Leita í fréttum mbl.is

Bloggfærslur mánaðarins, janúar 2012

Skyldi Ríkisútvarpið vita hvað "iðnaðarsalt" er?

Ríkisútvarp Íslands hefur nú komið upp neyðarsímanúmeri þar sem fréttastofa stofnunarinnar mun svara spurningum almennings um salt. Upplýsingar um þetta símanúmer er að finna á sömu textavarpssíðu stjórnkerfis fréttastofu RÚV og notað var til að upplýsa fólk um hvernig það gæti sagt upp áskrift sinni að Morgunblaðinu. Með því að hringja í þetta símanúmer geta allir landsmenn fengið að vita allt um muninn á salti og iðnaðarsalti, sem er enginn. 

Öll mál íslenska lýðveldisins — vegna ESB-salts og ESB-silikon - eru hér með komin upp í það ófremdar ástand að þjóðkjörinn þingmaður Borgarahreyfingarinnar, Hreyfingarinnar og formaður þingflokks Hreyfingarinnar síðan 2010, Margrét Tryggvadóttir, leggur til að allt "stjórnkerfið" — sem hún þiggur laun fyrir að sitja í — sé lagt niður og eitthvað annað verði byggt upp af væntanlega henni. Hún spyr hvort Ísland sé ónýtt. Þingmaður já.

Orsökin er sú að iðnaðarsalt (Vakuumsalt) sem erlendis er notað til matvælaframleiðslu og er einungis salt, var um þrettán ára skeið notað hér til matvælaframleiðslu. Salt er salt. Svo er það líklega tollflokkað í nokkur hundruð flokka svo sjúga megi úr því það mesta. Sú hefð liggur fyrir því áður fyrr var saltframleiðsla vernduð einokun hins alsjándi ríkis og "stjórnkerfis" þess. Til dæmis þess ítalska og auðvitað í öllum hinum góðu Sovétríkjum og "stjórnkerfi" þeirra. Hvað var einn og einn dauður fangi á milli saltkorna.  

En það er meira í þessu. Þessu salti (vakumsalti) úr regluverki Evrópusambandsins var síðan troðið inn í brjóst ungmæðra hérlendis, þannig að úr varð skelfilegur saltpækill sem gerði það að verkum kornabörn hættu að borða poppkornið sem sumir í "stjórnkerfinu" héldu að koma ættu úr sillykonum þessum.

Um daginn reyndi málvilltur aulinn ég að kaupa "vegasalt". Það gekk ekki vel fyrstu mínúturnar inni í versluninni, því hún seldi ekki leiktæki. En kílóverðið varð þó ekki það sama og Vegagerðin fékk þegar pokana bar ég út.
 
Merkilegt að innflutt fóður og korn frá Evrópusambandinu skulu fást flutt inn í "íslenska stjórnkerfið" fyrst það er ræktað í mannaskít á ökrum Evrópusambandsins.

Ítalía kemst frá A til B, þökk sé evrunni

4 Grikkland EPA október 2011

Mynd; úr Sovétríki Evrópusambandsins.

Lánshæfnismatsfyrirtækið Standard & Poor’s lækkaði í dag lánshæfniseinkunn ríkissjóðs Ítalíu frá A niður í BBB+ sem er þar-næsti flokkur fyrir ofan rusl. Ítalía er þriðji stærsti ríkisskuldari í heiminum, þriðja stærsta hagkerfi evrulanda, tíunda stærsta hagkerfi heimsins en hefur ekki séð hagvöxt í samfellt 10 ár. Samkvæmt tilskipun frá seðlabanka Evrópusambandsins hefur ókjörinn ESB-embættismaður verið settur inn í embætti forsætisráðherra á Ítalíu. 

Mikilvægt: "Hans & Grétu þensluskapandi niðurskurðaraðgerðir" (e. Emu's Expansionary Austerity Fairy Tail Ritual); Þessi athöfn fer svona fram; þú stingur hníf í hagkerfið og býst við að blæðandi hag þess vaxi kraftur. Þegar árangurinn kemur til þín í formi hrynjandi landsframleiðslu, minnkandi tiltrú markaðarins, versnandi lánskjörum og súgþurrkun skattatekna ríkisins, þá endurtekur þú athöfnina þangað til kenning Einsteins um heimsku mannanna er að fullu sönnuð. Svona fara "Hans & Grétu þensluskapandi niðurskurðaraðgerðir Evrópusambandsins" fram. 

Þetta stóra BBBplús skref ESB Ítalíu mun svo leiða af sér einkunnina BBB og síðan BBB mínus. Púðurtunnuaðild landsins — undir yfirstjórn Hans & Grétu þensluskapandi niðurskurðaraðgerða Brussels og seðlabanka Evrópusambandsins, með aðstoð AGS — mun svo sjá um do deska den skiptimiðaferðalag Ítalíu ofan í ruslið.

Skuldatryggingaálagið á ríkissjóð Ítalíu var 502 punktar nú fyrir helgina — tæplega 70 prósent þyngra en á ríkissjóð íslensku krónunnar — og mun líklega þyngjast mikið eftir þessa atburði föstudagsins, frönskum bönkum til ógleði.

Loksins komst ESB-frystikistan Ítalía frá A til B, þökk sé þeim afglöpum að hafa kastað sjálfstæðri mynt landsins fyrir róða. Landið tók upp keppikeflið evruna sem orðin er helsta teiknið á lofti fyrir sjálfsmorðskapphlaupi 17 ríkja Evrópu niður á botn hins svo kallaða alþjóðasamfélags Samfylkingarinnar. Holræsið sem Vinstri grænir standa nú fallnir fastir með hausinn í.

Það kom miklu meira frá S&P í dag - og enn meira er í vændum. Mbl: Lánshæfismat evruríkja lækkað 

Evrulandið Ítalía á enga mynt

Í nóvember heimtaði miðstjórn Sovétríkja Evrópusambandsins í Brussel að matsfyrirtækin birtu ekki niðurstöður sínar fyrr en eftir lokun markaða og viðskipta. Standard & Poor’s tilkynnti því ekki opinberlega um lækkað lánshæfnismat níu evruríkja til viðbótar í dag fyrr en eftir lokun markaða alla leið vestur yfir Atlantshaf til Bandaríkjanna. En fréttin hafði þá fyrir löngu borist út því faglegar feitar skattfrjálsar kjaftakerlingar embættismannaveldis Brussels höfðu þá lekið fréttinni í alla heimsins fjölmiðla; jafnvel löngu fyrir lokun putalands markaða í svo þýðingarlausu pleisi sem Evrópu.


Handleggur segist styðja stórutá

SIGUR RUV.002
 
Þegar fylgst er með ríkisstjórnarþátttöku Vinstri grænna dettur mér í hug sjúkdómurinn geðklofi. Líkaminn berst á móti höfuð sjúkdómi sem í þessu tilfelli virðist vera orðinn ólæknandi. Hægri handleggur segir frá því í blaðaviðtali að stóra tá vinstri fótar hafi sagst styðja sig ásamt botnlanganum. Þetta er að gerast eftir að allur líkaminn féll með þeim afleiðingum að hann stendur nú á geðklofnu höfði sínu fastur ofan í snjóskafli - og það enn fastar eftir að sköflungurinn, sálin og nýrað sögðu sig úr höfuðsambandi.

Þegar Vinstri grænir sigruðu í síðustu Alþingiskosningum Ríkisútvarpsins, þá óskaði ég þeim til hamingju með kosningasigurinn, bað þá um að fara vel með völdin og sýna þeim virðingu. En þá vissi ég ekki um þetta alvarlega ástand í höfði flokksins. Mikið var ég þarna fjarri hinu sanna eðli veikleikans.

Væri ég enn í þessum líkama þá myndi ég segja mig úr honum áður en hann dræpi mig og umhverfi mitt enn frekar.

Hvað eru stofnfélagar þessa flokks ennþá að gera í honum? Notið þau völd sem lyfin gefa. Þau virka. Dauðir menn bjarga engu.

Hvað mun gerast næst í þessum hrjáða líkama landsstjórnar lýðveldis vors? Verður lýðveldið okkar þurrkað út?
 
Ég er hræddur
 
 

Þrýstivirk "ferðaþjónusta"

Eins og áður er um getið hef ég stofnað Samtök ekki-ferðaþjónustu

Í Ríkissjónvarpinu birtast stöðugt fréttir af einu fyrirtækinu enn sem tekst að tæla erlenda ferðamenn upp í flugvélar, troða þeim inn í rútubíla og henda þeim síðan út á klakann, sem ekki var með í bæklingnum. Síðan gerist tvennt: 1) Hið svo kallaða ferðaþjónustufyrirtæki kemur fram í Stununni okkar — sem er fréttatími Ríkisútvarpsins — og kvartar yfir því að skattgreiðendur í gegnum ríkissjóð Íslands séu ekki búnir að byggja veginn, klósettin, þjónustuna og allt hitt sem sett var inn í bækling þess um hina rosalegu ferðamannabræðslu fyrirtækisins á Íslandi. 2) Stunutíminn okkar í RÚV færir svo landsmönnum barnalegar fréttir af þessu "voðalega ástandi" bransans, sem túristafyrirtækið bjó til með því að auglýsa vörur sem fyrirtækið á ekki til, getur ekki skaffað og hafði aldrei hugsað sér að framskaffa. Rekstur þess gengur jú bara út á að fylla flugvélar og troða út rútur. Þetta er hið nýja síldarævintýri of margra Íslendinga. Svo er kallað á ferðamannabræðslu ríkisins þegar lyktina fer að leggja af aflanum. Ríkið á að koma og "bjarga verðmætunum".

Vildarpunktar út og ferðamannabræðsla inn. Er þetta hið svo kallaða "eitthvað annað" sjálft. Þessi síld er ennþá hverfulli en sú gamla. Það er engin berandi framtíð í þessu.

Landið okkar þolir ekki meiri ferðamannabræðslu. Og okkur langar ekki að búa á safni. Take that Mr. President
 


36 dagar síðan Standard & Poor's setti agalausu evruna í frystinn

CDS ríkissjóður Þýskalands 9 jan 2012
Skuldatryggingaálag á ríkissjóð Þýskalands - Bloomberg.
 
Einhver hér — fjármálaráðherra Íslands þó undanskilin því hún er á aganámskeiði — sem man ennþá eftir því að nú eru 36 dagar liðnir frá því að matsfyrirtækið Standard & Poor's setti allt evrusvæðið — já, Þýskaland meðtalið — á neikvæða listann. Það gerðist þann 5. desember 2011. Við getum því farið að búast við því að allt evrusvæðið og björgunarskip þess í dokkinni líka, taki bráðlega inn enn meiri kaldan sjó og sökkvi æ dýpra. Þetta kemur. 

Merkilegt: Ríkissjóðir 17 evruríkja eiga von á lækkun lánshæfnismats. Þau eru öll agalaus eins og nýjasti fjármálaráðherra Íslands tilkynnti þessum 17 ríkjum og umheiminum öllum þegar hún sogaðist inn í tæmt embættið. Kunna ekki að umgangast evruna. Hví vill manneskja þessi og báðir stjórnmálaflokkar í ríkisstjórn Íslands ganga í svona agalegt dæmi?

Og hví skyldi skuldatryggingaálagið á ríkissjóð Þýskalands hækka stanslaust og vera svo hátt að það er meira en tvöfalt hærra en á ríkissjóð Bandaríkjanna? Af hverju er Þýskalandi ekki treyst lengur? Og af hverju er skuldatryggingaálag Ítalíu svona 530 punkta hátt á meðan það er rúmlega 300 punktar á ríkissjóð íslensku krónunnar?
 
Evrulandið Portúgal: 1102 punktar
Evrulandið Írland: 702 punktar
Evrulandið Spánn: 441 punktar
Evrulandið Grikkland: 7929 punktar
Evrulandið Belgía: 331 punktar
Evrulandið Frakkland að nálgast bankahrun: 237 punktar
 
Og hver sagði íslensku þjóðinni að þetta myndi verða svona ef ráðum hans væri hlýtt? Að skuldatryggingaálagið á Ísland myndi koma niður og lánskjör verða góð? Hvað heitir sá maður?

Látið mig vinsamlegast vita þegar evruálagið á Þýskaland nálgast hið agalega

Svifryk innivinnu borgarstjórans í Reykjavík á Möltu

Svifryk innivinnu borgarstjórans hefur gert það að verkum að hann heldur að Reykjavík sé bær á Flórída eða Möltu. Það er einstakt — og líklega heimsmet — að sjá eins tekjuháa borg og Reykjavík er, svona illa snjórudda, lítið sem ekkert hálkuvarða en vandlega heilaþvegna á svo norðlægum slóðum. Sjálfskaparvítið er hörmulegt. Lag eftir lag er látið safnast í jökla. 
 
Nagladekkin sem áttu að vera svona slæm og óþörf að fólk sem býr í venjulegu sveita- og moldryki um allt Ísland spyr sig sjálft hvort höfuðborgarsvæðið sé komið úr öllum tengslum við landið sem það er staðsett í? Leitun er að eins lélegum viðbúnaði og aðgerðum gegn venjulegu veðri. Hér er einungis um venjulegt íslenskt veður að ræða. Innivinna ríkisstjórnarinnar er einnig á þennan hátt að skila öllu landinu sama árangri. Landsframleiðslan mun líða fyrir þessa stoppklossa við völd.

Miklu betra væri að segja við borgarbúa; við ryðjum hvorki snjó né losum hálku: Notið því nagladekk, kaupið ekki Möltubifreiðar og verið ávalt viðbúin hinu versta. Því við erum aular.

Gott að ég bý ekki í Reykjavík
 

Evran yfirgefur Grikkland

Grieksgeld2

Nú fá margir óskir sínar uppfylltar. Evran er að yfirgefa Grikkland. Þarna höfum við land með engan ríkisrekinn seðlabanka. Bara opið fjárhús sem fokið er ofan af grísku þjóðinni. Formenn og meðreiðarsveinar verkefnisins Sviðin jörð í Samfylkingunni og í Vinstri hugleysingjum grænum, ættu við þetta að fyllast stolti yfir því að hafa með skammbyssu og hugleysi í hönd, sótt fyrir hönd Íslendinga um inngöngu inn í sjálft arnarhreiður þeirra sem handan eru við allt það hægra af öllu hægri sem fyrirfinnst inni í Sjálfstæðisflokknum. En þangað — yfir um og út — var ég skilgreindur af kvantamekanískum evrutrúarmanni Fréttatímans fyrir áramót. Svarthol. Ég er greinilega ekki allur þar sem ég sé mig. 

Eina fortilfellið í hagsögu siðmenningar þar sem samskonar peningaleg trúarbrögð hafa verið iðkuð, var einmitt í Stóru kreppunni 1929. Grikkland þarf ekki að yfirgefa evruna. Evran yfirgefur Grikkland.

Huglausasti stjórnmálamaður Íslandssögunnar hlýtur að vera vafffúll formaður Vinstri grænna. Annað getur varla verið. Hvað annað gæti verið hér í gangi? Singularitísk pólitísk hugmyndafræði? 

The Euro is leaving Greece – and a new Great Depression has entered 


Evran að nálgast fall íslensku krónunnar undir bankahruni

Frá 25. júlí 2008 og til í dag, hefur mynt Evrópusambandsins, evra, fallið um 41,4 prósent í verði gagnvart japönsku yeni. Já, stórir gjaldmiðlar sveiflast mest. Það er staðreynd.

Þau heimili og fyrirtæki í ESB — og þau eru mörg — sem tóku lán í japönskum yenum vegna lægri vaxta, standa því nú með 70,5 prósent hærri skuldir í brennandi borg. 

Þegar evran var sett á flot í ársbyrjun 1999 þá féll hún um 30 prósent gagnvart Bandaríkjadal á næstu tveimur og hálfu ári. Fallið kom þá í veg fyrir þrot Þýskalands en gróf samtímis sökkulinn undan öðrum ríkjum myntbandalagsins gagnvart Þýskalandi.
 
Þá óttuðust Danir, sem bundnir eru ósjálfbjarga við þessa óútreiknanlegu flotmynt ESB, að hún myndi draga Danmörku saklausa niður til botns. Þá vildi enginn eiga smitaða evrópska gjaldmiðla, sögðu bankamenn. En nú er evran hins vegar að draga Danmörku niður í varanlegt efnahagslegt svarthol, sem er svo djúpt að enginn hefur ennþá séð þar til botns. 

Þegar allt bankakerfi Íslands hrundi undan örvita stjórnendum þess haustið 2008, þá féll Íslenska krónan um það bli 50 prósent gagnvart evru. Þið getið ímyndað ykkur hvernig umhorfs verður í Evrópu þegar stórbankar og ríki myntbandalagsins fara í þrotið og magar þeirra opnast. 

Hagræðing: Gekk 12 km á einni vakt

"Skrefamælir sýndi að hjúkrunarfræðingur á bráðadeild Landspítalans gekk 12 kílómetra á einni erilsamri vakt" 

Nú?

Og ég sem hef hlustað á þann söng hér heima sem erlendis í 25 ár, að með súpersjúkrahúsum þá sparist flest og útgjöldin verði svo afar góð og allt svo gott. 

Ef sjúkrahúsið væri tvöfalt stærra þá gengi hjúkrunarkona- og maður kannski 24 kílómetra á einum degi. Þetta er kölluð hagræðing! Útgönguleiðir verða þá væntanlega engar og starfsfólkið mun ganga til eilífðar, ekki satt? Og verða allt sjúklingar.

Staðreyndin er hins vegar sú að hið opinbera er komið í þrot með rekstur sjúkrahúsa. Það er alveg sama þó allri landsframleiðslu Íslands væri dælt ofan í hinn opinbera geira — og þar með talið þá stjórnmála- og embættismenn sem alltaf þykjast vita betur en allir aðrir hvernig reka á þessar göngudeildir starfsfólksins — það mun aldrei koma neitt betra út úr því en lengri gangar og meiri sóun.

Endalausir biðlistar eru heimsþekkt norrænt fyrirbæri. 

Hér er búið er að heilaþvo of marga. Lítil fullkomin sjúkrahús í nálægð við borgarana á öllu landinu þar sem læknar, hjúkrunarkonan- og maðurinn þramma ekki jarðgöng sjúkrahúsa helminginn af deginum, eiga fullan rétt á sér.

Lífeyrissjóðir landsins gætu eins og skot fjárfest summum í sjálfseignarrekstur fullkominna sjúkrahúsa og í aðhlynningu út um allt land fyrir þá sem þurfa á að halda. Það er óþolandi að þessu máli sé endalaust haldið sem einka-pókerspili stjórnmálamanna fyrir hverjar kosningar þeirra inn á þing. Allt er síðan svikið og hinn almenni borgari látinn um skaðann - og starfsfólk látið þramma tugi kílómetra á dag. Þessi vegalengd stjórnmála á kostnað þjóðarinnar eykst bara við hverjar kosningar, sama hver stjórnin er.

Sumir halda það að fari hlutur, mál eða hugmynd fyrst inn í höfuð ríkisrekins embættis- og stjórnmálamanns, að þá komi málið þaðan út sem gæðastimplaður gjörningur. Það er fjarri sannleikanum að svo sé. Tökum Sovétríkin og DDR sem dæmi. Ekkert gat þar lengur gerst nema með samþykki og leyfi yfirvalda. Afleiðingin varð sú að ríkin dóu úr fátækt.

Núverandi ríkisstjórn er til dæmis bara einkarekstur stjórnmálamanna sem vilja völd umfram landshag. Hún situr í margítrekuðu trássi við þjóðina. Það er eins og landið okkar sé komið með lús.

 


mbl.is Gekk 12 km á einni vakt
Tilkynna um óviðeigandi tengingu við frétt

Örkumlandi hátt atvinnuleysi í spennitreyju evru Evrópusambandsins

Spánn atvinnuleysi október 2011
GD október 2011.

Á Spáni er atvinnuleysið komið upp í tuttugu og þrjú prósent. Það mesta sem mælst hefur síðan mánaðarlegar mælingar hófust þar árið 1996 og það mesta frá fyrsta fundi herra kolamola og frú stálbita í Róm árið 1957 - og það allra mesta alla tíð frá örófi alda. Aldrei áður hafa 4,4 milljónir Spánverja verið atvinnulausir. Svona er að vera í Evrópusambandi.

Þetta þýðir að næstum fjórði hver Spánverji er nú atvinnulaus í læstu pakkafaðmlagi landsins við pólitíska evruhækju Evrópusambandsins. Atvinnuleysi ungs fólks í þessu evrulandi fer nú að nálgast rúmlega fimmtíu prósentin. Enginn talar lengur í alvöru um að ungt fólk sé framtíðin á Spáni. Þar er engin framtíð; bara hinn upplýsti skítapakki Evrópusambandsins um alla eilífð. 
 
Skuldatryggingaálagið á ríkissjóð Spánar er nú 401 punktar á móti 317 hjá ríkissjóði Íslands í öryggi krónunnar. Skoðið álagið á ný þegar nokkrir risabankar evrulanda fara í þrot.
 
Á meðan skófla Þjóðverjar inn viðskipta- og gengishagnaði vegna 12 ára innri gengisfellingar þýska hagkerfisins gagnvart 16 löndum myntbandalagsins. Hefði gengi þýska hagkerfisins ekki verið falsað í samfleytt 12 ár með handjárnum hins læsta gengisfyrirkomulags þess við 16 önnur evrulönd, þá væri Þýskaland líklega gjaldþrota í dag. Hinn sjúki maður Evrópu, Þýskaland, fékk sér frímiða með því að læsa sér fast á bakreið á bökum vanþróaðri hagkerfa evrusvæðisins. Þessi skófla mokar nú inn því sem þetta stærsta elliheimili heimsins getur ekki skaffað sér sjálft; tekjur frá eftirspurn. Þýskaland hefur ekki þann aga sem til þarf til að reka sómasamlegt þjóðfélag. 
 
Skuldatryggingaálagið á ríkissjóð Þýskalands er á skrifandi stundu tvöfalt hærra en á ríkissjóð Bandaríkjanna. Það mun hvellspringa á Merkel von bráðar.

Frá upphafi kreppunnar 2008 hefur innra gengi þýska hagkerfisins lækkað um 6 prósent miðað við önnur ríki myntbandalagsins.

Þetta er draumur Samfylkingar Vinstri grænna: Að Ísland og lýðveldi okkar láti lífið í Evrópusambandinu.

Talsmjaður í heimastjórn Grikklands hótar nú setuliði Brussels, seðlabanka Evrópusambandsins og AGS í Aþenu því að vínka bless fái landið ekki þá peninga sem liggja í púðurdós jómfrú Angelu von Merkel. Skuldatryggingaálagið á ríkissjóð heimastjórnar Grikklands er nú 8617 punktar, tilbúið í ríkisgjaldþrot.
 
Allt evrusvæðið andar nú með aðstoð AGS, sem nálgast örmögnun.
 
Getraun: hvað heitir stærsti viðskiptabanki Frakklands? (nei, ekki Soc Gén og heldur ekki BNP)
 
 

« Fyrri síða | Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband