Leita í fréttum mbl.is

Gleðifréttir úr gamla heiminum í ESB

Nú get ég glatt alla með þeirri góðu frétt að það verða kosningar í Þýskalandi á næsta ári. Já kosningar, - og það athyglisverða við þessar kosningar er sú gleðilega staðreynd að 50% kjósenda í þessu stærsta hagkerfi ESB eru orðnir 60 ára gamlir, eða um sextugt. Lýðræðið mun væntanlega vinna stóran sigur í Þýskalandi og nýjungar í atvinnusköpun og lækkun skatta á vinnandi fólki munu eðlilega verða efst á óskalistanum. Og svo til dæmis aukinn innflutningur á sjúkra- og hjúkrunarliði og þjónustufólki frá .... tja . . . hvaðan ? Leikskólar og kjör ungs fólks og skattgreiðenda sem búa til velmegun í framtíðinni munu einnig og ofureðlilega verða allra efst á óskalistanum þarna í gamla heiminum. En öll þessi stórauknu aldursumsvif í hinu vel þroskaða hagkerfi Þýskalands munu væntanlega verða þess valdandi að markmið Evrópusambandsins, sem eru kennd við borgina Lissabon í Portúgal og einnig við árið 2000 - oft nefnt Lissabon 2000 markmið ESB - munu nást miklu fyrr.

Athugasemdir

1 Smámynd: Guðmundur Jónas Kristjánsson

Sæll Gunnar.

Ef  þýzka þjóðin hefði verið spurð um upptöku evru hefði hún kolfellt það og vilja
hafa sín mörk áfram. - Athyglisvert er að forseti Þýzkalands hefur neitað að
skrifa undir Lissabon-sáttmálan fyrr en sérstakur þýzkur stjórnlagadómsstóll
hafi skoðað hann og samþykkt. - Hann hefur enn ekki komist að  niðurstöðu.

Held að þýzka þjóðin eins og reyndar allflestar þjóðir innan ESB sé orðin
dauðþreytt á Brusselbákna-miðstýringunni. Hins vegar eru þýzkir stjórnmála-
menn enn rólegir, því þeir ráða hvort sem er nær öllu innan sambandsins
sökum stærðar og styrkleika Þýzkalands. 

En á þessu kann að verða breyting innan ekki svo langs tíma, eins og ESB-
brestirnir sýna. Nú síðast uppreisn Íra gegn Lissabon-sáttmálanum.

Guðmundur Jónas Kristjánsson, 16.7.2008 kl. 20:58

2 Smámynd: Jón Magnússon

Þetta eru aldeilis fréttur Gunnar. Mér datt ekki í hug að Þjóðverjar væru orðnir svona aldraðir að meðaltali.  Samt sem áður var talað um það í fréttum hér heima að þýska hagkerfið drifi Evrópusambandið áfram. Getur það verið?

Jón Magnússon, 16.7.2008 kl. 22:49

3 Smámynd: Jón Valur Jensson

Já, nafni, menn ættu að líta á þessa Kirkjunetsgrein mína um fólksfækkunarferlið sem er í gangi í Þýzkalandi og mörgum öðrum ESB-löndum. Það gengur ekki til lengdar, að einungis fæðist um 1,25 til 1,35 börn á hver hjón; jafnvel 1,65 til 1,8 börn á hver hjón (eins og á sér stað í Skandinavíu) er allt of lítið til að halda við þjóð, ef menn skoða þetta "ekki í árum, en öldum". Og þannig verðum við að skoða þetta, það er ekkert vit í neinni skammsýni.

Jón Valur Jensson, 17.7.2008 kl. 00:46

4 Smámynd: Gunnar Rögnvaldsson

Sælir kæru Guðmundur, Jón Magnússon og Jón Valur. Og kærar þakkir fyrir innlegg ykkar.


Ég hugsa að ykkur sé best svarað með því innleggi sem ég póstlagði í umræðuna um ESB á mogga blogg Hans Haraldssonar núna fyrr í morgun. Ég er í smá áfalli eftir að hafa blaðað lauslega í gengum skýrslur og greiningar sem koma frá nýlegri ráðstefnu um Elliheimilið ESB og kanski harðorður. Ég vissi vel að þessi málefni væru ekki allskostar í góðum málum hér í Stöðugleikaríkinu, en ég vissi samt ekki að þetta væri svona hrikalega slæmt. Ég er að melta þetta og mun koma með fleiri pistla um þessi málefni. En innlegið er svona:


Verðbólga (Þetta er vinsælt umræðuefni í dag)

Upptaka evru mun ekki eyða verðbólgu. Alls ekki. Því skyldi hún gera það ? Þetta er myth. Það er hinsvegar stöðnunin og hin aukna fátækt sem fylgir upptöku evru sem MUN bremsa suma verðbólgu já en enganveginn alla því annars væri verðbólga ekki meira en 100% yfir verðbólgu markmiðum ECB núna. En þar er hún einmitt núna og það þrátt fyrir að ESB15 sé í sé í vaxtargildu evru og sem einnig öll ESB27 löndin munu hafna í þegar þau taka inn svefnmeðalið evru og emu. Það er stöðnunin sem mun tryggja að Ísland fer á hausinn eins og ESB15 eru að gera ef Ísland gengur í ESB. Þetta er öruggur farmiði til samgjaldþrots og eyðingar velmegunar og velferðar á Íslandi.


Demografí

Gömlu Evrópu (ESB15 löndin) vantar 200 milljón nýjar aðfluttar manneskjur fyrir árið 2035 einungis til þess að viðhalda núverandi vinnuafli á vinnumarkaði. SÞ segir þessa þó tölu vera ennþá hærri, miklu hærri, en ég þori bara ekki að skrifa hana hérna, hún ersvo ótrúlega há. Allir sem hugsa vita hvert Evrópa er á leiðinni. Hún er á leiðinni til fjandans vegna þess að ESB15 löndin hafa hagað sér gersamlega óábyrgt áratugum saman:

A.) Þetta eru kynslóðir sem hafa unnið allt alt of lítið. Ekki nennt að vinna í skattpíndri hálfkommúnistískri Evrópu ESB15 landanna og kassahagkerfum þeirra. Þau eru steindauð og enginn mun hafa áhuga á að fjárfesta í ESB næstunni því hún ver búin að verðleggja sig útaf landakortinu, og leggja stórar hagvaxtargildrur út um öll hagkerfi ESB. Og öll ESB27 löndin eru að ganga inn i þessar gildrur núna

B.) Þetta er fólk sem hefur eytt ölum peningunum í sjálft sig og ekkert sparað upp. Þetta fólk er á hausnum. Og það mun vænta þess að lifistandard þess muni haldast óbreyttur með hjálp frekju og galdra og alveg án þess að hafa lagt neitt að mörkum sjálft og ekkert nennt að hugsa um hag afkomenda sinna. Ekkert af mínum börnum hefur sérstakann áhuga á að starfa í ESB því þau vita að þau verða reitt eins og hænur í skatta og atvinnuleysi í framtíðinni.

C.) Þetta er fólk sem skattgreiðendur þurfa að sjá fyrir í ellinni lengur en nokkurntíma áður og við alltof háar væntingar til þeirra brunarústa sem það skilur eftir sig. Mikið af því sem þetta fólk mun skilja eftir sig eru kröfur um galdra til komandi skattgreiðenda og rústir þess samfélags sem það mergsaug alla æfi. Þetta eru að mestu sósíal-demo-kratar Evrópu - svokallaða rauðvínskynslóðin, embættismennirnir og kontór kynslóðirnar. Fólkið sem fæddist á fyrsta farrými af foreldrum sem þræluðu og púluðu við að byggja upp samfélagið eftir styrjaldir og búa til raunverulega velmegun. Mottóið núna er: fæddist á fyrsta farrými, lifði á fyrsta farrými og dey á fyrsta farrými. Sósíal-sófa-kommarnir sem eru núna búnir að hertaka ESB. Það er leiðinlegt að segja þetta en svona er þetta, því miður. Þetta má allt rekja til veruleikaflótta og afneitunar á gömlum og góðum lífsgildum í Evrópu og hræðslu við kapítalisma og "Amerískt ástand" sem er náttúrlega miklu verra og hættulegra en roðinn frá gamla Gúlag Samvinnufélaginu.

Ef það væru jafn margir Danir í vinnu og það hlutfall manna sem eru í vinnu á Íslandi núna þá væru um 500.000 fleiri Danir í vinnu einmitt núna. Og allir Danir í vinnu þyrftu hver um sig að vinna um 250 fleiri tíma á hverju einasta ári. En atvinnuástand í Danmörku er með allra allra besta móti núna. En það eru samt enn 700.000 manns í geymslu í kössum ennþá.

Ef þetta væru Þjóðverjar þá þyrftu gróft reiknað um 20-24.000.000 (20-24 milljónir) fleiri þjóðverja út í atvinnulífið NÚNA og allir Þjóðverjar í öllu Þýskalandi þyrftu að vinna næstum 650 fleiri tíma á hverju ári frá vöggu til grafar en þeir gera núna ef þeir eiga að hafa við Íslendingum án þess að það kæmu fleiri Þjóðverjar í vinnu en eru núna. Undrandi ? Þetta er svo ólýsanlega átakanlega ömurlegt að það er ekki hægt að lýsa með orðum þeirri gjaldþrotastefnu sem ríkir í ESB15 löndunum.

Ef þetta væru Frakkar þá er atvinnuþátttaka þar enn verri en í Þýskalandi eða aðeins 62% af vinnufæru fólki í vinnu (á móti 85% á Íslandi). Verst er þó átandið í Póllandi (54%), Ungverjalandi (57%), Ítalíu (58%), Slóvakíu (59%) og Belgíu (60%). Gaman ?

ESB er yfirfullt af fólki sem búið er að eyðileggja með áratuga atvinnuleysi og sem núna býr í kössum sósíal-demo-krata í ESB. Eyðilagt af áætlunargerðarmönnum og reglustrikufólki í ESB, ECB og verðbólgunazistunum í Deutsche Bundesbank.

Er þig ekki farið að langa í smá verðbólgu aftur ?


Hagvöxtur Þýskalands

Hagvöxtur í Þýskalandi byggist mest megnið á útflutningsgreinum Þýskalands. Þýskaland er að verða Japan Evrópu, -land með nánast engum hagvexti og neikvæðum spíral verðhjöðnunar (deflation).

Hagkerfi og útflutningur Þýskalands einkennist mikið af því að hann byggir að miklum hluta til á framleiðslu og sölu á vörum sem notaðar eru til að byggja upp innviði vanþróaðra þjóðfélaga sem eru að þróast og byggja upp innviði sína. Þetta eru oft nákvæmnistæki (precision tools) og innviða-vörur sem minna þróaðar þjóðir geta ekki apað eftir eða fjölfaldað. Þess vegna er Þýskaland að mörgu leyti ólíkt hinum Evru-þjóðunum og útflutningur oft ónæmur fyrir þeim sveiflum sem önnur lönd ESB verða fyrir.

En peningamála- og stýrivaxtastefna seðlabanka Evrópu (ECB), sem gildir jú fyrir allar evru og EMS þjóðinrar, byggist að miklum hluta til á þörfum þýska iðnaðarins. ECB er því nánast einkaseðlabanki fyrir þýska iðnaðarþjóðfélagið. Þetta er oft afar slæmt fyrir hinar Evru-þjóðirnar. Margar þjóðir ESB hafa liðið mikið undan stýrivaxtastefnu ECB og Deutsche Bundesbank.

Ísland hefur haft 45% hagvöxt á meðan Þýskaland hefur haft 16% hagvöxt samanlagt á síðustu 10 árum

Fréttin um að evra hindrar atvinnusköpun er því miður sönn.


Að lokum

Þegar frelsið og sjálfsábyrgðin hverfur hjá einstaklingum og þjóðum, þá munu þær sjálfkrafa verða fátækari og fátækari. Það er vegna þessa að ESB dregst alltaf meira og meira aftur úr bæði Bandaríkjamönnum og Íslendingum.

Uppspretta velmegunar og ríkidæmis verður alltaf frelsið. Þessvegna andaðist USSR. Þeir höfðu ágætis kerfi skriffinna og ágætis menntakerfi og ágætis vísindamenn og mjög marga áætlunargerðarmenn. En það hjálpaði þeim ekki neitt. Einstaklingsfrelsið og sjálfsábyrgðina vantaði alveg. Ekkert var þar hægt nema með hjálp hins opinbera.

ESB er að verða mjög voldugt sem bákn. Uppspretta frelsisins liggur dýpra í manninum en flestir hagfræðingar og hagfræðibækur geta nokkurntíma sýnt fram á á pappír. Þar sem formúlurnar enda þar tekur við það fyrribæri sem hvergi er hægt að sýna fram á með formúlum og stærðfræðikenningum um efnahag þjóða. Þessu gera fæstir sér grein fyrir. En það er þetta fyrirbæri sem hefur gert Ísland að einni ríkustu þjóð í heimi. Ekki glopra því úr höndum fyrir túkall með gati.

Áður hafði ég sett tíkall í stað túkalls, en eftir lestur síðustu skýrslu frá ráðstefnu um elliheimilið í ESB þá hef ég skipt um skoðun. Núna skrifra ég því túkall only (gamlar krónur).

Að lokum þá pósta ég hér smá írskann evru-glaðning um það hvort Írar ættu ekki að henda evru út og skipta um föt aftur:

If all else fails, then maybe it's time to ditch the euro

Besti kveðjur

Úr stöðugleikasambandinu við ESB

Gunnar Rögnvaldsson, 17.7.2008 kl. 07:35

5 Smámynd: Baldur Fjölnisson

GDP - real growth rate - World

http://indexmundi.com/map/?v=66

Baldur Fjölnisson, 17.7.2008 kl. 15:26

6 Smámynd: Baldur Fjölnisson

Það sem kemst inn á topp 50 listann í hagvexti núna eru nokkur lönd í S-Ameríku, nokkur í Afríku, allt fyrrum sovétveldið, Slóvakía, Rúmenía og Serbía og megnið af Asíu, þó ekki Japan, Kórea og Indónesía.

Baldur Fjölnisson, 17.7.2008 kl. 15:34

7 Smámynd: Baldur Fjölnisson

Ég held að hagkerfi sem byggjast að mestu á skuldapappíraframleiðslu hljóti að sigla í strand fyrr eða síðar. Það er líklega bara spurning um þverrandi afrakstur. Síðustu misserin höfum við séð pappíraframleiðsluna skrapa botninn í BNA með tröllvaxinni útgáfu á gjörónýtu pappírsdrasli sem þó var hægt að svíkja inn á lífeyrissjóði og seðlabanka hér og þar vegna þess að sölumennirnir keyptu á draslið fínustu gæðastimpla hjá matsfyrirtækjum og svo er þetta allt saman tryggt í bak og fyrir,  amk. að nafninu til. Þessar hræringar eru merki um að kerfi þetta sé komið að hruni og séu sennilega ekki nema 1-2 ár í mesta lagi í meiriháttar krakk í því sambandi. Stjórnvöld á vesturlöndum vita þetta vel og hafa gert lengi og ber að skoða sívaxandi fasismavæðingu og þróun til eftirlits- og lögregluríkja í gervilýðræðisríkjum víða í því ljósi. Í rauninni er ekkert annað sem trygging fyrir skuldafjallgörðum vesturlanda en vaxandi velta, hagvöxtur. Stöðvist hann eða dragist saman stoppa keðjubréfin fljótt og skuldamaskínan hrynur eins og spilaborg með tilheyrandi afleiðingum. Almenningur hefur vanist því að hafa það gott á yfirdrætti upp fyrir haus í tilveru á raðgreiðslum og má lítið út af bera. Kveikiþráðurinn er víða stuttur nú þegar, við getum bara reynt að hugleiða hvernig það verður þegur við byrjum að taka á okkar eigin undirmálslánum. Lögreglan er nú þegar með hjartað í buxunum og heimtar rafbyssur og það er vegna þess að vinnuhópar í ríkiskerfinu hafa þegar skilað sínum framtíðarspám.  Hins vegar þolir þetta alls ekki neina umræðu og því forðast ruslpóstur og pólitíkusar að ræða það.

Baldur Fjölnisson, 17.7.2008 kl. 17:55

8 identicon

Sæll Gunnar.

Alveg frábær greining hjá þér á ástandinu í ESB og djúp skilgreining á frelsinu og hvaða mætti það býr yfir fyrir bæði einstaklinga og þjóðir. Þar er ég þér alveg rosalega mikið sammála. Samlíkingin þín á ESB við USSR finnst mér líka alltaf eiga betur og betur við ESB og kommisera- reglufarganið hér. Hér segi ég því ég bý líka eins og þú undir verndarvæng hins alsjáandi velmegunarkerfis kommiserana. En ég bý é Englandi og hef búið hér s.l. 2 ár. Ég held nú samt að efnahagur Breta sé að mörgu leiti ekki í eins miklum fjötrum Þessarar uppdráttarsýki sem hrjáir ESB þjóðirnar á meginlandinu. Þeir hafa alltaf reynt að vera meira óháðir þessu og halda sinni mynnt með sínu gamla þjóðarstolti. Almennt er almenningur hér meira og minna mjög illa við þetta Evrópusamband og reglufarganið þeirra.  En hræddir og heilaþvegnir pólitíkusar hafa alltaf passað það vel að aldrei hefur verið þjóðaratkvæðagreiðsla hér um eitt eða neitt sem varðar þetta ESB apparat eða útþennslu þess, enda hafa þeir vitað það að allt um þetta hefði verið kolfellt hér. Þannig hafa þeir með aðstoð kommiserana komið í veg fyrir framgang lyðræðisins aftur og aftur. Nú síðast með því að G. Brown skrifaði undir Lissabon sáttmálann umyrðalaust þó svo allar skoðanakannanir hér sýni að almenningur er mjög mótfallin þessu.  En endilega halltu áfram Gunnar minn að skrifa um þetta og afhjúpa þetta landráða ESB trúboð á landinu okkar fagra. Það er svo grátlegt að sjá sumt sæmilega skynsamt fólk festast í þessu og dást og tilbiðja fallegu föt keisarans (ESB) sem gengur samt óafvitandi um sviðið gjörsamlega nakinn !    

Gunnlaugur Ingvarsson (IP-tala skráð) 17.7.2008 kl. 20:09

9 Smámynd: Gunnar Rögnvaldsson

Sæll Gunnlaugur og kærar þakkir fyrir innlegg þitt. Já Bretar eru byrjaðir að hlaða batteríin upp á ný því Pundið er sveigjanlegt og ekki í þurrkví í Frankfurt. Minn góði vinur Norman Lamont sá fyrir þeirri framför árið 1992 og mikið var ég honum þakklátur því undir hans stjórn féll breska pundið 15% á einum degi og sveið undan draumunum um fasta tilveru í þurrkví í Frankfurt Drydock. Þetta varð þess valdandi að við Bretar gátum haldið áfram viðskiptunum okkar á milli. Þeir seldu meira til mín og ég keypti meira af þeim og gat lækkað vöruverð á mínum markaði.


Já það eru sumir sem segja að Ísland þurfi að ganga í Evrópu aftur með tilvísun á það sem þeir kalla "Evrópumálin". En þetta orð, Evrópumálin, er sérstakt orð sem er bara til í orðabókum sósíal-demó-krata og sem allir búa í Evrópu en þó alveg án þess að hafa tekið eftir því sjálfir. Það eru yfir 50 lönd í Evrópu og mál þeirra virðast ekki falla undir skilmála orðabókar sósíal-demó-krata í 15 til 27 af þessum löndum.

Það er einnig athyglisvert að áhugi Íslendinga á þessu orði úr orðabókum sósíal-demó-krata, virðist vera mestur í öllum löndum Evrópu núna, og eingöngu útaf því að gjaldmiðill Íslendinga sýndi um daginn að hann er lifandi og síþjónandi þjóð sinni á hverjum einasta degi ársins. Hann brotnar ekki þegar það er sest ofan á hann, sparkað í hann erlendis frá, hoppað ofaná honum innanfrá, og sturtað úr 10.000 steypubílum ofaná hann á meðan grafið er undan honum á sama tíma. En öllu þessu hafa Írar þó tekið eftir og líta nú öfundaraugum á þennan Íslenska galdramiðil sem þolir alla þessa meðferð án þess að stirna upp í losti eins og stjörf bikkja.

Þeir hafa einnig tekið eftir að Ameríkanar hafa svona tryllitæki til umráða í sínu hagkerfi, og jafnvel nágrannar þeirra, Bretar, þjóta núna út um allar trissur á svona galdratæki sem hleður upp stórskotalið hagkerfis þeirra með nýjum og samkeppnishæfari fallbyssukúlum sem svo verður beint að frosnum fallbyssum Evrópumála sósíal-demó-krata í 27 af 50 löndum Evrópu.

Írar falla bókstaflega í stafi yfir þessari hernaðarlist. En þeir sitja núna með frosnar fallbyssur sem snúna inná við í hagkerfinu gætu hrokkið í gikkinn og skotið þá sjálfa í kaf hvernær sem væri. Þetta eru því uggvænlegir tímar fyrir Íra. Að eiga á hættu að verða skotnir niður innanfrá af sínum eigin fallbyssum.

Bestu kveðjur

Gunnar Rögnvaldsson, 17.7.2008 kl. 21:02

10 Smámynd: Gunnar Rögnvaldsson

Þakka þér fyrir kortið yfir hagvöxt síðasta árs Baldur.


Þetta kort bendir einmitt á þá staðreynd að það er heimur fyrir utan ESB. En þessu hafa Danir einmitt tekið eftir. Margir gleyma að þó svo að gengi dönsku krónunnar sé bundið fast við gengi evru, að já - þá hoppar og skoppar danska krónan á hverjum degi gangvart öllum gjaldmiðlum heimsins nema einum (einn, 1 x 1 = 1)) nefnilega evru. Þetta þýðir að gengisstöðugleiki er bara gangvart einum einasta gjaldmiðli heimsins. Ef markaðir þessa eina gjaldmiðils eru slæmir fyrir þær vörur sem danska þjóðin selur til og kaupir af þessum eina markaði þá má segja að bindingin sé í það minnsta mjög einfaldur og einhæfur sannleikur því mesti og besti hagvöxtur í heiminum undanfarin mörg ár hefur einmitt ekki átt sér stað á þessum eina markaði evru. Þessi markaður hefur að miklu leyti verið frosinn fastur í vaxtargildru ESB í áratugi.

Aðalvöxturinn fyrir Danmörku hefur verið á öðrum mörkuðum og mun einnig verða það í framtíðinni. Það sér því hver maður í hendi sér hversu rangt það væri að negla gengi gjaldmiðils síns fast við evru sem núna er einn ofmetnasti gjaldmiðill heims og sem einnig er að breytast í elliheimili. En allir vita að draumurinn um nýja bílinn, nýja húsið og fallegu fötin er byrjaður að verða töluvert þokukenndur þegar við fimmtugsaldurinn.

En óveðursskýin hafa verið að hrannst upp yfir hausnum á þýska hagkerfinu undanfarið. En eins og ég bendi á þá sveiflast þetta hagkerfi ekki saman með restinni af evru-löndum en er samt undir stjórn sama seðlabanka og þau. Þýska hagkerfið hefur sýnt að það hafa verið smá glæður í hagkerfi þess undanfarin fá ár miðað við hin stóru hagkerfi evru, og sem eru Frakkland, Spánn og Ítalía. En allir vita að Bretar telja sig ekki vera í Evrópu að neinu alvarlegu ráði.

Spá hagvaxtar fyrir Þýskaland á næsta ári var lagfærð í dag og hljóðar nú uppá nánast ekki neitt, og eru því breytingarnar frá nánast engu (1,1%) og niður í ekki neitt mjög viðráðanlegar fyrir þetta stærsta elliheimili heims.

Heildamynd síðustu 10 árin:

Frystihús evru 1998 til og með 2007

Bestu kveðjur

Gunnar Rögnvaldsson, 17.7.2008 kl. 21:31

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband