Pakkafífl allra flokka hafa sameinast um öreigur Vesturlanda

The National Conservatives senda út S.O.S.

RÆS! bank bank, RÆS!

Þjóðar-íhaldsmenn allra landa og flokka vakni og komi sér í brækur, áður en kommúnistar, fasistar og nasistar verða fyrri til á vettvang brunarústa líberalismans

Nú hlýtur alþjóðasamfélagið (ekki til) að snúa sér að landamæradeilum hins yfirríkislega Evrópusambands við Bretland á norður Írlandi í stað þess að fókusera 98 prósent af fréttaþvæludælum sínum á landamæramál Ísraels. Og svo hljóta sömu skólpdælustöðvar hins alþjóðlega vinstris, DDRÚV og útborunarstjórnar Reykjavikurborgar, að snúa sér að þeim sem sitja í ESB-vernduðum fangageymslum á Spáni vegna sjálfstæðisbaráttu, eins og þeir gert hafa í 100 ár vegna Platestínu, á meðan ekkert er fjallað um 12 milljónir Þjóðverja sem þurftu að ganga heim eftir að land þeirra var frá þeim tekið 1945 og no-problem

Eftir að opna landamæra-hyskið lét sandblása heilabúum sínum út í eina stóra eyðimörk sem fékk nafnið Sahra, þá hljóta þeir að leggja til að Ísrael opni landamæri sín fyrir öllum, og Írland og Bretland líka. Þá myndi ESB-skítapakkinn þeirra að sjálfsögðu koma og leggja niður landamæri sín í austri og bjóða rússneska hernum gjörðu svo vel, að þurrka loksins út landamærin á milli lífs og dauða. Það hlýtur að vera með í pakkanum

Orkupakkafífl allra flokka hljóta að sjá að þetta er eina leiðin áfram, þ.e. lágfreyðandi forgangslegur "almannahagur" og taki því hið snarasta upp hið gamla slógan sitt, Já Helvíti!

Til alls þessa eru skattgreiðendur svo skyldaðir til að leggja 1 skattafjármagnaðan mann að mörkum á hver fimm börn í skólaherfinu, sem nú er að útskrifa nýja kynsljóð MÍR- og Komintern-afglapa með sandblásin umhverfis-heilabú og sem öskra; "þetta er Guði að kenna, því hann skapaði manninn". Ekkert minna dugar. Og ef betur á að takast til en í síðustu aljþóðabyltingu komma-komm, og sem misheppnaðist, þá ættu alþjóðavædd, markaðsmáluð, vatteruð og getnaðarvarin klof íslenskra stjórnmálamanna að láta hið nýja sandblásna Sahraskólakerfi hafa að minnsta kosti einn ríkisrekinn stafsmann á hvert hálft og heilaþvegið barn sem þaðan er útskrifað inn í nýMÍR og nýKomintern, sem er hin sanna endurfædda umhverfismálakirkja alþjóðaisma vinstrisins, sem Bjarni Ben ríður um loftin blá á núna, pakkaður inn sem orkupakki þrjú þúsund og jú jú jú jú

Stór hluti xD toppsins og flestra annarra flokka er orðinn svo retarderaður af líberalisma að hann myndi frekar opna erlendan pakka sem tifar eins og tímasprengja (takk SDG!) og sem sprengir íslensku þjóðina í tætlur, heldur en að opna Biblíuna sem gengur út á halda þjóðinni saman og að kenna henni hvaðan hún kom og um hvað þjóðin og þjóðfélag hennar snýst

Retarderuð Angela Merkel frá DDR er því enn að opna sinn stóra-stóra pakka: "eitt, tvö, þrjú.. æ, eitt, tvö, þrjú.. æ, ég byrja upp á nýtt.. eitt, tvö, þrjú, ..nú?.. eru þetta milljónir!"

FÍFL!

HVAÐ MEÐ EITT VITIBORIÐ ÞÚSUND ÁRA NEI ÚR NORÐRI !

Fyrri færsla

O3: Að kjósa hafi enga þýðingu

O3: Að kjósa hafi enga þýðingu

- nema til að forðast eitthvað

xD-Pakkamenn Evrópusambandsins hér á landi viðhafa þau rök núna og stundum áður, að kjósendur eigi til dæmis að styðja flokk Vinstri grænna eða Framsóknarflokks (áður var það Samfylkingin), en þegar það kemur að kosningum þá eigi menn ekki að kjósa þá og þar með innleiða Vinstri græna, eða flokk xyz, til valda í ríkisstjórn. Oft hefur maður heyrt pólitískt þvaður. En með svona sótsvörtu rugli með stóran hluta aleigunnar undir, er orðið greinilegt að forysta Sjálfstæðisflokksins situr við rúllettuna í EES-spilavítinu en stendur ekki. Og þegar menn sitja við rúllettuna og standa því ekki, þá þýðir það að þeir hafa tapað svo stórt að þeir þora ekki út án þess að reyna að vinna eitthvað til baka

Rök manna eins og til dæmis Björns Bjarnasonar, Guðlaugs Þórs og Bjarna Ben eru þau að Sjálfstæðismenn eigi að styðja til dæmis Vinstri græna núna en ekki kjósa þá. Þar með komi þeir einhvern veginn í veg fyrir að Vinstri grænir séu innleiddir til að éta þá. Ekki kjósa, bara styðja. Þetta er eins og að kaupa olíu í kauphöll. Ef maður gleymir að selja á réttum tíma, þá kemur hún heim til þín og það er bankað á dyrnar. Og í tilfelli Valhallar þá verður henni bara dælt inn, því þar eru engar hurðir til að banka á, því þær voru einungis lagatæknilegt atriði

Sjálfstæðisflokkurinn er þar með gerður að pólitískt tæknilegum þöngulhausa-flokki sem ekkert merkilegt hefur fram að færa, annað en ESB-þýsku-samlíkinguna um að tengjast Rússlandi af því að Bandaríkin séu í NATO og verji þá gegn sjálfum sér og Rússum. Er þetta ekki dásamlegt!

Það er greinilegt að núverandi forystu Sjálfstæðisflokksins stendur á sama um risavaxnar fjárfestingar í orkufrekum iðnaði á Íslandi. Orkupakki3 er nefnilega tímasprengja undir honum. Og þegar hann er farinn þá hefur flokksforystan étið sjálfa sig og flokkinn allan. Öngvri EES-dós verður þá sparkað lengra niður götuna til glötunar, því hún nær ekki lengra en þetta, gatan sú

Öllum má ljóst vera að mjög svo fáir Sjálfstæðismenn geta stutt við stjórnmálafærslu af þessu tagi. En þannig hefur færsla núverandi flokksforystu verið frá því að hún tók við: Stjórnmálatæknilegt þvaður. Þessu verður ekki unað

Já þið heyrðuð rétt: Hvorki undirstöðuatvinnuvegir Íslands, sjávarútvegur og landbúnaður, né heldur hinar afleiddu stóru atvinnugreinar landsins, stóriðja og ferðaþjónusta, þola mikla bindingu Íslands við tortímingarvél Evrópusambandsins. Það er afar dýrmæt og heppileg staðreynd sem allir ættu að geta verið stoltir af. Og það er staðreynd að íslenskir stjórnmálamenn eru kjörnir til að verja stjórnarskrá og fullveldi Íslands alla daga ársins út í gegn. Það þýðir ekkert að spilavítisvæða þessar frumskyldur sínar. Annars er það bara eitt stórt spark í afturendann og út af þingi með þannig spilafíkla. Takið ykkur saman vesalingar!

Sem betur fer er kominn nýr valkostur fyrir Ísland: Miðflokkurinn

Gunnar er Íhaldsmaður í Sjálfstæðisflokknum 

Fyrri færsla

Raflagnameðferð fyrir forystu Sjálfstæðisflokksins

Andvaraleysi í orkumálum stórhættulegt þjóðaröryggi Íslands

Fullveldi og sjálfstæði Íslands er þjóðaröryggismál

Ísland þarf ekki á erlendum lögum og reglum um raforku og dreifingu hennar að halda. Það að reyna að halda slíku fram, er móðgun við skynsemi allra manna. Enginn getur haldið þvílíku fram án þess að opinbera hvaða hvítar og jafnvel svartar lygar liggja þar að baki

Íslendingar verða að muna hvernig ókjörin elíta erlendra og innlendra embættismanna hefur á rúmlega 60 árum logið Evrópusambandinu upp og að þjóðum þess, með gúrkuaðferðum. Sambandið treystir því, að sé því einu sinni réttur litli fingur að þá fylgi allur þjóðarlíkaminn smám saman með, vegna innbyggðs hugleysis embættis- og ráðamanna, sem færa þjóðirnar á bak við öll ljós sanninda og heillinda

En þannig rotin illvirkja-stjórnmál skyldi enginn hlusta á. Og allir sjá nú þegar hvernig og hvílíkt stórslys Evrópusambandið er orðið fyrir nær allar þjóðir þess. Þar logar allt stafnanna á milli í illdeilum, vaxandi fátækt og orkuörbyrgð, sem nú þegar er að grafa undan varnarsamstarfi ESB-ríkja innan NATO

Orkumálin heyra einnig undir þjóðaröryggismál. Sérstaklega fyrir Ísland

Engum dytti í hug að Þýskaland myndi samþykkja fransk-breskan iðnaðarpakka1 né Norðmenn olíupakka1, svo ekki sé minnst á slíka pakka númer tvö, þrjú, fjögur og fimm

Stöðvið leikinn á meðan það er hægt

Tengt

Börnin mín og barnabörnin munu ekki eiga þetta land (Viljinn: af hádegisfundi Ögmundar Jónassonar um málið í Safnahúsinu í gær)

Fyrri færsla

Kjarasamningar: Fælnimáttur virkaði á sósíal óligarka

Kjarasamningar: Fælnimáttur virkaði á sósíal óligarka

NATO 70 ára: var stofnað til að 1) halda Rússlandi úti úr Evrópu, 2) Bandaríkjunum inni og 3) Þýskalandi niðri á jörðinni

Floti 8-hreyfla B52 frá Barksdale í Louisiana tók sér stöðu í Fairford í Bretlandi um daginn og æfðu, sem takkk fyrir síðast, kjarnorkuvopnaárás á Rússland, að sögn N.I.

****

ÍSLAND

Það eina sem vantaði til að fullkomna myndina voru bjórslettur á gólfið í Stjórnarráðinu, til af fá út myndina af Downingstræti 10 á valdatímum Verkamannaflokksins og Wilsons. Það eina sem bjargaði Íslandi í kjarasamningum við sósíal óligarkaveldi verkalýðshreyfinga, akademíkera og embættismanna, var fælnimáttur Skúla Mogensen, sem lenti einu stykki grænmáluðu kjarnorkuvopni inn á stofugólf sósíalistans Bjarna Benedikssonar og grænmyglusósíalistans Katrínar Jakobsdóttur. Ég tel Framsókn ekki með í þessu þríeyki social-sósíalista því hún er týnd, finnst hvergi og enginn virðist sakna hennar

Þetta vopn virkaði. Fælnimáttur (e. deterrence) er það eina sem gildir, og þess vegna æfðu Bandaríkin kjarnorkuvopnaárás á Rússland frá norðurheimskautsbaugi suður að Sahara í síðasta mánuði; sem takk fyrir síðast!

Hefði Skúli ekki lent vopni sínu inn á bjórgólf ríkisstjórnar og sósíal óligarkaveldis verkalýðshreyfinganna og akademíkera, þá vær Ísland í enn verri málum en það er í dag. Þetta skipti öllu máli og rotaði óligarkaveldið það mikið, að snertur af jarðsamandi sást langa leiðir að sem blár blossi, og ríkisstjórnin gat því látið sér nægja einn bleyjupakka á sjálfa sig þann daginn, og auðvitað á kostnað skattgreiðenda; sem eru launþegar; og sem allir vinna hjá fyrirtækjum; nema þeir sem vinna við útblásið ríkið og bæinn á bænum. Einu tekjur ríkis og bæja og einu tekjur allra í þjóðfélagi Íslendinga (sem er ekki "samfélag" heldur þjóðfélag) koma frá atvinnustarfsemi. Engar aðrar tekjur eru til. Engar!

Þessu vesalingaveldi tókst þó samt að útópíast þannig að Seðlabankanum var hært út í köku þeirra, verðbólgumælingum meira að segja líka og næst verður það líklega sjálf Veðurstofan sem "leiðrétta" á kuldamæla sína. Af hverju var sósíal óligarkaveldi verkalýðshreyfinga, og samtvinnuðum hauslausum akademíkerum, ekki bara afhentur lykillinn að Stjórnarráðinu sem þá yrði alvöru stjórnarrán. Hvað með að sinna hlutverki ykkar á Alþingi og semja ný lög um verkalýðshreyfingar, þrælahaldsaðild launþega að þeim og fjármál þeirra. Hvað með að losa launþega úr ánauð sósíal óligarkaveldi verkalýðshreyfinga og akademíkera. Hvernig væri það? Allir sjá að þetta sósíal óligarkaveldi og kúlakkaumsátur gengur ekki lengur. Og til að kóróna klikkunina þá kom einn sósíal óligarkinn af heilögu kvenkyni í viðbót og lýsti því yfir að einn maður ætti varla að geta komið svo mörgum mönnum í vinnu, frá vinnu eða borgað henni launin hennar. Hvernig í andskotanum gátu hálærðir Íslendingar á kostnað skattgreiðenda orðið svona forheimskir? Og það jafnvel lektor við "viðskiptadeild" Háskólans í Reykjavík, sem er að breytast í ruslahaug. Af hverju er þessi kona ekki rekin fyrir þvælu sína eins og hinn sem var rekinn fyrir sína þvælu. En það verður auðvitað ekki gert og ætti heldur ekki að geta gerst. En gerðist þó samt. Skólinn er enn einn Kremlarkastalinn í Austur-Berlín Reykjavíkur í viðbót, eins og DDRÚV. Heilastappa

NATO 70 ÁRA - OG ÍSLAND

Hin evrópska kvöldverðar- og lágvarðadeild NATO á Íslandi hélt að sjálfsögðu upp á 70 ára afmæli hernaðarbandalagsins í gær. Guðlaugur Þór utanríkis talaði um "gildi" NATO frá öðrum stað og vestar, en auðvitað ekki um getu þess. Sem sagt "gildi". Hvaða "gildi" hafði þá vopn Skúla í WOW, Guðlaugur minn kæri? Kannski sósíalistískt fís-gildi eins flest sem kemur frá alkalívirkninni í öllum áður föstum efnum Valhallar, þessi ár fjölbreytts-þvaðurs þar á 22 prósent-smábæ Bjarna (e. diversity). NATO hefur ekkert "gildi" ef vopnin og mannskapinn vantar. EKKERT! Viltu ekki bara vinsamlegast halda áfram að borða súpuna þína Guðlaugur, og reyndu nú að slefa ekki eins mikið og Bjarni, sem þarf orðið nýjan smekk á tveggja tíma fresti

Af hverju hafið þið dæmt okkur Íslendinga sem verandi svo mikla aula og vesalinga að við með okkar eigin orrustuþotum hins íslenska varnarliðs getum ekki stuggað óboðnum gestum burt úr loftrými Íslands, og handhafið þannig fullveldi okkar með fasta og strategískt hyldjúpa baktryggingu í Washington DC, í stað þess að því sem næst ESB-gjaldþrota Ítalir voru látnir um það, nú síðast fyrir nokkrum dögum. Hugsið ykkur hversu öflug lyftistöng það yrði fyrir þjóðfélag okkar Íslendinga að reka okkar eigin loftvarnarvaktstöð. Hugsið ykkur tæknikunnáttuna og spin-off áhrifin sem slíkt hefði fyrir okkur. Við myndum finna upp nýjungar eins og við gerðum í síldveiðum og gerum í sjávarútvegi í dag, og gefa heiminum nýjungar í varnarmálum og afleiðum þeirra. En einmitt þau hafa knúið tækniframfarir á Vesturlöndum öldum saman. Hvar eru tvö prósentin okkar í NATO, Guðlaugur Þór? Með þessu fyrirkomulagi myndi varnarsamningur okkar og Bandaríkjanna endurnýja sig sjálfur, hvort sem NATO væri enn á lífi eða ekki, sem er langt því frá öruggt. Við myndum leggja okkar að mörkum, og eitthvað annað en mest betl. Allir hugsandi menn vita að það er eingin afsökun til fyrir þessu lengur. Við erum fossrík þjóð, en værum það ekki án aðkomu og tækniyfirfærslugetu Bandaríkjanna, því án verndar þeirra væri hér engin stórvirkjun né risavaxnar erlendar fjárfestingar keyrandi á fullu og malandi gull hvern einasta dag ársins við atvinnu- og verðmætasköpun úr fallvötnum okkar, og sem þið vesalingar í Valhöll ætlið svo bara að depónera í orkupakka fangageymslur Brussels til einskis! Eruð þið virkilega svona miklir aular. Virkilega? Það er varla að þið látið okkur geta rekið Landhelgisgæsluna og Lögregluna í landinu okkar. Þið sóið verðmætum í fís. Og þið notið að allt of miklu leyti ólaunaða sjálfboðaliða við björgunarstörf. Hvað er að ykkur?

NATO var stofnað til að halda Rússlandi úti úr Evrópu, Þýskalandi niðri á jörðinni í Evrópu, og Bandaríkjunum inni í Evrópu. Í skjóli NATO reistu kvöldverðadeildir Evrópu sér eitt stykki Evrópusamband sem er að enda, eins og allt annað evrópskt. Án NATO hefði Evrópusambandið ekki getað orðið til, og er ESB þess vegna að enda. En NATO mun þó sennilega lifa áfram í sinni upprunalegu mynd, á einn eða annan hátt, því stofnun þess er óháð stjórnmálum hverju sinni, sérstaklega bananastjórnmálum Evrópusambandsins

Rússland undir Zar, undir aðalritara kommúnisma, undir Pútín og þess vegna undir rússneskt algóðum forsætisráðherra, er alltaf eins, og breytist ekkert. Þar breytist ekki. Takið vinsamlegast eftir; Rússland breytist ekki. Og Þýskaland verður áfram Þýskaland eins og sést. Við fyrsta nýja tækifærið sem því gafst er það nú þegar byrjað að berja á nágrönnum sínum og heimsálfunni allri. Það er komið í slagsmál við ríki Austur-Evrópu vegna glæpsamlegs framferðis Angelu Merekls kanslara í til dæmis innflytjendamálum. Þýskaland, með Evrópusambandið í rassvasanum, kúgar á ný ríkin í austri til hlýðni í dóms og réttarfarsmálum. Þýskaland er strax komið í efnahags- og fjárhagsleg slagsmál við ríki Suður-Evrópu og hefur sett sum þeirra í skuldafangelsi. Og það á einnig í slagsmálum við Bretland vegna brexit. Þýskaland er sem sagt komið í slagsmál við alla á ný og það tók ekki nema tæplega 30 ár. Það sama gildir um Rússland sem er byrjað að gúffa nágranna sína í sig, til þess að geta endurreist sovétríkið í einni eða annarri mynd

Bandaríkin eru að miklu leyti komin út úr Evrópu, en samt ekki alveg. Þau eru það eina sem kemur í veg fyrir stóráhlaup á álfuna úr austri og suðri og öllum áttum þar á milli, suðaustri líka. Þess vegna var Rússlandi sýndur bandaríski hnefinn sem "takk fyrir síðast" í síðasta mánuði, með því að æfa kjarnorkuvopnaárás B52 flota Bandaríkjanna á Rússland. En það hafði Rússland einmitt gert stuttu áður. Það æfði kjarnorkuvopnaárás á Evrópu. Það eina sem Rússland skilur er grjótharður hnefinn. Og þökk sé Þýskalandi, sem mjög svo líklega er komið á band Rússlands á ný, einu sinni enn, hafði slíkt í langan tíma ekki verið gert fyrr en nú, eftir að Donald J. Trump settist í stólinn og batt enda á Wilsonian bjórslettupólitík Barack Obama í öllum-málum

Hvað er NATO

Victor Davis Hanson bóndi og sagnfræðingur um NATO og svo kallaða "bandamenn" okkar austur í Evrópu

Fyrri færsla

Sjálfstæðissinnar funduðu með forseta Íslands. Strategika nr. 57 komin út

30 ára hrun: Verður ESB eins - eða miklu verra ?

Mynd, Wall Street Journal 19/3: Þróun japanskra hlutabréfavísitalna í 30 ár. Aðeins bílaiðnaður til útflutnings handa neytendum í löndum með ungt fólk, og hjólastólar og heilsugæsla handa japanska óðaöldrunar-hagkerfinu, eru með lífsmarki. Restin er ekkert, eða í stórkostlegum mínus. Gosbrunnurinn í tæknigeiranum um aldamótin er "nýja hagkerfið" sem dó á ofsahraða í Japan

****

Líkurnar á því að meginland Evrópu verði svona, aukast með hverju árinu sem líður og á Ítalíu er staðan nú þegar enn verri en þetta, og versnar enn. Myndin sýnir þróunina á japönskum hlutabréfamarkaði í tæp 30 ár, eða frá því í febrúar 1990, er hrun undrabarna-hagkerfis Japans kom loks fram á hlutabréfamarkaði. Þá voru "sérfræðingar" og háskólaprófessorar á Vesturlöndum enn á þeirri skoðun að "japanska módelið" væri svo öflugt að landið myndi taka fram úr Bandaríkjunum, svona eins og nóbelsverðlaunahafinn Paul Samuelson í hagfræði sagði að hagkerfi Sovétríkjanna myndi taka fram úr því bandaríska að stærð árið 1984, en í síðasta lagi árið 1997. Hann hafði reiknað það út. En þegar sovétið kom undan kommajöklinum var það einungis brot af þeirri hagstærð sem sérfræðingar sögðu að það hefði verið og væri enn. Það var ekki 17 prósent, heldur aðeins 5 prósent af efnahag heimsins. Bandaríkin voru þá 30 prósent og sennilega 40 prósent, væru tölurnar um undrahagkerfi annarra landa réttar

Eignasöfn japönsku bankanna voru þó þegar gufuð upp heilum tveimur árum áður en hagkerfið hrundi. Japanska hrunið komst svo á forsíður dagblaða á Vesturlöndum í kringum 1991. Mynd: Morgunblaðið 28. júlí 1992 - allt að koma og "bara" rétt handan við hornið. Nei, það varð heldur betur ekki þannig

Þetta var að sjálfsögðu hin "fjórða iðnbylting" í höfðum sérfræðinga. Því næst tók "Nýja hagkerfið" við á árunum 1990-2000. Þá sögðu sérfræðingar að ný iðnbylting hefði gerst og að það sem út úr henni væri hingað komið héti "Nýja hagkerfið" (e. the New Economy). Tími samdráttar væri liðinn og hagkerfin myndu aðeins geta vaxið, og hrun væru algerlega úr sögunni og óhugsandi með öllu. Þetta væri svona vegna þess að ný tækni væri komin og hún hét internetið og tölvun, og svo vegna þess að "seðlabankar" væru sjálfstæðar stofnanir (hugsið ykkur þvæluna!), og að evran myndi verða hin fullkomna útungunarvél hagsældar. Ég man aðeins eftir einum hagfræðingi sem efaðist og taldi menn fara of geyst, en það var Torben Andersen í Danmörku. Þá var ég sjálfur úti í Evrópu og á kafi í viðskipta- og markaðsrannsóknum á fjarverslunarþætti "nýja hagkerfisins". En mér tókst bara aldrei að finna neina veltu með vörur og þjónustu hjá neinum. Það eina sem ég fann var velta með pappíra eða stofnfé svo kallaðra "fjárfesta", sem án björgunarhrings höfðu hent sér í ískaldan sjóinn vegna trúar á hið nýja hagkerfi. Hitinn sem mældist kom allur frá brunaum á fjárfestingafé þeirra. Hagfræðingar og sagnfræðingar höfðu jú skrifað bækur og sagt að gamli heimurinn hefði endað með falli Sovétríkjanna og friður yrði því með okkur um alla eilífð - og hagvöxtur

Þess vegna hrundi nýja hagkerfið í janúar 2000 og fé fjárfesta í "nýja hagkerfinu" brann til ösku. Svo gerði gamli heimurinn árás á Tvíburaturnana í Bandaríkjunum og árið 2008 hafði sérfræðingaveldi Vesturlanda keyrt heiminn í svo mikla klessu, að sjálf 1945-uppsetning hans féll þá um sjálfa sig, því gamli heimurinn hafði alls ekki endað, og ríkisgjaldþrot blöstu við út um allt. Rússland tók að gúffa sína nánustu í sig á ný, svo að endurreisa megi Sovétríkið. Kalt stríð II milli Bandaríkjanna og Kína er í smíðum, og hvort það verður heitt er alls ekki útilokað. Þeir sem bentu fyrst á þessa þróun voru útlægir menn eins og Steve Bannon, sem er sjálflærður sagnfræðingur. Reyndar eru flestar metsölubækur á sagnfræðisviðinu í dag eftir fólk sem aldrei hefur látið eitra hugsun sína í hálf-marxískum háskólum nútímans. Fólk er hætt að nenna að lesa; annars vegar, hins vegar, á annan bóginn og hinn bóginn sérfræðingana sem ekkert hafa fram að færa nema sjálfa sig handa kollegum sínum. Bla bla bla

Mynd, Stoxx: Þróun SX7P hlutabréfavísitölunnar: Bankar í Evrópu: 30 ár => ekkert

****

Sem sagt. Hvað svo sem þú gerir þá máttu aldrei fjárfesta í bönkum og fjármálageirum Evrópusambandsins. Það er lærdómurinn sem draga má af japanska hruninu. Og það er víst óþarfi að vara menn við evrópsku og kínversku sprengjuhleðslunum, nema náttúrlega þá sem lifa á plánetum íslenskra ráðuneyta, og eru því ekki í neinu sambandi við móður jörð. En meginland Evrópu er ekki Japan og mun aldrei þola það sem japanska þjóðin hefur staðið sameinuð um að halda út og þola. Aðeins sannur brjálæðingur heldur sig fast við Kína- og Evróputrú ESBismans

Fyrri færsla

Ríkisstjórnin ánægð: Skúli í WoW stöðvar alla losun, umsvifalaust

Fyrsta valdaránstilraunin í sögu Bandaríkjanna mistókst. Orkupakki3. May enn við fulla (ó)stjórn. Stuttar fréttir [u]

Því meir sem Vesturlönd geggjast, því betri verður Erla Þorsteins

****

BANDARÍKIN

Það voru ekki menn með sólgleraugu og axlaskúfa, og það voru ekki oligarkar í einkaþotum né "vér rauðir Marxistar" sem reyndu að ógilda kosningar og fjarlægja réttkjörna ríkisstjórn Bandaríkjaforseta frá völdum. Nei það voru embættismenn ríkisins, með fjölmiðla í vösunum, ásamt haturshreyfingu vinstrimanna, sem reyndu að framkvæma fyrsta valdaránið í sögu landsins. Ræna átti völdum til handa Hillary Clinton sem þetta fólk og fjölmiðlar þeirra sögðu að Donald J. Trump hefði rænt kosningasigri frá. Hún ein hefði einkarétt kosningasigri, svona svipað og ESB. Á þessa leið sagði bóndinn Victor Davis Hanson í Kaliforníu fram þulu sína um valdaránið, reyndar fyrirfram, og um einkaleyfi vinstrisins á að hata annað fólk, sem birtist einnig sem loftslagsofsóknir gegn kapítalisma, ásamt metoo, bæði knúið áfram af hatri

ÍSLAND

Á Íslandi ganga hlutirnir hins vegar þannig fyrir sig að smá biti af fullveldi landsins kemur til útborgunar í launaumslag þingmanna, og það er síðan notað til innkaupa þeirra erlendis. Sé bitinn, "pakkinn", nógu stór sem færður er yfir á erlendar hendur þá fá þeir punkta erlendis, sem jafnvel nægja til að að kaupa sér embætti, sem er mun tryggari staða en að þurfa að láta kjósa sig á flótta, svífandi um í fallhlíf burt frá fólkinu, þar sem nauðlending meðal hins almenna borgara er það versta sem hægt er að lenda í, vegna þess að þingmenn og flokksformenn gætu jafnvel lent meðal þeirra sem borða rangt, kjósa rangt, búa rangt, eru of lítið eða of mikið menntaðir, hugsa ekki rétt og tala vitlaust, og þola jafnvel ekki gungur og druslur nálægt sér. Það er þannig sem ræna á Íslandi frá þjóðinni; í bitum

Og þegar búið er að sundra þjóðinni nógu mikið, þá er eftirleikurinn mun auðveldari. Því með því að sundra íslensku þjóðinni, þá snýst hún ekki gegn embættismanna-þingmönnum sjálfum, nei nei, heldur snýst þjóðin þá gegn klofinni sjálfri sér, og opnar þar með leið fyrir "björgunarpakka" utanfrá í formi ESB. Einu sinni var það Noregur sem átti að halda friðinn meðal þjóðarinnar, sem þá hafði verið klofin. En núna er það ESB, sem kallað verður á vettvang, vegna þess að stjórnmálamenn klufu þjóðina. Þeir eru að reyna að eyðileggja það sem hún stóð sameinuð um eins og járnkall; sjálfstæðið og fullveldið

Klofningur meðal barna, skapaður af foreldrum þeirra, fær börn ekki til að snúast gegn foreldrum sínum. Nei nei. Þau snúast gegn hvort öðru. Miskunnarlaust. Rífa hvort annað á hol

Stöðva verður orkupakka3 - áður en hann nær að verða pakk

Uppfært: kl 19:45

FRÚ MAY ENN VIÐ FULLA STJÓRN Á STJÓRNLEYSINU

"No, the UK parliament has not taken control"
- W.M.: EuroIntelligence

Hlægilegt er að lesa allar "fréttirnar" um að "breska þingið hafi tekið vald af Theresu May". Enginn tekur valdið af forsætisráðherra Bretlands. Það eina sem þingmenn geta gert er að skipa forsætisráðherranum að gera eitthvað, en þeir hafa enga möguleika á að þvinga hann til þess, eins og bent er á hér. Og eins og þeir ættu að vita sem enn halda að umsókn Íslands inn í Evrópusambandið sé í gildi, þá er það þannig að Evrópusambandið má aðeins semja við forsætisráðherra, kanslara eða pólitískan forseta landa. Það er; pólitískt yfirhöfuð landa (e. heads of states). Það getur ekki samið við þingmenn, né þing þeirra. Og þar sem Theresa May er forsætisráðherra Bretlands þá eru furðufréttir dagsins um að vald hafi verið tekið frá henni, aðeins ein sönnunin í viðbót fyrir því hversu lélegir og rotnir "helstu fréttamiðlar" Vesturlanda eru orðnir, og því óvinir fólksins, eins og Donald J. Trump segir hér

Og þar sem það var Sigmundur Davíð Gunnlaugsson forsætisráðherra Íslands og ríkisstjórn hans sem dró umsókn lands okkar inn í Evrópusambandið til baka, og hætti henni og umsóknarferlinu öllu, þá var það einmitt eina rétta leiðin. Þingmenn hefðu auðvitað getað mómælt, en slíkt var bara froða, því að ríkisstjórn Sigmundar Davíðs Gunnlaugssonar var meirihluti þingsins og ríkisstjórn Íslands. Og þó svo að SDG hefði látið skúringakonu eða bara hjúkku um að senda telefaxið, skyldi norðanmaðurinn Gunnar Bragi, eins og ég, hafa verið upptekinn við annað, til dæmis úti að reykja eins og ég, eða á bar, eða á Ellý, eins og ég; þá er faxið frá honum og ríkisstjórn hans, og hljómar svona: Dear Ha Ha Ha

Sendi ég þeim báðum minn stærsta fingurkoss, og skúringakonunni og hjúkkunni líka

- Gunnar, húsmóðir í Skorradal. Íhaldsmaður
- og fyrrverandi skúringakona
sem gerði leikskóla barna minna
hreinan í fjögur ár á kvöldin

****

STUTTAR FRÉTTIR (ekki DDRÚV)

A. Japan tilkynnir að það elfi hervarnir sínar gegn Kína til muna. 1) Það reisir nýjar herstöðvar á Ryukyu og Miyakojima eyjum. 2) Báðar verða með eldflugavarnir til lofts og láðs. 3) Japan ákvað einnig að auka drægni ASM-3 eldflauga sinna úr 125 mílum í 250 mílur. 4) Og að samhæfa nýju tiltökin með annarri loftvarnargetu landsins. 5) Ríkisstjórnin ætlar hefja endurskoðun á reglum til að stöðva leka á bandarískri tækni frá Japan til Kína (millistéttar Guðlaugs Þórs)

B. Dómstóll í Suður-Kóreu hefur lagt hald á eignir Mitsubishi Heavy Industries í S-Kóreu. Þær eiga að fara í að borga stríðskaðabætur vegna hersetu Japana á S-Kóreu í Síðari heimsstyrjöldinni

C. Japan er sennilega rauntölu-ríkara land en Kína (nettó-virði). Og það er ekki með 1000 milljón fátæklinga hangandi um háls ríkisstjórnarinnar. Japan er jafnara og heilsteyptara land en Kína. Það hefur forðast "fjölbreytileika". Það er því ekki að leysast upp. Þjóðin stendur saman. Það getur því söðlað um á sjálfu sér á örstuttum tíma, án þjóðfélagslegra vandræða og átaka, gerist þess þörf. Japan er lýðræðisríki á 6852 eyjum. Það er sennilega með her sem hvað úr hverju stenst hefðbundna hernaðargetu Kína. Japan var bandamaður Bretlands -og aðstoðaði Frakkland- í Fyrri heimsstyrjöldinni. Það sendi flota sinn inn á Miðjarðarhaf, þeim til aðstoðar. Hér má lesa fróðlega grein um sigur Japans í þeirri styrjöld, á sögubloggsíðu Flotastofnunar Bandaríkjanna

Fyrri færsla

Kva? Ekkert. Bara alls ekkert!

Skrár tengdar þessari bloggfærslu:

• Dear Edgars, Dear Commissioner Hahn,

Orkupakki3: Aftur óvinur flokks og þjóðar?

Stærsti hælbíturinn á Sjálfstæðisflokknum þessi árin virðist vera sjálf forysta flokksins, en einkum formaðurinn, skilji ég hlutverk formennsku rétt. Eins var staða beggja gagnvart flokknum í Icesavemálinu og reyndar gagnvart þjóðinni allri

Sjálfstæðisflokkurinn ætti kannski að bjóða forystunni að ganga í Sjálfstæðisflokkinn á ný, áður en hún leggur fram ESB-frumvarp um að Hafrannsóknarstofnun sé sett undir Evrópusambandið, og að Evrópusambandið stjórni þar með landhelginni okkar sem kostaði kannski eins mikið að berjast fyrir og það kostaði þjóðina að verða heimsmeistari í raforkuframleiðslu, til viðbótar við það að vera heimsmeistari í sjávarútvegi, að öllu leyti!

Milljón tonn af fiski og milljón tonn af áli á ári. Þetta getum við vegna þess að við erum ekki í Evrópusambandinu

Fyrst að flokkforystan hyggst koma gífurlegum fjárfestingum í til dæmis stóriðju í uppnám með orkupakka3, þá hlýtur það sama að eiga að gilda um útgerðarfyrirtækin. Ekki satt? Og garðyrkjubændur líka

Það eru ekki nema nokkrir dagar síðan að eitt síldarbein felldi dómsmálaráðherrann vegna fullkominnar Evrópuþvælu á vakt flokksforystunnar. Stakk ráðherrann á hol. Hvar var formaðurinn þá?

Þá gæti forystan hallað sér aftur í sætum sínum í metoo-iðnbyltingarráði bráðnandi ísjaka, og sagt við kjósendur: "sorrý, þetta er ekki lengur á okkar höndum. Það er Evrópusambandið sem ræður þessu um þetta: um raforkumálin og fiskveiðar"

Þetta þetta er þá loksins komið yfir til Brusselveldisins og "þeir ráða þessu um þetta. Og þannig get ég sem liðleskja, stjórnmálalegur undirförull fölsungur og dagsdaglegur hug- og getuleysingi, setið áfram og enn fastar sem klístruð klessa á háum opinberum launum ofan á kjósendum". Sem þá eru orðnir eins konar einkaþrælar valdaelítu sem enga ábyrgð ber gagnvart kjósendum. Er elítan þar með orðin eins konar sósíaldemókratískt nomen-klessu-klattúru-fílter á milli einræðisformsins og gervilýðræðis. Friðstjórn í stað sjálfsstjórnar, þ.e. fram að næstu borgarastyrjöld

Er það þetta sem fulltrúar ókjörinna embættismanna Evrópusambandsins í forystu Sjálfstæðisflokksins vilja. Er þetta það?

Hvað með kauplækkun? Eða bara að hunskast í vinnufötin og vinna fyrir þá sem kusu ykkur. Við förum fram á sigur. Já sigur. Ekki endalaust tap tap og tap. Takið ykkur saman. Það var nóg að bankakerfið hrundi vegna EES-samningsins. Miklu meira en nóg

Fyrri færsla

Orkupakkinn mun eyðileggja stóriðju á Íslandi

Orkupakkinn mun eyðileggja stóriðju á Íslandi

Nokkuð líklegt má teljast að Evrópusambandið muni með samanlögðum og sístækkandi orkupökkum sínum geta með tíð og tíma náð að banna íslenskum stjórnvöldum að gera samninga við stóriðjufyrirtæki hér á Íslandi. Og með sömu tíð og tíma náð að eyðileggja rekstrargrundvöllinn fyrir stóriðju hér á landi. Íslenskum stjórnvöldum yrði smám saman óheimilt að nýta íslenskra raforku í þágu Íslendinga, eins og okkur sýnist, fram yfir önnur notkunarsvið erlendra ESB-hagsmuna, sem hvenær sem er geta tekið sér bólfestu hér á landi, og nánast gert hvað sem er í skjóli EES, sem bara stækkar og stækkar í trássi við það sem þjóðinni var sagt um samninginn í upphafi. Það sama mun verða látið gilda um raforku og hefði gilt um fiskveiðar í íslenskri lögsögu, ef að við hefðum gengið í Evrópusambandið

Það má kallast jaðra við landráðalegan aulaskap að forystumenn Sjálfstæðisflokksins skuli ekki allir sem einn sjá hætturnar sem fylgja því að leyfa umboðslausu yfirríkislegu embættismannaveldi á borð við Evrópusambandið komast með krumlurnar í íslenska raforkuframleiðslu, dreifingu hennar, verðlagningu og notkun. Þar setjast að ömurleg öfl eins og mýpakkar á mykjuskán út um alla Evrópu

Samhliða þessu áhlaupi á raforkumálin reyna íslenskir stjórnmála- og smásölumenn allt hvað þeir geta að fórna íslenskum landbúnaði á altari ríkisstyrkts ESB-landbúnaðar, og gengur þriðji-flokkur Framsóknarflokksins þar hve harðast fram. Ofan í þetta tvennt bætist svo sú staðreynd, að við Íslendingar ráðum varla lengur því hver býr í landinu okkar eða ekki; og svo því hverjum erlendum er verið að selja landið undan þjóðinni í skömmtum, eða ekki

Þegar ég hugsa um núverandi forystu Sjálfstæðisflokksins þá sé ég fyrir mér sennilega lélegasta formann flokksins frá upphafi, og sem fyrir aðeins nokkrum árum ætlaði sér að setja íslensku þjóðina í skuldafangelsi vegna skulda einkafyrirtækja. Við hverju má þá ekki búast þegar að íslensku olíunni kemur; raforkunni? Hvar er dómgreind hans? Formenn flokksins hafa verið þessir:

1. Jón Þorláksson
2. Ólafur Thors
3. Bjarni Benediktsson
4. Jóhann Hafstein
5. Geir Hallgrímsson
6. Þorsteinn Pálsson
7. Davíð Oddsson
8. Geir H. Haarde
9. Bjarni Benediktsson

Traust mitt á forystunni í flokki mínum er því miður ekki til staðar í þessum efnum. Það hefur þurft að mata hana eins og hvítvoðung með teskeið á fullveldis-staðreyndum lífsins í næstum því 10 ár, bara til þess eins að flokkurinn rétt næði að lifa forystuna af. Og aðeins eru nokkrir dagar liðnir frá síðasta mannfalli í flokknum. Þá vegna Evrópudómstóla sem fylgja uppskriftinni að einræði æ nánar. Evrópumálin eru að eyðileggja flokkinn, eins og þau mál hafa gert og gera út um alla Evrópu. Er ekki kominn tími til að ranka úr EES-rotinu, sem breyttist í bankarotið vegna eins EES-samnings. Á kannski að eyðileggja enn meira?

Þjóðaröryggisstefna getur aldrei byggst á því að vona það besta. Slík stefna er og verður alltaf þjóðar-óöryggisstefna

Fyrri færsla

Líberalismi hefur steikt heilabú margra Sjálfstæðismanna

Líberalismi hefur steikt heilabú margra Sjálfstæðismanna

Þegar dómur hins svo kallaða Mannréttindadómstóls Evrópu --þar sem innangengt er yfir í Evrópudómstólinn, sem fylgir sovétisma klæddum í esbbúning-- barst sem frétt til Íslands, já, hvað var þá það fyrsta sem hér gerðist? Jú heilastarfsemi íslenskra líberalista sló yfir sjálfskiptingu líberalismans, og kom þar með í veg fyrir að hún gæti staðið vörð um það sem öllu máli skiptir; þjóðfrelsi Íslendinga. Nú er því úr vondu að ráða, í stað góðs

Allar góðar sjálfskiptingar vita hvað þær eiga að gera, þegar hættu ber að höndum. En það veit sjálfskipting líberalista hins vegar aldrei. Hún rífur því á örskömmum tíma það niður sem tók árhundruð að byggja upp

Líberalisminn um allar jarðir hefur steikt heilabú þeirra sem honum eru haldnir. Þeir geta ekki hugsað í stækum isma sínum, sem er að rífa niður Vesturlönd, og tæta þau í tætlur. Þeir eru eins og valtarar á hvolfi og gufugleypar í bakkgír

Annað dæmi um gufugleypir í bakkgír, er borgarstjórn Reykjavíkur. Sá gufugleypir hefur nú safnað alþjóðlegum skotmörkum saman í einn ruslahaug á Austurvelli, og þar með skaffað illa innréttuðum mönnum ókeypis skotmörk til að ná sér niðri á. Aðeins fávitar leyfa slíkt, því alls staðar sem þessu vandamáli líberalismans er leyft að safnast saman í eina hrúgu, sem skjólstæðingum heilastöppu líberalismans, gerast alveg hroðalegir hlutir, nú orðið. Svo langt hefur eyðilegging líberalista á Vesturlöndum náð. Einhver vitiborinn maður verður að stöðva þessa þéttingu vandamála í Reykjavík, áður en illa fer

Þið líberalistar hafið þegar eyðilagt skilyrðin fyrir fundarfrelsi í löndum ykkar. Og það er ekki gott. Það er mjög slæmt. Þið eruð sósíalistar því líberalismi er sósíalismi. Öll ríki ykkar leysast upp, og þar með þið líka. Þið eruð að leysast upp og það sést, langa vegu að

Líberalismi og öryggi útilokar hvort annað. Fólk vill öryggi, langt, langt á undan innfluttum ESB-paprikum, okurpökkum og Austurvallarlýð. Fólk vill hvorki fæða né ala börn sín upp á jarðsprengjusvæðum líberalista. Það eina sem virkar í raunheimum er því Íhaldsstefnan. Það var hún sem byggði upp Vesturlönd

Fyrri færsla

Framlag Þýskalands til NATO lækkað. "Fort Trump" að rísa í Póllandi?

Framlag Þýskalands til NATO lækkað. "Fort Trump" að rísa í Póllandi?

Mynd: Varsjáryfirlýsing Trumps í júlí 2017. Duda og Trump undir málverkinu af Hamrinum (t.v.)

****

PRÚSSLAND II

Það mun varla fara vel niður í Washington að Þýskaland skuli ekkert hafa aðhafst til þess að verða við tilmælum Bandaríkjanna um að landið standi við sáttmálaskuldbindingar sínar í NATO. Framlag Þýskalands til viðhalds á varnarmætti hernaðarbandalagsins var óbreytt of lágt í fyrra, eða 1,23 prósent af landsframleiðslu, en landið hefur skuldbundið sig til að leggja tvö prósent af mörkum. Við þær fréttir bætast svo fyrirætlanir þýsku ríkisstjórnarinnar um að lækka framlagið um tæpa þrjá milljarða dala á þessu ári

RÚSSLAND III

Rússneska þingið samþykkti á miðvikdaginn reglur um sektir á þá sem sýna rússneska ríkinu "augljósa vanvirðingu" á Internetinu. Eina kosningaloforðið sem Vladímír Pútín gaf þegar hann var kjörinn forseti árið 1999, var það að hann skyldi endurreisa sovétríkin. Þarna er greinilega staðið við það, með einu skrefinu enn

BANDARÍKIN - PÓLLAND

Frá Pentagon sagði Kathryn L. Wheelbarger -sennilega næstæðsti maður bandaríska varnarmálaráðuneytisins- að ákveðið hefði verið að bandarískir hermenn myndu hafa fasta viðverðu í Póllandi. Það þýðir bandaríska herstöð þar. Sumir hafa gefið henni nafnið Fort Trump, á meðan að beðið var eftir ákvörðun um málið. Pólland hefur boðist til að greiða tvo milljarða dala af stofnkostnaðinum. Verður bandaríska herstöðin í Þýskalandi þá rifin upp með rótum og flutt? Ekki segja menn það. En sjáum nú til

Fregnast hefur að Donald J. Trump hafi hent framhaldssögusafni Obama, sem ber nafnið "Rússland skilið rétt", út um glugga Hvíta hússins. Þar er ekkert að skilja segir hann: Rússland er og verður alltaf harðstjórnarríki

Fyrri færsla

Fáviska vandalista