri færsla
 
 
Krækja
 
á forsíðustoff FT um helgina
 


Smyglarar, slökkvilið en þó mest brunalið

Skjúklingurinn þarf fyrst að verða heilbrigður til að geta þolað lyfin sem áttu að lækna sjúkdóminn
Mynd; Þrjú ár eru nú liðin af 100 ára hruni evrusvæðisins. 
 
Sjúklingurinn veldur áfram vonbrigðum. Hann passar ekki við lyfin. Þó hafa engar stökkbreytingar átt sér stað á Evrópu, a.m.k ekki hin síðustu nokkur hundruð ár. Svo mun heldur ekki verða í framtíðinni. Evrópska apótekið er ekki orðið neitt smá batterí nú, ekki frekar en fyrri daginn. Eitt tröllvaxið Evrópusovétsamband. Stækkar og stækkar.

Nú segir og ítrekar Brussel-belgurinn að það sé einmitt mismunurinn á samkeppnisaðstöðu og samkeppnishæfni á milli hagkerfanna sem sé að eyðileggja myntina. Hafið þið heyrt það betra? Það sem myntin átti að lækna er nú að eyðileggja sjálfa myntina. Þetta svarar til þess að læknir skammar sjúkling sinn fyrir að vera veikur, því veiki hans eyðileggi virkni lyfsins sem hann gaf sjúklingunum við sjúkdómnum. Læknirinn segir því nú að sjúklingurinn verði fyrst að verða heilbrigður til að geta þolað lyfin sem áttu að lækna sjúkdóminn sem lyfin voru framleidd til að lækna. Halló !!!!

En evran —sögðu allir fjölmiðlavinsælir sérfræðingar innan sem utan Brusselbelgsins, þegar henni var ýtt úr vör— átti einmitt að jafna út mismun og ójafnvægi í samkeppnisaðstöðu og samkeppnishæfni á milli hagkerfa evrusvæðisins. Hún átti líka að stórauka —300 prósent sögðu sumir hagfræðingar— verslun og viðskipti milli þeirra landa sem voru svo "heppin" að fá að koma með í þennan klúbb útvaldra ríkja með "fyrirmyndar" efnahag, eins og t.d. Portúgal , ECB-plakatdrengurinn Írland, Ítalía, Grikkland og Spánn. Áður kynntar umheiminum sem dúkkulísur sogrörs ECB-aukaseðlabanka Þýskalands
 
Árangurinn er eitt stórt gjaldþrota fangabúðakerfi. Ein stór efnahagsleg, lýðræðisleg og peningaleg Síbería!!

Einn eftirsóttasti smyglvarningur á evrusvæðinu, smá 15 árum eftir að sjálfstætt gengi allt að 16 landa myntbandalagsins var lagt niður, er hagstætt og sjálfstætt gengi eigin gjaldmiðils sem passar við ástand efnahagsmála heima í einmitt hverju landi fyrir sig. Gengi sem passar við ástandið heima hjá okkur.

Asnar!
 
Kærar þakkir til Stefaníu Jónasdóttur á Sauðárkróki, fyrir bréf hennar til eina dagblaðsins á Íslandi. Það er á blaðsíðu 37 í Morgunblaði helgarinnar.
 
Fyrri færsla
 

mbl.is Ríki fái að yfirgefa evrusvæðið
Tilkynna um óviðeigandi tengingu við frétt

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband