Leita í fréttum mbl.is

Bloggfærslur mánaðarins, júlí 2013

Hanna Birna - í flaggveifu hræðslukasti?

Millinafnið eitt ætti að duga í ýmislegt; Hanna Birna Kristjánsdóttir

Á sama tíma og Evrópusambandið hefur innleitt gjaldeyrishöft á erlendan gjaldeyri, gjaldmiðilshöft í eigin gjaldmiðli, millifærsluhöft í eigin gjaldmiðli, úttektarhöft í eigin gjaldmiðli og tekið upp peningaskömmtun í eigin gjaldmiðli á evrusvæðinu á Kýpur - já - þá er það ofarlega eða jafnvel efst í huga innanríkisráðherrans að fara í eins konar flaggveifu hræðslukast með —að því er virðist— minnimáttarkennd sem fúlan ferðafélaga í því kasti; vegna þess að Ögmundur Jónasson þingmaður hafði gefið út skerptar varúðarreglur um uppkaup útlendinga á vissum jarðnæðisréttindum og fasteignum hér á landi, án þess að þeir bæru sömu skyldur og ættu tilkall til sömu réttinda og ríkisborgarar Íslands. Þetta minnir mann að vissu leyti á fyrirfram-hræðsluköst Samfylkingarinnar gagnvart Evrópusambandinu þegar ávallt átti að lúffa fyrirfram á rauðum dregli með öll stærstu hagsmunamál Lýðveldisins undir bankahruni

Hefur Hanna Birna Kristjánsdóttir þingmaður Sjálfstæðisflokksins og innanríkisráðherra ekkert þarfara að gera en að rúlla Íslandi út sem fyrirframlögðum rauðum dregli undir maðkað regluverk og sáttmála Evrópusambandsins, sem hvorki hún, né neinn annar hér á landi, að því er virðist, hefur lesið. Ekki lesið frekar en þau 28 ríki sem skrifuðu undir alla sáttmála Evrópusambandsins og sem öll héldu því fram við þá athöfn, að gjaldeyrishöft á erlendan gjaldeyri, gjaldmiðilshöft í eigin gjaldmiðli, millifærsluhöft í eigin gjaldmiðli, úttektarhöft í eigin gjaldmiðli og peningaskömmtun í eigin gjaldmiðli, væru ólögleg samkvæmt þeim sáttmálum öllum; en sem flest höfðu þó rangt fyrir sér í þeim efnum sem mörgum öðrum, er til óhjákvæmilegra flogaveikiskasta Evrópusambandsins kom og sem vara munu þar til sambandið slær fullt sovét. Ríkin vissu ekki hvað þau höfðu skrifað undir. Þau vissu ekki hvað þau gerðu. Múgsefjunin var slík. Og lygarnar svo miklar

Hanna Birna Kristjánsdóttir þingmaður Sjálfstæðisflokksins og innanríkisráðherra á að sjálfsögðu að aka landinu okkar með öll hugsanleg öryggisbelti þess spennt til fulls, allar bremsur virkar og fara eftir öllum þeim íslensku lögum og reglum til hins ýtrasta sem mögulega geta varið landið og gætt hagsmuna okkar sem hér byggjum og eigum Lýðveldið Ísland. Til þessa er hún kjörin

Þessar hættur sá til dæmis Skúli Thoroddsen fyrir sér þegar flestir aðrir vildu undir hið erlenda eignarhald og vald renna út hinum lúffandi rauða dregli. Og það sá hann svo snemma, að Ísland varð fullvalda ríki, er nú ræður yfir 200 sjómílna landhelgi undir sjálfstæði og sem varðveitir gullforða og björgunarbáta okkar Íslendinga. Hér ber því ráðherranum að aka með stórlega skerptri ábyrgð og viðhafa aukna varðstöðu; Íslandi í hag. Þetta eru válegir tímar og allt getur gerst; jafnvel það versta

Þetta eru slæm merki að senda og ótíðindi. Mjög slæm

Hvað er að? 

Fyrri færsla

Önnur skóflustunga Evrópu niður í gröf sína á aðeins 25 árum 


mbl.is Endurskoðar lög um fasteignakaup
Tilkynna um óviðeigandi tengingu við frétt

Önnur skóflustunga Evrópu niður í gröf sína á aðeins 25 árum

Núverandi “björgunaraðgerðir” ókjörinna sem ósýnilegra yfirríkisherra sem í einhverja spotta halda; og sem allir liggja út frá einum og sama Berlín-Parísar-valdaöxli á landsvæði Lotharinga; og sem alltaf hanga einhvers staðar og alltaf yfir öllum hinum djúpu munnvötnum þeirra í Evrópu; eru hinar aðrar svo kölluðu “björgunaraðgerðir” Evrópu á síðustu 25 árum

Á aðeins 25 árum hefur þokubakkaveldi elítu Evrópusambandsins í öllum löndum sambandsins, tekist selja þjóðríkjunum sem utan við Berlín-Parísar-valdaöxul á landsvæði Lotharinga standa, þá geðklofnu hugmynd, að björgun þeirra frá brjálæði álfunnar til andskotans, sé falin í því að rífa niður og rústa efnahag og lýðræði einmitt þeirra landa sem hve ákafast þurfa á raunverulegu lýðræði að halda, ef halda á friðinn í Evrópu til frambúðar, eftir að barnfóstran mikla að Vestan fór heim til síns heima

Í raun var aldrei nein ástæða til að stofna Evrópusambandið. Ástæðan var einungis búin til handa Berlín-Parísar-valdaöxlinum á landsvæði Lotharinga; af einmitt hinum sömu valdasjúkum sjálfum á sama svæði; og ofan í sjálfum rústum hins Þriðja ríkis; sem reis til hryllilegra valda ofan í og á hrundum og eitruðum valdastrúktúr valdasjúkra á Berlín-Parísar-öxli landsvæðis Lotharinga
 
Sumir pappírar efnahagsráðuneytis Þriðja ríkisins hafa síðan reynst nýjum yfirvöldum yfir nytsömum ösnum í löndum Evrópusambandsins, þokkalega endurvinnanlegir. Evrópusambandið endurvinnur auðvitað sinn pappír, að ráði sinna "sérfræðinga". Og þeir eru margir og prófessorar miklir

Fyrsta rústun (björgun auðvitað!) þjóðarorku (e. natal energy) þjóðríkja Evrópusambandsins, sem þá voru tólf, hófst strax með niðurrifi hagkerfa sambandsins í 15 ára löngum aðdraganda Maastrichtsáttmálans. Þá stóð stóðeltíta Evrópusambandsins —og nokkru síðar tvíefld undir tvíhöfða forystu þýska seðlabankans ásamt velunnara hugmyndagloríunnar í Frakklandi— fyrir þeirri herferð gegn efnahagslegum raunveruleika ríkjanna, að njörva ætti niður gengisskráningu gjaldmiðla þeirra á skurðarborði Delors-tremens af esb-delerium; þ.e. sjálft ERM-misfóstrið helsjúka frá 1977 til 1998

Til að svo mætti verða varð til dæmis að halda grunnvöxtum í hagkerfum borgaranna svo háum að raunstýrivextir voru jafnvel tíu sinnum hærri en verðbólgan. Og skera varð niður og niður þar til varanlegu tíu prósenta massífu atvinnuleysu til frambúðar væri komið á að eilífu í næstum 12 löndum. Aðeins þeir sem svo hárri örkumlun náðu, gátu fengið að vera með í tremens af esb-delerium undir ERM sem sprengdi ríkin í tætlur, áður en það sjálft sprakk í tætlur, svo úr varð evra; sem er fávitahælið EMMA; European Monetary Madness Area

Í dag eru björgunaraðgerðir tremens af esb-delerium fólgnar í því að rústa ríkjunum svo þau megi halda áfram að vera í rúst undir evru og EMMA

Svona er nýtt sovétríki Evrópusambandsins byggt; Hrun fyrir hrun, áföll fyrir áföll, hægt en sífellt bítandi -með aðstoð lagabálka og dómstóla- samkvæmt gamalli uppskrift að einræði 
 
Fyrri færsla
 

Ignominy: Þá opinberu skömm verður að afmá af Lýðveldinu

Ríki - og alveg sérstaklega smá ríki - þola ekki að igno•min•y (opinber skömm) brjótist til valda undir áföllum og taki sér stöðu við hásæti æðstu lýðræðisstofnunar landsins til þess eins að fremja þar þá igno•min•y sem umsókn Lýðveldisins inn í Evrópusambandið er. Hún er ekkert annað en igno•min•y. Þetta þolir Ísland ekki sem lýðræðisríki. Þetta verður að afmá. AF•MÁ!

Vegna þessara skammargjörða og svika stendur Lýðveldi Íslendinga nú fast með höfuð sitt inni í póstkassa Evrópusambandsins. Þessari stöðu bernsks lýðveldis okkar var komið á með því að misnota æðstu stofnun Íslendinga. Þetta er óþolandi

Þingmenn sækja umboð sitt til kjósenda. En ekki öfugt. Þeir höfðu ekkert umboð frá kjósendum til að senda þessa ESB-umsókn af stað í upphafi. Ekki frekar en þröng klíka þingmanna hafði undir handjárnaglamri, pólitískum hótunum og valdasmiti neitt umboð fyrir hönd lýðveldis Íslendinga til að sækja um inngöngu í Bandaríkin

Umsóknina verður umsvifalaust að afturkalla og draga alveg til baka. Óhæfuna og svikin gagnvart þjóðinni verður algerlega að afmáð og þau verða að hætta. Umsóknina á því umsvifalaust að draga til baka, fella niður og afmá

Þeirri Íhlutunarstofu sendisveinaveldis Evrópusambandsins á Íslandi sem hér blandar sér í bæði stjórnmálaumræðu sem og líf íslensku þjóðarinnar og sem heldur uppi starfsemi hér á landi, verður að loka tafarlaust. Evrópusambandinu og skósveinum þess verði gert að loka áróðursskrifstofu sambandsins hér á Íslandi strax
 
Og önnur umsókn inn í Evrópusambandið má aldrei aftur — ég endurtek; má aldrei aftur — koma á dagskrá hins háa Alþingis Íslendinga fyrr en að einlægur 75 prósenta meirihluti íslensku þjóðarinnar hafi í samfellt 10 ár sýnt að hún af fullri einlægni og heiðarleika vilji sækja um að Lýðveldið Ísland verði innlimað inn í Evrópusambandið og þar með lagt niður. Þetta mál er þess eðlis
 
Sterk rök og hjartahreinar tilfinningar íslenskrar þjóðar ættu hins vegar að krefjast allt að 800 ára umhugsunartíma, eins og síðast. Í faðmi þeirra sterku raka og hreinu tilfinninga fæddist til dæmis stofnun Sjálfstæðisflokksins sem stjórnmálaafls. Hér mega engin þjóðsvik slá rótum og festa sig í sessi, svo lengi sem við drögum andann.

Afmá verður igno•min•y svikahrappa af Lýðveldinu
 
Fyrri færsla
 
 

Hugsanavillan um "sambandsríkið"

 
Borgin Przemysl
Mynd: Ground-zero; Herskipanir á 6 tungumálum til manna Austurrísk-ungverska hersins - hann leystist upp og hver maður fór heim til síns fána
 
Tilurð og áframhaldandi tilvist Evrópusambandsins er að eyðileggja Evrópu. Og það er mikið rétt hjá Niall Ferguson (Evrópuvaktin) að Evrópa er að breytast í útstrokað blað - víxil sem löngu er útrunninn og útbrunninn. Og sjálft Evrópusambandið er það strokleður sem er að þurrka Danmörku út af landakortinu og leggja hana niður, eins og Kathrine Lilleør doktorsnemi og sóknarprestur Slagslunde- og Ganløse-kirkna segir á bloggsíðu sinni á Berlingske Tidende, undir grafskriftinni; Danmörk lögð niður; Danmark nedlagt

Ýmsir halda því fram að aðeins sé hægt að bjarga Evrópu með því að fangaklefakerfi þjóðanna í Evrópusambandinu verði breytt í einar og sameiginlegar fangabúðir, áður en þjóðfangarnir í klóm Evrópusambandsins rotna upp inni í klefum sínum og deyja. Að Evrópusambandið verði að sambandsríki, eins og Njáll Ferguson heldur fram
 
Germany 1866-1945 - The Institutional Structure of the Empire - G. A. Craig síða 38-39
Mynd; hér hefjast þrálátlega misskilin utanríkismálaviðhorf embættisismanna í bandarískri stjórnsýslu til Evrópu - þau byggja enn á grundvallar misskilningi   

Þetta er sprenghlægileg hugsun; þ.e. að Evrópusambandið og lönd þess geti gengið saman í eitt, í einu sambandsríki (e. federal state). Því það er einmitt hið núverandi hörmulega ástand í Evrópu sem er bein afleiðing sjálfrar tilvistar Evrópusambandsins og sem samrýmist alls ekki áframhaldandi tilvist þjóðríkjanna. En það sem er enn verra; það er engin síðasta útgönguleið til, því sjálf tilvist Evrópusambandsins og þess ástands í Evrópu sem það hefur kallað fram —og skapað— samrýmist enn og miklu síður tilvist neins sambandsríkis í Evrópu
 
dagur daganna
Mynd; Evrópu bjargað; Bandaríki Norður-Ameríku er ein ósundranleg þjóð undir Guði
 
Evrópusambandið getur einungis breyst í nýtt sovétríki eða keisaraveldi. Sáttmálarnir, lagaramminn, dómstóllinn og stjórnarskárin fyrir hin nýju sovétríki eða keisaraveldi Evrópusambandsins eru þegar kominn á sinn stað. Og þær stofnanir spila; hörmulega illa. Þetta var allt saman sett svona upp af fullkomlega meðvituðum ásetningi; og samkvæmt áætlun
 
Njáll Ferguson nær ekki langt, verður að segjast; Demos? Ehtos? Telos?
 
En frú Margaret Thatcher vissi þetta. Því hún hafði hinn djúpa skilning á málefnum Evrópu og sem Njáll Ferguson hefur greinilega ekki

Fyrri færsla
 

Þjóðverjar vilja "ræða vísindalega áætlun um útflutning á atvinnulausu fólki"

Wall Street Journal - föstudaginn 25. september 1931

Premier Laval will reportedly discuss with German officials "a scientific plan of emigration to cure Europe's unemployment problem." Noting that before the war Europe exported 2M-3M emigrants annually but since the war the US, Canada, Australia and Asia have closed their doors, the plan will propose studying "diverting surplus population to the African colonies and South America under sound economic conditions.

Dow: 107.79 -8.20 (7.1%)

Krækja 

Friday, September 25, 1931

Fyrri færsla

Evra ESB og ASÍ: Laun lækka áfram í Þýskalandi og gufa upp á Spáni 


Evra ESB og ASÍ: Laun lækka áfram í Þýskalandi og gufa upp á Spáni

Þýskaland
 
Raunlaun í Þýskalandi hafa tekið upp á því að byrja að falla á ný síðan síðasta raunlaunahrun stöðvaðist í miðju falli sínu árið 2009 þar í landi. Raunlaun eru því 0,1 prósenti lægri í byrjun þessa árs en þau voru í byrjun síðasta árs í Þýskalandi. En í enda ársins þar á undan voru þau þó enn lægri en þau voru lág árið 2007
 
En þetta er ekki nóg, væni minn; því miðvikudaginn 3. mars árið 2010 gerðist sá sögulegi atburður að þýska hagstofan greindi frá því að í fyrsta skipti í sögu þýska lýðveldisins (þ.e. frá árinu 1949) hafa laun launþega fallið í landinu í heild. Hér er átt við fall launa í krónum og aurum talið á hvern einasta launþega á árinu 2009. Launin féllu um 0,4% yfir alla línuna og um 3,6% í iðnaði. Þarna varð því um eins konar aukningu í ritvélaiðnaðar-samkeppnishæfni Þýskalands niður á botninn í Evrópu að ræða. Launasumman í landinu dróst í fyrsta skiptið í sögunni saman. En gaman
 
WIESBADEN – According to first results produced by national accounting at the Federal Statistical Office (Destatis), average gross earnings of all employees in Germany fell by –0.4% to about Euro 27,648 in 2009. This is the first decline of earnings in the history of the Federal Republic of Germany: Statistisches Bundesamt 3. mars 2010
 
Ofan í þetta bættist svo við að þá höfðu þýsk verkalýðsfélög rétt nýlega samið um 0,0% launahækkun. Engin sérstök lágmarkslaun gilda á mörgum sviðum í þýska hagkerfinu. Varla er hægt að segja að þýskir launþegar hafi fengið raunlaunahækkun síðastliðin 16 ár.
 
Það er því öruggt að innan myntbandalagsins mun samkeppnishæfni flestra landa myntbandalagsins gegn Þýskalandi ekki batna á meðan Þýskaland er í myntbandalaginu. Hún mun bara versna. Hvaðan á hagvöxtur evrusvæðis að koma? Frá verðhjöðnun? Frá hruni? Frá fækkun mannfjöldans? Frá Spáni?
 
Úr Turninum
 
Seðlabankastjóri ECB-turnsins fékk þó launahækkun þarna. Sjálfsagt er að geta þess hér, fyrst út í ESB-launa-sálmasöng Alþýðusambands Íslands (ASÍ) um evrusvæðið er komið. Laun seðlabankastjóra Evrópusambandsins, Jean-Claude Trichets, hækkuðu átta sinnum meira á árinu 2009 en verðbólgan á myntsvæði hans hreyfðist sama ár, eða um 2,5%. Laun Jean-Claude Trichet voru 360.612 evrur og eru þau meira en tvöfalt hærri en laun seðlabankastjóra Bandaríkjanna, Ben S. Bernanke
 
Á árinu 2009 náði myntsvæði Jean-Claude Trichets að falla ofaní dýpstu kreppu svæðisins frá lokum seinni heimsstyrjaldar. Jean-Claude Trichet sagði því á útborgunardegi sínum árið 2009, að laun almennra launþega á evrusvæði ASÍ muni varla hækka í ár. Sennilega á hann við öll ár ára
 
Vel mætti hugsa sér að setja sérstakt veiðigjald og auðlindaskatt á Alþýðusamband Íslands (ASÍ) fyrir að lokka fólk í gildrur sem þessar hér að ofan og inn í elítusamtök þessi og fyrir að neita að borga fyrir ókeypis afnotarétt sambandsins af verðmætustu náttúruauðlind Íslands; fólkinu, sem er í eigu þjóðarinnar. Án fólksins væri ekkert ASÍ. Og fólk vex mun hægar en fiskar. Er ekki kominn tími til að ASÍ borgi fyrir þessi afnot sambandsins af þjóðarauðlindinni?
 
Spánn 
 
Á Spáni reyndust mánaðarlaun launþega hafa fallið það mikið á tekjuárinu 2011 að sjö og hálf milljón Spánverjar — 40 prósent allra launþega — höfðu mánaðarlaun sem voru lægri en þúsund evrur (minna en 162 þúsund krónur) á mánuði. Þetta eru þá 400 þúsund fleiri launþegar á undir 162 þúsund króna launum á mánuði en voru það á árinu 2008; El Confidencial 
 
Spænska hagstofan greinir einnig frá því í plaggi sínu um tekjudreifingu í landinu, að á árinu 2010 voru árslaun spænskra launþega að meðaltali 23 þúsund evrur eða 3,7 milljónir íslenskra króna, en að miðgildi allra launa hafi hins vegar verið rétt rúmlega 19 þúsund evrur á árinu, þ.e.a.s. 3,1 milljón íslenskra króna. Mun fleiri launþegar eru á miðgildis-launum en á meðaltals-launum. Segir hagstofan að samkvæmt gögnum yfir árið 2011, hafi tveir af hverjum þremur spænskum launþegum verið á launum sem voru undir meðaltals-launum; INE 
 
Fyrri færsla
 

Bandaríkin enn að njósna? Skidegodt!

 
Enn veitir ekki af að láta vita af sér í lofinu yfir Berlín - Stratofortressan flýgur hjá og vinkar svo virkar
 
Nokkrum árum áður hafði Skunk Works Lockheed SR-71 Blackbird vél Bandaríkjamanna afhjúpað Þjóðverja við eldflaugasmíðar sínar hjá vissum Gaddafi-manni í Lýbíu. Hann var sérstakur viðskiptavinur ESB-Þýskalands. Bonn fékk þá skyndilega upphringingu frá Reagan. Hvað eruð þið að brasa?

Bandaríkin að njósna - er það nú svo?

Enginn veit með neinu öryggi hver situr á bak við þá tölvuskjái sem fletta upp í innihaldi veraldarvefsins með aðstoð símaskráa Internetsins - þ.e. IP-töluskrám. Panta sér til dæmis vopn, flugtíma eða ganga frá skattagreiðslum sem fóðra ofur-yfirvöld netsins í hverju landi fyrir sig. Enginn veit þetta - nema auðvitað þeir sem þar sjálfir sitja, en þó fyrstir af öllum hin alvitandi símafélög viðkomandi landa og lénsherrar hverra landa fyrir sig í formi yfirvalda í hverju landi fyrir sig; þ.e.a.s the Registratus; sem sér um að léns- og nafnatengja innihald einstaklinga sem og annarra á netinu við rétt IP-símanúmer símastöðva netsins. Enginn veit heldur með vissu hver stendur á bak við stóran hluta þeirra tölvupósta sem um netið fara. Enginn - nema auðvitað helst, símafélög viðkomandi landa

Hér á Íslandi vita yfirvöld þegar þegar of mikið af öllu um alla nema glæpamenn. Kennitala mín er á bak við allt of margar ferðir og gjörðir mínar í landinu og þar með talið á Internetinu einnig. Mjög margar hreyfingar mínar í þjóðfélaginu er skráðar með þessari kennitölu. Svo er brátt komið að varla verður hér viðrekið án þess að kennitala komi þar við sögu, nema að íslensk yfirvöld sjái að sér og sýni kennitölum yfir borgarana meiri og viðeigandi virðingu

Njósnamyndavélar innheimtustofnunar ríkisins á vegakerfinu fylgjast til dæmis svo grannt með að það liggur við útafakstri við að reyna að halda sér innan hinna stjórnmálalegu settu setta af sektarmörkum - og það á beinum akbrautum í fögrum sveitum á milli sanda, þar sem tilvist slíkra myndavéla er algerlega óafsakanleg, siðferðilega séð, algerlega óafsakanleg 

Í einlægri einfeldni hélt ég við komu mína til landsins 2010 að þetta væru hreiðurkassar fuglavina. En þetta er auðvitað einnig svona á hinum Njósna-Norðurlöndunum. Kennitalandi tala yfir borgarana er til fulls notuð sem skattheimtuvél hins opinbera á alla mögulega sem ómögulega vegu. Sektir og viðurlög verða sífellt stærri hluti tekjustofna ríkisins fyrir persónunjósnandi og sísoltna ríkissjóði Norðurlanda og víðar

Sósíaldemókratar Danmerkur lögðu til dæmis til að þyrlur og flugvélar yrðu látnar fljúga yfir öll hús í landinu til að taka af þeim innrauðar myndir sem svo áttu að verða að "gagna-grunni" yfirvalda yfir hitatap úr húsum. Einangrunarlögreglan myndi síðan verða stofnuð og grípa til sinna ráða. Datt mér þá í hug —ef af yrði— að blöffa myndvélar svona grasasna með því að hafa allar hurðir og glugga fyrirfram opna allt árið. Þá hefði ég getað sagt; screw-you þegar Einangrunarlögreglan mætti á staðinn og skellt hurð og gluggum í lás

Maður beið bara eftir því Darth Vader öndunargríma með innbyggðum öndunarmæli beintengdum skatthirð yfirvalda yrði næst á dagskrá stjórnmálamanna, sem sífellt leitast við að reisa sér persónulega minnisvarða á meðan þeir eru oft við frekar illa fengin völdin yfir borgandi borgurum. Fór þó svo að þessir öndunarmælar voru til að byrja með settir inn í nýtt reglugerðarfargan yfir skorsteina í landinu. Brenniofnar fátæklinga munu brátt verða með öndunarmæla, en svo mun röðin koma að þeim sjálfum

Sjálfur notaði ég í áraraðir 5 tonn af beykibrenni til að halda ljósa- og kyndingarkostnaði fyrir neðan 80 þúsund íslenskar krónur á mánuði. Að bera 5 tonn hoggins og þurrkaðs beykiviðar inn í hús og kveikja 1800 sinnum upp í með honum á vetri hverjum í Norrænni helferð, er ég nú blessunarlega laus við, þar sem ég bý á besta bóli veraldar: Íslandi. En feti hérlend yfirvöld sig yfir á glapstigu Norrænnar helferðar, þá mun ég grafa og herskera upp svo mikinn mó og moka svo miklu taði inn í ofninn, að aldrei mun annað eins hafa sést hér á landi. Og til þess myndi ég nota þúsunda hestafla móbrennsluknúna gröfu frá DDR, ekki light, heldur DDR-járnbent! Þær fást notaðar

Nýlegar fréttir af KGB-verki ESB-þríeykisins á Ítalíu eru frábærar fréttir fyrir alla Ítala. Þeir munu auðvitað bara hætta að nota bankana sína. Helsti samkeppnisaðili bankanna er með opið alla daga ársins alla sólarhringinn; þ.e.a.s. ítalska mafían. Reyndar munu bankar í framtíðinni ekki þurfa að óttast samkeppni frá öðrum bönkum; því samkeppnin mun koma frá risum á sviði hugbúnaðar og tölvumála. Þau er betur fjármögnuð en gjaldþrotnir bankar allt of margra afglapa í bankarekstri undanfarinna ára

Útsýnið úr stjórnklefanum í Lockheed SR-71 Blackbird vél Bandaríkjamanna í 73 þúsund feta hæð
Sumum ætti að farnast frekar illa við að fordæma Bandaríkjamenn í sínu eigin landi, þar sem kennitölur eru ekki til. Af hverju haldið þið að bandarísk yfirvöld séu þar á nálum? Þau hafa ekki hugmynd um hverjir búa í landinu. Milljónir manna eru í Bandaríkjunum án þess að yfirvöld hafi um það minnstu hugmynd. Eiga Bandaríkjamenn þá að fórna frelsi sínu til að þjónkast yfir-njósnurum á almenningi veraldar: Norðurlöndunum og ESB-ríkjum með falska rosageislabauga á höfðum sér. Ég spyr. Hvað halda menn að Bandaríkjamenn segðu um njósnakerfi Norðurlanda. Hvað? 

Nýlega yfirgaf Deutsche Bank höfuðstöðvar undirmálslánaútgáfu sinnar í Bandaríkjunum. Árum saman hafði bankinn ekki svarað bréfapósti lögskipaðra eftirlitsaðila bandaríska ríkisins. Lögreglan kom bara að tómum skrifstofum bankans og fann þar óopnaðan bréfastafla frá yfirvöldum inni í skáp

Öll símafélög heimsins skrá niður hjá sér allar færslur á netinu og geyma þau gögn í mörg ár. Öll traffíkin fer um þau. Við gætum því byrjað á því að skoða kennitalandi götugögn þeirra, vanti menn upplýsingar um hvern sem er. Næst væri svo að kaupa notaða harða diska eða fá sér vinnu á viðgerðarverkstæði. Safna notuðum diskum, tæma þá, og hefjast svo handa við byggingu gagnagrunns. Já einmitt; gagnagrunns

Njósnamyndavélar Bretlands hafa fyrir löngu nálgast 1984 af Orwell, undir yfirskyni IRA. Í verslunum um alla Evrópu er fylgst með öllum hreyfingum starfsmanna sem og viðskiptavina. Og í mörgum ekki-verslunarfyrirtækjum er það einnig gert. Allt í nafni svo kallaðs öryggis

Nú bíður maður bara átekta eftir því að Kínverjaleg og álíka yfirvöld úti í heimi hefji útgáfu íslenskra vegabréfa; eftir að hafa komist í feitt í tröllvöxnu kennitölu-gagnafjalli hins opinbera og næstum hvers sem er, á gagnabervangi viðskipta með kennitölum

Næst verður svo hafist handa við að menga margumtalaða gagnagrunna svo kallaðra "erfðavísinda". Þannig að lyfin sem koma úr gagnafjöllunum framreiði apana bara á færibandi; herra Ma-slow númer 1204589 er hér kominn. Hann fékk lyf X 

Vona ég svo innilega að Bandaríkin njósni hart um sendiráð hér á landi, því steinsofandi eru yfirvöld þessa lands í þeim efnum og getulaus

Einna best myndi ég trúa Bandaríkjunum fyrir að njósna um mig. Þá myndi mér líða skást þegar um svona lagað er að ræða. Hvers vegna? . . já það er nú það . . væni minn . . það er nú það . . 
 
Fyrri færsla
 
 
Tengt

 

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband