Leita í fréttum mbl.is

Trump hafði rétt fyrir sér, seðlabankinn rangt

Study - Chinese Investment in US Has Fallen 88 Percent Since Trump Took Office

Það tókst: "Made in Bigger Hong Kong" er ekki strategía til framtíðar. Bandaríkin eru að kafna í eigin fjármagni. Þau eru eini frjálsi kapítalmarkaður veraldar. Ekkert borgar sig lengur heima í Kína, peningarnir flýja því landið og við viljum bara alls ekki sjá þá

****

Fyrir ári síðan sagði Donald J. Trump forseti Bandaríkjanna –sem er eini maðurinn með peningapólitískt vit sem gegnt hefur því embætti– að bandaríski seðlabankinn væri bilaður og að stjórn hans væri komin úr böndunum vegna stýrivaxtahækkana sem formaður seðlabanastjórnarinnar kallaði normalíseringu í tæpt ár. Og fjölmiðlarnir sem flestir virtust ófæddir í þágær, sögðu að það væri algerlega óheyrt að forsetinn setti sig svona upp á móti embættismönnum sem segjast vera "sérfræðingar". Það reyndist rugl því Ronald Reagan gerði það líka. Sérfræðingaliðið sem stór-ófædda dagblaðið Washington Post framkvæmdi könnun á, sagði einnig í yfirþyrmandi magni að seðlabankinn væri að gera rétt þegar hann hækkaði og hækkaði stýrivextina, en var þá að gera rangt

En nú hefur bandaríski seðlabankinn stútfullur af sérfræðingum dregið hækkanir sínar til baka og Trump forseti sigrað í málinu. Síðasta og þriðja stýrivaxtalækkunin á þessu ári kom því í gær. Ákvarðanir seðlabankans voru ekki byggðar á peningaviti, heldur sennilega frekar á pólitískri skemmdarverkafýsn ókjörinna embættismanna. Kannski vildu þeir koma forsetanum frá með því að leggja hagkerfið á ís svo að hann myndi ekki skyggja á munkaklaustur þeirra

Vextir eru lágir vegna þess að það er offramboð af peningum af því það er ekki hægt að fjárfesta þeim í neinu sem er nýtt. Tími örgjörvans og tölvunar er liðinn og er sá geiri ekki lengur "high tech" eða hátækni. Fimmtíu ára sveifla þeirrar tækni í öllum sínum birtingarmyndum er búin og sá geiri því verðlagður eins og Cheerios-framleiðandi, þar sem fyrirbæri eins og Facebook er orðið álíka spennandi og gamla símaskráin

Hvað tekur við, veit enginn. Nema að það sé kannski bara helgrænn Bjarni Ben á sovéskum ísjaka. En hér á landi eru þó enn til "nýsköpunar ráðamenn" á opinberri framfærslu sem segja að allir eigi að læra forritun. Þeir menn eru greinilega komnir úr böndunum líka, ef þeir þá nokkru sinni voru í þeim

Hvað segir fimmti iðnbyltingarráðherra Kommahallar Sjálfstæðisflokksins við þessu? Þetta er jú hin fimmta Cheerios-iðnbylting hennar

Fyrri færsla

Kosið var í Weimar um helgina


Kosið var í Weimar um helgina

"German political centre is melting"

- Wolfgang Münchau, Eurointelligence í gær

KJÓSENDUR FRÁ HÆGRI OG VINSTRI FLYTJA SIG UM SET

Stóru fréttirnar frá Þýskalandi þessa dagana –fyrir utan niðurhúrrandi efnahag– eru kosningarnar í sambandsríki þess Thuringia um helgina. Fréttirnar þykja stórar vegna þess að þar var það Die Linke flokkurinn, arftaki SED Marxista- og Lenínistaflokks Austur-Þýskalands, sem sigraði kosningarnar með því að fá 31 prósent atkvæðanna í stað 28,2 prósenta sem hann fékk 2014. Thuringia var áður í Austur-Þýskalandi (DDR) en þá sem þrjú umdæmi

Hvar sótti Die Linke fylgi sitt núna? Jú 51 prósent af fylginu núna eru þeir sem kusu flokkinn síðast. Restin kom úr þessum flokkum: Heil 8 prósent af fylginu kom úr stórtapara-CDU-flokki Angelu Merkels og önnur átta prósent komu úr tapara-SPD-flokki sósíaldemókrata. Aðfluttir voru þrjú prósent og nýir kjósendur voru rúmlega 17 prósent fylgisins. Það sem á vantar kom úr hinum og þessum smáflokkum

Í öðru sætinu kom AfD flokkurinn (Valkostur fyrir Þýskaland) sem fékk 23,4 prósent atkvæða. Hann stökk úr 10,6 prósentum sem hann fékk í kosningunum 2014. Það er meira en tvöföldun

Hvar sótti AfD fylgi sitt? Jú vegna þess hve fylgisaukningin er mikil þá kom ekki nema 30 prósent af fylginu frá þeim sem kusu flokkinn síðast. Restin kom úr þessum flokkum: Heil 14 prósent komu úr CDU-taparaflokki Merkels og þrjú prósent komu úr SPD-taparaflokki sósíaldemókrata. Aðfluttir voru tæplega þrjú prósent og nýir kjósendur voru rúmlega 31 prósent fylgisins. Það sem vantar upp á kom úr hinum og þessum smáflokkum. Kosningaþátttaka þótti góð því hún var 65 prósent og mun betri en síðast, sem væntanlega sýnir aukinn áhuga kjósenda - eða aukna fyrirlitningu og reiði, sem er mun líklegri skýring heldur en hitt. Innflytjendamálin vega þar afar þungt og jafnvel þyngst

Í kosningunum til þýska sambandsþingsins 2017 fékk AfD flokkurinn 12,6 prósent atkvæða á landsvísu. Hann vann á um 7,9 prósentur eða næstum þrefaldaði fylgið, sem var 4,7 prósentur í kosningunum 2013. Þarna í kosningunum 2017 fékk AfD flokkurinn þannig 980 þúsund nýja kjósendur frá CDU/CSU flokksbandalagi Angelu Merkels. Hann fékk líka tæpa hálfa milljón nýja kjósendur frá SPD-flokki þýskra sósíaldemókrata og 400 þúsund nýja kjósendur frá Die Linke (þ.e. arftaka Austur-Þýska kommúnistaflokksins). Sem sagt, AfD fékk jafn mikið frá hægri og vinstri, plús það að hann fékk 700 þúsund nýja kjósendur sem ekki kusu síðast

Getraun: Er AfD-flokkurinn þá hægri öfgaflokkur? Ef já, eru það þá kjósendur Angelu Merkels sem gera hann að hægri-öfgaflokki? Eða er AfD flokkurinn nokkuð vinstri-öfgaflokkur? Ég spyr vegna þess að Nationalsozialistische Deutsche Arbeiterpartei var svo sannarlega ekki hægri-flokkur. Hann var flokkur sósíalista. Gvöööð minn góður! Efnahagsprógramm hans var þar af leiðandi tífaldur Keynes á sterum og seðlabankinn var þjóðnýttur og "innviða-fjárfestingar" ríkisins voru á hundraðföldum sovéskum geðlyfjum. Engin þörf var fyrir þær. En það orð, "innviða-fjárfestingar", er fínt mál yfir hinn Þýska þjóðarsósíalistaflokk verkamanna (nasistaflokkinn), Kínverska kommúnistaflokkinn, Sovéska kommúnistaflokkinn og Fasistaflokkinn á Ítalíu. Næstum allt heila alræðisklabbið

Fólk pissar venjulega í buxurnar er það heyrir orðið "innviða-fjárfestingar" - nema náttúrlega í Bandaríkjunum. Þar er orðið "innviða-fjárfestingar" hálfgert bannorð og tabú. Þar eru það fyrirtækin sem fjárfesta, og ef þeim finnst ekki að það eigi né borgi sig að byggja harðlest eða "borgarlínu inn á Ný-Klepp", engum til gagns, þá er það ekki gert. Punktur. Það er helst þegar að þjóðaröryggi kemur (les. herinn) að bandaríska alríkið er til viðræðu um "innviða-fjárfestingar". Þess vegna pissa menn í buxurnar þegar þeir koma til Kína þessi árin. Sama pissuverkið heltók menn er þeir sáu "hraðbrautir" Hitlers og allar "hraðlestirnar" sem Mussolini var að byggja. Í Sovétríkjunum voru það neðanjarðarlestir í Moskvu og skipaskurðir við Hvítahaf, engum til gagns, plús járnbrautir og allt annað, því ríkið þar var allt í kommaríkinu því

Það gerðist lítið með fylgi Die Linke á landsvísu 2017. Þeir unnu á um 0,6 prósent og fengu 9,2 prósent. En einhvernvegin voru það ekki taldar fréttir að arftaki austurþýska kommúnistaflokksins fengi næstum tíu prósent atkvæða í Þýskalandi. En hvernig má vera að það skuli ekki vera frétt? Mér finnst það meira að segja stórfrétt að þessi flokkur skuli enn vera til, eftir billjón evra yfirfærslur frá Vestur-Þýskalandi til Austur-Þýskalands frá því að múrinn féll (e. trillion). Það finnst mér heldur betur vera fréttir

Þeir flokkar sem mynda ríkisstjórn í Þýskalandi í dag, þ.e. flokksbandalag Merkels og svo SPD, mælast nú með 39,5 prósentu fylgi. Þeir gætu því ekki myndað ríkisstjórn. Og það sem meira er, þeir gætu ekki einu sinni myndað ríkisstjórn með þriðja flokkunum, flokki frjálsra demókrata (FDP). Engir tveir flokkar gætu myndað ríkisstjórn og enn síður gætu tveir skyldir flokkar það heldur. Stóru flokkarnir tveir hafa eyðilagt stjórnmálin í Þýskalandi. Það tók þá aðeins 70 ár að leggja stjórnmálin í Þýskalandi í rúst á ný

Þeir menn í gaukshreiðrum sínum hér og þar í Sjálfstæðisflokknum, sem enn halda að eftir einhverju sé að sækjast úr Þýskalandi fyrir Ísland, verða heldur betur að taka höfuð sitt af herðunum og snúa því við í VESTUR. Immed! Þarna í Þýskalandi er nefnilega ekkert sem nokkurn tíma mun verða ríkisstjórn fólksins í landinu. Það er að segja e. government of the people by the people for the people. Þýski aðallinn kemur í veg fyrir það og hann kann að notfæra sér svona stigvaxandi ástand út í ystu æsar, og Evrópusambandið er snillingur í því líka, eins og sést á sögu þess

Utanríkisstefna Die Linke er; að leysa NATO upp og stofna varnarbandalag með Rússlandi. Heyrðuð þið þetta. Halló. Eyru, einhver

Nýfundnaland hætti að vera til sem sjálfstætt og fullvalda ríki árið 1949 vegna þess að því var bannað að viðhafa ríkisstjórn fólksins. Krafist var góðrar/ábyrgrar ríkisstjórnar (þ. Ordnung eða d. kæft, trit og retning). Og það er það sem gengið hefur á í Þýskalandi í 70 ár. Þýska fólkið kom þar hvergi nærri og mun aldrei koma þar nærri og þannig er nú það. Og þetta land er meira að segja kallað "vélin í ESB". Hvílík firra

Weimar er 65 þúsund manna borg í Thuringia og Gordon A. Craig hafði rétt fyrir sér: Fæðing Þýskalands 1871 var misheppnað fyrirbæri. Það er nefnilega slæm hugmynd að stofna til ríkis og reka það fyrst og fremst sem eins konar OPEC-samkeppnis-kartel. En það er það sem Þýskaland er, og það verður aldrei neitt annað. Þess vegna fór eins og fór 1914-1945. Meira að segja endursameining þess 1990 er svona misheppnuð eins og sést hér að ofan. Hvað gerist næst?

Hvenær skyldu Bandaríkin byrja að huga að flutningi á kjarnorkuvopnum sínum frá Þýskalandi yfir í öruggt land á meginlandi Evrópu. Þýskaland er ekki neitt venjulegt land. Þar geta hlutirnir gerast hreint ótrúlega hratt, eða frá verðhjöðnun yfir í 400 prósent verðbólgu á innan við ári. Þetta dæmi um viðbrögð þýskra neytenda, sem líka eru kjósendur, er einungis nefnt hér til að benda á hraðann. Þýskaland er nefnilega ekki venjulegt land; það er kartel 

Evrópusambandið er líka kartel. Heldur virkilega einhver ennþá að þetta muni fara vel?

Fyrri færsla

Angela Merkel: fjölmenning algerlega misheppnað fyrirbæri. Stríð í Evrópu?


Angela Merkel: fjölmenning algerlega misheppnað fyrirbæri. Stríð í Evrópu?

Þreytuleg

Mynd: Þreytulegur kanslari

ÞÝSKALAND ORÐIÐ MISHEPPNAÐ RÍKI?

Á ráðstefnu CDU ungliðadeildar Kristilega demókrataflokksins í Potsdam um daginn, sagði Angela Merkel kanslari að tilraun Þýskalands með fjölmenningu hafi algerlega mistekist

Innrásin, sem hún sjálf stóð fyrir, hefur ekki mæst vel fyrir meðal kjósenda, sem neita þar af leiðandi að kjósa flokkinn. Sagan um "mömmu Merkel" (Mutti Merkel) fer um þessar mundir sigurför um Afríku þar sem hún er kynnt sem mamma allra Afríkubúa –og heimsins líka– og íbúar hvattir til að fara heim til mömmu í Þýskalandi. Það er meðal annars íslam sem er að sprengja CDU flokk Merkel í loft upp og kljúfa hann niður í flokksrót

POTSDAM, Germany (Reuters) - Germany’s attempt to create a multicultural society has "utterly failed," Chancellor Angela Merkel said on Saturday, adding fuel to a debate over immigration and Islam polarizing her conservative camp.

Fréttin segir að umræðan um útlendinga hafði tekið nýja stefnu eftir að fyrrverandi háttsettur Thilo Sarrazin í þýska seðlabankanum gaf út bók sem sagði að gáfnafar manna í Þýskalandi færi lækkandi vegna múslímskra innflytjenda, sem eru orðnir fjórar milljónir manns í landinu. Kæru lesendur; athugið að ég er einungis að segja frá því sem Reuters fréttastofan er að segja í fréttinni um vélina í Evrópusambandinu, sem vætnalega er þá frétt úr vélarúmi ESB. Ég fann þetta ekki upp

ÞÝSKALAND BÝR SIG UNDIR STYRJÖLD Í EVRÓPU Á NÝ

"Í fyrsta sinn frá því að Kalda stríðinu lauk er stríð á evrópskri grund ekki lengur útilokað" segir "Bundesanstalt Technisches Hilfswerk", eða hið borgaralega hjálparvarðlið Þýskalans (THW). "Nýtt mat okkar á öryggismálunum er það, að stríð í Evrópu er ekki lengur hægt að útiloka. Þess vegna aðlögum við okkur að nýju öryggismati", segir Ingo Bruno yfirmaður THW í Hattingen. En tæki okkar eru löngu úrelt, til dæmis ökutæki. En þeir hafa ekki við að framleiða ný, segir í fréttinni. Elstu ökutækin okkar eru 36 ára gömul en líftími þeirra er 24 til 26 ár, segir Bruno

TWH var stofnað 1950 og byggði á gamla Technische Nothilfe (TN) sem stofnað var 1919 og starfaði til 1945

TYRKLAND SEM BANDAMAÐUR

Það eru ýmsar ástæður fyrir því að betra er að hafa Tyrkland sem bandamann sinn en andstæðing

  • Tyrkir heimta að hafa bandarísk kjarnorkuvopn í landinu
  • Séu þau ekki þar þá smíða þeir sín eigin
  • Ef Tyrkland er ekki bandamaður okkar þá gæti það orðið bandamaður Rússa og Írana
  • Tyrkland hefur verið í NATO frá 1952 og það barðist með Bandaríkjunum í Kóreustyrjöldinni
  • Láti Bandaríkin Tyrkland sigla sinn sjó, þá tryllist Evrópa úr hræðslu af ótta við að NATO, sem Evrópa tímir ekki að borga fyrir, sé að leysast upp. Lönd Evrópusambandsins og sérstaklega Þýskaland líta á Bandaríkin sem hjálparstofnun. En þau bera 75 prósent af kostnaðinum við varnargetu þess. Bandaríkin eru NATO

Sagnfræðingurinn og bóndinn Victor Davis Hanson nefnir enn fleiri erfiðar ástæður um Tyrkland sem bandamann í grein sinni hér

Svipað var uppi á teningum í Víetnam stríðinu. Evrópa var skelfingu lostin yfir því að Bandaríkin myndu kannski slá hendinni af Suður-Víetnam, því þá gæti það sama gerst með Vestur-Þýskaland. Þess vegna voru Bandaríkin svona lengi á kafi í Víetnam. Allt það dæmi snérist um trúverðugleika Bandaríkjanna í Evrópu og getu þeirra til að heyja stríð á mörgum vígstöðvum samtímis

Og fyrst við erum að tala um stríð þá benti ég í fyrri færslu –þessari hér– lesendum á að George Friedman segi að heimurinn sé að ganga í sjálfan sig á ný, og þar með að verða eins og hann ávallt hefur verið, þar sem stríð eru er fastur dagskrárliður samkvæmt mörg þúsund ára hefð. Þeir sem vilja sökkva með Evrópu og Kína þeir um það

Það er því ekki úr vegi að fara í tvær kennslustundir hjá Victor Davis Hanson í Hillsdale College, sem hér fyrir neðan útskýra hvernig Bandamenn unnu Heimsstyrjöldina síðari í lofti og á sjó. Sú styrjöld er eina kerfislæga styrjöldin þar sem tapararnir drápu meira en 70 prósent þeirra 70 milljóna manna sem þar féllu

****

KENNSLUSTUND 1: HVERNIG SIGUR VANNST Í LOFTI

****

KENNSLUSTUND 2: HVERNIG SIGUR VANNST Á SJÓ

****

Fyrri færsla

EES er ekki "samstarf", heldur samsæri


EES er ekki "samstarf", heldur samsæri

Enginn getur haldið því fram að EES-samningurinn sé "samstarf" eftir þriðja orkupakkann. Þar sögðu EES-menn að ekki mætti viðhafa það samstarf sem samningurinn er sagður snúast um. Ekkert samstarf var haft við þjóðina. Ekkert þjóðlegt samstarf var viðhaft, né heldur al-þjóðlegt samstarf, því að Evrópusambandið er ekki al-þjóðastofnun, heldur nýtt sovétríki í smíðum, eins og sést á þriðja orkupakkanum. EES-samningurinn grefur undan sér sjálfur og fer létt með það. Það sjá allir nema hinir ESB-blindu

Það eru því örgustu ósannindi að segja að um "samstarf" sé að ræða þegar talað er um bæði ESB og EES, því þeir sem halda þessum EES-samningi við Evrópusambandið hve hæst á lofti, neituðu algjörlega að vinna saman með neinum,  nema hinum ókjörnu erlendu embættismönnum sem þeir beittu fyrir sig, leynt og ljóst

Og fyrst við erum að þessu; hve langt skyldi vera í það að erlent mannakjöt verði flutt hingað inn, vel að merkja gaddfreðið, merkt og stimplað í bak og fyrir sem 39 EES-skrokkar í einum og sama gáminum, beint frá erlendum Schengen afurðarstöðvum glæpamanna, innan "ramma ESS-samningsins"

Svona verða allir þeir "samningar" sem byggja á erlendu yfirríki. Þeir verða yfirríkisamningar og tröllskessur langt fyrir ofan höfuð þjóðarinnar. Þeir verða samsæri gegn þjóðinni og ríki hennar; lýðveldinu Íslandi. Leiðin til ánauðar

Fyrri færsla

Landamæraeftirlit hefði getað bjargað þessu fólki


Landamæraeftirlit hefði getað bjargað þessu fólki

Þessir 39 manns og þar af einn táningur væru kannski enn á lífi ef það væri landamæraeftirlit í löndum Evrópusambandsins. Bíllinn hefði kannski verið stöðvaður og fólkið fundist á lífi áður en það króknaði í hel í Bretlandi

Vöruflutningabíllinn (þ.e. þræla- eða mannsalsbíllinn) fór ekki hina venjulegu leið með ferjunni frá Calais í Frakklandi yfir til Dover á Englandi, því þar er aukin landamæragæsla. Farið var því frá Cherburg í Frakklandi yfir til hafnarinnar Rosslare á Írlandi og þaðan ekið upp til Dublin og ferja tekin yfir til Holyhead í Wales, þaðan sem ekið var niður England til Essex, þar sem fólkið fannst króknað í hel

Danir hafa nú tekið upp landamæragæslu gagnvart Svíþjóð. Mannætumafía frá Afríkuríki er grunuð um morð og enn verra á Ítalíu. Erlend glæpagengi herja á Íslandi. Morð og nauðganir staflast upp í Þýskalandi, og hryðjuverk blómstra þvers á landamæri ESB og Frakkland er við það að springa í loft

ESB- og EES-menn segja að þetta þurfi þjóðríki Evrópusambandsins og EES-landa nauðsynlega að þola til þess að sumt ungt fólk geti stundað "háskólanám" í Evrópusambandinu, sem á engan topp-klassa háskóla eftir að Bretland fer út í frelsið. Og svo auðvitað til þess að þrælar fáist fyrir næstum ekki neitt til að vaska upp í háskólum og þrífa. Framleiðni hefur því varla haggast í ESB-löndum áratugum saman, eða frá og með 1989, því þrælar fást fyrir næstum ekki neitt

Reuters sagði hins vegar í gær að framleiðni hafi tekið vissan kipp í Bandaríkjunum vegna þess að ódýrt vinnuafl fæst þar varla lengur. Trump hefur lokað á það. Atvinnurekendur eru því allt í einu farnir að fjárfesta í vélum og tækni, sagði fréttastofan

Hugsið ykkur hversu vonlaust hefði verið að koma Apollo 11 til tunglsins með aðstoð ódýrs vinnuafls. Tunglið væri ónumið enn, hefðu stjórnmál dagsins í dag verið viðhöfð á þeim tímum. Enda er ESB ekkert á leiðinni neitt, nema til helvítis

Hvernig væri að Evrópa tæki aftur upp mannasiði? Ísland gæti meira að segja rutt brautina og sagt sig úr lögum við þetta glataða laga- og pólitískt perverta viðrini og þjóðfrelsisbana, eins og Stóra-Bretland er að gera núna

Fyrri færsla

Brexit-samningur Borisar blessaður í þinginu


mbl.is Gæti tekið langan tíma að bera kennsl á líkin
Tilkynna um óviðeigandi tengingu við frétt

Brexit-samningur Borisar blessaður í þinginu

George Friedman um vanskapninga (les. ESB) og ferli fæðinga og dauða. Gildir um stjórnmálaflokka líka. Halló xD!. Eftir nokkur ár verður litið á lofthitasinna sem eins konar nýkommúnista eða nýnasista á borð við hið MeToo-réttarfarslega Klask-Klan. Og eins og ég margsinnis hef bent á, er tími örgjörvans liðinn. Hann og allt sem honum fylgir af t.d. sjálfkeyrandi rugli, AR og 5G, er orðið álíka spennandi fyrir hagkerfi og fjárfesta eins og bíllinn var orðinn 1965. Rafbíllinn er til dæmis neyðaröskur frá bransa sem er að detta inn í tímabil og tekjumöguleika tómatsósuframleiðandans. Enginn áhugi, bara Zzzzz - þrátt fyrir pyntingar hinna sprenghlægilegu stjórnmálamanna, sem næstum alltaf fatta allt síðastir, enda "nýsköpunar"-sérfræðingur í að brenna peningum. Það sem hins vegar er nýtt, er hraði heimsku stjórnmálamanna

******

Boris Johnson forsætisráðherra Bretlands vann afgerandi sigur í dag. Neðrideild þingsins lagði blessun sína yfir samkomulagið sem hann gerði við pólitísk höfuð á meginlandinu um útgöngu Bretlands af ömurlega Evrópusambandinu

Þann samning kynntu kyndlarar kjötkatlaveldis vinstrimennskunnar á DDRÚV sem verandi þann sama og Theresa ESB May kom skríðandi með hattinn í hendinni heim frá Brussel. "Sérfrótt" DDRÚV sagði nefnilega á fullum launum hjá þjóðinni að ekkert hefði breyst. Er það fréttaafflutningur sem er fullkominn skandall fyrir heila þjóð að þurfa að búa við og að halda uppi. Þannig er flest hjá kommafréttastöð DDRÚV; vinstripólitískur áróður og fís (d. viðrekstur|uppáhalds lofttegund DRRÚV)

"Lawmakers endorse prime minister’s divorce agreement with EU but won’t rush to meet Oct. 31 deadline" - var Wall Street Journal fljótt til að slá upp á forsíðu sinni

Á aðeins þremur mánuðum hefur Boris Johnson tekist að semja um nýja og –var sagt– "ófáanlega" skilnaðarpappíra við Evrópusambandið og að sannfæra meirihluta þingsins um ágæti þeirra. Einn góður maður breytti öllu fyrir land sitt og flokk

Eftir er sem áður að ná samkomulagi um tímasetningar og að vissir þingmenn víki af sýndarþvaðursbraut sinni og komi vilja þjóðarinnar til framkvæmda. Búmerang sýndarmennsku þeirra er farið að hitta þá sjálfa í bakið núna, því breska þjóðin er farin að fyrirlíta þá. Þess vegna fór atkvæðagreiðslan eins og hún fór í dag: 329 fyrir Boris, gegn 299, sem er mun betra en jafnvel bjartsýnismenn þorðu að vona

Til hamingju Boris Johnson. Þú hefur þjóð þína í bakið, svo mikið er víst. Og það þola andstæðingar þínir ekki. Þeir þola ekki að þú starfir fyrir þjóðina og hlýðir hennar kalli, en ekki þeirra

Hvað getur enn farið úrskeiðis? Margt, því svikahrapparnir sem þola ekki þjóð sína sitja og reyna á þingi enn

Fyrri færsla

Pútín kominn með sitt eigið Tjernobyl?


Pútín kominn með sitt eigið Tjernobyl?

HVERSU STÓRT VERÐUR ÞAÐ?

Þrír bandarískir stjórnarerindrekar voru fjarlægðir úr járnbrautarlest sem var á leið til bæjarins Nyonoksa sem er í nálægð við þau svæði og bæinn Severodvinsk við Hvítahaf, þar sem sprenging varð í eldflaugum sem rússneski flotinn er að gera tilraunir með. Sagt er að þær séu kjarnorkuknúnar. Þetta skrifaði Wall Street Journal 16. október 2019. Sagt er að sjö manns hafði misst lífið í sprengingunni

Bandarísku erindrekarnir voru handteknir og fjarlægðir úr lestinni á brautarstöðinni í Severodvinsk, á þeim forsendum að þeir væru "útlendingar". Bandaríska utanríkisráðuneytið sagði hins vegar að þeir hafi verið með alla pappíra sína í lagi og að rússneskum yfirvöldum hafi verið tilkynnt um ferðalag þeirra. Ekki var enn vitað hvað varð um bandarísku erindrekana er fréttin birtist

"Earlier this month, Maxim Yakovenko, the head of the Russian meteorological service, Roshydromet, was dismissed from his position. Following the blast, his agency reported that "it is supposed" that the spike in radiation in the city of Severodvinsk resulted from "the passage of a cloud of radioactive inert gasses". - WSJ

Maxim Yakovenko yfirmaður rússnesku Roshydromet veðurstofunnar hefur verið fjarlægður úr starfi fyrir að bæta orðalaginu "látið er líta svo út" að aukin geislavirkni sé náttúrufyrirbæri, inn í þá fréttatilkynningu sem gefin var út. Það var rússneski forsætisráðherrann Medvedev sem gaf úr skipun um að reka veðurstofustjórann úr starfi

EINRÆÐI ANGELU MERKELS

Mikil ólga er nú vegna einhliða ákvörðunar Angelu Merkel um að leyfa kínverska Huawei netfyrirtækinu að bjóða í 5G netinnviði Þýskalans. Eurointelligence skrifar þann 18. október í grein sinni "The horrifying implications of Merkels 5G decision" að Evrópusambandinu stafi ekki fyrst og fremst hætta af tvístrun, heldur sé hættan sem að Evrópu steðji sú að hún er algerlega í vösum annarra. Vitnar Wolfgang Munchau þar í franska sagnfræðinginn Francois Godement, sem er sérfræðingur í málefnum Kína. Hann segir segir að einhliða framganga Merkels í málinu geri með einu pennastriki allar þjóðaröryggisstefnur og áhættumat landa Evrópu ónýtar og gagnslausar og að Evrópa sé á salerninu þegar að tækni kemur. Merkel segir að Þýskaland hafi "ekki efni á" að hafna Huawei vegna þess hversu ofurháð Þýskaland er útflutningi til Kína. Þýskaland er útflutningsháðasta hagkerfi heimsins. Óðaöldrunarhagkerfi Þýskalans er orðið ófært um að skapa eftirspurn vegna hnignunar. Skilgreinir það allt meginlandið sem Þýskaland með aðstoð ESB notar sem stuðpúðasvæði sitt (e. buffer zone). Er meginlandið því að breytast í eina allsherjar-úkraínu

Bæði Ericsson og Nokia eru komin á Bandarískar hendur að því leytinu að Bandaríkin styrkja þau fyrirtæki svo að þau geti þjónað Evrópu betur á þessu tæknisviði. Forseti Finnlands var því í heimsókn hjá Donald J. Trump forseta í Hvíta húsinu um síðustu mánaðarmót

Hér er ESB auðvitað samkvæmt venju aðeins innvortis tundurspillir og lömunarveiki fyrir alla Evrópu, sem er í vösum ESB-kartels elíta; meginland taparanna

VIÐSKIPTASTRÍÐ KOMIÐ TIL AÐ VERA

Stjórnendur bandarískra fjárfestinga- og peningamarkaðssjóða gera varla lengur ráð fyrir að deilur milli Bandaríkjanna og Kína á sviði viðskipta leysist. Um 40 prósent þeirra segja nú í október að deilurnar séu komnar á stig hins "nýa normals" (e. new normal) og gera ekki ráð fyrir að þær leysist. Þarna hefur svartsýni aukist verulega miðað við í september. Aðeins 7 prósent þeirra gera ráð fyrir lausn á næstu þremur árum, segir rannsókn Merrill og BofA

Fyrri færsla

Ríkisstjórnin komin á gráan lista - sá svarti handan við hornið


Ríkisstjórnin komin á gráan lista - sá svarti handan við hornið

GRÁI LISTINN MUN SORTNA

Ríkisstjórn Íslands hefur verið sett á gráan lista vegna grunsemda um að alþjóðlegt fjármálaþvætti fari fram í lögsögu hennar, sem er þjóðarbú Íslendinga. Ruglið um gagnaverin með skröltandi hörðum diskum þar sem einn til fimm maður fékk vinnu við alþjóðleg glæpaverk, gagnast henni svona vel. "Nýsköpun" er töfraorð getulausra ráðherra ríkisstjórnarinnar þessar vikurnar á framfærslu skattgreinda, en sem örsjaldan skapa neitt nema vandræði heldur bara eyða

Gott bókasafn um nýju Loftslags-Sovétríkin, og þau gömlu líka, er mun betri, arðbærari og brautryðjandi hugmynd en skröltandi gagnaver til glæpa

Svarti listinn bíður hins vegar, því fjármálaráðherrann Bjarni Ben meldaði Ísland inn í AIIB-helvíti Kínverska kommúnista flokksins, sem:

  • Brotið hefur kerfislega öll alþjóðleg lög og reglur á sviði verslunar og viðskipta í 40 ár
  • Stolið hefur upphafsréttindum og einkaleyfum í 40 ár 
  • Staflað hefur með því upp viðskiptahagnaði
  • Stundað undirboð með því að selja undir kostnaðarverði til að gera alþjóðlega viðskipavini háða sér
  • Hótað gagnrýnendum með viðskiptabanni, affjárfestingum og útskúfun
  • Stundað gengis- og gjaldmiðilsfölsun í 40 ár
  • Krafist að fá að eigna sér tækniframfarir og uppgötvanir erlendra fyrirtækja sem reyna að eiga viðskipti við Kína
  • Stofnað njósnanet á vesturlöndum sem rænir tækni frá þeim
  • Hótar öllum þeim nágrannalöndum sínum sem hneigja sig ekki í duftið fyrir Kommúnistaflokknum
  • Stundar verstu umgengni í gjörvallri mannkynsögunni við náttúru og umhverfi, fyrir utan Sovétríkin
  • Meira hér

Vesturlandabúar, sem afsaka það þegar íslamistar drepa ritstjórnir vestrænna fjölmiðla fyrir að búa til teiknimyndir, segja hins vegar ekkert þegar Kína hendir milljónum múslíma í gúlag og jafna með jarðýtum grafreiti þeirra við jörðu og loka moskum

Þetta gerir fjármálaráðherra Íslands og ríkisstjórn Katrínar að því sem mun verra er en raðbilaður kjáni

Það eru stjórnarhættir á borð við Bjarna Bens, sem Björn Bjarnason ESB-kommúnisti á að skrifa greinar um í Mogganum, stað þess að skrifa illa um eina manninn sem í 40 ár sýnir hugrekki til að gera eitthvað í þessu, þ.e. Donald J. Trump forseta Bandaríkjanna. Grettir var ekki sérlega penn maður

SALÓMONSEYJAR

Kína hefur nú þvingað og mútað Salómonseyjum til að slíta stjórnmálasambandi við Taívan. Aðeins leið einn dagur, eða fram til 22. september, þar til að í ljós kom að tæknifyrirtæki í eigu Kínaverska kommúnistaflokksins hefur tekið alla eyjuna Tulagi á leigu undir starfsemi sína, sem er ekki starfsemi frekar en gagnaver

"ANNAÐ ÞJÓÐARATKVÆÐI" ESB-KOMMA

Nýtt brexit þjóðaratkvæði Í Bretlandi kemur ekki til greina - og hefur aldrei komið til greina. Það stunt var alltaf bara pólitískt nasafóður sem rotnir fjölmiðlar á borð við DDRÚV-ESB-komma og BBC hafa reynt að troða upp í saklaust fólk og heimta borgun fyrir

Að ímynda sér nýtt þjóðaratkvæði þar sem spurt yrði að því hvort virða eigi þjóðaratkvæðið frá 2016 eða ekki, er hugmynd sem aðeins getur fæðst á fæðingardeildum esb-kommúnista

Engin önnur formúlering á kjörseðlinum kæmi til greina, nema náttúrlega í ESB-sovétríki. Allar aðrar formúleringar myndu ljóstra upp um annarlegan tilgang þjóðaatkvæðisins og varpa landinu inn í forstig borgarastyrjaldar, sem stofnað væri til af þeim sem þola ekki lengur lýðræði í landi sínu. Oliver Cromwell kæmi þá aftur

Fyrri færsla

Ekkert Ríkisútvarpsins


Ekkert Ríkisútvarpsins

Þetta hefði ég ekki átt að gera. Ég hefði ekki átt að opna fyrir fréttatíma Austurþýska DDRÚV-útvarpsins í Austur-Berlín Reykjavíkurborgar í gærkvöldi. En ég hugsaði með mér að annað gæti varla verið en að þeir hefðu eitthvað um brexit; nú þegar því sem DDRÚV árum saman hefur sagt að ófáanlegt sé hefur fengist samt, vegna þess að einmitt því ófáanlega samkomulagi var lent í gær. Samkomulagi milli pólitískra yfirhausa Bretlands og landa Evrópusambandsins. En nei, hjá DDRÚV var ekkert nema sovéskt gas um að ekkert væri breytt miðað við áður. Að þessi samningur væri alveg eins og sá síðasti. Þess skal getið að enginn á mínu heimili opnar lengur fyrir DDRÚV. Enginn þolir þá ríkisfjármögnuðu vinstrikirkju lengur, og allra síst að vera sovéskt þvingaður til að borga fyrir það, né heldur áform kommalilju Framsóknar um að fjölmiðlar geti aðeins dregið andann í gegnum skattgreiðendur. Fjölmiðlar eiga bara ekkert að koma skattgreiðendum neitt sérstaklega við. Bara alls ekki neitt. Ef þeir geta ekki selt sig sjálfir þá eiga þeir að deyja. Sovésk neyslustýring og heimskremlarsýn á tilveru manna á fjölmiðli á borð við DDRÚV er algerlega óþolandi. Burt með hann

Lilja Framsóknar er komin í kommabrækur Björns Bjarna sem segir; að vegna þess að EES-samningurinn "móti þjóðlífið" að þá verði nauðsynlega að byggja heilt sovétríki í kringum hann. Þannig kynnir líka hún sovétríkið sem mótast eingöngu af tilvist DDRÚV. Tilvist Ríkisútvarpsins krefst sovétríkis. Þetta er að sjálfsögðu sú lagaheimspeki sem Evrópusambandið tók upp eftir Sovétríkjunum; og meira segja afritaði hæstarétt þeirra líka. Og sem þar með er hinn heimspekilegi grundvöllur Evrópudómstólsins (ECJ). Athugið: Kratismi á borð við Björns og Lilju er dagdrykkjubjórinn úr vínkjallara sósíalismans; hann endar alltaf annað hvort með innlögn, neyslu Perestroika, síðan Sovéts og loks dauða landa. Best er því að láta hann alveg vera

"A diplomatic master stroke"

- Eurointelligence 18. október 2019 um Boris Johnson

En hvað er breytt?

Formáli: Munið þið fjölmiðlastorminn um að Boris Johnson væri trúður. (1) Að honum væri alls ekki alvara í samskiptum við ESB. (2) Að honum myndi aldrei takast að opna gamla samkomulagið sem grátandi Theresa May kynnti sem eina samkomulagið sem í boði væri. Jæja, hann reif það samt upp úr frystikistu ESB, afþýddi það, breytti því og lét ESB kyngja því með því að láta það halda að hálsinn sem hann lánaði því væri þeirra eigin. Í staðinn fær Boris Johnson bara Trump-meðferðina hjá íslenska kommavarpinu í Kommavík, þar sem síldartunnur komst betur leiðar sinnar en gegnumpíndir skattgreiðendur

1. Burt er farið það "backstop" sem hefði haldið öllu Bretlandi í Tollabandalagi Evrópusambandsins um aldur og ævi. Það bandalag kemur í veg fyrir að lönd geti gert sína eigin samninga við þau 168 af 195 löndum heimsins sem eru ekki læst inni í sovétríki Evrópusambandsins. Þetta kynnti DDRÚV sem óbreytt, enda þarf það sjálft engar áhyggjur að hafa af peningum. Þeir koma bara í endalausum bunum frá fólki sem jafnvel á dánarbeðinu pínt er til að borga undir vinstritrúar kirkjuveldi þess

Sem sagt: Hér eftir er það bara Norður-Írland sem verður áfram í Tollabandalaginu og það mun sjálft kjósa um áframhald þess eða ekki á fjögurra ára fresti

2. Boris Johnson samþykkti óbindandi pólitíska yfirlýsingu þess efnis að Bretland myndi ekki stofna Singapúr á bökkum Thamesfljótsins á næstu árum. Þetta samþykki þýðir að Bretland mun ekki um leið og það fer út byrja á því að keppa Evrópusambandið í kaf með því að kollvarpa varsjárbandalagi þess um leið og hurðinni er skellt. Það kemur síðar

Sambandið þolir nefnilega ekki samkeppni, þess vegna var það stofnað. Þá staðreynd samþykkti Boris því hann veit að Evrópusambandið er sjálft að sigla sig í kaf og fer létt með það. Þessi tilslökun er til komin vegna Angelu Merkel sem þolir ekki meira. Hún er að fá taugaáfall vegna þess að hún þorir ekki að kynna fyrir þjóð sinni þá samkeppnishamlandi staðreynd að nettó framlag Þýskalands til ESB sem var 18 milljarðar evra á ári, svipað og Bretlands, hækkar nú í 30 milljarða evra vegna breskrar brottfarar. Þetta þorir hún ekki að kynna fyrir þjóð sinni, því hún hefur þegar sagt henni að Þýskaland hafi ekki efni á NATO, og það apa svo allir hinir rugldallarnir sem svífa á sporbraut um kremlið í Berlín upp eftir henni. Hún er í sömu stöðu og Kínverski kommúnistaflokkurinn, sem neyddist á þrettándu ráðstefnu sinni í október 2017 að tilkynna Kínverjum að landið þeirra væri enn smáveldi og að það myndi ekki ráða yfir nútímalegum her fyrr en í fyrsta lagi árið 2030. Flokkurinn yrði því að fá leyfi til að tvöfalda einræðisherravöld Xi Jinping í einum grænum hvelli; immed! Svo rosalega vel gengur allt þar innanborðs. Hvílíkt styrkleikamerki maður! Annars hrynur allt

Þýskaland er á svipuðu róli, enda er það kína Evrópu: þ.e. við það að falla saman að innan, og þýska fólkið sem ekkert hefur að segja um neitt í landinu er að missa þolinmæðina, og jafnvel þegar búið að því. Merkel heimtar því afslátt á sjálfri sér í fjárlagagerð ESB til næstu sjö ára og sem rétt er að hefjast núna, en sem þegar er komin upp í háaloft, þar sem allir hata alla

Þýskaland, mínar dömur og herrar, hefur ekki lengur efni á Evrópusambandinu. Svo traustar eru undirstöður þess. Skyldi sambandið því nokkuð vera breytast í innheimtustofnun? Já það er það að gera, með skelfilegum afleiðingum sem Bretland ætlar ekki að taka þátt í. En staðreyndin er samt sú að Evrópusambandið er nú þegar orðið innheimtustofnun og Váhöll hefur samþykkt allar kröfur þess óséðar, eins og sú sanna höll plebba sem hún orðin er

Þetta var sem sagt ekkertið frá DDRÚV í Peninga-Austurs-Berlín Reykjavíkurborgar, þar sem allsherjar kommaklapp Íslands liggur sem mara á þjóðinni

Fyrri færsla

Þjóðmyndun komin í salernin [u] Brexit og landamæri


Þjóðmyndun komin í salernin [u] Brexit og landamæri

Þjóðmyndun Bill Clintons á Balkanskaga mistókst eins og þjóðmyndun Rússa með sovétríki mistókst. Þjóðmyndun ESB í Evrópu er einnig komin í 27 salernin, þar sem Bretland heldur um snúruna sem sturta mun því sem þjóðónýtt er niður

Þjóðmyndun í Írak mistókst líka. En þar heimtuðu vinstrimenn að verndarhönd Bandaríkjanna og bandamanna þeirra yfir Kúrdum yrði dregin til baka. Síðan kom Trump og barði hnefa í NATO-borðið og heimtaði að aðildarríkin stæðu við gerða samninga. Fyrir það fékk hann bágt frá vinstrimönnum og samfylkingakratanum Birni Bjarnasyni, sem sögðu að Trump væri að eyðileggja NATO

En nú setur Trump hins vegar NATO-bandamanninn Tyrkland ofar öllu sem er ekki-NATO og neitar að svíkja hann vegna þess að Tyrkland er með samning. Já það er með NATO-samning. Og hvað gerir villta vinstrið með Bjössa Bjarna krata í fararbroddi þá. Jú þeir berja á Trump fyrir að styðja við bakið á NATO

Samfylkingarstappan sem æpir furðuhróp þessa furðuhóps, heimtaði á sínum tíma að Bandaríkin og bandamenn þeirra hunskuðust heim og létu Kúrda í Írak hanga eina til þerris. Vissu þeir ekki að Bandaríkin og bandamenn þeirra höfðu fjarlægt Saddam Hussein sem gasaði Kúrda í hel? og sem ráðist hafði inn í flest nágrannaríkin sín nema eitt: Tyrkland. En af hverju réðst Saddam Hussein ekki inn í Tyrkland til að fjarlægja Kúrda. Jú vegna þess að Tyrkland er í NATO

NATO-landið Tyrkland mun því frá og með nú standa þann vörð gegn áhrifum Rússa sem sameinað geta Íran og Rússa gegn NATO og nánasta umhverfi klerkaveldanna í Moskvu og Teheran

Heimurinn er genginn í sjálfan sig á ný. Útópíutímabilinu eftir hrun Sovétríkjanna er lokið, því Zarinn þar er kominn gömlu föt Sovétkeisarans. Rússland verður aldrei neitt annað en harðstjórnarríki. Geopólitískt eðli þess er þannig. Hið sama gildir um Kína, svo lengi sem það reynir að vera sameinað ríki

Bandaríkin eru því nú að hefja Kalda stríðsglímu II, sem allir eftirrennarar Trumps munu fylgja. Forgangsröðunin verður þessi:

1. Kína: þar verður það harkan sex sem koma mun Kína aftur inn í þann kassa sem annað hvort þvingar það til þjóðfrelsis eða heldur því í skák og mát í passandi kassa. Bandamenn þar verða þeir sem vilja vera með, og þar má nú þegar nefna fjórbandalagið sem inniheldur Bandaríkin, Japan, Ástralíu og Indland. Þeir sem vilja ekki vera með –hvar sem á jörðu til þeirra næst– dæmast úr leik á flesta vegu, krumpast og visna að innan; yfirfærslur hætta að berast –tæknilegar líka– og varaþurrkur sest að

2. Rússland. Þar er björninn ekki unninn enn og vinnst aldrei. En honum verður haldið í skák og mát. Bandamenn þar eru Pólland, Rúmenía, Búlgaría og Tyrkland. Tvö þessara ríkja verða næstu stórveldi í Evrópu og Miðausturlöndum: Pólland og Tyrkland. Berlín verður hins vegar bambuskofi og er reyndar nú þegar orðin það. Krefst Þýskaland því afsláttar í yfirstandandi fjárlagagerð ESB. Það virðist hvorki hafa efni á ESB né NATO. Allir símar Þýskalands og kumpána þess verða hleraðir, enda um eins konar misheppnað ríki að ræða því ESB er svo misheppnað yfirríki

3. Á meðan mun hinn múslímski heimur verða látinn lönd og leið og þeir fjármagnaðir og seld vopnin á báðum hliðum sem barið geta þar á sem flestum og tvístrað honum sem mest

Um það bil 10 bandarísk kjarnorkuvopn eru nú á hverja þúsund bandaríska hermenn í Tyrklandi. Það er að minnsta kosti eitthvað sem menn geta sest í kringum og reykt pípu um

Áhrifin verða sem sagt tvö og jafnvel þrjú ný heimshlutaveldi. 1: Pólland og jafnvel komandi þjóðkjörið konungsdæmi þar, sem kannski mun ná víðar (les. Intermarium). Og 2: Tyrkland

Það þriðja er hins vegar staðsett á Norður Atlantshafi, sé haldið rétt á spöðunum. Ísland á þar næsta leik. Eða þá afleik, eins og vona- og ávísanahefti vinstrimanna ávallt er. Gúmmítékka vinstrisins með kratismann sem gjaldþrota ábeking þekkja flestir allt of vel. Nema náttúrlega þjóðfjandsamlegt setuliðið í Valhöll, sem fast og veruleikafirrt situr í bankaráði Kínverska kommúnistaflokksins; algerlega raðbilað og dómgreindarskert. Þar þarf heldur betur að moka út

Vinsamlegast athugið: Heimshlutaveldi (e. regional power) er ekki það sama og heimsveldi (e. global power). Á jörðinni er aðeins eitt heimsveldi; Bandaríki Norður-Ameríku

Uppfært kl 17:05 | Viðauki dagsins vegna Brexit og Bandaríkjanna

Meðan á öllu þessu stendur hefur Trump að miklu leyti leyst landamæravandamál Bandaríkjanna í suðri, og svo virðist sem einhverskonar samkomulag hafi náðst milli Bretlands og Evrópusambandsins um Útgöngu Breta af þrælaríkinu sem xD elskar meira en vöndinn

a. Bandaríkin taka því nú aftur upp efnahagslegan stuðning við Hondúras, Gvatemala og El Salvador, eftir að þau undirrituðu samkomulag við Hvíta húsið um málefni hælisleitenda. Mexíkó hefur þegar samþykkt að hefta flæðið sín megin landamæranna. Stuðningur við endurkjör Trumps og Repúblikana á þingi frá Texas, Nýju Mexíkó og Arizona eykst því enn frekar, og í Kaliforníu gæti sigur Trumps í málinu, ásamt bygging varnargarða, höggvið skarð í fylgi Demókrata þar, sem breytt hafa fossríkri Kaliforníu í þriðja heims ríki þar sem fólk deyr á götunum og rafmagnið er skammtað til íbúanna á meðan fyrirtækin flýja. Fækkar því líklega ört myndum falsfréttastöðva Demókrata af grenjandi börnum við landamærin í komandi kosningabaráttu um Hvíta húsið og þingið. Þeirra í stað koma sennilega fréttamyndir um hvern nýjan áfanga í byggingu varnargarða hvern mánuð, fram til kosninga

b. Enn einn nýi og eini ófáanlegi og óhugsandi annar samningur forsætisráðherra Bretlands við Evrópusambandið, sem í þessu ófáanlega og óhugsandi tilfelli er Boris bardagamaður Johnson, segir að samskipti Bretlands og Evrópusambandsins muni í framtíðinni byggist á því að Bretland verði ekki í Tollabandalagi Evrópusambandsins (Customs Union). Um einhvers konar millibils ástand verður að ræða þar til eftir kosningar. Mögulegum samskipti Bretlands og Evrópusambandsins í framtíðinni er aðeins getið sem óbindandi samkomulags sem bendir til viðskiptasamninga um hin ýmsu mál. Tilvísanir til þess að Bretland muni í framtíðinni íhuga aðlögun að ESB-reglugerðum í sambandi við áframhaldandi vöruviðskipti, hafa verið fjarlægðar. Sammælst er hins vegar um að samningsaðilarnir séu einhuga um að viðskipti milli þeirra muni ganga skrefinu lengra en samið er um hjá Alþjóða-viðskiptastofnuninni WTO. Allar tilvísanir til samhæfingar Bretlands við ESB á sviði félags-, skatta-, og samkeppnismála ásamt ríkisaðstoðar við atvinnulíf, hafa verið fjarlægðar, segir hér

Hugsið ykkur hversu algerlega Sjálfstæðisflokkurinn hefur gert á sig í samskiptum við Evrópusambandið, og þar með afhent því hluta af fullveldi Íslands að ástæðulausu og fyrir ekki neitt, eingöngu vegna aumingjaskapar, aðeins sambærilegan við það þegar Danir mættu drukknir til samninga um landgrunnið sem olía Norðmanna lenti því undir, og Danir fengu nánast ekki neitt og eru því búnir með þá orkuauðlind sína núna. Norðmönnum hefði aldrei dottið í hug að semja svona af sér um Orkupakka3 eins og Ísland gerði fyrir tilstilli vesalingaveldis Sjálfstæðisflokksins. Slíkt hefði aldrei komi til greina. Enda hefur aldrei komið til greina að Noregur gangi í tífalt OPEC þar sem hálf-rússneskt orkusvarthol (Þýskaland) réði öllu. Orkupakki3 í Noregi er ekki það sama og Orkupakki3 á Íslandi. Hjá þeim er hann fís, en hjá okkur er hann olía Noregs

Fyrri færsla

Að velja á milli alls eða einskis


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband