Leita í fréttum mbl.is

Bloggfærslur mánaðarins, febrúar 2014

ESB-umsóknin: Þá opinberu skömm verður að afmá af Lýðveldinu

Ríki —og alveg sérstaklega smá ríki— þola ekki að opinber skömm (igno•min•y) brjótist til valda undir áföllum og taki sér stöðu við hásæti æðstu lýðræðisstofnunar landsins til þess eins að fremja þar þá opinberu skömm sem umsókn Lýðveldisins inn í Evrópusambandið er. Hún er ekkert annað en opinber skömm. Þetta þolir Ísland ekki sem lýðræðisríki. Þetta verður að afmá. AF-MÁ!

Vegna þessara skammargjörða og svika stendur Lýðveldi Íslendinga fast með höfuð sitt inni í póstkassa Evrópusambandsins. Þessari stöðu bernsks lýðveldis okkar var komið á með því að misnota æðstu stofnun Íslendinga. Þetta er óþolandi

Þingmenn sækja umboð sitt til kjósenda. En ekki öfugt. Þeir höfðu ekkert umboð frá kjósendum til að senda þessa ESB-umsókn af stað í upphafi. Ekki frekar en þröng klíka þingmanna hafði undir handjárnaglamri, pólitískum hótunum og valdasmiti neitt umboð fyrir hönd lýðveldis Íslendinga til að sækja um inngöngu í Bandaríkin

Umsóknina verður umsvifalaust að afturkalla og draga alveg til baka. Óhæfuna og svikin gagnvart þjóðinni verður algerlega að afmáð og þau verða að hætta. Umsóknina á því umsvifalaust að draga til baka, fella niður og afmá

Þeirri íhlutunarstofu sendisveinaveldis Evrópusambandsins á Íslandi sem hér blandar sér í bæði stjórnmálaumræðu sem og líf íslensku þjóðarinnar og sem heldur uppi starfsemi hér á landi, verður einnig að loka tafarlaust. Evrópusambandinu og skósveinum þess verði gert að loka áróðursskrifstofu sambandsins á Íslandi

Og önnur umsókn inn í Evrópusambandið má aldrei aftur —ég endurtek; má aldrei aftur— koma á dagskrá hins háa Alþingis Íslendinga fyrr en að einlægur 75 prósenta meirihluti íslensku þjóðarinnar hafi í samfellt 10 ár sýnt að hún af fullri einlægni og heiðarleika vilji sækja um að Lýðveldið Ísland verði innlimað í Evrópusambandið og þar með í skrefum sambandsins lagt niður. Þetta mál er þess eðlis

Sterk rök og hjartahreinar tilfinningar íslenskrar þjóðar ættu hins vegar að krefjast allt að 800 ára umhugsunartíma, eins og síðast. Í faðmi þeirra sterku raka og hreinu tilfinninga fæddist til dæmis stofnun Sjálfstæðisflokksins sem stjórnmálaafls. Hér mega engin þjóðsvik slá rótum og festa sig í sessi, svo lengi sem við drögum andann 

Afmá verður opinbera skömm svikahrappa af Lýðveldinu

Fyrri færsla

Íþyngdarlögmál ESB


Íþyngdarlögmál ESB

Apollo 11 Saturn-V - Bandaríki Norður-Ameríku 16 júlí 1969

Össur Skarphéðinsson kemst ekki neitt, eins og allir sjá á meðfylgjandi frétt. Samfylking hans og Vinstri grænna var kosinn út á öskuhauga sem stjórnmálaleg afskræming og lýðræðislegt misfóstur. Þessi samfylking tveggja ömurlegra flokka trúði ekki á Ísland frekar en aðrir krónískir ESBistar gera. Hún trúði ekki á lýðveldi okkar Íslendinga í eigin landi. Svona er að verða getulausu Evrópusambandi við sjálfan sig að bráð. ESB-elítum sem á miðilsfundum sambandsista talar um Evrópuvexti sem eru ekki til

Og eins og allir sjá og vita þá fer Evrópusambandið heldur ekki neitt. Það kemst aldrei neitt, nema eitt; heim til föðurhúsa þess á meginlandi Evrópu; heim til vaxandi eymdar, örbyrgðar, fátæktar, massífs atvinnuleysis og ESB-einræðis. Básúna þokulúðrasveitir sambandsins út Lissabonþvaður þess, sem orðið er að heilum þremur tíu-ára-áætlunum sambandsins í sovétstíl, brennandi á öskuhaugum Evrópu, öllum til ógagns nema elítum ESB

Nú er hinn efnahags- og lífsgæðalegi mismunur á evrusvæði Evrópusambandsins og Bandaríkjum Norður-Ameríku orðinn svo hörmulega framskriðinn og krónískt mikill, að leita verður 50 ár aftur í tímann til að finna eins hlutfallslega mikinn mismun á lífsgæðum almennings í evruríkjum Evrópusambandsins og hins vegar lífsgæðum almennings í þjóðríki Bandaríkja Norður-Ameríku í dag. Og horfunar í ESB versna ár eftir ár og áratug eftir áratug

Ástandið er orðið virkilega aumt þegar svona lagað stendur í sjálfum slef-pappírum framkvæmdastjórnar Evrópusambandsins í Brussel, sem þar með glymur æ meiri samruna út úr þokulúðrum sínum, sem laga á hinar sjálfsköpuðu brunarústir sambandsins. Alltaf á hinn æ-meiri samruni sambandsins að laga þær rústir sem tilvist hans skapar

Evrópusambandið fer nú að nálgast sjálfar stofn-brunarústir sínar og Róm. Svo hörmulega gengur þetta einkasamband elítunnar við sjálfa sig á meginlandi Evrópu

En það var einmitt þá —fyrir 50 árum— sem Bandaríkjamenn tóku sér frí frá plánetunni Jörð og fóru til tunglsins. Engin þjóð hefur fyrr né síðar farið í frí frá plánetunni Jörð. En það gátu Bandaríkjamenn þegar árið 1968

Þeir smíðuðu sér kraftmestu vél veraldarsögunnar er gaf þeim 165 milljón hestöfl til að lyfta þeim þrjú þúsund tonnum er lögðu af stað þráðbeint í loftið upp frá móður jörð, til ferðalags rakleiðis til tunglsins. Komu þeir svo aftur heim í þjóðríki sitt, stoltir af langri för

Þetta hefur engri annarri þjóð á plánetunni Jörð tekist. Og mun sennilega aldrei takast því Bandaríki Norður-Ameríku eru og munu verða öflugasta þjóðríki veraldar um aldur og ævi. Ekkert jafnast á við þjóðríkið

Evrópusambandið getur aldrei orðið þjóðríki - e. nation-state. Það getur bara orðið nýtt sovétríki

Enginn með fullu viti ætti að tala hið ömurlega íþyngdarlögmál Evrópusambandsins yfir fólk hér á landi. Enda gerir það enginn með fullu viti

Fyrri færsla

Ókjörin seðlabankastjórn ECB á bak við stjórnmálaþróun

 

Fæðingar- og erfðagallar myntbandalags Evrópusambandsins. The Economist desember 1996


mbl.is „Dapurlegur dagur í sögu þjóðar“
Tilkynna um óviðeigandi tengingu við frétt

Ókjörin seðlabankastjórn ECB á bak við stjórnmálaþróun

Það eitt að á Ítalíu sé nú verið að mynda enn eina ríkisstjórnina undir hinum þriðja í röð ókjörna forsætisráðherra landsins, fær mann til að kasta upp yfir þeirri hörmulegu þróun stjórnmála sem tilvist Evrópusambandsins hefur valdið og nú fest í sessi víða á meginlandi Evrópu. Allt er þar gert til að varpa áhrifamætti og atkvæðum kjósenda endanlega fyrir björg svo að úr verði einræði

En öllu stækari verður ælan í munni manns er við blasir að á bak við nomenklattúru-þjóðnýtingu ítalskra stjórnmála stendur bankastjóri ECB-seðlabanka Evrópusambandsins í Frankensteinfurt. Þetta er sá hinn sami "óháði fagmaður" á skala Evrópusambandsins er hélt Harward-ræðu sína um "a more perfect Union" í október síðasta haust. Hugsið ykkur; þetta klám kemur úr munni ECB-seðlabankastjóra ESB

Ólögmætari pólitísk öfl og andslýðræðislegri undirróður mun brátt vart finnast í víðfeðmri stjórnmálasögu veraldar, nema þá einmitt í hinni löngu sögu pólitískra hörmunga á meginland taparanna í Evrópu; undir hinum þriðja himni þess; er myntbandalag nefnist.

Þar ríkja ósnertanleg pólitísk öfl er jafnast á við það versta sem sést hefur til einræðisins í heimsálfunni hin síðustu mörg mörg ár. Já seðlabankastjórar ECB-myntar sem diktera og predika stjórnmál í myntbandalagi ESB til einræðisins

Og áfram sekkur Finnland niður í þriðja kreppukaf sitt á finnsku leið landsins til ESB-örbyrgðar. Hafa ökuljós hagkerfis Finna undir evruforherðingu nú slokknað til frambúðar. Landið bakkar því inn í fortíðina

Í svartholi evrunnar í ESB ríkja myrkraverk

Fyrri færsla

RÚV, Evrópusambandið, Ísland og Ísrael


Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband