Leita í fréttum mbl.is

Bloggfærslur mánaðarins, desember 2013

"Seljum" peningaprentvélina II - nú er það KEF

Traders "in airports and bloody ports"

Þegar orðið fjárfestir er notað á íslensku þá er ekki átt við það sem á ensku kallast "trader". Fjárfestir er maraþonhlaupari. Hann stundar hvorki kaup né sölur, því hann þarf þess næstum aldrei. Hann er nefnilega ekki "trader" sem alltaf eru að kaupa og selja, því allt er endalaust og ávallt frá Tipperary-byrjun þeirra vitlaust keypt

Hvað er það sem fær fullvita menn —"operating out of Zürich"— til að leggja því þvaðri hér til hafnar að til dæmis íslenska ríkið, sveitafélög eða jafnvel atvinnufyrirtæki, selji undan sér það sem skaffar þeim stöðugan straum tekna, ár eftir ár og áratug eftir áratug. Hvað fær menn til að leggja slíkt til málanna. Sennilega einungis "trader" í dulargerfi "fjárfestis" - kaupsölumaður

Það heimskulegasta sem íslenska ríkið gæti undir öllum kringumstæðum gert, er að selja undan sér eignir sem skaffa því endalausan straum tekna og gróða í þjóðarbúið. Að leggja til að selja til dæmis Keflavíkurflugvöll er enn verra og heimskulegra en það sem farið er fram á að gríska ríkið geri sjálfu sér illt, til að þóknast Treuhand-anstöltuðum kröfukrötum í myntbastarðar fangabúðum Evrópusovétsambandsins; - að losa sig við tekjulindir sínar

Keflavíkurflugvöllur og hafnir Íslands eru ekki bólutengdar eignir

Svo er að minnsta kosti enn, sem betur fer. Og vonandi verður svo áfram. Fjárhagsstaða hins opinbera í þjóðarbúinu mun ekki batna við að selja eign eins og Keflavíkurflugvöll. Staðan myndi hins vegar einungis versna því hagnaðinum yrði skipað út til annarra landa. Til annarra soltinna landa sem eiga til dæmis engan Keflavíkurflugvöll á átjándu stærstu eyju veraldar. Og sem er strategísk eign íslenska ríkisins og að hluta til gjöf frá Bandaríkjamönnum

Ef um einhvern aukinn gróða nýrra eigenda yrði að ræða við slíka sölu, þá myndi hann undantekningarlaust verða málsverður á borði kaupsölumanna sem undantekningarlaust yrði neytt erlendis, það er að segja; utan þjóðarbúsins og í þeim kaupkrafti erlendra þjóðhagsreikninga sem Martin Wolf rassskellti Heiðar Má Guðjónsson með (myndbandi VÍB eytt, delete delete delete deleted, selt selt selt)

Summan af eignarhalds-tekjulindum ríkisins af Keflavíkurflugvelli er jákvæð svo langt sem augað eygir. Við höfum hér hinn djúpa disk á borði Íslendinga og þurfum ekki undirskálar til að kasta svona sprúdelútvötnuðum hugmyndum í

Þökk sé glæframönnum urðum við Treuhandanstalti meginlands Evrópu næstum því að bráð. Aðeins fullveldi lýðveldis Íslendinga og gjaldmiðill þess kom í veg fyrir að við yrðum sú bráð

Fyrri færsla

Síðasta hníf ársins og þeim fyrsta kastað í hjarta ESB

Tengt

"Seljum" peningaprentvélina I 


mbl.is Mætti selja Keflavíkurflugvöll
Tilkynna um óviðeigandi tengingu við frétt

Síðasta hníf ársins og þeim fyrsta kastað í hjarta ESB

Standard & Poor's 20. desember 2013.
 
Standard & Poor's lækkaði lánshæfnismat Evrópusambandsins föstudaginn þann 20. desember 2013.

Með marðarspelkusáttmála Evrópusambandsins hinn 1. nóvember árið 1993, frá Maastricht af, varð Evrópusambandið sjálfstætt ríki yfir öllum þeim ríkjum sem í sambandinu voru - og svo þeim ríkjum sem síðan þá hafa ofan í það fallið. Og þau eru mörg og flest sovétríki

Já. Evrópusambandið varð frá og með 1. nóvember 1993 sjálfstætt yfirríkisríki, en þó ekki fullvalda. Það verður það ekki fyrr en fullveldi undirríkja sambandsins í gíslatökuvefjum þess hefur að fullu verið tappað af og pumpað niður úr ríkjunum sem öll eiginhandarárita þá sáttmála, lög og lagnir sem beina því úr landi og yfir til yfirríkisbræðslustöðva Evrópusambandsins í Brussel. Fyrir því er nú hart barist af elítum sambandsins. Jafnt nú sem og öll hin síðustu 55 ár misfóstursins
 
Soghljóð evrunnar —á tuttugasta ári marðarkrypplings ESB— sem við  heyrum koma frá allsherjar niðurfalli Evrópu niður í ESB, er einmitt það. Soghljóð fullveldisdælunnar er vinnur nótt sem alla einskisnýta daga Evrópusambandsins við að bræða fullveldi ríkjanna niður í gömlu mót einræðisins

Fullveldið getur bara verið á einum stað í einu. Og bara í einu ríki í einu. Á einum stað sem einn hnappur væri. Annars væri það einskis virði. Þökk sé því, var í einum grænum hægt að kalla þing saman á Alþingi Íslendinga og setja hér neyðarlög, sem og öll önnur lög Lýðveldisins
 
Fullveldið var og er okkar - og aðeins okkar. Við réðum og ráðum ráðum. Og hin íslenska mynt, krónan, er einn mikilvægasti framkvæmdaarmur fullveldis okkar. Að missa hana er eins og að missa skrúfuna og allar árar samtímis. Þá myndi þjóðríki okkar Íslendinga sogast niður í bræðsluna
 
Síðan í kjölfar Maastricht-sáttmálans 1993, var sjálfri yfirstjórnarskrá allra landa Evrópusambandsins —Lissabonsáttmálanum— samfellt í sjö ár nauðgað í gegnum þjóðþing þeirra landa sem í sambandinu eru. Og enginn kjósandi var í því ferli spurður álits á neinu, nema á Írlandi og þar sögðu þeir nei, þar til að í nægum yfirríkislegum hótunum hafi verið haft við þá
 
Í þessari gegnumnauðguðu yfirríkisstjórnarskrá Evrópusambandsins stendur svart á hvítu að evran er mynt sambandsins. Öll ríki nema tvö eru samkvæmt hinni yfirríkislegu stjórnarskrá skuldbundin til að taka upp evru og þar með að dæla öllu fullveldi sínu í peningamálum yfir í evru sambandsins - um aldur og ævi

Evrópusambandið krefst "héraðsisma" og notar hann sem eitt af helstu verkfærunum til að slökkva á þjóðríkjunum til að geta dælt úr þeim fullveldinu. Það skiptir sér meira og meira af "héraðsmálunum" undir yfirskini "byggðaþróunar". Tilgangurinn er auðvitað að brjóta upp þjóðríkið og útrýma því súrefni og jarðvegi sem alið getur af sér heilsteypt þjóðríki borgara sem hafa með sér sameiginlegan tilgang og sameiginleg markmið
 
Koma þarf í veg fyrir að þrifist geti þjóðríki sem sjálf setja sér þau lög sem þau lifa í samræmi við. Í þennan vandalisma ESB á þjóðríkjunum fer m.a. mútufé Brussels; til að drepa hið þjóðbernska afl þjóðríksins (e. natal energy)
 
Nú hefur sem sagt Standard & Poor's lækkað lánshæfnismat Evrópusambandsins í Brussel, þangað sem illa fengið og súrefnisdrepandi mútufé evrópska elítuaðalsins streymir til útmútunar stjórnmála- og embættismanna í öllum héruðum meginlandsins í einu allsherjar samsæri þeirra gegn kjósendum
 
Eru þá hinir svo kölluðu björgunarsjóðir; réttnefndir drekkingarsjóðir Evrópusambandsins; þar með taldir. Úr skúffusetti Standard & Poor's eiga margir hnífar eftir að fljúga til ESB. Þessi hér stakkst sjálfkrafa af stað er gamla skápasett sovétsósíalista Evrópu hrökk marrandi upp af fjöður sinni á ný

Fyrri færsla
 
 

Saxo Bank: Evrópusambandið mun birtast sem nýtt Sovétríki á næsta ári

Saxo Bank 2014 predictions - We have gone full circle back to a Soviet Union model
 
Spádómar Saxo Bank fyrir árið 2014 eru meðal annars þeir, að á því ári mun Evrópusamband elítuvelda meginlands Evrópu taka lokaskrefið í langri röð slíkra skrefa sambandsins til fullforherts einræðis. Það muni á árinu 2014 birtast heiminum sem nýtt alræðisríki yfir Evrópu (e. a totalitarian European state). Saxo Bank er fjárfestingarbanki

It will be the final move towards a totalitarian European state and the low point for individual and property rights. We have gone full circle back to a Soviet Union model.
           - Steen Jakobsen Chief Economist Saxo Bank
 
Verðhjöðnun mun trylla elítuveldi meginlandsins. Eignaréttur verður pressaður og mölvaður til hins óþekkjanlega undir fyrir löngu klöppuðu og kláru laga- og dómstólaverki sambandsins til einræðis. Til alls þessa —og frá upphafi— var laga og regluverk sambandsins samið og dómstólar þess fyrir komandi einræði á svið settir; til handa nytsömum afglöpum

Byltingar munu verða í tveim löndum hins nýja Sovétríkjasambands Evrópu (NSU, áður nefnt EU, en á íslensku ESB)

Fjármagns- greiðslu- úttektar- millifærslu- og gjaldeyrishöftum verður skellt á

Eignaupptaka verður framkvæmd hjá þeim sem eiga eignir er nema hærri upphæð en þeirri sem diktöt NSU segja fyrir um á hverjum tíma, undir endurnýjuðu einræði NSU yfir meginlandi Evrópu

Þýskaland mun hrynja niður í kreppu. Herlög undir herstjórn verða sett á í fleiru en einu vestrænu ríki

Margt fleira nýtt (og gamalt frá 1914) er að finna í spá Saxo Bank fyrir okkar næsta ár, sem skrifast 2014. Hana má nálgast hér: PDF (14Mb)
 
Fyrri færsla
 

Fyrirsagna-vísitölur eins "Evrópusambands" verri en E1914 og E1930

E2013
 
Hafi greinendur fyrir því að skyggnast á bak við gluggaútstillingar CBRE-fasteigna vísitölunnar á sviði atvinnuhúsnæðis í Þýskalandi — og það hefur Standard & Poor's gert— þá útstilla hin brennandi eignasöfn bankakerfis hins "sterka Þýskalands" sig þar nokkuð sjálf sem einn allsherjar vöxtur gjaldþrota og eignabruna
 
 
Verðmatsvísitala Standard & Poor’s yfir atvinnuhúsnæði í Þýskalandi er í hrópandi mósögn við sömu vísitölumælingar atvinnuhúsnæðis CBRE-fyrirtækisins þar í landi
 
Mynd, Standard & Poor’s 9. desember 2013; Verðmatsvísitala Standard & Poor’s yfir atvinnuhúsnæði í Þýskalandi er í hrópandi mótsögn við sömu vísitölumælingar atvinnuhúsnæðis CBRE-fyrirtækisins þar í landi
 
For some sectors—such as German offices, for example—this sample of properties does indeed show significantly more negative performance than some of the headline indices may suggest (see chart 13) [..] This partly explains why the majority of loans in European CMBS transactions are defaulting as they reach maturity, with many borrowers still deeply in negative equity at the time they need to refinance their loans.
 
Í sömu greinargerð Standard & Poor's frá þeim sama 9. desember 2013, kemur fram að bankakerfin á evrusvæði ESB búa við miklu hærri endurfjármögnunaráhættu en bankar og fjármálastofnanir búa við í nær öllum öðrum hlutum veraldar
 
Þessu verður áfram að halda leyndu, hvað sem það kostar. Enginn má komast að hinu sanna um ástand fjármála- og bankakerfa öldrunarhagkerfis Þýskalands og enginn má komast að hinu sanna um ástand hinnar undirliggjandi eyðileggingar evrunnar í öllum löndum myntbandalagsins. Meginlandi Evrópu hefur hún rústað og það til frambúðar, eftir að myntbandalagi Evrópusambandsins var þar komið pólitískt á yfir fólkið af elítuveldum ESB-landa. Allt gengur því þar, samkvæmt áætlun
 
E1914
 
Europe 1914 vs. Monetary Union Today
The difference is that World War I was a tragedy, not a crime. "Monetary union is a tragedy and a crime." - By Bernard Connolly
 
Í haustútgáfu tímaritsins The International Economy (krækja), ritar Bernard Connolly nýja grein um meginland Evrópusambands dagsins í dag miðað við Evrópusambandslaust meginland Evrópu 1914. Þar segir; Heimsstyrjöldin fyrri var ekki glæpur, hún var tragedía. "Myntbandalag Evrópusambandsins er hins vegar bæði tragedía og glæpur." 
 
E1930
 
Evran er Skjaldborg gegn kreppunni, Barroso í ræðu febrúar 2009
 
Mynd; fyrirsagna-vísitala forseta framkvæmdastjórnar Evrópusambandsins, sem ég veit ei hvað stjórn sú "framkvæmir" - annað en að framsögukvæma stundvísar tölur sínar til eyðileggingar Evrópu
 
Paul Krugman; I’ve mentioned before that at this point Europe is actually doing worse in the aftermath of the 2007 crisis than it did in the Great Depression - 
If Only It Were the 1930s, Europe does worse

 
Fyrri færsla
 
 

Álagsprófskírteini þýskra doktora í peningamálum

Mynd - Financial Times - average eurozone sovereign rating
Mynd: meðaltals-lánshæfnismat evrusvæðis - FT
 
Eins og sumum er kunnugt þá hafa afar hátt settir þýskir stjórnmála- og embættismenn verið staðnir að því að hafa falsað prófskírteini og doktorsritgerðir sínar úr helstu háskólum landsins. Sumir hafa þurft að segja af sér. En auðvitað ekki fyrr en upp um þá var komið út í pressu

Þar sem um sjálfa vélavél myntbandalagsins er að ræða —Þýskalandið— er afar mikilvægt að hafa það fast í þínum huga, að öllu því sem raunverulegu máli skiptir innanborðs í banka- og fjármálakerfi Þýskalands og evrusvæðis þess, verður á einn eða annan hátt haldið földu og leyndu utan við hið komandi álags- og eignagæðapróf peningayfirvalda evrusvæðis (e. asset quality review, before stress test)
 
Og eins og allir vita þá álítur Þýskaland sig ekki vera kerfislega-mikilvægt, þar sem það er jú kerfið sjálft. Það býr því sjálft til sínar eigin undanþágur eins og því sjálfu hentar
 
Álagprófið á að fara fram á "kerfislega mikilvægum" bönkum myntsvæðisins í örvæntingarfullri tilraun höfunda þess til að búa til svo kallað "bankabandalag", sem leyna mun eiga sköpun hins komandi en földu eignayfirfærslubandalagi fyrir þýskum almenningi og umheiminum (þ. Transferunion)
 
Stress-prófa á kerfið sem er að kæfa Evrópu. Það verður auðvitað að virka. Allt verður áfram gert til að hægt sé að halda sannleikanum frá alþjóðlegum fjármálamörkuðum og frá fólkinu í löndum myntbandalagsins, eins og ávallt hefur verið gert frá því að fyrirbærinu var laumað yfir lönd þess
 
Þýskalandið;
Sparkassen er það sama og Landesbanken
sem er það sama og embættis- og stjórnmálamenn
sem er það sama og eruophiles
(S=L=P=E)
 
WSJ; In late-night negotiations last December, German Finance Minister Wolfgang Schäuble ensured that day-to-day supervision of all but one of the 417 Sparkassen—the largest, the Hamburger Sparkasse is the exception—will remain in German hands, even when the European Central Bank becomes the euro zone's banking policeman next year [..] It also includes the Landesbanken, big accident-prone public banks co-owned by the savings banks and regional governments
 
Íbúar og fyrirtæki á þessu myntsvæði þurfa nú —og um alla framtíð þess— að lúta þeim hrikalegu örlögum að búa við þjóðhættulega hátt raunvaxtastig og ömurlega pólitískt- og réttarfarslega svikið framboð af fjármagni, sem undir sáttmálalegri uppskrift ESB að æ vaxandi einræði, mun skaffa fólkinu þúsund ára massíft atvinnuleysi og nýörbyrgð

Hin pólitísku þýsku beinagrindasöfn Landesbanka-kerfis í gegnum stærstu sparisjóði Þýskalands, þola ekki þetta álagspróf. Vinna því þýskir stjórnmálamenn nú þvers á alla flokka saman að því að nýmála hinn pólitískt rotna hluta fjármálakerfis landsins sínum hefðbundnu eðlislægu felulitunum. Fer þar mikil samvinna fram af sameiginlega hertum hug. Þeim sama hug og nú krefst þess að öll lönd evrusvæðisins, nema tvö, aðlagi sig að myntinni sem er að rústa þeim

Í greinargerð Standard & Poor's frá 9. desember 2013, kemur fram að bankakerfin á evrusvæði ESB búa við miklu hærri endurfjármögnunaráhættu en bankar og fjármálastofnanir búa við í nær öllum öðrum hlutum veraldar
 
Að vera banki og fjármálastofnun á sjálfsköpuðu geðbilunarsvæði myntbandalags Evrópusambandsins, er fyrir löngu orðið eins og spáð var; þ.e.a.s peninga- og fjármálakerfi skapað til rekstrar á hinni myrkvuðu hlið tunglsins; Banking in a Monetary System for Assorted Lunatics
 
Hin efnahags- og fjármálalega borgarastyrjöld innan myntbandalags Evrópusambandsins heldur áfram. Hefur hún nú í nomenklaturu hugum eruophiles — og loksins! loksins! að þeirra mati— náð stórskotaliðsstöðu niður á jafnvel hinar æðstu þing- og stjórnarfarslegu stofnanir heilla ríkja myntbandalagsins, sem nú undir evru í rúst liggja. Þýskalandið, sporbaugslönd þess og eurphiles þeirra, eru loksins staðbundið að sigra meginland Evrópu með því sem frá upphafi eingöngu í heiminn var fætt, og í stöðu sína sett, til höfuðs Bandaríkjum Norður-Ameríku; Evrópusambandinu

Le Cancer américain
á hlaðborðum Table Ronde

Og vinsamlegast gleymið því ei, að þetta frá fyrst 1926 —og (síðar uppnefnt ECSC) stálkolaða og svo kallaða "ESB-samvinnuverkefni" Vichy-hersetuliðs-ríkisstjórnar hins ófrjálsa Frakklands og nasistaflokkaðs Þýskalands— var auðvitað strax endurreist og þegar stóriðnaðarlega í gang sett árið 1940 - á landssvæði Lotharinga
 
Engan skal því furða að s.-skrifarar og fleri fjórðusíðu talsmenn um "áætlunarráð ríkisins" frá 25. nóvember 1969 á Íslandi, geri áfram sitt heilaþvegna tilkall til aðildar þjóðríkis Íslendinga að Evrópusambandinu. Heil þjóðríki og þjóðir þeirra er vel hægt að þurrka út úr tilverunni. Já, útrýma þeim. En þó aldrei af blöðum sögunnar. Það er ekki hægt. Ekki af blöðum sögunnar. Aldrei - þó mikið sé reynt
 
Tengt
 
 
Fyrri færsla
 

Tími gangsetningar fjármagns- og gjaldeyrishafta nálagst á öllu evrusvæðinu

Öll lönd evrusvæðisins eru með verðbólgu sem er næstum því núll og er hún þar með víða 180 prósentupunktum minni er verðbólgumarkmið ECB-seðlabankans segja fyrir um

Fimm lönd evrusvæðis eru komin út í fullkomna verðhjöðnun. Hún hækkar skuldir ríkjanna miðað við tekjur þeirra, sem skreppa meira og meira saman. Laun almennings og tekjur landsframleiðslunnar duga skemur og skemur fyrir greiðslum af skuldum og fyrir endurfjármögnun risavaxinna ríkisskuldbindinga stjórnmálamanna
 
John Dizard skrifar í FT; "American investors who make decisions by weighing sell side research or listening to cable news are underestimating the risks of the fragmentation of the euro area’s economies and banking systems. Europeans are far more aware of the degree to which banking systems and government bond markets have become renationalised, with proportionately much thinner cross border capital flows" 
 
Á skotgrafa-sundurgröfnu myntsvæði evru Evrópusambandsins, hefur atvinnuleysi víða á myntsvæðinu nú þegar náð for-Hitlerskum-1930-hæðum. Atvinnuleysið vex sem þykkt þekjandi illgresi yfir eignir sem eru að deyja undir verðhjöðnun. Fólkið ryðst út á götur og stræti í evrulöndum til að mótmæla þessari Evrópusambands-uppbyggingu nýs sovétríkis yfir líf þeirra; NSU

Því nær sem allt evrusvæðið þokast hinu eyðileggjandi heljargljúfri fullblásinnar verðhjöðnunar, því nær þokast svæðið einnig í þá átt að á því öllu verði samtímis gripið til allsherjar fjármagnshafta; gjaldeyrishafta, yfirfærsluhafta, úttektarhafta og millifærsluhafta eins og gerst hefur locus classicus á sovétríkjandi peningaumdæmi ESB á Kýpur. Og sem fullar heimildir eru fyrir í öllum NSU-sáttmálum Evrópusambandsins; sem enginn stjórnmálamaður las, en sem allir fyrir skriffæralausar hendur fólksins skrifuðu þó undir í reykfylltum bakherbergjum ESB út um allt
 
John Dizard skrifar í FT; "The combination of fiscal austerity and private sector depression in peripheral Europe – the so-called “adjustment” – has if anything increased the risk of capital controls, even, in some cases, outright exit from the euro area"

Árið 2014 verður hörmulegt fyrir þjakaða íbúa evrusvæðisins. Óhætt er að segja að lítið og jafnvel minna en ekkert sé þar samkvæmt langri hefð að marka neinar hagspár Evrópusambandsins fyrir næsta ár; sem er 12 mánuðir. Þær eru slæmar, en raunverulekinn, samkvæmt venjum ESB, verður enn verri. Hagspár embættismanna Evrópusambandsins fyrir árið 2015 á evrusvæðinu eru því miður ennþá meiri þvættingur og henni líta því allir burt frá

Ef það er eitthvað sem fjárfestar hata þá er það verðhjöðnun. Jú, þeim er illa við mikla verðbólgu. En drepsótt verðhjöðnunar er þeim sem verandi mörgum sinnum verri en verðbólgumartröð. Þá kemur merkið; pull-out! pull-out! exit! exit! alltaf allt of seint. Og þá hurðarása-klappa höftin í lás, svo að hinir nú þegar ónýtu bankar evrulanda brasi ekki í gegnum neyðar snjóþrúgufæra eggjaskurn myntbandalags Evrópusambandsins
 
Síðasta "bankabjörgun" er enn að hengja löndin á fullu afli og sú næsta verður algerlega óviðráðanleg. Gersamlega óviðráðanlega óviðráðanleg 
 
Fyrri færsla
 

Þokubakkastjórnmál ECB-skýjaseðlabanka Evrópusambandsins

Í vikunni lækkaði tæknigeira-greinandi UBS-bankans, Steve Milunovich, mat stórbankans á tæknafyrirtækjunum IBM og Accenture. IBM eru sem kunnugt Alþjóðlegar Skrifstofuvélar og Accenture er tölvuráðgefandi fyrirtæki á sviði upplýsingatækna-tækni og sá tölvunarráðgefandi hluti er lifði af sjálfsslátrun endurskoðunarfyrirtækisins Arthur Andersen á sjálfu sér er það dó

En í sömu aðgerð hækkaði hins vegar Milunovich mat sitt á tölvutæknifyrirtækinu Apple, sem stofnað var í amerískum bílskúr árið 1976, vegna þess —sagði hann— að fyrirtækið Apple væri heiðskírt fyrirtæki á sviði tölvutækni —"the uncloud company"— og því "réttu megin við skýin". Heiðskírt tæknifyrirtækið Apple, sagði Milunovich, væri þannig að éta í sig markaði ofangreindra tveggja "tækna-fyrirtækja" - sem nú fossrignir niður á þrálátum og langvinnum líklegum fyrirtækjanna

Þessa sömu leið mun tvístruðu Android rigna niður í sömu fötu og klessukeyrðum sundruðum götustráka hugbúnaði símafyrirtækja hefur rignt nú, úr meðal annars fjöldagröfum Novell

Hér í leiðinni er einnig hægt að geta þess, að í maganum á Accenture liggur nú Nokia-stýrikerfið Symbian í slipp, þar til því verður sturtað þaðan niður út í sjó

Steve, þetta tókst! Apple er byrjað að taka kerlingarknúna rigninguna úr IBM niður í þakrennurnar á meðan hitt fyrirtækið (Microsoft) rennur mjúkt niður í klósettið, því það er meðal annars komið með Nokia í magann, eftir að hafa beðið svo lengi á sama stað eftir Lognhorn

Það var karl-kerlingin Lou Gerstner sem skipaði IBM að hætta hundrað prósent in-house þróun fyrirtækisins á undrabarninu OS/400-stýrikerfinu. Það þótti honum nefnilega svo "áhættusamt". Hægt er að umskrifa þá heimsku yfir í að það væri "of áhættusamt" fyrir IBM að vera hundrað prósent tæknifyrirtæki og gera ekkert annað en að vera sjálfu sér samkvæmt; þ.e.a.s að vera eingöngu ekta tæknifyrirtæki. Rignir því fyrirtækinu niður í þakrennur annarra sem úthýstum Fiorina-compökkuðum kerlingardropum

Setning vikunnar

Og svo er það setning vikunnar sem leið. Lars Christensen hjá Danske Bank hlýtur að eiga heiðurinn af henni, er hann sagði; að "peningaþurrðar-ástandið á evrusvæðinu væri japanskt ástand og að ECB-seðlabankalingur Evrópusambandsins væri að gera öll þau sömu mistök sem seðlabanki Japans hóf og framkvæmdi án afláts" (en þó með aflátsbréfasölu bankans til innlendra gamalmenna), frá því að hagkerfi Japans hóf hið sjálfskapaða þúsund ára útþurrkunarferli sitt á árið 1989. Undir einmitt klaustur-stjórn japanska seðlabankans og 55 ára samfelldri ríkisstjórnarsetu sama fólks yfir landinu

Lars Christensen: “But low rates mean nothing. What the ECB has done is to prop up banks and countries through credit policy. That is not monetary policy,” he said 

Já. Skýjastjórnmál eru ekkert grín. Sjáið bara Jóhönnu, Össur, Steingrím, Ögmund, Árna þó og kó: þeim rignir nú bókstaflega niður sem skrifstofupökkum yfir borgríkis þjóðina

Fyrri færsla

Byggðastefna höfuðborgarsvæðisins gangsett


Byggðastefna höfuðborgarsvæðisins gangsett

Jæja. Þá er í verk sett stærsta byggðastefnuklambur Íslandssögunnar. Reykjavík og nágrenni hennar er með aðstoð stjórnmálamanna Framsóknarflokks og Sjálfstæðisflokks reynt að bjarga frá sjálfskaparvítinu sem þar varð til

Reynt er nú að halda svæðinu í byggð með því að skattleggja þrotin þrotabú höfuðborgarsvæðisins og þann fjármálatengda atvinnurekstur sem enn er uppistandandi í rústum Reykjavíkur & Co - og svo náttúrlega þá sem aldrei dönsuðu brjál

Og hvergi annar staðar í Íslandsögunni en einmitt á þessu eina eina höfuðborgarsvæði landsins, hefur annað eins byggðastefnuverkefni í verk verið sett. Neðan- og uppúr þessari holubjörgun brunarústa höfuðborgar landsins, stingst svo tindur manngerðs eldgoss Kredithörpunnar, sem enn ein nýmálaða nýskelfing ekki-fjármunamyndunar stjórnmálamanna staðarins

Já, þetta er sjálft "borgríki" xD fulltrúans, höktandi um á brauðfótum, enda algerlega nýfætt fyrirbæri Íslandsögunnar. Skjálfandi fótalaust og blautt á bak við bæði eyru

Helstu útflutningsafurðir höfuðborgarsvæðisins eru íslenskir ríkisborgarar. Og sem ekkert fæst fyrir á útflutningsmörkuðum, nema kröfur. Við skulum ekki minnast hér á allt innflutningstapið

Ef "borgríki" Reykjavíkur og nágrennis heldur áfram á þessum nótum, þá mun það af stað koma forsendubraki- og brestum alls þjóðríkis Íslendinga. Þetta vitið þið vel kæru stjórnmálamenn, sem hér eruð að yrkja atkvæði ykkar á kostnað annarra. Ef þið hins vegar vitið þetta ekki, þá eruð þið afglapar

Af svona byggðastefnu ykkar leiðir:

****

  • Verðbólga verður meiri. Það þekkja þeir sem búa á höfuðborgarsvæðinu því þeir hafa knúið verðbólguna áfram með eins konar hurðaskellum
  • Bólumyndun í hagkerfinu verður eðlilega meiri
  • Nýsköpun verður minni því of margir hugsa eins við svipaðar aðstæður
  • Samkeppni minnkar því svæða- og héraðsöfl landsins eru orðin geld
  • Fjölbreytni minnkar því svo fáir vita um alla möguleikana annars staðar. Þeir eru í hjörð sem bítur gras á sama bala á sama stað
  • Fákeppni innanlands og eignaupptaka fyrir utan ferkílómetrana fáu verður ráðandi
  • Samfélagið verður vanskapað, visnar og gæti veslast upp
  • Landið verður tekið af okkur og aðrir munu nema það 

****

Hefði byggð landsins ekki verið svona illa fyrir komið sem einu stóru sogandi svarholi á sama stað, þá hefði þetta ofanritaða aldrei getað gerst. Hið fyrir all nokkru hafna náttúrleysi þessa svarthols mun sjálfkrafa —og endanlega— binda endingar á þjáningar þess. Það verður eins steingelt og öll önnur "borgríki" eru

Það eina sem getur bjargað Reykjavík & Co er að taka höfuðborgartitilinn af henni og flytja hann ásamt þingstað þjóðarinnar, stjórnsýslu landsins, ráðuneytum þess og Seðlabankann norður á Akureyri, vestur á Ísafjörð eða austur á Seyðisfjörð. Þá hefði þessi rústaði staður í það minnsta smá séns og að einhverju öðru að keppa en því að hurðarásaklappa sjálfum sér og öllu landinu í lás

Ekki myndi ég lána þessum stað einn tíkall —kæmist ég hjá því— undir skuldahvatningarstefnu stjórnvalda þessa borgríkis

Fyrri færsla

Þýskaland felur skuldbindingar ríkissjóðs í skattaskjólum


Þýskaland felur skuldbindingar ríkissjóðs í skattaskjólum

Mynd úr; Der Spiegel 49 2013
 
Der Spiegel 49 2013 - Toxische Brühe - Als Bun­des­fi­nanz­mi­nis­ter nutzte Peer Steinbrück 2006 eine irische Brief­kas­ten­fir­ma zum Schuldenabbau
 
Í aðdraganda þess er evrunni var sleppt lausri sem pólitískum merði hins farlamaða Þýskalands og hins sósíalistíska x-elítuliðs Frakklands yfir lönd Evrópusambandsins árið 1999, fóru fram hin ótrúlegustu svikráð ríkjanna í þeim tilgangi að blekkja alþjóðlega fjármálamarkaði undir “hæfniskröfu-tímabili” ríkjanna upp í hina hápólitísku þriggja fösuðu ERM-mynt þeirra, ECU og evruna, frá 1994 til 1999 (the Convergence Criteria Period)

Nú hefur Der Spiegel grafið það upp að fleiri hundruð þúsunda starfsmanna lífeyrisskuldbindingar ríkissjóðs Þýskalands voru fluttar úr landi með aðstoð fjármálasérfræðinga til felustaða í skúffufélögum í skattakerfi Írlands. Tilgangurinn var að fela hallarekstur ríkissjóðs Þýskalands og skatta-fjármagnaðar skuldbindingar hans inn í framtíðina

Þangað voru skuldbindingar þýska ríkisins fluttar árið 1999 af fyrst þáverandi fjármálaráðherra Þýskalands, Hans Eichel, sem lærði samhæfðar Hegelskar Karl Marx doktorsgjörðir sínar sem pólitíska heimsspeki og stjórnmálafræði hins stígandi Evrópusambands í háskólanum í Marburg. Og sem er sú evrópska hámenntun er gerði hann þar með hæfan til að taka við embættinu af þá afsögðum Oskar Lafontaine, fjármálaráðherra sama lands, árið 1999
 
Þarna sat Hans Eichel og flutti lífeyrisskuldbindingar ríkissjóðs Þýskalands sem áttu að fjármagna lífeyrir starfsmanna Deutsche Bundespost, sem svo var klofið upp undir feluleikjum í þrjár frá-sölueiningar þýska ríkisins. Summa frásölunnar rann niður í svarthol ríkissjóðs Þýskalands til fegrunar þjóðhagsreiknings hins að þrotum komna ríkissjóðs þess 

Árið 2005 kom síðan geislabaugaður arftaki Hans Eichel til valda undir nafninu herr hagfræðingur Peer Steinbruck. Hann varð forfallinn fjármálaráðherra Angelu Merkel kanslaraínu Þýskalands frá Austur-Þýskalalandi og sá ráðherra hennar sem þá tók við þessum földu og skattaskýldu lífeyrissjóðum starfsmanna þýska ríkisins, sem ásamt fótum troðnum 2004-aðvörunum þýska seðlabankans, var troðið niður í púðurdós Merkels yfir meginlandi Evrópu
 
Peer Steinbruck sat á hinum földu skattaskýldu lífeyrissjóðum í skattakerfi Írlands fram til ársins 2009, er herr doktor í lögum Wolfgang Schäuble leysti hann af hólmi og tók við sem fjármálaráðherra yfir hinu morkna Þýskalandi Angelu Merkels frá DDR og nú því sem næst öllu meginlandi Evrópu

Í millitíðinni hafa tekjurnar af þessum földu lífeyrissjóðum ríkisstarfsmanna Þýskalands í skúffufélögum þess á Írlandi, verið leynilega notaðar til að fjármagna björgun Dexia-bankans sem eftir þá björgun var sagður skothelt traust fjármálastofnun, en sem nú liggur algerlega gjaldþrotin brunarúst stjórnmálamanna þvers á landamærum handjárnaðra láglanda við Þýskaland

Fjármálaráðherrar Þýskalands hafa verið öflugustu gagnrýnendur á skattakerfi Írlands og sömu aðferðir gríska ríkisins, sem af þeim sökum liggur nú sem ein samfelld logandi brunarúst eftir 31 árs rústunaraðild landsins að þessu Evrópusambandi Karls Marx Hegels og hins þjóðríkisbanandi immaterielle Lennonska fyrirbæris; er Immanuel Kant nefnist
 
Í augum uppi og framundan liggur nú erfið langvinn en ákaflega langþráð sameining Evrópusambandsins við móðurjörð Sovétríkjanna í austri. Þar mun það með tímanum opna landfræðilega stærsta sjónarfarslega misfóstur veraldar
 
Samhæfingin —the coordination— hefur þegar farið fram; svæðin voru stjórnarfarslega forfeðruð fyrir og eru nú stjórnsýslulega konvergeruð undir structural reforms —eru óendanlega skipulagsbreytt —meðal annars með hinum súrefnisdrepandi styrkjaskólpveitum byggðastefnu Evrópusambandsins; sem frá upphafi á laggir var sett til höfuðs þjóðríkinu
 
Fyrri færsla
 

Fullveldisdagurinn: "setti allt sitt traust á alþýðuna"

 

Fáninn

Ísland varð fullvalda ríki þann 1. desember 1918.

"Jón Sigurðsson taldi sér það til mests gildis mörgum árum síðar, að hann hefði afstýrt innlimun Íslands í Danmörku árið 1851." 

"Hann býst við að til pólitískra tíðinda dragi á Íslandi og skyggnist um eftir liði í landinu til þeirrar baráttu sem framundan er."

Sverrir Kristjánsson - 1961 - Rit og blaðagreinar Jóns Sigurðssonar - setur allt sitt traust á alþýðuna - bls liii 53

Mynd; úr bók Sverris Kristjánssonar - 1961 - Rit og blaðagreinar Jóns Sigurðssonar

- setur allt sitt traust á alþýðuna -

Mikið eigum við Jóni Sigurðssyni að þakka. Hann lét ekki leiða sig inn á hið gráa svæði embættismanna. Mikilleiki Jóns Sigurðssonar forseta var einstakur. Hin víðfeðma stór-sýn hans var sem lindin svala, kristaltær og algerlega einstök. Og stefna hans ógnarstór. Bjargföst frá örlátu upphafi - og áfram alla hina löngu erfiðu leið

**** 

Þingmenn sækja umboð sitt til kjósenda. En ekki öfugt. Þeir höfðu ekkert umboð frá Íslendingum til að senda neina umsókn inn til Evrópusambandsins, fyrir hönd Íslands. Ekki frekar en þröng klíka þingmanna hafði undir handjárnaglamri, pólitískum hótunum og valdasmiti neitt umboð fyrir hönd lýðveldis Íslendinga til að sækja um inngöngu í Bandaríkin

Umsóknina verður umsvifalaust að afturkalla og draga alveg til baka. Óhæfuna og svikin gagnvart þjóðinni verður algerlega að afmáð og þau verða að hætta. Umsóknina á því umsvifalaust að draga til baka, fella niður og afmá - og rífa verður aðlögunarferlið og undirróðursverk þess af Lýðveldinu með lagabandormi

Þeirri íhlutunarstofu sendisveinaveldis Evrópusambandsins á Íslandi sem hér blandar sér í bæði stjórnmálaumræðu sem og líf íslensku þjóðarinnar og sem heldur uppi starfsemi hér á landi, verður að loka tafarlaust. Evrópusambandinu og skósveinum þess verði gert að loka áróðursskrifstofu sambandsins hér á Íslandi strax

Og önnur umsókn inn í Evrópusambandið má aldrei aftur — ég endurtek; má aldrei aftur — koma á dagskrá hins háa Alþingis Íslendinga fyrr en einlægur 75 prósenta meirihluti íslensku þjóðarinnar hafi í samfellt 10 ár sýnt að hún af fullri einlægni og heiðarleika vilji sækja um að Lýðveldið Ísland verði innlimað inn í Evrópusambandið og þar með í skrefum lagt niður. Þetta mál er þess eðlis. Ekkert þessu minna er hægt að sættast á

Sterk rök og hjartahreinar tilfinningar íslenskrar þjóðar ættu hins vegar að krefjast allt að 800 ára umhugsunartíma, eins og síðast

Fyrri færsla

Hin köldu kol ritvélaiðnaðar Þýskalands 


Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband