Leita í fréttum mbl.is

Orkupakki3: Aftur óvinur flokks og þjóðar?

Stærsti hælbíturinn á Sjálfstæðisflokknum þessi árin virðist vera sjálf forysta flokksins, en einkum formaðurinn, skilji ég hlutverk formennsku rétt. Eins var staða beggja gagnvart flokknum í Icesavemálinu og reyndar gagnvart þjóðinni allri

Sjálfstæðisflokkurinn ætti kannski að bjóða forystunni að ganga í Sjálfstæðisflokkinn á ný, áður en hún leggur fram ESB-frumvarp um að Hafrannsóknarstofnun sé sett undir Evrópusambandið, og að Evrópusambandið stjórni þar með landhelginni okkar sem kostaði kannski eins mikið að berjast fyrir og það kostaði þjóðina að verða heimsmeistari í raforkuframleiðslu, til viðbótar við það að vera heimsmeistari í sjávarútvegi, að öllu leyti!

Milljón tonn af fiski og milljón tonn af áli á ári. Þetta getum við vegna þess að við erum ekki í Evrópusambandinu

Fyrst að flokkforystan hyggst koma gífurlegum fjárfestingum í til dæmis stóriðju í uppnám með orkupakka3, þá hlýtur það sama að eiga að gilda um útgerðarfyrirtækin. Ekki satt? Og garðyrkjubændur líka

Það eru ekki nema nokkrir dagar síðan að eitt síldarbein felldi dómsmálaráðherrann vegna fullkominnar Evrópuþvælu á vakt flokksforystunnar. Stakk ráðherrann á hol. Hvar var formaðurinn þá?

Þá gæti forystan hallað sér aftur í sætum sínum í metoo-iðnbyltingarráði bráðnandi ísjaka, og sagt við kjósendur: "sorrý, þetta er ekki lengur á okkar höndum. Það er Evrópusambandið sem ræður þessu um þetta: um raforkumálin og fiskveiðar"

Þetta þetta er þá loksins komið yfir til Brusselveldisins og "þeir ráða þessu um þetta. Og þannig get ég sem liðleskja, stjórnmálalegur undirförull fölsungur og dagsdaglegur hug- og getuleysingi, setið áfram og enn fastar sem klístruð klessa á háum opinberum launum ofan á kjósendum". Sem þá eru orðnir eins konar einkaþrælar valdaelítu sem enga ábyrgð ber gagnvart kjósendum. Er elítan þar með orðin eins konar sósíaldemókratískt nomen-klessu-klattúru-fílter á milli einræðisformsins og gervilýðræðis. Friðstjórn í stað sjálfsstjórnar, þ.e. fram að næstu borgarastyrjöld

Er það þetta sem fulltrúar ókjörinna embættismanna Evrópusambandsins í forystu Sjálfstæðisflokksins vilja. Er þetta það?

Hvað með kauplækkun? Eða bara að hunskast í vinnufötin og vinna fyrir þá sem kusu ykkur. Við förum fram á sigur. Já sigur. Ekki endalaust tap tap og tap. Takið ykkur saman. Það var nóg að bankakerfið hrundi vegna EES-samningsins. Miklu meira en nóg

Fyrri færsla

Orkupakkinn mun eyðileggja stóriðju á Íslandi


« Síðasta færsla | Næsta færsla »

Athugasemdir

1 Smámynd: Ragnhildur Kolka

Hugleysi eða skortur á framtíðarsýn er ekki æskilegur eiginleiki í pólitík en við erum að sjá þessa tegund skorts á forystuhæfileikum æ oftar. Útlit er farið að skipta  meira máli og þegar kjörþokki bætist ofan á þá enda kjósendur með forystumenn eins og Barack Obama, Justin Trudeau eða Bjarna Benediktsson. Allt sjarmatröll en þegar dýpra er kafað skortir stálið. Kaninn lýsir stjórnunarstíl þessara manna sem - leading from behind.

Gallin við að sitja uppi með svona stjórnmálamenn er að þú veist aldrei við hverju má búast, því þeir vita það ekki sjálfir. Það er ekki fyrr en aðstæður skapast að þeir stökkva á þann vagn sem hraðast rennur niður brekkuna. Icesave var þannig vagn og nú Orkupakki 3. Við sitjum svo uppi með afleiðingarnar nema við tökum höndum saman og stöðvum vagninn. 

Ekki stendur á mér.

Ragnhildur Kolka, 23.3.2019 kl. 12:45

2 Smámynd: Halldór Jónsson

Því miður sannleikur

Halldór Jónsson, 23.3.2019 kl. 15:01

3 Smámynd: Gunnar Rögnvaldsson

Þakka þér Ragnhildur og þér Halldór.

Forystuliðið í Sjálfstæðisflokknum er búið að gera þann kjarna sem Sjálfstæðisflokkurinn er stofnaður til að snúast um, að lávöruverslun þar sem þeim pólitísku gildum sem flokkurinn er stofnaður til að verja,  er viðstöðulaust stillt fram sem tilboðum dagsins, á meðan birgðir endast.

Í turni flokksins hefur nú fasta viðveru fólk sem heldur að eitthvað af krata-tómhyggjunni á risavöxnum þokubökkum þess líkist einverju sem hafi meira notkunargildi en salernispappír síðustu iðnbyltingar hafði á líf manna.

Taki maður hins vegar þokubakka þessa fólks af því, þá myndi ekkert þeirra velja hann fram yfir rennandi vatn í salerni innandyra, í stað þess að þurfa að paufast út í 10 stiga gaddi til að gera stórt í frosna kamarfötu úti í garði og sækja sér myglað vant í fötu.

"Iðnbyltingar"þvæla þess er þannig innréttuð að þetta lið myndi allt velja 8086 tölvu með Windows 3.1, Mosaic/Dillo-vafra og 33 k módemi, vatnssalerni og rennandi vatn innandyra; fram yfir "snjalltækja"-þokubakka og sjálfkeyrandi gubbupest á fjórum hjólum, á upploginni þvælu um loftslagsbreytingar.

Og nú er Gulli Kína-millistéttarkall gufaður upp og Trump sendi fljúgandi kjarnorkuvopnaklára B-52 trukka til Evrópu í vikunni.

Metoo og fésbókarforysta Sjálfstæðisflokksins er eins og Zeppelin-loftfar bundið við staur, rétt fyrir gjöreyðingu. Koncept hennar er í algjörum og fullkomnum vandærðum, því getuleysi hennar við gerð þess var algert. Bjarni er orðinn að innansviga fyrirbæri í sögunni, og þó svo að SDG myndi hætta í pólitík í dag (sem ég veit að hann gerir ekki), þá yrði nafn hans á spjöldum sögunnar að minnsta kosti það; að vera maðurinn sem gerði eitthvað - og meira að segja gott.

Maður hefur reynt að halda í vonina um að hafa rangt fyrir sér um forystulið xD, en sú sjálfsblekking gengur bara ekki upp lengur. Þetta lið á heima í þeim demókrataflokki sem nú er að endurfæðast sem flokkur rugludalla í Bandaríkjum Norður-Ameríku, og sem tapa mun kosningunum 2020 svo stórt að aldrei mun annað eins áður hafa sést.

Samúðarkveðjur

Gunnar Rögnvaldsson, 23.3.2019 kl. 18:17

4 Smámynd: Hrólfur Þ Hraundal

Já Gunnar vopnfæri,  hælbíturinn er forusta flokksins sem ekki hefur átað sig á að hún er ekki til forustu fallin. 

Á góðum  herðatrjám geymast fötin betur en á snögum, það er þó lítt að gagni ef innihaldið er lélegt.  

Mamma var lærð saumakona og sagði að það væri miklu auðveldara að sauma á umkomulausan flæking heldur en upp pumpað monthænsn, því að monthænsnið væri síbreytilegt, ýmist upppumpað  af lofti eða galtómt.  

Hrólfur Þ Hraundal, 24.3.2019 kl. 11:23

5 Smámynd: Gunnar Rögnvaldsson

Þakka þér Hrólfur.

Já þetta er ansi hart, verð ég að segja. Og óskemmtilegt mál.

Kveðja

Gunnar Rögnvaldsson, 24.3.2019 kl. 23:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband