Jæja. Wuhan-veiran leikur marga grátt

Fyrrum Obama-forsetafrúin lýsir því þarna yfir að núverandi forseti Bandaríkjanna sé rangur forseti fyrir landið. Það er ekki að spyrja að því. Svipað gerði fyrrum forsetafrú úr sama flokki er hún sagði að sá hluti bandarísku þjóðarinnar sem styddi Donald J. Trump, væru undirmanneskjur og hennar kjósendur þar með yfirmanneskjur. Svo talar þetta sama fólk um rasisma! Þarna hefur ekkert breyst og ekkert verið lært. Demókratar sem frá byrjun sáu að þeir gátu ekki komið í veg fyrir kjör Trumps í kosningum nema með því að eyðileggja hann á milli kosninga, halda áfram á þeirri braut sinni beint til heljar núna

Það versta sem Trump gerði þeim og því ríkisbubba-embættismannaliði, sem í yfirgnæfandi mæli aðhyllist demókrata, er það að hann lýsti því yfir að hann þyrfti ekki á því liði þeirra að halda. Það væri gagnslaust og ofborgaður óþarfi sem enginn þyrfti á að halda. Og við það hefur hann staðið. Hann hlustar ekki á þetta fólk og fer sínar eign leiðir. Það þola ríkisbubbarnir og kerfishershöfðingjarnir ekki og heldur ekki hugveiturnar og allar "stofnanirnar", sem allt eru að sliga með naggrísa-nagi sínu á skattgreiðendum. Hefur það lið hrúgað til sín réttindum og launum áratugum saman

Ég-get-sjálfur-aðferð Trumps hefur virkað afskaplega vel. Átta arfavitlausum árum Obama hefur verið sturtað á öskuhauga sögunnar, efnahagurinn tók því að blómstra og einkafórnarlömb aumingjavæðingar Demókrata fengu vinnu og gátu þar með sannað að þeir gerðu gagn í þjóðfélaginu og væru ekki upp á ölmusur Demókrata komnir. Algjör hryllingur fyrir Demókrata

Utanríkispólitík Trumps hefur einnig virkað vel. Stofnanavætt vesalingaveldi ESB-sukksins á meginlandi Evrópu þorði ekki öðru en að kaupa vasahnífa á kústsköft herja sinna og hætta að taka því sem gefnu að Bandaríkin myndu verja það fyrir sjálfu sér og eyðileggingarmætti Evrópusambandsins. Enginn nennir lengur að vera blásari í þokulúðrasveitum Miðausturlanda-sírenusveita vinstrisins á Vesturlöndum, og sögulegar sættir Araba og Ísraela fara nú fram og vinskapssambönd þar á milli er verið að formfesta einmitt núna, þökk sé Trump

Fimm ára styrjöld Demókrata á hendur Trump hefur því farið heldur betur illa fyrir Demókrata sjálfa. Sumir toppar þeirra eru á leið í fangelsi og margir þeirra hafa verið reknir úr opinberum störfum með skömmina eina í skilnaðargjöf. Moldvörpustarfsemi, drottinsvik, misnotkun og þjóðníð var það sem þeir reyndu að nota gegn Trump forseta bandarísku þjóðarinnar

Nýjasta vopn demókrata á Trump er hins vegar kínverska Wuhanveiran ásamt nýjum aukaflokki rasista innan Demókrataflokksins, sem kallar sig Svört líf skipta máli. Sú hreyfing er ekki nýnasistahreyfing eins og MeToo var. Hún gekk nefnilega út á að ræna störfum og lífsviðurværi frá öðru fólki sem annars hefði ekki verið hægt, og alls ekki fyrir rétti í réttarríki. Um eins konar Iittala-kristalnótt hinna löngu kristalvasahnífa góða fólksins var bara að ræða og sem stöðvaðist um leið og hún náði til Hollywood og demókratans Joe Biden. Hreyfingin Svört líf skipta máli er hins vegar hrein rasistahreyfing með mottóið "við erum æðri, þið eruð rusl og sek um allt milli himins og jarðar" (svipað og sagt var um Gyðinga)

Á þennan vagn ofurheimskunnar sem virðist hafa það sérstaklega gott á tímum heimsku-símanna, hoppa nú bjánar út um allt. Þar er tungumálið "já, nei, æði, líkar, þú skilur" eða með öðrum orðum eins konar háhraða-rafeindasuð nýbjána á borð við þá sem klesstu hlutabréfamarkaðnum þegar þeir tóku í notkun háhraðaviðskipti með hlutabréf í tölvum

Þarna klessa nýbjánar og barnafullorðnir sér næstum daglega núna og birta um leið myndir af hruni sínu í beinni. Möguleikarnir á að gera sig að fífli þarna eru svo gott sem endalausir, fyrir nýbjána. Kannski hófst þessi sjálfsklessuferð á félagshrunsmiðlum á því að vesalingar fengu borgað fyrir að koma fram í sjónvarpi og útstilla sér þar sem til dæmis óhæfir uppalendur barna (einræðisherrabörn sem þetta fólk hafði búið til var sýnt) eða til dæmis fólk sem bjó á fjóshaug sem það sjálft hafði skapað með leti sinni, subbu- og aumingjaskap. Þetta varð því miður vinsælt sjónvarpsefni

Nú geta hins vegar hverjir sem er, ráðherrar líka, sent sjálfa sig beint út sem vesalinga og raðdómgreindarskerta fávita

Er þetta ekki æðislegt. Jú jú, endilega meira af þessu!

Fyrri færsla

Kínaveiran: Þingflokksvindur nú (ó)Sjálfstæðisflokksins

„Donald Trump er rangur forseti fyrir land okkar“

Athugasemdir

[Halldór Jónsson, 18.8.2020 kl. 17:26]

Margt mælir þú spaklegt Gunnar að vanda.

Hbvernig dettur nokkrum í hug að Joe Biden sé hæfari en Trump til að sinna málefnum veraldarinnar? Það væri áfall fyrir heiminn ef hann og hálfblakka stelpan yrðu kjörin.Stríðaæsingakellingin hún Hillary væri óðara komin til að gera illt verra.

[Gunnar Rögnvaldsson, 18.8.2020 kl. 19:33]

Þakka þér fyrir góðar kveðjur Halldór.

Já staða Demókrata fer að jafnast á við slæma stöðu Sjálfstæðisflokksins hér heima vegna forystugetuleysis hins litlausa Bjarna-litla-bimbó.

Varðandi kosningarnar vestanhafs þá er kannski ágætt að rifja upp kosningarnar 1988 - en þó einkum 1948 þegar Dewey hrundi eftir viðstöðulausa sigurgöngu í könnunum, er talið var upp úr kjörkössunum.

Bandaríkjamenn hafa þegar til kastanna kemur ávallt verðlaunað hinn ófullkomna mann sem passar fullkomlega í fógetaembættið, þegar hann, jafnvel þó svo hann þurfi stundum að skríða, gefst ekki upp og stendur uppréttur einn á móti öllum. Þannig menn kunna þeir að meta.

Kveðjur

[Ómar Geirsson, 18.8.2020 kl. 22:30]

Blessaðir félagar.

Sáuð þið Biden í fréttatímanum í kvöld??

Var lengi að rifja upp hvern hann minnti mig á, fattaði það svo að það var eldri maður á hjúkrunarheimili sem hafði til skamms tíma verið reffilegur þrátt fyrir aldur. 

Svo kom ellin og á innan við ári er hann orðinn skuggi af sjálfum sér.

Það er mikið að þegar svona maður er talinn valkostur.

Þetta er farið að minna mig á Sovétríkin sálugu þar sem eina málamiðlun valdaelítunnar var að setja lítt lifandi gamalmenni í sæti ritar kommúnistaflokksins.

Enda andaslitur þeirra andaslitur Sovétsins.

Þetta er með ólíkindum.

Kveðja að austan.

[Gunnar Rögnvaldsson, 18.8.2020 kl. 22:43]

Þakka þér Ómar.

Nei horfði ekki fréttir á DDRÚV. Konan gerði það hins vegar og heyrði ég um tíma undarleg hljóð koma úr stofunni og datt í hug að það hefði verið umrætt en tómt höfuð Joe Bidens í kjallaranum á kústskafti Demókrataflokksins.

Já valdaklíkan í kringum Brésnéff í Kreml neitaði honum um að fá að fara frá völdum, þá fárveikum manninum, því veikindi hans gerðu henni kleift að ráðast til dæmis inn í Afganistan og fá höfuð forseta þess lands höggvið af og sent til Moskvu í plastpoka. Hélt valdaklíkan Brésnéff á lífi eins lengi hann gagnaðist henni betur sem lifandi en dauður.

Kveðja

[Gunnar Rögnvaldsson, 18.8.2020 kl. 23:26]

VIÐVÖRUN VEGNA VEGAFRAMKVÆMDA

Trump forseti hefur skipað vegagerðinni að rykbinda sigurbraut Bidens úr kjallaranum til Hvíta hússins í hvelli, þannig að hver veit nema að augu kjósenda geti farið að opnast. Eins og allir vita þá getur Trump allt og hefur fullt vald yfir öllum alls staðar og samtímis, þar á meðal stjórnarskrárbundinni póstþjónustu Bandaríkjanna líka, sem sendi því út leiðbeinandi bréf til yfirkjörstjórnar landsins svo snemma sem í maí, en sem svo kallaðir fjölmiðlar hafa víst ekki fengið enn.

[emil (IP-tala skráð) 19.8.2020 kl. 07:50]

Þetta segir helling um Biden :)

https://babylonbee.com/news/report-kamala-harris-already-vetting-vp-picks

[Theódór Norðkvist, 19.8.2020 kl. 21:49]

Talandi um Brezhnev, fyrir ótalmörgum árum síðan heyrði ég getgátur um að hann hafi ekki verið lifandi þegar hann birtist í síðasta sinn á svölunum í Kreml.

Aðrir ráðamenn hefðu bara staðið þétt við hliðina á honum og lyft handleggnum á honum til að hann liti út fyrir að vera að heilsa lýðnum.

Eflaust voru þessar getgátur frekar settar fram í gamni en alvöru, en þegar ég skoða þessa mynd, þá er eins og Dmitry Ustinov haldi undir handlegginn á Brezhnev.

Myndin er tekin af Wikipedia, fylgir greininni Death and state funeral of Leonid Brezhnev.

[Gunnar Rögnvaldsson, 19.8.2020 kl. 22:18]

Þakka þér fyrir þetta Emil.

Kveðja

[Gunnar Rögnvaldsson, 19.8.2020 kl. 22:19]

Þakka þér fyrir Theódór.

Já líklega nokkuð til í þessu.

Tímarnir undir Brésnéff voru sennilega skástu tímar Rússa undir oki kommajökuls Sovétsins.

Kveðja