Leita í fréttum mbl.is

Hvernig ætlar Þýskalands-keisarinn yfir ESB að bakka út úr þessu?

Hún veifaði þeim bara inn. Hvatti fólk til að koma og gortaði sig af því. Milljónum saman. En nú er allt búið, allt komið í steik, pólitískt sviðin jörð og landið hennar smám saman við það að verða alelda. Og ekki bara hennar land, heldur mörg önnur ESB-lönd, sem hún hafði ekkert umboð frá. Allt það litla sem hún gerði og sá hellingur sem hún lét ógert, hefur nú snúist gegn henni. Hvernig dettur nokkrum manni í hug að Angela Merkel geti setið áfram eins og ekkert hafi í skorist? Þeir sem halda það í dag, eru blindir. Bæði lesblindir og leshraðablindir. Spilið er búið og Þýskaland er pólitískt að leysast upp. Hvað kemur næst veit ég ekki. En þetta verður ekki svona mikið lengur. Ekki nema niðri í bunker Merkels gegn veruleikanum. Og svo er það ábyrgð fjölmiðlanna, í sömu húsakynnum!

Varðberg:

Fyrri færsla

Deutsche Bank féll á álagsprófi bandaríska seðlabankans. Tómhent Merkel


Deutsche Bank féll á álagsprófi bandaríska seðlabankans. Tómhent Merkel

Enn einu sinni nálgast hlutabréfaverðið í Deutsche Bank núllið í Frankfurt. Það skaust undir 9 evrur og hefur því fallið um meira en 90 prósent síðan 2007. Í gær féll bankastarfsemi Deutsche Bank í Bandaríkjunum á síðari hluta álagsprófs bandaríska seðlabankans

Í nótt sat leiðtogaráð Evrópusambandsins á fundum til klukkan hálf fimm og komst ekki að neinu samkomulagi um útlendingamál. Aðeins var sæst á röð orða sem litla eða enga meiningu gefa á jörðu niðri. Þau svífa því um loftið og fundarmenn horfðu á þau gufa því sem næst upp í dögun

Angela Merkel kemur því svo gott sem tómhent heim og þar bíður hennar fundur með bæverska leiðtoga CSU og innanríkisráðherra Þýskalands. Enginn veit hvað gerist næst. Þetta er jú ESB, þar sem ekkert virkar. Lafir Merkel áfram eða ekki. Það veit enginn enn

Hart-Brexit er nú byrjað að tifa undir þýska iðnaðinum á jörðu niðri. Það nær brátt upp í loftslög leiðtogaráðs Evrópusambandsins. Staðreyndum á jörðu niðri þarf ekki að breyta þegar þær einu sinni hafa myndast, og breytt landslaginu. Aðlögun fyrirtækja að hörðu Brexit hefur þegar að miklu leyti farið fram. Andlit leiðtoga ESB eiga hins vegar eftir að aðlaga sig. Og enginn veit enn hvernig þau munu líta út á eftir, nema alveg hroðalega verri en þau líta út í dag

Fyrri færsla

ESB: Albanía tekin í skammar-notkun á ný?


ESB: Albanía tekin í skammar-notkun á ný?

ESB

Það sovéska gerist í dag að Leiðtogaráð Evrópusambandsins (European Council) kemur saman til að reyna að bjarga kanslara Þýskalands frá drukknun. Ef ráðinu tekst ekki, og henni til handa, að kúga fram einhverja "lausn" á innrásarvandamáli ESB, þar sem milljónir manna flæða inn, í boði Merkels, þá mun innanríkisráðherra Þýskalands og leiðtogi CSU-flokksins í Bæjaralandi, sem er í bandalagi með CDU-flokki Angelu Merkels, nota ráðherravald sitt til að vísa hælisleitandi fólki frá við þýsku landamærin og skella þeim í lás. Og það þýðir að Angela Merkel kanslari verður annað hvort að reka innannríkisráðherrann og þar með leysa flokksbandalag CDU og CSU upp, eða sjálf segja af sér

ESB

Sovétráð Evrópusambandsins með Merkel sem aðalritara í fráfararbroddi, reyndi að múta Albaníu til að halda sér sjálfri áfram sem kanslara í stólnum. Hún bað Albaníu um að hýsa flóttamannabúðir í sínu landi til að létta róður sinn gegn þýsku þjóðinni heima. Og þar sem Albanía er umsóknarríki inn í nýja Evrópusovétsambandið, þá hélt Merkel að Albanía myndi segja já til að fá flýtimeðferð inn í sambandið. En þessu þverneitaði Albanía. Og þess utan sögðu Frakkland, Holland og Danmörk nei við því að hefja innlimunar-aðlögunar pyntingar á Albaníu og Makedóníu inn í ESB, því löndin væru ekki nógu sterk til þola aðlögunar-innlimun í pyntingarklefum Evrópusambandsins. Og svo einnig vegna þess að ESB ætti ekkert erindi niður Balkanskagann, öryggis síns vegna, sem er ekki neitt, eins og sést hér að ofan, þ.e. Þýskaland er í landamæradeilum við sig sjálft og á nú á hættu að balkaníserast líka. Þetta mál er allt mjög furðulegt, því stutt er síðan að ESB sagði að þessi lönd á Balkanskaganum væru ekki einu sinni í Evrópu og ESB þyrfti því ekkert að aðhafast vegna styrjaldar þar. Bandaríkin máttu því koma fljúgandi yfir hálfan hnöttinn til að bjarga þar málum sem ESB yppti bara fullkomlega getulausum öxlum sínum yfir

ESB

Þetta er gruggug staða því Grikkland og Makedónía stríða um réttinn til nafnsins Makedónía. Grikkir segja að fólkið í landinu sem kallar sig Makedónía núna sé að miklu leyti slavar og ekki það fólk sem Alexanders Mikli réði yfir og hafi því engan rétt til að kalla land sitt Makedóníu, því það nafn tilheyri að miklu leyti Grikkjum. Grikkir gera því tilkall til nafnsins Makedónia. Málamiðlun var víst fundin segja aðilar málsins. Kalla átti Makedóniu fyrir Lýðveldi Norður-Makedóniu og að það myndi ganga í ESB undir því heiti. En fólkið á jörðu niðri í báðum löndum er þessu algerlega andsnúið og er því þetta svo kallaða samkomulag vel á veg komið með að draga rauða dregilinn undan ríkisstjórnum Makedóníu og Grikklands og kannski ríkisstjórn Albaníu líka, vegna nálægðar hennar við málið, þar sem fjórðungur íbúa Makedóníu eru Albanir í landi sem er blanda af múslímum og rétttrúnaðarkristnum mönnum. Heilar þrjár ríkisstjórnir eru því mögulega að falla í einu - og fjórar ef ríkisstjórn Merkels sundrast líka. Hvorki meira né minna. Hér er enn eitt samsærið á ferðinni gegn fólkinu, til þess að elítan á rauða dreglinum í tveimur löndum geti gengið í ESB. Þannig að Merkel tókst ekki einu sinni að múta Albaníu með sérmeðferð, gegn því að hún fengi að geyma innrásarliðið inn í ESB þar, í flóttamannabúðum. Sem bónus fengi hún að hanga aðeins lengur í kanslarasætinu. Þannig að dagurinn í dag gæti orðið enn meira spennandi en í gær, þar sem Þýskaland var sent burstað út af knattspyrnuvellinum

ESB

En annað ESB-skemmtilegt er einnig að gerast á öðrum skaga ESB-veldisins, því á Íberíuskaga er nýr forseti Katalóníu að hitta nýjan forsætisráðherra Spánar til að biðja hann um leggja blessun sína yfir nýja þjóðaratkvæðagreiðslu þar sem borgurum Katalóníu gæfist tækifæri á að segja sig aftur úr Spáni, því hin atkvæðagreiðslan lenti með fullum vilja Madríd í bankahólfi Spánar í Brussel

ESB

Svo nú getur Albanía aftur fengið sinn gamla skammarkrók, en í nýjum litum. Búast má við að forherðing Spánar haldi áfram þar til allt logar á ný. Og svo er það Bæjarland, sem liggur upp að Austurríki, og innri landamæri Þýskalands. Við skulum ekki minnast á Saxlandið góða, höfuðvígi AfD, sem fékk 27 prósent atkvæðanna þar í síðustu kosningum, en flokksbandalag CDU/CSU aðeins 26,9

ESB

Og þar sem Angela Merkel sagði Austur-Evrópu (sem kvartaði undan því að fá ekki að vera með þegar innrásarmálin inn í sambandið voru rædd í fyrradag) að það væri ekki alltaf hægt að hafa alla með þegar ESB þyrfti "að komast áfram", þá má með hundrað prósent öryggi ganga út frá því að sambandið haldi áfram að ganga frá sér sjálfdauðu

Og í ábæti fær Þýskaland líklega Donald J. Trump í föstu formi í gegnum Nordstream-2 leiðsluna, en ekki jarðgas frá Pútín og Schröder, eins og gert var ráð fyrir. Trump virðist vera að steypa járnbentan tappa fastan í allt það hroðalega makkverk

Fyrri færsla

Styrmir spyr til ormanna í München


Styrmir spyr til ormanna í München

Bretinn Anthony Eden

Mynd: Sir Anthony Eden. Að ganga í eins konar sambandsríki á meginlandi Evrópu er hlutur sem við í breskum beinum okkar vitum að við munum aldrei getað gert. Framtíðarsaga Bretlands liggur langt handan meginlands Evrópu, sagði hann

Sir Anthony Eden, þá utanríkisráðherra og síðar forsæisráðherra Stóra-Bretlands, sagði í ræðu sinni í Columbia-háskólanum í New York í janúar 1952 að: "If you drive a nation to adopt procedures which run counter to its instincts, you weaken and may destroy the motive force of its action...You will realise that I am speaking of the frequent suggestion that the United Kingdom should join a federation on the continent of Europe. This is something which we know, in our bones, we cannot do...For Britains story and her interests lie far beyond the continent of Europe"

****

"Ég hef hitt þá og þeir eru ormar" sagði Hitler um Neville Chamberlain og lið hans eftir fundinn í München. "Ef ég hitti hann aftur þá mun ég stökkva og berja hann með sinni eigin regnhlíf" sagði hann líka

Til hvers ætti maður að kaupa sér tíma, Styrmir? Tíma til hvers? Tíma til að láta berja sig? En það var það sem Neville Chamberlain gerði. Hann og Frakkland keyptu og gáfu þar með Hitler tíma með því að standa ekki í allar fætur. Hefði Winston verið forsætisráðherra þá hefði Hitler aldrei þorað að gera það sem hann gerði. Og hann gerði það algerlega í óþökk þeirra sem stjórnuðu þýska hernum. Þú ert brjálaður að ætla að ráðast inn í Frakkaland!, sögðu þeir. Ekki gera það, því slíkt er brjálæði sem kostaði okkur milljónir mannslífa og við komumst aðeins 100 kílómetra þá

En Hitler hafði ákveðið sig, vegna einmitt þess að hann sá að þeir voru ormar sem myndu ekki berjast; þrátt fyrir miklu betri heri, hergögn og flest. Hann réðst því inn í Vestur-Evrópu og tók hana alla með svo gott sem engu, nema þá kústsköftum miðað við það sem Bretland og Frakkland höfðu. Þetta hefði aldrei getað gerst ef að Winston S. Churchill hefði verið forsætisráðherra Bretlands þá, því hann var ógn, en ekki regnhlíf. Hann var kallaður "stríðsóður glæframaður sem enginn ætti að hlusta á" - skrifaði danska dagblaðið Politiken nokkrum dögum áður en nasistar hertóku Danmörk á einum degi. Þar missti blaðið þriðjung áskrifenda sinna og beið þess aldrei bætur

Það sama hefði gerst ef toppur Sjálfstæðisflokksins hefði staðið í lappirnar í Icesave. Þá væri hann stærstur í dag, en ekki regnhlíf. Aular? Þeir (toppur xD) keyptu sama eðlis áróður og Chamberlain keypti um Versalasamninginn, sem þrátt fyrir allt var mjúkur barnamatur miðað við það sem Þýskaland ætlaði öðrum ríkjum á þeim tíma

Að loknum dauða 70 milljón manna í Síðari heimsstyrjöldinni, sat Bretland eftir sem hetjudáð hins siðmenntaða heims. Það var eina landið sem barðist frá fyrsta degi til hins síðasta dags styrjaldarinnar. Það var eina landið sem fór í stríð af prinsippsástæðum (take that xD). Það fór í stríð vegna bandamanns síns; Póllands. Og Bretland framleiddi meiri hergögn en Adolf Hitler tókst að kreista út úr landsvæði sem svarar til Evrópusambandsins í dag. Betri skriðdreka, betri flugvélar og betri skip og betri vélar. Bandaríkjamenn fengu stórkostlega hernaðartækni að láni frá Bretlandi, vegna þess að þau tvö ríki voru lýðræðisríki sem treystu hvort öðru, öfugt við einræðisherraríkin, sem treystu engum og sviku alla. Samvinna varð því mikil á milli Bretlands og Bandaríkjanna. Hagkerfi Bretlands var sett á stríðsfót engu líkt, að Bandaríkjunum einum frátöldum. Og það afkastaði ofboðslega, enda fólkið frjálst og barðist fyrir frelsi sínu og annarra, þar á meðal okkar Íslendinga

En að loknum þessum sex árum sem Bretland barðist af snilld og með lágmarksmannfalli, sem er dyggð í stríði, í stað slátrunarmistaka 1914-18, kom landið því sem næst gjaldþrota út úr hildarleiknum. Það skuldaði ofboðslega, enn meira en það sjálft átti útistandandi af stríðsskaðabótum hjá öðrum. Þið vitið hjá hverjum. Pax Britannica var því "búið að vera", héldu allir þá, þrátt fyrir að Bretland væri eina stórveldið í Evrópu. En svo var ekki. Bandaríkin voru alls ekki tilbúin að taka á sig það heimshlutverk sem Bretland hafði á höndum víða um heim. Marshallaðstoð Bandaríkjanna til Bretlands fór því ekki í að endurreisa lif bresks almennings, eins og gerðist á meginlandinu, heldur í borga skuldir og aðstoða Bretland við að gegna áfram hernaðarhlutverki sínu um allan heim, því án styrks og reynslu Bretlands yrði ekki um neina endurreisn neins staðar að ræða (Bretland var þá að nota 8 prósent af landsframleiðslu í varnarmál eftir að "friður" komst á). Það skildu Bandaríkin í einum skínandi dollara hvelli, er bresk stjórnvöld hringdu Vestur um haf í febrúar 1947, til að segja Washington frá því að breska ríkisstjórnin myndi hætta að geta fjármagnað Grikkland gegn yfirtöku kommúnisma, þann 31. mars, eftir tvo mánuði, því peningarnir í breska ríkiskassanum væru einfaldlega búnir. Þá var Bretland byrjað að senda peninga Vestur um haf og þurfti að eiga fyrir þeim. Matarskömmtun lauk ekki fyrr en árið 1954 hjá breskum almenningi og varla er enn lokið við að reisa það við sem þýski herinn fljúgandi á eldsneyti frá Stalín, sprengdi í tætlur í Stóra Bretlandi. Skilaboðin frá Lundúnum um Aþenu ólu næstum samstundis af sér Truman-regluna (d. doktrin) frægu, sem leikmenn kalla start-skot Kalda stríðsins

En Bretland fór samt illa út úr þjóðnýtingarsósíalisma Verkamannaflokksins eftir stríð og því stjórnarfari hans sem gerði útaf við stóran hluta breska iðnaðarins. Því miður. Það var ekki fyrr en kaupmannsdóttirin og barónessa Margaret Thatcher komst til valda að friðþægingunni við sósíalismann að austan lauk í Bretlandi. Og þar að auki ýttu Bandaríkin um tíma Bretlandi út í horn, síðar í Kalda stríðinu, til að þjónkast meginlandi Evrópu

Það er svo eftir rugludöllum samtímans að krati eins og Tony Blair vill að Bandaríkin komi allt í einu og "bjargi Evrópusambandinu" í dag. Mikið skilur sá maður lítið, því Winston S. Churchill og eftirkomendur hans ætluðu Bretlandi ekkert hlutverk í Evrópusambandinu sjálfu, ef svo ólíklega færi að til yrði væg útgáfa af því. Churchill benti aðeins á leið sem gæti forðað meinlandi Evrópu frá því allra allra versta sem steðjaði að því í rústum þess þá og næstu árin. Hann hafði alls enga fullkomnun í huga þegar hann minnist á að viss sameining eða samþætting gæti gagnast. Aðeins var um björgunaraðgerð að ræða að hans hálfu, sem bjarga átti meginlandinu frá dauðanum í rústum þess - og frá Stalín. Það var til dæmis erfitt að koma aðstoð til landa sem höfðu ekki gengisskráningu sem endurspeglaði vissan efnahagslegan veruleika. Enga praktíska reiknieiningu sem hægt var að nota

Tony Blair skilur ekki ormana í Burssel. Hann skilur ekki að Bandaríkjunum er orðið illa við Evrópusambandið vegna þess að það er að eyðileggja Evrópu. Hvorki meira né minna. Þau sjá að sambandið er að sundra Evrópu og að það hefur ekki leyst þau vandamál sem fylgja því að vera til. Svo endilega gala þú nú, mister Blair. Washington hlær og hún skilur bara enn betur en áður um hvaða sjúkdóm er að ræða, er hún sér þig, gala. Það sem Bandaríkin sjá og skilja er að Þýskaland er orðið Evrópu stórhættulegt. Það skilja þeir og sjá. Þeir sjá líka allt hitt. Sjá til dæmis hvaða mann Maastricht og EMU hefur að geyma

Svo nú vinna Bandaríkin að áætlun sem miðast við Evrópu eftir ESB. Hvernig hún verður og hvernig hún virkar eftir ESB. Því Evrópa í klónum á Evrópusambandinu virkar ekki, allra síst fyrir friðinn í álfunni né heldur fyrir viturlegt valdajafnvægi sem gagnast löndunum best

Stóra-Bretland mun líklega spila stórt hlutverk í nýrri strategíu Bandaríkjanna fyrir Evrópu. Og Ítalía líka. Enn er ekki ljóst hvar Frakkland mun standa eftir tvístrun ESB. En í Austur-Evrópu er Charles de Gaulle kominn til valda í mörgum löndum og sá hluti álfunnar verður nýtt varnar- og efnahagssvæði. De Gaulle datt heldur aldrei í hug að gefa fullveldi Frakklands frá sér til ESB-útópíuveldis. Þess vegna er hann kominn til valda í löndum Austur-Evrópu, sem verða líklega Intermarium með Pólland sem nýja Bonn. Í dag hefðu hálf-sovéskir blaðamenn Vesturlanda kallað De Gaulle "fasískan leiðtoga" eða hafandi "fasíska framkomu"! Já þeir eru orðnir blaða-ormar

Sem sagt: München er komin á landakortið á ný. Ekki beint sem ormar, en hún hreyfist samt. Hún er að splitta Þýskalandi í innvortis norður-suður pólitískan gjörning. Bæverska CSU er við það að fella CDU-kanslara Þýskalands úr sæti og hótar að rjúfa berlínarbandið, með því til dæmis að boða sína bæversku pólitík á landsvísu, og afneita berlínarpólitík Merkels. Bæverska útgáfan af íhaldsflokki er búin að fá nóg af Þýskalands-eyðileggingum Angelu Merkels. Þetta kemur væntanlega í ljós á næstu dögum og vikum. En tvöfalt bang bíður Þýskalands til að byrja með; Berxit og Trump

Fyrri færsla

Eyðileggingarafl Merkels að sökkva Þýskalandi 


Eyðileggingarafl Merkels að sökkva Þýskalandi

Í nýrri skoðanakönnun Insa myndi bæverska CSU-útgáfan af íhaldslokki fá 18 prósent fylgi á landsvísu ef hann losaði sig við CDU-flokk Merkels. Slíkt blýbákn er flokkur Merkels orðinn fyrir íhaldsmenn sem varðveita vilja þýska menningu og Þýskaland. Flokkur Merkels myndi sjálfur ekki fá nema 22 prósentur. Bandalag þessara flokka mælist hins vegar með 29 prósentu blýfylgi, þ.e. fyrir neðan allar hellur hins þekkta, og nálgast nú ormabeltið

Angela Merkel hefur lagt í rúst þann draum þýskra manna að fá að lifa bærilegu lífi meðal jafningja í Evrópu. Hún neitar að verja land sitt, sama hvert litið er. Hún fyrirlítur Bandaríkin og NATO og ryksugar ESB-ríkin. Hún tortímir menningu Þýskalands og segir áhyggjufullum Þjóðverjum bara að lesa í bók í stað þess að verja allt það mikilvægasta sem menning Þjóðverja hvílir á

Konan er svo DDR-löskuð að hún á á hættu að vekja upp gamlan draug. Hún er á góðri leið með að verða sá Versalasamningur sem notaður var sem pólitískar eldspýtur síðast. Angela Merkel mun renna inn í söguna sem öflugasta tortímingarafl Evrópu á 21. öld

Kaflaskipti hafa nú orðið meðal Þjóðverja. Og þau eru ekki lítil. Það hlaut að koma að þessu, því þannig virka þjóðsvika-stjórnmál Evrópusambandsins á heilbrigt fólk, þegar upp er staðið. Spennið beltin

Fyrri færsla

Angela Merkel fékk 14 daga


Angela Merkel fékk 14 daga

Pólitísku lífi Angelu Merkel er lokið

Kanslara Þýskalands, Angelu Merkel frá DDR, var af Horst Seehofer innanríkisráðherra sameinaðs Þýskalands, og eftir mikið þras, veittur 14 daga frestur til að koma heim með sameiginlega lausn á landamæravandamáli 27 ríkja Evrópusambandsins, og sem gagnast Þýskalandi, er lýtur að flökku,- flótta,- og farandfólki sem Merekl án umboðs bauð velkomið, til meðal annars Þýskalands

Ákvörðun hennar er nú sprungin út í Þýskalandi og víðar. Íbúum 27 landa hafði í 23 ár verið sagt að Schengen-sáttmála-bastarður ESB myndi gæta landamæra ríkjanna allra. En það hefur Schengen ekki gert og er því innanríkisráðherra Þýskalands að grípa til sinna ráða. Seehofer er leiðtogi CSU-flokks Bæjaralands, sem er í flokksbandalagi með CDU-flokki Merkels þar og annars staðar í Þýskalandi

Horst Seehofer veitti Merkel þennan frest eftir að hafa hótað að beita framkvæmdavaldi sínu við öll landamæri Þýskalands, til að knýja þar á um að flökku,- flótta,- og farandfólki yrði snúið við við landamærin, til þess lands sem það skráðist inn í

Merkel fékk sem sagt sinn 14 daga frest. En nú hefur Horst Seehofer sett kanslara Merkel nýja afarkosti. Snúi hún ekki til baka með það sem hann og flokkur hans vill, þá mun hann beita framkvæmdavaldi innanríkisráðherrans og vísa fólki burt við landamærin. Merkel kanslari segir að þá muni hún reka hann með því að beita sínu framkvæmdavaldi og ógilda hann, og er ríkisstjórn Þýskalands þá sprungin. Sem sagt; hún hefur þegar hótað að reka hann. Þar með myndi Angela Merkel hafa tekið tappann úr ríkisstjórn Þýskalands á þeim forsendum að hún ætlist til þess að ríkisstjórnin og þingmenn haldi áfram að vinna gegn hagsmunum þjóðarinnar, eins og hún. Já eins og hún

Mælist því flokkur hennar og því miður bandalagsflokksins í Bæjaralandi líka -segir auðvitað CSU- með aðeins 29 prósent! fylgi í síðustu könnun, þar sem ríkisstjórnarflokkarnir fá aðeins 48 prósent saman. Gufuvélin í ESB höfðar ekki einu sinni til helmings kjósenda í "aflvél" ESB-rekaldsins. Og fyrir löngu er dautt á ljósavélinni. Allir neyðast því til fálma sig áfram í Evrópusambandinu og þannig hefur það verið frá því að árið 2008 tók allt heila stellið út, eins og spáð var

Á þessu veganesti úr kassa Merkels mun kosningabarátta CSU hefjast í Bæjaralandi, því þar er kosið til þings þann 14. október. Og AfD verður þar í framboði líka og mælist hann nú næst stærsti flokkur Bæjaralands. Í kosningunum 2013 fékk CSU 47,7 prósent atkvæða. Mistakist innanríkisráðherranum að gæta landamæra Bæjaralands enn meira en orðið er, og Þýskalands líka, þá er hætt við að AfD taki frá honum völd í frjálsum kosningum, því hver er að verða síðastur að bjarga því sem bjargað verður í Þýskalandi og Evrópusambandinu, sem orðið er fljótandi kirkjugarður fullur af strönduðum skipum, með alla farþegana enn um borð. Stjórnlaus skipin eru þegar byrjuð að rekast á

Hvert það foreldri sem tekur ekki barn sitt heim úr leikskóla með alla starfsmenn hans fullkomlega ábyrgðarlausa og útópíska, getur aðeins sjálfu sér um kennt þegar barn þess ferst. Það er þessi staða sem við sjáum í Evrópu núna. Íbúarnir í löndum sambandsins eru, og með réttu, orðnir svo hræddir, að næsti bær við móðurástina, þ.e. þjóðernis- og ættjarðarástin, slær sjálfkrafa inn

Ókjörnum og umboðslausum starfsmönnum Evrópusambandsins er ekki treystandi fyrir annarra þjóða börnum. Hvorki í Evrópusambandi, Rómarríki, Assýríuveldi, Sovétríki né Egyptalandi. Að öðrum kosti er það útgangan úr þess lags misfóstrum og þrælaríkjum sem bíður, fái stjórnmálamenn ekki heyrnina á ný. Björgunarbátar þjóðanna eru ávallt þjóðríkið og landamæri þess. Þeir sem kunna ekki þá Biblíulegu staðreynd, kunna lítið og jafnvel ekkert

Togi Merkel tappann úr þýsku ríkisstjórninni mætir hún til næstu kosninga sem hinn vondi, en Bæverjinn sem hinn góði. Þannig er nú það. Rétt er alltaf rétt og rangt er alltaf rangt, sama í hversu fögrum umbúðum vontið kemur

Evrópusambandið er búið að vera. Öll lög þess eru af hinu vonda, því þau eru samsæri gegn þjóðunum. Það eru ekki bara bankar sem eiga að veita góð lán. Þingmenn eiga líka að setja góð lög. Það er alger lágmarkskrafa, því annars spörkum við kjósendur ykkur út, sem gjaldþrota óreiðumönnum. Lifið og starfið samkvæmt því sem þið krefjist af öðrum

Fyrri færsla

Þjóðhátíðardagur Íslendinga 17. júní 2018


Þjóðhátíðardagur Íslendinga 17. júní 2018

Fáninn

****

Í dag get ég gert mér glaðan dag á þessum merka degi, þökk sé forfeðrum okkar. Lítið er að sækja til núverandi stjórnvalda og þingmanna í þeim efnum á þessum merka degi í dag. Margir stjórnmála- og embættismenn þjóðarinnar virðast komnir á sama bás og þeir voru, er Jón Sigurðsson ritaði þetta hér:

****

Sverrir Kristjánsson - 1961 - Rit og blaðagreinar Jóns Sigurðssonar - setur allt sitt traust á alþýðuna - bls liii 53

****

Þetta er ekki nógu gott

Ég óska okkur íslensku þjóðinni til hamingju með að vera fullvalda, sjálfstæð og frjáls. Slík er ekki sjálfsagt á neinn hátt, eins og sést svo greinilega í dag

Fyrri færsla

Þýska ríkisstjórnin gæti fallið á næstu dögum


Þýska ríkisstjórnin gæti fallið á næstu dögum

Úr vakúmvélarrúmi ESB

Horst Seehofer er bæverski maðurinn sem varð innanríkisráðherra Þýskalands í mars, eftir næstum hálfsárs raunir Angelu Merkels við að mynda eina þýska ríkisstjórn uppi í vélarrúmi í vakúmrúmi ESB, þar sem Merkel sefur. Hann er leiðtogi CSU-flokksins í Bæjaralandi, sem er í bandalagi með CDU-flokki Merkels. CSU í Bæjaralandi hefur sérstöðu sem CDU getur ekki keppt við. Sumir muna kannski eftir því að Franz-Josef Strauss leiðtogi CSU í Bæjaralandi kippti næstum dreglinum undan CDU/CSU flokksbandalaginu árið 1976, sem Helmut Kohl leiddi (1976-1982)

Horst Seehofer neitar nú að hlýða Merkel í innflytjendamálum og það eru októberkosningar í Bæjaralandi í haust. Hann neitar að gefa Merkel 14 daga til að komast að vakúm-samkomulagi uppi í vakúm-vélarrúmi ESB, því þar hefur hún alið loft-manninn sinn á lofti í þessu máli í þrjú ár. Fjórtán dagar í viðbót munu engu breyta í þeim efnum og ætlar Seehofer því að beita framkvæmdavaldi sínu og vísa þeim frá við landamærin sem ekkert þýskt-löglegt erindi eiga inn í Þýskaland frá öðrum ESB-löndum/lendum. Merkel bað um 14 daga og fékk þá ekki

Hún getur því valið um að reka manninn og enda flokksbandalag CSU og CDU, eða leggjast upp í loftrúmið sitt og leggja enn frekari stund á vakúmstjórnmál með sjálfri sér, því enginn í hennar flokki styður hvorki þetta vandamál sem hún sjálf bjó til handa álfunni, Þýskalandi, ríkisstjórn, flokki hennar og annars, sem í dag heitir Horst Seehofer. Hún nýtur aðeins stuðnings í sínum eigin flokki sökum skammar, en ekki vegna málefnisins né framgöngu hennar í málinu. Hún hefur misnotað flokkinn sinn og annarra, þingið, Þýskaland, Evrópusambandið og lýðræðið til að afla sér persónulegra vinsælda án þess sjálf að hafa til nokkurs unnið, því hún er fæla og í mesta lagi fuglahræða, ófær um að leysa mál og koma í veg fyrir að þau taki allt með sér niður þegar að málalokum kemur. Markus Söder (mögulega) nýtt leiðtogaefni CSU heimtar Trump-lausn á erfiðum málum með því að kalla eftir endalokum gagnslauss fjölþjóðaisma

Allt sem tengist Evrópusambandinu er nú orðið jafn banvænt geislavirkt fyrir hinn pólitíska geira Evrópu og kjarnakljúfur Tjernobyl var fyrir líkamlega heilsu manna. Eina ráðið er að halda sig sem lengst burtu frá dómsdagsvél Evrópusambandsins. Annars er það dauðinn sem bíður

Nú hetir það: "Donald J. Trump, forseti Bandaríkja Norður-Ameríku"

Norður-Kórea - Bandaríkin

Að fundi loknum: Götumynd frá Norður-Kóreu. Hvað skyldi fólkið geta lesið á milli línanna?

Donlad J. Trump er nú á forsíðum allra dagblaða sem fá að koma út í Norður-Kóreu. Þar er hann ekki sagður vera "gangandi liðið lík, ruslapoki, kjarnorkuvopnabrjálæðingur" og þar fram eftir götublöðum, sem sýndu hann þannig svo seint sem í apríl. Hann er nú kallaður Donald J. Trump, forseti Bandaríkja Norður-Ameríku í blöðunum í Norðri, en það er titill sem enginn fyrirrennara hans hefur nokkru sinni notið í málgögnum einræðisins í NK, segir bandarísk norðurkóreumála-rannsóknarstofnun í Suður-Kóreu í WSJ

Ljóst er því að fundur Trumps og Kim hefur komið því til leiðar að nú er hægt að eiga samskipti við stjórnvöld í Norður-Kóreu, því sambandi hefur verið komi á. Stjórnarerindrekar beggja landa hafa því heimild til að tala saman, vinna saman og leysa kannski úr einhverju máli saman, því ef leysa á mál þá þarf tvo til að búa til lausn sem er ekki stríð. Hvorugur leiðtoganna hefur tíma til að sinna þeim málum sem stjórnarerindrekar og embættismenn eiga að sinna í þessu máli; þ.e. skrúfum, blotum og bréfaklemmum málsins. Þetta útaf fyrir sig er góður árangur af einum fjörugga tíma fundi, sem Trump sagði að hefði ekkert kostað sig, annað en 24 tíma vöku á einum sólarhring

Stríðsástand ríkir á milli Norður-Kóreu og Bandaríkjanna og hefur gert svo í 68 ár, en með vonahléi frá og með 1953. Kannski eitthvað fari að gerast sem leysir fólkið í norðri undan okinu. Það hefur að minnsta kosti ekki tapað á þessum fundi, og heldur ekki fólkið í Bandaríkjunum. Japan, Suður-Kórea og Kína hugsa sitt, sem ég (og þau og enginn) veit ekki enn hvað er. Sovétfræðingar nútímans segja leiðtogafundinn hins vegar vera fíaskó

DXY

DXY-gengisvísitala Bandaríkjadals hækkaði um 1,6 prósent í gær, það mesta sem ég hef séð í mínu minni á einum degi. Evarn hrundi samsvarandi gegn dal sama dag. Góðar stjórnmála- og hagtölur streyma inn í Bandaríkjunum, alveg öfugt við flest sem er að gerast á Austurhveli jarðar, þ.e. í Gamla heiminum

Fyrri færsla

Nefndar-landamæri Evrópu virka ekki, allt í steik


Nefndar-landamæri Evrópu virka ekki, allt í steik

Í Bláhryggjafjöllum

Afkomendur vesturfaranna, og kjósendur, sem björguðu gamla heiminum, tvisvar. Evrópa hvað... Allt kannski ónýtt hjá ykkur aftur, eina ferðina enn? Svo er það Bill í næstu sýslu og dagurinn þegar Churchill 

****

Henni var brugðið henni Angelu Merkel. Á fundi í flokki sínum á þriðjudag var henni svo gott sem afneitað. Aðeins enginn af 13 þingmönnum á fundinum studdu hana, því tveir sátu hjá. Sögðu þýsk blöð að hún hefði komið eins og liðið lík út af þessum fundi (mitt orðalag), svo brugðið var henni (þeirra orðalag). Fundurinn snérist um innri sem ytri landamæri Evrópusambandsins. En þau eru ein stór klessa út í gegn. Ekkert virkar og landamæra-teppasprengjubúr ESB-ríkjanna stækkar bara og stækkar, þar til stóri hvellur hleypir lagernum út. Sprengjubúrið bókstaflega tifar

Um er að ræða innflytjendamála-óskapnaðinn sem Angela Merkel kallaði yfir lönd Evrópusambandsins, er hún veifaði milljónum óskoðaðra ófriðardúfna inn í sambandið, sem Þýskaland þykist nú ráða yfir. Innanríkisráðherra hennar heimtar að ólöglegu fólki sé nú vísað frá við landamæri Þýskalands og snúið aftur til þess lands sem það kom fyrst til. Málið tengist aðgerðum nýkjörinna ítalskra stjórnvalda sem snéru skipi með hælisleitendum frá, og tístu "sigur" þegar Spánn neyddist til að taka við því. Sama og Frakkland gerði þegar samskonar fólk ætlaði inn í Frakkland frá Ítalíu, en sem franski forsetinn fordæmir hins vegar Ítalíu fyrir að gera núna. Tvöfaldur skítamórall er sérgrein Evrópusambandsins, sem lærist um leið og maður gengur í það

Þýski innanríkisráðherrann, hennar maður, neitar að taka við fleira fólki og vill fara leið þeirra sem Merkel hefur fordæmt svo hart; snúa fólki við og láta aðra um um að sitja uppi með þau vandamál sem Merkel bjó til handa þeim. Um er að ræða tíu þúsund manna áhlaup á sambandið á mánuði núna. Er því annað hvort um afsögn þýska innanríkisráðherrans að ræða, eða friðþægingu. Og þar sem meiri hluti þýsku ríkisstjórnarinnar er svo afar lítill, þá er staðan krítísk. Þýska stjórnleysið blasir við öllum og í haust eru kosningar í Bæjaralandi. Þeir sem vilja fremja meira pólitískt harakíri, þeir standa með Merkel, sem sennilega er fallin, og deyja. Það styttist í vantraust á hana, bæði í flokk hennar og á þingi. Þegar hún fer frá, þá mun hún að sögn AfD og öryggis síns vegna, neyðast til að nota gömlu flóttaleið nasista til Suður-Ameríku, því hún hefur eyðilagt Þýskaland, segja þeir. "Hún er það versta sem Þýskaland hefur hýst síðan Adolf Hitler átti hér heima", segja þeir, froðufellandi af bræði

Fyrir dyrum Evrópusambandsins standa nú tvö tröll með tvær sleggjur í hönd. Upp Ítalíu koma tollar Trumps á þýska bíla með forstjóra á leið fangelsi, á meðan sautján-pundara 76mm Sherman-hlaup hins breska Firefly yfir Ermasund, stútar restinni af Evrópusambandinu, sem virðist skrúfað saman eins og þýskur Tiger II, sem þurfti tíu tíma viðhald til að geta gengið eina klukkustund. Að skipta við Stóra-Bretland á venjulegum tollasáttmálum, er stærð sem fær bílatolla Trumps til að líkjast engu. Þetta mun sambandið ekki þola, samtímis. Hvorki innvortis á milli ESB-ríkjanna sjálfra, né útvortis við heim Engilsaxa, sem er stór og stærstur. Þetta var stutt frétt úr "friðarsambandinu"

Góðar fréttir úr landi krónu og dals

Í gær horfði ég á seðlabanka Bandaríkjadals og Íslandskrónu segja frá stýrivaxtaákvörðunum sínum. Vestanhafs eru allar fréttir svo góðar að seðlastjórinn gat notað mannamál við frásögnina: stutt og laggott, allt er bara að verða great again

Og á krónusvæðinu gengur allt svo vel að enginn mætti í Seðlabankann til að spyrja neins, nema tveir, eða þrír. Restin sat köfnuð í þéttri byggð. Einn góður og annar sem virtist, fyrir slysni, hafa keypt þvaður um húsnæðisliðagikt vísitölu. En honum tókst sennilega að skila tölunni til baka í hnappagatið á þeirri upplognu skyrtu sem hún var úr, því allt fór vel

Allt er vel hjá dal og krónu, enda ekta gjaldmiðlar báðir, sem leysast ekki upp

Fyrri færsla

"Heimurinn mun sjá breytingar" sagði Kim [u]


"Heimurinn mun sjá breytingar" sagði Kim [u]

Sérfræðingaveldið: EKKI MÖGULEGT H/F

Ekki hægt. Óhugsandi. Breytingar þýða breytingar. Ekki hægt. Ekki mögulegt, segja þeir sem þola ekki breytingar sem þýða breytingar. Hat tip; Victor Davis Hanson í nótt

****

Og hver mun þá hafa breytt heiminum? Jú, sá sem krafðist breytinga. Og hver gerði það. Jú, Donald J. Trump

Þeir sem þola ekki breytingar sem þýða breytingar, þeir þola ekki Trump og kjósendur hans. Þannig er nú það

Hann er eini maðurinn sem Kim hefur hingað til treyst til að hlusta á sig og semja við sig um einmitt breytingar sem þýða breytingar. Það er vitað að Kim batt einmitt vonir sínar við Trump, af því að Trump er ekki venjulegur. Enginn annar forseti hefði gert þetta sem Trump gerði í dag

Og hvað sagði Kim? Jú hann sagði, "mig langar að lýsa yfir þakklæti mínu til Donalds J. Trump fyrir að hafa gert þennan fund mögulegan". Það sagði hann þegar samkomulag fundarins var undirritað. Tveir þjóðhöfðingjar hafa undirritað samkomulag, sem af "sérfræðingum" þótti óhugsandi fyrir aðeins sex mánuðum síðan. Engum datt það í hug, nema náttúrlega Trump. Ekki hægt, ekki mögulegt

Svo fór Kim og er á leið heim, á meðan Donald J. Trump forseti Bandaríkjanna gekk inn í ljónagryfjuna til að svara spurningum "blaðamanna", um hvers vegna sólin væri enn á lofti og fólkið í Norður-Kóreu enn að bíta gras - þrátt fyrir fjögurra tíma fund hans á einum sólarhring af öllum óteljandi hinum, þar sem hún settist án þess að nokkuð væri að gert

Einn dagur er liðinn og enginn dauður enn. Skelfileg vonbrigði fyrir alla þá sem óska Trump allt illt. Margt á þó enn eftir að koma í ljós, sérstaklega varðandi áframhaldið

Og viðskiptahallanum mun hann ná niður líka. Óhugsandi segja sérfræðingar. Algerlega óhugsandi, segja þeir í einum alþjóðlegum kór. En bíðið og sjáið. Viðskiptahallinn verður tættur burt. Skelfilegar breytingar segja þeir sem eru með hagnaðinn. Skelfilegar breytingar bíða okkar, og nú vantar AfD aðeins eitt prósent upp á að mælast næst stærsti flokkur í því landi sem óttast hallamál Trumps mest: Þýskaland. En það er landið þar sem forstjóri Audi sætir nú glæparannsókn í dísilsvindli þýska iðnaðarins, á meðan Ítalía er komin í primavera og Finnland á góðri leið með að skulda sig í hel í þýsku magabelti úr evrustáli, sem það kemst ekki úr

Þeir sömu "skýrendur" sem "skýrðu" heiminum frá því hvers vegna Donald Trump gæti ekki sigrað í forsetakosningunum í nóvember 2016, skýra nú heiminum frá því af hverju fundur Trumps og Kims var árangurslaus. Þeir sem vilja láta skýrast á ný, þeir um það

****

Einn dagur.. ein sleggja.. og ísinn brotinn ..vonandi

Og hér er blaðamannafundurinn, þar sem forsetinn svarar spurningum að fundi loknum

Uppfært kl 21:32. Krækjunni á YouTube-setur Hvíta hússins hafði verið breytt og myndbandið féll því út um tíma, en hér  er það á ný

Fyrri færsla

Tollabandalagið ESB vildi að sjálfsögðu ekki frjáls viðskipti


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband