Seðlabankastjóri stefnir gjaldmiðlara ríkisstjórnarinnar

Már Guðmundsson seðlabankastjóri sættir sig ekki við að búa við það gjald sem gjaldmiðlarinn forsætisráðherra Íslands & Co setja honum. Þetta er alveg hárrétt hugsun hjá seðlabankastjóranum. Enginn frjáls maður með fullu viti vill búa við gjaldmiðil. Það er niðrandi fyrir alla menn. Engin þjóð ætti heldur að búa við gjaldmiðil.

 

Það var og er nú einu sinni svo, að nútímalegur gullfótalaus gjaldmiðill var fundinn upp til að búa við þjóðina og þá sem í henni eru. Ekki öfugt. Og Már Guðmundsson er — sem betur fer fyrir hann — í íslensku þjóðinni. Aðild hans að þjóðinni hefur veitt honum afar dýrmætt frelsi. Þetta frelsi hafa sérstaklega 17 og jafnvel allar 27 þjóðir Evrópusambandsins ekki lengur.

Svona er að búa við gjaldmiðil, herra Már Guðmundsson seðlabankastjóri. Það er einmitt svona. Svona líður 17 þjóðum Evrópusambandsins sem nauðbeygðar búa við sameiginlegan gjaldmiðil sem aldrei var óskað eftir. Einnig þar hefur flest verið svikið. En þær geta bara ekki stefnt neinum, Már, því enginn er ábyrgur fyrir neinu í þessum sovétríkjum Evrópusambandsins. En þangað stefnir þú — ásamt þér hærra launuðum undirmanni — sjálfri fullveldiskrónu íslenska lýðveldisins.

Þessi peningastefna er léttir. Haltu vinsamlegast forsætisráðherra Íslands fastri við loforð sín, Már. Snúðu upp á eyru hennar og settu þumalskrúfur á. Sýndu nú þjóðinni að Seðlabankinn sé ekki orðinn munkaklaustur. En það sýndist mér hann vera orðinn.

Pumpuverk ESB-Titanic tekið úr sambandi

Mynd GR 2009; S&P downgrades eurozone bail-out fund   

 

Standard & Poor's (S&P) tók rétt í þessu pípulögn Evrópusambandsins út í sökkvandi evruskipið úr sambandi með því að klippa fyrsta bókstafinn úr sjóhæfnisskírteini hins svo kallaða björgunarsjóðs evruríkja, sem öll eru að sökkva ofan á sjálfan björgunarbátinn. Sjóðurinn hefur hér með misst eitt A af þremur mögulegum í lánshæfni. Hann er ekki lengur það sem hann átti að vera; skuldabréfaútgefandi með traust lánshæfnismat. Bara AA+ stendur eftir og fjara mun hratt undan þeim tveim. Fyrir helgina lækkaði S&P lánshæfniseinkunn 13 evruríkja samtímis. Lækkun S&P á lánshæfniseinkunn sjóðsins í dag staðfestir að þessi björgunarsjóður sé ekkert annað en skottið á evruríkjunum sjálfum, sem þau elta. Hah ha ha hah ha. Þau keppast við að pissa í sameiginlegan skóinn. Enda passaði hann engum.

Þann fyrsta júlí í fyrra skrifaði ég eftirfarandi í athugasemd til bloggvinar míns, Einars Björns Bjarnasonar, um þennan svo kallaða björgunarsjóð evrulanda;

"Þarna í ESB er skalkað og valkað með það sem fólkinu var sagt í byrjun að gæti og mætti ekki gerast.

Reynt er að leggja lag (layer) á milli þess sem fer raunverulega fram og þess sem regluverkið átti að gæta þ.e. að lögunum og að anda laganna væri framfylgt. Þetta er eins konar "intermediate-layer" til að komast framhjá reglum þessi svo kallaði björgunarsjóður. Hann var sagður vera "general purpose vehicle", en allir vita þó fyrir hverja hann er ætlaður.

Átti ekki ESFS-björgunarsjóðurinn að vera AAA-rated fyrirbæri þar sem á bak við liggjandi lönd, með sem flestar AAA eða svipaðar einkunnir, áttu að standa í ábyrgð? Og því gæti sjóðurinn gefið úr AAA-klassa-skuldabréf (govt.backed.bonds) sem markaðurinn væri sólginn í og sem kæmu í stað verðlausra ríkispappíra stakra evrulanda á leið í ríkisgjaldþrot?

Ef þessu (downgrades/lækkun á lánshæfni) heldur svona áfram þá munu skuldabréf EFSF missa AAA einkunnina, eða þá að færri og færri evrulönd geta komið að stuðningi við þennan sjóð og þannig þyngja og þyngja álagið á þau lönd sem enn eru með AAA eða svipaða lánshæfni og sem standa enn á bak við sjóðinn.

Á endanum munu þau öll þurfa lán úr sjóðnum, þ.e. nema þau forði sér úr evrusvælunni.

Þetta er eins og menn sem ætla að koma skipi sínu af strandstað með því að henda vélinni fyrir borð. Eða þá reyna að synda með björgunarbát fullan af fólki í bandi vegna þess að það var ekki pláss fyrir alla, en hoppa síðan um borð þegar hákarl kemur og þá sökkva allir."

 

Fimmtudagur, 30. júní 2011 :Grikkir minnast orða Margaret Thatcher um Evrópusambandið

 

Mbl. í dag: Lækka lánshæfi björgunarsjóðsins 

Skyldi Ríkisútvarpið vita hvað "iðnaðarsalt" er?

Ríkisútvarp Íslands hefur nú komið upp neyðarsímanúmeri þar sem fréttastofa stofnunarinnar mun svara spurningum almennings um salt. Upplýsingar um þetta símanúmer er að finna á sömu textavarpssíðu stjórnkerfis fréttastofu RÚV og notað var til að upplýsa fólk um hvernig það gæti sagt upp áskrift sinni að Morgunblaðinu. Með því að hringja í þetta símanúmer geta allir landsmenn fengið að vita allt um muninn á salti og iðnaðarsalti, sem er enginn. 

Öll mál íslenska lýðveldisins — vegna ESB-salts og ESB-silikon - eru hér með komin upp í það ófremdar ástand að þjóðkjörinn þingmaður Borgarahreyfingarinnar, Hreyfingarinnar og formaður þingflokks Hreyfingarinnar síðan 2010, Margrét Tryggvadóttir, leggur til að allt "stjórnkerfið" — sem hún þiggur laun fyrir að sitja í — sé lagt niður og eitthvað annað verði byggt upp af væntanlega henni. Hún spyr hvort Ísland sé ónýtt. Þingmaður já.

Orsökin er sú að iðnaðarsalt (Vakuumsalt) sem erlendis er notað til matvælaframleiðslu og er einungis salt, var um þrettán ára skeið notað hér til matvælaframleiðslu. Salt er salt. Svo er það líklega tollflokkað í nokkur hundruð flokka svo sjúga megi úr því það mesta. Sú hefð liggur fyrir því áður fyrr var saltframleiðsla vernduð einokun hins alsjándi ríkis og "stjórnkerfis" þess. Til dæmis þess ítalska og auðvitað í öllum hinum góðu Sovétríkjum og "stjórnkerfi" þeirra. Hvað var einn og einn dauður fangi á milli saltkorna.  

En það er meira í þessu. Þessu salti (vakumsalti) úr regluverki Evrópusambandsins var síðan troðið inn í brjóst ungmæðra hérlendis, þannig að úr varð skelfilegur saltpækill sem gerði það að verkum kornabörn hættu að borða poppkornið sem sumir í "stjórnkerfinu" héldu að koma ættu úr sillykonum þessum.

Um daginn reyndi málvilltur aulinn ég að kaupa "vegasalt". Það gekk ekki vel fyrstu mínúturnar inni í versluninni, því hún seldi ekki leiktæki. En kílóverðið varð þó ekki það sama og Vegagerðin fékk þegar pokana bar ég út.

 

Merkilegt að innflutt fóður og korn frá Evrópusambandinu skulu fást flutt inn í "íslenska stjórnkerfið" fyrst það er ræktað í mannaskít á ökrum Evrópusambandsins.

Ítalía kemst frá A til B, þökk sé evrunni

Mynd; úr Sovétríki Evrópusambandsins.

Lánshæfnismatsfyrirtækið Standard & Poor’s lækkaði í dag lánshæfniseinkunn ríkissjóðs Ítalíu frá A niður í BBB+ sem er þar-næsti flokkur fyrir ofan rusl. Ítalía er þriðji stærsti ríkisskuldari í heiminum, þriðja stærsta hagkerfi evrulanda, tíunda stærsta hagkerfi heimsins en hefur ekki séð hagvöxt í samfellt 10 ár. Samkvæmt tilskipun frá seðlabanka Evrópusambandsins hefur ókjörinn ESB-embættismaður verið settur inn í embætti forsætisráðherra á Ítalíu. 

Mikilvægt: "Hans & Grétu þensluskapandi niðurskurðaraðgerðir" (e. Emu's Expansionary Austerity Fairy Tail Ritual); Þessi athöfn fer svona fram; þú stingur hníf í hagkerfið og býst við að blæðandi hag þess vaxi kraftur. Þegar árangurinn kemur til þín í formi hrynjandi landsframleiðslu, minnkandi tiltrú markaðarins, versnandi lánskjörum og súgþurrkun skattatekna ríkisins, þá endurtekur þú athöfnina þangað til kenning Einsteins um heimsku mannanna er að fullu sönnuð. Svona fara "Hans & Grétu þensluskapandi niðurskurðaraðgerðir Evrópusambandsins" fram. 

Þetta stóra BBBplús skref ESB Ítalíu mun svo leiða af sér einkunnina BBB og síðan BBB mínus. Púðurtunnuaðild landsins — undir yfirstjórn Hans & Grétu þensluskapandi niðurskurðaraðgerða Brussels og seðlabanka Evrópusambandsins, með aðstoð AGS — mun svo sjá um do deska den skiptimiðaferðalag Ítalíu ofan í ruslið.

Skuldatryggingaálagið á ríkissjóð Ítalíu var 502 punktar nú fyrir helgina — tæplega 70 prósent þyngra en á ríkissjóð íslensku krónunnar — og mun líklega þyngjast mikið eftir þessa atburði föstudagsins, frönskum bönkum til ógleði.

Loksins komst ESB-frystikistan Ítalía frá A til B, þökk sé þeim afglöpum að hafa kastað sjálfstæðri mynt landsins fyrir róða. Landið tók upp keppikeflið evruna sem orðin er helsta teiknið á lofti fyrir sjálfsmorðskapphlaupi 17 ríkja Evrópu niður á botn hins svo kallaða alþjóðasamfélags Samfylkingarinnar. Holræsið sem Vinstri grænir standa nú fallnir fastir með hausinn í.

Það kom miklu meira frá S&P í dag - og enn meira er í vændum. Mbl: Lánshæfismat evruríkja lækkað 

Evrulandið Ítalía á enga mynt

Í nóvember heimtaði miðstjórn Sovétríkja Evrópusambandsins í Brussel að matsfyrirtækin birtu ekki niðurstöður sínar fyrr en eftir lokun markaða og viðskipta. Standard & Poor’s tilkynnti því ekki opinberlega um lækkað lánshæfnismat níu evruríkja til viðbótar í dag fyrr en eftir lokun markaða alla leið vestur yfir Atlantshaf til Bandaríkjanna. En fréttin hafði þá fyrir löngu borist út því faglegar feitar skattfrjálsar kjaftakerlingar embættismannaveldis Brussels höfðu þá lekið fréttinni í alla heimsins fjölmiðla; jafnvel löngu fyrir lokun putalands markaða í svo þýðingarlausu pleisi sem Evrópu.

36 dagar síðan Standard & Poor's setti agalausu evruna í frystinn

Skuldatryggingaálag á ríkissjóð Þýskalands - Bloomberg.

 

Einhver hér — fjármálaráðherra Íslands þó undanskilin því hún er á aganámskeiði — sem man ennþá eftir því að nú eru 36 dagar liðnir frá því að matsfyrirtækið Standard & Poor's setti allt evrusvæðið — já, Þýskaland meðtalið — á neikvæða listann. Það gerðist þann 5. desember 2011. Við getum því farið að búast við því að allt evrusvæðið og björgunarskip þess í dokkinni líka, taki bráðlega inn enn meiri kaldan sjó og sökkvi æ dýpra. Þetta kemur. 

Merkilegt: Ríkissjóðir 17 evruríkja eiga von á lækkun lánshæfnismats. Þau eru öll agalaus eins og nýjasti fjármálaráðherra Íslands tilkynnti þessum 17 ríkjum og umheiminum öllum þegar hún sogaðist inn í tæmt embættið. Kunna ekki að umgangast evruna. Hví vill manneskja þessi og báðir stjórnmálaflokkar í ríkisstjórn Íslands ganga í svona agalegt dæmi?

Og hví skyldi skuldatryggingaálagið á ríkissjóð Þýskalands hækka stanslaust og vera svo hátt að það er meira en tvöfalt hærra en á ríkissjóð Bandaríkjanna? Af hverju er Þýskalandi ekki treyst lengur? Og af hverju er skuldatryggingaálag Ítalíu svona 530 punkta hátt á meðan það er rúmlega 300 punktar á ríkissjóð íslensku krónunnar?

 

Evrulandið Portúgal: 1102 punktar

Evrulandið Írland: 702 punktar

Evrulandið Spánn: 441 punktar

Evrulandið Grikkland: 7929 punktar

Evrulandið Belgía: 331 punktar

Evrulandið Frakkland að nálgast bankahrun: 237 punktar

 

Og hver sagði íslensku þjóðinni að þetta myndi verða svona ef ráðum hans væri hlýtt? Að skuldatryggingaálagið á Ísland myndi koma niður og lánskjör verða góð? Hvað heitir sá maður?

Látið mig vinsamlegast vita þegar evruálagið á Þýskaland nálgast hið agalega

Evran yfirgefur Grikkland

Nú fá margir óskir sínar uppfylltar. Evran er að yfirgefa Grikkland. Þarna höfum við land með engan ríkisrekinn seðlabanka. Bara opið fjárhús sem fokið er ofan af grísku þjóðinni. Formenn og meðreiðarsveinar verkefnisins Sviðin jörð í Samfylkingunni og í Vinstri hugleysingjum grænum, ættu við þetta að fyllast stolti yfir því að hafa með skammbyssu og hugleysi í hönd, sótt fyrir hönd Íslendinga um inngöngu inn í sjálft arnarhreiður þeirra sem handan eru við allt það hægra af öllu hægri sem fyrirfinnst inni í Sjálfstæðisflokknum. En þangað — yfir um og út — var ég skilgreindur af kvantamekanískum evrutrúarmanni Fréttatímans fyrir áramót. Svarthol. Ég er greinilega ekki allur þar sem ég sé mig. 

Eina fortilfellið í hagsögu siðmenningar þar sem samskonar peningaleg trúarbrögð hafa verið iðkuð, var einmitt í Stóru kreppunni 1929. Grikkland þarf ekki að yfirgefa evruna. Evran yfirgefur Grikkland.

Huglausasti stjórnmálamaður Íslandssögunnar hlýtur að vera vafffúll formaður Vinstri grænna. Annað getur varla verið. Hvað annað gæti verið hér í gangi? Singularitísk pólitísk hugmyndafræði? 

The Euro is leaving Greece – and a new Great Depression has entered 

Evran að nálgast fall íslensku krónunnar undir bankahruni

Frá 25. júlí 2008 og til í dag, hefur mynt Evrópusambandsins, evra, fallið um 41,4 prósent í verði gagnvart japönsku yeni. Já, stórir gjaldmiðlar sveiflast mest. Það er staðreynd.

Þau heimili og fyrirtæki í ESB — og þau eru mörg — sem tóku lán í japönskum yenum vegna lægri vaxta, standa því nú með 70,5 prósent hærri skuldir í brennandi borg. 

Þegar evran var sett á flot í ársbyrjun 1999 þá féll hún um 30 prósent gagnvart Bandaríkjadal á næstu tveimur og hálfu ári. Fallið kom þá í veg fyrir þrot Þýskalands en gróf samtímis sökkulinn undan öðrum ríkjum myntbandalagsins gagnvart Þýskalandi.

 

Þá óttuðust Danir, sem bundnir eru ósjálfbjarga við þessa óútreiknanlegu flotmynt ESB, að hún myndi draga Danmörku saklausa niður til botns. Þá vildi enginn eiga smitaða evrópska gjaldmiðla, sögðu bankamenn. En nú er evran hins vegar að draga Danmörku niður í varanlegt efnahagslegt svarthol, sem er svo djúpt að enginn hefur ennþá séð þar til botns. 

Þegar allt bankakerfi Íslands hrundi undan örvita stjórnendum þess haustið 2008, þá féll Íslenska krónan um það bli 50 prósent gagnvart evru. Þið getið ímyndað ykkur hvernig umhorfs verður í Evrópu þegar stórbankar og ríki myntbandalagsins fara í þrotið og magar þeirra opnast. 

Örkumlandi hátt atvinnuleysi í spennitreyju evru Evrópusambandsins

GD október 2011.

Á Spáni er atvinnuleysið komið upp í tuttugu og þrjú prósent. Það mesta sem mælst hefur síðan mánaðarlegar mælingar hófust þar árið 1996 og það mesta frá fyrsta fundi herra kolamola og frú stálbita í Róm árið 1957 - og það allra mesta alla tíð frá örófi alda. Aldrei áður hafa 4,4 milljónir Spánverja verið atvinnulausir. Svona er að vera í Evrópusambandi.

Þetta þýðir að næstum fjórði hver Spánverji er nú atvinnulaus í læstu pakkafaðmlagi landsins við pólitíska evruhækju Evrópusambandsins. Atvinnuleysi ungs fólks í þessu evrulandi fer nú að nálgast rúmlega fimmtíu prósentin. Enginn talar lengur í alvöru um að ungt fólk sé framtíðin á Spáni. Þar er engin framtíð; bara hinn upplýsti skítapakki Evrópusambandsins um alla eilífð. 

 

Skuldatryggingaálagið á ríkissjóð Spánar er nú 401 punktar á móti 317 hjá ríkissjóði Íslands í öryggi krónunnar. Skoðið álagið á ný þegar nokkrir risabankar evrulanda fara í þrot.

 

Á meðan skófla Þjóðverjar inn viðskipta- og gengishagnaði vegna 12 ára innri gengisfellingar þýska hagkerfisins gagnvart 16 löndum myntbandalagsins. Hefði gengi þýska hagkerfisins ekki verið falsað í samfleytt 12 ár með handjárnum hins læsta gengisfyrirkomulags þess við 16 önnur evrulönd, þá væri Þýskaland líklega gjaldþrota í dag. Hinn sjúki maður Evrópu, Þýskaland, fékk sér frímiða með því að læsa sér fast á bakreið á bökum vanþróaðri hagkerfa evrusvæðisins. Þessi skófla mokar nú inn því sem þetta stærsta elliheimili heimsins getur ekki skaffað sér sjálft; tekjur frá eftirspurn. Þýskaland hefur ekki þann aga sem til þarf til að reka sómasamlegt þjóðfélag. 

 

Skuldatryggingaálagið á ríkissjóð Þýskalands er á skrifandi stundu tvöfalt hærra en á ríkissjóð Bandaríkjanna. Það mun hvellspringa á Merkel von bráðar.

Frá upphafi kreppunnar 2008 hefur innra gengi þýska hagkerfisins lækkað um 6 prósent miðað við önnur ríki myntbandalagsins.

Þetta er draumur Samfylkingar Vinstri grænna: Að Ísland og lýðveldi okkar láti lífið í Evrópusambandinu.

Talsmjaður í heimastjórn Grikklands hótar nú setuliði Brussels, seðlabanka Evrópusambandsins og AGS í Aþenu því að vínka bless fái landið ekki þá peninga sem liggja í púðurdós jómfrú Angelu von Merkel. Skuldatryggingaálagið á ríkissjóð heimastjórnar Grikklands er nú 8617 punktar, tilbúið í ríkisgjaldþrot.

 

Allt evrusvæðið andar nú með aðstoð AGS, sem nálgast örmögnun.

 

Getraun: hvað heitir stærsti viðskiptabanki Frakklands? (nei, ekki Soc Gén og heldur ekki BNP)

 

FT.: Jobless data show twin-speed Europe

Mbl.: Grikkland yfirgefur evruna án aðstoðar 

 

Tengt: 1. nóvember 2010: Dönitz mynt Evrópusambandsins er hættulegur rekaviður 

2012 hagvöxturinn

"Einkaneysla" undir útrýmingu einkó einkaframtaksins á Íslandi mun ekki geta knúið fram hagvöxt á meðan húsnæðisverð í Evrópu og Bandaríkjunum mun halda áfram að falla næstu 5 árin og húsnæðisverð þar bombað 32 ár aftur í tímann. Og heldur ekki á meðan evrubankar og evruríki fara í gjaldþrot á árinu 2012. Og heldur ekki á meðan evran er í upplausnarfasa sínum til að verða reiknieiningin ECU á ný.

Í áramótaávarpi forsætisráðherra úr kvikmyndaveri ríkisstjórnarinnar var atvinnuvegum íslensku þjóðarinnar raðað á leiktjaldið eftir besta minni ; sjávarútvegur, landbúnaður og orkufrekur iðnaður komu síðast í rauðri röð hennar. Á eftir ljósmyndun. 

Því mun fara eins og fer. Hún veit ekki betur.

Eins og þið þegar vitið þá er það þessi ríkisstjórn þessa forsætisráðherra sem einmitt er eitthvað sjálftið annað. Það er hér komið og sést sem hvikul mynd af einum manni uppi á vegg.

 

Krónan okkar er því áfram í vinnufötunum 24 stundir á sólarhring. Hún er það eina sem getur forðað þjóðinni frá nýju stórslysi á meðan rauða ríkisstjórn landsins skemmtir sér áfram á kostnað þjóðarinnar.

 

Samskonar fulltrúar huldufólksins í Evrópu berjast hins vegar um á kanslaraklæðum við að bjarga myntinni evru, sem ekkert getur nema í nærgagn þeirra gert. Öfugsnúnari geta myntmálin víst ekki orðið.

Jólagjöf ECB-seðlabankans?

Í þessari viku tilkynnti ECB-seðlabanki Evrópusambandsins um neyðarlán til bankakerfa í myntlöndum evrusvæðisins. Upphæðin var sögð 489 miljarðar evrur. Lánstíminn var sagður til þriggja ára og vextir voru sagðir eitt prósent. 

Þetta er aðeins einn fimmti hluti sannleikans og jafnvel enn minna. Hið rétta er að af þessum 489 miljörðum evra eru 300 miljarðar þeir peningar sem bankakerfin höfðu þegar fengið sem neyðarlán hjá seðlabankanum til skemmri tíma. Lengt hefur því verið í hengingaról bankakerfa evrulanda, aðeins. Þetta var lífsnauðsynlegt því staðan var orðin þannig í síðustu viku að enginn aðili á hinum alþjóðelga fjármálamarkaði vildi lengur lána evrulandabönkum neina peninga. Bankarnir voru hreinlega að komast í þrot og afar hætt komnir.

Vextirnir eru ekki eitt prósent eins og sagt er, heldur verða þeir meðaltal endurfjármögnunarvaxta seðlabankans yfir næstu þrjú árin. Enginn banki þekkir því þá vaxtaprósentu sem þeir þurfa að greiða.

Til að fá þessi lán hjá ECB-seðlabankanum þurfa bankarnir að hósta upp eignum sem veði að markaðsverðgildi allt að 155 evrum fyrir hverja 100 evrur sem að láni eru teknar. Seðlabankinn reiknar svo út markaðsvirði þessara trygginga bankanna á hverjum degi. Falli þær í verði í markaðnum þá þurfa bankarnir að hósta upp meiri og stærri tryggingum.

Enginn banki mun nota þessa peninga til útlána. Þeir fara allir einungis í að forða sér frá alþurrð og gjaldþroti.

Stór hluti eignasafna banka evrusvæðisins eru ríkisskuldabréf ríkisstjórna evrulanda. Til dæmis Grikklands og Ítalíu. Eins og flestir vita þá er markaðsvirði þessara eigna bankanna að brenna hratt upp því svo fáir hafa lengur trú á því að evruríkin og um leið evrusvæðið sem heild muni komast lifandi út úr þeim hamförum fram fara þar daglega og sem bíða myntsvæðisins.

Restina af þessum 489 mínus 300 miljörðum evra fjármagnar ECB-seðlabankinn með því að taka þá frá reiðufésreikningi bankakerfanna hjá seðlabankanum. 

Það er ekki hægt að leysa evruskulda-tilvistarkreppu og ríkisgjaldþrotaáhættu evruríkja með því að flytja peninga frá reikningi a til b og skera niður á reikningi c. Evrusvæðið þarf á gjaldþrotameðferð að halda. Það er búið að vera.

Enginn fengi alvöru seðlabanka með alvöru mynt til svona aðgerða. Örvæntinginarhljóðin sem enduróma frá peningagólfi ECB-seðlabankans eru traustabrestir. Stærri og stærri snjóþrúga er sífellt krafist við þrautarþramm evruríkja á vatninu. Á ísnum yfir djúpinu leita þau með vasaljósi að raunverulegum bakhjarli til þrautavarna. Hvar er gamla myntin mín? Hvar eru peningavopn okkar? Djúpið svarar; með ískrandi braki og þyngri brestum. Donk!

 

 

Gleðileg jól