Jæja. Wuhan-veiran leikur marga grátt

Fyrrum Obama-forsetafrúin lýsir því þarna yfir að núverandi forseti Bandaríkjanna sé rangur forseti fyrir landið. Það er ekki að spyrja að því. Svipað gerði fyrrum forsetafrú úr sama flokki er hún sagði að sá hluti bandarísku þjóðarinnar sem styddi Donald J. Trump, væru undirmanneskjur og hennar kjósendur þar með yfirmanneskjur. Svo talar þetta sama fólk um rasisma! Þarna hefur ekkert breyst og ekkert verið lært. Demókratar sem frá byrjun sáu að þeir gátu ekki komið í veg fyrir kjör Trumps í kosningum nema með því að eyðileggja hann á milli kosninga, halda áfram á þeirri braut sinni beint til heljar núna

Það versta sem Trump gerði þeim og því ríkisbubba-embættismannaliði, sem í yfirgnæfandi mæli aðhyllist demókrata, er það að hann lýsti því yfir að hann þyrfti ekki á því liði þeirra að halda. Það væri gagnslaust og ofborgaður óþarfi sem enginn þyrfti á að halda. Og við það hefur hann staðið. Hann hlustar ekki á þetta fólk og fer sínar eign leiðir. Það þola ríkisbubbarnir og kerfishershöfðingjarnir ekki og heldur ekki hugveiturnar og allar "stofnanirnar", sem allt eru að sliga með naggrísa-nagi sínu á skattgreiðendum. Hefur það lið hrúgað til sín réttindum og launum áratugum saman

Ég-get-sjálfur-aðferð Trumps hefur virkað afskaplega vel. Átta arfavitlausum árum Obama hefur verið sturtað á öskuhauga sögunnar, efnahagurinn tók því að blómstra og einkafórnarlömb aumingjavæðingar Demókrata fengu vinnu og gátu þar með sannað að þeir gerðu gagn í þjóðfélaginu og væru ekki upp á ölmusur Demókrata komnir. Algjör hryllingur fyrir Demókrata

Utanríkispólitík Trumps hefur einnig virkað vel. Stofnanavætt vesalingaveldi ESB-sukksins á meginlandi Evrópu þorði ekki öðru en að kaupa vasahnífa á kústsköft herja sinna og hætta að taka því sem gefnu að Bandaríkin myndu verja það fyrir sjálfu sér og eyðileggingarmætti Evrópusambandsins. Enginn nennir lengur að vera blásari í þokulúðrasveitum Miðausturlanda-sírenusveita vinstrisins á Vesturlöndum, og sögulegar sættir Araba og Ísraela fara nú fram og vinskapssambönd þar á milli er verið að formfesta einmitt núna, þökk sé Trump

Fimm ára styrjöld Demókrata á hendur Trump hefur því farið heldur betur illa fyrir Demókrata sjálfa. Sumir toppar þeirra eru á leið í fangelsi og margir þeirra hafa verið reknir úr opinberum störfum með skömmina eina í skilnaðargjöf. Moldvörpustarfsemi, drottinsvik, misnotkun og þjóðníð var það sem þeir reyndu að nota gegn Trump forseta bandarísku þjóðarinnar

Nýjasta vopn demókrata á Trump er hins vegar kínverska Wuhanveiran ásamt nýjum aukaflokki rasista innan Demókrataflokksins, sem kallar sig Svört líf skipta máli. Sú hreyfing er ekki nýnasistahreyfing eins og MeToo var. Hún gekk nefnilega út á að ræna störfum og lífsviðurværi frá öðru fólki sem annars hefði ekki verið hægt, og alls ekki fyrir rétti í réttarríki. Um eins konar Iittala-kristalnótt hinna löngu kristalvasahnífa góða fólksins var bara að ræða og sem stöðvaðist um leið og hún náði til Hollywood og demókratans Joe Biden. Hreyfingin Svört líf skipta máli er hins vegar hrein rasistahreyfing með mottóið "við erum æðri, þið eruð rusl og sek um allt milli himins og jarðar" (svipað og sagt var um Gyðinga)

Á þennan vagn ofurheimskunnar sem virðist hafa það sérstaklega gott á tímum heimsku-símanna, hoppa nú bjánar út um allt. Þar er tungumálið "já, nei, æði, líkar, þú skilur" eða með öðrum orðum eins konar háhraða-rafeindasuð nýbjána á borð við þá sem klesstu hlutabréfamarkaðnum þegar þeir tóku í notkun háhraðaviðskipti með hlutabréf í tölvum

Þarna klessa nýbjánar og barnafullorðnir sér næstum daglega núna og birta um leið myndir af hruni sínu í beinni. Möguleikarnir á að gera sig að fífli þarna eru svo gott sem endalausir, fyrir nýbjána. Kannski hófst þessi sjálfsklessuferð á félagshrunsmiðlum á því að vesalingar fengu borgað fyrir að koma fram í sjónvarpi og útstilla sér þar sem til dæmis óhæfir uppalendur barna (einræðisherrabörn sem þetta fólk hafði búið til var sýnt) eða til dæmis fólk sem bjó á fjóshaug sem það sjálft hafði skapað með leti sinni, subbu- og aumingjaskap. Þetta varð því miður vinsælt sjónvarpsefni

Nú geta hins vegar hverjir sem er, ráðherrar líka, sent sjálfa sig beint út sem vesalinga og raðdómgreindarskerta fávita

Er þetta ekki æðislegt. Jú jú, endilega meira af þessu!

Fyrri færsla

Kínaveiran: Þingflokksvindur nú (ó)Sjálfstæðisflokksins

„Donald Trump er rangur forseti fyrir land okkar“

Kínaveiran: Þingflokksvindur nú (ó)Sjálfstæðisflokksins

"Nú get ég"

ÍSLAND

Það er harla stórfurðulegt að sjá til dæmis þingflokksformann Sjálfstæðisflokksins og fyrrverandi dómsmálaráðherra sama flokks tala um "einstaklingsfrelsið" sem ferðaþjónusturáðherrann í ding-dong kína-hennar varð sér til skammar fyrir um helgina

Ef við viljum varðveita það þjóðfrelsi okkar Íslendinga sem ávallt er grundvöllur og frumforsenda einstaklingsfrelsis okkar, þá er erfitt að sjá að orkupakka- og landsölumenn Sjálfstæðisflokksins geti yfir höfuð komið nálægt umræðu um einstaklingsfrelsið, því þeir hafa barist svo hart fyrir afnámi þess með því að grafa undan þjóðfrelsi okkar Íslendinga í eigin landi. Þetta er auðvitað meira en stórfurðulegt þegar það mál á prent er sett, miðað við að því er virðist uppnefni flokksins

Mér sýnist á grein xD-orkupakka þingvaktarformanns niðurlagningaverksmiðju fullveldisins í Sjálfstæðisflokknum í Mogganum í dag, að hann ætli að smíða skip eða flugvél sem tekur hann til útlanda. Gott hjá honum. Vindurinn blæs og hann er frjáls. Orkupakkamaðurinn sá hefur frelsið til að byggja skip og sigla sér burt á því. Hvar hann lendir fleyi sínu er ekki mitt mál, heldur mál lögsögu annarra ríkja. Hann gæti til dæmis lent á Bretlandseyjum, á Kólaskaga, þar sem kókberin vaxa (ekki satt), jafnvel á Grænlandi, eða enn betra, - í Færeyjum, fái hann yfir höfuð landgönguleyfi!

Ef við viljum varðveita það þjóðfrelsi Íslendinga og sem ávallt er frumforsenda einstaklingsfrelsis okkar í eigin landi (Ísland er eina landið sem við eigum og stjórnum), þá er erfitt að sjá að orkupakka- og landsölumenn Sjálfstæðisflokksins (einnig sitjandi í AIIB-bankaráði Kínverska kommúnistaflokksins) geti yfir höfuð komið nálægt umræðu um einstaklingsfrelsi, því þeir hafa barist svo hart fyrir afnámi þess með því að grafa undan þjóðfrelsi okkar Íslendinga í eigin landi. Orkupakki ánauðarinnar sér fyrir því, ásamt Schengenstöppu hins sama umboðslausa illfyglis plús EES

Jafnvel James Onedin þurfti að fara í sóttkví eða láta vera að sigla, þrátt fyrir það frelsi sem vindurinn veitti honum. Hann þurfti iðulega að fara í sóttkví til þess að eyðileggja ekki þjóð- og einstaklingsfrelsi landa sinna. Það fékk hann nefnilega ekki. Heldur ekki í öðrum ríkjum

Ísland er ekki lokað land svo lengi sem skip okkar sigla. En hve lengi þau fá það, er því miður á valdi annarra ríkja, því kaupskip okkar eru skráð þar - í útópíuríki líberalista. Þau eru skráð utan íslenskrar lögsögu. Kannski kemst hinn dæmigerði þingsitjandi orkupakkamaður xD ekki úr landi, þrátt nú-get-ég-frjálsan vind, sökum eigin aulaháttar og sjálfskipaðrar ánauðar. Lögheimili hans og "þingflokks" hans virðist því miður hafa verið flutt til Útópíu, þar sem ferðaþjónustan ein ræður ríki (hamborgaraþjónustan)

Tengt: Hvað er Íhaldsstefna?

- Gunnar er þjóðaríhaldsmaður (Nat-Con) í Sjálfstæðisflokknum 

****

MINNI SAMDRÁTTUR Í DANMÖRKU EN Í SVÍÞJÓÐ

DANMÖRK

Landsframleiðsla Danmerkur dróst saman um 7,4 prósentustig á öðrum fjórðungi ársins miðað við þann fyrsta, samkvæmt tölum dönsku hagstofunnar. Þetta er mesti samdráttur sem mælst hefur í Danmörku frá því að fjórðungsuppgjör voru tekin upp í byrjun tíunda áratugar síðustu aldar

Þetta er þó mun betri árangur en náðst hefur í stjórnlaust meðvirkri Svíþjóð, þar sem tæplega sex þúsund manns eru látnir úr kínversku Wuhan-veirunni, miðað við rúmlega sex hundruð í Danmörku. Þannig dróst landsframleiðsla Svíþjóðar saman um 8,6 prósentur á sama tímabili. Og heilum fimm sinnum fleiri á hvern íbúa féllu fyrir hendi kínversku veirunnar

Árangur Dana í stríðinu við veiruna er meira en fimm sinnum betri í landi þeirra Danmörku á hvern íbúa, miðað við Svíþjóð. Almannaöryggi og rekstraröryggi er meira í Danmörku, bæði fyrir fólk og fyrirtæki, og danska þjóðin skelfur því ekki eins og embættismannaskelfd Svíþjóð. Danir kóast og kúgast heldur ekki með hálfsovésku yfirvaldi með prófgráðu, eins og skattpíndir Svíar gera í hæstu sköttum veraldar í sextíu ár

FINNLAND

Finnska hagstofan: "Seasonally adjusted GDP is estimated to have fallen by around 3.2 per cent from the previous quarter."

En samt er það Finnland sem hefur vinninginn, að minnsta kosti þar til norska og síðan íslenska hagstofan koma með tölur sínar í enda mánaðarins

Þannig var samdrátturinn í Finnlandi ekki nema 3,2 prósentur á þessu sama tímabili og Wuhan-veiru dauðsföllin eru rúmlega tólf sinnum færri á hvern íbúa en í Svíþjóð

Að mörgu leyti er þessi hlutfallslega litli samdráttur litlar fréttir fyrir Finna, því Finnland hefur aldrei beiðið þess bætur að ganga í ESB og taka upp evru. Landsframleiðsla Finnlands er nefnilega næstum því sú sama og hún var árið 2008, á föstu verðlagi. Enginn vöxtur hefur verið síðustu tólf árin. Evran drap Finnland og er því mun erfiðara fyrir kínversku Wuhan-veiruna að drepa enn frekar það sem þegar dautt er

Samdrátturinn árið 2009 varð sá versti í Finnlandi allar götur frá 1918, eða um það bil 9 prósentur og útflutningur hrundi um 24 prósentur. Allt þetta –plús enginn hagvöxtur í 12 ár– er vegna þeirrar þýsku myntar sem landið notar; þ.e. stálfátæktarevru (verri en sýklahernaður)

Fyrri færsla

DDRÚV og aldarafmæli svikamyllu Ponzy

Landsframleiðsla Þýskalands féll um 34,7 prósent. Evrusvæðið enn verra

EKKI-BLAÐAMAÐUR, LANDSFRAMLEIÐSLAN OG HRUNSAMBANDIÐ ESB

Jæja. Víkjum nú blaðamönnum svo kallaðra "fjölmiðla" aðeins til hliðar, en skoðum hins vegar landsframleiðslu-fréttarétti þeirra. Við leyfum þeim þó að halda launum sínum, sem þeir eiga varla skilið, landsframleiðslu- og prósentulega séð. Svipað gildir einnig um CNN-stjórnmálamenn úr sama flokki líberalista

Þar sem Bandaríkin eru næstum eina landið í heiminum sem einnig birtir landsframleiðslubreytingar milli ársfjórðunga útfærða sem breytingu landsframleiðslunnar á ársgrundvelli, þá voru engar fréttir í fjölmiðlum um að samdrátturinn í landsframleiðslu Þýskalands var enn meiri en í Bandaríkjunum á sama tímabili, sé sömu reikniaðferðum beitt

Landsframleiðsla Bandaríkjanna féll um 9,5 prósentur frá fyrsta ársfjórðungi 2020 til og með annars ársfjórðungs 2020. Þetta er prósentubreytingin á milli þessara tveggja fjórðunga. Þessi breyting segir okkur hins vegar ekkert um sjálfan fyrsta fjórðunginn, heldur segir hún okkur bara hvað gerðist á öðrum fjórðungnum miðað við þann fyrsta

Ef mönnum skyldi langa til að vita hvernig árið í heild kæmi út miðað við hagvaxtarhraðann (hraðabreytinguna) sem varð á öðrum fjórðungi (miðað við þann fyrsta) með því að segja að hröðunin (samdrátturinn eða bremsunin) verði óbreytt út allt árið og gera hraðann þar með að árshraða, þá er það gert svona:

Maður fer í uppgjörstöfluna yfir árstíðaleiðrétta landsframleiðsluna í Bandaríkjunum á föstu verðlagi og deilir með fyrsta fjórðungi ársins 2020 (19.010,8 milljarðar dala) í annan fjórðung ársins 2020 (17.205,8 milljarðar dala) og fær út töluna 0,905. Síðan setur maður þá tölu í fjórða veldi til að dreifa ástandinu yfir allt árið (fjóra fjórðunga) og þá kemur út talan 0,671. Frá henni dregur maður síðan töluna 1. Þá kemur út talan mínus 0,329 og hún er síðan margfölduð með hundrað til að fá út prósentutölu: sem er mínus 32,9 prósentur. Þetta er sá samdráttur sem borinn hefur verið á fréttaborð fyrir okkur án þess að sambærilegar tölur frá öðrum löndum sem nefnd eru í sömu andrá séu bornar fram á sama hátt

Til að sleppa við að fara á ónothæft vefsetur nú austurþýsku hagstofunnar (Statistisches Bundesamt) og sem orðin er tæknilega ófær um að starfrækja RSS-efnisveitu að gagni, þá er hægt að fara hingað (inn á einkaframtakið) til að ná í þýsku tölurnar á föstu verðlagi, ásamt slíkum tölum flestra annarra landa heimsins. Þær eru 793,405 milljarðar evrur fyrir fyrsta fjórðung 2020 og 713,136 milljarðar evrur fyrir annan fjórðung 2020. Þegar ofangreindum útreikningum er sleppt lausum á þessar þýsku tölur þá kemur út talan mínus 34,73 prósentur

Landsframleiðsla Þýskalands féll sem sagt enn meira en sú bandaríska á umræddu tímabili eða 34,73 prósentur, sé sömu reikniaðferðum beitt. Það er því ekki hægt að álykta sem svo að lægri dánartölur og færri smit kínversku Wuhan-veirunnar í Þýskalandi hafi komið betur út fyrir þýska hagkerfið, miðað við Bandaríkin. Hinir efnahagslegu vísu (en þó clueless) menn Þýskalands höfðu spáð 4,5 prósentu falli, en ekki því 10,12 prósentu falli sem reyndin varð (hefðbundnir útreikningar sem mæla breytingar á milli fjórðunga í röð). Nein, því höfðu þeir ekki búist við

Tölurnar fyrir eftirfarandi lönd og furðufyrirbæri á borð við evrusvæðið eru þessar, séu bandarísku ársgrundvallar-reikniaðferðirnar notaðar:

Spánn: -55,41 prósent hrun
Frakkland: -46,43 prósent
Ítalía: -41,22 prósent
Portúgal: -45,28 prósent
Evrópusambandið (27 lönd): -39,8 prósent*
Evrusvæðið: -40,25 prósent hrun, miklu verra en í Bandaríkjunum

* Skjáskot af töflu "namq_10_gdp": vonlaust er að krækja breytu-beint á úrelta fornaldartækni Eurostat hagstofu esb (hint: stilla töfluna á "Chain linked volumes, annualized percentage change on previous period")

PS: Það var Eurostat-hagstofa esb sem samdi nóturnar fyrir níundu Ponzy-sinfóníu grísku hagstofunnar sem flutt var viðstöðulaust frá 1993 til 2009. Dirigent var herr Afleiða

BANDARÍKIN: HVAÐ VARÐ UM PENINGANA?

Mynd Landsbanki Kanada: Sparnaður sem hlutfall af ráðstöfunartekjum bandarískra heimila hefur þotið upp

****

Helsta ástæðan fyrir fallinu í bandarísku landsframleiðslunni er sú að einkaneysla (einkum þjónustu) dróst saman og sá samdráttur útskýrir nánast allt fall landsframleiðslunnar á þessum öðrum fjórðungi ársins. Fyrirtækin brugðust hratt við og drógu úr umsvifum. En hvað varð um þá peninga heimilanna sem annars hefðu verið notaðir til að kaupa landsframleiðsluna af fyrirtækjum landsins? Jú þeir voru sparaðir upp og bíða þess að hægt sé að nota þá (og kíkja kannski aðeins við á Nasdaq nú þegar Eplið AAPL verður klofið í fernt þann 31. þessa mánaðar og Jón og Gunna hafa þá betur efni á einum litlum bita). Peningar fólksins bíða eftir að hömlum vegna kínversku Wuhan-veirunnar sé aflétt, vegna þess að framboðskreppa er í gangi hennar vegna. Eftirspurnin er hins vegar í lagi. Fólk fær bara ekki að nota peningana sem það á og hefur til umráða

Þess vegna hef ég minnst á að tómatsósuflöskuáhrif geta orðið þegar veiru-höftunum verður aflétt. Brjálæðislegur hagvöxtur gæti orðið, því Bandaríkin þurfa ekki að bíða eftir neinum öðrum, því þau flytja svo lítinn hluta landsframleiðslunnar út (13 prósentur og helmingur þess fer til Kanada og Mexíkó). Bandaríkin eru ekki útflutningsháð eins og lönd Evrópu og sérstaklega ekki eins og Þýskaland, sem er ofurútflutningsháð óðaöldrunarhagkerfi. Þýskaland mun því líklega sitja eftir á botninum því útflutningsiðnaður mun jafna sig síðastur allra geira hagkerfanna. Það mun varla fara vel í þýska kjósendur. Sérstaklega ekki þegar peningar þeirra enda kannski á krónískt soltnum kistubotni Suðursins í skjóli nýlegra næturfunda í reykfylltum bakherbergjum Brussels - á heilum fimm! snúningum jarðar um sjálfa sig

MUNIÐ: KÆRU LESENDUR

Munið nú kæru lesendur að fara eftir því sem æðstu "heilbrigðisyfirvöld" heimsins (WHO) og hið vellaunaða embættismannarusl þeirrar stofnunar og hangandi ofborgaðir spottar hennar sögðu um allar jarðir:

1. Wuhan-veiran smitar ekki á milli manna (jæja)
2. Ferðatakmarkanir milli landa virka ekki (virka samt)
3. Andlistgrímur virka ekki (virka samt)
4. Lyf þetta og lyf hitt virka ekki (en þau virka samt)

Allt þetta ofborgaða embættismannarusl WHO-stofnunarinnar sem eyðir meira fé í ferðalög og fimm stjörnu hótel en stofnunin notar í baráttuna við eyðni, lifrarbólgu, malaríu og berkla samanlagt á ári, þarf að taka í gegn, reka og leggja stofnunina niður. Það er ekki hægt að bæta hana frekar en DDRÚV-pláguna og hið sama gildir að mestu um sjálfa sukkstofnunina sem er móðir WHO; S.þ.

Þennan 1+2+3+4 söng fengum við líka að heyra hér heima til að byrja með, því hér hugðust embættis- og sjórnmálamenn alls ekki að aðhafast neitt í Wuhan-veirumálinu og ráðherrar hoppuði hæð sína í bræðikasti yfir því að Trump forseti skyldi gera eitthvað í málunum og þvinga þá til aðgerða. Opinberuðu ráðherrar og flestir (en þó ekki allir) þingmenn þannig náttúruleysi sitt og fávitahátt frammi fyrir íslensku þjóðinni, sem heldur þeim uppi. Þetta fólk er lítils virði. Það er ekki launanna virði frekar en aularnir í vesalingaveldi WHO, ESB og Schengen. Þetta þarf að skera niður og burt

Fyrri færsla

Rólega... rólega... [u]

Sería björgunaraðgerða vegna evrunnar heldur áfram í ESB

NÝR CAMERON

HÆSTA FJALL EVRÓPU ER Í HOLLANDI NÚNA OG HEITIR MARK RUTTE

Evrópa sekkur dýpra í skuldafenið sem evrunni var ávallt ætlað að búa til, þegar nánar var að gáð, enda þótti hagfræðingum fyrirbærið jaðra við tunglsýki. Það styttist því í kröfur um að nýtt Luftwaffe verði stofnað sem ný innheimtustofnun yfir Evrópu. Upphafsstaða Suður-Evrópu í evrunni var 70 prósent fyrirfram-glötuð. Samt var skrímslinu því sleppt lausu

"Europe’s future is at stake," Ms. Merkel had warned Mr. Rutte during the tense negotiation, said people familiar with the discussion. "If southern countries go bankrupt, we all go bankrupt eventually." – blaðamenn WSJ. Leiðari blaðsins segir: "Evrópa hoppar í skuldafenið"

Sú röð fjölda-björgunaraðgerða (e. serial-bailouts) sem tilvist evrunnar hefur kallað yfir meginland Evrópu heldur áfram. En nú af enn örvæntingarfyllri krafti en áður, því helmingur meginlandsins er gangandi gjaldþrota. "Ef við björgum ekki Ítalíu, Spáni og Portúgal og mútum Austur-Evrópu, þá verðum við öll gjaldþrota" – sagði Angela Merkel við Mark Rutte forsætisráðherra Hollands á fimmta degi fundarins í skuldasellu evrunnar í Brussel í gær

Nýtt og tólffalt Grikklandsstríð í ESB er því við það að hefjast, eða frá og með næsta ári, en það er fyrst þá sem greiðslur að "uppfylltum skilyrðum" eiga að koma til framkvæmda úr "björgunar- og endurreisnarsjóðnum", sem lítið hefur því með Wuhan-veirumálin að gera, því þau eru núna. Nettóviðtakendur eru lönd Suður-Evrópu, þar sem Ítalir úthluta sjálfum sér árlega 16,2 prósentum landsframleiðslunnar í ríkisfjármagnaðan lífeyrir. Í Hollandi er sú tala 5,4 prósentur. Fái Suður-Evrópa ekki fé til að borga Þýskalandi þá er Þýskaland gjaldþrota líka

Ítalía er gjaldþrota núna í umsjá ríkisstjórnar sem er við það að taka landið út úr ESB, sé því ekki mútað, og þá fengi Þýskaland lítið. Spánn er gjaldþrota og við það að sundrast innafrá. Það er því sem næst kommúnistaríki núna. Portúgal er að deyja hægfara evrudauða í ESB. Grikkland er þegar dautt

Angela Merkel verður líklega hataðasta manneskja Þýskalands er hún loksins fer frá völdum. Þjóðverjar munu segja að hún hafi eyðilagt Þýskaland, að innan sem utan, því þeir álíta að undanlátssemi hennar núna sé vegna þess að hún er að fara frá og hafi "ekki nennt þessu lengur" – enda uppalin í DDR, eins og Svavar. Frá henni hafi því komið nýtt stórt bless-spark í gær, og sömu gömlu en nú enn glataðri ESB-dósinni var þeytt lengra niður götuna – til glötunar. Sá sem tekur við og mundar sig við næsta spark, verður hvað?? og hver....??

Fjögur ríki í sambandsríkinu Þýskalandi hafa því sent bænaskjal til þjóðþings Bandaríkjanna um að bandarískir hermenn verði ekki kallaðir burt úr þeim, því efnahagur þeirra þoli það ekki. Um er að ræða vesturþýsku ríkin Rínarland-Pfalz, Hessen, Bæjaraland og Baden-Württemberg. Líka þau eru á skallanum, fari bandarísku hermennirnir á brott og annað, með fé bandarískra skattgreiðenda, eða jafnvel heim. Þau vilja einhverra hluta vegna ekki ganga í Frakkland og allra síst í Ítalíu, né hvað þá Rússland

Hefst nú nýtt tímabil í sögu Evrópu þar sem allir verða með nefið enn lengra niðri í koppum hvors annars og blaðamannastéttir allra ríkja meginlands Evrópu munu gera út á að dekka spillinguna í því landi sem fær björgunarpeninga, eins og Eurointelligence bendir á í dag – á meðan heimamenn í norðrinu lesa fréttir þeirra og lepja skuldasúpu gærdagsins úr nýrri en næfurþynnri skel. Hatrið og sundurlyndið stigmagnast á meginlandi taparanna. Bretar prísa sig því sæla og verða hið nýja helga land Evrópu, eins og Blake orti um

NÁNAR

Victor Davis Hanson

Fyrri færsla

Telegraph: "Emmanuel Macron ásakar Holland um breska brexit-hegðun" 

Telegraph: "Emmanuel Macron ásakar Holland um breska brexit-hegðun"

Mynd WSJ: Ríkissjóðsútgjöld eða "efnahagsleg örvun" Bandaríkjanna, annarra ríkja og efnahagssvæða vegna kínversku Wuhan-veirunnar. Hlutfall af landsframleiðslu. Til viðbótar þessu koma síðan aðgerðir Bandaríska seðlabankans

***

LOL: ÞETTA ER SPRENGHLÆGILEGT

"Emmanuel Macron accuses Dutch of acting like Brexit Britain at EU coronavirus summit" – segir í fyrirsögn Telegraph í dag – og sjá frétt Mbl um málið

Þetta er fyndið vegna þess að Holland er útibú Angelu Merkels og eins konar bremsumiðstöð Þýskalands í Evrópusambandinu. Þannig að þegar Macron skammar Holland þá skammar hann Þýskaland. Á Sovéttímanum var þetta kallað að "taka Albaníu á málin", því þegar umboðslausum Kommúnistaflokkunum í Kreml líkaði ekki það sem eitthvert stærra ríki í USSR-allsherjarverkóinu gerði, þá skammaði Kremlið Albaníu, því hún var svo lítil. Síðan urðu Kremlológar að rýna í bollana og afkóða skammirnar

Sem sagt: "leiðtogar" 27-ríkja hafa verið lokaðir ofan í suðukatli í bráðum fjóra daga til þess að rífast um hámark 0,8 prósentu af samanlagðri landaframleiðslu Evrópusambandsríkja, dreift yfir þrjú ár, eða 350 miljarða evra skv. Eurointelligence í dag

Sovétmenn voru þó aldrei svo heimskir að krefjast sameiginlegrar myntar í öllum ríkjum kommúnismans

Þannig að Þýskaland er sennilega á leið út úr Evrópusambandinu (reyndar sjálfgefið úr þessu), því nú er komið að nýju rassakasti þar: Gertrúd eða Gertút þ.e.a.s nýtt Versalasamnings-rassakast. Við viljum ekki borga (en Grikkland á hins vegar að borga okkur, í okkar mynt). Og við höfum þénað þrefalt inn fyrir kostnaðinum við endursameinungu Þýskalans á myntinni evru og veru okkar í ESB

Samkvæmt þessari mynd hér fyrir ofan þá þokast evrusvæðið núll komma einn millímetra upp súluna eftir þessa fjögurra daga reykfylltu suðu í suðukatli taparanna á meginlandinu. Untergang Evrópusambandsins er fyrir löngu orðinn notbremsenresistent

Massíf tiltök

Mynd WSJ: Fjárlagahalli ríkissjóðs Bandaríkjanna vegna kínversku Wuhan-veirunnar, settur í sögulegt samhengi. Hlutfall af landsframleiðslu. Já ríkissjóðir fullvalda og sjálfstæðra ríkja hafa eyðsluskyldur

Fyrri færsla

Anna Bretaprinsessa gefur lítið fyrir loftslagsþvætting nútímakjána

Ekkert samkomulag í Brussel

Vesturlöndum bannað að reisa kirkjur í múslímaríkjum og 5G-net í Kína

Hin blinda Rachel Flowers leikur Ráðgátuna endalausu eftir Emerson, Lake og Palmer

****

SAGA "MANNS" OG KÁLHAUSA

Best að hafa fyrirsögnina svona, því hún fær kannski eitthvert kálhöfuðið til að nota hið eina kálblað sem það hefur til umráða, því restin af höfðum of margra virðist ónothæft og sopið svartkál úr háskólum, sem orðnir eru lágskólar, eða því sem næst svæsnar blaðurkompur og oft með lítið sem ekkert markaðsfæranlegt notagildi fyrir þá sem þangað álpast inn, og taka á sig þung lán fyrir. Um er of oft orðið að ræða einar lélegustu og hættulegustu fjárfestingar sem hægt er að gera fyrir venjulegt fólk. Háskólanám er að of mörgu leyti að verða hættulegra basl en kauphöllin er fyrir kjána. Fólk er jafnvel rænt vitinu sem þangað álpast inn, því oft kann það minna er það kemur út

En við skulum hins vegar byrja þennan pistil á því að hið svo kallaða "alþjóðasamfélag" –sem er ekki til og hefur aldrei verið til og verður aldrei til– hefur ekkert gert í því að handhefja alþjóðleg hafréttarlög á Suður-Kínahafi, þrátt fyrir alþjóða-fetisma þeirra er það kál fastvaxið hafa á sínum herðum, og sópað var burt af einni slíkri nú nýlega, meira að segja íslenskri. Þannig úrskurðaði Haagdómstólinn 2016 að Kína hefur ekki löglegt tilkall til þess hafsvæðis sem það er að hrúga upp sandbunkum á, og skrúfa síðan eldflaugabatterí kommúnistaflokksins á þær flokksgerðu kryppur hans upp úr hafinu

Þarna ætlar "maðurinn" –sem enginn hefur séð og ekki er til, því aðeins eru til Bretar, Íslendingar, Kínverjar, Rússar, Keníamenn og svo framvegis í veröldinni– ekki að byggja neitt, heldur er það kínverski kommúnistaflokkurinn og kommúnistar hans sem eru að byggja þarna land á alþjóðlegum siglingarleiðum og hafsvæði. Enginn hefur séð "manninn" –sem alþjóðaistar bjuggu til uppi í kálhöfðum sínum– að verki þarna. Auðvitað ekki, því enginn "maður" er til, aðeins einstaklingar sem allir eiga sér ákveðið heimaland, átthaga og uppruna í þjóð eða ættbálki, og enginn þeirra er með það sama innanborðs í toppstykkinu, hvorki skoðanir, tungumál, uppeldi, viðhorf né bragðskynsskala. Þeir eru allir ólíkir eins og Newton komst að raun um er hann gafst upp á kauphöllinni og snéri sér að svartagaldri, því að í kauphöllinni gat hann ekki einu sinni spáð þrjár mínútur inn í framtíðina um gjörðir "mannsins" - sem er ekki til. En hann gat hins vegar spáð fyrir um gang himintungla, tíu þúsund ár inn í framtíðina

Enginn "maður" eða "maðurinn" er til frekar en sá rökhyggju-guð sem kálkobbar Frönsku byltingarinnar reyndu að finna upp í staðinn fyrir Guð, og fengu því í staðinn jarðbundinn einræðisherra með miklu meiri völd en konungurinn sem steypt var hafði. Þarna sortnaði framtíð Frakklands og við tók því sem næst ættjarðarlaus útópía með reimleika sem stjórnarfar. Feluleikar hófust; og kálið varð guð. Bretar fóru betur út úr þessum tímum því þeir losnuðu við "fjölbreytnina" sem Frakkland leið fyrir, því Bretland var ekki með annan fótinn fastan í Miðjarðarhafinu, sem þá hafði breyst í eins konar stofufangelsi og er það enn

Já, Bandaríkin sem fram að þessu hafa verið meira hlutlaus en ekki á Suður-Kínahafi, hafa nú skipt um gír og eru vegna skorts á "manni alþjóðasamfélagsins" byrjuð að lögga Suður-Kínahaf og koma þar á þeim lögum-og-rétti sem Kína hefur skrifað undir. Njóta Bandaríkin þar stuðnings allra ríkjanna sem hlut eiga að máli við Suður-Kínahaf, nema auðvitað Kína, sem er glæpamaðurinn í málinu

Hafnbanns- og áhrifageta og stuðningur við Bandaríkin í þessu máli nær frá Aleuteyjum í Beringshafi niður til Japans, þaðan yfir til Suður-Kóreu til Taívan og þaðan yfir til Filippseyja, niður til Indónesíu, Ástralíu og Nýja Sjálands, svo við minnumst ekki á Indland og öll hin ríkin á borð við Víetnam. Hvergi er stuðning við stefnu Kínverska kommúnistaflokksins að finna. Enginn styður Kína nema þá helst íslenskir kjánar í hinum ótrúlegustu flokkum, sem segir allt sem segja þarf um þá fallandi flokka. Kálhausar og ættjarðaróvinir þar vaxa í Schengenstækju landssölumanna

Enda er Kína fallandi veldi en ekki rísandi. Það er meira að segja svo fallandi að það þurfti að installera Xi-einræðisherranum til að stífa landið af 2013. Annars hefði það hrunið. En hrynjandi er það nú samt, eins og sést ágætlega á Suður-Kínahafsmálinu og síðan þeirri staðreynd að Kommúnistaflokkurinn hefur tekið upp á því að kýla einu viðskiptavini landsins beint í andlitið og varpa á þá veirum. Svo fallandi veldi er Kína að flokksforystan í Peking hefur meiri áhyggjur af framtíð sinni en Júríj Andropov, Konstantín Tsjernenkó og Mikhaíl Gorbatsjev höfðu af framtíð kommúnistaflokks Sovétríkjanna. Gálginn bíður. Hann fer ekkert – og forystan veit að hann er stór í svo fjölmennu landi fátæklinga

"Dreggjar Evrópu" voru Bandaríkin ávallt kölluð því þau byggðust upp af fátækum Evrópubúum sem ekkert áttu í elítu- og aðalsmannalöndum þeirrar álfu, sem er sú næstminnsta í heimi. Í dag er þetta fátæka fólk hins vegar kallað "hvítt forréttindafólk" (e. white supremacists) af þeim sem útskrifast sem kálhausar úr kálhausadeildum háskólanna, er reknir eru af eins konar yfirkálhausum sem hafa það of gott og eru því orðnir krónískir hugleysingjar. Í toppum stjórnmalaflokka Íslands sjást þess konar kálhausar afar vel í dag, því frá þeim geislar hugleysið, getuleysið og heimskan. Ekki "mannsins" heldur þeirra eigin

Þannig að núna lögga þrjú bandarísk flugmóðurskip heimshlutann sem inniheldur Suður-Kínahaf og með þeim í för eru hinar áföstu carrier strike groups eða árásarhópar sem samanstanda af skipum, flugvélum, kafbátum og því bandaríska góðgæti sem er úti í geimnum. Líklegt er að stigmögnun verði upp að vissu marki, en hún verður þó ekki með vopnum

Þeir kjánar sem héldu að Kína gæti boðið Vesturlöndum það sem Vesturlanda er, fá í þetta skiptið að hugsa sig um á svipaðan hátt og í hruni Kína 2015, en sem samkvæmt þeim átti ekki að geta gerst. Takið vinsamlegast eftir gullfiskaminninu. Vesturlönd treysta eðlilega ekki Kína fyrir að byggja innviði á borð við 5G, ekki frekar en Kína fær að byggja hernaðartækni Bandaríkjanna. Og nú þegar Kína hefur ekki lengur aðgang að öruggri bandarískri örgjörvatækni þá treysta ekki Bretland, Tékkland, Danmörk, Eistland, Lettland, Pólland, Rúmenía og Svíþjóð Kína fyrir 5G tækni í þeim löndum. Frakkland treystir Kína reyndar ekki heldur, en það þegir um málið á svipaðan hátt og franski herinn er kallaður hin þögli her. Ekkert kjarnorkuveldi Evrópu og Ameríku treystir Kína og það gerir Rússland ekki heldur, því það þekkir nágranna sína og eigin fortíð of vel. Hrein símafélög Indlands, Japans, Ástralíu og Suður-Kóreu hafa einnig bannað kínverska 5G tækni í innviðum sínum

Örgjörvahönnun hefur náð því stigi að vonlítið er fyrir pure-play framleiðendur á borð við til dæmis TSMC að koma í veg fyrir svik og pretti í hönnun þeirra og þar með framleiðslu líka. Og eins og sést á hinum nýju Silicon-skrefum Apple, sem hófust 2007 og felast í því að hanna eigin örgjörva með það fyrir augum að harðsjóða (e. hard-wire) öryggið inn í sjálfan vélbúnaðinn, sem fyrirtækið stjórnar líka, í stað þess að fela stýrikerfum öryggismálin, þá er þetta ekkert smámál. Steven Sinofsky fyrrum forseti Windows-stýrikerfisdeildar Mirosofts og þar áður Mac-forritari MS, varpar því þeirri spurningu fram hvort að með tilkomu Apple Silicon örgjörvans séu dagar Wintel (Windows+Intel) hugsanlega að verða taldir

Öryggismálin eru hér alfa og ómega og hið sama gildir einnig um hraðann, því nú nálgast bæði hönnuðir og framleiðendur endimörk nanómetra-skala efnisfrumeindanna. Ekkert nýtt og byltingarkennt bíður handan hornsins í þessum efnum, allra síst skammtatölvun því hún er til lítils nema í afar sérhæfðum aðgerðum. Tölvun er því að nálagst það markaðskapítalstig sem bílaiðnaður komst á í kringum 1960. Bestu dagar og stærstu peningar bransans eru að baki. Undanrenna tölvunar sem koncepts bíður því þessa eina geira Vesturlanda sem haft hefur álíka efnahagsleg áhrif og tilkoma rafmangs og bílaiðnaðar

Ekkert nýtt í stað núverandi tölvunar mun koma frá Kína, Asíu, Miðausturlöndum, Afríku né Suður-Ameríku. Lítið nema kál, veirur og áframhaldandi dauðadýrkun íslams mun koma þaðan

Fyrri færsla

Upp-nám á þröskuldi

Pólitísk stunt Angelu Merkel og áhugaleysi á evrunni

Victor Davis Hanson bóndi og sagnfræðingur: Mannkynssagan í fréttunum: Langa stríðið frá 1870 til 2012, hvers vegna Þýskaland sigraði Evrópu að lokum. Næstu áratugirnir í Evrópu verða "athyglisverðir tímar"

****

Sagt er að kanslari og ríkisstjórn Þýskalands hafi engan áhuga á evrunni né sjálfu evrusvæðinu. Varðandi hönnunarkrypplaða evruna hefur Angela Merkel á valdaferli sínum ekkert aðhafst umfram það að sjá til þess að evran og evrusvæðið hryndi ekki til grunna, og síðan séð til þess að evran virki sem lággengisgjaldmiðill fyrir Þýskaland á meðan eitthvað er enn hægt að sjúga út úr þeim löndum sem eru í handjárnuðu gengisfyrirkomulagi við Þýskaland og skulda því nú tvær billjónir evra. En meira að segja þarna, þótti þýskum stjórnvöldum að of miklu væri eytt í evruna sem sameiginlegan þýskan gjaldmiðil yfir Evrópu

Einu afrek Merkels á 15 ára valdaferli hennar eru þau að afskaffa kjarnorkuver landsins og síðan að hleypa fossi fólks frá sólkerfum Sýrlands inn í Þýskaland. Bæði eru fyrirbærin það sem Bifrastarstjörnuspámenn kalla "popúlismi" eða "pólitískt stunt". Orkuframleiðsla Þýskalands er því í molum og innflytjendamálin eru að springa framan í andlit þýsku ríkisstjórnarinnar

Enginn býst við því að þýska ríkisstjórnin standi við fögur fyrirheit um voldugan "björgunarpakka" vegna Wuhan-veirunnar [esb þolir ekki áföll og er því viðvarandi sökkvandi og Schengen er nú duft í glasi sem esb/ees-menn drekka við timburmönnum á reglusamkomum sínum]. Þeir Þjóðverjar sem einna mest vit hafa á úrverki þýskra stjórnmála í ESB, telja að slíkt sé með öllu útilokað. Um verður að ræða pakka sem kynntur verður með lúðraþyt já, en hann verður samt ekki nema brot af einu prósenti landsframleiðslunnar næstu tvö til fjögur árin - og kemur, kannski, til útborgunar með alls kyns skilyrðum. Ríkisskuldir Grikklands eru til dæmis komnar í tvöfalda landsframleiðslu og 7 prósent fjárlagahalli er að renna þar upp, og forsætisráðherra Ítalíu er á barmi taugaáfalls vegna skulda, massífs langtíma evruskapaðs atvinnuleysis og barnleysis. Þar er framtíðin vægast sagt kolsvört

En jafnvel þetta litla finnst þýskum stjórnvöldum að sé orðið of mikið, og mun meira en það sem þótti jafnvel of mikið á hangandi-hárs-árum evrunnar 2012-2015, þar sem Seðlabanki Bandaríkjanna átti stærsta þáttinn í að evran og myntsvæðið félli ekki algerlega saman

Og nú sussar sósíaldemókratinn Heiko Maas og utanríkisráðuneyti hans í Þýskalandi á þýska ríkisborgara í Hong Kong, og skipar þeim að gagnrýna ekki ókjörnu vondu mafíuna sem án umboðs stjórnar þar frá Peking. Hryggleysið er algert og sendiherra Kína í Berlín stynur af ánægju

Fyrri færsla

Reagan 1988: Dukakis er öryrki!

Hagnaður evrópskra fyrirtækja örverpi miðað við Bandaríkin

Mynd; Breti kíkir ofan í ESB-1. Barnes Wallis hjá Vickers stóð fyrir opnuninni

****

Samanlagður hagnaður 500-stærstu fyrirtækja Evrópu var á pari við hagnað Apple. Það kostar að skerða fullveldi og afnema sjálfstæði þjóða

Þetta gerist þegar lönd láta yfirríkislegan klúbb eins konar esb/ees-frímúrarareglu múra sig inni í kastala með næstum engar aðrar útgönguleiðir en upp í gegnum skorsteinana. Þýska Handelsblatt birti fyrir viku þá frétt eða öllu heldur þann sérreiða þýska ættbálkadálk hinnar þýsku erfðareiði –sem á áttatíu ára fresti skekur meginland Evrópu niður í sviðna rót– að samanlagður hagnaður 500 stærstu fyrirtækja Evrópu á fyrsta fjórðungi ársins var á pari við hagnað hins bandaríska Apple á umræddum fjórðungi, eða 11 milljarðir dala

Ég get því miður ekki séð svipinn á lesendum þegar þeir lesa þetta. Þegar þeir lesa að 500 stærstu fyrirtæki Evrópu skiluðu ekki meiri samanlögðum hagnaði en eitt bandarískt fyrirtæki, og að með hverri krísunni sem líður þá skarar bandaríska hagkerfið meira og meira framúr, á meðan hin evrópsku sökkva dýpra og dýpra inn í esb-múrinn

Í fyrra féll samanlagður árshagnaður þessara evrópsku fyrirtækja átta prósentur, eða niður í 505 milljarða evra, og var hann því heilum 50 prósentum minni en í Bandaríkjunum þar sem hann var 750 milljarðar evra 2019. En hagnaðurinn í Evrópu reyndist sem sagt aðeins vera 11 milljarðar evra á fyrsta fjórðungi þessa árs, eða fullkomin martröð! Hagnaður Apple var 11 milljarðar dala á sama tíma og fyrirtækið náði meira að segja að kynna nýja vöru á þessu Wuhan-veirutímabili. Meira að segja General Motors tókst að kreista hagnað út úr heimsfaraldri á umræddum fjórðungi með því að vera með réttu vörurnar með réttu vélarnar fyrir rétta fólkið. Þetta er hvorki meira né minna en dramatískt fall í Evrópu. Allt hið svo kallaða evrópska hagkerfi er orðið nokkurs konar glingurmiðstöð ritvélaframleiðslugeira þar sem 27 bókstafstrúarstafir hins sérevrópska esb-stafrófs eru búnir til og framleiddir. Einn í hverju esb-landi á skallanum fyrir sig, sem síðan lemst á sértrúarbókstafinn og prentar skilaboð til hinna um að koma með peningana sem enginn býr til

Næst á evrópska prógramminu er því sakamálaleikritið þar sem löndin byrja að ganga í skrokk á hvort öðru og kenna hvort öðru um, eða enn betra; þau kenna auðvitað Bandaríkjunum um og sekta þau í sívaxandi mæli. Þýskaland er snillingur í þeim leik, eins og sést á greininni í Handelsblatt

Allar tekjur hins opinbera koma frá atvinnurekstri fyrirtækja - engar aðrar tekjur eru til

Lesendur ættu hér að íhuga að evrópsk fyrirtæki fjármagna sig nær eingöngu í gegnum bankana, á meðan hin amerísku fjármagna sig í gegnum kapítalmarkaðina; þ.e. skulda- og hlutabréfamarkaðina. Þau nota helst ekki bankana. En þannig er þetta ekki í Evrópusambandinu því það hefur svo gott sem engan kapítalmarkað, því það hefur næstum enga kapítalista. Karl Marx fór aldrei burt og ekkert uppgjör við hann og félaga hans hefur því farið fram í Evrópu. Þvert á móti, því nú reisa Vestur-Þjóðverjar styttu af Lenín á sama tíma og Pútín er að hreinsa Stalín og endurreisa hann, aðeins austar. Hvað verður því um bankana í ESB þegar tekjustaðan þar er svona?; þ.e. örverpi

Ég er alls ekki að setja út á frímúrararegluna, hún er fín, en hún skiptir bara ekki neinu sérstöku máli lengur því hún er klúbbur manna sem tala innbyrðis. Saumaklúbbar hafa sennilega jafnmikil áhrif. Íslensku kvenfélögin skipta mun meira jákvæðara máli en samanlögð regla esb- og eeshólista. Neikvæðu áhrif esb-reglunnar eru hins vegar augljós. Þau sjást á þeirri steinöld sem meginland Evrópu er komin á. Og á þokumekkinum sem slæðst hefur hingað og er að kæfa okkur og sprengja

Nú er staðan því sú að markaðsvirði fyrirtækja í bandarísku Nasdaq-kauphöllinni er meira en markaðsvirði allra fyrirtækja í öllum kauphöllum veraldar, utan Bandaríkjanna. Og þeir sem fylgst hafa með Wirecard svindlmáli Þýskalands sjá að í stað þess að lögsækja hið þýska svikamyllufyrirtæki fyrir svindl (aðeins eitt af ótalmörgum slíkum þýskum málum) þá ákvað þýska "fjármálaeftirlitið" að lögsækja blaðamenn FT í Bretlandi fyrir að segja sannleikann. Og svo kemur rúsínan í esbendanum: "eftirlitið" bannaði fjárfestum að skort-selja bréfin í Wirecard

Fyrri færsla

St Louis Fed: Bandaríska hagkerfið keyrði á 90 prósent afköstum

Hver stendur fyrir efnahagsbata? Hvar er V-laga viðsnúningur þegar hafinn?

Mynd: WSJ DS 19. júní 2020

****

Jú eins og sjá má á þessari mynd þá eru það enn sem komið er aðeins Bandaríki Norður-Ameríku sem eru að upplifa vaff-laga efnahagsbataferli. Þau fóru fyrst niður og eru fyrst upp úr Wuhan-veiru-áföllunum. Bætt atvinnuástand og einkaneysla eru þær áþreifanlegu vísbendingar sem komið hafa hve sterkastar að vestan, en ekki annars staðar frá. Sala fasteigna gengur einnig mjög vel. Þar er um uppsafnaða þörf að ræða, plús það að Bandaríkjamenn flýja nú stórborgirnar sem aldrei fyrr

Hlutabréfamarkaðir vestanhafs virðast ekki hafa áhuga á Wuhan-veiru-faraldrinum sjálfum, heldur aðeins á því hvernig sjálft hagkerfið mun líta út þegar það er komið út úr honum. Þetta rímar ágætlega við þá staðreynd að markaðurinn er ávallt fram-á-við-lítandi eða það sem kallað er forward-looking á ensku

Markaðurinn veit að hagkerfið hefur tekið breytingum, eins og svo oft vill verða í krísum, og hann er spenntur í að sjá þær koma fram í bókum þeirra fyrirtækja sem voru réttu megin við landamæri lífs og dauða þegar krísan skall á. Telja má öruggt að stafræna hagkerfið hafi tekið enn meira við sér og klórað til sín bæði markaðshluta og hugarhlutdeild meðal þjóðarinnar, til frambúðar

Í Evrópu verður sagan ekki þannig, því hún er ekki með í stafræna hagkerfinu og á ekkert slíkt í sínum fórum. Tilvist Evrópusambandsins hefur séð fyrir því. Að klóra sig til baka, verður því mjög erfitt fyrir lönd sambandsins, sem í 30 ár hafa eytt orkunni í að rífa augun úr hvort öðru og að sjá til þess að enginn fengi neitt meira en aðrir, af köku sem enginn hafði hugsað sér að baka, því eignarétturinn á henni er orðinn eftirrétturinn sjálfur. Og svo eru það varnarmálin. Gjáin milli Evrópu og Vesturheims er nú orðin svo varanleg að mörgu leyti, að meira að segja sósíaldemókratískir skríbentar FT-esb-bankablaðsins, sem enginn hefur áhuga á, sjá að engu máli mun skipta fyrir Evrópu hvaða nafni næsti forseti Bandaríkjanna heitir, þegar að flestum málum kemur

Og í gær stukku Bandaríkin yfir öfundsíkið stóra, og út úr viðræðum OECD-landa (glóbal-páfaveldið) um stafrænan skatt á fyrirtæki. Þar átti að brjóta blað í vestrænu mannkynssögunni og hefja skattlagningu á veltu erlendra fyrirtækja, en ekki bara á hagnaði þeirra. Evrópusambandið þolir nefnilega ekki efnahagslegan fjölbreytileika hagkerfa né heldur sjálfstæði þeirra, ekki frekar en Google, Facebook og Twitter þola skoðana- og vitsmunalega fjölbreytni einstaklinga. Þarna á mikið löggjafarlegt eftir að gerast á næstu árum, og hinum nýja imperíalisma svona fyrirtækja yfir hugsun og skoðunum manna, verður auðvitað kollvarpað með lögum. Enginn hefði liðið AT&T símafélaginu að banna viss orð í símtölum eða að fólk hringdi í hvern sem því sýndist og segði það sem því sýndist

How Cultural Revolutions Die – or Not
They eat their own, unless a cruel dictator rises to unite and control the mob
– eftir Victor Davis Hanson

Kosningaherferð Donalds J. Trump í haust verður því sennilega byggð á slagorðinu um að gera "Ameríku frábæra aftur – fyrir alla" (MAGA–for All). Líka fyrir þá sem geta ekki byggt afkomu sína á vinnustaðaöryggi hins stafræna hluta hagkerfisins. Þar hefur Trump mjög svo sannað sig, því að í stjórnartíð hans hefur atvinnuástand og framgangur lægra launaðra og minnihlutahópa aldrei áður í sögunni verið eins góður. Og nú þegar menningarbyltingin er strax byrjuð að éta sjálfa sig og börnin sín líka, þá gæti svo farið að sveifla hinna ótalmörgu til baka sem vilja ekki láta fallaxar-skrílinn éta sig lifandi, já hún gæti orðið mjög svo kröftug. Það er aldrei að vita

Fyrri færsla

Fær Pólland varanlegar bandarískar herstöðvar?

Fær Pólland varanlegar bandarískar herstöðvar?

"Þýskaland er gjaldfallið á NATO-skuldbindingum sínum", segir Donald J. Trump forseti Bandaríkjanna á 59. mínútu upptökunnar, sem er frá því í gær. Já sennilega, segi ég, eins og Þýskaland gjaldféll á Versalasamningnum og kom af stað óðaverðbólgu í Þýskalandi til að brenna þær erlendu skuldbindingar sínar niður, en mjólkar nú í staðinn Grikkland og heimtar að það borgi til baka í þýskri mynt fyrir að hafa logið til um Maastricht-fjárlagahallann 2009. Ég spái einnig stórhertum tollum á þýskar bifreiðar til Bandaríkjanna og að Nordstream-2 gasleiðsla Rússlands til Þýskalands komist aldrei í notkun

****

HVAÐ GERIST NÆST Á MEGINLANDI ÓSTÖÐUGLEIKANS?

Um þessar mundir er ríkisstjórn Bandaríkjanna að umstafla varnarstefnunni yfir á nýjar áherslur, með það fyrir augum að uppfæra hana svo að hún geti mætt því sem mæta þarf í nútímanum. Þetta gerist alltaf öðru hvoru í takt við þróun heimsmála

Sumt af því sem meitlað var í stein frá og með 1945 gildir þó enn, á meðan annað hefur breyst. Þýskaland fær til dæmis ekki enn að koma sér upp kjarnorkuvopnum á meðan Frökkum og Bretum er hins vegar treyst í þeim efnum

Það sem hins vegar hefur breyst er að Þýskalandi hefur á ný verið heimilað að hafa sjálfsstjórnarvald yfir þýska hernum, en sem það með vilja vanrækir og hvetur þar með önnur NATO-ríki Evrópu til að vanrækja heima hjá sér líka. Þýskaland er að reyna að sundra NATO innan frá vegna þess að því sjálfu langar meira að tengjast Rússlandi en vestri. Markmið Þýskalands er að sækja sér áfram vanþróunaraðstoð úr ríkissjóði bandarískra skattgreiðenda til varnarmála, og að láta þá eina um að bera kostnaðinn og áthættuna. Þetta er eins konar þúsundföld aronska hjá þeim Þýsku, því þeir hafa í reynd aldrei skipt um skoðun og álíta sig því ekki enn vera hluta af Vesturlöndum. Þýskir álíta sig enn vera sérstæðuna sem Rómarveldi tókst aldrei að leggja undir sig. Þetta er ástæðan fyrir hinu gamalkunna leikriti Þýskra um æðrileikann eða þýskt ubermensch. Og að enginn geti því orðið þýskur nema að eiga minnst sex kynslóðir liggjandi í þýskri mold. Kynþáttarugl Þýskra var því alger sérstæða í Evrópu, en með nytsama kjána sem bandamenn

Það sem breyst hefur líka er að vopnabúr og herstöðvar Bandaríkjanna í Þýskalandi [Bandaríkin eru 80 prósentur NATO og án þeirra eru hin 20 prósentin núll, eða einungis hernaðarlega void kvöldverðadeild] hefur fjarlægst víglínuna sem verður, komi til átaka milli Vesturs og Austurs. Vopnabúrið og herstöðvarnar eru allt í einu komnar 2100 kílómetra frá vesturher Rússlands, sem er með 500 þúsund hermenn upp að Vestri. Þetta varð svona þegar Austur-Evrópa komst loksins undan kommajökli Varsjárbandalagsins 1990

Frá og með þá, eða ca. 1990, hefur bandaríski herinn verið að skera niður í Þýskalandi og Evrópu, einkum þegar ljóst varð að nýsjálfstæð ríki Austur-Evrópu myndu ekki verða andsnúin Bandaríkjunum og NATO. Stjórnmálaþróunin hefur nefnilega einmitt verið þannig í þeim ríkjum frá því að þau sluppu undan kúgurunum í Moskvu, sem næstum ávallt voru andlegir og strategískir guðfeður vinstrimanna á Íslandi. Til dæmis eru fóstureyðingar Katrínar forsætisráðherra Vinstri grænna fram að fæðingu, og Guðlaugs Þórs utanríkisráðherra Sjálfstæðisflokksins, ættaðar frá Stalín og út í hana hærir Bjarni Benediktsson formaður Sjálfstæðisflokksins síðan blöndu af einhvers konar Maóisma-með-vindil ásamt uppgjafarstefnu þýskra stjórnleysingja. Kínversk yfirvöld kenna því innfluttum eldislaxi um nýblossandi tilfelli Wuhan-veirunnar í Peking, því þau vita að það kostar ekkert að kenna nytsömum kjánum á borð við Bjarna Ben um, þar sem hann situr jú hvort sem er fastur með þeim í AIIB-bankaráðinu. En AIIB er nýi kínverski imperíal- og nýlendu-bankinn sem tvö til þrjú bandarísk flugmóðurskip og carrier-strike-groups þeirra miða vopnum sínum á suður af Kína, ásamt Nimitz-CSG austar á Kyrrahafi. Þetta er úthafs-ballett-stelling Quad- eða fjór-bandalags Bandaríkjanna, Ástralíu, Indlands og Japans þarna núna

Niðurskurður liðsafla Bandaríkjanna í Evrópu hefur stöðugt verið í gangi frá og með 1990 og gengið var sérlega hart til verks í kjölfar árása íslamista á Bandaríkin 2001, þannig að frá og með 2006 til 2018 var liðsaflinn í Þýskalandi skorinn niður um helming – og Pútín réðst inn í Georgíu 2008. Allar herstöðvar Bandaríkjanna í Þýskalandi eru þó enn staðsettar í Vestur-Þýskalandi og þar með 2100 kílómetrum frá þeirri vestur-austur víglinu sem myndast, komi til átaka

Þegar Sovétríkin féllu saman vegna vinstri-fátæktar, þá varð til samkomulag Rússlands og Bandaríkjanna um að Bandaríkin og NATO komi sér ekki upp "varanlegum herstöðvum" á því landsvæði sem áður var Varsjárbandalagið, þ.e. í þeim löndum sem höfðu verið í því. En margir segja hins vegar að það samkomulag sé löngu fallið með því að Rússar sjálfir hafi ekki virt það og beinlínis tortímt öllu því sem réttlætt gat að það sé virt

Staðan í dag er síðan sú, að Trump er að skera herstyrk Bandaríkjanna enn meira niður í Þýskalandi, vitandi það að Rússland mun ekki stoppa eftir að hafa ráðist inn í Georgíu, tekið Krím og austurhluta Úkraínu á sitt vald, stundað tölvunarhernað og drepið fólk með eiturvopnum á breskri grund 2018 og komið því fyrir kattarnef með annarri aðferð í öðru NATO-ríki

Menn klóra sér því í hausnum og spyrja hvað sé að gerast. Mín getgáta er sú að Trump eigi enn eftir að segja frá því hvert liðsaflinn verður fluttur. Og að hann verði fluttur til Póllands, því bæði Repúblikanar og Demókratar hafa (óformlega) útnefnt Pólland sem hið nýja Vestur-Þýskaland Evrópu til frambúðar. Að nýjar bandarískar herstöðvar verði byggðar þar, og að það sem enn er eftir á þýskri grund verði smám saman látið fljóta yfir til Póllands og Rúmeníu og víðar

Það er því til mikils að vinna, að áróðursdeildum rússneskra stjórnvalda takist sem best upp í því að koma þeirri hugmynd inn í höfuð þýsku þjóðanna að það hafi verið Pólland sem startaði Síðari heimsstyrjöldinni og að bandalag rússneskra og þýskra alræðissinna gegn Póllandi hafi því átt fullan rétt á sér. En sú hugmynd virðist eiga einkar vel við þýska, því hvergi annarsstaðar nema í Kína er andúðin á Bandaríkjunum meiri en í sjálfu Þýskalandi. Þetta gengur svo vel að Þjóðverjar álíta að þeim stafi álíka eða jafnvel meiri ógn af Bandaríkjunum en Rússlandi, og sækir Mekrel-gengið í Berlín því að Póllandi úr vestri með því að beita gervidómstólum Evrópusambandsins fyrir sig á Pólland. En sú aðför á að undirbyggja málatilbúnað Pútín-gengisins í austri

Hvað gerist næst...?

Fyrri færsla

"Erlendir fjárfestar" og nýlendur