Grafa upp gamlar sprengjur og senda áleiðis til Úkraínu

Mynd: Wall Street Journal 26. apríl á síðasta ári: Púðurframleiðsla í hvellhettur alls herafla Bandaríkjanna 2023

****

SKOTFÆRASTAÐA NATO-RÍKJANNA EKKI LENGUR ÞURRAUSIN

Sérfræðingar Hugveitu atvinnulausra viðskiptafræðinga í vestrænum varnarmálum (Havvv) telja að NATO-ríkin --sem í 30 ár hafa neitað að fjármagna varnarmátt bandalagsins undir viðstöðulausri útþenslu þess í austur-- hafi heldur betur dottið í lukkupottinn með því að finna í jörðu niðri í Bretlandi gamlar ósprungnar sprengjur úr Síðari heimsstyrjöldinni. Rússar sem unnu þá heimsstyrjöld í Evrópu, segja að þessar sprengjur séu að öllum líkindum þýskar. En þeir segja einnig að það vanti kústskaftið á þær, þannig að óvíst sé hvort í þeim heyrist ef þær springa. Framan á þessum sprengjum er þó sjálfbært höfuð af notuðum strákústum og telja sérfræðingar Havvv að það muni öllu máli skipta, því þar með verða sprengjurnar vistvænar og sjálfbærar á skaftinu. Unnið er nú að því að senda þessar sprengjur til Úkraínu með óseljanlegum nýjum og notuðum Tesla-rafbílum, því öruggt þykir að þeir komist aldrei á áfangastað - og verði örugglega ekki stolið

Mynd: Wall Street Journal 26. apríl á síðasta ári: Púðurframleiðsluskúr alls herafla Bandaríkjanna 2023 að utan

****

Síðasta púðurframleiðsla stóru NATO-landanna sprakk í loft upp í Bandaríkjunum fyrir nokkrum árum og er verið að endurbyggja hana með innfluttu vinnuafli og með aðstoð raforku framleiddri úr rússnesku úrani, sem knýr 60 prósentur af framleiðslugetu bandarískra kjarnorkuvera. En Bandaríkin hættu sjálf framleiðslu á úrani á síðasta áratug síðustu aldar. Úranið í orkuver Bandaríkjanna kemur því að mestu frá Rússlandi og fyrirtækjum Rosatom í Kasakstan. Bandaríkin hafa fram að þessu látið sér mjög annt um að ríki Evrópu noti ekki innflutta orku frá Rússlandi, því þau sjálf þurfa á henni að halda. Svipað gildir um örgjörva þar vestra og er því gripið til þeirra hvar sem til sjálfvirka þvottavéla næst

Fyrri færsla

Geðsýki ræður NATÓ-för

Athugasemdir

[Ragnhildur Kolka, 25.2.2024 kl. 13:12]

Var það ekki Hillary, í kufli utanríkisráðherra BNA, sem seldi Rússum 1/4 af úranbirgðum landsins og hlaut í staðin ríflegt framlag í Clinton-stofnunina?

[Gunnar Rögnvaldsson, 25.2.2024 kl. 14:56]

Þakka þér fyrir Ragnhildur.

Það voru víst sögur um eitthvað slíkt í kringum söluna á Uranium One til rússneska ríkisfyrirtækisins Rosatom. En sannanir hafa ekki fundist sem styðja þá sögu. Málið er því enn í sögusagnaformi, eins og svo margt annað þar vestra.

Kveðjur