Ísland viðurkenni Taívan

Mynd: Tsai Ing-wen forseti Taívan talar í síma við Donald J. Trump, forseta Bandaríkjanna

****

Öngþveiti og leiðrétting

Hvaða leiðréttingarkerfi slær inn þegar ný stefna er að leysa gamla stefnu af hólmi á heimsvísu. Jú, þá er það öngþveitið sem slær inn, sem hið sjálfgefna leiðréttingarkerfi. Öðruvísi gerast breytingar ekki. En nú er þokunni byrjað að létta. Það leiðréttingarkerfi sem sló inn þegar árið 2008 sló heiminum næstum út, er byrjað að skila niðurstöðum. Það sem við sjáum í dag eru síðustu krampaköst hins gamla heims sem hófst árið 1945. Á næstu örfáum árum er hann svo farinn. Í staðinn verður margt af því sem gagnaðist nítjándu öldinni nógu vel, tekið í notkun á ný og endurbætt. Flestir ismar 20. aldarinnar voru sannkölluð plága fyrir mannkynið og þar með talinn er glóbal-isminn, sem var síðasta isma öskur hins gamla heims sem til varð árið 1945

Og nú er búið að fóðra kommúnista-Kína á öllu því sem hægt var að fóðra það á áratugum saman. En ekkert hefur samt breyst. Landið er eina ferðina enn sokkið enn dýpra niður í það einræðis- og alræðisstjórnarfar sem einkennt hefur Kína frá því að fámenn glæpaklíka kommúnistaflokks tók þar völd og hrakti síðustu réttkjörnu ríkisstjórn landsins frá völdum og út í eyjuna Taívan, þar sem sæti hennar er enn þann dag í dag. Tók svo kommúnistaklíkan til við að tortíma lífum allt að 60 milljónum manna af sínu eigin fólki uppi á meginlandinu. Það klíkufólk kommúnistaflokksins er nú að sauma sér herafla utan um það fé sem Vesturlönd fóðruðu það á, og sem byrjað er að beita á nágrannaríkin, langt út á höf og þar á meðal með Rússum í Eystrasalti

Af hverju hefur Ísland ekki viðurkennt Taívan sem sjálfstætt Kína og ríki á ný, eins og við gerðum fram til ársins 1971. Og af hverju hefur Ísland ekki tekið upp stjórnmálasamband við landið? Þetta er frekar óskiljanlegt í ljósi þess sem gerðist við Eystrasalt þegar kommúnistamúr Evrópu féll. Á Taívan er þó lýðræði og kosið er til bæði forsetaembættis og löggjafarsamkundu, með fjöldann allan af glæsilegum stjórnmálaflokkum og forsetaefnum í framboði

Í Kínverska lýðveldinu á Taívan búa tæplega 25 milljón manns með miklar tekjur og tæknikunnáttu og tæknigetu. Taívan er sjöunda stærsta hagkerfi Asíu og hagtölur þess eru þar að auki réttar. Samvinna við þá í til dæmis sameiginlegu átaki með Bandaríkjunum, gæti jafnvel að hluta til leyst af hólmi þann ferðamannaiðnað sem hér er byrjaður að anda út sem kólnandi hamskiptur óborgari

Ísland ætti að ráðfæra sig við sinn besta bandamann í þessu máli: þ.e. Bandaríki Norður-Ameríku. Margt bendir til að þau séu að endurskoða afstöðu sína til kommúnista-Kína, alveg niður í kjölinn og jafnvel enn dýpra. Það eru ekki bara tollar sem Bandaríkin eru með í smíðum á Kína, heldur einnig heilir hafstraumar af viðurlögum og breiðsíðum

Hér gæti Ísland orðið fyrst til, í stað þess að reyna að vera fyrst til með gamla rauðgræna alræðisstefnu í samgöngumálum, sem á endanum mun kosta okkur borgarana dýrmætt ferðafrelsið og enn meira

Þingmenn frá Taívan komu hingað í heimsókn árið 1998 og varaforseti Taívans kom hingað árið áður og ræddi við íslenska ráðamenn. Það ferli ætti að setja í gang á ný. Árið 1971 er liðið

Fyrri færsla

Eyðileggjandi fólksflutningar að rústa Evrópu 

Eyðileggjandi fólksflutningar að rústa Evrópu

Svíþjóð er komin í pólitíska kreppu sem ekki sér fyrir endann á um langa og svarta framtíð fyrir Svía, sem einu sinni voru þjóð í sínu eigin landi. Í dag er það stjórnarkreppa sem er nýjasti tilvistar-kreppuréttur dagsins í landi hnefarétta sænskra sósíalista

Þar sem Svíþjóð, eins og Evrópa, er byggð á Biblíunni, þá hefði þetta ekki átt að geta endað svona, því þar segir í Rutarbók: "þitt fólk er mitt fólk og þinn guð er minn guð"

Það er stór og mikil ástæða fyrir því að þetta stendur í Gamla testamentinu. Þetta er hvorki meira né minna en niðurstaðan úr þeim hörmungum sem stjórnlausir fólksflutningar leiddu til. Þetta er aðvörun til þeirra sem á eftir komu

Það fólk sem fær að gerast borgarar í nýju landi verður að skipta um bæði þjóð og guð ef hið nýja heimili á ekki að enda eins og það heimili sem farið var frá. Bandaríkin eru eina landið á jörðinni þar sem ein ósundrandi þjóð af mörgum ættbálkum og litum varð ein velmegandi heild og þjóð. En jafnvel því tókst Obama að reyna klúðra með því að byrja að tala um "týpískan hvítan borgara". Slíkt hugtak hafði ekki verið notað í bandarískum stjórnmálum frá því á forsetatímum Wilsons, sem var einn misheppnaðasti forseti Bandaríkjanna. Þarna atti Obama öllum upp á móti öllum með þeim ættbálkaauðkennum sem eru að leika bandarísk stjórnmál svo grátt í dag

Í Evrópu verður hryllingurinn hins vegar hundraðfaldur. Evrópa þolir ekki svona innflæði eins og vakúm-pökkunarvélin Angela Merkel frá Austur-Þýskalandi lifir í og pakkar þeim vandamálum inn með, sem hún á að leysa, en getur ekki, vegna þess að hún sjálf er pólitískt tómarúm af verstu sort sem hugsast gat. Hún er uppgjafarvélin sem framleiðir þær útópísku þvælur sem koma af því að sökum þess að við (Vesturlönd) erum ekki fullkomin, að þá erum við ónýt ef við erum það ekki

Það eina sem Vesturlönd þurfa á að halda er að vera eru nógu góð en ekki fullkomin, og það er það sem Donald Trump er. Hann gerir og framkvæmir á meðan hún getur ekkert nema fórnað Svíþjóð, og svo fórnað Póllandi fyrir að vera ekki vesalingaland eins og hún er sjálf, og sem Svíþjóð er á leið með að verða. Þegar svona vakúmpökkunarvélar eins og frú Merkel eiga ekkert eftir til að fórna og henda fyrir úlfana, þá stígur lítill maður með yfirvaraskegg inn á leiksviðið til að brenna þær Biblíur sem hún hvorki skildi né hugsaði um. Þetta hlýst af að láta þann sjálfsákvörðunarrétt og það fullveldi þjóða sem Biblían boðaði, af hendi. Slíkt er banvænt og þess vegna er Evrópusambandið að kveikja í álfunni eins og sér-evrópskir ismar gerðu á 20. öld. Evrópuisminn er sama þvæla

Pólitískar lausnir Íhaldsmanna byggja á Biblíunni þar sem það er mögulegt, eins og til dæmis stofnun og stjórnarskrá Bandaríkjanna gerðu. Að öðrum kosti er lausnir fundnar með sögulegum fordæmum sem staðist hafa þrotlaust álag tímans og virka. Evrópusambandið er einungis enn eitt imperíal misfóstrið sem Biblían varar við, með því að sýna fram á hörmungar þeirra sem hús fjötranna, og með því að setja þjóðum landamæri og fá þeim sjálfsákvörðunarrétt til að vera nógu góðar, en ekki fullkomin þvæla eins og frú Merkel og ESB. Þegar Trump er búinn að framkvæma nógu gott fyrir Bandaríkin, þá verður Evrópa enn fullkomin þvæla evrópskar líberalisma-heiðni sósíalista á borð við ESB, Merkel, Pútín, Lenín, Hitler, Stalín, Mússó og annarra biðstofumanna útópískrar fullkomnunar. Rúst eða himnaríki og ekkert þar á milli, það var lagið. Eftirstríðsfriðurinn er því búinn, hann þótti nefnilega ekki nógu góður fyrir þetta vesæla imperíal-valdapakk

Fyrri færsla

Lygaferð Pútíns að enda á vegg sanninda

Lygaferð Pútíns að enda á vegg sanninda

Klesst

Til að gera langt mál stutt þá vísa ég á endursögn Varðbergs um þá frétt í gær að sannleiksást Pútíns Rússlandsforseta í Skrípalmálinu hafi nú klesst á vegg. Reyndar segi ég sjálfur að allt frá byrjun alls hans ferils, hafi sú ást verið komin langt fram yfir síðasta söludag. Hér má líka sjá frétt Telegraph um málið

Næst

Leiðari Morgunblaðsins vitnar í Václav Klaus annan forseta Tékkneska lýðveldisins. Sá segir að Trump sé að gera það sem þarf að gera. Svo kemur þetta hjá honum eins og hjá flestum á hinum bónuðu gólfum:

"Klaus segir að Trump sé sennilega ekki maður sem hann myndi sækjast eftir að fá sér kaffibolla eða bjórkollu með. „Stíll hans og nálgun er ekki endilega að mínum smekk. En stefnumál hans og skilningur á stöðunni var nauðsyn fyrir Bandaríkin og reyndar heiminn allan."

Sem sagt

Við hér í húsinu erum að kafna út skít, klósettið er stoppað, vaskurinn flæðir yfir og amma er hætt að geta andað því lyktin er svo hrikaleg. Píparinn er kominn, við verðum þakklát, en við getum svo sannarlega ekki drukkið með honum hvorki kaffi né bjór

Ef um Pútín hefði verið að ræða þá kæmi rullan um að "mér líkar ekki pólitík hans" en hann er svo geðþekkur maður að við dönsum samt valsinn með honum. Pútín er of landfræðilega nálægur til að fá ekki það kaffi sem Trump er neitað um, vegna þess að píparinn Trump lyktar

Hér er sama gamla evrópska friðþægingartuggan á ferð og 1930. Staðreyndin er auðvitað sú að Rússlandsforseti, sama hvert nafn hans er, mun alltaf taka allt það sem Vesturlönd leyfa honum að taka. Og inn á milli mun hann taka það með vopnum. Svo klárast kakan, kaffið er tekið af borðunum og sovétið dekkar það til með sínu stelli. Eru menn fæddir í gær, eða hvað?

Ekki minn fyrsti valkostur, en..

Um daginn kom Bandaríkjamaður í heimsókn á góðan stað og spurði hvert álit Íslendinga væri á Trump. Þá var honum sögð frá persónulegri skoðun einnar persónu: Sú sagði "hann er að gera margt gott fyrir Bandaríkin, en ég er ekki hrifinn af persónu hans" (lyktinni)

Daginn eftir sagði ég við Íslendinginn: engin persóna sem getur gert það sem Trump er að gera, getur verið það sem öllum fellur við. Það er ekki hægt. Enginn með þessa hæfileika, getu og orku mun falla í geð þeirra sem vilja fá verkgetu píparans en ekki lyktina

Ég myndi drekka kaffi með Trump alla daga ef ég gæti. Svona elítu-snobb þoli ég ekki

Svíþjóðarklessan

Enn ein Svíþjóðar-heimtunin birtist sem grein blaðamanns í Mogganum í dag. Sama er á ferðinni þar. Ekkert er að í Svíþjóð og desímaltölur þínar passa ekki. Þar náði ég þér

Allir vita að Svíþjóð er ein klessa. Landið er óþekkjanlegt miðað við 1980. Landið stiknar af hinni gömlu nasistapólitík sænskra Sósíaldemókrata, sem eins og sósíaldemókratískur rúmfélagi þeirra, gorgonsólaður borgarstjórinn í Reykjavík, rústuðu öllum meiriháttar borgum og bæjum Svíþjóðar með eyðileggingu og illvilja. Þar hefur flestu verið tortímt og þar er hið nakta torg veraldarhyggjunnar svo nakið að fólk þarf að loka sig inni á heimilum sínum til að spyrja hvað klukkan sé. Trúmal, pólitík eða allt það sem með skoðanir hefur að gera, er bannað á hinum nöktu torgum Svíþjóðar. Þar er það RÍKIÐ sem er guð. Til fjandans með þennan nýmarxisma, segi ég bara. Svona naktir ryðdallatogarar sökkva þegar á þá reynir. Svíþjóð er að sökkva og slíkt kemur aldrei fram í gagnabönkum sænsku hagstofunnar, þvi ef það gerði það þá væri heiminn ekki eins klesstur og hann varð 2008, - af öllum fjandans sérfræðingunum sem klessu honum: Jáh, það voru þeir!

Næstum allt það meginland Evrópu sem Htiler hernam ekki, var pró-nazi, þ.e. aðhylltist stefnu Hitlers, ljóst og leynt. Öll Íbería, Sviss, Svíþjóð og svo Tyrkland og stór hluti Norður-Afríku og Mið-austurlanda. Þessi Evrópa er enn sú sama og þá. Og hún er að staðfestast í gömlum gloríum í dag. Þar er flest enn vont og ekki gott. Jafnvel Þýskaland er að bakka inn í gamla og mislita fjóshauginn sinn á ný. Það er byrjað á að gefa út diktöt til hægri og vinstri á ný um; efnahagsmál, peningamál, skuldamál, stjórnarfar og hvaða skoðanir löndum leyfist að hafa eða ekki. Hver á þá að vera Píparinn þegar salernið fyllist?

Já Winston var kallaður öllum illum nöfnum og er það enn. Þannig er það með þá sem brjóta samhljóminn í heimi taparanna. Evrópa er meginland taparanna

Hmpf! Hvort er það. Gott eða slæmt?

Afstæðiskenning meginlands Evrópu, Rússlands og Kína um muninn á Guði (gott/rétt) og Djöflinum (rangt/slæmt), er að kála þeim öllum. Og sú gamla kálun 20. aldar hefur verið áratugi í smíðum. Ekkert getur stoppað afstæðiskenningar landmassa Evra-Asíu lengur. Hið opinbera torg er nakið. Þið vitið hvað kemur næst

Fyrri færsla

Bretland hefur skellt á Evrópusambandið

Bretland hefur skellt á Evrópusambandið

Ávarp Theresu May, föstudaginn 21. september 2018

****

Breski forsætisráðherrann átti erfitt með að leyna reiði sinni eftir prússneska fundinn með Evrópu-diktat-sambandinu í Salzburg í síðustu viku. Andúðin og hrokinn sem hún mætti af hálfu ESB og sérstaklega Donalds Tusk -sem steig eins og fíll til jarðar á svo kölluðum (sam)félagsmiðlum- var hreint ótrúlegur. Siðaðar þjóðir haga sér ekki svona. Aðeins ókjörnir veruleikafirrtir embættismenn í vösum annarra gera það. Og það er það sem Evrópusambandið snýst nú um

Theresa May forsætisráðherra er hér að segja að Bretland sé hætt samningaviðræðum. Þar með hefur hún líklega sameinað flokk sinn á ný að baki sér. Nú fer Bretland á fullt með að undirbúa útgöngu úr Evrópusambandinu sem þýðir tolla á til dæmis eina milljón innflutta þýska bíla á ári. Enginn alþjóðleg fjármálastofnun í Bretlandi með fullu viti vill flytja sig úr fullvalda og öruggasta stjórnarskrárbundna lýðræðislega stjórnarfari veraldar, yfir til sértrúarsafnaðar á borð við Frankfurtborg Þýskalands, eða Parísarbyltingar Frakklands, þar sem enginn er samkeppnishæfur nema í miðbæjum annarrar hvorrar þeirra borga. Áttatíu prósent allra viðskiptadómsmála sem koma fyrir breska dómstóla, innihalda málsaðila á erlendri grund. Í fjörutíu prósentum þeirra eru allir málsaðilar af erlendri grund. Bresk lög eru ómetanleg útflutningsverðmæti

Viðskipti Bretlands við fyrrum nýlendu þess sem fékk nafnið Bandaríki Norður-Ameríku, hófust árið 1784 með átta böllum af bandarískri baðmull á ári. Fimmtán árum síðar voru þeir orðnir 40 þúsund og árið 1900 voru þeir orðnir sjö milljón stykki á ári. Bretland getur selt ýmislegt bandarískt gott til breska samveldisins, sem Bandaríkin geta ekki. Singapúr, Hong Kong og Tokyo gætu einnig þurft að skerpa á bankalingum sínum þegar City of London Bretlands er komið í gírinn, með alla bresku þjóðina sér að baki, loksins lausa úr viðskiptahlekkjum ESB. Norðvestrið og norðaustur Lundúnir eru klár og að þessu sinni í sameiginlegu átaki með City, um allan heim. Evrópusambandsaðildin reyndist Bretlandi ávallt sem fleygur á milli alls baklands Bretlands og City of London. Hagsmunir Liverpool, Manchester, Aberdeen, Glasgow, Grimsby og Hull annars vegar og hins vegar City of London, fara loksins aftur saman, eins og á tímum heimsveldisins. Og Bretland er enn stærsti erlendi fjárfestir Bandaríkjanna

Nýtt skattaumhverfi fyrir alþjóðleg fyrirtæki gæti þess vegna verið í smíðum hjá frú May, sem flutt gæti fjöll frá meginlandinu yfir í virkilega alþjóðlegt viðskiptaheimsveldi Bretlands í smíðum, og sem sett verður í gang þegar útgöngunni er lokið. Viðskipta- og fjármálaleg prússnesk diktöt eins og ESB hefur lagt stund á frá því að Þýskaland sameinaðist, getur Evrópusambandið sparað handa sjálfu sér, því það mun þurfa á öllu hinu svarta rúgbrauði Þýskalands að halda á hið sísúrnandi umhverfi þeirra landa sem eftir sitja í sambandinu. Þau munu vita hvert á að leita þegar þau ætla út. Og valkosturinn við aðild að ESB er þar með kominn fyrir Danmörku, þegar Bretland er komið út, eins og Kristian Thulesen Dahl, formaður danska Þjóðarflokksins sagði á flokksfundi 8. ágúst 2018. Það eina sem við þurfum er valkostur, sagði hann. Þá leggjum við útgöngu til

Fyrri færsla

Þýska ríkisstjórnin lifði helgina af [u]

Þýska ríkisstjórnin lifði helgina af [u]

Það sortnaði seinni part föstudags. Skoðanakönnun ARD-ríkissjónvarpsins úthlutaði þýskum sósíaldemókrötum (SPD) aðeins 16,5 prósentum. Límósína var í hættu. Formaðurinn Andrea Nahles sá strax að um alvarlega kynferðislega óáreitni kjósenda var hér að ræða og annúlleraði því samstundis þriggja daga gömlu ríkisstjórnarsamkomulagi við CDU-Merkel og CSU-Seehofer um að njósnameistari Maassen yrði hækkaður í tign upp í aðstoðar-innanríkisráðherra, vegna þess að sá maður hafði drýgt þann ofurglæp, að segja að upptökur sem sýna áttu "hægri öfgamenn" í Karl-Marx-Stadt Chemnitz ráðast á innflytjendur, vera falskar fréttir. Í staðinn, samkvæmt þriggja daga gömlu samkomulaginu, að kröfu SPD, léti hann af embætti yfirmanns þýsku innarnríkis-leyniþjónustunnar, sem verja á stjórnarskrá landsins gegn til dæmis árásum stjórnmálamanna

Afneitun SPD-Nahles féll á þurran blett því frú CDU-Merkel mældist með síst minni aukna kynferðislega óáreitni í sömu könnun. Aðeins 27,5 prósent kjósenda gátu hugsað sér að kjósa hana og flokksbandalag hennar með bæverskum. 72,5 prósent vildu það ekki

Svo var sest að samsæri á ný og nýtt næturfyllt samkomulag hamrað saman seint í gær og sem gerði fyrrverandi njósnameistara Maassen að fyrrverandi aðstoðarráðherra og að núverandi alþjóðlegum og ESB-málalegum ráðgjafa innanríkisráðuneytisins. Stjórnarskránni var þar með borgið í bili. Stóra skrefið niður í forsetastöðu Framkvæmdastjórnar Evrópusambandsins hlýtur að styttast enn frekar um næstu helgi, því þá kemur ný skoðanakönnun út. En svo er aldrei að vita hvað gerist með þýsku ríkisstjórnina eftir hádegi í dag, eða á morgun

AfD (Valkostur fyrir Þýskaland) mælist því annar stærsti stjórnmálaflokkurinn í Þýskalandi í dag. Njósnameistara Maassen hafði með einni setningu tekist að sameina þrjá ríkisstjórnarflokka um að halda AfD niðri. Gera má því ráð fyrir að AfD njóti heldur betur frekara góðs af þessu eina máli sem þýska þriggja flokka ríkisstjórnin getur sameinast um; að minnka öryggi borgranna með þöggun. Hið sama gildir um stjórnarskránna sem Merkel lætur höggin dynja á til að halda sér á floti, en þjóðinni niðri. Sú skrá nýtur líka góðs af því, eða hitt þó heldur

Uppfært: Ný könnum sem birtist áðan hækkar óáreitni kjósenda enn frekar. SPD mælist þar með 16 prósentur og Merkel lækkar niður í aðeins 27 prósentur. Aðeins níu prósentur skilja nú CDU/CSU-flokksbandalagið og AfD að. Samkvæmt formanni Sjálfstæðisflokksins, Bjarna Benedikssyni, er ekkert að marka svona mælingar, enda ekki um ísjaka- og lofslagsspár að ræða

Aðeins er ár síðan að helstu kynferðislausu -en nú allslausu- blaðamenn veraldar krýndu Angelu Merkel sem verandi "leiðtoga hins frjálsa heims"

Á meðan á þessu stóð í Þýskalandi, hélt Donald J. Trump samkomu með kjósendum sínum í Missouri. Hún var haldin í stærsta íþróttaleikvangi sem hægt var að fá, en samt þurfi að vísa 20 þúsund manns frá vegna plássleysis, en sem fylgst gátu þó með á stórskjáum utandyra. Hafði fólk byrjað að bíða í röð klukkan tvö um nóttina

Fyrri færsla

Leikurinn í Kína að verða búinn

Leikurinn í Kína að verða búinn

Mynd: Apollo-11 á skotpallinum árið 1969. 64 milljón hestöfl. Enginn annar en Bandaríkjamaður hefur tekið sér frí frá Jörðu á öðrum hnetti

****

Í síðustu bloggfærslu kom Sigurður Antonsson í heimsókn og minntist á Kína - og eftirfarandi eru hugleiðingar mínar um það mál. Nýjasta tiltak kínverskra stjórnvalda virðist samkvæmt frétt Reuters á fimmtudaginn vera það að banna eigi fréttir frá útlöndum í Kína, sérstaklega frá Vesturlöndum og flest afþreyingarefni þaðan. Höfum við séð þetta áður? Já það höfum við

Í Kína er leikurinn að verða búinn fyrir vesturlensk fyriræki. Eins og eldri en pelagjafamenn muna, þá geisaði kalt stríð við Sovétríkin áratugum saman. "Heimsveldi mannvonskunnar" voru þau á endanum kölluð, og var það meira en réttnefni á Sovétríkjunum og þeim isma sem þau stóðu fyrir. Og hollt er að leiða hugann að þeim nýju ismum sem eru að festa sig í hugum fólks í dag. Má þar nefna umhverfisisma sem allur kemur frá þeim vinstri væng stjórnmála sem aðhylltist Heimsveldi mannvonskunnar hve mest síðast. Svo hér þurfa menn að vera á vopnuðum verði

Kalda stríðið kostaði Bandaríkin ofboðslega fjármuni. Það var þó ekki sjálfgefið að það stríð skyldi yfir höfuð vera háð, né hvað þá unnið. Um tíma reyndu "sérfræðingar" í Bandaríkjunum að segja við bandarísku þjóðina að Sovétríkin væru komin til að vera og að Bandaríkin yrðu að sætta sig við tilvist þeirra, völd þeirra, áhrifa- og hernaðarmátt, sem á tímabili taldi 12 milljón manns undir vopnum og hafði 200 herdeildir miðandi á Vestur-Evrópu. En bandaríska þjóðin vildi það ekki. Hún vildi ekki sætta sig við Sovétríkin og lokaði fyrir þennan boðskap sérfræðinganna, fyrst og fremst vegna Guðleysis Sovétríkjanna og alls þess vonda sem þau stóðu fyrir. Afstaða bandarísks almennings gegn Guðleysi mótaðist ekki af krónum, aurum né viðskiptum, heldur af siðferðislegum ástæðum

Ný útópía svipaðs sérfræðingaveldis varð til á ný þegar múrinn féll og hún var sú að halda það að Kína myndi verða eitthvað annað en öflugt Guðlaust (sovét)ríki, væri það fóðrað á nógu miklu fé og viðskiptum við Vesturlönd. Það tók einungis vissan tíma að komast að þeim erfiða og kalda sannleika, að slíkt myndi aldrei gerast. Nú er að renna upp fyrir bandarísku þjóðinni, sem er Kristni-trúaðasta þjóð Vesturlanda, að hún var göbbuð. Sífelldur straumur frétta af ofsóknum kínverskra stjórnvalda á hendur Kristnum og útlegð manna úr opinberu lífi og samfélagi vegna hverskyns trúarskoðana í Kína, eru að blasa meira og meira við bandarísku þjóðinni. Sérstaklega þeim stóra hluta þjóðarinnar sem býr ekki í glóbalista-mannþyrpingar-bólunum tveimur við norðaustur-ströndina og suðvestur-ströndina. Það er að segja; allt meginland Bandaríkjanna hefur fært ofboðslegar fórnir vegna útskipunar atvinnulífs til Kína og þar á undan til Japans. Detroit lítur í dag út eins og Hirosima gerði 1945, á sama tíma og vissir hlutar Kína við sjávarsíðuna í suðri líta út eins og Detroit leit út árið 1945

Bandaríkin hjálpuðu Evrópu, Japan og Suður-Kóreu að komast á fætur á ný eftir Síðari heimsstyrjöldina. Og þau höfðu ekki ásælst né tekið land neinna þjóða þó svo að þau stæðu þá sem sigurvegarinn. Slík framkoma gagnvart hinum sigruðu hafði aldrei áður sést í sögu mannkyns. Bandaríkin vildu einfaldlega ekki verða heimsveldi

Það var þetta fólk sem kaus Trump. Það er búið að fá nóg og það segir; við fórnum ekki meiru af Bandaríkjunum fyrir hvorki Kína né bandarísk fyrirtæki í Kína. Þetta verður að stoppa og við verðum að tæknivæða okkur út úr þessu hér heima, eins og þegar við fórum til tunglsins í Apollo-11 prógramminu. Það krafðist 400 þúsund verkfræðinga. Við getum sjálf. Við höfum allt sem til þarf, en við þurfum pólitíska forystu á borð við þá sem byggðu Bandaríkin upp eftir borgarastyrjöldina sem lauk 1865. Þess vegna er Donald J. Trump forseti Bandaríkjanna núna

Risaeðlan Bandaríkin er að vakna. Síðast þegar hún sló halanum til, var það vegna Spútnik. Sovétríkin hentu Spútnik í hausinn á Bandaríkjunum og fengu hið gerræðislega Apollo-11 svar í haus sinn til baka og gátu ekkert annað gert en blaffrað eftir það sem blautur þvottur á forhertri Lenín-snúru í sovétvindum og þornað upp að innan og steingerst. Öllu var umbylt í Bandaríkjunum, menntakerfinu líka. Svarið var algerlega hrikalega massíft

Ég er orðinn nokkuð sannfærður um að tímar bandarískra tæknifyrirtækja í Kína séu brátt á enda og hið sama gildir um hagkerfi WalMart í Kína, sem er sjötti hver gámur sem fer frá landinu. Leikurinn er að verða búinn

Þetta snýst ekki bara um botnlínur fyrirtækja. Heldur snýst þetta um líf fólksins í Bandaríkjunum. Þau þola ekki meira af glóbalisma sem fór úrskeiðis. Forsendan fyrir frjálsum viðskiptum á milli landa var alltaf sú að viðskiptajöfnuðir milli landa væru í jafnvægi. Sú forsenda er heldur betur brostin, áratugum saman, og það er ekki bara Kína sem verður tekið fyrir, heldur Þýskaland líka, Japan og Suður-Kórea og Mexíkó

Þetta sem Reuters skrifaði á fimmtudaginn um að Kína væri að undirbúa bann á fréttum frá útlöndum, ásamt erlendu skemmtiefni, kemur ekki á óvart. Xi forseti Kína veit að landið hans er við það að renna inn enn eitt upplausnarferlið vegna innvortis mótsagna, eins og svo oft áður hefur gerst í sögu Kína þegar sjávarsíðan opnar sig gagnvart erlendum áhrifum og auði frá umheiminum og innlandið er ekki þátttakandi í því. Þá rifnar landið í sundur og splittast upp í landshluta sem falla frá og inn í önnur ríki. Kannski tekst honum að hindra upplausn Kína. En kostnaðurinn við það verður hrikalegur. Hann verður líklega eins konar ný Norður-Kórea á -vonandi- mýkri nótum fyrir alla íbúa Kína

Fyrri færsla

Google-KGB gæti aðstoðað

Google-KGB gæti aðstoðað

 

Bein krækja á þessa frétt og myndskeið á Breitbart um pólitískt Google

****

Ráðabrugg Google um að hanna leitarniðurstöður svo þær vinni gegn bandaríska forsetaembættinu afhjúpað. Í þessu tilviki hér, er um að ræða svo kallað "ferðabann" á borgara vissra vafasamra landa inn í Bandaríkin í fyrra, og sem hæstiréttur þeirra svo staðfesti. En þetta er bara byrjunin og bandarískur þingheimur er byrjaður að hlusta. Næstu vikur, mánuðir og ár, munu fara í að rannsaka Google-heimsveldið. Allt það versta sem ég hugsaði um Google er að reynast sem verandi smámunir miðað við það sem er að koma í ljós. Og þetta á ekki bara við um stjórnmálin heldur einnig fjármálamarkaðina sem ég hef fylgst með í meira en 13 ár alla daga ársins. Wall Street Journal ásamt Breitbart og Fox, hér að ofan, taka ráðabrugg Google fyrir. Aðeins fólk sem elst upp í firrtu umhverfi firrts fyrirtækis og sem þykist vera Lávarður jarðar, er fært um að fá hugmyndir um til dæmis "sjálfkeyrandi bíla" og sturtuklefa á Mars. Þetta mál verður mjög svo skemmtilegt. Og það hófst meira að segja ekki í dag, þó svo að íslenskir vinstrikrónískir fjölmiðlar reyni að þegja það með humarhölum sínum í kaf. Því að um síðustu helgi komst Breitbart í feitt. Það fékk nafnlaust sendar upptökur úr aðalstöðvum Google þar sem undarbörn Lávarðar jaðrar gráta saman vegna kjörs Donalds J. Trump sem hins 45. forseta bandaríska lýðveldisins. Strax hefst ráðabrugg Google um hvernig fyrirtækið geti komið í veg fyrir setu forsetans og hvernig draga megi úr henni umboð kjósenda og hvernig Google geti á heimsvísu komið í veg fyrir að þjóðir jarðar kjósi sér þjóðarleiðtoga sem stangast á við pólitískar lávarðar-hugmyndir Google. (Sjá einnig frétt Morgunblaðsins um ráðabrugg á öðrum vígstöðvum: Neitar ráðabruggi um að koma Trump frá)

Mynd: Fjölmiðlafár vinstrimanna um öryggisheimildir: Það var Richard Burr (óvinveittur Trump) formaður leyniþjónustunefndar bandaríska þingsins sem þrýsti á að öryggisheimildir Brennan fyrrverandi forstjóra CIA yrðu fjarlægðar, því Brennan hafði logið tvisvar að þinginu, jafnvel þrisvar, og geðveikisleg ummæli hans um sitjandi forseta fylltu mælinn. Sviptingin hafði engin áhrif á "málfrelsi" Brennan eins og sá hélt fram. Rúmlega fjórar milljónir Bandaríkjamanna hafa öryggisheimildir

****

Þetta með "Rússana" og bandarísku kosningararnar er eins og mýfluga við hlið fílsins Google í kjörklefanum. Var annars einhver sem sagði að Google og Facebook væru það "nýjasta nýtt" en Moggabloggið gamaldags og úrelt? Aðeins veiklunda persónuleikar á borð við þá sem helltu sér umhugsunar- og gagnrýnislaust á bólakaf í síðustu bólu, bankabóluna, tala þannig, og svo þeir sem eru á kafi í byltingar-bólu-glundri svo kallaðra félagsvefja í dag. Þetta er reyndar alveg öfugt, því KGB í nýjum umbúðum er hvorki nýtt koncept né ný bylting. Og hvorki Google né Facebook eru það sem meint var með hugtakinu Veraldarvefur. Facebook H/F er einungis hið innra og lokaða fyrirtækjanet eins venjulegs einkafyrirtækis, sem er dulbúinn fjölmiðill, á meðan Google H/F er fjölmiðill dulbúinn sem leitarvél, og sem finnur upp, já hvað annað en sjálfkeyrandi bíla og nýja forseta. Njótið endilega keisarans og undrabarna hans í aðalstöðvum Google á meðan laun þeirra eru svo há, að flytja verður inn tíu þúsund erlenda nörðandi og stjórnarfarslega vangefna lyklaborðsþræla, til að vinna þar á landvistarleyfi þess lands sem fyrirtækið hatar hve mest: Bandaríkjanna sjálfra, sem með frelsi og stjórnarskrárbundinni ríkisstjórn fæddu af sér allar kræsingar þessa fólks

Punktar úr upptökunni í aðalstöðvum Google vegna kjörs 45. foresta Bandaríkjanna:

* (00:00:00 – 00:01:12) Google co-founder Sergey Brin states that the weekly meeting is "probably not the most joyous weve had" and that "most people here are pretty upset and pretty sad."

* (00:00:24) Brin contrasts the disappointment of Trumps election with his excitement at the legalization of cannabis in California, triggering laughs and applause from the audience of Google employees.

* (00:01:12) Returning to seriousness, Brin says he is "deeply offen[ded]” by the election of Trump, and that the election "conflicts with many of [Googles] values.”

* (00:09:10) Trying to explain the motivations of Trump supporters, Senior VP for Global Affairs, (og Chief Legal Officer) Kent Walker concludes: "fear, not just in the United States, but around the world is fueling concerns, xenophobia, hatred, and a desire for answers that may or may not be there.”

* (00:09:35) Walker goes on to describe the Trump phenomenon as a sign of "tribalism thats self-destructive [in] the long-term.”

* (00:09:55) Striking an optimistic tone, Walker assures Google employees that despite the election, "history is on our side” and that the "moral arc of history bends towards progress.”

* (00:10:45) Walker approvingly quotes former Italian Prime Minister Matteo Renzis comparison between "the world of the wall” with its "isolation and defensiveness” and the "world of the square, the piazza, the marketplace, where people come together into a community and enrich each others lives.”

* (00:13:10) CFO Ruth Porat appears to break down in tears when discussing the election result.

* (00:15:20) Porat promises that Google will "use the great strength and resources and reach we have to continue to advance really important values.”

* (00:16:50) Stating "we all need a hug,” she then instructs the audience of Google employees to hug the person closest to them.

* (00:20:24) Eileen Naughton, VP of People Operations, promises that Googles policy team in DC is "all over” the immigration issue and that the company will "keep a close watch on it.”

* (00:21:26) Naughton jokes about Google employees asking, ‘Can I move to Canada? after the election. She goes on to seriously discuss the options available to Google employees who wish to leave the country.

* (00:23:12) Naughton does acknowledge "diversity of opinion and political persuasion” and notes that she has heard from conservative Google employees who say they "havent felt entirely comfortable revealing who [they] are.” and urged "tolerance.” (Several months later, the company would fire James Damore allegedly for disagreeing with progressive narratives.)

* (00:27:00) Responding to a question about "filter bubbles,” Sundar Pichai promises to work towards "correcting” Googles role in them

* (00:27:30) Sergey Brin praises an audience members suggestion of increasing matched Google employee donations to progressive groups.

* (00:34:40) Brin compares Trump voters to "extremists,” arguing for a correlation between the economic background of Trump supporters and the kinds of voters who back extremist movements. Brin says that "voting is not a rational act” and that not all of Trumps support can be attributed to "income disparity.” He suggests that Trump voters might have been motivated by boredom rather than legitimate concerns.

* (00:49:10) An employee asks if Google is willing to "invest in grassroots, hyper-local efforts to bring tools and services and understanding of Google products and knowledge” so that people can "make informed decisions that are best for themselves.” Pichais response: Google will ensure its "educational products” reach "segments of the population [they] are not [currently] fully reaching.”

* (00:54:33) An employee asks what Google is going to do about "misinformation” and "fake news” shared by "low-information voters.” Pichai responds by stating that "investments in machine learning and AI” are a "big opportunity” to fix the problem.

* (00:56:12) Responding to an audience member, Walker says Google must ensure the rise of populism doesnt turn into "a world war or something catastrophic … and instead is a blip, a hiccup.”

* (00:58:22) Brin compares Trump voters to supporters of fascism and communism, linking the former movement to "boredom,” which Brin previously linked to Trump voters. "It sort of sneaks up sometimes, really bad things” says Brin.

* (01:01:15) A Google employee states: "speaking to white men, theres an opportunity for you right now to understand your privilege” and urges employees to "go through the bias-busting training, read about privilege, read about the real history of oppression in our country.” He urges employees to "discuss the issues you are passionate about during Thanksgiving dinner and dont back down and laugh it off when you hear the voice of oppression speak through metaphors.” Every executive on stage – the CEO, CFO, two VPs and the two Co-founders – applaud the employee.

* (01:01:57) An audience member asks if the executives see "anything positive from this election result.” The audience of Google employees, and the executives on stage, burst into laughter. "Boy, thats a really tough one right now” says Brin.

Krækjur:

• LEAKED VIDEO: Google Leadership’s Dismayed Reaction to Trump Election
• Kevin McCarthy: Breitbart’s Exposure of Leaked Google Video Calls for Hearing
• Source: Google Locks Down Access to Videos of ‘TGIF’ Meetings Following Breitbart Scoop
• Google Executive Profile: VP for Global Affairs Kent Walker
• 5 Times Google Manipulated Search, YouTube, and News Results

Fyrri færsla

Andaglasvirkjun I og II

Neitar ráðabruggi um að koma Trump frá

Andaglasvirkjun I og II

Már Wolfgang Mixa skrifaði skemmtilega grein um verðmætustu fyrirtæki heims. Vinkill Más á flest er mun skemmtilegri en fjárfestingabragur Bjarna Benediktssonar formanns Sjálfstæðisflokksins er í Andaglasvirkjun I og II vinstrimanna á þingi, þar sem slegist er um hlutabréfaeign kjósenda með því að bjóða þeim fleiri og fleiri sopa út andaglösum stjórnmálamanna, sem rúlla augum eins og geðsjúklingar í subbufötum í pontu og gera sig að fíflum í apabúri á kostnað annarra þegar minnst er á varnir landsins. Heimur þessa fólks er að deyja í dag, þess vegna lætur það svona, eins og til dæmis Benedikt evru-bimbó Viðreisnar gerði líka í gær. Útfararstjóri hins útópíska heims frá 1945-2008, er Donald J. Trump. Hann drap þennan heim ekki, því hann var þegar dauður, heldur stjórnar hann bara útförinni, eins og bóndinn Victor Davis Hanson segir þar

Umræða okkar Más snérist að hluta til um fjarverslunarmarkaðinn (e. remote sales). Vefverslun tilheyrir þeim hluta smásöluverslunar. Þegar fjarverslun var upp á sitt besta á Íslandi frá 1980-1995, voru vöruhús þess hluta smásöluviðskipta landsmanna staðsett í Bretlandi og Þýskalandi. Verslunar-frontarnir voru katalógar úr pappír þar sem það tók fjölskylduna bara brot af þeim tíma sem það tekur að fletta í gegnum vöruúrvalið á tölvuskjá í dag, og það þurfti ekki annað en rómó kertaljós, en ekki rafmagn, til að komast í gegnum allan katalóginn uppi í rúmi, sem venjulega lifði hálft ár í senn, sem er mun styttri líftími en hjá flestum hálffrosnum vefverslunum í dag. Stærstu fjarversalnir þessa tíma þurftu 45 þúsund blaðsíður til að kynna allt vöruframboð sitt, þar sem vörunúmer skiptu milljónum að tölu (dæmi: þýska Otto). Þarna var íslenska þjóðin um það bil 250 þúsund manns og vörupantanir hennar voru í kringum 80 til 100 þúsund pantanir á ári þegar best lét. Hver pöntun innihélt um það bil þrjár til fjórar vörur og líklegt er því að samanlagt hafi Íslendingar pantað um hálfa milljón vara á ári frá útlöndum á þessum tíma. Ekkert slíkt magn í þeim hluta fjarsölumarkaðarins (tískuföt) er í gangi í dag. Þeir sem versluðu mest bjuggu ávallt í þéttasta þéttbýlinu, þeir voru mest tískumeðvitaðir, því það voru mest tískuföt og skór sem fólk pantaði. Hefðbundin smásöluverslun á Íslandi kvartaði mikið yfir þessari samkeppni á þessum tíma, en hún tók sig á og bætti sig og tókst að halda sínu. Svo kom Kringlan og það fór að harðna á dalnum í fjarverslunargeiranum á Íslandi. Og svo kom dot.com bólan og þá riðlaðist uppsetning fjarsölumarkaðarins til frambúðar

Fjarverslun í Bandaríkjunum verður sennilega aldrei meiri en ca 5-8 prósent af allri smásöluverslun. Hún er um 3 prósent núna (vefverslun meðtalin) af öllum neysluvarningi. Einhverra hluta vegna vill fólk frekar múrsteinabúðir en póskassaverslanir. Þetta er svipað hlutfall og þegar JC Penny og aðrar katalóga-fjarverslanir Bandaríkjanna gengu hve best. Bretland er með tæplega 7 prósent núna og er það sama hlutfall og þegar bresku katalóg-fyrirtækin gengu hve best í kringum 1980-1990, en sem eru að mestu dauð í dag vegna þess að þau höfðu ekki efni á að endurnýja sig á sama tíma og þau voru með búðarfrontinn á pappírsformi, og fjárfestingarfé til þeirra þornaði upp þegar vef-fyrirtækin komu og bjuggu til dot.com bóluna. Boo.com fékk t.d. 130 milljón USD fjárfestingafé til að þróa vefverslun þar sem spritt-nýtt miðlægt IBM-rauntímakerfi þeirra átti að geta annað 300 kúnnum á sekúndu. Aldrei varð þörf á meiru en einni PC-tölvu til að anna pöntunum. En Boo var svo selt gjaldþrota í brotajárn fyrir minna en 2 milljónir USD. Öllu fé fjárfesta var brennt til ösku á minna en tveimur árum

Fjarverslun er með stærstu markaðshlutdeild sína í skrifstofuvörum (50%) í Bandaríkjunum, svo koma bílavarahlutir (30%) og síðan stórmagasín (department stores) (20%). Fjarverslun er með sína lægstu hlutdeild í súpermörkuðum (1%). Yfir alla línuna er þetta um tæplega 3 prósent. Já Amazon er með rúmlega 50 prósent af þessum tæplega þremur prósentum og til að ná þeim þurfa þeir kannski margar milljónir vörunúmera. Apple er með 4 prósent af þessum markaði og nær honum með sennilega ekki fleirum en 50 vörunúmerum. Amazon verður brátt eins konar Samsung á sterum, með síma, uppþvottavélar, bækur, brækur og jarðýtur í sömu samsteypu. Mjög spennandi fyrir þá fjárfesta sem hafa áhuga á til dæmis hverju sem er

Ég sé engan mun á pappír og pixel, starfrænt séð (e. operational), nema það að búðarfrontur pixel-verslana kostar mörgum sinnum meira en það kostaði að reka DTP-hönnunardeildir og djúpprentun katalóga. Og svo er markaðsfærslan hjá stafrænum pixel-fyrirtækjum enn meira rautt-haf í dag en hún var þá. Margin fjarverslana með allskonar af öllu, er alltaf lægra en hjá hefðbundnum smásölum. Gott dæmi til að útskýra það mál er að Apple er bara með brot af allri snjallsímaverslun í heiminum (lófatölvur) en þeir eru hins vegar með meira en 90 prósent af öllum hagnaðinum, og þar með nóg markaðspláss til að vaxa í. Hér er hollt að minnast orða Warren Buffets um að það er mind-share (hugarhlutdeild) sem skiptir meira máli en market-share (markaðshlutdeild). Veltuhraðinn í birgðastöðu hjá Apple er nú meiri en hjá McDonalds, þar sem hamborgarinn liggur lengur á lager en iPhone gerir hjá Apple

Amazon er með alla þá þungu innviði sem gömlu póstverslanirnar urðu að hafa og gott betur en það. Og 21,7 milljarða dala sendingarkostnaður Amazon á síðasta ári er... já hve margar meiriháttar múrsteinsverslanir á ári gerir það? Enda er það þangað sem fyrirtækið stefnir og verður að stefna til að lifa af

Ég er svo nýgamaldags að segja að hér er engin bylting í gangi önnur en sú sem við ávallt höfum fyrir augum okkar, þ.e. hin svo kallaða "skapandi eyðilegging" þar sem forminu á fjarverslunarbransanum er umbylt og nýir aðilar koma í stað þeirra gömlu til að bítast um sömu markaðahlutdeildina. Það er ekkert konceptuelt breytt í þessum hluta smásölubransans: þ.e. í fjarverslun. Það eina sem er nýtt og gengur virkilega vel í fjarsölu, er sala á stafrænum tækjum og bílavarahlutum. Restin er gos í andaglösum

Komandi bók Más Wolfgang Mixa verður spennandi lesning. Við þurfum fleiri svona ekta kapítalista eins og Má í dag, því þeir geta kennt ungdómnum góðar umgengisvenjur við peninga. Galdurinn við peninga er að hafa þá. Ekki tapa þeim

Fyrri færsla

ESB: Peningaþvottastöðin Danske Bank [u]

ESB: Peningaþvottastöðin Danske Bank [u]

Þá hefur rannsókn Danske Bank á sjálfum sér í Evrópusambandinu fætt af sér skýrslu. Bankinn lét lögfræðifyrirtækið Bruun og Hjejle rannsaka sig í ESB. Aðeins er um eins árs rannsóknarvinnu að ræða og birti fyrirtækið skýrslu yfir hana í morgun. Þar kemur fram að Danske Bank í ESB hefur í bankastarfsemi sinni í Danmörku og Eistlandi möndlað með 200 milljarða dala færslur sem flestar liggja undir grun um að vera tengdar peningaþvætti. Af þessum 200 milljörðum dala eru 100 milljarðar dala með mikilli vissu peningaþvottur í Evrópusambandinu. Já en sérfræðingar sögðu..

Uppfært: Skýrslan bendir til dæmis á að árið 2007 þegar Danske Bank útrásar-keypti Sampo Bank í Finnlandi ásamt útibúi hans í Eistlandi, að þá hafði bankinn alla möguleika á að afla sér þekkingar á því sem bankinn í Eistlandi hafði innanborðs. En þá var Björn Wahlroos núverandi stjórnarformaður Nordea Bank stjórnarformaður Sampo og toppmaðurinn í Sampo-stamsteypunni um svipað leyti. Danske Bank gerði ekkert í málinu þrátt fyrir rauð ljós og aðvaranir og lét rannsóknar-tækifærið renna sér úr greipum, skrifar Berlingske

Forstjóri Danske Bank hefur nú sagt af sér og stórhluthafinn Mærsk froðufellir af bræði. Þetta er sennilega stærsta peningaþvættismál mannkynssögunnar, enda staglast ESB stanslaust á því að vera mjög stórt. Og þetta þvættismál á líklega eftir að vinda hressilega upp á sig. Holan ofan í jörðina þar sem danska fjármálaeftirlitið stóð, sést alla leið frá Helgenæs. Hlutabréfin í Danske Bank í Evrópusambandinu falla og falla. Bréf sem ég aldrei nokkru sinni myndi snerta, ekki frekar en hlutabréfin í Deutsche Bank í Evrópusambandinu. Hvernig skyldi annars ganga með hið nýja greiðslukerfi ESB í smíðum, sem koma á í stað Bandaríkjanna. Það væri fróðlegt að vita. Er þetta kannski það?

Uppfært: Hollt er að muna að Perestroika-armur sovéska kommúnistaflokksins keypti olíu af ríkinu á 1 prósent af heimsmarkaðsverði, og seldi hana úr landi á heimsmarkaðsverði, og flutti hagnaðinn til baka inn í Rússland með aðstoð 100 nýrra banka sem Perestroika-armur kommúnistaflokksins hafði stofnað innanlands og svo 600 banka sem hann hafði stofnað erlendis til að þvo svona peninga sem "vestræna fjárfestingu" inn í Rússland. Bara þetta eina atriði þýddi 30 prósent tap í landsframleiðslu Rússlands. Perestroika-armur sovéska kommúnistaflokksins og Glasnost gluggarnir sem opnaðir voru vestur til að hrinda henni í framkvæmd, var að miklu leyti í KGB-umsjá núverandi forseta Rússlands. Engar umbætur fóru fram á KGB þegar það var umskírt FSB. Perestroika gekk út á að framlengja lífi Sovétríkjanna. Það tókst og heita þau Rússland í dag. Þökk sé að mestu Perestroika-hagkerfinu, sem Danske Bank sést hér glíma við í dag

Forseti Póllands var í heimsókn í Hvíta húsinu í gær. Þar var meðal annars rædd varanleg bandarísk herstöð í Póllandi sem pólska ríkisstjórnin hefur boðist til að borga tvo milljarða dala fyrir að fá. Donald J. Trump bandaríkjaforseti sagðist vera að íhuga málið. Sé Varsjáryfirlýsing Trumps skoðuð, sérstaklega með tilliti til þróun mála í Rússlandi og Þýskalandi, þá er slíkt ekki ólíklegt

Angela Merkel lét verða af því að reka njósnameistara Maassen eftir hádegi í gær. Hér er fyrir hádegi. Hvað gerist hins vegar í þýsku ríkisstjórninni eftir hádegi í dag, er enn ekki vitað. Þetta er jú Evrópusambandið

Fyrri færsla

Þýska ríkisstjórnin enn við það að springa í tætlur

Þýska ríkisstjórnin enn við það að springa í tætlur

Angela Mekel hefur samkvæmt þýskum fréttum ákveðið að reka Hans-Georg Maassen forseta BfV-innanríkis-leyniþjónustu Þýskalands, sem meðal annars á að vernda stjórnarskrá landsins

Þetta má Merkel samkvæmt stjórnarskránni ekki gera. Aðeins innarnaríkisráðherrann má reka njósnameistara Maassen. Og sá maður heitir Horst Seehofer. Eftir að þetta komst upp, hafa aðstoðarmenn þýsku kanslaraínunnar ekki átt sjö dagana sæla. Merkel spyr þá pólitískra frétta á tveggja mínútna fresti, niðri í bunker hennar gegn þjóðinni

Maassen er eini maðurinn sem gengið hefur í það verk að reyna að upplýsa um glæpagengi þeirra milljóna manna sem Merkel vinkaði inn í landið og allt esb. Honum tókst meira að segja að kría út peninga til þess og að koma á fót samvinnu við bandaríska kollega sína í vestri í þeim efnum, Merkel til mikillar gremju

Og svo framdi njósnameistari Maassen þann ofurglæp að segja að upptökur sem sýna áttu "hægri öfgamenn" í Karl-Marx-Stadt Chemnitz ráðast á innflytjendur, vera falskar fréttir. Slíkt er náttúrlega jafn ófyrirgefanlegt og að spyrja af hverju "fjölbreytni" ætti að vera af hinu góða, nú þegar hið upprunalega latneska heiti þess orðs segir að hún sé af því slæma. Kúrdar styrkja ekki Tyrkland, þvert á móti, og Sýrland á í borgarastyrjöld við sig, vegna einmitt fjölbreytni

AfD andar hér í hnakka ríkisstjórnarinnar og eru jafnframt að éta fylgið í Bæjaralandi frá CSU-flokki Horst Seehofers, en þar fara fram fylkiskosningar í næsta mánuði

Kannski springur þýska ríkisstjórnin núna, eða ekki. Það veit enginn. En Merkel leitar nú stuðnings hjá þýskum sósíaldemókrötum sem sitja með henni í ríkisstjórn og eru of veikir til að hafa neina skoðun sem stangast á við þá stóla (svipuð staða og Bjarni hefur komið Sjálfstæðisflokknum í hér heima). Kannski labbar CSU út núna eða ekki. Hver veit. Þetta er jú Evrópusambandið mikla: stöðugtlekinn sjálfur

Fyrri færsla

Vesturlönd voru auðtrúa