Leita í fréttum mbl.is

Bloggfærslur mánaðarins, október 2009

Draumurinn um hið sameinaða stórríki Evrópusambandsins

Lýðræðisþjóðir fara ekki í stríð við aðrar lýðræðisþjóðir  

Draumurinn um einskonar United States of Europe í utanríkismálum er skýr hjá utanríkisráðherra Frakklands

EEAS hefur alla burði til þess að þróast í utanríkisráðuneyti sambandsríkja Evrópu

Í tilefni heimsóknar til Póllands þann 20. júlí núna í sumar, hélt utanríkisráðherra Frakklands, Bernard Kouchner, ræðu á samkomu sendiherra Póllands. Þar sagði hann meðal annars eftirfarandi:

 

"Án nýju stjórnarskrár Evrópusambandsins (sem oft er nefnd Lissabon sáttmálinn) getum við ekki talað um framtíð fyrir Evrópu, enga framtíð fyrir öryggisvarnir Evrópu, enga framtíð fyrir stækkun Evrópu og enga framtíð fyrir fullkomnun Evrópu. Með 27 einstökum löndum er ekkert af þessu mögulegt" . . 

 

Lesið allan pistilinn hér á tilverunni í esb net  

 

Fyrri færsla


Finnar einmanna með evruna - og geta ekki skilað henni til baka

Sjá tengingu við frétt Morgunblaðsins neðst í færslunni  

30 ára þróun. Atvinnuleysi 1980 til 2010  

Mynd atvinnuleysi í Finnlandi og á Íslandi í 30 ár  

Það er alþekkt fyrirbæri í markaðsfærslu að um leið og neytendur hafa keypt vöru - og þá sérstaklega dýra vöru - þá fara þeir strax í gang með að sannfæra sjálfa sig um að þeir hafi gert góð kaup. Til að styrkja trú sína á að þeir hafi einmitt gert góð kaup, þá fara þeir oft að sjá ýmsa kosti við vöruna sem aðrir sjá ekki og munu því oft mæla með vörunni við aðra sem hafa hana ekki

Til þess að skapa það sem kallað er "brand-community" (vörumerkja(sam)félag) og til að viðhalda staðfestingarviðleitni þeirra sem hafa keypt vöruna, er bráðnauðsynlegt að söluaðilar vörunnar haldi áfram að auglýsa vöruna jafnvel þó svo að engin sala sé í gangi, því þannig sjá þeir eigendum vörunnar fyrir áframhaldandi staðfestingu á að þeir hafi gert góð kaup

Ef maður sér aldrei auglýsingu fyrir vöru sem maður hefur keypt þá mun maður smá saman fara að halda að maður sé einn í heiminum með þessa vöru, þ.e. hafi verið einn af fáum sem keyptu hana og að varan sé léleg. Þessvegna höfðu Finnar mestan áhuga á evru af öllum aðspurðum í könnun meðal atvinnurekenda í Skandínavíu á síðasta ári

En þeir eru samt innst inni (smá)hræddir við hvað nágrannarnir muni gera og álykta um þá vöru sem þeir einmitt hafa keypt. Og svo er ábyrgðartíminn útrunninn, ekki hægt að skila vörunni lengur og því ekkert annað hægt að gera en að mæla með vörunni áfram. Ekkert sem sé hægt

 

30 ára þróun. Finnland / Ísland. Þjóðarframleiðsla á hvern mann 1980-2010. U.S dollar 

Gengu í Evrópusambandið og tóku upp evru, því miður - og atvinnuleysi Finnlands komið í 8,7% kryppu eina ferðina  

Finnland ásamt Álandseyjum gékk úr EFTA og í ESB árið 1995. Síðan þá hefur atvinnuleysi í Finnlandi aðeins farið niður fyrir 8% í tvö til þrjú ár af síðustu fjórtán árum. Á þessu tímabili hefur Finnland greitt yfir þrjá miljarða evrur (3066 milljón evrur) í nettógreiðslu til Evrópusambandsins. Þetta er greiðsla Finnlands fyrir ESB aðildina. Finnland hefur þurft að greiða nettógreiðslu til Evrópusambandsins öll árin frá 1995 til dagsins í dag, nema árið 2000. Það er þó einu ári skárra en hjá Svíum sem aldrei hafa fengið nettógreiðslu frá ESB síðan landið gékk þar inn; sjá tölulegar upplýsingar ásamt fleiru um Finnland: Finnland á ekki afturkvæmt út úr ESB eða evru

Tengt efni

Fyrri færsla


mbl.is Vill Norðurlöndin á evrusvæði
Tilkynna um óviðeigandi tengingu við frétt

Vilji 500 milljón þegna Evrópusambandsins

úr glugganum í viku 43

Vilji 500 milljón þegna Evrópusambandsins. Sigur viljans?  

Vilji 500 milljón þegna Evrópusambandsins; Í fréttatilkynningu utanríkisráðherra Frakklands, Bernard Kouchner, fyrir nokkrum dögum, segir: “umfram allt er það viðhorf forseta Tékklands, Vaclav Klaus, sem er vandamálið" [hann er “sannfærður og viðhaldandi ESB-efasemdamaður”, en það er vandamál í ESB, allir verða að elska viljann]. "Sumir mæla með að forsetanum sé ekki ögrað í þeirri von að honum muni ekki endast hugrekkið til að halda áfram að seinka staðfestingu nýju Lissabon stjórnarskrárinnar fram að kosningunum í Bretlandi. Persónulega finnst mér að við [?] ættum að vera fasthentir hér því allir aðrir hafa kosið [?? enginn hefur kosið nema Írar, og meira að segja tvisvar] og þar á meðal eru Tékkar. Einn maður mun ekki geta vitað hvernig á að hunsa vilja 500 milljón þegna Evrópusambandsins [aftur; enginn þeirra var spurður nema Írar]. Evrópuráðið mun koma saman í næsta mánuði og það verður rétta tækifærið til að sannprófa staðfastan vilja þegna Evrópusambandsins [sem eru ekki til staðar og hafa ekki verið spurðir að neinu] og til að setja öflugan þrýsting á forseta Tékklands."; Open Europe 

Kannski endar þetta með sigri viljans? 

Fleiri stuttar fréttir úr glugganum 

 Fyrri færsla


Vinstri útblástur græns framboðs mikill en eftirspurn sáralítil - og bráðum er losunarkvótinn búinn

 dagurinn í dag | DOW 10.081,31 up 1,33% going bubble | France government, 52% of GDP, now the biggest employer in the OECD | the ultimate loser-jobs are to be found at the European Commission in Brussels, við þangað auðvitað

 

Vantar: (mikil eftirspurn)

 

  1. Kjósendur
  2. Kjósendur
  3. Fleiri kjósendur

 

Höfum: mikið vinstra grænt framboð af eftirfarandi kostum (lærðum þá í bankanum)

 

  1. Svik
  2. Pretti
  3. Lygar og kosningasvik
  4. Skert veruleikaskyn
  5. Óvit
  6. Vanvit

  

Fengum

 

  1. Miklu fleiri kjósendur (að sjálfsögðu áður en við svikum þá)
  2. Svkum svo flesta þeirra á 10 dögum
  3. Mikil völd til að greiða atkvæði gegn vilja okkar með vilja annarra (fjarstýrt)
  4. Þorum ekki að spyrja kjósendur aftur, kvótinn bráðum búinn

  

Mannkostir okkar (Curriculum Vitae) - kjósið okkur (ekki aftur)

Til þess að kosningasvik okkar haldi - og við séum áfram við völd - verður Ísland að falla. Ef Ísland fellur ekki þá fellur stjórnin. Ef stjórin fellur þá lifir Ísland áfram. Því segjum við nei en meinum já (eða var það öfugt?). Við erum nefnilega veruleikafirrt. Við skiljum ekki neitt í neinu. Við tölum í óráði á tungumáli gáttaþefja ESB. Erum líka í andaglasi. Við greiðum atkvæði gegn því sem við viljum. Gasið í glasinu sagði okkur hvað við eigum að gera. Til þessa vorum við nefnilega kosin, til að vera í andaglasi. Við gerum þetta svona til að sýna hver styrkur okkar er. Gerum þó mest ógagn svo stjórnin haldi áfram og Ísland falli. Við erum aular.

Enginn stjórnmálaflokkur Íslands hefur borið eins litla viðringu fyrir valdinu og við - og jafnframt farið eins illa með það. Kjósið okkur (ekki) aftur. 

Samfylkingin?

Ég læt hana hvíla í ESB gröf sinni. Hún er utan uppeldislegrar nálgunar þjóðríkja með sómakennd. Hún er pólitískt eitur fyrir Ísland. Henni er skítsama um Ísland.  

Núna er ástandið á Íslandi eins og ef Ísland væri nú þegar með í ESB. Velkomin í ESB Samfylkingar og óvita Vinstri grænna. How does it feel Icelanders?

Hvar stendur barnaverndarnefnd í þessu máli? Þyrfti i ekki að senda hana á vettvang í stjórnarráðið og alþingishúsið? Er von að maður spyrji?

Fyrri færsla


Evran er stórslys fyrir efnahag og iðnað í Evrópu

Þýska skipafélag Evrópusambandsins 

Pólitískt myntbandalag drepur efnahag

Evran er stórslys fyrir efnahag og iðnað Evrópu á þvi gengi ($1,50) sem hún er á núna gagnvart dollar, segir Henri Guaino sem er hægri hönd Nicolas Sarkozy Frakklandsforseta. Núna er það Kína sem leikur sér að piparmynt öldrunarhagkerfi myntbandalags Evrópusambandsins, evru.

Gengi evru gagnvart Bandaríkjadal hefur hækkað um 15% frá því í mars. Þetta jafngildir 1% vaxtahækkun á hverjum ársfjórðungi í samtals 6 ársfjórðunga í röð. Þetta gerist í risavaxinni fjármála og efnahagskreppu á evrusvæðinu. Þetta gerist ekki á sólskinsdögum heldur í kreppu sem er banvæn fyrir hagvöxt og velmegun á landsvæði embættismanna Brussel. Það eru blessaðir Kínverjarnir sem leika sér með mynt Evrópusambandsins núna því þeir hafa hljóðlátlega smyglað sér inn undir lækkun Bandaríkjadals, pumpað upp gjaldeyrisforðann, notað hann til að kaupa upp skuldbréf á evrusvæði - og þar með hækkað gegni Brussel myntarinnar svo þeir sjálfir geti dælt vörum sínum inn á markað piparmyntarinnar. Kínverjar þora ekki að fella sitt eigið gengi af ótta við Bandaríkjamenn. Þeir eru nefnilega ekki í Brussel.

Meira franskbrauð 

Utanríkisráðherra Frakklands, Christine Lagarde, segir að það sé óþolandi að evrusvæðið þurfi að borga fyrir “óvirka tengingu” kommúnistamyntar Kína við Bandaríkjadal (hún ætti sjálf að prófa tengingu myntar Lettlands, Eistlands, Litháen og Danmerkur við evruna!). “Við viljum sterkan dollar, við höfum endurtekið það margoft við Bandaríkin”, segir konan. Svona er þegar maður getur ekki skaffað sér brauðið sjálfur, þá kallar maður - “við viljum meira franskbrauð, Jens!”. Það kæmi sér vel núna fyrir Frakkland að hafa franska frankan og að hafa gengi. 

Evrusvæðið og Japan eru núna bæði hágengismyntsvæði elliheimila sem geta ekki sjálf skaffað sér hagvöxt innanfrá í löndum sínum. Hann verður að koma utan frá því þeirra eigin neytendur eru orðnir eitthvað svo slappir. Vilja eftrispurn frá þér og sérstaklega frá þeim sem eiga bæði börn og peninga. Sviss stundar núna sjálft virka peningastjórnun því það stýrir mynt sinni ágætlega sjálft. Þetta gera þeir til að bægja frá verðhjöðnun. Svíþjóð er líka í gangi með virka peningastjórn eigin myntar og sama er að segja um Nýja Sjáland og Bretland.

The Extended Recession Mechanism - EMU/ERM 

En evran haggast sem sagt ekki. Hún er föst uppi í skýjunum og getur ekki lent. Þess vegna flytur t.d. Airbus flugvélaframleiðsluna til Kína. Fyrir aðeins tveim árum var hluti framleiðslunnar fluttur til Bandaríkjanna. Þetta kalla ég burtflognar hænur og það er nóg af þeim hér á evrusvæðinu. Í gær drapst póstverslunin Quelle í Þýskalandi, 10.500 Þjóðverjar misstu þar vinnuna. Þetta heiðursfyrirtæki var stolt Þýskalands á undraverkaárum þýska hagkerfisins (áður en ESB varð til). Quelle var gott fyrirtæki, ég kynntist þeim lauslega á tímum mínum í fjarverslunarbransanum hér í Evrópu.

Þýskaland hefur hærri sársaukaþröskuld en önnur lönd myntbandalagsins. Þeir þola hátt gengi betur en aðrir. Það á betur við Þjóðverja en aðra að lækka kostnað og laun hjá sér, enda eru engin virk lágmarkslaun í Þýskalandi. En áframhald flugferðar evru ræðst af því hvað mönnum í gráum jakkafötum í Bundesbank Deutschland finnst um þetta mál. Það kæmi sér hreint ekki svo illa fyrir þá að sem flest fari á hausinn í “hinum löndum” evrusvæðis. Þá lagast til dæmis útflutningur frá Þýskalandi, fyrst Kínverjar og Bandaríkjamenn hafa læst þá úti í bili. Það er svo gott að eiga einkaútflutningsmarkað. Mikið er það nú gott. En þeir geta samt ekki keppt við Ísland. Ekki á meðan krónan okkar kýlir vömb þeirra með þorskhausum og raflosti á góðu gengi.

X.25 one way

Danska krónan er því miður beintengd við piparmynt Brussel í gegnum lokaða one way X.25 símalínu fyrir stýrivaxtatilskipanir beint í æð danska peningakerfisins. Maður ýtir á takka í Brussel og þá hoppar seðlabanki Danmerkur í gírinn, eins og gangráður ESB á Íslandi hefur útskýrt fyrir okkur.

Hérna segir gamla þumalfingurreglan okkur að fyrir hver 3-4% sem gengi dönsku krónunnar hækkar þá tapast 40.000 atvinnutækifæri því útflutningur verður þá síður samkeppnishæfur við vörur frá öðrum löndum. Frá árinu 2001 hefur danska krónan hækkað óstjórnlega um 100% gagnvart Bandaríkjadal og er nú í allra hæstu hæðum. Það er ekki að undra að símsvara-seðlabanki dönsku krónunnar spái að atvinnuleysi í Danmörku muni fjórfaldast frá því sumarið 2008. En Danmörk hefur notið 4. lélegasta hagvaxtar allra OECD landa í þessu fastgengis faðmlagi við myntbandalag Evrópusambandsins, frá 1997 til 2007. Afleiðingin fyrir frændur okkar Dani hefur verið sú að landið þeirra hrapaði frá 6. sæti ríkustu þjóða heimsins niður í 12. sæti á listanum. En það er meira hér. OECD segir að Danmörk muni fá 4. lélegasta hagvöxt landanna frá 2011 til 2017 - þ.e. hrapa enn neðar á þessum lista. Já, Danmörk hrapar á meðan evran fer í tunglferð í loftbelg Brussel; Cepos | Euro at $1.50 is 'disaster' for Europe 

Raunveruleikarnir 

Eins og fæstir vita eru það mynt- gengis- ásamt peningastjórnunar-vandmálum sem eru og hafa verið helstu vandamál efnahagsstjórnunar og uppgufunar hagvaxtar á myntsvæði Evrópusambandsins síðustu 20 árin. Þetta myntsvæði er stundum nefnt evrusvæðið. Það á þessa nafngift fyllilega skilið.

Þessi mynt er líka óhæf sem alþjóðlegur gjaldmiðill samkvæmt áliti hagfræðinga; Jean Pisani-Ferry and Adam Posen

Fyrri færsla

Tengt efni

Flugvél forsætisráðherra Íslands bíður flugtaksheimildar til Brussel. Það eina sem er að vanbúnaði er að tæma salernin yfir þjóðina. Það verður fyrst gert eftir flugtak

 

Russian Flying Fortess K-7 

Mynd: unnið við hleðslu flugvélar forsætisráðherra Íslands á nýjum flugvelli Reykjavíkur sem lagður var fyrir nýju vél forsætisráðuneytisins. Flugvélin sem er tólf hreyfla er af gerðinni K-7 og kom til landsins í kyrrþey. Braggar almennings sjást óljóst í bakgrunni myndarinnar. Þeir eru af gerðinni IceSave

Millilandaflug forsætisráðherra er ennþá í undirbúningi  

Ríkisstjórnin biður eftir flugtaksheimild til Brussel en hún biður þó um að verða skotin niður á fluginu. Ef hún hrapar ekki núna þá munt þú og land þitt hrapa og brenna

Icesave og aumingjafélagið

Allir þurfa að hafa í huga að skuldbindingar ríkisins vegna Icesave eru allt öðruvísu en allar aðrar skuldbindingar skattgreiðenda á Íslandi (það eru jú þeir sem eru mjólkurkýr ríkissjóðs)

Skuldbindingarnar eru þannig að líkja mætti þeim við að óviti hafi komið og brennt til ösku peningainnistæður 500.000 manns í útlöndum - og sem mamma óvitans getur ekki bætt fyrir. Hún hafði heldur ekki rænu á að kaupa heimilistryggingu fyrir fávitann. En bíddu aðeins, ekki er öll von úti, aumingjahjálpin er nefnilega á næsta leyti. Það vill svo til að vinstrisinnaður nágranni mömmu brennuvargsins er með grænan geislabaug um haus sér. Þessi geilsabaugur er að vísu dálítið notaður en þó eins og nýr. Hann varð svona grænn af því að sá rauði reyndist vera litaður blóði úr 60 milljón myrtum þegnum síðustu útdauðu útópíu Evrópu, nefnilega sjálfum kommúnisma Sovétríkjanna sem framdi sjálfsmorð í Evrópu árið 1989. Þess vegna er þessi vinstri nágranni mömmu brennuvargsins með grænan geislabaug núna. Sá rauði gékk nefnilega ekki lengur

Þessum aumingjagóða vinstri græna nágranna Samfylkingarinnar er mjög mikið í mun að fá að komast aftur að völdum í þjóðfélaginu sem hann þoldi aldrei. Honum hefur verið haldið frá völdum með dyggri aðstoð kjósenda, þeir vildu ekki þennan græna túrban headed hálfvita að völdum aftur, því allt sem þessi túrban söng var ískrandi falskt og mannskemmandi. En núna er valdagræðgin orðin svo óstjórnlega mikil vegna fráhvarfseinkenna af fjarveru frá mjaltavélum ríkissjóðs, að þessi vinstri túrban headed idiot ætlar að hjálpa vangefnum aumingja pilsfaldakapítalismans og veðsetja allt landið okkar til þess eins að fá að hjálpa aumingjahöfðingja númer eitt á Íslandi: Samfylkingunni

Saman sjá þau stóran möguleika á að koma landi okkar inn í hin nýju Sovétríki Evrópusambandsins. Þau eru nefnilega í smíðum á útópíuverkstæði Evrópu núna - og trúið mér - það verkstæði ömurleikans er ekki þekkt fyrir neitt hálf kák. "Í þetta skiptið mun þetta heppnast hjá okkur mamma", segir geisabaugurinn á haus kommúnis. . afsakið . . á haus græningjans

Icesave er engu líkt 

Menn verða að muna að fyrir flest fyrri lán og lánsfjárábyrgðir hins opinbera í gegnum tíðina, hefur samfélagið í það minnsta fengið eitthvað smávegis fyrir snúð sinn. Þ.e.a.s lántökur og peningaábyrgðir hins opinbera hafa fært samfélaginu eitthvað fyrir peningana og fyrir áhættutökuna. Oft kannski ekki nema aukna veltu innanland sem þá hefur t.d. vélað fram auknar VASK-tekjur til kassa samfélagsins - og svo stundum virkað sem einhverskonar "örvun" hagkerfisins. Kannski oft lítið, en þó eitthvað samt. Svona hefur þetta verið, alltaf. Meira að segja ríkisábyrgðir handa samgöngufyrirtækjum og skipafélögum

En Icesave er ekki svona. Þar fæst EKKERT fyrir peningana, nákvæmlega ekkert. Að ætla að borga Icesave er eins og að taka botnlokurnar úr þjóðarskútunni og á sama tíma sitja önnum kafinn á klósettinu við að sturta niður. Algert ábyrgðarleysi hinna fávísu. Það væri betra að kveikja í peningunum. Þá fengi maður að minnsta kosti hita, reyk og ösku

Já en hrunið! Hvaða hrun væni minn?

Þegar hlutir hrynja og peningar hverfa þá segja kjánarnir: "peningarnir eru horfnir, þeir eru gufaðir upp. Þetta var bara froða"

En þetta er ekki rétt. Peningarnir eru alls ekki horfnir. Þeir eru bara hjá kaupmanninum. Hinsvegar er mjólkin sem þú keyptir af kaupmanninum ónýt. Þú varst svo heimskur að kaupa hana án þess að smakka á henni. Hún var drasl. Þú varst að flýta þér svo mikið að þú hafðir ekki tíma til að athuga hvort innihaldið var myglað, eða hvort þú varst að borga yfirprís. Þú áttir nefnilega svo mikið af peningum því þú áttir sjálfur heilu bankana heima á Íslandi. Þess vegna fórstu eins og fíll inn í kristalbúð og keyptir ónýta mjólk á klumpfótum. En kaupmaðurinn? Hann hlær alla leiðina í bankann með peningana þína. Þeir eru sko ekki horfnir. Þú átt þá bara ekki lengur. Þú átt bara súra mjólk og Icesave

Það er þetta sem hálfvitar rauðgræna aumingjafélagsins vilja endilega borga fyrir, því þeir vita vel að þar með tekst þeim loks að rústa því samfélagi sem þeir þoldu aldrei hvort sem var. Þú og börnin þín borga

Fyrri færsla

Tengt efni:


Kosninga-ekki-þátttaka í kosningum til þings Evrópusambandsins í sumar endaði á 57% ekki-þáttöku kjósenda

Úr glugganum í viku 42 

Fimmtudagur 15. október 2009 

Kosningaþátttaka í heild til Evrópuþingsins, frá 1979

Kosningaþátttaka í kosningum til þings Evrópusambandsins í sumar endaði á 43% þáttöku kjósenda á þessu 500 milljón manna landsvæði embættismanna sambandsins. Þetta er lélegasta kosningaþátttaka frá upphafi. Kosningaþátttaka í 18 af 27 löndum ESB var undir 50% og í 11 löndum var hún minni en 40%. Aðeins 19,6% íbúa Slóvakíu sáu ástæðu til að reyna að hafa áhrif á gang mála í ESB með því að kjósa. Í Lettlandi var kosningaþátttakan svo mikil sem 21%. Aðeins 24,5% íbúa í 38 milljón manna þjóðríki Póllands notfærðu sér kosningarétt sinn. Í aðeins 4 af 27 löndum ESB var kosningaþátttaka yfir 60%. Í Frakklandi kusu um 40% kjósenda. Það er lélegasta kosningaþátttaka þar frá upphafi. Um 43% Þjóðverja mættu á kjörstað og köstuðu atkvæði. Það er rétt tæplega lélegasta kosningaþátttaka frá upphafi þar í landi. Í Danmörku tókst að hækka kosningaþátttöku töluvert með því að láta kjósa samtímis um málefni dönsku konungsfjölskyldunnar, því þá mættu mun fleiri kjósendur á kjörstað en ella hefði orðið.

Úrslit þessara kosninga í öllum 27 löndum ESB voru tekin góð og gild af embættismönum sambandsins. Embættismenn Evrópusambandsins munu ekki fara fram á nýjar kosningar því það var hvort sem er engin stjórnarandstaða í boði sem hægt var að kasta atkvæði sínu á. Lítið var því í húfi fyrir embættismenn sambandsins hér. Ekkert meira hefði unnist fyrir þá með því að kalla kjósendur á ný inn í kosningabúrin eins og gert var á Írlandi þegar kosið var aftur um hvort færa ætti enn meiri völd yfir til embættismanna ESB í Brussel eða ekki. Þetta gerðist eftir misheppnuð kosningaúrslit þar í landi á síðasta ári. Þá kom "nei" út úr þjóðaratkvæðagreiðslu um nýju stjórnarskrá embættismanna ESB yfir Írum, því urðu Írar að kjósa aftur. Engir embættismenn Evrópusambandsins voru kosnir að þessu sinni og hafa heldur aldrei verið kosnir af neinum neinsstaðar í 27 löndum ESB; Þing ESB  

Össur Skarphéðinssson

Samkvæmt utanríkisráðherra stjórnmálaflokksins Samfylkingar á Íslandi, herra Össuri Skarphéðinssyni, er hlutverk Evrópusambandsins þetta: “Hlutverk Evrópu er að vera hornsteinn mannréttinda í heiminum og ýta undir stöðuleika, sjálfbær þróun, réttlæti og velmegun um allan heim”Morgunblaðið

 

Fleiri stuttar fréttir í glugganum 

Fyrri færsla


Joe Stiglitz og bananalýðveldi Evrópusambandsins

Úr glugganum í viku 42 

Þriðjudagur 13. október 2009  

David McWilliams hagfræðingur og fyrrverandi seðlabankamaður á Írlandi
Joe Stiglitz, eins og írski hagfræðingurinn David McWilliams kallar hann, var í heimsókn á Írlandi til þess að segja vinum okkar Írum að þeir eigi heima í bananalýðveldi núna. Næstum hvergi annarsstaðar en í bananalýðveldum hefur það viðgengist sem liðið er í evrulandinu Írlandi núna. Þar er látið viðgangast að heilu bankakerfi og skuldbindingum þess við aðra banka og alla viðskiptavini sé hent yfir á herðar skattgreiðenda í landinu. Þetta sást, að sögn Stiglitz, áður fyrr eingöngu í bananalýðveldum. “Ég hef orðið fyrir miklum vonbrigðum að sjá að þetta er ekki aðeins að gerast í bananalýðveldum, heldur einnig í þróuðum ríkjum”, sagði Stiglitz. Hann segir ennfremur að um 100 bankar séu fanir á hausinn í Bandaríkjunum og það hafi bara gengið ágætlega því reglum kapítalismans hafi verið fylgt. David McWilliams á erfitt með að kyngja því að Stiglitz skuli líkja aðferðunum á Írlandi við verklag í bananalýðveldum. En þó grunar mig að þetta komi David alls ekki á óvart, því sjálfur hefur hann lýst frati á þessa ríkisvæðingu tapsins og einkavæðingu gróðans. Hann vill fara "íslensku leiðina", henda evrunni, koma bönkunum á hausinn, taka upp gamla írska pundið og fella það massíft. 

Josef Stiglitz í silfri Egils á RUV
 
"He is comparing Nama and what is happening in Ireland – a country with which he is very familiar – to a smash and grab banana republic exercise."
 

N.A.M.A er skammstöfun fyrir “ríkiseignaumsýslustofnun Írlands” e. National Asset Management Agency. Þessi stofnun á að halda utanum þær eitruðu eignafærslur sem mygluðu og eiga eftir að mygla í bókum evru-bankakerfis Írlands. Eignafærslur sem ríkisstjórn Írlands ákvað að taka yfir á herðar írska ríkisins. Þetta gerðist eftir að ríkisstjórn Írlands sá sig nauðbeygða til að gangast í ábyrgð fyrir innistæðum og skuldbindingum nær alls evru-bankakerfis landsins, svo innistæður hinna evruvæddra banka Írlands myndu ekki flýja landið í leit að betri ríkisábyrgðum í öðrum evrulöndum. Síðasta haust kallaði ég þessa yfirboðsstarfsemi ríkisstjórna á evrusvæðinu fyrir "efnahagslega borgarastyrjöld innan evrusvæðisins". Peningarnir leituðu auðvitað þangað sem best var ríkisábyrgðin. Ríkisstjórnirnar yfirbuðu hverja aðra. Hlutabréfaverð í bönkum og fjármálastofnunum hækkaði og lækkaði í takt við hvað boðið var af ríkisábyrgð í hverju landi. 

Aðalstöðvar evrópska seðlabankans í Frankfurt
David McWilliams minnist einnig á verðhjöðnunina á Írlandi og fær út svipaða raunvexti eins og ég skrifaði um í gær. Hann segir raunvexti vera 11,972% á Írlandi sem eru kjálkagapandi háir raunvextir. Hvað varð um hið margrómaða “stöðuga verðlag” og “innri stöðugleika” seðlabanka myntbandalags Evrópusambandsins á Írlandi? Sýnist bankanum verðlag vera stöðugt þegar það er hrunið um 6,5% á 12 mánuðum? Hvað ætlar seðlabankinn að gera í þessum galhoppandi óstöðugleika á Írlandi núna? Ekki neitt. Hann getur nefnilega ekkert gert og Írar sjálfir geta heldur ekkert gert, því þeir hafa enga stjórn á sínum eigin peningamálum. Sú stjórn er alfarið í höndum hjónana herra Þýskalands og frú Frakklands. Er því ekki vel við hæfi að segja hér að seðlabanki myntbandalagsins sé “ónýtur” -  og að myntin hans sé “ónýt” líka? Jú það passar ágætlega við á Írlandi. Ónýtur seðlabanki og ónýt mynt fyrir fjóra og hálfa milljón Íra. Írland kemst aldrei út úr myntbandalagi evrópusambandsins, hversu heitt sem þeir kunna að óska sér þess í framtíðinni. Það er engin leið til baka út úr evru. Engin leið; David McWilliams | tengt; Förum íslensku leiðina, hendum evrunni
 
Fleiri stuttar fréttir í glugganum
 
Fyrri færsla

Bresk stjórnvöld treysta ekki reglum Evrópusambandsins. En það gerir ríkisstjórn Íslands

Er þetta ekki yndislegt!

Morgunblaðið skrifar i dag; (sjá fréttatengingu hér neðst í færslunni)

 

Breska fjármálaeftirlitið hefur reynt að koma í veg fyrir að allt að 10 evrópskir bankar stofni útibú í Lundúnum.Bresk stjórnvöld hafi miklar efasemdir um reglur Evrópusambandsins. . [  ] . .  Þannig hafi Turner lávarður, stjórnarformaður fjármálaeftirlitsins, hvatt til þess að reglur um starfsemi banka yfir landamæri, verði hertar og fjármálaeftirlit gestaríkisins fái aukið svigrúm til að hafa eftirlit með útibúunum.

 

Trúðarnir í ríkisstjórn Íslands eru á öðru máli, auðvitað 

Hins allra vega hefur forsætisráðherra og fjármálaráðherra Íslands óbilandi trú á þessu regluverki. Trúin er svo mikil að það þarf ekki einu sinni að fá úr því skorið fyrir dómi hver ábyrgð íslenska ríkisins raunverulega er. Ég öfunda Breta af stjórnmálamönnum sínum. Þeir eru ekki lyddur og vesalingar eins og íslensk stjórnvöld eru núna. 

Leiðari mánudags

Það besta sem Samfylkingin hefur að bjóða Íslandi á einum válegustu tímum lýðveldissögunnar, er fullkomlega getulaus forsætisráðherra landsins, fröken Jóhanna Sigurðardóttir. Hvernig skyldi þá restin í Samfylkingunni líta út? Er von að maður spyrji? Allir með sæmilega heyrn geta heyrt hlátrasköllin leka niður allt Downing strætið og alla leið yfir til Brussel, með fastri viðkomu í Amsterdam og fleiri borgum þess evrópska stórhertogadæmis sem Samfylkingin er að reyna að kyssa rassinn á. Þvílík hörmung. Hver gerði Jóhönnu þennan grikk? Hve lengi á íslenska þjóðin að sitja sem smyglvarningur á aftursæti þessarar druslu? Samfylkingin ekur nú um algerlega próflaus, blind og heyrnarlaus með land vort og þjóð sem skiptimynt í pólitískri gíslingu á baksætinu. Hún er að leita að keisaralegum hertoga til að kyssa og þóknast í Brussel. Samfylkingardruslan er því miður sjálfskipt og hefur bara einn gír; Brussel-Drive. Bensínlaus er hún þó vonandi að verða.

Tengt efni

AMX Íslenski forsætisráðherrann vill ekki hagstætt lán 

Fyrri færsla


mbl.is Vill ekki erlendir bankar stofni útibú í Bretlandi
Tilkynna um óviðeigandi tengingu við frétt

Ónýtir gjaldmiðlar, þáttur II. Spænska og Írska evran

vantraust2 

Spænska evran

hún er handónýt fyrir Spánverja m.a. vegna þess að 85% af húsnæðislánum þeirra eru með breytilegum vöxtum og það er verðhjöðnun á Spáni. Spánverjar þurfa að losna við 3 milljónir nýbyggðrar evrubólugrafnar íbúðir í hvelli. Bólugröfturinn kom vegna of lágra stýrivaxta á vitlausum tímum. En það mun ekki ganga vel að selja fasteignirnar því raunvextir eru svo háir þar núna og munu bráðum hækka ennþá meira, alveg í takt við að efnahagur Spánar hrynur enn meira. Það er líka 20% atvinnuleysi í landinu og 38% atvinnuleysi hjá ungmennum. Spánn þarf lífsnauðsynlega á hagvexti að halda. En seðlabanki spænsku evrunnar er því miður staðsettur í Frankfürt í Þýskalandi og mun bráðum hækka stýrivexti á Spáni til að þóknast valdamönnum í París, Berlín og Brussel - en ekki til að hjálpa efnahag Spánverja. Þetta mun þýða himinháa raunstýrivexti á Spáni og steindrepa efnahag þeirra. Spánn ætti að stunda peningaprentun núna og fella gengið. En þeir meiga ekki gefa út peninga og hafa ekkert gengi. Þýskaland og Frakkland hafa einokun á peningaútgáfu á Spáni. 

Írska evran

hún er líka handónýt því hún er að drepa allt á Írlandi vegna þess að þar eru núna hæstu raunstýrivextir í heiminum. Það er 4-6% neikvæð verðbóla á Írlandi núna. Því eru raunstýrivextir þar um 6-8% núna. Það svarar til að á Íslandi væru stýrivextir tæplega 19% núna. Enda er efnahagur Írlands hruninn eins og hann hefði lent í tvö til þreföldu íslensku bankahruni. Hann er hruninn eins og spilaborg og mest hruninn vegna of lágra stýrivaxta of lengi á vitlausum tímum. Allt er að drepast á Írlandi, lýðræðið líka. Írland ætti núna að vera að prenta írsk pund í tonnatali og fella gengið. En þeir meiga ekki gefa út peninga og hafa ekkert gengi. Þýskaland og Frakkland hafa nefnilega einokun á peningaútgáfu á Írlandi. Bráðum munu raunvextir á Írlandi fara enn hærra upp í gegnum þakið og klessukeyra efnahag landsins enn frekar svo hann geti þóknast valdamönnum í París, Berlín og Brussel.  Allt bankakerfi landsins andar í gengum loftslöngu skattgreiðenda á Írlandi

Hagstofa Írlands tilkynnti um 6,5% ársverðhjöðnun 9. október 2009 

 Hagstofa Írlands tilkynnti um 6,5% ársverðhjöðnun í dag

Fyrsti þáttur:

Ónýtir gjaldmiðlar I

 

Fyrri færsla


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband