Leita í fréttum mbl.is

Bloggfærslur mánaðarins, mars 2017

Skálum þrefalt fyrir Bretlandi. Útgangan hafin!

Fyrirlestur Yoram Hazony: Byggður á ritgerð hans: "Nationalism and the Future of Western Freedom", sem birtist fyrst í Jerúsalembréfi Hazony síðasta haust

Þeir sem geta ekki skálað þrefalt fyrir útgöngu Bretlands af Evrópusambandsríkinu, eiga það sameiginlegt að geta nú orðið hvorki skálað fyrir þjóðfrelsinu né fagnað því. Það styttist í að þeir fari að gráta á 17. júní, skæla þann 4. júlí og að vola 14. júlí, ár hvert. Þessir eru heimsveldissinnar (e. universal imperialists). Þeir eru hinir ófrjálslyndu því þeir aðhyllast ófrelsið. Þeir dýrka fánaborgir heimsveldisins og eru að byrja að skammast sín fyrir þjóðfána sinn. Þeir vita því miður ekki enn hversu glataðir þeir eru

Ég skála fyrir Bretlandi, því þeir hafa valið sjálfstæðið og þjóðfrelsið. Ég er Íhaldsmaður með stórum staf og þjóðernissinni, og það er ég vegna þess að í gamla daga voru hinir raunverulega frjálslyndu alltaf þjóðernissinnar (e. nationalists). Það þótti merki um góðan og göfugan málstað að vera þjóðernissinni: þ.e. að aðhyllast þjóðfrelsið og sjálfsákvörðunarrétt þjóða og að fyrirlíta heimsveldi og þrælaríki. Ég fyrirlít Evrópusambandið. Það er orðið þrælabúðir þjóðanna og Hús fjötranna

Á myndbandinu má hlýða á Yoram Hazony, sem er einn fremsti stjórnmálaheimspekingur Vesturlanda á okkar tímum. Honum hef ég fylgst með í mörg ár og sérstaklega skrifum hans um þjóðríkið og heimsveldið. Það var breski hagfræðingurinn Bernard Connolly sem benti mér á Hazony

Hér að ofan fjallar Hazony um Brexit og hvað læra má af sögunni um það þegar sameina á fjögur horn veraldar til að skapa til dæmis Evrópusamband sem bjarga á hinu og þessu. Þannig heimsveldi byrja alltaf eins, og enda alltaf á sama hátt: sem hús fjörtanna

Húrra og skál fyrir Bretlandi. Þetta er dagur til fagnaðar. Bráðum verður nefnilega bannað að segja sig úr ESB

Krækja: Ritgerð Yoram Hazony um frelsi Vesturlanda, haust 2016 (Mosaic)

Fyrri færsla

Meginland Evrópu læst fast í fortíðinni


mbl.is Formlegt útgönguferli hafið
Tilkynna um óviðeigandi tengingu við frétt

Meginland Evrópu læst fast í fortíðinni

Germany 1866-1945. The Institutional Structure of the Empire - Gordon. A. Craig, síða 38-39

Mynd: Prins Bismarck les brandara frá Bandaríkjunum. Gordon A. Craig: Germany 1866-1945. The Institutional Structure of the Empire - síða 38-39

*****

Eftir Síðari heimsstyrjöldina vaknaði sú von hjá þjóðum meginlandsins, að loksins myndu þær fá að búa við lýðræðislega stjórnarhætti þar sem ríkisstjórnir, sem fólkið fengi náðarsamlegast að kjósa, yrðu gerðar ábyrgar gagnvart fólkinu sem kaus þær. Fram að þeim tíma hafði ekkert af þeim sex kjarnalöndum sem mynduðu Evrópusambandið, nema þá helst Holland, búið svo vel að hægt væri að tala um ábyrga lýðræðislega stjórnarhætti á meginlandi Evrópu

Evrópa lá í rústum þess stjórnarfars sem kallað hafði yfir meginlandið algera tortímingu. Breskir og Bandarískir hermenn gættu þess friðar sem þeir höfðu komið á, og ekkert ríki á meginlandinu var í standi til að rjúfa hann. Ógnin frá Sovétríkjunum núllaði út allt nudd á milli Frakklands og Þýskalands. Óttinn við kommúnismann var algerlega raunverulegur. Pax Americana ofuraflið sá öllum þessum sex löndum og allri Vestur-Evrópu fyrir öryggi, þarna um árið 1954, árið sem franska löggjafarsamkundan neitaði að staðfesta yfirríkislegt Parísar samkomulagið. Fæddist því NATO. En 51 ári síðar hafnar franska þjóðin einnig áfram yfirríkislegri stjórnarskrá ESB, árið 2005. En allt kom fyrir ekki. Troðið og troðið skal áfram á lýðnum í hinum Nýju Sovétríkjum Evrópu

En svo gerist það ótrúlega. Þessi þrír-til-sex byrja í rústum sínum að vinda upp á sig í gömlum draumum um áframhaldandi óábyrgt vald elíta yfir fólkinu. Þau höfðu nefnilega komið auga á nýtt yfirríkislegt fyrirkomulag sem gerði þeim og elítum þeirra mögulegt að komast hjá því að nútímavæðast og taka upp virkt lýðræði og ábyrga stjórnarhætti gagnvart kjósendum. Þau stofnuðu Evrópusambandið, og komust hjá því að fara upp á brautina inn í framtíðina sem Grant bandaríkjaforseti hélt að Þýskaland væri að fara upp á 1871. Þau þrjú-til-sex urðu að nýju sameinuðu keisaraveldi kommissara gegn fólkinu. Engin löngun var hjá elítunni til ábyrgra lýðræðislegra stjórnarhátta

Meginland Evrópu er því enn á millistríðsárum og banönum. Og þar verður það, þar til Evrópusambandið startar ragnarökum álfunnar á ný. Og það er elítusambandið einmitt að gera. Í 60 ár hefur það skóflað fullveldi fólksins inn í ofnana, brennt það, og reist fánaborgir sem fá þær fyrri til að líta hjákátlega út, miðað við einn brjálaðan brautryðjanda sambandsins, af nokkrum. Engum er hægt að óska til hamingju með neitt á 60 ára afmæli slíkrar vitfirringar sem Evrópusambandið er

Fyrri færsla

Rætur ógnarinnar er að finna í rótum hennar


Rætur ógnarinnar er að finna í rótum hennar

Donald J. Trump

Mynd: Donald J. Trump

Þetta finnst sumum ofboðslega flókið, eða jafnvel bannsvæði. En ekki reyndum Styrmi

Einu sinni sögðu menn að ekki mætti rugla Þýskalandi saman við nasismann. Winston Churchill sagði þetta fáránlega og gagnslausa heimsku. Hann orðaði það að vísu betur en ég geri hér

Mið-Austurlönd eru hjarta íslam. Þau reka glóbal hernað gegn þeim sem eru ekki stjórnmálatrúar þeirra. Þetta hefur hjartað í íslam gert alltaf. Heimur íslams telur nú 1,6 milljarð sála. Fjórðung alls mannkyns

Hik ofan á hik einkennir Evrópulönd gegn glóbal herópi íslamista. Þau passa sig í hel á að rugla ekki Þýskalandi saman við nasismann. Og þau passa sig á að rugla ekki nasismanum við Þýskaland, og alls ekki nasismanum saman við nasista. Bara bannað

Til dæmis voru starfsmenn þýsku DB ríkisjárnbrautanna yfir hundrað þúsund og enginn þeirra þóttist vita hvað væri að gerast á brautarteinum heimsveldis nasismans, sem ekkert hafði með Þýskaland að gera, auðvitað. Fjögur hundruð þúsund Gyðingar fluttir frá Ungverjalandi í gasofnana á aðeins nokkrum vikum, og enginn starfsmaður vissi af neinu. Það þarf að passa sig á að rugla ekki hlutunum saman við hlutina

Hikið er svo skemmtilegt að það hefur tekið "bandalag" sextíu og átta landa, fimmtán sinnum lengri tíma að taka 62 prósent þýðingarlauss landmassa af Ríki íslam, en það tók Ríki íslam að sölsa það allt undir sig. Þetta bandalag er svona eins og allsherjar samkunda öryggisráðsins; skrifstofuveldi að kveikja á kertum

Og allir vita, að um leið og landsvæðið er allt fallið úr höndum þeirra sem hafa það núna, þá spretta endalausar nýjar einingar upp eins og gorkúlur á öðrum stöðum, jafnvel á sömu stöðum, en undir nýjum nöfnum og skelfingin í Evrópu stigmagnast, stig af stigi

Boðað er nú til nýs ráðherrafundar í skrifstofuveldi NATOs í Brasseli. Hann á að fara fram 5. til 6. apríl næstkomandi. Þetta verður merkilegur fundur evrópskra skrifstofumanna, því Bandaríkin mæta ekki. Þau koma ekki á fundinn

Á fundinum munu því ráðherrar meginlands Evrópu sitja í kringum stórt borð og horfa í andlit hvors annars. Horfast í augu við gjaldþrotið. Nema að fundartíma sé breytt þannig að fjármagnarinn geti, sökum veraldlegra anna, komst á fundinn til að bjarga andliti bandalagsins. Forða meginlandi Evrópu frá því að horfast í augu við gjaldþrot sitt

En allir vita samt að ekkert kemur út úr svona fundum. Það má ekki rugla þeim saman við raunveruleikann,- og það er þó rétt og satt, sérstaklega í þessu tilfelli

Aldrei ættu menn að rugla Bandaríkjum Norður-Ameríku saman við meginland Evrópu

Fyrri færsla

Eru "frjáls viðskipti" Ricardos dauð


Eru "frjáls viðskipti" Ricardos dauð

Glen Campbell - seldi betur en Bítlarnir í Bandaríkjunum. Sumir muna kannski enn eftir Gentle on My Mind og línumanninum frá Wichita

- XY -

Sagt er að hagfræðikenningar Ricardo séu grunnur hugsunarinnar um það sem í daglegu tali er kallað "frjáls viðskipti" eða "fríverslun" á milli ríkja. Sagt er í dag að þessi hugsun sé nú fallin um sjálfa sig

Í abstrakti sínu lítur kenningin um "frjáls viðskipti" svona út: Land sem er gott í að framleiða eða selja X, en sem er ekki eins gott í að framleiða eða selja Y, ætti að láta það land sem er betra í að framleiða eða selja Y, um það að framleiða eða selja Y, og einbeita sér að því að framleiða eða selja X. Jafnvel meira af exinu

Þeir sem missa vinnuna í landinu við að framleiða Y, já þeir munu í staðinn fá vinnu við að framleiða meira X

Ef land er til dæmis ekki best eða gott í að framleiða eða selja stál, já þá á að láta það land sem er gott í að framleiða eða selja stál um að gera einmitt það

Þeir sem þá missa vinnuna við stálframleiðsluna heima fyrir verða að flytja sig yfir í að framleiða X. Þeir fá vinnu við það, í stað þess að framleiða eða selja stál

Þetta gildir ekki lengur segja sumir stórir. Þetta gildir ekki vegna þess að þá sem missa vinnuna við stálframleiðsluna er ekki hægt að flytja yfir í að búa til dæmis til stýrikerfi, hugbúnað eða fjármálaþjónustur

Vinnuaflið á tímum Ricardo, og nokkuð lengi þar á eftir, bjó við annan veruleika en er núna. Þá var hægt að flytja landbúnaðarverkamenn inn í verksmiðjur þeirra tíma

En í dag er hins vegar ekki hægt að flytja þá yfir í Microsoft tölvukóða-verksmiðjur eða í gangandi gjaldþrota alþjóðlega-óþjóðlega fjármálastofnun, sem þessir verkamenn halda uppi í dag. Þeir eru ekki nógu sérfræðilega hámenntað-heimskir til að fá vinnu í þeim geira, sem orðinn er enn meira abstrakt en sjálf kenning Ricardos

Þessir missa því vinnuna það sem eftir er lífsins. Missa hana kannski um fertugt og fá aldrei sæmilega vinnu aftur. Þessir þeir geta heldur ekki fengið verra starf en þeir voru í, því að stjórnmálamennin sem uppfylla hæfniskörfur upp í bankalögmálið um pólitískt gjaldþrot og Samfylkingar-ASÍ, hafa flutt inn erlenda þræla til að nota þá sem þjóna við að bera stálfátæktar-evrur á borð fyrir sig og enga aðra. Þetta geta þeir sem framleiddu stálið á okkar tímum, ekki keppt við. Líf þeirra fer í rúst og þeir verða að pólitísku gereyðingarvopni massífs atvinnuleysis og lágra tekna

Kenning Ricardo um þessi óefni var upphafin í lögmál sem látið hefur verið gilda í marga áratugi. Ekki ósvipað lögmálinu um "sjálfstæði seðlabanka" sem áttu að bjarga heiminum frá því sem hann nú situr fastur í

Þetta veit Donald J. Trump mjög vel. Þess vegna var hugtakið "frjáls viðskipti" þurrkað út úr yfirlýsingu G20 fundarins í Baden Baden í síðustu viku. Fjármálaráðherra Trumps sagði að hann hefði enga heimild né umboð til að skrifa undir abstraktið hans Ricardo lengur

Fjármálaráðherra Þýskalands, sem er útflutningsdópisti, fékk taugaáfall og hætti skyndilega að sjá sýnir (e. visions). Hann sagði að G20 fundurinn hefði rekist á vegg

Að fundinum loknum flaug hinn bandaríski Niccolo Machiavelli heim til að skoða úr fjarlægð taugaáfall Þýskalands á fjallinu, sem Bandaríkin ráða yfir. G20 samkundan vissi þar með að kaflaskipti hafa orðið í mannkynssögunni

Þetta hafa gjaldþrotnir fjármálamenn á Íslandi ekki uppgötvað enn. Þeir halda að 2008 hafi bara verið ein holan í veginum og að prinsippið um veginn eftir holuna haldi enn. En svo er ekki. Holan er massífur veggur og veggur er ekki prinsipp. Hann er realpolitk ja

Fyrri færsla

Auðvitað skulda NATO-ríkin NATO


Auðvitað skulda NATO-ríkin NATO

Myndskeið: vikulegt ávarp Donalds J. Trump til bandarísku þjóðarinnar. Andrew Jackson, Ford og kvenna minnst

Hvað er bandalag? Og hvað er varnarbandalag? Jú það er sáttmáli þjóða um að sameinast um varnir sínar. Að leggja saman í púkkið. Öll ríki þess eiga að leggja sérstaka fyrirfram ákveðna hluti af mörkum til varnarbandalagsins, því bandalagið sem slíkt á sjálft ekkert til að verjast með. Það er ekki her og það á engan her. Þau ríki sem leggja ekki þennan ákveðna hlut af mörkum sem heldur uppi varnargetu bandalagsins, eru að bregðast skyldum sínum gagnvart bandalaginu og þau eru að bregðast þeim ríkjum sem eru í bandalagi við þau. Þau níðast á félagsskapnum á kostnað annarra og þau grafa undan bandalaginu

Þetta þýðir að þau ríki sem hafa skorast undan að inna sinn hluta af hendi skulda bæði móralskt, tilvistarlega og efnahagslega þeim ríkjum sem haldið hafa uppi varnargetu bandalagsins, sem ákveðinn er sem lágmarksframlag

Í reynd hefur þetta þýtt að Bandaríkin standa næstum ein uppi með ábyrgð á varnaröryggi 28 landa því að hin 27 ríkin eiga einnig að verja Bandaríkin

Uppsöfnuð skuld Þýskalands er svo gerræðisleg á alla kanta að landið yrði gjaldþrota ef því væri sendur reikningur fyrir þeim kostnaði sem Bandaríkin hafa lagt á sig til að verja Evrópu og sérstaklega Þýskaland

Það er skammarlegt að sumir skuli enn halda því fram, að af því að löggan fái að nota vegina sem þarf til að sinna löggæslu, að þá eigi hún bara að vera þakklát fyrir að þurfa ekki að borga fyrir vegina. Að það séu hagsmunir hennar en ekki þeirra sem hún gætir. En þannig hefur framkoma Íslendinga í NATO að mörgu leyti verið síðustu 25 árin, ef ekki lengur.

Bandaríkjamenn spyrja því enn meginland Evrópu að því hvenær lönd þess ætli að ganga í NATO. Því það hafa þau ekki gert, en segjast samt hafa gert það. Þau eiga ekki rétt á neinu - nema að leggja sitt fullt út af mörkum

Hvort að það muni hafa innvortis horror þýðingu fyrir meginaland Evrópu að Þýskaland vígbúist á ný, er svo önnur spurning sem þarf að svara. En hún er þó tengd öðru en tilvistargrunvelli NATO

Þýskaland er svo stórskuldugt að það er ótrúlegt að menn sjái það ekki, sérstaklega innvortis í Þýskalandi. Bandaríkin gáfu landinu gjafir og gjafir og gjafir og áratugum saman vernduðu þau alla geira þýska hagkerfisins gegn erlendri samkeppni. Enginn komst inn í Þýskaland og markaði þess, þar var allt læst og lokað nema fyrir útflutning landsins, sem Bandaríkin hafa einnig verndað á heimshöfunum í 70 ár

Borgi NATO-löndin ekki það sem til þarf til að halda varnargetu bandalagsins uppi, þá er NATO búið að vera sem varnarbandalag. Við tæki þá staða þess í veröldinni sem skrifstofuveldi, sem Bandaríkin hafa engan áhuga á að taka þátt í. Skrifstofuveldi verja ekki lönd. Þau tortíma þeim

Í stefnumarkandi smíðum í Bandaríkjunum er -ef ég hef rétt fyrir mér- ný geopólitísk varnarstefna sem Evrópa hefur ekki jarðneskan séns á að lyfta, og jafnframt engan sem helst tilvistarlegan skilning á, því Evrópa er að dauða komin, bæði líkamlega og andlega. Hún hefur engin áhrif í heiminum lengur og er jafnframt ófær um að hafa áhrif á sjálfa sig. Tími hennar er liðinn og mun aldrei koma aftur. Það er ekkert símanúmer í Evrópu, ekki einu sinni símsvari

Það er orðið ódýrara fyrir Bandaríkin að láta Evrópu drepast en að halda henni á lífi. Pólland -sem eftir aðeins 25 ár verður sterkara afl í Evrópu en Þýskaland- og Intermarium löndin ásamt Bandaríkjunum þráðbeint, halda Rússlandi í skák. Þau eru nóg, því Rússland er ekki Sovétríkin lengur. Og þess fyrir utan þarf Rússland eins og Bandaríkin á öllu sínu afli að halda í aðrar áttir næstu 100 árin

Ísland getur valið um að tilheyra líkhúsinu Evrópu í gamla heiminum, eða að endurstaðfesta tilvist sína sem verandi varanleg og lífsgefandi tilvist í nýja-heiminum, sem Ísland óumdeilanlega er hluti af. Það kostar okkur ekki nema tvö prósent af landsframleiðslu í varnargetu að tryggja okkur gegn því sem verður. Það er allt og sumt. Og það er ekki eftir neinu að bíða, nema dauðanum. Við getum þetta

Fyrri færsla

Ekki rétt. Sem sagt rangt


Ekki rétt. Sem sagt rangt

Brussel, desember 2016: Reynt að koma vitinu fyrir Evrópusambandið í Brussel

Þetta er ekki rétt. Theresa May forsætisráðherra Bretlands fór til fundar við klessuverk Evrópusambandsins í Brussel og krafðist þess að áður en farið yrði í að semja um útgöngu Bretlands úr Húsi fjötranna í ESB, að þá yrði fyrst gengið frá réttindum þess fólks sem eru Bretar á meginlandinu og svo hins vegar þeirra meginlandsbúa sem eru í Bretlandi. Þessu hafnaði hið ábyrgðarlausa klessuverk Evrópusambandsins algerlega og gaf skít í ábyrgðina. Forsætisráðherra Bretlands var ekki virt viðlits

Theresa May er forsætisráðherra þess lands sem bjargaði meginlandi Evrópu frá síðustu villimennsku þess. Landið er næst stærsta hagkerfið í ESB, mesta og eina herveldi þess og einn stærsti útflutningsmarkaðurinn fyrir lönd þess

En ábyrgðarleysið hefur á ný náð fótfestu og forystu á meginlandinu með tilkomu þeirrar ábyrgðaralausu samkundu sem Bretland er einmitt að yfirgefa: Evrópusambandsins. Þar mun ekki steinn standa yfir steini innan ársins 2045. Sambandið er að rústa Evrópu á ný

Fyrri færsla

Donald J. Trump segir "Deep State" stríð á hendur 


mbl.is Heilbrigðiskerfið í Brexit-vanda
Tilkynna um óviðeigandi tengingu við frétt

Donald J. Trump segir "Deep State" stríð á hendur

Myndskeið: Donald J. Trump undirritar stríðsyfirlýsingu

Í Bandaríkjunum hefur undanfarið skapast mikil umræða um það sem þeir vestanhafs kalla "Deep State" eða hin djúpt ráðandi öfl. Og er þá átt við ókjörin öfl sem í reynd og leynd séu hin ráðandi öfl í landinu. Þetta gerist einmitt núna í kjölfar þeirrar andspyrnu og skemmdarverka sem unnið er daglega að gegn þjóðkjörnum forseta Bandaríkjanna, sem neitar að haga sér eins og sá maður sem embættismenn og diplómatar elska, þ.e. sem "statesman" á borð við Jacques Chirac sem gerði ekkert sem sett gat neitt úr algerri kyrrstöðu, sem svoleiðis fólk á opinberum launum elskar heitt

Umræðan um þetta mál vestanhafs geisar núna, og manna á milli er daglega giskað á hver séu þessi leyndu og ókjörnu ráðandi öfl. Hvaða stofnanir og hvaða menn hverra stofnana og hagsmunasamtaka ráða í reynd landinu

Þessi umræða er á villigötum, því þetta "deep state" er ekki leynd öfl. Þau eru einfaldlega hinir opinberu starfsmenn ríkisins og bara þeir og engir aðrir. Þeir eru hið ráðandi afl sem átt er við og þau eru alls ekki leynd. En hegðun þeirra, lekar, skemmdarverk, moldvörp, vörusvik og prettir eru þó falin augum þess almennings sem ætlast til að þessir opinberu starfsmenn hlýði forsetanum sem einmitt hinn sami almenningur kaus. Forsetinn er yfirmaður hinna opinberu starfsmanna og þeir eru þarna til að framkvæmda stefnu hans og bara hans, en ekki sína eigin

Í stuttu máli þá er þetta ráðandi afl sjálft stjórnkerfið og stjórnsýslan í einum pakka. Hún hefur öðlast sitt eigið líf og neitar að láta ólögmætu valdafíknina af sér renna og hún neitar gegna starfi sínu sem þjónar forsetans. En til þess var þetta batterí stofnað. Efst á lista Steve Bannons sem er einn helsti strateg forsetans, er því að rífa hið "aðmínistratíva ríki" Bandaríkjanna í tætlur. Að kála "deep state"

Áður fyrr voru allir opinberir starfsmenn reknir í hvert skipti sem nýr forseti Bandaríkjanna settist í embættið. Hann kom með sína eigin starfsmenn og þeir sáu um að þjóna forsetanum og stefnu hans, en ekki sjálfum sér. En svo kom maður með hugmynd frá Evrópu og hún gekk út á að skilja á milli þeirra sem unnu það sem hann kallaði "ópólitískt opinbert starf" og hins vegar þeirra sem unnu að þeim pólitísku málefnum sem forsetinn var kjörinn til að framkvæma

Þetta voru greinilega slæm mistök, eins og sést vel vestanhafs og enn betur hér heima, en sér í lagi á truntunni stóru; sjálfum sovétríkjum Evrópusambandsins

Fyrri færsla

Betra að endurskoða heilbúskap Viðreisnar en "peningastefnuna"


Betra að endurskoða heilbúskap Viðreisnar en "peningastefnuna"

Allir vita til hvers og hvers vegna þessi sóun á almannafé á að fara fram í að endurskoða "peningastefnuna"

Hún á að fara fram vegna þess að Viðreisnarmenn í ríkisstjórn eru með krónískan heilaskaða sem varð til með tilkomu evru sem pólitísks gervipenings. Þeir skilja því ekki heiminn sem þeir búa í. Þeir héldu að Evrópusambandið og mynt þess væru það sem þau eru sannarlega ekki. Hvorki friðarverkefni né hagsældartól. Þau eru að sýna sig sem ófriðarverkefni og tortímingarvél velmegunar. Sagan er að sanna það

Af hverju ekki frekar að endurskoða verðlag fasteigna og hlutabréfa. En bæði eiga það til að hoppa og skoppa fram og til baka eftir því sem vindar blása. Þessi nefnd hlýtur að geta endurskoðað fasteigna- og hlutabréfaverðbólgur. Koma svo með tillögur um afnám veruleikans. Leggja til að veruleikinn verði afnuminn með stofnun veruleikaráðs

Þetta nefndaruppátæki er það sem í daglegu máli er kallað pólitísk myntsláttuvél. Hún á að fleyta kosningaloforðum Viðreisnar pólitískum kellingum út í hafsauga. Það eina sem mun standa eftir eru spor þeirra í fjöruborðinu fram að næstu öldu sem þurrka mun þau algerlega út

Hvernig skyldi annars ganga með Lissabon-2000 markmið Evrópusambandsins? Nú eru liðnir 2630 dagar frá því að íbúar Evrópusambandsins áttu að vera orðnir ríkastir í heiminum samkvæmt þessum Lissabon 2000 markmiðum Evrópusambandsins. Hvað með að endurskoða brjálsemis geðklof þeirrar samkundu og þeirra sem hér á landi hafa hugmyndir hennar enn í höfðum sér !

Svo þurfa menn einnig að gera sér grein fyrir því að tímar algerlega frjálsra fjármagnsflutninga í heiminum eru liðnir. Sú hugmynd var í heiminn fædd á röngum forsendum, þ.e. á súperstrengjakenningum hagfræðinnar (þvaður frá upphafi til enda) og því miður einnig á John Locke, sem misskildi Gamla testamentið og þjóðfrelsi þess frekar herfilega

Þessi nefnd mun aldrei geta neitt án þess að verða fyrst sérfræðingur í Gamla testamenti hinna Heilögu ritninga, en þær eru tilvistarlegur hornsteinn Vesturlanda

Fyrri færsla

Líkir Bill Clinton Bandaríkjaforseta við Erdogan Tyrklandsforseta


mbl.is Krónan lögð til grundvallar
Tilkynna um óviðeigandi tengingu við frétt

Líkir Bill Clinton Bandaríkjaforseta við Erdogan Tyrklandsforseta

Uppsagnarbréf frá Janet Reno dómsmálaráðherra Bandaríkjanna 1993

Mynd: Bandaríkjunum 23. mars 1993; allir ríkissaksóknarar reknir, þ.e. forsetinn krefst afsagnar þeirra

Einn öflugasti bloggari landsins líkir uppsögnum Bill Clintons Bandaríkjaforseta á öllum ríkissaksóknurum Bandaríkjanna við einræðistilburði Erdogans Tyrklandsforseta í dag. Sagt er einnig í svo kölluðum "fréttum" svo kallaðra "fjölmiðla" þessa dagana, að "fólk" sé farið að hafa "verulegar áhyggjur" af "málinu"

Krækja: Erdogan gaf tóninn.

Fyrri færsla

48 til 73 milljarðar þurfa að fara til varnarmála okkar á ári


mbl.is 46 ríkissaksóknarar taki pokann sinn
Tilkynna um óviðeigandi tengingu við frétt

48 til 73 milljarðar þurfa að fara til varnarmála okkar á ári

Varnarmálaútgjöld Bandaríkja Norður-Ameríku á tuttugustu öld

Mynd: Varnarmálaútgjöld Bandaríkja Norður-Ameríku á tuttugustu öld, hlutfall af landsframleiðslu

Í gær birti Hagstofan enn eitt heimsmet Íslands í hagvexti. Landsframleiðslan á fjórða ársfjórðungi í fyrra jókst um 11,3 prósent á milli ára. Og þar með var hægt að gera hagvöxtinn fyrir allt síðasta ár upp og var hann í heild 7,2 prósent, sem einnig er nálægt heimsmeti

Verg landsframleiðsla fyrir árið í heild var 2.421.959.000,00 krónur, sem er einn besti gjaldmiðill veraldar. Í milljörðum eru þetta 2422 stykki af svoleiðis

Til varnarmála hins dýrmæta lands okkar og þjóðar ættum við sem lágmark að eyða 48 milljörðum króna, sem eru aðeins tvö prósent af landsframleiðslunni. En vegna þess hve seint við förum af stað í uppbygginu varna landsins, þá þyrftum við að eyða um það bil 6 prósent af landsframleiðslu í uppstartið, eða eins og Bandaríkjamenn gerðu í enda Kalda stríðsins, þegar varnarmálaútgjöld bandaríska þjóðríkisins voru, í fyrsta lagi, komin niður úr 42 prósent af landsframleiðslu í Síðari heimsstyrjöldinni og, í öðru lagi, niður í 12-10 prósent af landsframleiðslu á fyrri helming Kalda stríðsins, er þeir gættu lífs, lima og eigna íslenskra barna og fjölskyldna þeirra

Í dag nota Bandaríkjamenn 3,61 prósent af landsframleiðslu til varnarmála og þeir borga einnig 74 prósent af varnargetu kostnaði 27 annarra NATO ríkja, sem annars væru varla til. Þessum skollaleik 27 NATO-landa frá og með 1991 -og þar á meðal erum við- er frá og með nú lokið

Við þurfum því einnig að geta lagt okkar að mörkum til varnar Bandaríkjunum því þau hafa svo lengi lagt ofboðslega mikið af mörkum okkur til varnar og aðstoðar. Nú gengur ekki lengur að haga sér eins og aumingi. Við erum ekki aumingjar og ættum því ekki að koma fram sem aumingjar

Þegar Ísraelsríki lýsti yfir sjálfstæði sínu 1948, þá var sú þjóð ekki nema rétt rúmlega tvöfalt fjölmennari en við erum núna, í sínu landi. Sú þjóð varðist þá samstundis-innrásum allra aðliggjandi nágrannaríkja. Hún varðist og hún varðist og hún sigraði. Við, hins vegar, þurfum einungis að sigrast hér á okkur sjálfum

Flugfloti Norðmanna telur meðal annars 60 stykki orrustuþotur, 6 stykki Orion kafbátaleitarvélar og í pöntun eru 5 stykki nýjar P-8 Boeing slíkar vélar. Alls er flugfloti Norðmanna yfir hundrað vélar. Okkar flugfloti er hins vegar enginn á þessu varnarsviði

Þetta gengur ekki lengur. Við ættum sem lágmark að geta sjálf staðið fyrir loftrýmisgæslu okkar með okkar eigin herþotum og með okkar eigin flugmönnum, áhöfnum, viðhaldsliði, vopnum, flugvöllum og að minnsta kosti tveimur birgðavélum. Kafbátaleit ættum við með tímanum líka að geta tekið yfir. En númer eitt er að geta stuggað óvinum út úr lofhelginni og skotið vont niður ef með þarf

Við megum þakka fyrir að vera staðsett á Vesturhveli jarðar því þar mun eina pólitíska stöðugleikann í veröldinni vera að finna næstu 100 árin. Allur hinn pólitíski stöðugleiki Austurhvels jarðar -gamla heimsins- er að brotna upp og þar er Evrópu-Asíu landmassinn að tvístrast upp í pólitískar frumeindir sem enginn veit hvenær og hvernig munu lenda. Evrópa, Asía og Mið-Austurlönd eru komin í upplausnarferli. Enginn veit hver útkoman verður

Svo kæru Íslendingar, það er bara að setja í gang og koma landvörnum Íslands fyrir í öllum landsfjórðungum, þar sem hver flugvarnarstöð muna verða lyftistöng fyrir alla landshluta. Þetta yrði ein flott lyftistöng fyrir allt okkar fullvalda og sjálfstæða þjóðríki. Við getum þetta og verðum að gera þetta, því engin sanngjörn afsökun fyrir að bregðast skyldum okkar dugar lengur

Fyrri færsla

Vandamálahælið Evrópa - fundur í Antalya


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband