Sería björgunaraðgerða vegna evrunnar heldur áfram í ESB

NÝR CAMERON

HÆSTA FJALL EVRÓPU ER Í HOLLANDI NÚNA OG HEITIR MARK RUTTE

Evrópa sekkur dýpra í skuldafenið sem evrunni var ávallt ætlað að búa til, þegar nánar var að gáð, enda þótti hagfræðingum fyrirbærið jaðra við tunglsýki. Það styttist því í kröfur um að nýtt Luftwaffe verði stofnað sem ný innheimtustofnun yfir Evrópu. Upphafsstaða Suður-Evrópu í evrunni var 70 prósent fyrirfram-glötuð. Samt var skrímslinu því sleppt lausu

"Europe’s future is at stake," Ms. Merkel had warned Mr. Rutte during the tense negotiation, said people familiar with the discussion. "If southern countries go bankrupt, we all go bankrupt eventually." – blaðamenn WSJ. Leiðari blaðsins segir: "Evrópa hoppar í skuldafenið"

Sú röð fjölda-björgunaraðgerða (e. serial-bailouts) sem tilvist evrunnar hefur kallað yfir meginland Evrópu heldur áfram. En nú af enn örvæntingarfyllri krafti en áður, því helmingur meginlandsins er gangandi gjaldþrota. "Ef við björgum ekki Ítalíu, Spáni og Portúgal og mútum Austur-Evrópu, þá verðum við öll gjaldþrota" – sagði Angela Merkel við Mark Rutte forsætisráðherra Hollands á fimmta degi fundarins í skuldasellu evrunnar í Brussel í gær

Nýtt og tólffalt Grikklandsstríð í ESB er því við það að hefjast, eða frá og með næsta ári, en það er fyrst þá sem greiðslur að "uppfylltum skilyrðum" eiga að koma til framkvæmda úr "björgunar- og endurreisnarsjóðnum", sem lítið hefur því með Wuhan-veirumálin að gera, því þau eru núna. Nettóviðtakendur eru lönd Suður-Evrópu, þar sem Ítalir úthluta sjálfum sér árlega 16,2 prósentum landsframleiðslunnar í ríkisfjármagnaðan lífeyrir. Í Hollandi er sú tala 5,4 prósentur. Fái Suður-Evrópa ekki fé til að borga Þýskalandi þá er Þýskaland gjaldþrota líka

Ítalía er gjaldþrota núna í umsjá ríkisstjórnar sem er við það að taka landið út úr ESB, sé því ekki mútað, og þá fengi Þýskaland lítið. Spánn er gjaldþrota og við það að sundrast innafrá. Það er því sem næst kommúnistaríki núna. Portúgal er að deyja hægfara evrudauða í ESB. Grikkland er þegar dautt

Angela Merkel verður líklega hataðasta manneskja Þýskalands er hún loksins fer frá völdum. Þjóðverjar munu segja að hún hafi eyðilagt Þýskaland, að innan sem utan, því þeir álíta að undanlátssemi hennar núna sé vegna þess að hún er að fara frá og hafi "ekki nennt þessu lengur" – enda uppalin í DDR, eins og Svavar. Frá henni hafi því komið nýtt stórt bless-spark í gær, og sömu gömlu en nú enn glataðri ESB-dósinni var þeytt lengra niður götuna – til glötunar. Sá sem tekur við og mundar sig við næsta spark, verður hvað?? og hver....??

Fjögur ríki í sambandsríkinu Þýskalandi hafa því sent bænaskjal til þjóðþings Bandaríkjanna um að bandarískir hermenn verði ekki kallaðir burt úr þeim, því efnahagur þeirra þoli það ekki. Um er að ræða vesturþýsku ríkin Rínarland-Pfalz, Hessen, Bæjaraland og Baden-Württemberg. Líka þau eru á skallanum, fari bandarísku hermennirnir á brott og annað, með fé bandarískra skattgreiðenda, eða jafnvel heim. Þau vilja einhverra hluta vegna ekki ganga í Frakkland og allra síst í Ítalíu, né hvað þá Rússland

Hefst nú nýtt tímabil í sögu Evrópu þar sem allir verða með nefið enn lengra niðri í koppum hvors annars og blaðamannastéttir allra ríkja meginlands Evrópu munu gera út á að dekka spillinguna í því landi sem fær björgunarpeninga, eins og Eurointelligence bendir á í dag – á meðan heimamenn í norðrinu lesa fréttir þeirra og lepja skuldasúpu gærdagsins úr nýrri en næfurþynnri skel. Hatrið og sundurlyndið stigmagnast á meginlandi taparanna. Bretar prísa sig því sæla og verða hið nýja helga land Evrópu, eins og Blake orti um

NÁNAR

Victor Davis Hanson

Fyrri færsla

Telegraph: "Emmanuel Macron ásakar Holland um breska brexit-hegðun" 

Athugasemdir

[Ragnhildur Kolka, 22.7.2020 kl. 11:05]

Þú nefnir hérna hina raunverulegu ástæðuna fyrir andstöðu Þjóðverja við brottflutning síns hataðasta andstæðings (skv. Pew bera >70% Þjóðverja kala til Bandaríkjamanna). Þótt Trump tali aðeins um að flytja um þriðjung herliðsins(~9500), þá yrðu þetta um 25000 manns með öllum áhangendum. Það munar um minna í tekjum þjóðar (húsnæði, matur og afþreying) enda Kaninn þekktur fyrir að gera vel við sig. Í kaupbæti kostar vera þessa fólks Þjóðverja ekkert í læknis- og annarri velferðarþjónustu hvað þá eftirlaunasjóðina, sem núþegar eru sprungnir. Helmut Kohl var Þjóðverjum dýr en Merkel rándýr.

[Gunnar Rögnvaldsson, 22.7.2020 kl. 12:32]

Þakka þér fyrir Ragnhildur.

Já það er þannig og lengra nær það mál ekki hjá þýskum. Þýskir stjórnmálamenn hafa einnig sagt að Þýskaland hafi stöðu vanþróunarlands í varnarmálum og njóti aðstoðar sem þriðja-heims ríki í þeim efnum.

En kannski er undirstöðu-uppspretta þjóðaröryggis þýskra að þorna upp núna, og Bitburger hætti því bráðum að renna svo glatt út í Rínarlandi-Pfalz.

Kveðjur

[Gunnar Rögnvaldsson, 22.7.2020 kl. 13:51]

miðvikudagur, 22. júlí 2020 kl. 13:50:10

Það eru hálf súrrealískar sumar stóru fyrirsagnirnar í dag.

1. Bandaríkin skipa Kína að loka ræðismannsskrifstofu sinni í Houston í Texas og sjónvarpsmyndavélar sýndu reyk leggja upp frá garði hennar, þar sem Kínverjar voru að brenna pappíra. Bandaríska ríkisstjórnin ásakar Kína um massífar njósnir og aðgerðir gegn embættismönnum og borgurum um öll Bandaríkin. Þetta fer saman við atburði gærdagsins þar sem Kínverjar voru ásakaðir um að beina spjótum sínum að fyrirtækjum sem vinna við rannsóknir á kínversku Wuhan-veirunni í Bandaríkjunum, og fyrir að stela viðkvæmum gögnum að andvirði hundruð milljóna dala. "Við munum ekki láta þetta viðgangast lengur" sagði Mike Pompeo utanríkisráðherra Bandaríkjanna frá Danmörku, þar sem hann fundaði. WSJ greinir frá þessu í dag. Það skyldi þó ekki vera að Kína sé að dreifa nýjum og hertum Wuhan-veirum í Bandaríkjunum? 

2. Angela Merkel kanslari Þýskalands rak áróður fyrir þýska Wirecard-fjármálafyrirtækinu við Kína síðasta haust, þó svo að hún vissi að verið væri að rannsaka og athuga fyrirtækið fyrir hugsanlegt fjármálamisferli og stórglæpi. Fyrirtækið er búið að vera núna og fólk er á leið í fangelsi. Þetta fékk hún að vita frá þýska fjármálaráðuneytinu tveimur vikum áður en hún fór til Kína. Þýsk yfirvöld eru innblönduð sem gerandi í málinu. Þetta skrifar WSJ í dag.

[Ingólfur Sigurðsson, 23.7.2020 kl. 00:23]

Hressandi grein sem endranær. Það sorglega er að Þýzkaland hefði ekki þurft að þramma þessa glötunarbraut. ESB er ráðstjórnaríkjasamband nútímans, og undarlegt að þjóðir skuli ekki hafa lært að þesskonar kæfandi reglufargan leiðir ekki til neins góðs.

Eftir því sem flækjustigið eykst í þessu gífurlega bákni verður mannleg skynsemi minna verð og minna áberandi. Munu nógu margir innan Evrópu vakna af svefni og henda þessum flokkum á hauga sögunnar sem hafa stuðlað að upplausn, sundrungu, mótmælum, fátækt og fólksfækkun innfæddra? Eða mun almenningur halda áfram að láta múta sér, á meðan spilaborgin tollir enn uppi? Hluti af vandanum er líka afneitun, eins og sú afneitun sem birtist á RÚV, þar vilja mosavaxnir fréttastjórar ekki viðurkenna breytta heimsmynd og þau vandamál sem finnast svo víða. Það er eins og ákveðinn Pollýönnuhugsanaháttur sé þar allsráðandi. Merkilegt að oft enda fréttatímarnir þar á einhverju kjánalegu, svo áhorfandinn fari nú ekki að hafa of mikið fyrir því að draga ályktanir af þeim fréttum sem þó eru upplýsandi þar.

[Gunnar Rögnvaldsson, 23.7.2020 kl. 01:09]

Þakka þér fyrir innlitið, góðar kveðjur og skrif Ingólfur.

Já þarna spyrð þú stórt. Svörin verða líklega annað hvort enn stærri þegar þau koma, eða þá álíka örlítið þunnt andvarp og þegar Þjóðarbandalagið var skúffulagt. Kannski býður eitt lítið herbergi í húsi við Genfarvatn eftir því að ESB flytji inn sem andvana nostalgísk stofnun, þar sem þrír starfsmenn vinna við að flokka sögulega en þýðingarlausa pappíra þess til æviloka.

Á meðan við bíðum er þýska stjórnarandstaðan að reyna að fá þingið til að hefja rannsókn á þýska Wirecard-skandalnum sem nú hefur kostað hluthafa tæplega 30 milljarða dala, og skuldir félagsins, sem nú er tómt, allslaust og gjaldþrota, eru 4 milljarðar dala og horfnir peningar eða sem aldrei voru til nema tveimur milljörðum dala.

Rannsóknin gæti varað allt næsta árið eða lengur. Kosið er til þings í Þýskalandi næsta vor. Allar þýskar stofnanir sem hafa áttu eftirlit með fyrirtækinu brugðust, stungu höfðinu í sandinn og sýndu af sér allt að því glæpsamlega hegðun og framkomu. Þær brugðust fjárfestum svo herfilega að staða Þýskalands sem réttarríkis þegar að viðskiptum kemur er nú í uppnámi, því þetta er aðeins ein af mörgum svikamyllunum sem þýskar stofnanir, ríkisfyrirtæki líka, og fjármálafyrirtæki taka þátt í.

Já þarna hittir þú naglann líka á höfuðið þegar að DDRÚV kemur. Sýndarkompan sú með kjánafréttavinkilinn, sem ég er neyddur að borga fyrir en horfi og hlusta aldrei ótilneyddur á.

Kveðjur