Leita í fréttum mbl.is

Bloggfærslur mánaðarins, september 2017

Sögulegt: Danski herinn settur í lög- og landamæragæslu

Stuttar fréttir

Í dag rann upp sá dagur að danski herinn hefur verið settur inn á götur, torg og við landamæri til löggæslu. Í suðri er hann settur inn við landamærin til að loka á afleiðingar lögleysu- og geðþóttaákvarðana Angelu Merkel, kanslara Þýskalands og keisarans af Evrópusambandinu

Á vissum torgum, strætum og við byggingar er hann settur inn til að handhefja líf- og löggæslu við samkomustaði Gyðinga og annarra sem í hættu eru vegna sjálfsvígsaðgerða Angleu Merkel á Evrópu. Danski herinn mun til að byrja með starfa við þessa löggæslu fram í mars á næsta ári og þá verður tekin ákvörðun um framhaldið. Lögreglulið landsins er örmagna og nær ekki lengur utanum hlutverk sitt

Í sumar var fjögurra ára stúlkubarni rænt úr leikskólanum við Snogebæksvej þar sem ég árum saman gerði hreint á námsárum mínum í Árósum og sem börn okkar hjóna gengu í. Stúlkunni var svo nauðgað af samskonar gesti og danski herinn er nú settur í til að stöðva innflæði af

Sunnan landamæra Danmerkur segir Beatrix von Storch varaformaður þýska AfD flokksins í viðtali við JerúsalemPóstinn, að fyrirmynd þess sem flokkurinn vill ná fram í Þýskalandi sé að finna í Ísraelsríki, þar sem lög landsins ráði en ekki geðþóttaákvarðanir og þar sem tilvist ríkisins snýst um að varðveita menningu borgaranna en ekki að rústa henni

Í janúar í fyrra sagði von Storch í þýska ARD ríkissjónvarpinu að kanslari Þýskalands yrði, öryggis síns vegna, að vera tilbúin að flýja til Suður-Ameríku þegar hún lætur að völdum. Kanslarinn Merkel, sagði hún, hefur eyðilagt Þýskaland það mikið að leita þarf aftur til ársins 1945 til að finna álíka eyðileggingarafl í landinu og gjörvallri Evrópu

Þetta voru stuttar fréttir úr Evrópusambandinu

Fyrri færsla

Vandamál: Pólland stendur fast gegn evrópuisma ESB


Vandamál: Pólland stendur fast gegn evrópuisma ESB

Duda og Trump júlí 2017 - undir hamrinum

Kva, enginn ESB-fáni viðstaddur..

Evrópusambandinu líkar ekki lengur við Pólland

Þegar Pólland með aðstoð Kaþólsku kirkjunnar var að brjótast undan oki sovéska kommúnismans, þá féll svo kölluðum "leiðtogum" Evrópusambandsins vel við Pólland. En nú þegar það sýnir sig að Pólland er enn Pólland og vill umfram allt áfram vera bara Pólland og að Kaþólska kirkjan er enn Kaþólska kirkjan í Póllandi og mun áfram verða Kaþólska kirkjan í Póllandi, já þá er Evrópusambandinu allt í einu hætt að líka við Pólland sem Pólland og við Kaþólsku kirkjuna sem Kaþólsku kirkjuna. Hvað gerðist?

Jú, Evrópusambandinu er skyndilega orðið illa við að Kaþólska kirkjan í Póllandi sé enn gegnheil alvöru stofnun sem breytist ekkert, sama hverjum líkar við hana eða ekki. Hún er áfram sú sama Kaþólska kirkja er leiddi Pólland úr heljarklóm alræðisins. Þetta er að verða stórt vandamál fyrir Evrópusambandið

Jú, og vandamálið með sjálft Pólland núna er að það vill ekki aðlaga sig að þeim evrópuisma sem Evrópusambandið krefst að sé tekinn upp í landinu í stað þess pólska þjóðareinkennis sem Pólverjar börðust fyrir að halda fast í undir sovéska-kommúnismanum og sem að lokum réði niðurlögum hans. Haglar því nú niður í Pólland allskyns árásum frá Þýskalandi, sem með harðnandi höndum stjórnar orðið Evrópu með Evrópusambandinu

Það sem áður þótti gott hefur nú breyst í vont. Mjög vont. Það hefur það gert, vegna þess að Pólland vill ekki gangast undir evrópuismann sem Evrópusambandið krefst með vaxandi alræðisvaldi að eigi einnig að drottna yfir Pólverjum í sjálfu landi þeirra

Undir málverkinu af SobieskiÚr alræði kommúnismans var mjög erfitt fyrir Pólland að komast. Bandaríkin studdu og fjármögnuðu að miklu leyti þá baráttu landsins og hlutu þá oft bágt fyrir frá Vestur-Þýskalandi, því ekki mátti styggja sovétið of mikið. Málið vandast því núna þegar að Evrópusambandið með ofsóknum er að reyna að beygja Pólland undir nýju alræðisstefnuna sem að þessu sinni heitir evrópuismi ESB

Munu Bandaríkin koma Póllandi til aðstoðar á ný? Já það munu þau gera og það eru þau að gera. Þess vegna fór til dæmis Donald Trump fyrst til Varsjá, en ekki til Þýskalands. Í Varsjá dældi Trump auknu magni hraðsements í sökklana undir Intermarium. Þar mun Pólland fá að vera Pólland. Bandaríkin tryggja það

Ef og þegar Græningjar setjast með Merkel í nýja ríkisstjórn Þýskalands og hóta að loka niður kolaverkunum sem framleiða þýska rafmagnið, þá er nú gott að síðasti kanslari Þýskalands sitji fast með Pútín í stjórn Rosneft, svo að aukinni rússneskri orku sé hægt að veita framhjá Úkraínu og Póllandi til Þýskalands. Lítil hætta er á að Merkel myndi styggja Pútín að ráði þegar hann lætur gamminn geisa yfir Eystrasaltslönd og Úkraínu, upp að öllum austur-landamærum Póllands. Þýskir ráðamenn hafa þegar sagt að þeir geti "sætt sig við" Rússland upp að landamærum Póllands, en þeim láðist þó geta hvoru megin við Varsjá sú sátt átti að liggja flöt á landamærum þess. Það eina sem aftrað hefur Rússlandi fram til þessa er of lágt olíuverð (fjármagn) og einkennisbúnar lifandi aðvörunarbjöllur Bandaríkjahers í Austur-Evrópu

Þegar bandarísk herskip þurfa að koma og vernda siglingar skipa í Eystrasalti með orku til Póllands frá Texas, þá vitum við að hvað er að gerast

Ef ég væri Pólland, myndi ég henda þýsku kosningunum í hausinn á Merkel og skipa henni að ryksuga og taka til í draslinu heima hjá sér, en ekki í Póllandi! Það mun Pólland að sjálfsögðu gera

Góðir bandamenn eru mikils virði. Ísland og Pólland eiga sameiginlegan bandamann; Bandaríki Norður-Ameríku. Og þau eiga líka, eins og undir kommúnismanum, sameiginlegan óvin. Þá hét hann sovéskur kommúnismi, en evrópuismi ESB núna

Það er ánægjulegt að eiga svona stóra sameiginlega hagsmuni

xD

Fyrri færsla

Erlendar ESB-fréttir vegna greindarskorts


Erlendar ESB-fréttir vegna greindarskorts

4. júlí fagnað í Intermarium í Búkarest

Vegna þess að á skrifandi stund er ekki hægt að fjalla um íslensk stjórnmál á vitrænan hátt, þá neyðist ég til að beina athygli minni að því sem okkur af óvitaklúbbi íslenskt samfylktra stjórnleysisflokka hefur svo lengi verið sagt að sé svo ofboðslega gott í útlöndum. En þar var ég í tæp 30 ár og fylgdist með 30-ára herferð sömu ESB-krata- og kommaflokka byggja sér það grafhýsi sem þeir nú hvíla í, eftir þeir höfðu staðið í 30-ára styrjöld við þjóðirnar sem þeir áttu að þjóna, en sem þeir þess í stað hafa skaðað svo mjög, að það styttist óðum í næsta stóra tundurdufl Evrópu og reglulega flugelda

Erlendar ESB-fréttir hefjast hér

Í bunker einum í Berlín hírist nú Angela Merkel frúin af höfuðborg hinna barnlausu einhleyptu sem engu hafa fjárfest í framtíð landsins. Hún er í áfalli og neitar að viðurkenna að fyrir utan steypuklossann bíður kaldur veruleki sem krafist gæti jafnvel ákvarðanatöku. Það sem gerðist var að slökkt var með blýant á stillimyndinni af henni á sunnudag. Tómur imbinn ARD/ZDF og Zarg Puffptz var þó allur eins og hann leggur sig búinn að segja henni hvað hún átti að gera, en ekkert gerðist ekki samt. Þetta er með ólíkindum. Ekkert virkar lengur. Þetta var ekki svona í síðustu viku, segir hún. Þá var ég "leiðtogi hins frjálsa heims". Hvað gerðist!

Jú kjósendur hennar flúðu og "umbættu" Merkel með einu exi (e. reforms). Þeir sjá að hún er orðinn krati eftir öll þessi átta ár í inntýndum samvistum við þann stjórnmálaflokk er kynnir sig sem krata í vesturhluta landsins en sem kommúnistaflokk í austurhlutanum, svo hann nái til fólksins. Þar keppir hann við hreinræktaða kommúnista die Linke, vegna þess að sameining Þýskalands eftir kannski tveggja billjóna dala "transfer-union" örvunarpakka, er enn að allt of miklu leyti fíaskó, eins og slíkar yfirfærslur allsstaðar enda. Kjósendur hennar flúðu til AfD-flokksins sem berst við samstarfskomma Merkels í austri. Á villisíðum steinrunninna dagblaða og ZDF-steypu-skjáum sem breyst hafa í stillimyndina af imbum í stað umba, er látið eins og ekkert hafi gerst þegar Merkel tók upp samfylkingarstjórnarhætti svartar framtíðar og bauð milljón manns til landsins er keypt hafði sér flóttamannastimpil hjá glæpalýð til að komast þar inn og í næstum alla fjandans ESB-Evrópu líka. Fólk froðufellir enn af bræði, en Merkel sagði þeim hins vegar bara að fara heim og lesa í bók. Sú bók mátti þó alls ekki að heita kosningaprógramm, en hét það samt, og fólkið las

Ekki er enn víst að Merkel lifi þetta af, því óánægjan og reiðin vegna alls þessa er svo mikil að fólk þolir ekki einu sinni stillimyndina af henni sem hvarf. Fólkið hefur hent imbanum út! Það uppgötvaði með lestrinum að það hefur valkost. Í þetta skiptið heitir hann Valkostur fyrir Þýskaland, AfD. Hvað hann heitir næst, veit enginn. Úrsögn úr Sambandsríkinu Þýskalandi gæti komið til greina sem valkostur þá, ef fólkið getur ekki losnað við ESB-kratalúsina með öðrum hætti. Bæjaraland lýsti til dæmis yfir Sovétlýðveldi (Bavarian Soviet Republic) í því ríki árið 1919. Slíkt er að vísu of seint í ljósi fyrirliggjandi sönnunargagna úr austri, en að ganga í Austurríki gæti hins vegar orðið sá kostur sem kosið yrði síðar um. Slésvík- og Holsetaland gæti gengið í Danmörku og Saxland í það Intermarium sem í smíðum er, eða jafnvel lýst yfir nýju sjálfstæði, því landið er fríríki. Valkostunum við Þýskaland mun fjölga. En þeim kostum mun náttúrlega öllum verða hótað að fá ekki inngöngu í Evrópusambandið, eins og Katalóníu og Korsíku. Hótun sem orðin er því sem næst heilög frelsun. Þetta er að verða absúrt kál

Tveir burðarstólpar þýskra stjórnmála uppskáru hér sitt versta afhroð frá styrjaldarlokum. Stjórnmál Þýskalands eru að renna inn í sama upplausnarferlið og umboðslaus tilvist Evrópusambandsins hefur kallað yfir alla Vestur-og Suður-Evrópu. Þessi upplausn birtist einnig í NATO og hún gagnast Rússlandi að sjálfsögðu vel. Þessu E27-efnasambandi verður ei bjargað, svo mikið er víst. Það er einfaldlega orðið E27-óefnasambandið. Nýtt varnarbandalag er því á teikniborði Bandaríkjanna ásamt Intermarium. Lítið gagn er lengur af neinum pólitískum strúktúrum meginlands Evrópu. Bandaríkin tala því beint við Bretland og ríkin sem mynda Intermarium og víðar. Enginn viðmælandi er til í umboðslausu stjórnarfari. Það er auðvitað sjálfgefin staðreynd

Einmanna Macron

Hann tróð sér sem klodsmajor fram á ESB-vígvöllinn í gær með nýja útgáfu af Evrópusambandi hans við Berlín og sem Merkel-í-bunker gæti sótt um uppreist æru með, með því að hafna strax. Mátti hann vita það og hefði því átt að bíða með að kynna sitt nýja en Póllandsfría Varsjárbandalag Evrópu sem enginn kjósandi nokkru sinni hefur beðið um, frekar en þeir báðu um sjálft hið sovéskt klessukeyrða Evrópusamband dagsins í dag. Það sem áður hét æ-meiri-samruni, hefur nú breyst í æ-minna-samband samkvæmt framtíðarsýn Macrons. Frá því að vera ESB-28 sem datt niður í ESB-27 í fyrra, því Bretland pakkaði saman og fór, þá höfum við einnig útgáfuna sem heitir ESB-19, en það eru þau lönd sem létu leiða sig inn í evru, sem fallið hefur eins og steinn frá því að markaðir opnuðu sunnudagsnótt. Síðan höfum við líka ESB-24 sem eru þau ESB-lönd sem lúta keisaralegum utanþings geðþóttaákvörðunum stillimyndar Merkels, hvað varðar það er áður hét landamæri en er nú að breytast í styrjöld borgaranna gegn Samfylkingarkrötum Evrópu

Sjónvarpsútgáfa Macrons af Sambandinu Síminnkandi, var kynnt með hvorki meira né minna en tveggja tíma ræðu um þau ríki sem hann kallar "Evrópukjarni hinna viljugu", ja! Á pappír mun það verða skrifað ESB-4 eða ESB-5 til 6 eftir miðnætti. Það styttist því óðum í upprunalegu útgáfuna af ESB sem heitir ESB-1 og stendur fyrir þeim fullvalda og sjálfstæðu ríkjum sem réðu niðurlögum síðasta uber-krata Evrópu, herra Hitlers. Það hlýtur að vera, því á honum einum byggir Evrópusambandið alla sína tilvist. Sá pólitíkus er því í stað kjána og afglapa orðinn mikilvægasti og marktækt virtasti stjórnmálamaður alheims allra tíma. Allt er honum að kenna og á honum veltur allt

Niðurstaða: Með þýsku og frönsku kosningunum hafa borgarar með kosningarétt bætt enn einni neðanjarðar hæðinni við bunker-grafhýsi samfylkingaflokka Evrópu. Engir píramídar verða reistir, heldur áfram byggt niður til helvítis, því þangað er styttra úr því sem komið er. Upplausn ESB-Evrópu heldur áfram á fullu stími

xD

Fyrri færsla

Var eitthvað sérstakt við fyrri og síðari heimsstyrjaldirnar ?


Var eitthvað sérstakt við fyrri og síðari heimsstyrjaldirnar ?

Í 72 ár hefur okkur verið sagt að svo sé. En er það rétt?

Allar styrjaldir hafa ávallt verið háðar með nýjustu hernaðartækni. Tækni sem stuttu síðar trítlar niður til almennings. Sigur Bandamanna í Síðari heimsstyrjöldinni vannst með fullveldi, tækni og efnahag

Kjarnorkusprengjan sem þvingaði Japani til skilyrðislausrar uppgjafar var slíkt hátækniverk að bygging píramída Egyptalands í fornöld var eins og að drekka vatn, miðað við gerð og framleiðslu fyrstu kjarnorkusprengunnar. Ofboðslega tækni þurfti til

Kalda stríðið vannst líka með tækni. Sú tækni myndar innviði allra snjallsíma í dag. Þeir eru stríðstól sem stýrt geta eldflaugum með kjarnorkuvopn út í geim og til baka niður í aðra heimsálfu

Þrjátíu ára stríðið, 1618 til 1648, sem hófst vegna innri ólgu og umbrota, og er síðar leiddi til sameiningar Þýskalands 1871, var háð með nýrri hernaðartækni sem var algerlega ómótsæðilega öflugri en allt sem sést hafði síðan Rómarveldið var og hét. Í þeirri styrjöld létu átta miljón Evrópubúar lífið og margir bæir og borgir misstu stærstan hluta íbúanna. Átta prósent íbúa Evrópu létu lífið, sem er tvöfalt hærra hlutfall en féll í Fyrri heimsstyrjöldinni

Fyrri heimsstyrjöldin hófst með katalónsku neistaflugi eins og við sjáum á Spáni í dag. Þá var það bara Alsace-Lorraine sem kveikti í púðurþræði sem lá frá 1871 inni í framtíð er braust út sem veruleiki árið 1914

Hvað í Evrópu er að gerast einmitt núna, og sem síðar mun brjótast þar út sem kerfislæg stórstyrjöld?

Mitt svar myndi vera þetta; næstum allt. Flest sem er að gerast þar núna er eitthvað sem gerðist ekki fyrir aðeins 15-25 árum og gat ekki gerst, en gerst hefur samt. Fólkið er bara búið að venja sig við nýtt normal. Og það mun venja sig við enn eitt nýja normalið ofan á því fyrsta. Og einn eitt í viðbót við það og svo koll af kolli

Og hvar er þetta allt að gerast núna Gunnar? Mitt svar væri þetta: Í Evrópusambandinu öllu, eins og það leggur sig - og víðar

Nú er svo komið að annað hvort Frakkland eða Þýskaland verða að vingast við eða gerast bandamenn Rússlands, því Rússland er búið að rugga bátnum það mikið, að ný víglína er að skapast í Austur-Evrópu. Hún heitir Intermarium. En hún er ekki víglína í sjálfu sér, heldur risavaxinn fleygur á milli þeirra sem reyna einmitt að gerast bandamenn Rússlands. Þetta er ekki enn opinber staðreynd, en það var árið 2008 ekki heldur. Og árið 1914 ekki heldur. Og ekki árið 1939. Og ekki árið 1989

Þýskaland er svo landfræðilega berskjaldað ríki að það er krónískt hrætt um tilvist sína. Það hefur næstum engin náttúrleg landamæri og það vill ekki verða vígvöllur eins og í 30-ára stríðinu. Þýskaland gerir því ekkert í Evrópu nema með það númer eitt markmið fyrir augum, að drottna yfir henni allri. Aðeins þannig getur Þýskaland verið öruggt um tilvist sína. Í dag fer þessi drottnun Þýskalands yfir Evrópu fram með Evrópusambandinu. Sem sagt ekki með her, heldur pennastrikum. Í leiðinni fær Frakkland að fylgjast með þessari drottnun Þýskalands yfir Evrópu. Frakkland veit því ávallt hvað er að gerast og ekki að gerast með Þýskaland. Eða svo héldu Frakkar þar til nýlega

En nú er svo komið að aðstæður hafa breyst það mikið að Frakkland er hætt að geta fylgst með því sem gerist næst. Evrópusambandið sem er vaktturn Frakklands inn í Þýskaland, var ekki hannað til að geta höndlað sameinað Þýskaland - og nýtt Rússland og nýja Austur-Evrópu og nýtt Tyrkland. Sambandið er því byrjað að éta Frakkland innanfrá og einnig mörg önnur lönd sem í sambandinu eru. Og vegna Rússlands er hætta á að Þýskaland lokist inni og að hlutar sambandsins detti út úr því og hætti þar með að láta að og lúta stjórn Þýskalands

Evrópusambandið hefur hér með lokið hlutverki sínu sem drottnunarverkfæri Frakklands handa Þýskalandi til að halda því frá að dottna yfir Evrópu með vopnavaldi. Strax og Þýskaland byrjar að efla sig hernaðarlega séð, þá togar Frakkland tappann úr ESB og Þýskaland annað hvort hrynur saman eða þenst út. Þetta er sem sagt ekki fyrirsjáanlegt enn, eins og á endanum er raunin með flestar pólitískar hannanir, sem byggja á því að vona hið besta. Engin þjóð getur leyft sér að viðhafa þjóðaröryggisstefnu sem byggir á því að vona það besta. Slíkt er ekki til

Napóleon gerði fyrirbyggjandi árás austur til að geta varið pólitíska afurð frönsku byltingarinnar í vestri. Hann vissi að Frakkland gat ekki varið byltinguna á tvennum vígstöðum. Og hann vissi að hann gæti ekki haldið landinu saman án þess að takmarka fjölda vígstöðva. Hann reyndi því að koma í veg fyrir að austurvígstöðvar gætu orðið til, svo hann gæti haldið Frakklandi saman til að geta varist hættum í vestri. Hann lagði einfaldlega hald á hætturnar áður en þær gætu orðið til

Þýskaland gerði það sama í síðari heimsstyrjöldinni með samningum við Rússa sem slógu tappa í opið austur og Þýskaland gat einbeitt sér vestur. En svo voru þeir samningar rifnir í tætlur og það veit Pólland mjög vel. Þess vegna fór Trump fyrst til Póllands áður en hann kom við í gamla bakaríinu Þýskalandi, því Bandaríkin vita vel hvað er að gerast

Bæði Frakkland og Pólland hafa engu gleymt og ekkert ESB getur breytt minni þeirra. Og Þýskaland hefur heldur engu gleymt. Ekkert gleymist. Þess vegna eru Bandaríkin eini staðurinn góði, því þar þurfti næstum engu að gleyma

Frakkar vilja ekki að Þýskaland vingist við Rússland. Þeir vilja það ekki vegna þess að þá gæti Þýskaland ógnað Frakklandi í vestri vegna þess að eini bandamaðurinn í Austri sem opnað gæti austurvígstöðvar inn í Þýskaland og riðlað slíkum áformum, væri frátekinn, eða uppseldur. Þetta veit Þýskaland líka mjög vel og vilja Þjóðverjar því ekki heldur að Frakkland vingist við eða gerist bandamaður Rússlands, vegna þess að þá gæti Frakkland og Rússland einbeitt sér að Þýskalandi úr báðum áttum. Og Þýskaland getur ekki, ég endurtek, getur ekki leyft sér að neinn sá möguleiki geti orðið til sem gæti gert tvennar vígstöðvar mögulegar, því þá getur Þýskaland ekki haldið ríki sínu saman og einbeitt sér að það eina sem það getur: einar vígstöðvar

Rússland er því mjög eftirsóttur bandamaður Þýskalands og Frakklands. Sú hugsun gat hins vegar ekki grasserað uppi í pólitískum höfðum meginlandsins á meðan Rússland var Sovétríki og óvinur Bandaríkjanna. Og eins og ég kom inná í síðustu bloggfærslu, þá er seta Schröders fyrrum kanslara Þýskalands í Rússastjórn Rosnefts, hjá Vladimir keisara Pútín, engin tilviljun. Slíkar tilviljanir gerast ekki, þær eru látnar gerast. Þjóðverjar eru að verða á undan Frökkum, sennilega

En því sama er ekki að heilsa með alla Austur-Evrópu. Þeir sem þar búa þola Rússland afar illa. Þeir vita vel hvað gerðist síðast og einnig þar á undan og þar á undan því

Ekkert Evrópusamband getur breytt landafræði Evrópu. Það er einfaldlega ekki hægt. Mitterand var svo vitlaus að samþykkja sameiningu Þýskalands, að ómögulegt er að neitt annað en pólitísk græðgi hafi legið þar að baki, nema ef vera skyldi paník og útópía

Bandaríkin varðveittu friðinn á meginlandi Evrópu á meðan þeir voru þar. Það gerðu þeir með því bara að vera þar. Þeir drottnuðu ekki eins og Þýskaland gerir í dag, heldir voru þeir bara til staðar. Og það var nóg. En svo fóru þeir heim, eins og þeir alltaf gera, því heima er best

En það er spurning hvort þeir hefðu átt að gera einmitt það. Bandaríkin geta ekki stöðvað stríð, því ef þau eru ekki á staðnum þá tekur það þau langan tíma að koma sér á staðinn með 100 milljón tonn í töskunni alla leið frá Vesturhveli jarðar yfir á Austurhvel jarðar. Þau verða því að geta beiðið nógu lengi og safnað kröftum á meðan sláturhúsið tekur særstu loftköstin og síðan hent sér inn í það með yfirþyrmandi ofurefli á rétta augnablikinu er tungan lafir af mæði út úr þeim sem slík hús reka, og þá einfaldlega sest ofan á það hús og skellt handjárnum á

Þetta gerðu Bandaríkin í báðum heimsstyrjöldum til að koma í veg fyrir bygginu pólitískrar einingar sem byggt gæti flotaveldi sem ógnað gæti þeim á heimavelli. Engin ein þannig pólitísk eining er til á landmassa evrasíu sem gæti slík. En hjónaband slíkra eininga gæti hins vegar gert það. Slíkt band verður að stöðva fyrir trúlofun, umfram allt

Öll ríki verða skilyrðislaust að gera það eitt sem tryggir áframhaldandi tilvist þeirra. Engin ríki eru hér undanþegin, því ef þau væru það, þá væru þau ekki lengur til. Ísland getur til dæmis aldrei leyft sér að velja sér ranga bandamenn. Ísland verður alltaf, án undantekninga, að velja sér bandamann sem ræður ríkjum á Atlantshafinu. Við erum eyja og þeir sem stjórna hafinu í kringum okkur stjórna líka því hverjir geta ráðist inn í Ísland eða ekki. Hverjir geta sótt að landi okkar

Og það vill svo til að Bandaríkin eru líka eyja og þau hafa nákvæmlega sömu tilvistarlegu hagsmuni og við. Enginn má geta sótt að Bandaríkjunum sjóleiðina. Enginn! Þess vegna drottna Bandaríkin yfir Atlantshafinu og Kyrrahafinu og Karabíska hafinu. Og þau munu aldrei líða að neitt annað ríki eða ríkjabandalag geti orðið til sem skákað getur flotaveldi þeirra. Það sama gerðu Bretar með því að koma í veg fyrir að slíkur floti gæti yfir höfuð orðið til

Þetta er okkar happ. Þessa vegna getum við ekki leyft okkur að velja ranga bandamenn. Og þetta eitt ætti að vera nóg til þess að endurskoða allt í sambandi við EES-samning Íslands við ESB-Evrópu og slökkva á Kína vitleysunni. Það er kominn tími á þessa endurskoðun því hún tekur tíma. Reyndar er þetta krafa sem ekki er hægt að hunsa lengur, nema með tilvistarlegri áhættutöku fyrir Ísland. Slík áhættutaka á ekkert skylt við þjóðaröryggi Íslendinga. Ekkert. Hún væri bæði sinnuleysi og stjórnleysi

xD

Fyrri færsla

Þýsku kosningarnar: Merkel mun sitja sem stirðnuð önd á stóli og hið undirliggjandi mjakast fram [u]


Þýsku kosningarnar: Merkel mun sitja sem stirðnuð önd á stóli og hið undirliggjandi mjakast fram [u]

- bloggfærslan er uppfærð með nýjustu tölum og betri frásögn

Þingkosningar Þýskalandi 2017 - breytingar á fylgi flokka v2

Mynd (ARD kl. 06:06 þt.): Breytingar á fylgi flokka

Kosningarnar í Þýskalandi eru að birtast sem opin gröf fyrir Angelu Merkel og flokk hennar. Í Bæjaralandi er flokkurinn að fá sína verstu útreið í 68 ár, eða allar götur frá 1949, nú þegar úrslitin eru komin inn

Angela Merkel er tapari kosninganna. Flokkur hennar missti mest og endar á aðeins 33 prósentum atkvæða og missir 8,5 prósent fylgi. Þýskalandið hennar er grundig upplausn. Fyrir kosningar sat Merkel-ríkisstjórnin á 80 prósent þingsæta. Það hlutfall er hér með klippt og skorið niður í rétt rúmlega 50 prósentur

Krónísk lömunarveiki Angelu Merkels, vinstra daður og innflytjenda- og innri öngþveitisstefna hennar með fálmurum, er það sem upp gaus úr kjörkössunum. Fólkið vill fá landið sitt og sjálfsákvörðunarréttindi aftur. En fólkið mun ekki fá neitt slíkt

Í kjörkössunum voru neyðarbremsuklossar á þrennt:

Í fyrsta lagi kom AfD-flokkurinn upp úr þeim sem sigurvegari kosninganna. Stjórnmálaflokkur sem talað hefur gegn upplausnar- og öngþveitis-innflytjendastefnu Merkels. Í austri fær hann 20,5 prósent atkvæða og 12,6 prósent á landsvísu. Öll kjördæmi Saxlands fékk hann, nema Dresden, en þar munaði aðeins einu prósenti á honum og CDU. Hann er þar með orðinn þriðji stærsti flokkur Þýskalands, stofnaður fyrir aðeins fjórum árum og tæplega þrefaldar fylgi sitt núna. Hann mun leiða stjórnarandstöðuna, ef ég giska rétt á komandi stjórnarmyndun

Í öðru lagi er fimm strokka brembo-bremsuklossi FDP-flokksins á evru- og evrópusambandið og þar með á fyrirhugaða ESB-skáldsagnagerð Emmanuel Macron forseta Frakklands um Evrópu, sem koma mun honum illa út. FDP tvöfaldaði næstum fylgi sitt og fær 10,7 prósent. Ef ég giska ekki rétt á stjórnarmyndun Merkels með SPD, þá mun FDP krefjast lyklanna að fjármálaráðuneytinu og loka niður ESM (E2012-rotvarnarefni í evru) og þar með í framhaldinu hugsanlega velt evrusvæðinu um koll. Ef ekki tekst að mynda stjórn með FDP, þá gætu nýjar kosningar verið boðaðar síðar í haust eða í vetur. Þýskaland gæti orðið stjórnlaust land

Og í þriðja lagi eru úrlistin verstu afhroð þýskra sósíaldemókrata nokkru sinni (SPD). Sá flokkur fær aðeins 20,5 prósent og missir 5,2 prósent. Rauðan reykinn leggur út um eyrun á þessum skrjóði Schröders. Hann bræddi úr flokknum með grundig allsherjarsvikum; Þýskalandið hans er nú láglaunaland

Undirliggjandi og óhjákvæmilegt

- Schröder sósíaldemókrati og fyrrum kanslari situr nú í Rússastjórn Rosnefts, hjá Vladimir keisara Pútín, til að undirbúa bandalagsuppbyggingu Þýskalands og Rússlands, vegna þess að Þýskaland veit að Evrópusambandið sem það notar til að drottna yfir Evrópu, er að leysast upp. Skrjóðurinn Schröder er því sendur út af sökkvandi örk Evrópusambandsins með samþykki Merkels, til að sannfæra Pútín um að Þýskaland sé háð honum og til að koma í veg fyrir vinskap Rússa og Frakka. Heima fyrir þaggar Merkel á meðan eins og hún getur niður NATO-getuna og dælir pólitísku grumsi þar inn. Pólland, klemmt á milli þessara tveggja gömlu djöfla, veit þetta vel og hamast því við að byggja upp bolverkið gegn þessu, saman með strategíska stórvininum Donaldi Trump og gengur sú bygging mjög vel, án aðkomu NATO. Hún heitir Intermarium. Pólland verður næsta nýja stórveldið innan Evrópu. Allt mikilvægt sem er að gerast í Evrópu er að gerast í austri og er Pólland helsta miðstöð þeirrar þróunar ásamt Rúmeníu. Ungverjaland gekk úr Pútín í þessum mánuði og í lið með Póllandi. Það andaði því köldu á Pútín í heimsókn hans til Búdapest í ágúst. Þýskaland misnotar því ESB til að ofsækja Pólland og Intermarium-bandamenn þess, svo lengi sem það er í standi til að drottna yfir Evrópu með Evrópusambandinu sem verkfæri. Þýskaland er óverjandi landsvæði á norðursléttum Evrópu, ef verja þarf báða flanka þess samtímis (austur-vestur innrásarhraðbrautin). Alpar loka suðrinu að mestu og einn sjór í norðri kaupir því vissan tíma. Svipað gildir um Frakkland. Og án Bandaríkjanna er Pólland farið. Og án Póllands og Bandríkjanna er Evrópa farin

Áratuga viðskiptum með fullveldi ESB-ríkja á pólitískum kauphallargólfum meginlandsins fer nú að ljúka. Fyrst kom árið 2009 með sitt sudden-stop í fjármálum ESB-landa og þau mál standa óleyst enn. Og næst er það hið pólitíska makró Evrópu sem gengur ekki lengur upp. Fólk álfunnar er búið að fá nóg. Allir vita að "heilbrigð skynsemi" manna sá ekki neitt árið 2008/9. Hún mun heldur ekki sjá þetta koma, vegna þess að hún er eitt lélegasta verkfæri sem til er

Restin og niðurlag

Kommar og grænir fá hvor um sig í kringum 9 prósent og eru frosnir fastir þar. Engin breyting þar. Búist er við að kosningaþátttakan hafi verið 75,9 prósent

Þýska þjóðin hafnaði Angelu Merkel, en sitja mun hún samt, því að þýskt stjórnmálalíf er notbremsenresistent. Ekkert gerist þegar togað er í hemlana. Nema í Bretlandi sem hoppað hefur af ESB-lestinni á leið hennar með meginlandið til heljar. Sósíaldemókratar hugsa í límósínum og kavíar, þeir munu því hoppa í stjórn sameinaðra tapara á sjálfu meginlandi taparanna

Fyrri færsla

Madríd sendir fleiri löggur


Madríd sendir fleiri löggur

Nú hefur Madríd bætt í og komnir eru 17.000 lögreglumenn til Katalóníu, sem hún þangað hefur sent. Það verður fróðlegt að sjá hversu langt Madríd ætlar að ganga og hversu mikið vald hún ætlar að nota: Sjá: Spánn sýnir klær og skerpir

Misþyrming ESB á Spáni með samþykki ríkisstjórna í Madríd, hefur ekki farið vel niður í íbúa Katalóniu, sem ásaka Madríd fyrir að mergsjúga þá með sköttum undir niðurskurðahnífaveldi Berlínar í ESB-væddri spillingu

Það fer um ESB-menn í til dæmis París, því ef Katalóníu verður hleypt út þá mun Korsíka sennilega láta verða af því að yfirgefa Frakkland

Yfirvöld, hver sem þau kallast, með réttu nafni eða hjánefni (til dæmis Troika), eru því líkleg til að viðhafa sömu röksemdafærslu og látin er ganga yfir Bretland: þ.e. að reyna að sýna þeim sem hugsa slíkt hvað bíður þeirra ef þeir skyldu fá rangar hugmyndir

Og svo er þeim öllum sagt að þeir muni aldrei komast inn í ESB aftur, en sem ESB er að reyna að hindra að Bretland komist úr

Og nú hefur ESB-Rannsóknarrétturinn verið sendur til Póllands, til að kveða niður það sem eftir er af nýfenginni sjálfstæðri hugsun og til að særa út þær forboðnu hugmyndir sem Pólverjar hafa fengið um Evrópusambandið eftir að hafa kynnst því, þ.e. að Pólverjar ætla ekki sætta sig ekki við að hafa komist hálfdrepnir út úr einu Sovétríkinu til þess eins að vera nú komnir inn í annað slíkt. ESB hótar að bannfæra Pólland

Það hitnar í kolunum út um alla Evrópu og er sá hiti á ESB-fagmáli kallaður stöðugtleki. Man ekki lengur hvað Sovét-Kremlið kallaði svona ástand

Fyrri færsla

Spánn sýnir klær og skerpir


Spánn sýnir klær og skerpir

Katalónía vill burt úr Spáni - en fær hún það?

Það viðrar ekki vel á Spáni þessa dagana frekar en gert hefur frá því að sérfræðingar Evrópusambandsins klessukeyrðu landinu 2008. Spánn er ekki Grikkland og er það ekki neikvætt meint hjá mér, því allir vissu alltaf að Grikkland er og verður Grikkland. Það átti engum að koma á óvart

En Spánn. Já en Spánn! Það land fór í einu og öllu eftir ríkistrú ESB-kirkjunnar og rak hvorki sig né neitt sitt með fjárlagahalla og skuldaði ekkert sérstakt. Landið var notað sem fyrirsæta á áróðursskiltum ECB-aukaseðlabanka Þýskalands, ásamt Írlandi

En svo kom árið 2008 og landið var lagt í rúst í evrum. Sparifé þýskra fyrirtækja, eiginfé, sem flutt hafði verið frá þýskum heimilum með því að gera hlut þeirra í landsframleiðslunni svo lítinn að krónísk undirneysla drap þýska hagkerfið innvortis, já því fé var pumpað til Spánar í svo miklu magni að það sprengdi Spán í loft upp með innflæði sem nam 30 prósent af landsframleiðslu þess

Þýsku fé var beinlínis þrýstilofts-þrýst inn á Spánverja. Tilgangurinn var að koma sparifé þýskra fyrirtækja í vinnu --sem þýsk heimili gátu ekki unnið vegna lágra launa/kaupgetu-- með lágum og undir-beltis lánastöðlum og í staðbundnum neikvæðum evru-raunstýrivöxtum, til að skapa þannig eftirspurn eftir þýskt framleiddum vörum frá Þýskalandi. Spánn varð ein samfelld rjúkandi evrurúst og atvinnuleysi er algerlega gerræðislegt, þó svo að það sé ekki enn 26 prósent, heldur er það 17 prósent og tæplega 40 prósent hjá ungu fólki. Sem sagt, enn ein evru-brunarústin með sótsvarta eða jafnvel enga framtíð, miðað við stöðuna áður en landið fór á evruhvolf

En hvað hefur þetta með Katalóníu að gera? Jú, það að vera Katalóníubúi er að vera af katalónsku þjóðerni, því þetta sjálfstjórnarhérað á Spáni er skilgreint sem þjóð. Sú þjóð er þjóð. En þessi þjóð vill bara ekki lengur vera í annarri þjóð. Hún vill ekki vera spænsk. Hún vill fá að stjórna sér sjálf og vera sjálfstætt og fullvalda ríki

Katalónía stendur fyrir 20 prósentum af landsframleiðslu Spánar og fjárlagahalli hennar er undir einu prósenti. Þetta er eitt ríkasta og iðnvæddasta hérað Spánar og það sjálfstæðasta. Og það er vandamál sem ríkisstjórninni í Madríd geðjast ekki að

Halda átti þjóðaratkvæðagreiðslu um sjálfstæði Katalóníu 1. október næstkomandi, en líklega mun lítið verða úr henni. Spænska lögreglan lagði í fyrradag hald á 10 milljón kjörseðla, kjörgögn og sjálfa kjörskránna með þeim rökum að gögnunum sem notuð voru til að búa til kjörskránna, hefði Katalónía stolið frá spænska ríkinu. Lögreglan stormaði skrifstofur, handtók heimastjórnarmenn og sendi í gær fimm þúsund lögreglumenn í viðbót út á götur Katalóníu

En ekki nóg með það. Heitt varð á þinginu í Madríd er þingmenn Katalóníu fá þessar fréttir að heiman, þeir móðgast eðlilega illa og til munnlegra skylminga kemur og þeir yfirgefa þingið í reiði. Ganga út. Á eftir þeim öskruðu þing og ríkisstjórnamenn; "og komið ekki aftur"

Yfirmaður spænska hersins sagði 2014 að hann myndi handhefja spænsku stjórnarskrána jafnt í Katalóníu og Afganistan. Þetta fór ekki vel niður. Stjórnarskrárdómstóll Spánar hefur úrskurðað fyrirhugað þjóðaratkvæði Katalóníumanna ólöglegt. Og þannig mun einnig brátt fara fyrir þeim ríkjum sem halda áfram að vera í Evrópusambandinu. Þannig handjárnum verður að sjálfsögð laumað inn í "umbætur" á stjórnarskrá Evrópusambandsins og öll útganga gerð ólögleg

Fari sem horfir, mun þessi krísa fara upp á næsta þrep og út á götur Katalóníu. Hún er reyndar komin þangað nú þegar, og einnig út á margar götur Spánar. Næstu þrep krísunnar gætu svo legið út í alla ríkisstjórn Spánar, þingið lamast, evrubankar á brauðfótum springa, peningaskömmtun tekin upp eins og í Grikklandi, eða þá að krísan í síðasta enda myndi rusla evrunni um koll og rústa flóttamannabúðum ríkra útlendinga á grafarbökkum og loka ferðamannaiðnaði niður og þar með gera alla Evrópu norðan Sahara að einum stórum no-go-zone fyrir þá sem er annt um líf og limi sína og sem kallast erlendir ferðamenn. Þetta gæti sem sagt jafnvel endað með borgarastyrjöld á Spáni - og víðar. Byrjunin lofar að minnsta kosti ekki góðu. Fyrstu spínat-spor Madríd sjást nú þegar það vel

Hvað skyldi gerast næst, nú þegar ESB og evran hefur klippt og rakað púðurþráðinn svona stuttan á öllu Spáni árum saman. Getur ESB komið í stað Franco? Er það mögulegt?

Gauksklukka Samfylkingaflokka slær hér einn Össur enn. Viðreisn trekkir upp svarta framtíð og evrugaukshreiðrið galar enn. Svo slær klukkan Benedik eitt og Benedikt tvö. Gúkk gakk, gúkk gakk

Það sem hægt er að segja með miklu öryggi um Evrópu í dag er þetta: Evrópusambandsfáninn sem slefar sig út um svo marga glugga meginlandsins, stendur nú fyrir aðeins þessu:

1. Pólitískum óstöðugleika

2. Efnahagslegum hörmungum

3. Áframhaldandi pólitískum óstöðugleika og áframhaldandi efnahagslegum hörmungum

4. Og öllu sem þessu fylgir. Þetta er orðinn einn stór pakki pakks

Kemur ný Franco og reddar þessu, eða mun evrustaðgengill hans halda? Hvað gerist næst?

Fyrri færsla

Hefur Angela Merkel eyðilagt Þýskaland og kannski Evrópu líka?


Hefur Angela Merkel eyðilagt Þýskaland og kannski Evrópu líka?

Meginland Evrópu er að fyllast af "öfgaflokkum"

Enginn svo kallaður öfgaflokkur (upphafsréttur: fjölmiðlar) hefur komst inn á þing í Bretlandi. Og enginn slíkur flokkur hefur séns í Bandaríkjunum

En lönd Evrópusambandsins virðast hins vegar vera að unga út mörgum flokkum sem fengið hafa á sig öfgastimpilinn. Hvernig skyldi standa á því. Átti Evrópusambandið ekki að lækna þær orsakir sem búa til slíka flokka. Okkur var sagt það, áratugum saman

Síðast þegar slíkt gerðist á meginlandi Evrópu, var það vegna samnings sem gerður var til að viðhalda vissu valdaójafnvægi á meginlandi álfunnar. Hann var kallaður Versalasamningurinn. Er Evrópusambandið nokkuð orðið slíkur samningur? Og sem meira að segja orðinn er heil stjórnarskrá!

Bretum var sagt að deildu þeir fullveldi sínu með öllum löndum Evrópusambandsins, þá fengju þeir sennilega friðarverðlaun fyrir og miklu betra líf. Miklu betra líf. En nú vill ESB ekki skila þeim fullveldinu til baka. Er þetta gott fyrir þau lönd sem hugsuðu hið sama er þau gegnu inn í sambandið. Er kaldur veruleikinn nokkuð að renna upp í öllum löndum sambandsins. Er það þessa vegna sem svona mikil ólga er að hreiðra um sig í öllum löndum Evrópusambandsins. Mjög mikil og vaxandi ólga. Er þetta sjálfur ESB-samningurinn?

Í fyrsta skiptið frá stríðslokum mun svo kallaður öfgaflokkur verða kosinn á þing í Þýskalandi eftir aðeins nokkra daga. Líklegt er að hann verði þriðji stærsti flokkur landsins og fái 89 af 703 þingsætum, eða á bilinu 9-13 prósent. Fullyrt er að í þessum flokki sé töluverður hluti nasistar. Þetta yrði þá í fyrsta sinn frá stríðslokum sem slíkur flokkur nýtur það mikils almenns stuðnings að hann kemst inn á þing, eða; í fyrsta skiptið frá styrjaldarlokum sem nasistar taka sér sæti í Reichstag. Flokkurinn heitir AfD

Það merkilega við AfD-flokkin er að hann var stofnaður fyrir aðeins fjórum árum. Einn stofnendanna hefur sagt að öryggis síns vegna muni Angela Merkel neyðast að flýja til Suður-Ameríku eftir gömlum flóttaleiðum, þegar hún fer frá völdum. Þetta hefur gerst hratt. En þó ekki enn jafnhratt og síðast er verðbólga fór úr verðhjöðnun og upp í 500 prósent á innan við tólf mánuðum. Þýskaland er ekki hvaða land sem er, þegar að hræringum kemur

Tveir aðrir róttækir flokkar munu einnig fara inn á þýska þingið. Die Linke (kommar) og FDP, sem vill sparka Grikklandi út úr ESB og froðufellir vegna evrusvæðismála. Til samans njóta þessir flokkar um 30 prósent fylgis, eða aðeins 6 prósentustiga minna fylgis en flokkssambandið CDU/CSU, sem Merkel leiðir. Sósíaldemókratar virðast óðum vera að hverfa og fá líklega ekki meira en 22 prósent atkvæða

Sagt er að það sjóði á 30 prósentum þýskra kjósenda vegna innflytjendastefnu Angelu Merkel og ESB-mála. Merkel tók sér eins konar einræðisvald er hún bauð milljónum manna til innrásar inn í Evrópu og þar með til Þýskalands líka. Fólkið er orðið hrætt um sig í sínu eigin landi og það kýs út frá persónulegum aðstæðum, að sjálfsögðu

Við hliðina á Þýskalandi er Austurríki og þar er flokkur skammstafaður FPO eða Frelsisflokkur Austurríkis og fullyrt er að hann sér nokkuð tær nasistaflokkur. Hann mælist nú með 25 prósent fylgi

Ég ætla ekki að fella dóma hér um hverjir eru öfgaflokkar eða ekki. Hvað skyldu íslenskir kjósendur segja um það mál í sínu eigin landi núna. Þetta lítur ekki beint vel út eins og er

Í Bandaríkjunum virkar löggjafarsamkundan. Dómsvaldið virkar einnig og framkvæmdavaldið líka. Allir sinna sínum skyldum og ekkert ríki vill ganga úr Bandaríkjunum. Og atkvæði kjósenda eru virt, samkvæmt lögum. Bretland virkar líka vel. Það er að taka til sín fullveldið aftur og atkvæði kjósenda eru virt, því þau eru lög. Þar er ekki kosið aftur þar til ESB-öfgar koma út með upprétta hönd

Hvað verður um Evrópu? - þar sem svo margir vilja ekki vera með í þeirri Evrópu sem Evrópusambandsmenn hafa gert álfuna að. Vilja ekki lengur vera með. Öryggisleysið hríslast kalt niður hrygginn á íbúum ESB-landa. Þeir eru orðnir varnarlausir. Þeir hafa misst sjálfsákvörðunarrétt og fullveldi þjóðar. Þeir deildu því

Fyrri færsla

Donald Trump ávarpar þjóðirnar í stofnun Sameinuðu þjóðanna


Donald Trump ávarpar þjóðirnar í stofnun Sameinuðu þjóðanna

Norður-Kórea var höfð á fyrsta bekk

Ræðutextinn er viðhengdur sem textaskjal hér neðst í þessari færslu, því þetta er afar mikilvægur og stefnumótandi texti. Hann markar kaflaskil í samskiptum á milli þjóða og þjóðríkja. Að minnsta kosti í samskiptum Bandaríkjanna við önnur þjóðríki. Gamall sannleikur er tekinn upp á ný. Hér er einnig bein krækja á ræðuna hjá Hvíta húsinu

Stutt frásögn:

Við, fólkið, sagði hann

Velkomin til Nýju Jórvíkur (New York), heimaborgar minnar

Við þökkum þeim mörgu þjóðum sem boðið hafa minni þjóð aðstoð vegna náttúruhamfara

Við Bandaríkjamenn erum með elstu virku stjórnarskrá í heiminum og hún hefst á þessum þremur einföldu orðum; WE THE PEOPLE (Við fólkið/þjóðin..). Við fögnum 230 ára afmæli hennar núna. Hún er tímalaust skjal sem þjóðin elskar og hún er grunnur friðar, velmegunar og frelsis okkar Bandaríkjamanna - og einnig óteljandi milljóna annarra manna um allan veröld

Það gengur betur hjá minni þjóð en í langan tíma. Atvinnuleysi er að lagast og fyrirtækin eru að koma heim. Við erum að styrkja þjóðvarnir og herinn okkar, þannig að hann verði sá sterkasti nokkru sinni

Við lifum á tímum einstakra tækifæra. En líka á tímum einstakra ógna

Hryðjuverka- og svæsin öfgaöfl hafa breiðst út til allra horna veraldar. Til þeirra allra! Og studd af ónýtum og hættulegum ríkisstjórnum, sem eru einnig hér á þessari samkundu í dag

Þær herja á sínar eigin þjóðir og aðrar. Þetta drasl er að reyna halla veröldinni frá þeim friði sem við hölluðum henni að, með því að berja svona pakk niður með sleggju í Síðari heimsstyrjöldinni

Alþjóða-glæpasamtök og alþjóða-þrælaverslun er sama sagan. Þetta blómstrar í dag (já allt alþjóða blómstrar í dag) og massafólksflutningar ógnar landamærum okkar. Tæknivætt lið upp í háls sem notar tækni til að ógna borgurum okkar

Fullveldi er númer eitt. Aðeins fullveldi ríkja getur bætt heiminn. Og aðeins fullvalda ríki geta bætt heiminn. Fullvalda sjálfstæðar þjóðir sem taka sig af þegnum sínum. Fullveldi fólksins númer eitt

Öryggi og þjóðaröryggi
Og meira öryggi og þjóðaröryggi

Velmegun
Og meiri velmegun

Það vorum við sem komum Evrópu á fætur á ný. Við gáfum löndum hennar framtíð (sem ESB fer illa með, segir hann óbeint síðar í ræðunni um þannig "fjarlæg skrifstofuveldi")

Okkur er sama hvernig önnur ríki stjórna sér, búa, lifa, anda og trúa, svo lengi sem þær gera þetta hér tvennt: 1) gæta hagsmuna eigin þjóðar og borgara sinna, og 2) virða rétt og réttindi annarra fullvalda þjóða (hér er slæm hugmynd líberalista (vinstrimanna) um frelsun heimsins með úniversal reglustrikuverki John Locke á stöng, jörðuð, grafin og steindrepin. Trump íhaldsmaður segir að svo sé. Amen)

Norður-Kórea er að drepa fólkið sitt og ógna heiminum. Við munum þurrka hana út, sé Bandaríkjunum og bandamönnum okkar ógnað

Íran er helvíti, sérstaklega fyrir sitt eigið fólk sem það mergsýgur til að ógna nágrönnum sínum. Við munum rifta samningi við þetta ríki ef þess þarf

Allar þjóðir verða að setja sjálfar sig í fyrsta sætið. Hugsa um sitt eigið fólk fyrst. Það er skylda allra og til þess eru menn kjörnir

Bandaríkin hafa tekið á sig sinn skerf af fólksflutningum í gegnum söguna. Við þekkjum vel hversu stjórnlausir fólksflutningar eru mjög svo óréttlátir gagnvart þeim löndum sem missa fólkið sitt og þeim löndum sem taka á móti því. Ekkert réttlætir að sjúga blóðið úr öðrum löndum sem þurfa svo mjög á því að halda við betrumbætur og þróun. Og ekkert réttlætir að drekkja sínu eigin fólki með öðru fólki (móttökuþjóðinni) því þetta eyðileggur vinnumarkað hennar. Og þetta eyðileggur líka vinnumarkað sendandans. Sérstaklega hinna lægra launuðu í móttökulandinu. Þeir bera þyngstu byrðarnar vegna innflæðis fólks og því fólki eigin þjóðar gleyma oft ríkisstjórnir og fjölmiðlar

Ef Sameinuðu þjóðirnar eiga að lifa af sem stofnun, þá verður hún að bæta sig. Spillt ríki sem virða rétt borgara sinna að vettugi, sitja á fé stofnunarinnar til mannréttindamála. Stofnunin þarf að vera ábyrgari gagnvart umboði sínu

Við borgum yfirgnæfandi undir þessa stofnun miðað við alla aðra. Yfirgnæfandi

Sum ríki heimsins eru á leið til helvítis

Stjórn Venesúela er að rústa þjóðinni með sósíalisma sem allsstaðar í veröldinni hefur bara framleitt ömurleika. Við munum ekki horfa þegjandi á þetta pakk sem er að svelta þjóðina. Vandamálið í þessu landi er ekki það að sósíalisminn hafi verið illa framkvæmdur, heldur var hann innleiddur og framkvæmdur með fullkominni dyggð

Alþjóðleg viðskipti eru góð ef þau eru sanngjörn. En of lengi var okkur Bandaríkjamönnum sagt að mammút-stærðar fjölþjóða fríverslunarsamningar og umboðslausar alþjóðastofnanir og alþjóðleg skrifstofuveldi væri besta leiðin til að stunda viðskipti í heiminum. En milljónir starfa og þúsundir verksmiðja hurfu úr landi okkar og klettur bandaríska þjóðríkisins, millistéttin, var skilin eftir á fjóshaug, grafin og gleymd, þökk sé þeim sem kunnu á kerfið og burtu reglurnar sem eru stappa. Þessu fólki verður ekki gleymt. Aldrei aftur

Við sjálf erum að endurnýja og endurvekja fyrstu skyldur hverrar ríkisstjórnar, og þær eru þessar: að hugsa um sitt eigið fólk fyrst!

Skyldur hverrar ríkisstjórnar eru fyrst og fremst að hugsa um og tryggja sitt eigið fólk. Aðeins sjálfstæður styrkur hverrar þjóðar getur haldið þessari stofnun við efnið og borið hana uppi

Aðeins með því að gera það geta Sameinuðu þjóðirnar sinnt hlutverki sínu sem stofnun fullvalda ríkja. Styrkur fullveldis þjóðanna myndar þessa stofnun

Ekkert getur komið í stað sterkra fullvalda og sjálfstæðra þjóða sem standa á rótum sögu þeirra. Þjóða sem eru heimili föðurlandsvina, viljugir að vinna þjóð sinni gagn og fórna sér fyrir þjóðarheimili sitt

Þeir sem fórnuðu lífi sinu til að þessi stofnun gæti verið til, með því að sigra hið illa með vopnum, þeir færðu þessar fórnir fyrir þjóðina sína sem þeir elskuðu

Meira um þjóðina og þjóðirnar sem bestu stofnun jarðar, flutti Donald Trump þjóðum jarðar

Við getum ekki beðið eftir fjarlægum skrifstofuveldum. Enginn annar getur unnið vinnuna fyrir okkur, þjóðina. Við verðum að vera fyrst til að bjarga okkur sjálf. Til þess þurfum við föðurlandsvini, sem taka höndum saman um að búa þjóð sinni framtíð. Sem slá eignarhaldi á framtíð fyrir þjóð sína

Við köllum eftir endurvakningu á þjóðunum (hugtakinu sjálfu og sem stofnun)

Guð blessi þjóðirnar og mína þjóð

Örstuttri frásögn lýkur. Margt og mikið fleira er í ræðu Donalds Trump. Best er því að hlýða á hana

Fyrri færsla

Ekki-kommúnisti, er svoleiðis til ?


Skrár tengdar þessari bloggfærslu:

Ekki-kommúnisti, er svoleiðis til ?

VG Prinsipp-Polo

ESB fáni - Fule - Steinrímur J og Ciolos mbl

Mynd: ekki-doktor Zhivago Vinstri grænna í Brussel

Flestir vita hvað kommúnisti er. En myndi einhver venjulegur maður vita hvað ekki-kommúnisti er? Nei, það hugsa ég ekki að neinn venjulegur maður geti vitað. Reyndar er ekki-kommúnisti ekki til

En hvað þá með liberalista (vinstrimenn). Eru þeir til? Já þeir eru til. En eru þá þeir til sem kalla má ekki-vinstrimenn? Og ef þeir eru til, myndu þeir þá heita illiberals?

Það er nú það. En það er þessi stimpill sem liberlas (vinstrimenn) eru að reyna að klína á alla þá sem eru ekki vinstrimenn. Í þeirra augum eru allir sem eru ekki liberal (ekki-vinstrimenn), einfaldalega illiberals

Þeir sem eru að reyna að nota þennan stimpil á þá sem eru ekki vinstrimenn, gleyma því að mörgum mörgum öldum áður en hreyfing þeirra sjálfra varð til (vinstrið), voru það Íhaldsmenn (Conservatives) sem byggðu upp það góða sem líf flestra hvílir á í dag; þingræði, þingræðislegt lýðræði og bestu stjórnarskrár veraldar frá fæðingu Krists

En burðarstólpinn undir þessu öllu var af Íhaldsmönnum samt sóttur langt aftur fyrir fæðingu Krists, þ.e alla leið til Ísraelsríkis hins forna, þ.e. til Gamla testamentisins, sem er stór hluti heilagrar Biblíu Vesturlanda. Nefna má hér sérstaklega skiptingu valds og til dæmis þjóðríkið, þjóðkirkjur og landamærin, sem ríki áttu að halda sér innan

En svo komu Vinstrimenn (þ.e. liberals undir fána sósíalistans John Locke) fram á sögusviðið og mynduðu ásamt Abolutistum (einræði án stjórnarandstöðu) þá andstæðu póla sem uxu til höfuðs Íhaldsmönnum, sem byggt höfðu upp þingræði og lýðræði í Englandi og voru að byggja það upp í Bandaríkjunum. Stór hluti stjórnarskrár Bandaríkjanna kemur frá íhaldsmönnum Englands

Við fyrsta góða múgsefjandi skrílsláta-tækifæðið sem bauðst, sprautuðu vinstrimenn (liberals) kenningum sínum beint inn í Frönsku byltinguna og árangur þeirrar innspýtingar varð hundrað ára blóðbað um stóran hluta Evrópu, og svo sjálfur uber keisaralegur imperíalistinn Napóleon, og svo það sem við höfum í dag: þ.e. heilt og marg-misheppnað Frakkland á sinni fimmtándu stjórnarskrá og sínu fimmta, en þó enn og aftur, misheppnaða lýðveldi, samkvæmt Frökkum sjálfum. Frakkar vilja því núna fá enn eina nýju stjórnarskrá sína, sem stýra á sjötta Franska lýðveldinu. Já þið heyrðuð rétt; því sjötta! Hvað er að í Frakklandi? Jú það sem er að, er ekki-íhaldsmenn, þ.e.a.s. vinstrimenn!

Í millitíðinni hafa Bandaríkin haft aðeins eina stjórnarskrá sem þolað hefur tuttugu þúsund áhlaup vinstrisins á hana, og Bandaríkin því orðið stórveldi á meðan Frakkland varð næstum ekki neitt, nema með aðstoð stofnunar ESB, sem er neyðarbjörgun þess frá núlli, miðað við það sem landið áður var

Og enn eru Bretar í betri holdum en franskur almenningur sem leið svo lengi undir absalútveldi konungs. Og þannig hefur sláandi munurinn á milli þessara tveggja ríkja verið frá því að Íhaldsmenn komu með pólitískar kenningar sínar fram á völlinn í Englandi, frá og með ca. 1300. Oftast verið feitari en Frakkar, og hafa því mun síður drepist úr hor og sjúkdómum sem grassera best í hor - öldum saman

Það er ekki til neitt sem heitir ekki-vinstrimaður (illiberal) og það er ekki til neitt sem heitir ekki-vinstrimennska (illiberalism). Rétta nafnið er: Íhaldsmaður. Ég er til dæmis Íhaldsmaður

Björt framtíð og Viðreisn og Vinstri grænir segjast ekki geta unnið með okkur Sjálfstæðismönnum. En hugsið út í þetta; Íhaldsmaðurinn Winston Churchill gat unnið með kommúnistum! Einnig Dranklin D. Roosevelt. Vaú

Íhaldsmaðurinn Donald Trump hefur aðeins setið í forsetaembættinu í átta mánuði núna. En á þeim tíma og í kosningabaráttu sinni hefur honum þó tekist að gerbreyta sýn margra á margt það sem á undan er gengið og sem gert var í veröldinni frá og með falli Sovétríkjanna. En þá hvarf samvinnugrundvöllur íhaldsmanna og líberalista með því að sameiginlegur óvinur þeirra hvarf úr veröldinni; Sovétríkin. Samvinna þessara tveggja grunnleggjandi andstæðu pólitísku afla, hófst í síðari heimstyrjöldinni, og gengu kommúnistar þá einnig í lið með þeim í baráttunni við alræðisstefnur meginlands Evrópu (alræðismennin). Og í kalda stríðinu börðust íhaldsmenn og líberalistar einnig saman, en þá gegn kommúnismanum (alræðismenni líka)

En nú skilja leiðir þeirra á ný, því pólitísk hugmyndfræði líberalista hefur reynst ónothæf og útópía við lausn á þeim málum sem leysa þarf úr í veröld manna í dag

Rekja má sem sagt íhaldsmannahefðina aftur til ca 1300, og kallast hún Anglo-American Conservatism Tradition

Vegna langrar og sögulegrar samvinnu þessara tveggja andstæðu pólitísku afla, íhaldsmanna og líberalista, voru margir farnir að halda að um eina og sömu skepnuna væri að ræða. En svo er auðvitað ekki. Slíkt hald manna var aðeins ávanamyndandi skynvilla og blindlestur

Og það sem við sjáum í dag er skilnaður þessara afla. Hann er svona. Og rykið frá skilnaðinum er mikið og þykkt. Þeir sem sjá í gegnum mökkinn þann, munu lifa af, en hinir deyja út eins og kommúnistar. Eða eru þeir kannski ekki alveg örugglega útdauðir í dag. Er það kannski ekki svo?

Tímabilið frá 1941 til 1991 var undantekningarástand og tímabilið frá 1991 til 2008 var útópía líberalista sem klesstu veröldinni það ár. Því tímabili er nú lokið. Íhaldsmenn eru mættir til leiks á ný og sagan líka

Ef þú skyldir mæta Vinstrimanni með stjórnarskrá á heilanum, þá skaltu forðast hann, því hann er oft afar hættulegur maður. Hættulegur lífi þínu, eins og þú þekkir það best. Og svo er það ESB, sem einnig þýðir hor. Endalaust vinstra hor, öldum saman

Lesið Yoram Hazony og Ofir Haivry:

What Is Conservatism? (American Affairs Journal)

Fyrri færsla

Píratar fagna meintum nauðgara og þjóf - meðmælendur Viðreisnar


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband