Ný endurtalning í Georgíuríki. Kröfur um að Pólland og Ungverjaland séu rekin úr ESB

BANDARÍSKU FORSETAKOSNINGARNAR 2020

Georgíuríki, þar sem aðeins 0,26 prósent eða 12670 atkvæði í því fimm miljóna atkvæða og tíu milljón manna ríki Bandaríkjanna, skilja á milli Trumps og Biden í vil, hefur nú lokið handvirkri skylduendurskoðun- og endurtalningu á öllum vitanlega greiddum atkvæðum. Og hefur Brian Kemp innanríkisráðherra samkvæmt lagaskyldu sinni nú staðfest kosninguna. En sú staðfesting opnar –lögum samkvæmt– samtímis fyrir leið að nýrri endurtalningu sé hennar krafist, sagði ráðherrann, þar sem minna en hálf prósenta skilur á milli frambjóðenda, eða eins og lög Georgíuríkis segja fyrir um. Og þess hefur framboðsteymi Trumps þegar krafist, eins og sjá má hér. Sú endurtalning verður ekki eins og sú fyrri sem fram fór vegna formlegheita, því nú verða undirskriftir vegna póstgreiddra atkvæða skannaðar, bornar saman og reynt að sannreyna lögmæti þeirra. Gera má ráð fyrir að sú endurtalning geti skilað Trump sigri í ríkinu, því sú tegund atkvæða liggur berskjölduðust við kosningamisferli. Hið sama gæti gilt um hvert swing-ríkið á fætur öðru í þessum kosningum - og skilað Trump sigri í þessum forsetakosningunum. Ótímabærir fjölmiðladómar og fjöldi spékoppa ákveða ekki úrslit bandarísku forsetakosninganna. Það gerir hins vegar fjöldi löglegra atkvæða

KRÖFUR UM AÐ PÓLLAND OG UNGVERJALAND SÉU REKIN ÚR EVRÓPUSAMBANDINU

Tveir sænskir þingmenn á gúmmíþingi Evrópusambandsins hafa nú opinberlega sett fram þær kröfur að Póllandi og Ungverjalandi verði vísað úr Evrópusambandinu, haldi þau áfram að fara eftir landslögum sínum og ennfremur sáttmálum sambandsins um að ríkin í því geti beitt neitunarvaldi. Um er að ræða deilu þar sem Pólland og Ungverjaland segja að verið sé að þvinga þau til að samþykkja lögleysu í innflytjenda- og flóttamannamálum með sovéskum aðferðum, með því að halda til baka fé til þeirra á fjárlögum ESB sem þau samkvæmt sáttmálum ESB eiga rétt á, þ.e. sem minna þróuð ríki, nýkomin undan örkumlandi jökulfargi kommúnisma Sovétríkjanna

Forsætisráðherra Póllands, Mateusz Morawiecki, segir að Evrópusambandið noti sömu áróðursbarefli og kommaklíkuveldi Sovétríkjanna notaði á lönd þess undir fallbyssuhlaupum Kremlar. Að verið sé að reyna að neyða Pólland til að samþykkja svo kallaðan "endurreisnar og björgunarpakka ESB" sem verið er að reyna að koma saman og setja í framkvæmd sem hluta nýrra fjárlaga, vegna afleiðinga kínversku Wuhanveirunnar, gegn því að Pólland og Ungverjaland hætti að fara eftir sínum eigin landslögum og þeim sáttmálum sem löndin skrifuðu undir er þau gengu í Evrópusambandið. Engin heimild sé fyrir þess konar aðförum að innanríkismálum Póllands og Ungverjalands, segja löndin tvö. Les; að Agnela Merkel kanslari Þýskalands og Emmanuel Macron forseti Frakklands geti ekki bara upp á eigin spýtur fossað milljónum af svokölluðum "flóttamönnum" inn í Evrópusambandið og krafist þess að þeim sé dritað niður í aðildarríkin með sovéskum aðferðum - og síðan að fjárlaga-bankareikningum þeirra ríkja í ESB sem neiti að hlýða sé bara lokað. "Þetta er ekki það Evrópusamband sem okkur var sagt að við værum að ganga í á sínum tíma" segir Morawiecki

Ekkert samþykki annarra þjóða sambandsins lá fyrir né heldur var sóst eftir því er hinum fyrrum járntjaldslöndum Sovétríkjanna var hleypt inn í ESB. Olígarkaveldi ESB ákvað það bara upp á eigin spýtur. Og eru þær spýtur sovésku bareflin sem pólski forsætisráðherrann talar um núna

Danmörk fékk að kenna á þessum bareflum er hún reyndi í þjóðaratkvæðagreiðslu að nota sáttmála Evrópusamandsins til að stöðva samþykkt Maastricht-sáttmálans, sem þótti þá og þykir enn jaðra við veruleikafirringu og geðbilun. Mistókst sú sáttmálabundna neitunarvaldsstöðvun –er sögð var sjálf frumforsendan fyrir því að ríkin gengu í Evrópusambandið á sínum tíma– hrapallega og hafa engar svo kallaðar neyðarbremsur ríkjanna í ESB nokkru sinni virkað þegar ríkin hafa togað í þær. Evrópusambandið er eins og gamla Sovétið orðið Notbremsenresistent ófreskja. En þannig endar imperíal-ríkishönnun ávallt daga sína; sem rjúkandi rúst ofan á borgurunum. Svipað má segja um EES-samninginn ömurlega

Fyrri færsla

Verður Trump forseti áfram?

Kva? "Sænska leiðin" var þá bara eins og hin "finnska leið" Jóhönnustjórnarinnar

Um frétt mbl.is: "Sænska leiðin kvödd"

Mynd; Eurointelligence: Verðhlýnunarspár verðbólguspár ECB-aukaseðlabanka Þýskalands í ESB. Blá lína er veruleikinn. Rauðar línur eru spár seðlabankans (út í loftið). Um það bil 100 þúsund manns starfa í seðlabankakerfi evrunnar í andaglasinu. (PS: ég er þó ósammála niðurstöðu W.M., því vélaspádómskerfi kerfisarkitekta og forritara verða heldur aldrei betri en þetta hrafnaspark prófessora þarna á myndinni, með broddgölt í bakgrunni)

****

Hvurslags er þetta!

Er sænskum langlegu-krötum hætt að líka "fjölbreytileikinn" í veirumálum? Ætla þeir virkilega að fara gera upp á milli veira og reyna að útiloka kínversku Wuhan-veiruna sem lenti með beinu flugi kínverskra þræla frá Wuhan á Norður-Ítalíu í september 2019, og blés sér síðan óheft yfir í 50 önnur lönd Evrópu með aðstoð Schengen-útópíunnar? Í Schengen-heilastöppunni þar sem þeir á Ítalíu sem vildu gera eitthvað í málunum voru ásakaðir um að vera "rasistar"

En þegar þann 13. janúar 2020 gerði Trump forseti ljóshraða-samkomulag við hið bandaríska Moderna um þróun bóluefnis – og var svo stuttu síðar einnig ásakaður um "rasisma", því hann skellti í lás á kínversku Wuhan-veiruna um þær mundir - meðal annars með þeim afleiðingum að Bjarni Ben og Guðlaugur Þór hoppuðu út úr veruleikanum, og hafa varla sést síðan. Trump sá að vitleysingjahælið ESB-Schengen myndi ekki aðhafast neitt og lokaði því á það eins og það hafði lagt sig sem ein heilsteypt blokk bjána

Síðan þegar ESB lokaði þá lokuðust Bjarni Ben og Guðlaugur Þór inni í sjálfum sér og sprautuðust inn í veruleika Schengenfangaklefans, þar sem þeir höfðu fætt af sér þriðja orkupakkann árinu áður - á meðan álíka galinn ferðamálaráðherrann hafði mestar áhyggjur af fækkun kínverskra ferðamanna til Íslands. Það er ekki einu sinni hægt að láta sig dreyma firru þessa fólks í miðjum tremma. Maður skammast sín fyrir að þetta fólk skuli þykjast vera í flokki með okkur sjálfstæðismönnum Íslands

Og nú þegar búið er að kála sex þúsund Svíum á heimavígstöðvum sóttvarnarstofnunar Evrópusambandsins í Stokkhólmi, á þá bara sí svona að gefast upp?!! Af hverju ekki að kála fleirum en þeim sex þúsund Svíum sem þegar eru látnir, þannig að staðan í 10,1 milljón manna landi Svíþjóðar verði meira en 4,7 sinnum verri en samanlögð dauðsföll hafa verið í 16,6 milljón manna samanlögðum löndum Danmerkur, Finnlands og Noregs - á sama tíma. Plús það að vera með mesta efnahagssamdrátt þessara fjögurra landa á öðrum fjórðungi ársins. Hvað er að?

Mynd, Fria Tider: Minnisblöð málgagns sænskra sósíaldemókrata

****

Hvað!

Ætla hinir sænsku sossar góða fólksins og sem studdu svo dyggilega við bakið á Adolf sameiningarmanni Evrópu, bara sí svona að gefast upp á "sænsku leiðinni" núna?! Hvað með Stalín? Af hverju ekki prófa hann fyrst, áður en gefist er upp á sænsku þvælunni

Og; af hverju þraukuðu sænsk "stjórnvöld" að minnsta kosti ekki jafnlengi og hinn þýski ECB-sogrörsseðlabanki Evrópusambandsins ofan í önnur evrulönd hefur þraukað í útgáfu verðbólguspáa, sem allar hafa reynst algjörlega út í sama hrópandi hallelúja-hött og spár svo kallaðra talnavísindamanna um fjármálamarkaði, Brexit, tvennar kosningarnar í Bandaríkjunum, loftslag jarðar og heimsfaraldurinn núna. Spár sem allar hafa reynst hinn fullkomni og ýtrasti últra-þvættingur. Allt saman hámenntaðir "vísindamenn" með tölvur og líkön sín þar innanborðs, en sem öll hafa reynst allsherjar ónýt og ofborgarður húrrandi þvættingur af allra hugsanlegu verstu sort. Algjör þvæla frá upphafi til enda

Ja hérna

Fyrri færsla

Lögin og bandarísku forsetakosningarnar

Átta manna samkomubann í Svíþjóð

Ég spái Trump stórsigri

Talandi háskólahaus með menntun frá skattgreiðendum, kom fram í því sem kallað er "fréttatími" Ríkisútvarpsins í Austur-Berlín Reykjavíkurborgar í gær. Þar var verið að tala um skoðanakannanaiðnaðinn og getuleysi hans þegar Donald J. Trump var kjörinn forseti Bandaríkjanna 2016. Hún hausinn sagði að það sem einkennt hefði kosningarnar þá hefði verið það að fólk með háskólamenntun hefði næstum alls ekki eða miklu síður kostið Trump

Þarna fór hún alveg með það, því það veit hún lítið sem ekkert um, því fólk með háskólamenntun myndi sjaldan eða aldrei segja frá því að það hefði kosið Trump. Starf þess gat einfaldlega verið í hættu þá, og enn meira núna á tímum rétttrúnaðarofsókna þeirra sem kallast menningar- og menntaelítan. Já, þarna fór hún alveg með það, og sig sjálfa gersamlega í leiðinni

Stundum finnst mér að loka mætti háskólunum. Ekki alveg, en um tíma. Þeir eru orðnir heiðnikirkjuveldi og valdameiri stofnun en Kaþólska kirkjan var á miðöldum. Og þeir eru síst betri, eins og sést til dæmis núna á New England Journal of Politics sem áður var of Medicine. Þetta lið er búið að eyðileggja flest:

a. Pulitzerverðlaunin eru ónýt. Enginn ber virðingu fyrir þeim lengur. Þau eru brandari eins og fjölmiðlarnir

b. WHO er ónýtt. Stofnunin er pólitískur brandari sem leggja ber niður. Óbetranlegt viðrini sem engrar virðingar nýtur. Farsi

c. Nóbelsverðlaunin eru orðin brandari. Engin virðing er borin fyrir neinu sem kemur þaðan lengur, nema kannski á raunvísindasviðinu

d. Staðreyndin er sú að flestar þær mikilvægu stofnanir sem mótuðu og héldu að mörgu leyti utanum nýtt tímabil sem hófst 1945, eftirstríðsskipulagið, eru ónýtar því tími þeirra er einfaldlega liðinn. Og það sama má segja um það heimsskipulag sem þá komst á. Það er einfaldlega liðin tíð og þar með NATO líka. Þess vegna var Trump kosinn 2016, því nú er komið að því að byggja þarf nýjan ramma sem halda þarf utan um nýja og breytta heimsmynd. Gamli tíminn og þar með einnig tími Evrópusambandsins er liðinn. Hinn langi armur hinna dauðu stjórnar ESB núna eins og sést. Þar er enn árið 1945. Og þær röngu ályktanir sem valdasjúkir meginlandstaparar í rústum sínum drógu þá, áttu reyndar aldrei við því þær voru kolrangar. Alveg 180 gráðu-kolrangar

Aftur að kosningunum í Bandaríkjunum: Í kosningunum núna, eftir að allir á plánetunni hafa í fjögur ár fegið að vita að Trump sé hættulegasti maður í heimi og eins konar hágeislavirk voðapersóna og sem fjölmiðlar þola bara ekki, því hann svarar þeim fullum hálsi og opinberar þá sem þau getulausu og fölsku viðrini sem þeir næstum allir eru –eins og kristaltært sést á rauðum rostungaklaustursmönnum DDRÚV, enn á framfærslu skattgreiðenda– þá er að mínu mati næstum vonlaust að fá fólk til að segja sannleikann í síma eða á njósnanetinu sem kallað er internet. Fólk mun því enn síður segja frá því hvað það ætlar að kjósa í Bandaríkjunum núna. Enn síður en 2016. Miklu síður

Ég hef aðeins einu sinni svarað skoðanakannafólkinu hér heima á síðustu 10 árum og ég hét að gera það aldrei aftur og ég tek aldrei símann þegar það lið hringir. Öðruvísi fólk en ég, hefur mestan áhuga á að láta ljós sitt skína þar. Til að vera nú ekki stimplaður sem vondur, þá sagði ég að það væru 12 prósent líkur á að ég myndi kjósa Vinstri græna, eftir að hafa sagt að ég myndi kjósa Miðflokkinn eða Sjálfstæðisflokkinn. En sannleikurinn er hins vegar sá að það eru engar líkur á að ég nokkru sinni í mínu lífi myndi kjósa Vinstri græna. Bara aldrei. Svo hjá mér er það Miðflokkurinn efst eða þá xD, skyldi sá nú orðið plebbaði útlendingaflokkur sjá að sér, áður en Bjarni Ben og allsleysisfólkið í kringum hann rústar honum alveg

Sem sagt: þetta verður "landslide", "jordskredssejr" eða stórsigur fyrir Trump. Hvorki meira né minna

Fyrri færsla

Fjör hjá Trump

Nýtt verkefni fyrir Icelandair?

Myndband: Bonzos Montreux. Gott hjá Bonzo - en samt ekki nýtt af nálinni eins og sjá má hér og hér. Öngvir heyja stríð eins skilvirkt, nákvæmt og rækilega og lýðræðisþjóðir Vesturlanda, séu þær reittar nægilega til reiði eða ráðist á þær. Þarna er trumban slegin til orrustu. En sökum framskriðins póstmódernisma halda flestir að þetta sé eitthvað nýtt og einstakt ofan á... tja... kannski franskt brauð? En svo er ekki. Guð sé þeim náðugur er halda skyldu að afhöfðun skólakennara á götu í Frakklandi kalli ekki fram hið innbyggða slagverk vestrænna þjóða, sem eru algerlega einstakt fyrirbæri í mannkynssögunni - og sem flestir vilja líkjast, en geta ekki. En af því að John Bonham var snillingur, takið þá eftir sérsamda kafla hans sem líkist hljóðinu þegar tómar niðursuðudósir glóbalisma íslams, Rómar, sovétisma, nasisma og esbisma verða að barnaleikföngum í ekki svo pedagógískri kjuðameðferð vestrænna manna – sem reittir hafa verið nægilega lengi til reiði, þar til blóm og kerti eru afþökkuð

****

PÓST MORTEM Í FRAKKLANDI

Póst-módern fólk þungt haldið þeim isma í dag, mun líklega renna inn í sögu mannkyns sem eins konar undanrennandi og skynlaust fyrirbæri afdalamannsins. Fyrirbærið varð til undir ofurvernd vestrænnar tækni, sem aldrei hefði getað orðið til, án þess sem á undan kom. Póstmódern fólk virðist yfirleitt halda að það sé einstakt í sögu manna og að líf þess sé það fyrsta á jörðinni. Það kann lítið og veit enn minna, eins og sést nær daglega í til dæmis Austur-Berlín Reykjavíkurborgar

Ein lausn sem auðvelt er að grípa til þegar vögguvísur póstmódernismans duga ekki lengur, er til dæmis að merkja okkur kristna menn með merki orðsins; krossinum. Þeir sem bæru ekki það merki, fengju þá þá sérsniðna athygli og sérmeðferð sem við þekkjum öll. Þetta er mun betra en að merkja hina sem ekki trúa á orðið heldur á sverðið, því allir vita hversu hryllilega slíkar merkingar geta endað. Skólabúningar eru heldur ekki nýtt fyrirbæri. Póstmódern klæðaburður er hins vegar einmitt það; nýtt fyrirbæri. Annað sem auðveldað gæti vestrænum mönnum Vesturlanda lífið, er til dæmis kristið vegabréf, sem um leið yrði bæði sóttvarnarskilríki og merki kristinnar skattaskýrslu

Frakkar á sinni fimmtándu ónýtu stjórnarskrá líberalismans og fimma misheppnaða lýðveldi, gætu nýtt sér þennan möguleika og þar með sent Ég-fyrst-fólkinu með Nýju skrílsskránna á Íslandi sannindamerki um það hversu heitt og innilega útbreiddur líberalismi út í flösku póstmódernismans getur leitt til sköpunar misheppnaðra ríkja. Styttist nú róðurinn hjá hinni sökkvandi byltingarskútu sósíalisma Johns Locke í Frakklandi. Fólkið mun auðvitað grípa til sinna ráða, því ekki gera Sameinuðu þjóðirnar það, svo mikið er víst

FLUGFERÐIN TIL FYRIRHEITANNA

Nýtt og ábatasamt verkefni fyrir Flugleiðir (Icelandair) gæti til dæmis verið það, að fljúga með fólkið sem kallar sig "Open borders" –eða Opin landamæri– og drita því í fallhlíf niður yfir lönd á borð við Austurlönd nær plús fjær ásamt Kína, Japan, Rússlandi, Norður-Kóreu, Kúbu og Venesúela. Um eins konar pílagrímsferðir yrði að ræða þar sem þetta fólk póstmódernismans fengi að bragða á réttunum. Það eina sem til þarf, er góður vilji, fallhlífar og nokkrar niðursuðudósir. Þessu fólki yrði auðvitað ákaft fagnað er það kemur svífandi niður úr hinni vestrænu tækni sem það hatar svo mikið

Það er ekkert að þessari hugmynd, því Kína, Rússland og Kúba tóku sæti í Mannréttindaráði Sameinuðu þjóðanna í síðustu viku; Póst-mortem og mannréttingar, eða eins og WSJ lýsir því: A U.N. Human Rights Parody

PÓST PÓST

Hver vill ótilþvingaður senda börnin sín í skóla í Frakklandi í dag? Og hver vill vera kennari þar núna? Hvernig haldið þið að þeim líði í miðju loforði líberalisma John Locke um Frelsi, jafnrétti og bræðralag núna. Hver skyldi kenna söguna um frelsið þar? Enginn skortur verður hins vegar á kennslu í ófrelsi haldi þessi útópía líberalismans áfram í fimm ónýtum lýðveldum og fimmtán stjórnarskrám líberalista

En hvað sagði breski þjóðaríhaldsmaðurinn Sir Roger Scruton um þetta mál. Um traustið og landamærin sem ólu af sér tunguna, stofnanir, menninguna, lögin og réttarfarið? Jú hann sagði þetta:

Sir Roger Roger Scruton 1944-2020

Fyrri færsla

Hvar eru goðorðin?

Hvar eru goðorðin?

Mynd: Fyrrum breskur orrustuflugmaður að reykja pípu í 30 þúsund feta hæð um borð í bresku Vickers VC10 farþegaþotunni, sem enn á undir hljóðhraðametið yfir Atlantshaf. Klassi! Allt er hægt, sé viljinn fyrir hendi. Útsölur og uppgjöf eru ónauðsynleg - eins og gerðist þegar Bretland gekk í esb. VC-10 var 50 ár í loftinu

****

Gaman væri að fá að vita hvað alþingi gerði við goðorðin. Hvar eru þau núna? Hver er með þau? Ef enginn er með þau, hvað varð þá um þau? Geta alþingismenn gert okkur í þjóðinni grein fyrir hvar goðorðin eru núna? Hvar eru afsölin og hver var hin þinglega meðferð málsins?

Enn fremur: Hefur verið gerð tilraun til að rukka danska ríkið um þær eigur kirkjunnar á Íslandi sem runnu til danska ríkisins frá og með siðaskiptum? Þarna er um foss fjár að ræða

Hvers vegna hafa alltaf verið til Íslendingar sem vilja koma bæði eigum og réttindum okkar Íslendinga sem þjóðar yfir til útlanda? Ættum við kannski að skipa nýjan og endurmetinn Stóradóm þannig landsölumönnum til höfuðs? Ættum við að gera það?

Og hvað hefur íslenska ríkið gert við þær eigur sem það tók af kirkjunni?

Og þar sem íslenska hagkerfið er í dag stærra en hagkerfi Afganistans, og við það að ná hagkerfum Lettlands og Eistlands að stærð, þá finnst mér stórfurðulegt að við séum að úthýsa og flytja inn fljúgandi varnarlið erlendra ríkja –sem sum eru á skallanum– til að gæta loftrýmis íslenska lýðveldisins. Það finnst mér stórfurðulegt. Reyndar algerlega óskiljanlegt

Á sama tíma mokar íslenska ríkið út atvinnuleysisbótum í fólk sem misst hefur vinnuna vegna sóttarvarnarleysis Íslands og Stóra-Schengensáttmála. Sumt þetta vel menntaða fólk gæti mjög svo vel hugsað sér að vera í alíslenska flughernum að læra að fljúga okkar eigin orrustuþotum, viðhalda þeim og þjálfa nýtt fólk til starfa þar. Þau störf hverfa aldrei og þau eru öll hátæknistörf

Hugsið ykkur tækniaðföngin sem kæmu inn í landið og settust hér að í stað þess að leka burt úr því (e. technological transfers). Við værum komin með hátæknileg afleidd fyrirtæki í þessum bransa innan 10 ára, eins og við höfum gert svo glæsilega í sjávarútvegi. Og hvar er íslenski hátækni-ullariðnaðurinn og trend-institute Íslands í ullarefnum og ullartískustefnum?

Hvað eru menn að hugsa hér. Hver hefur dæmt okkur samkvæmt þessum aumingjadómi? Ég þekki náttúrlega svarið, en spyr samt

Hvernig væri nú að hysja upp um sig fossríkar brækurnar og hugsa í samræmi við íslenskar aðstæður

Fyrri færsla

Mikið hlakka ég til

ESB brunar fram úr Bandaríkjunum í nýjum smitum [u]

ESB-LEIÐIÐ OG SCHENGEN-FARSÓTTIN

Nú er staðan þannig að ekki þarf nema að leggja saman ný Wuhanveiru tilfelli í Frakklandi, Bretlandi, Spáni, Tékklandi og Hollandi til að fá út 50 þúsund ný tilfelli af Wuhanveirusmitum. Standa þá 207 milljón manns í sex löndum fyrir jafn mörgum nýjum tilfellum og voru í 330 milljóna manna Bandaríkjunum í gær

Boltinn er sem sagt kominn yfir til Evrópu á ný. Hálfleikur er búinn og nú eru það Alapafjöll nýrra tilfella og dauðsfalla sem tekið hafa aftur við, með 73 þúsund nýjum tilfellum í gær á því landakortasvæði sem kallað hefur verið Evrópusambandið Hmpf! Horfur þar eru þær að sambandið mun í fyrsta sinn ekki geta komið sér saman um ný fjárlög fyrir nýtt sjö ára fjárlagatímabil sem er að hefjast núna. Löndin eru á skallanum vegna esb-aðildar og upptöku evru. En ekki nóg með það, þá er afar líklegt að svo kallaður "björgunar og endurreisnarpakki" sambandsins sem skálað var fyrir í sumar, muni ekki koma til framkvæmda nema að litlu leyti og enda sem hálf liðið lík í höndum þeirra villimanna sem héldu að hugmyndin um Evrópusambandið gæti orðið eitthvað annað en tortímandi slæm að næstum öllu leyti

ÞÝSKA "LEIÐIN"

Þýskaland sem lifað hefur hátt á lágum smittölum og dauðföllum í Austur-Þýskalandi, sá tölur Vestur-Þýskalands og Berlínar skyndilega þrusast upp í fjögur þúsund ný smit í gær. Enginn ferðamaður kemur til Austur-Þýskalands, fólkið er fátækt, á engin börn og kann enn að hlýða og blanda sér ekki í það sem Stasi sagði að kæmi því ekki við. Yfirvöld í Rostock fengu meira að segja símtal frá yfirvöldum í Brasilíu sem spurðu "hvernig fóruð þið að þessu". Hugsa ég að hinn íslenski ferðamálaráðherra Wuhan-veiru-útbreiðslunnar hér á landi hringi því ekki þangað

Sjá grein WSJ síðasta laugardag: Covid-19 Sparks New East-West Divide in Germany - 30 Years After Reunification

SÆNSKA "LEIÐIN"

Þetta var sem sagt "þýska leiðin" - sem nú virðist hafa tekið við af "sænsku leiðinni" þar sem dauðsföllin af völdum Wuhan-veirunnar eru orðin 5892 í 10,1 milljón manna landi Svíþjóðar, sem er 4,7 sinnum meira en samanlögð dauðsföll hafa verið í 16,6 milljón manna samanlögðum löndum Danmerkur, Finnlands og Noregs. Efnahagssamdrátturinn í Svíþjóð á öðrum fjórðungi ársins var einnig sá versti af þessum fjórum löndum, eða -8,6 prósentur. Aðeins Ísland er með meiri samdrátt þegar um Norðurlöndin fimm er að ræða. Hér var hann -9,1 prósenta eða álíka og í Svíþjóð, og er það fyrst og fremst frummanna-fyrirferð gjaldþrota-geira ferðaþjónustunnar að kenna, sem þegar var komin á hausinn um síðustu áramót og aldrei hefur átt krónu eiginfjár né þénað túkall og er því í engu standi til að fjárfesta í sjálfri sér. Bönkum munu blæða

TYRKNESKA "LEIÐIN" (ja hérna)

Síðan er það "tyrkneska leiðin" en hún felst í því að Erdogan er svo gott sem búinn að koma því landi á hausinn og vantar erlendan gjaldeyrir því svo margir bankar landsins liggja nú gjaldþrota. Ætlast er til að bláeygt fólk fylgi nú vísindum Tyrklands að málum. Er þetta ekki sprenghlægilegt? Jú þetta er jafnvel enn hlægilegra en finnska leið Jóhönnustjórnarinnar. Rassakastast Erdogan forseti nú vítt og breitt með jóreyk um Miðjarðarhafið til að reyna að breiða yfir getuleysið á heimavelli (rússneska leiðin)

Uppfært 8. október kl. 22:22

MEÐ KVÖLDKAFFI ÍHALDSMANNA: HLAÐVARP VIKUNNAR

Victor Davis Hanson um kappræður Trumps við þáttarstjórnandann og Biden

Nánar eftir sama mann sagnfræðinnar: The Full Crowley og Trump, Escaping Wile E. Coyotevirus

Það er umhugsunarvert hversu margir snobbarar hafa dæmt fyrstu kappræður Trumps og Biden sem misheppnaðar - og vitna í því tilliti stundum í fyrirbæri sem kallað er "stjórnmálaskýrendur á einu máli". Þeir menn skýra ekkert og tala við enga og til engra nema spegilmynda sinna. Þeir gátu hvorki skýrt né greint bandarísku forsetakosningarnar 2016, né það að Bretar kusu að ganga úr Evrópusambandinu nokkrum mánuðum áður. Þetta fyrirbæri, "stjórnmálaskýrendur", vissu ekkert um þau mál. Og þeir vissu heldur ekki neitt um að Sovétríkin myndu hætta að vera til nokkrum mánuðum eftir að þeir þóttust vit allt um það mál. Ekkert er til dæmis að marka þá sem koma fram í DDRÚV sem sérfræðingar í stjórnmálum. Þeir eru engir sérfræðingar í neinu nema að villa á sér heimildir

Þessi tölvupóstur frá WSJ var mér afhentur rétt í þessu kl. 23:38. Hvílík vonbirgði fyrir Demókrata. Hefst nú eltingaleikurinn við Trump á ný, og hann aldrei hressari en nú

Fyrri færsla

Hertar hertar aðgerðir: Ferðamálaráðherra stungið inn?

"Sjálfstæðisflokkurinn, blessuð sé minning hans" (og Evrópu) [u]

Þetta er að minnsta kosti rétt hjá Sigmundi Davíð, þegar atburðir síðustu daga eru skoðaðir, plús nær allt núverandi kjörtímabil xD, plús öll árin frá því að núverandi Bjarni Benediktsson varð formaður þess flokks

Og jafnvel enn dapurlegra er að hugsa til þess að fráfarandi Þorgerður varaformaður xD hefur sennilega alltaf verið eins konar fjölbreytileikkona þar, ásamt Benedikt úr sömu ESB-skúffu, og sem bæði og samstíga virðast komin inn í forstofu líberalismans inn í marxisma; sjá "vinstri velferð" hirt upp úr vösum hægrimanna, sem var slagandi orð hennar og hans upp að altari marxismans fyrir síðustu kosningar

Hvenær skyldi Bjarni hoppa af og yfir til þeirra? Hann þyrfti meira að segja varla að hoppa, því hann hefur séð til þess að xD liggi lágt og rísi ekki. Gæti jafnvel bara labbað yfir. Enginn tæki að minnsta kosti eftir neinu þegar hann opnar munninn næst

Hvað er þá eftir af xD? Ekki mikið, eða eins lítið og við sáum á humarveislunni í fyrradag í því sem áður var dómsmálaráðuneytið. Hvílík hneisa, stjórnleysi, lögleysi og aumingjaháttur. Svona er þetta því miður búið að vera hjá Sjálfstæðisflokknum frá því að Bjarni Benediktsson og lið hans tók við

Bless Evrópa og dead-cat-bouncing Kína, er eiginlega það sem hægt er að lesa út úr þessu öllu. Sérstaklega þegar lesnar eru nýjustu viðbæturnar við þjóðaröryggisstefnu Bandaríkjanna; Western Hemisphere Strategic Framework. En þar segir að frá og með nú sé það fyrst og fremst Vesturhvel jarðar sem móti rammann um þjóðaröryggisstefnu þeirra í efnahagslegu tilliti, þar sem allt verður flutt þangað undir einkunnarorðunum "heimahýsing" og "nærhýsing"

Inter-Amerkíu-þróunarbankinn, en ekki AIIB-útþenslubanki Kínverska kommúnistaflokksins þar sem formaður Sjálfstæðisflokksins situr í bankaráði, er það sem notað verður á Vesturhveli jarðar, plús fimm fjárfestingarstólpar fyrir ríkin á því hveli veraldar; þ.e. í nýja heiminum. Og til marks um nýtt mikilvægi Vesturhvels (Ísland er á Vesturhveli jarðar) hefur Bandaríkjamaður nú tekið við IADB-bankastjórninni í fyrsta sinn í sögu bankans. Lesa má í nýtt mikilvægi IADB út frá því. Norður-Ameríka, Mið-Ameríka og Suður-Ameríka er það sem sá fjárfestingarbanki snýst um, ásamt restinni af ríkjum Vesturhvels

Ísland er auðvitað ekki þar, frekar en dómsmálin eru í humarráðuneytinu. Nei nei, formaður Sjálfstæðisflokksins sá um að henda í Íslandi inn í imperíal-útþenslubanka hins kínverska kommúnistaflokks Kínagúlaga. Hugsið ykkur! Og svo henti hann Íslandi inn í Orkupyntingasamband Evrópusambandsins, þar sem "Þýskaland fyrst" stefna yfirtapara meginlandsins tröllríður hinni hrynjandi spilaborg Evrópusambandsins. Ekkert ríki Evrópu mælist nú eins fjandsamlegt Bandaríkjunum og Þýskaland. Junge Freiheit útskýrir ágætlega sumar ástæðurnar fyrir því í grein blaðsins hér: Sie trommeln weiter

Þýskaland er nú með lélegustu orkuinnviði og versta orkubúskap Evrópu plús lélegustu fjarskiptainnviði nokkurs ríkis Evrópusambandsins. Hið fyrra er í vösum Kremlar og hið síðara er í vösum Húkavéa Kínverska kommúnistaflokksins. Hvernig haldið þið að þetta endi. Jú, varla nema á einn veg

Já, blessuð sé minning Sjálfstæðisflokksins í orku-icesave-pökkum hins ósjálfstæða EES-skrifstofuformanns hans

Tek undir orð Sigmundar Davíðs um að afturkalla verði aðild Íslands að Orkupakkabandalagi taparanna í ESB, ásamt ýmsum öðrum hugmyndum Miðflokksins hér: Vilja lækka tekju­skatt í 24%

Uppfært-

Ég er þó efins um framtíð ferðaþjónustu sem atvinnugreinar á Íslandi. Nýtt og langtum minna normal mun myndast þar eftir faraldurinn. Það þarf þó ekki að vera slæmt til lengri tíma litið, því ef eitthvað eitt sérstakt er hægt að segja um ferðaþjónustu í hálaunalöndum eins og okkar, þá er hún ávallt brautin inn í og um leið afleiðing efnahagslegrar hnignunar. Við vorum með ferðaþjónustu vegna hnignunar, og sú hnignun mun festast í sessi verði ferðaþjónusta eitthvað annað og meira en aukabúgrein sem allir geta verið án, gerist þess þörf og þegar þess þarf, því þetta er ekki síðasta skyndilega stopp greinarinnar. En það þarf samt að takast á við skyndilegt stopp ferðaþjónustu núna og snúa því einhvernvegin Íslandi í hag með krosshagsmunanýtingu milli geira. Og þar er Sigmundur Davíð sérstaklega sterkur, eins og við sáum síðast

Tími sérleiðanna fyrir hina útvöldu er liðinn, enda gáfust þær illa. Sigmundur Davíð er greinilega með herðar og hugmyndir breiðar. Já, breiðar hugmyndir...

Fyrri færsla

Er Trump að hitta í mark? 

„Sjálfstæðisflokkurinn, blessuð sé minning hans“

Sóttvarnarlokun 2.0 í Evrópu yfirvofandi?

Mynd: Worldometer 11. september 2020: Dagleg ný Wuhan-veirutilfelli í Frakklandi. Þau voru 9843 í gær, sem er það mesta frá því að faraldurinn hófst. Spánn tilkynnti um 12183 ný tilfelli í dag

****

Nýjar Wuhan-veirusýkingar ryðja sér nú til himins í löndum Evrópu og dauðsföllum er byrjað að fjölga á ný. Bretar virðast vera að setja í neyðargírinn á ný og að hefja 10 milljón skimanir á dag, þannig að öll þjóðin verði skimuð einu sinni í viku. Mikið er undir, en óvist er um getu hins ríkisrekna heilbrigðiskerfis landsins til að ná þessu markmiði

Löndin á meginlandi Evrópu með mörgum sinnum fleiri nýjar sýkingar á dag núna, munu reyna að berjast við að fylgja þessu fordæmi. Talar Boris Johnson nú opinberlega um Lockdown 2.0 sem möguleika, takist ekki að veiruprófa 10 milljón manns á dag. Bandaríkin hafa eins og er framkvæmt rúmlega 90 milljón skimanir

Verði þetta svona mun það þýða óendanlegar hörmungar fyrir hagkerfin á meginlandinu sem liggja fullkomlega berskjölduð gegn þessum höggum, liggjandi nú þegar meira og minna 2008-dauðvona í handjárnum Evrópusambandsins. Þau hafa engan möguleika á að komast með tærnar þar sem Bandaríkin eru með hælana í efnahagslegum viðbrögðum við áföllunum núna og það sama gilti um áföllin 2008. Bandaríkin eru þegar að framkvæma það sem menn láta sig aðeins dreyma um í þeim efnum á meginlandi taparanna í Evrópu í dag

Fari þetta svona er úti um ferðamannaættbálkinn í Evrópu allt næsta árið og tómt mál að tala um hann, því með þessu yrði hann alls staðar útlægur gerður

Þróun bóluefnis rakst einnig á vegg af óvissri hæð í vikunni. Alvarlegar bólgur í mænu komu í ljós. Enn er þó óvíst hvaða áhrif þessi óvænta(?) hliðarverkun mun hafa á þróunarvinnuna. Kannski var þetta bara einn af þessum útlögum sem alltaf koma í leitirnar við prófanir. En sé þetta alvarlegt, og finnist fleiri slíkir, mun það draga úr áhuga og trausti almennings á öryggi efnisins. Fyrir vikið gæti útbreiðsla og upptaka þess meðal þjóðanna orðið hægari en vonast er til

Allt þetta hefði venjulegur dýralæknir við skyldustörf sín 1963 getað sagt svo kölluðum stjórnmála-, embættis-, og vísindamönnum í mars 2020. Þess vegna fást lærin í sunnudagsmatinn eftir messu enn

Fyrri færsla

Ha ha ha: ESB missir aðgang að næststærsta hagkerfi Evrópu

Ha ha ha: ESB missir aðgang að næststærsta hagkerfi Evrópu

Wishbone Ash - gamla uppáhaldið mitt (Fjögur)

****

Mikið skal ég hlægja þegar að fíflin í Brussel missa aðgang að næststærsta hagkerfi Evrópu, og sjá loksins að Brexit snérist um að Evrópusambandið færi úr Bretlandi en ekki öfugt

Fíflin í Brussel voru þó og því miður af sömu manngerð og bresku fíflin í bönkunum, málalengingarstofunum og hinni pólitísku stétt landsins, sem 2016 uppgötvuðu að þau voru og höfðu aldrei verið í sambandi við bresku þjóðina, og reyndar aldrei skilið hinn almenna borgara landsins. Og það sem verra var; þeim var alveg sama um aðstæður og örlög hins almenna borgara Bretlands – svipað og þeir sem enn berjast fyrir því að berja Ísland til að innan að beiðni graftarkýlisins EES

Fíflin hinumegin við pappírsborðið í Brussel héldu á hinn bóginn að þau væru húsráðendur í Bretlandi. Milliríkjasamningur úr pappír hafði stigið þeim álíka mikið til höfuðs og of hækkandi hlutabréf í túlípana. Evrópusambandið er túlípanabóla á milliríkjasviðinu. Er sú bóla búin og byrjuð að hjaðna núna

Einnig Ísland verður að stinga á graftarkýlið EES, áður en skera þarf fótinn af, og jafnvel stjórnmálaflokka landsins líka

Ha ha ha ha. Bráðum verður Bretland stærst, mest og best – á ný

En þessi maður –Roger Scruton– skildi fólkið, enda þjóðaríhaldsmaður - NatCon

Fyrri færsla

Klikklið gegnsósa af vinstrimennsku

Hvítarússland: Varlega! [u]

Stratfor: Landfræðilegar aðstæður Hvítarússlands (tvær mínútur)

****

Þið munið öll eftir meðferðinni á sjálfstæðismönnum Katalóníu og ofbeldissveitum Madrídar er þangað voru sendar, og síðan fangelsun katalónskra sjálfstæðisismanna, næstum því án dóms og laga. Þá heyrðist ekki múkk úr bandormabjörgum Brussels - sem einnig þagði þægt um árásir framkvæmdavaldsins á Francois Fillon, pólitískan andstæðing framboðs Macrons í París

En nú þykjast bandormarnir undir því fargi allt í einu geta, eftir að hafa í svitabaði strokað orðið Kína út úr öllum pappírum Evrópusambandsins og víðar um kínversku Wuhanveiruna

HVÍTARÚSSLAND

Hvítarússland er rúmlega 200 þúsund ferkílómetra sjálfstætt ríki milli Rússlands og Póllands. Á nyrðri kanti þess liggja þrjú NATO-ríki Eystrasalts. Að sunnanverðu er það Úkraína sem rammar landið inn. Þjóð landsins er um níu og hálf milljón manns. Landið stingst djúpt inn í Rússland að austanverðu og inn í NATO í vestri

Úkraínu var snúið á grillinu yfir á hálfa vesturlensku hlið hennar og ætíð síðan hafa verið læti. Úkraína er stuðpúðasvæði Rússlands. En hún er einnig stuðpúðasvæði Evrópu. En þessi stuðpúði virkar hins vegar ekki fyrir neinn í raunheimum, sé landið ekki hlutlaust

Óformlegt og þegjandi samkomulag milli Moskvu og Washington er það sem heldur Úkraínu enn fastri á jörðinni og ekkert annað. Litlu þar innanborðs er að treysta - og það er hið króníska og eilífa vandmál stuðpúðasvæða. Þau virka aðeins svo lengi sem stjórnvöld innan þeirra eru stöðug. Annars losnar fjandinn og fer laus

Hið sama gildir um Hvítarússland. Lukashenko hinum föðurlausa syni mjaltakonu hefur með lagni og herkjum tekist að halda Hvítarússlandi hlutlausu og oft hefur hann slegið á fingur Kremlar. Honum hefur þar með að mestu tekist að halda Hvítarússlandi sem hlutlausu stuðpúðasvæði, því forsetinn veit að takist honum það ekki, þá er úti um sjálfstæði Hvítarússlands

Rússland getur nefnilega aldrei í þessu né neinu öðru lífi þolað að Hvítarússland verði að vesturlensku áhrifasvæði, því þá myndi Smolensk um leið verða að landamærabæ gagnvart Vesturlöndum. Þar með þyrfti vesturlenskur her aðeins og rúlla örstutta leið til að rífa Moskvu-hjartað úr Rússlandi. Staðan er nógu slæm fyrir, því NATO er aðeins 150 kílómetra frá Pétursborg

Útópíumenn Evrópusambandsins sem þekktir eru fyrir að haga sér eins og ráfandi rónar um stræti landa sem þeir eiga ekkert í, en látandi aðra um að gæta lífs þeirra, eru hér til alls vísir. Þeir enda auðvitað á því að kveikja í Evrópu eins og síðast

Þýskaland kastaði í gær fyrstu eldspýtunni á taparabálköstinn sem það er búið að hrúga upp úr innréttingum sem voru innviðir áður fullvalda ríkja Evrópu. Þýski kanslarinn þakkaði nefnilega Litháen en ekki Póllandi fyrir að hafa aðstoðað mótmælendur í Hvítarússlandi. Fáar fréttastöðvar hafa hins vegar minnst á þær mómælagöngur sem gengnar hafa verið til stuðnings ríkisstjórn landsins

Með því að þakka Litháen en ekki Póllandi, hefur Þýskaland snúist gegn grundvallarhagsmunum Rússlands. Það mun ekki enda vel, og alls óvíst er hvort að blessun sé lögð yfir þann verknað í Hvítu húsi og á þinghúsahæðum Washingtonborgar

Rússland þolir ekki að missa Hvítarússland. Ekki vegna þess að Moskva álíti að innrás vestanfrá sé þar með yfirvofandi, heldur vegna þess að enginn hélt að Þýskaland myndi verða neitt annað en áframhaldandi gjaldþrota rúst tapara eftir bæði 1918 og 1945. Rússland þekkir skiptandi aðstæður, langanir og hugarfar ríkja of vel af eigin reynslu, vegna þess að það sjálft hafði engar áætlanir um að halda kyrru fyrir í Evrópu frá og með 1945, en gerði það samt. Tímar og ríkisstjórnir breytast. Það gerir landafræðin hins vegar ekki. Hún mun áfram kalla á geopólitísk viðbrögð - og þau munu koma

NatCon  

Uppfært fimmtudagur, 20. ágúst 2020 kl. 11:33

Borist hafa fregnir þess efnis að mötuneyti diplómata Evrópusambandsins sé svo skilvirkt í framleiðslu afglapa, að Angela Merkel kanslari Þýskalands hafi borðað þar yfir sig af þeim eina rétti sambandsins. Og svo sadda að forrétturinn varð að mjólkurhristingi í maga hennar. Hélt hún að steik myndugleikans þar væri ekki skósólinn Thierry Breton í framkvæmdastjórn Evrópusambandsins. En hann matreiddi nefnilega þann yndislega rétt ofan í kanslarann að Hvítarússland væri ekki í Evrópu og Rússland enn síður. Hélt þýski kanslarinn því þar með væri henni væri óhætt að segja eitthvað. Forseti Hvítarússlands tók því að sjálfsögðu ekki símann er þýski kanslarinn í annarri heimsálfu reyndi að hringja í hann. Á meðan töluðu Pútín og Lukashenko fjórum sinnum saman og hlógu sig máttlausa. Bíbb bíbb bíbb sagði sími Merkels og Langley skellti upp úr, vestan Atlantsála

Munnvatnið frá Brussel virðist þannig vera að falla í sama farveg og jólagjöf Vestur-Þýskalands til Póllands féll, veturinn 1981-1982, fyrir tilstuðlan klodsmajora vestur-þýsku ríkisstjórnarinnar í Bonn. Í pakkanum voru herlög Jaruzelskis

Fyrri færsla

Jæja. Wuhan-veiran leikur marga grátt