Leita í fréttum mbl.is

Persónuvernd þingmanna gegn kjósendum

Rúðubrot ríkisstjórnar og þingmanna í formi persónuverndarlaga hins tröllslega bákns Evrópusovétríkis ESB, er að kosta almenning í landinu milljarða króna með gorkúluvæðingu sem banar bæði hagvexti og verðmætasköpun í landinu. Í nýjasta hefti Sveitastjórnarmála kemur fram hvernig illgjarnt, skemmandi og velmegunartortímandi lagabákn þingsins er að lenda á herðum skattgreiðenda. Evrópusambandið er sérhönnuð sláturstofnun velmegunar og nýþýskar útrýmingarbúðir fyrir lýðræði og þjóðfrelsi. Þeir þingmenn og ráðherrar sem samþykkt hafa hér steypuverk ESB, hafa gert sig minna verðuga þess að sitja á þingi sem fulltrúar kjósenda. Þeir hafa ekki unnið fyrir launum sínum og gætt hagsmuna þjóðarinnar. Hvað veldur þessum aumingjaskap? Íslenska þjóðin getur ekki lifað á rúðubrotum hins opinbera eins og þið gerið í þessu máli sem og of mörgum öðrum. Þannig atvinnusköpun leiðir fyrr en síðar til þjóðargjaldþrots, því hún er hrein og skær skemmdarverkastarfsemi

Persónuvernd þingmanna Sjálfstæðisflokksins er að verða Vinstri grænir eins og sést kannski best á því að heimasíða Birgis Ármannssonar þingmanns Sjálfstæðisflokksins (www.birgir.is), eins og Alþingi gefur hana upp (í að mestu pathetísku safni af félagsmiðlaruslatunnum yfir ekki-heimasíður þingmanna), leiðir mann að sjálfsögðu inn á heimasíðu Vinstri grænna, þar sem hann ásamt dómsmálaráðherranum sem stóð fyrir ruglinu, og sem virðist líta á sig sem embættismann, eru greinilega að verða persónuverndaðar skrifstofupersónur í Marx-Lenín-grænu búri VG. Nema náttúrlega að vefur Alþingis sé kominn í persónuverndaða hakkavél

Bandarískir fjölmiðlar, og sumar heimasíður, eru þegar byrjaðir á því að hafna algerlega evrópskum IP-tölum og loka þar með á ESB- og EES löndin sem samþykkt hafa þetta steypuverk ESB, eins og kemur fram í tilkynningu þeirra á skjánum á http-porti. Þessu hef ég lent þrisvar í á aðeins nokkrum dögum. Þetta á greinilega sérstaklega við um minni fjölmiðla, sem eru ekki með ranann á ljóshraða ofan í vösum skattgreiðenda eins og DDRÚV-skrímslasafnið hér heima og í sovétríkjum ESB. Þessi kommasteypa mun ekki storkna slödduð á næstu kjörseðlunum xD, sem virðist stunda sjálfstortímingar og sovéska heimspeki, á meðan landið er selt undan þjóðinni

Fyrri færsla

Fyrirtækin munu segja upp fólki


Fyrirtækin munu segja upp fólki

Framleiðni eftir kyni aldri og hjúskaparstöðu

Mynd WSJ: Framleiðni eftir kyni, hjúskaparstöðu og aldri. Eru það ábyrgðarfullir miðaldra feður sem halda hagvexti uppi? (WSJ). Sennilega, því þeir eiga börn. Og svo er líka erfitt er að verða góður yfirmaður, nema að hafa átt börn. Það segja stjórnunarfræðin. Að eignast börn er lykillinn að farsælla lífi - fyrir alla

****

Þegar launakostnaður fyrirtækja verður of hár, er lítið annað að gera en að reyna að lækka hann. Það er hægt með því að segja upp fólki og reyna að efla framleiðni þeirra sem eftir eru, eða sem koma inn næst. Segist fyrirtækjum svo hugur að þvinga eigi upp á þau enn hærri launakostnað en þegar er orðinn, þá mun fjöldi uppsagna afvopna verkalýðshreyfinguna að hluta til. Það er gefið og vitað

Í því ofsagóðæri sem verið hefur undanfarin ár er líklegt að framleiðni sé ekki upp á marga fiska. Þeir sem vilja fara ofsaleiðina í kjölfar ofsagóðæris, hljóta að mæta fullu húsi af eiginfé fyrirtækjanna sem nota má til að koma framleiðni upp á ný og til að bæta framleiðslu á vörum og þjónustu. En þar sem ríki og bær njóta sérstöðu með því að fá að gera almannafé gratís upptækt, þá er ekki víst að þetta dugi til að halda hagvexti uppi. Stór opinber rekstur er vandamál sem elur af sér stöðnun og handjárnun hagvaxtar

Hagvöxtur er t.d. munurinn á heilbrigðiskerfinu 1930 og 2018, þ.e. núna. Sama byggingin, en allt önnur útkoma, því það var hagvöxtur sem skaffaði þá velmegun sem menntaði starfsfólk, þróaði græjur og lyf. Þeir sem skilja ekki hagvöxt ættu að láta leggja sig inn á sjúkrahúsið eins og það var 1930. Sama byggingin, en nú niðurslitin, vegna skorts á hagvexti, en óbreytt útkoma og enn verri vegna slits. Án velmegunar (hagvaxtar) er engin velferð fyrir stjórnmálamenn til að deila út. Allar tekjur hins opinbera koma frá fyrirtækjum landsins. Allar. Engar aðrar tekjur eru til

Fyrri færsla

Á meðan Ísland er selt: "getum ekkert að gert" volið, einu sinni enn


Á meðan Ísland er selt: "getum ekkert að gert" volið, einu sinni enn

Þetta er sama "við getum ekkert að gert" volið og var viðhaft þegar bankahrunið var að búa um sig. Sakleysi, vanræksla og kæruleysi. Þegar 1 til 51 prósent af Íslandi er komið á erlendar hendur þá verður ekki eitt látið yfir alla ganga og það verður ekki gaman, því það mun ekki ganga jafnt yfir alla. Auðmenn með ágirnd á landi í vörslu pólitískra sakleysingja ganga aldrei jafnt yfir alla, eins og sagan sýnir. Og það þýðir ekkert að reyna að hvítþvo þetta með akademískum rökum né náttúru-hitt-eða-þetta sjónarmiðum né kjölfestum "fjárfestum" alþjóðlegra peningadalla, sem enginn veit hvaða farm eru með í lestunum. Við eigum nóg af peningum sjálf og höfum ekkert að gera við sama glóballar-kjölfasta flóð- og fjöru peningadraslið og síðast

Það er merkilegt að núverandi forysta Sjálfstæðisflokksins skuli svona samviskusamlega neita að standa fast með Íslandi, liggur manni við að segja, við hvert einasta tækifæri sem henni býðst til að sýna dug. Til hvers eruð þið þarna. Eruð þið kannski að verða bensínlaust jólaskraut?

Hvar ætlið þið að stöðva söluna á Íslandi. Við 1 prósent eða 90 prósent? Af hverju ekki stöðva hana strax, því allir vita að þetta verður að stöðva. Hvað er að ykkur? Ætlið þið áfram auglýsa útsölu á Íslandi um allan heim eða ekki?

Sýnið dug!

Fyrri færsla

Fjárfestar rifu fésið af Facebook Inc.


mbl.is „Eitt verður yfir alla að ganga“
Tilkynna um óviðeigandi tengingu við frétt

Fjárfestar rifu fésið af Facebook Inc.

Líkar ekki

Þeim líkaði skyndilega ekki við Facebook, fjárfestum veraldar. Stærsta virðisútþurrkun í veraldarsögunni fór fram í Bandaríkjunum í gær, er Facebook Inc. ræddi ársfjórðungsuppgjör fyrirtækisins á opinnni símaráðstefnu með greinendum (e. earnings conference call). Í hvert skipti sem stofnandi fyrirtækisins opnar munninn -og sem virðist vera brauðfæddur kjáni- sagar hann minnst eina grein af trénu sem hann hefur hengt fyrirtækið á. Þegar fjármálastjórinn kom í símann og reyndi að skauta hratt yfir greniskraut stofnandans, þá misstu fjárfestar skyndilega trúna á félagsmiðla-viðskiptalíkan Facebook Inc, og þutu allir út um neyðarútganginn á sama tíma. Þeir þurrkuðu þar með út virði sem nam næstum öllu markaðsvirði McDonalds - á aðeins nokkrum mínútum

Facebook og öll félagsmiðlafyrirtæki heimsins hafa ekkert með tækni að gera. Það er rangt að flokka þau sem tæknifyrirtæki, því iðnaðarfyrirtæki eru ekki tæknifyrirtæki. Facebook stundar einungis stafrænan iðnað á borð við prentsmiðjur. Fyrirtækið býr til díla á skjá úr því sem því er skaffað af innihaldi frá öðrum. En munurinn á til dæmis Morgunblaðinu og Facebook er sá að hið fyrrnefnda er með ritstjórn sem stjórnar því hvað fer sem dílar á pappír í fullkominni prentsmiðju þess, og einnig sem stafrænir dílar út á skjá neytenda. Facebook er ekki náð svo langt sem útgáfufyrirtæki og gerir það aldrei, því þá þyrfti það að ráða milljónir manna við að ritstýra mörgum sinnum fleiri milljónum notenda, og slíkt er ekki mögulegt, því það kostar of mikið, og svo vegna þess að það er ekki hægt að ritstýra níutíu prósent taugaveiklun og öðrum helming glæpagengja veraldar. Engar vélar eða hugbúnaður geta ritstýrt neinu, nema þá útgáfufyrirtækjum inn í gjaldþrot

Það var þetta sem rann upp fyrir fjárfestum í fyrrakvöld. Það rann upp fyrir þeim að þeir sjálfir, sökum hjarðhegðunar, höfðu gert sjálfa sig háðari Facebook en notendur fyrirtækisins eru háðir því. Fjöldi þeirra verður rekinn úr störfum í mörgum af stærstu fjárfestinga- og eignavörslufyrirtækjum veraldar. Reknir fyrir að geta ekki hugsað á of háum launum og fyrir að vera varanlega bæklaðir af of mikilli menntun

Eftirleikurinn verður sá að nú er félagsmiðlaformið komið á þann stað sögunnar þar sem eignarétturinn slær inn. Notendur Facebook (varan sjálf), eru byrjaðir að vera þess meðvitandi, að þeir eru varan sem enginn vill borga fyrir nema kannski þeir sjálfir. Þegar félagsmiðlar þurfa að selja eitthvað annað en ókeypis notendur, þá vita allir hvar sagan endar. Hún endar sem reikningur til notenda - fyrir að láta nota sig. Og þann reikning vilja aðeins fáir notendur borga. Of fáir til að standa undir því virði sem stafræn iðnaðarfyrirtæki á borð við Facebook eru metin á í dag. Hlutfall markaðsverðs af hagnaði slíkra fyrirtækja er passlegt sem fimm- til tífalt, en ekki fertugfalt, eins og Facebook stóð í, fyrir 20 prósent hrun eitt miðvikudagskvöld. Langur en strangur verður niðurtúr félagsmiðla á markaði. Það verður hins vegar til góðs fyrir heiðskýr tæknifyrirtæki að losna við þau sem þykjustu-jafninga úr sínum geira. Og fyrir hefðbundin útgáfufyrirtæki með sóma, þá er þetta byrjunin á nýju lífi fyrir þau. Það sem gildir er að vera heiðskýrt fyrirtæki, en ekki skýjað

Fyrri færsla

Ég sagaði af mér hausinn (næstum)


Ég sagaði af mér hausinn (næstum)

Enginn ostur - engin pylsa

Tvær greinar í Morgunblaðinu í dag fá mann til að saga af sér hausinn. Til vinstri er grein um hrokann sem þingflokkur pírataskíthæla og þingmaður lýðskrumsfylkingar sýndu forseta Folketinget, sem er þjóðþing Dana. En til hægri á sömu síðu er grein sem vonar að við (já Íslendingar) "festum okkur ekki í sessi sem (ó)menningarleg hjálenda Bandaríkjanna"

Bob bob, jamen dét er ju bare dejligt! Það er nú það. Halla ég mér svo aftur og virði síðuna fyrir mér. Horfi fyrst til vinstri og síðan til hægri. Aftur og aftur - og saga af mér hausinn, því það er svo stutt síðan að Bandaríkin voru hjálenda/nýlenda eins og við. Þau sigruðu nýlenduherra sinn, breska heimsveldið, eins og við sjálf sigruðum loks og fengum okkar fullveldi, en sem nú er notað til að selja landið undan þjóðinni, á hundrað ára afmæli þess. Þökk sé "stórmenningu Evrópu", sem frá dögum Rómarríkis, ávallt hefur leitast við að setja Evrópumennið í stað Guðs. Síðast í gamla sovétinu en í dag í nýju ESB. Ekkert nema hörmungar hefur stærstur hluti ómenningar Evrópu fært okkur. Álfan þar sem vér einir vitum-pakkið býr, með alla sína að-mestu misheppnuðu heimspeki og sem síðast dritaði yfir álfuna svo kallaðri "upplýsingu" með klikkaðan Kant í fararbroddi hins nýja úníversal allsherjarsovéts, sem koma skyldi

En samt átti breska heimsveldið heilar aldir eftir af góðu þurru púðri, þó svo að Bandaríkin sigruðu það. Þetta er náttúrlega allt svo alveg hroðalega ó-menningarlegt að það jaðrar við hamborgara, pitsur og gult hár. Svo skrifuðu þeir stjórnarskrá sem studdist pólitískt hugmyndafræðilega að mestu við Gamla Testamentið, en bara þrjú prósent við kommann John Locke, og komust þar með glans hjá því að enda sem algerlega misheppnað Frakkland. Hún stendur enn sú stjórnarskrá Bandaríkjanna, því henni er nákvæmlega sama um gult og bleikt hár og úníversal réttindi andskotans

Svo ég hugsa; hvort var nú verra á einni og sömu síðunni, fyrirlitningin sem lýst er til vinstri, eða sá (tja hvað á maður að segja) rassismi? sem þulinn er til hægri. Njörður: af hverju hernemur þú ekki heiminn og gerist alheimssetulið eins og Sovétríkin ætluðu að verða. Það hlýtur að ganga upp, ef reynt er aftur, eina ferðina enn. Hold da kæft mand, vi prøver sgu igen (við prófum nýtt Sovét Aps fyrst að gamla Sovét A/S fór á hausinn (það þarf minna startkapítal í Aps))

Íslenskir vinstrimenn snobbuðu takmarkalaust fyrir kommamenningarkláminu úr austri. En það sem verra var, margir áttavilltir hægrimenn gerðu það líka - og sögðu skál - og gera enn

Jæja, nú er að verða komin milljón prósent verðbólga í Venesúela. Hún mun ná því stigi á þessu ári, segir Reuters. Skrifast 1.000.000%. Skálið þið vinstrimenn, skálið.. og I prøver sgu igen.. og igen..

Fyrri færsla

Frosti: Ráðal­eysið al­gert meðan landið er selt und­an þjóðinni


Frosti: Ráðal­eysið al­gert meðan landið er selt und­an þjóðinni

Segir Frosti Sigurjónsson hér

Áfram Frosti!

Í sumarhefti Þjóðmála 2012 ritaði ég greinina; "Byggðastefna undir sjálfstæðisyfirlýsingu - Vegurinn opnaður vegna jarðarfarar?" Þar sagði ég að sú byggðastefna, eða sá skortur á henni, sem viðhöfð er á Íslandi hafi þýtt og muni þýða eftirfarandi:

Tilvitnun hefst:

Af svona byggðastefnu leiðir:

  • Verðbólga verður meiri. Það þekkja þeir sem búa á höfuðborgarsvæðinu því þeir hafa knúið verðbólguna áfram með eins konar hurðaskellum.
  • Bólumyndun í hagkerfinu verður eðlilega meiri.
  • Nýsköpun verður minni því of margir hugsa eins við svipaðar aðstæður.
  • Samkeppni minnkar því svæða- og héraðsöfl landsins eru orðin geld.
  • Fjölbreytni minnkar því svo fáir vita um alla möguleikana annars staðar. Þeir eru í hjörð sem bítur gras á sama bala á sama stað.
  • Fákeppni innanlands og eignaupptaka fyrir utan ferkílómetrana fáu verður ráðandi.
  • Samfélagið verður vanskapað, visnar og gæti veslast upp.
  • Landið verður tekið af okkur og aðrir munu nema það

Fólkið verður að sjá tækifæri í byggðastefnu. Það verður að gera það á sama hátt og það sá tækifærin í Reykjavík og fluttist þangað þeirra vegna. Þegar byggðastefna er nefnd á nafn í dag sér fólkið fyrir sér kjördæmapot þingmanna en ekki tækifæri. Og þegar "byggðastefna" er nefnd á nafn utan höfuðborgarsvæðisins sér landsbyggðin einungis fyrir sér brostnar vonir, svikin loforð og hræsni.

Byggðastefna til góðs eða ills

Það er hægt að nota byggðastefnu sem valdaverkfæri til að ná fram ákveðinni þróun og árangri en oftast til að ná fram öðru af tveimur markmiðum:

a) Byggðastefna er notuð til að mynda, styrkja og halda þjóðríki borgaranna saman. Þá er hún notuð sem verkfæri í þágu þjóðríkis borgaranna og til að styrkja það. Byggðastefna er þá lím (ethos) fyrir land þjóðríkis fólks (demos) sem á sér sameiginleg markmið (telos), þ.e.a.s. þann sameiginlega tilgang og markmið sem myndar þjóðríki þeirra.

b) Byggðastefna (í ESB) er notuð til þess að slökkva og til að sundra og þurrka upp þann jarðveg sem þjóðríki borgaranna getur þrifist í. Undir þannig skipulagi og lagaramma er byggðastefna notuð sem eins konar slökkvitæki og verkfæri niðurrifs. Hún kemur inn í samfélag þjóðríkisins sem tundurspillir. Þannig stefna getur einnig komið innan frá úr þjóðríkinu með aðstoð og fyrir tilstilli utan að komandi afla eins og við erum að upplifa í dag sem Evrópusambandsmartröð ríkisstjórnar Samfylkingar og Vinstri grænna. Tilgangurinn er að sundra, spilla, etja fólki saman og upp á móti samfélagi sínu og koma þjóðríkinu fyrir á biðlistanum eftir engu nema þeim hægfara dauða sem ég kynntist svo vel í dreifbýli meginlands Evrópu.

Tilvitnun endar.

Eftirmáli

Varðandi verðbólguna núna; þá er hún einungis lág vegna innfluttra vinnuþræla í ferðaþjónustu, byggingum og öðru. Íslendingar eru byrjaðir að ESB-geldast og ESB-vanskapast, þökk sé EES-aftökustól ESB. Og verið er að selja landið undan þjóðinni! - þökk sé EES-tengingunni, sem orðin er að martröð. Þetta er að gerast á vakt Vinstri grænna, Framsóknarflokks og Sjálfstæðisflokks sem er minn flokkur. Á ég kannski að þurfa að kjósa Miðflokkinn næst?

Fyrri færsla

Viðskiptastríð ljósmæðra - og Bandaríkjanna


mbl.is Aðeins einstaklingar geti keypt jarðir
Tilkynna um óviðeigandi tengingu við frétt

Viðskiptastríð ljósmæðra - og Bandaríkjanna

Áhöfnin á Halastjörnunni (hans Gylfa): Ég hvísla yfir hafið

****

Í reynd er enginn eðlislægur munur á viðskiptastríði ljósmæðra og viðskiptastríði landa. Ljósmæður eru hluti af þjóðinni sem heldur þeim uppi. Þær eignast börn, borga skatta og geta því orðið fyrir barðinu á sjálfum sér eins og gerist í viðskiptastríðum á milli landa. En sum stríð eru þó mikilvægari en önnur, sérstaklega þau þar sem viðskipti flestra liggja undir. Allir geta eignast börn án ljósmæðra. Þær eru ekki afhendingarkeðja sem allt byggist á. Eins er það með afhendingarkeðjur í hinum stóra heimi. Hægt er að setja upp nýjar keðjur eins og hendi sé veifað. Það er í reynd auðveldara en margir halda. Þannig að viðskiptahallalöndin eru oftast sigurvegarar í viðskiptastríðum

Ljósmæður eru ekki með krónískan viðskiptahalla. Því er ekki hægt að halda fram. Og börn munu halda áfram að fæðast, án þeirra. En viðskiptahalli Bandaríkjanna er hins vegar kerfislega mikilvægur fyrir öll Vesturlönd, því án Bandaríkjanna hætta Vesturlönd að vera Vesturlönd. Viðskiptahagnaðarlöndin munu tapa viðskiptastríði við Bandaríkin, það segir sagan langa. Það er því rangt þegar háskóaliðið segir að "allir tapi" í viðskiptastríðum. Það er ekki rétt, því annars myndi enginn há kjarabaráttu. Háskólar vorir eru að verða ansi lélegir. Í þá mun brátt ei borga sig að fara

Fyrri færsla

Aðeins flokkur skíthæla hafnar forseta danska þjóðþingsins


Aðeins flokkur skíthæla hafnar forseta danska þjóðþingsins

HÁTÍÐARFUNDUR ALÞINGIS ÍSLENDINGA Á ÞINGVÖLLUM 18. JÚLÍ

 

Frá fundi Alþingis á Þingvöllum í dag: Forseti danska þjóðþingsins, Pia Kjærsgaard, ávarpar Alþingi Íslendinga. Allan 82. fundinn á Þingvöllum má sjá hér

****

Frá og með nú veit danska þjóðin að hér á Íslandi býr sérstakur flokkur skíthæla sem er stjórnmálaklámflokkurinn Píratar. Gott er fyrir dönsku þjóðina að vita þetta, því þá getur hún varast það sem vont er. Dansk Folkeparti er næst stærsti stjórnmálaflokkur Danmerkur og úr þeim flokki hefur Pia Kjærsgaard oftar en einu sinni hent drullusokkaliði á borð við Pírata, öfugu út. Þar sem ég naut gestrisni Dana í 25 ár, þá þekki ég vel til þeirrar löngu og seigu baráttu sem Pia Kjærsgaard hefur staðið fyrir, til varðveislu þess sem Dönum er allra kærast; danska þjóðríkinu, sem stendur því miður í túnfæti þess sem alltaf þarf að óttast; frá suðurlandamærum Danmerkur og þar með til Norðurlanda allra. Það er ekki að ástæðulausu að hún er forseti danska þjóðþingsins í dag; Folketinget

Það drullusokkalið sem gat ekki unnt Alþingi Íslendinga þeirrar friðhelgi sem íslensk lög fyrirskipa, var sennilega á Þingvöllum í boði klámflokks Pírata og sundurtættra leifa Samfylkingar. Sorphaugar sögunnar breiða út faðma sína fyrir Pírötum, sem þá komast heim

Þakka ég Bjarna Benediktssyni fyrir að segja hlutina eins og þeir eru. Þakka ég einnig Steingrími J. Sigfússyni forseta Alþingis fyrir góða fundarstjórn og svo forseta þjóðþings Dana, Piu Kjærsgaard, fyrir heiðurinn. Píratar eru móðgun við dönsku þjóðina, lýðræði, mannasiði og Íslendinga

Takk fyrir mig - og takk fyrir fullveldi minnar þjóðar

Fyrri færsla

"Aðals-fjölmiðlar" Vesturlanda köfnuðu


mbl.is Dónaskapur að virða ekki embættið
Tilkynna um óviðeigandi tengingu við frétt

"Aðals-fjölmiðlar" Vesturlanda köfnuðu

"Blaðamannafundur" - ef svo má að orði komast

****

Fundur Trumps og Pútíns í Helsinki - og ríkisstjórnarinnar á Snæfellsnesi

Það eina sem vantaði -en kemur örugglega siðar- var að Trump hefði verið einn með Vladímír Pútín í fjóra tíma og að það hafi nægt til að doktor Pútín gerði á honum heilaskurðaðgerð, þar sem heila Trumps var skipt út með heilanum úr Pútín sjálfum, þannig að nú er Trump Pútín og Pútín er Trump. Svo geðveikisleg voru vinnubrögð þeirra sem kalla sig helstu fjölmiðla Vesturlanda, eftir fundinn

Á "blaðamanna"fundi eftir fund forsetanna gafst þeim tækifæri á að spyrja spurninga um það sem fundurinn snérist um; alþjóðamál. En nei, að engu var spurt nema innanríkismálum Demókrata (þ.e. heilabilun þeirra sjálfra vegna tapaðra kosninga). Og þar sem rússneskir fréttamenn búa ekki við fjölmiðlafrelsi, þá voru spurningar þeirra eftir því

Pútín viðurkenndi að Donald Trump stæði fast á því að innlimun Krím væri ólögleg. Forsetarnir voru sammála um að vera ósammála um það mál. Sama gildir um Úkraínu, þar krefst Trump að Rússland gíri sín mál niður

Trump fór fram á aðstoð Rússlands við að halda Íran á mottunni og þar með að minnka hættuna á átökum á milli útlendingaherdeila Írans, og annars vegar Ísraels. Hann fór einnig fram á að Rússland stuðlaði að kjarnorkuafvopnun Norður-Kóreu. Hreint voðalegt

Trump sagði Pútín að Bandaríkin hygðust veikja orkutök Rússlands á Evrópu, sem eru slæmar fréttir fyrir geopólitískar hugleiðingar Þýskalands

"I have great confidence in my intelligence people, but I will tell you that President Putin was extremely strong and powerful in his denial today"

- sagði Trump orðrétt og réðst því ekki á njósnastofnanir Bandaríkjanna eins og svo kallaðir fjölmiðlar Vesturlanda segja:

"Ég ber mikið traust til fólksins í njósnastofnunum mínum, en ég verð að segja ykkur að Pútín forseti afneitaði [afskiptum af kosningunum] hið kröftugasta og ítarlega"

Og þar sem fundurinn snérist um að reyna að skapa byrjun á trausti leiðtoganna á milli, þá sagði Trump að sjálfsögðu að hann bæri traust til rússneska forsetans. En það gerir hann að sjálfsögðu ekki enn, enda sagði Pútín það sjálfur, að auðvitað treystu löndin ekki hvort öðru

Ef þetta hefði verið Obama þarna í Helsinki, þá hefðu nóbelsverðlaunum rignt niður strax í gær. Það liggur við að hér sé um kynþáttahatur fjölmiðla á hvítu fólki að ræða. En þetta er ekki í fyrsta skiptið í sögunni sem sjálfsfyrirlitning kemur svona fram. Þannig að næsta skref fjölmiðlafólks Vesturlanda verður sennilega það, að taka sig sjálft af lífi í beinni útsendingu, til að mótmæla sinni eigin sjálfsköpuðu glötun. En hér var sem sagt enn eitt kosningaloforð Trumps efnt: að reyna að bæta samskipti Bandaríkjanna og Rússlands

Ríkisstjórnin og byggðamál

Af ríkisstjórnarfundi á Vesturlandi hafði DDRÚV lítið að segja í kvöldfréttum nema 101. Lítið var fjallað um hvað fundurinn snérist í raun um. Hann snérist um málefni íslenskra byggða og að þessu sinni um stór mál eins og samgöngumál á Vesturlandi. Öll sveitarfélög Vesturlands voru með menn á staðnum og ríkisstjórnin kynnti fyrir þeim það sem hún er með á prjónunum í byggðamálum. DDRÚV eyddi meira tíma í að sýna gamalt rusl sem í 200 ár hefur rekið hér á land og mun alltaf gera. Því var slegið upp sem eins konar nýsovésku heilaþvottadufti í Karl Marx-pökkum, merktum DDRÚV, og passar það einnig vel við hve hvíti maðurinn er vondur

En sennilega voru sovéskir fjölmiðlar ekki eins góðir áróðursmeistarar og DDRÚV, því Sovétríkin hrundu og voru bönnuð með lögum, en ekki DDRÚV. Í gamla sovét hlustaði enginn nema sannur kommi á svona heilaþvottastöð. Það var gott hjá Bjarna Benediktssyni að afneita meiri húsnæðissósíalisma, og kjósa frekar sterkt atvinnulíf sem elur af sér tekjur til fólks sem drepur sósíalisma með glans og byggir hús (en ekki "upp"). Við viljum hann ekki á Íslandi, því hann er rusl. Best er að halda honum föstum við sérsveitarfélagið Reykjavík-upp, því þar er jarðvegurinn svo frjór að ruslið vex þar sjálft-upp, en rekur ekki á fjörur, nema sem brúnn lífrænn úrgangur, heldur er það ruslið sem rekur fólkið burt úr borginni - burt úr sósíalismanum - og út á Ísland

Fyrri færsla

Trump hækkaði skyndilega þröskuldinn í fundarlok


Trump hækkaði skyndilega þröskuldinn í fundarlok

NATO var stofnað til að verja Evrópu gegn rússnesku stjórnarfari, sem undantekningalaust byggist á terror, innan sem utan landamæra þess, og hefur það á mismunandi hörkustigi gert svo alla tíð, með harða vinstriútgáfu þess sem þá verstu. Tilvist Rússlands hvílir á terror. Þýskaland, og stór hluti meginlandsins eru nú nær hálf í vösum Rússlands. Ættum við áfram að verja þá vasa Rússlands, spyr Donald Trump

1. Georgía þar (Anschluss)
2. Austur-Úkraína hér (Sudetenland)
3. og Krím bara sí svona (München)
4. Hvað gerist næst,
5. með Moskvu, sem fóðruð er á friðþægingu
6. Jú hún vex, eins og sögulega litlir menn með yfirvaraskegg

Það eruð þið, elíta-ESB, sem fóðrið hættuna sem þið ætlist til að Bandaríkjamenn verji ykkur gegn. Er það í lagi? Er gasleiðslan sem Þýskaland og Rússland eru að smíða saman -fyrir þann pening sem Þýskaland sparar með því að greiða ekki fyrir varnir sínar- það sem leggja mun endanlega niður NATO, spyrja Bandaríkin sig sjálf

"Ég mun fara mínar eigin leiðir" segir Trump. Já, það er mjög svo skiljanlegt, því Þýskaland er með þessu að byggja upp hernaðarmátt Rússlands. Það fóðrar Moskvu - og byggir upp ógnandi tilvistarhættu yfir höfðum Austur-Evrópu, samhliða því að reyna að lama hana sem mest úr vestri. Fimmtu deildar hegðun sem er á mörkum þess að vera þolanleg í NATO. Þetta er Ost-klukkspil Þýskalands með ESB í rassvasanum á Brandt og Schmidt sterum. Það lítur á Rússland sem næsta nágranna sinn í austri, en ekki Austur-Evrópu

Stór hluti meginlands NATO-Evrópu neitar að verja sig, en heimtar að Bandaríkin geri það. Þýskaland neitar að borga næstum því nokkuð sem helst, en mergsýgur hins vegar önnur ESB-lönd og veifar mórölskum fána framan í Suður-Evrópu, þangað sem ESB-þýskir þrýstidældu upptækt gerðu sparifé þýsks almennings, svo að Suðrið myndi á kredit spyrja eftir þýskum vörum úr norðri. Þýskaland var "hinn sjúki maður Evrópu" þegar þessi ESB-stefna landsins varð til. Móralski fáninn sem Þýskaland veifar í suðri, er og verður rammskakkur þriðji

Á NATO fundinum í síðustu viku fór Trump fram á að allir létu af hendi sinn samþykkta NATO-skerf til varnarmála, eins og menn, þ.e. tvær prósentur af þjóðarframleiðslu. En þegar Trump yfirgaf NATO-fundinn, var þolinmæði hans orðin þannig súr að hann tvöfaldaði og sagði að löndin yrðu að borga fjögur prósent til varnarmála í stað tveggja. Þá hlógu margir þeir sem illa kunna að hlægja síðast

Hvað er það sem fær Trump til að segja allt í einu fjögur prósent, en ekki bara tvö. Jú, hann er með áætlun í kollinum. Tollar verða innheimtir við kassa-eitt í Bandaríkjunum þar til viðskiptajöfnuður ESB við Bandaríkin verður ekki tvö prósent ESB í hag, eins og hann lengi hefur verið, heldur tvö prósent Bandaríkjunum í hag. Og ef þið drífið ykkur ekki múðurlaust upp í tvö prósentin og kyngið, þá loka ég líka á gasið frá Moskvu sem NATO á að verja ESB gegn. Nord-Stream2-fyrirtækin verða lokuð úti úr alþjóðaviðskiptakerfinu og Austur-Evrópa fær nýjar bandarískar herstöðvar, sem loka á gasið frá Moskvu. Þetta er ómenguð gasblanda af heilbrigðri skynsemi, sem ESB þar af leiðandi ekki skilur, en kafnar líklega í

Almenningsálitið skiptir hér engu um framvindu mála. Það er ekki mótandi afl í heiminum og hefur aldrei verið. Það er einungis blaut smókrúlletta fjölmiðla, með bara einn smók í sér

Ekkert bandarísk herskip í Persaflóa hefur nú orðið fyrir áreitni í heilt ár. En slíkt var algengt í forsetatíð Obama. Engum eldflaugum hefur Norður-Kórea þorað að hleypa á loft síðustu tæplega níu mánuði. Ástæðan er Donald J. Trump. Maðurinn í Hvíta húsinu

Það er ódýrara fyrir Trump að senda sjálfan sig út í heim, í stað þess að senda hermenn til sömu staða í kannski langdreginn dauðann. Donald J. Trump er ósérhlífinn diplómat Bandaríkjanna númer eitt. Og það er ekki bara ódýrara í mannslífum talið, heldur er sú stefna hans þess valdandi að enginn sem kaus hann, hefur skipt um skoðun á Donald Trump, en það eru hins vegar þeir sem kusu Hillary Clinton sem eru að skipta um skoðun - á Donald J. Trump. Ertu "aldrei Trump" maður? (e. never-Trump) er nú orðin spurning sem kjósendur Hillary svara oft neitandi og reiðast spyrjendum fyrir. Hún er að verða móðgun við geðheilbrigði kjósenda. Obama eyðilagði Demókrataflokkinn svo hroðalega að ekkert stendur eftir nema sviðin jörð. Kannski er Sjálfsstæðisflokkurinn að verða þannig jörð núna, mér er spurn, því öngvir fætur sjást þar enn

Fyrri færsla

Þýskir stinga áfram höfðum í nýsovéskan sand ESB


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband