Liggur ESB-óðaverðbólga í kortunum ?

Mynd, Seðlabanki Bandaríkjanna í Cleveland: dölum veitt út í skiptum (PDF). Þorrinn af dölum fór í að bjarga evrusvæðinu, tvisvar!

****

ÓÐAVERÐBÓLGA PÓLITÍSKRA HUGMYNDA

Það fer lítið fyrir því í sögubókum samtíðarinnar að óðaverðbólgan í Þýskalandi frá og með 1922 sé sett í rétt samhengi við staðreyndir. En þá reyndi þýska ríkið að brenna skuldbindingar Versalasamningsins burt með verðbólgu. Reynt var að greiða stríðsskaðabætur með verðlausum peningum. Þýski seðlabankinn sat við stýrið. Þetta byrjaði með því að dalurinn kostaði 4,2 mörk sumarið 1914, 192 mörk í janúar 1922, en tveimur árum síðar þurfti fjögur þúsund og tvö hundruð milljarða af mörkum til að kaupa einn dal. Þessir verðlausu peningar voru um tíma sendir til Bandamanna sem greiðslur. En svo var leikurinn stöðvaður og gullmarka krafist

Hún fer heldur ekki hátt sú rannsókn sem Ashoka Mody og Milan Nedeljkovic birtu niðurstöður úr á vox-eu þann 14. janúar 2019, þar sem niðurstaðan er sú, að það var fyrst og fremst seðlabanki Bandaríkjanna, en ekki ECB, sem bjargaði evrusvæðinu frá hruni og tortímingu í fjármálakreppunni sem hófst 2007, og náði á evrusvæðinu hámarki árið 2012-2013. Niðurstaða Mody og Nedeljkovic er þessi:

Dollar liquidity was a very particular need. By alleviating the dollar shortage, the Fed made a significant contribution to the euro areas stabilisation. In contrast, the ECB’s euro liquidity to banks, by its very design, did little to create confidence in economic prospects. While the liquidity did bring temporary calm, it increased the risk-taking incentives of banks. The active, stimulative measures lacked clarity of strategy. Hence, markets had no reason to expect that such measures would continue, particularly since they often seemed to react to bad news rather than establish a forward-looking purpose. Not surprisingly, they did little to help.

Ekkert handbært yfirvald á evrusvæðinu var fært um að skapa skilyrði fyrir því að eftirspurn kæmist þar í gang, enda er hið efnahagslega svarthol jarðar -Þýskaland- sjálf vélin í evrunni. En það land lifir á því að soga til sín eftirspurn sem önnur ríki jarðar skapa. Eins og kunnugt er þá er ekki hægt að byggja sólkerfi á sporbraut um svarthol, og þess vegna er evrusvæðið eins og það er: steinrunnin 1920-kreppa til enda tímans

Mody og Nedeljkovic segja því:

While euro liquidity was a potentially stabilising influence, the real constraint to the euro areas economic recovery was a lack of demand. Unable to lend profitably to healthy borrowers, banks used cheap ECB liquidity to engage in a "carry trade"

Og eins og Sigurður Már Jónsson blaðamaður benti á um daginn, þá er Ashoka Mody "enginn venjulegur hagfræðingur"

Enn, tólf árum síðar, eru engir heilbrigðir lántakendur til í Suður-Evrópu. Þeir eru varnalega skaðaðir vegna þess að þeir eru á evrusvæðinu, og geta ekki nýtt sér nýtt fjármagn. Þeir eru hættir að anda og öndunarfæri þeirra eru ónýt af því að Þýskaland trampaði þau ónýt; þau voru utanáliggjandi

Á einn eða annan hátt, þegar evran hrynur, verður að greiða billjón evra greiðsluhallann í TARGET2 kerfi evrunnar. Óþarfi er að gera ráð fyrir því að Þýskaland fái áfram eitt að hafa notað verðbólgutrixið úr 1920-bókinni, og alveg sérstaklega ekki, þar sem það er sjálft Þýskaland sem endurskapað hefur 1920-ástandið sem ríkt hefur í 12 ár og ríkir enn á evrusvæðinu

Það voru sem sagt gjaldmiðlaskiptalínur Seðlabanka Bandaríkjanna sem komu í veg fyrir að evrusvæðið hrundi og að gjaldeyrishöftum og peningaskömmtun væri skellt á alla íbúa og fyrirtæki evrusvæðis. Grikkland og Kýpur fengu þó þær ESB-gjafir evrunnar í forgjöf, frá einmitt því rústasvæði sem sumir menn á Íslandi vilja að þvingi markaðssvartnætti ESB-útópíunnar í gegn yfir íslenskan raforkumarkað og íslensk raforkufyrirtæki. Þeir menn eru sannarlega steinrunnir afglapar sem vita ekkert hvað þeir eru að gera, frekar en þeir sem stofnuðu til evrunnar

Enginn vafi er á því að hinn þýski þjóðarsósíalismi (nasismi) kostaði Evrópu fleiri mannslíf en allt annað. En það verður samt hugmyndin um Evrópusambandið og evruna sem hafa mun vinninginn í efnahagslegu tapi- og eyðileggingu fyrir flest ríki álfunnar. Brostið líf kynslóða í galinni hugmynd elíta heldur áfram.. þar til þið vitið hvað gerist næst

Fyrir helgi voru hagvaxtarhorfur Þýskalands niðurskrifaðar í eitt prósent úr 1,8 og Brexit kennt um. Í Þýskalandi er ávallt allt öllum öðrum að kenna en svartholinu sjálfu. Tekur Victor Davis Hanson undir það í Hið stóra hrun Þýskalands

Fyrri færsla

Brjálaður seðlabankastjóri baðst afsökunar

Hvað segja bresk lög um Brexit?

Jú, þau segja að það séu lög að Bretland yfirgefi fyrir fullt og allt Evrópusambandið þann 29. mars 2019. Lög eru lög

Og í þessu tilfelli sem öðrum, þá eru lög lög, þar til að ný lög eru sett. Og engin ný lög hafa verið sett sem segja með hvaða hætti Bretland fari úr Evrópusambandinu án þess að fara úr því, því það er einfaldlega ekki hægt að setja slík lög. Brexit er Brexit eins og stríð er stríð, en ekki friður

Það var ekkert vandamál að ákveða þetta, því að Bretar gáfu í þjóðaratkvæði fyrirmæli um að Bretland yfirgæfi Evrópusambandið. Og þau fyrirmæli urðu að lögum. Algerlega óháð útgöngufælni þeirra sem halda að formlegheit séu inntak en ekki úttak í stjórnmálum: þ.e. formlegheit eru útblásturtegund, en ekki drifkraftur

Sumir ökumenn eru ávallt illa undirbúnir fyrir ný lög og rása því í kæk yfir í vinstri kant. Glæpamenn gera þetta líka. Fréttasnápar sömuleiðis og hagsmunatankar alltaf. Alltaf vanbúnir og grenja, líki þeim ekki lögin

Við skulum, í þessu sambandi þjóðar við stjórnmálamenn, ekkert vera að minnast á þá sem voru and-vígir (þ.e. óvígir) er þjóðin talaði, eins og til dæmis Bjarni Benediktsson formaður Sjálfstæðisflokksins og Co, hefur verið and-vígur íslensku þjóðinni í fullveldismálum og virðist enn, ef marka má grafarstemminguna sem ríkir hjá pukur-og áttavita-fingri formannsins út í loftið, og sem virðist hafa tileinkað sér pólitísk vísindi Barack Obama, um að leiða flokkinn áfram með því að vera fyrir aftan hann, e. "lead from behind". Eiginlega hef ég aldrei séð svona leiðtogssnauðan formann nema ef vera skyldi í Samfylkingunni. Samt er ég búinn að heppa á hann í 11 ár. En nei, forystukindin skal alltaf síðust fram

Eftir 10 ára mötun með teskeið, hefur flokks-forkista Sjálfstæðisflokksins þó í neyðartilfellum sest upp í útför flokksins og látið almenna flokksmenn og kjósendur um að mata sig á sumum staðreyndum, sem haldið hafa í henni lífinu og gert henni kleyft að hendast bersköllóttri frá einum kosningum til annarra. Með næstum allar fjaðrir foknar, eins og 1939, þegar flokksforystum tveggja stórríkja Evrópuskaga í vestri, tókst ekki að halda valdajafnvægi nema í sex vikur og sem kenndu svo Bandaríkjunum um getuleysi sitt með söguáburði um einangrunarband, á meðan að þau Bandaríkin voru önnum kafin í glímu við Japani, á fullu í Kína, Indónesíu og Filippseyjum. Engum nema Evrópukjánum datt í hug að hún væri enn nafli alheimsins. Sem betur fer kom ný Winston forysta að breska Íhaldsflokknum og tók líkkistu-matarforða friðþægingarstefnu flokksins bókastaflega í nefið og sigraði stórt. Já, friðþæging er skelfileg stefna sem lamað getur öflugustu herveldi heims og blásið þeim trú á teskeið í brjóst

Nú nú. Í gær var ljóst að hlægilegir fréttasnápar og hagsmunatankar um eyðileggingu Brexit, höfðu lítið annað gert en að "enduropna" sjálfa sig er þeir tókust upp af "af borðinu". Allt hjal um annað þjóðaratkvæði og "no deal" = "no Brexit" var einungis prentsvetra sem ódýr pappír þeirra þakklátur át

Nú er bara þetta í stöðunni: Nýtt lagamakkverk og svo útskúfun eins og í Icesave, eða: Bretland fylgir lögum eins og vera ber. Ekkert slæmt mun gerast við það að Bretland fylgir lögum landsins

Ég er afar ánægður með Miðflokkinn hér heima, um þessar mundir. Það er ég, vegna þess að þar finnst mér ég hafa fengið fulla peninga fyrir miðann á bardagann, hefði ég keypt hann. Það er ekkert við það að eiga heimsfrægan vesturlenskan miða í jarðarför, sem auglýst og blásin er upp sem kappleikur, korteri fyrir dauðadá. Kannski kýs ég Miðflokkinn næst, því þar virðist fara flokkur með leiðtoga. Ég kýs hann allavega ef bókari Sjálfstæðisflokksins leggur ekki fullveldi og sjálfstæði Íslands inn á mig í debet (efsta skúffan til hægri)

Það er ég sem kjósandi sem afhendi formanninum fyrirmæli eða ekki. Þeim á hann að taka og setja í stefnur og ef til vill í lög. Þetta kallast pólitískt umboð. En samt er ég bara minnsti minnihluti lýðveldisins: einn maður. Hugsa ég þó mitt - og ávallt einmitt það

Fyrri færsla

Farsímavefur Veðurstofunnar dauður

Furðu-sáttmáli undirritaður í Aachen, einu sinni enn

Fyrirlestur: George Friedman stofnandi Stratfor og GPF fjallar um framtíð NATO í Búdapest í síðasta mánuði og gerir áhorfendum jafnframt grein fyrir því að Bandaríkin eru afar ólík evrópsku landi

****

Leiðari Morgunblaðsins fjallar að hluta til um það Aachen-mál í dag. Og það tengist framtíð NATO

ALLIR

vita að það var og er NATO sem komið hefur í veg fyrir stríð í Evrópu

Og allir vita að það voru, né eru í dag, hvorki Þýskaland og Frakkland sem komið hafa í veg fyrir stríð á meginlandi Evrópu - og heldur ekki á Balkanskaga, né neins staðar

Það gerði NATO

Hvað er NATO?

Jú, það er alls ekki Þýskaland, og heldur ekki Frakkland

NATO er Bandaríkin

Hvers vegna leggja þá Berlín og París ekki áherslu á NATO. Hvers vegna leggja þau ekki áherslu á það eina sem virkar?

Jú vegna þess að Berlín og París eru ekki Bandaríkin. Það er málið

Bandalag Berlínar og Parísar er fyrst og fremst pólitískt og efnahagslega pervert fyrirbæri. Borgirnar tvær og bandalag þeirra eru dómsdagsvél Evrópu

Eftir seinna stríð þá var það fyrst dómsdagsvélin ERM, og nú síðast evran, sem Sigurður Már Jónsson blaðamaður kom inn á í Staksteinum í gær, þar sem inntakið úr pistli hans var prentað á gildan pappír. Þar fjallaði Sigurður um bók Ashoka Mody: Evruharmleikur í níu þáttum

 Dómurinn PDF. Endurútgáfa 2012. Formáli

Málið er hins vegar mörgum mörgum sinnum verra en Mody segir. Það er hringur úr gaddavír, eftir til dæmis Bernard Connolly, fyrrum EMU-sjeff Bretlands í Brussel, sem Brusselveldið gerði útlægan fyrir að segja satt

Berlín og París eru ekkert, og það vita þær. NATO líður því fyrir það-ekkert þeirra

Þær eru núll komma núll

Og af því að Franska þjóðin vill ekki vera það núll sem Macron-forsetinn úr Lotharingia-bankanum reynir að gera hana að, þá segja Frakkar að það sé skandall að þessi sáttmáli skuli hvergi ræddur við frönsku þjóðina - og að texta hans sé hvergi að finna í leynifélaginu Élysée í bunker Berlínar á öxli Lotharingia

Bæði löndin eru margklofin í herðar niður. Þýskaland er ekki eitt land og Frakkland er þverklofið á fransk-þýskum öxli valdastéttar Lotharingia

Þegar maður er ekkert, þá þarf bak manns engar byrðar að bera, nema pennann

Þýskaland og Frakkland á öxli sínum eru því að reyna að eyðileggja það eina sem vikrar: NATO-bandalag fullvalda ríkja

Nauða ég og nauða ef óskin ekki rætist. Aachen er nauð fjósakarlsins Magnúsar á pappír

Fyrri færsla

Níu atriði sem gera Trump eiginlega að Stalín

Hve stórt er það Stóra-Bretland sem er að yfirgefa ESB ?

Jú það er svona stórt

1. Þegar Bretland fer þá svarar það til þess að allur mannfjöldi rúmlega þessara 15 landa Evrópusambandsins yfirgæfi sambandið á einu bretti:

Malta
Lúxemborg
Kýpur
Eistland
Lettland
Slóvenía
Litháen
Króatía
Írland
Slóvakía
Finnland
Danmörk
Búlgaría
Austurríki
Ungverjaland
Plús einn þriðji hluti Svía

2. Þegar Bretland fer, þá svarar það til þess að öll hagkerfi þessara 19 landa Evrópusambandsins yfirgæfu sambandið á einu bretti:

Malta
Kýpur
Eistland
Lettland
Litháen
Slóvenía
Króatía
Búlgaría
Lúxemborg
Slóvakía
Ungverjaland
Grikkland
Rúmenía
Tékkland
Portúgal
Finnland
Danmörk
Írland
Austurríki

Atkvæðagreiðslan í ráðherraráðinu verður frá og með þá þannig, að norður-blokkin, þar sem Þýskaland er, verður þá komin í minnihluta og suður-blokkin mun ráða (35 prósent regla Lissabon sáttmálans). Þaaaað! verður fróðlegt að sjá. Sérstaklega þegar Þýskaland og norður-blokkin, með Finnland á evru-skallanum, verður til að byrja með látin fjármagna atvinnuleysisbætur til suður-blokkarinnar. Gerið svo vel. Halló martröð Þjóðverja => TRANSFER-UNION! Svo kemur allt hitt ofan í það. Haldið þið ekki að þetta, já þetta, muni enda í hinum eilífa og sanna friði? Jú að sjálfsögðu (ekki)

Aðalatriðið fyrir veruleikafirrtar elítur Evrópusambandsins er hins vegar það, að hurðin skellist sem fastast í bakið á Bretlandi þegar það fer. Hvílíkir klappþorskar á þurru landi!

Fyrri færsla

Rússar hafa loks náð valdi yfir Mueller-heila

Strategika númer 56 er komin út

Strategika Hoover-stofnunarinnar, númer 56, er komið út og fjallar að þessu sinni um Evrópu. Ritstjóri er Victor Davis Hanson bóndi og meistaradrengur sagnfræðingur í klassískri sögu og hernaðarsögu

1. European Defense:

Þrettán-bókahöfundurinn Angelo Codevilla, fyrrum flotaforingi, nefndarmaður í leyniþjónustunefnd bandaríska þingsins og núverandi prófessor emeritus í alþjóðamálum við Bostonháskólann, leggur úr vör með greininni Varnir Evrópu

Smá með rappskeiðinni: Evrópa er hætt að vera til. Ekkert sameiginlegt er þar varnarhæft lengur, því pólitísk-Evrópa er horfin í forarpytt ESB-elíta sem samanstendur af pólitískum lágmennum af skriðdýraætt, sem fyrirlíta líf venjulegs fólks. Nærri helmingur fæðinga í Þýskalandi er miðausturlenskur og hin pólitíska skriðdýraætt óttast fátt meira en kosningar. Evrópa er horfin og mun aldrei koma aftur. Þar er ekkert til að verja

... Current European elites inability to control their countries invasion by people from the Middle East and Africa, the migrants offenses against public safety, and the strictures imposed on native populations on the migrants behalf, are not least of the reasons why political Europe as we used to know it has ceased to exist. Other reasons, including the elites contempt for ordinary peoples way of life and manifold incompetence, are legion. Hence, the traditional parties are discredited, and the ruling classes are under siege by disaffected populations, especially the young. Without constituencies outside the establishment, they fear elections. Their very capacity to marshal people for any common purpose whatever is already gone. Their disappearance is only a matter of time.... Lesa

2. NATO Renewed (Coming Soon To A Theater Of War Near You)

Þar næst er grein eftir Ralph Peters sem heitir NATO endurnýjað (kemur bráðlega á næsta vígvöll við þig). Lesa

3. Urging More from Our NATO Allies

Þriðja greinin er eftir Robert G. Kaufman og heitir: Krefjumst meira af bandamönnum okkar í NATO. Hef ekki lesið hana enn. Lesa

VIÐTAL

Viðtal Óalgeng þekking: Churchill: gönguferð með örlögunum

Síðast en ekki síst ber að nefna kvikmyndað viðtal Peters Robinson í þáttaröðinni Óalgeng þekking við Andrew Roberts um nýja ævisögu hans um Winston Churchill, sem ber titilinn: Churchill: gönguferð með örlögunum (e. Churchill: Walking with Destiny). Þar kemur til dæmis fram að 90 prósent af breska heimsveldinu var af hinu góða og þótti af íbúum þess af hinu góða. Marxistar um miðja síðustu öld svertu það hins vegar til á alla kanta í pólitískum tilgangi

Bókin þykir víst ein besta slík um manninn Winston, því að ný skjalasöfn hafa opnast, meðal annars safn föðurs Elísabetar Englandsdrottningar. Ég hef ekki lesið bókina enn, en verð greinilega að bæta henni í sæmilegt safn mitt um Winston. Horfa á viðtalið hér

Megi dagurinn verða þér ábatasamur (í stað þess að grenja sig inn og svo aftur út af þingi)

Fyrri færsla

Yfir-nauðgari ESB sárlega móðgaður

Yfir-nauðgari ESB sárlega móðgaður

Á meðan: Dagurinn haldinn hátíðlegur Í Rúmeníu. Smíði Intermarium heldur áfram

****

Alla leið frá Stuttgart, ja, berast þær James Bondlegu fréttir að Þýskaland sé að móðgast svo herfilega að ekki verði úr bætt. Þetta er jú sjálft landið sem nauðgað hefur Suður-Evrópu í meira en 10 ár

Og hvað skyldi nú valda þessu hugarangri hjá þýskum? Nú nú, jú Richard Grenell sendiherra Bandaríkjanna í Berlín er byrjaður að skrifa og senda bréf. Hann er byrjaður að senda út bréf, en þó ekki til Grikklands, heldur til þeirra þýsku fyrirtækja í Þýskalandi sem hyggjast taka þátt í byggingu Nord-Stream-2 gasleiðslunnar frá Rússlandi, beint til Þýskalands og þar með alla leið til Suttgart, ja. Í bréfunum varar hann þýsku fyrirtækin við að taka þátt í þessu, því geri þau það, þá eiga þau á hættu að Bandaríkin refsi þeim, ja

Þetta líkist Grikklandsmálinu töluvert: Þýskaland hefur áratugum saman ekki staðið við gerða sáttmála í NATO, stofnað lífi bandarískra hermanna og annarra bandamanna í hættu, vanrækt stórlega eyðsluskyldur sínar og réttast væri því að Bandaríkin bönnuðu Angelu Merkel að meðtaka úrslit síðustu þriggja kosninga og gera þarf henni ljóst að lokað verður að sjálfsögðu fyrir dollarastreymi til Þýskalands og bannað að skipta þýskum evrum í dali (the non-convertibility trix), peningaskömmtun tekin upp eins Þýskaland gerði við Grikkland og Kýpur, og svo allt hitt: ERMSPFT, ERAMOGDT, EDBUVEF og ELA!

Fínt hjá Trump að láta sendiherrann um þetta smáland sem enga herflugvél á er flogið getur NATO-leiðangra í myrkri

Pólska Rzeczpospolita er sammála sendiherra Trumps

Rúmenía gat því miður ekki tekið símann, vegna hlátursgassins sem var í amerykanski-pitzunum hér að ofan, en hún er sammála Trump

Og nú ætlar bandaríski flotinn að hefja "siglingarfrelsis" siglingar í norður-norðurhöfum. Take that!

Fyrri færsla

Breskt xD-stæl-áhlaup á forstokkaða ESB-hólista í röðum breskra Íhaldsmanna

Breskt xD-stæl-áhlaup á forstokkaða ESB-hólista í röðum breskra Íhaldsmanna

Til gamans, mynd WSJ: Ríkið lokað vestanhafs. Einkaframtak í Hvíta húsinu. Hugsið ykkur! Trump borgar borgarana

****

Nú nú. Það væri freistandi að segja að Jón Bjarnason hafi rétt fyrir sér í því að Theresa May-or-may-Not, sé eins klár og hann segir. Jón Bjarna er að minnsta kosti klár, og alltaf klár í slaginn. Það veit ég, því ég kaus hann og Bjarna Harðari í Regnboganum 2013, því þá var Bjarni Ben í sömu esb-gúmmíbuxunum og Theresa May hefur nú kastað flokki sínum af sér í

Staðan í Bretlandi, eftir mestu auðmýkingu forsætisráðherra landsins nokkru sinni, þar sem 118 þingmenn hennar, eins og Jón Bjarna, settu landið sitt ofar eilífu en kólnandi lífi í eins konar Icesave-gúmmíbuxum, eins og þeim sem Bjarni Ben setti xD í, er þessi:

Frá og með nú mun leiðtogi Verkamannaflokksins ekki kynna opinberlega þá stefnu sína að setja fram vantrausttillögu eftir vantrausttillögu eftir vantrausttillögu þar til hún virkar. Nei það mun hann ekki gera. En þegar vantrausttillaga númer tvö verður sett fram eftir að þessi sem nú er á borðinu klikkar, þá mun flestum verða það ljóst, að Jeremy Corbyn leiðtogi Verkamannaflokksins hefur hugsað dæmið rétt. Þá munu menn skilja að aðeins er um tvennt að ræða í stöðunni: Þingmenn og kjósendur þeirra geta frá og með nú valið á milli þess að fara úr Evrópusambandinu án samkomulags, eða nýrra kosninga

Lykillinn sem Jeremy Corbyn notar er þessi: 118 þingmenn Theresu May sem settu landið sitt ofar eilífu en kólnandi lífi í gúmmíbuxum. Það mun þeir gera aftur. Og aftur. Það veit Corbyn. Tikk takk, tikk takk. Klukkan tifar.. og margar gamlar sögur amma sagði mér..

Nú ríður á að koma konunni í gúmmíbuxunum frá, og að setja í hennar stað þurran mann við stýrið. Líkurnar á svo kölluðu hörðu-Brexit (góðu lífi) hafa aukist verulega. Já verulega

Breskt atvinnulíf óttast Corbyn enn meira en hart Brexit vegna þess að Verkamannaflokknum tókst með eins konar þjóðnýtingar-útópískum gestapó-sósíalisma að leggja atvinnulíf Bretlands í rúst frá og með 1945 og þar til að frú barónessa og smákaupmannsdóttir Margrét Thatcher kom árið 1979, og sópaði sósíalismarugli flokksins út, og naut þess. Það er gott að Íhaldsflokkurinn man þetta enn, og það mun líklega þýða þurran nýjan Íhaldsbossa. Vonandi

Sterlingspundið styrktist því í morgun. Allt er eins og það á að vera á þeim vígstöðvum

Hollt er að leggja orð Styrmis Gunnarssonar í dag á minnið

"Það hefur verið sagt hér áður og skal endurtekið: Hörmungar Breta við að komast út úr Evrópusambandinu eru lexía fyrir okkur Íslendinga, aðvörun um að ganga ekki lengra en gert hefur verið í tengingu við ESB og um að láta ekki draga okkur lengra inn í þetta kerfi í gegnum EES."

Þýskir hafa rétt naumlega veitt fé til ráðningar 700 starfsmanna sem sjá eiga um tollafgreiðslur þýskra fyrirtækja inn og út úr Bretlandi. Tollafgreiðslan mun þó fara fram við skrifborð, en ekki á landamærunum

Þetta voru fréttir frá gúmmílandi Norður-Kúbu

- Með kveðju, Bryggjuhópurinn 

Fyrri færsla

Það góða við hermenn annarra þjóða

Það góða við hermenn annarra þjóða

Mynd: Það var þarna sem her Austurrísk-ungverska heimsveldisins leystist upp. Skipanir dagsins voru á sjö tungumálum

****

KJARNA-KRAPMAR ÚTÓPÍU

Að bankamenn spili fjárhættuspil með peningum annarra, er þekkt stærð. Dulbúnir sem sérfræðingar tókst þeim að setja Vesturlönd á annan endann árið 2008. Sá annar endir þeirra varir enn, 11 árum síðar, einmitt í Evrópu. Þar skelfur allt enn og nötrar, þökk sé tilvist Evrópusambandsins. Annars væri Evrópa að jafna sig. En það er hún bara ekki

En þegar kynnt er fyrir allt að 25 ESB-löndum fyrirætlanir og jafnvel áætlun um að hið sama sé gert við hermenn allra þessara þjóða, þá erum við komin upp í æðri lög sérfræðinnar: sjálfan kjarna-krampa útópíunnar. Elítu-spastíkina sjálfa, þar sem meira að segja græna ljósið í heiðnikirkjuveldi háskólanna bognar og bendir á rétta gúlag-reiti í lúdóleiknum metoo

Enginn ógeðbilaður kjörinn fulltrúi neinnar þjóðar mun nokkru sinni setja hermenn né her þjóðar sinnar undir stjórn fulltrúa og hershöfðingja annarrar þjóðar, né heimilis- og umboðslausrar alþjóðlegrar stofnunar

Mynd: Og það var svona sem myntbandalag Austurrísk-ungverska heimsveldisins var leyst upp; með stimplun. Hið sama var gert á svipuðum slóðum árið 1993 (PDF)

En gerist slíkt, þá má reikna með að hlaupið sem skýtur þriðju heimsstyrjöldinni loksins inn í miðja ESB-Evrópu, sé þá fullhlaðið, og bíði einungis eftir því að hermönnum einnar þjóðar sé fórnað á kostnað annarrar þjóðar, eins gert var á efnahagssviðinu, með myntinni evru, við Grikkland og lönd Suður-Evrópu, sem í 500 ár vernduðu norðrið gegn barbarisma ottóman- og íslamisma úr suðri. Að til dæmis franskir hermenn séu af vel vitandi þýskum stjórnmálamönnum og hershöfðingjum settir inn þar sem hættan er ákaflega banvænt mest og að franskir séu muldir þar niður, en þýskir ekki - eða öfugt. Venjulegt fólk verður að athuga að hér er um Evrópumenni að ræða, sem blikkuðu ekki þurru auga er þeir misstu hálfa milljón manns á tæplega tveimur vikum, fyrir aldamót. Öld er aðeins sekúnda í sögunni

Já, það góða við hermenn annarra ríkja er að þeim er hægt að fórna án þess að fórna sínum. Heilastappan í nafni "friðar" Evrópusambandsins getur varla stappast betur í mús en þetta. Slíkt getur varla verið mögulegt

Ekkert kemur í stað sjálfsákvörðunarréttar og sjálfsábyrgðar þjóða. Ekkert nema: villimennskan. Engin fjölþjóða-heimsveldi mannkynssögunnar hafa nokkru sinni haft snefil af lýðræði og takmarkað ríkivald þar innanborðs. Þau hafa ÖLL verið terror-ríki undir ótakmörkuðu valdi ríkisins. Þar inni ert einstaklingurinn þú, einungis abstraktsjón

Fyrri færsla

ESB gert höfðinu styttra gagnvart Bandaríkjunum

ESB gert höfðinu styttra gagnvart Bandaríkjunum

Mynd: 45. forseti Bandaríkjanna, Donald J. Trump

****

BANDARÍKIN HÆTT AÐ VIÐURKENNA ESB ?

ESB er sennilega að fá stöðu sem eins konar "OPEC" kartel í Bandaríkjunum

Bandaríkin lækkuðu stjórnmálalega tengsla-stöðu Evrópusambandsins gagnvart Bandaríkjunum, úr sendiherrahæfu fyrirbæri niður í eitthvað á borð við til dæmis.. tja.. kannski OPEC

Sendiherra Evrópusambandsins í Bandaríkjunum uppgötvaði skyndilega að hann var settur aftast í röðina án þess að tilkynnt hefði verið um að ESB væri ekki lengur hæft sem eitthvað er haft gæti sendiráð eða sendiherra-verðuga stöðu gagnvart Bandaríkjunum. Sambandið virðist nú vera með stöðuna "alþjóðleg samtök" gagnvart Bandaríkjunum. Sendi-herrann fékk þó hið persónulega herra-skilti sitt á ný, en er höfðinu styttri

Þetta er, meðal annars, að sjálfsögðu gert til að Angela Merkel geti ekki lengur blöffað Þýskaland áfram í Bandaríkjunum í dulargervi Evrópusambands og þar með skaffað sér fjarvistarsönnun fyrir því að vera einmitt allt það sem Evrópusambandið snýst um

D O W N G R A D E

Mynd, BBC: Sett aftast í röðina?

Sérfræðingar og álfhólabyggðin í samfylkingagrjóti þeirra, hlógu hátt í ágúst síðastliðnum er Donald Trump þóttist ekki skilja Angelu Merkel er hún sagði honum að Þýskaland gerði ekki viðskiptasamninga við önnur ríki, því það væri, sagði hún, Evrópusambandið sem gerði viðskiptasamninga fyrir Þýskaland (sem spilar vasapóker með allt sambandið í vösum sínum). Trump spurði þrisvar til að fá blöff hennar staðfest. Þann 24. ágúst skrifaði ég því þetta:

Donald J. Trump er nú farinn að líta á Evrópusambandið sem tollrænt fjölþjóðafyrirkomulag (e. multilateral) sem af prinsippástæðum er ekki hægt að gera tvíhliða viðskiptasamninga við. Eðlislægur og þar með fastbyggður viðskiptaójöfnuður milli ESB-landanna sjálfra, innan ESB, og svo út á við, en þá sem ein heild, gagnvart umheiminum, kemur í veg fyrir það, því þar með er ljóst að viss lönd í sambandinu nota það til að dulbúa sig í heiminum á kostnað annarra. Þetta fékk hann margstaðfest er hann þráspurði Angelu Merkel um möguleikann á tvíhliða viðskipasamningum milli Bandaríkjanna og Þýskalands. Landamæratollar, gengisfölsunar- og virðisaukaskattamótvog er því sennilega það sem Trump mun grípa til gagnvart Þýskalandi, sem er í þann mund að senda út fréttatilkynningar um stærsta viðskiptahagnað nokkurs lands á kostnað annarra í sögu mannkyns

Jæja. Nú hlær allt í einu enginn í álfhólum sérfræðinganna lengur. Því það sem er í vændum fyrir Evrópusambandið og sérstaklega Þýskaland á nýju ári, er þetta:

1. Viðskiptaójafnvægið á milli Þýskalands og Bandaríkjanna skal burt, alvega sama með hverju Merkel reynir að afsaka sig. Annars verður það bannfært í tollum. Beint, en ekki í gegnum ESB. Dulargerfið hættir að virka. Frumforsenda fjölþjóðlegra viðskipta er að þau séu í jafnvægi. Og það eru þau ekki. Engan vegin, því að alþjóðavæðingin brást

2. Þýskir bílaframleiðendur eru að fá hjartastopp vegna komandi tolla inn í Bandaríkin og vegna þess dísil-gate sem ESB í vasa Þýskalands skaffaði þeim, en upp um komst

3. Þýskir bílaframleiðendur munu flytja sig til Bandaríkjanna, með hraðlest

4. NATO-skuldbindingar ESB landa verða sendar til innheimtu á þessu ári og það leyst upp ef Þýskaland ríður ekki fordæmisgefandi á vaðið og hóstar því upp sem því ber. Annars er það út

5. Þýskaland er ekki bara á leið inn í kreppu. Það er á leið inn í hjartastopp á aðalbrautarstöð Útópíu; spor númer eitt, með brottfarartíma: óendanlega aldrei

6. Frá og með nú hangir áframhaldandi tilvist Evrópusambandsins á þeim tvinna sem Þýskaland hefur gert sambandið við Bandaríkin að

Það sama fer kannski að gilda um ESB og Kúrda, því að fulltrúi Bandaríkjanna í Sýrlandi sagði í ræðu sinni í Atlantic Council mánudaginn 17. desember 2018, að "Bandaríkin hafi ekki og geti ekki haft varanlegt samstarf við ekki-ríkis einingar". ESB er ekki-ríki

Fullveldi og stjórnarskrá lýðveldis Íslands ber að skoða í þessu ljósi; sem óendanlega fágæt tilvistarleg verðmæti. Hvorugt má útvatna

Ég leyfi mér að benda á samantekt mína um það sem utanríkisráðherra Bandaríkjanna sagði í ræðu sinni í Brussel fyrir jól og upptökuna af henni: Utanríkisráðherra Trumps: Frelsishlutverk þjóðríkja sé endurreist

Fyrri færsla

Get ekki horft á meiri Ófærð. Nota Bergman í staðinn

Gulu-vestin: Boxarinn frá Massy boxar frönsku lögregluna

Myndskeið: Gulum vestum var skyndilega lagt lið um helgina

****

Christophe Dettinger er franskur boxari sem varð Frakklandsmeistari í léttþungavigt árið 2007 og hélt titlinum í tvö ár. Þarna sést hann boxa. Kannski hefur framferði frönksu lögreglunnar farið í skap hans um helgina. Kannski ekki. En hann brást við. Enska dagblaðið Daily Mail, sem hefur nafngreint hann, segir að vegna þessa atviks eigi Dettinger yfir höfði sér 3-5 ára fangelsisvist. Er hans nú leitað. Rocky-húfuna á kollinum passar hann vel. Er annað hægt en að segja vaú hér - og velkomin til Evrópusambandsins?

Samkvæmt franska innanríkisráðuneytinu mótmæltu 50 þúsund manns nú um helgina, borið saman við 32 þúsund yfir jólin. Sagði ráðuneytið að 56 þúsund manna lögregluliði væri beitt gegn mótmælendum í landinu

Kannski þarf Macron forseti að fara að gera skellinöðru Hollande klára og fá hjálminn að láni sem aðstoðarmaður hans notaði við að berja mótmælendur. Og kannski lögreglumerkið líka. Ekki veit ég hvort að þetta sé staðfest sem verandi satt sem sést hér, en ljótt er það. Stundum eru fölsk myndskeið sett á YouTube. Við skulum að minnsta kosti vona að þetta sé ekki rétt

Áhlaup á Bastilluna gæti farið að koma til greina. En kannski að úrsögn Frakklands úr Evrópusambandinu geti stöðvað það. Varla er ofmælt að segja að þar innanborðs sé allt meira og minna á hvolfi og að reykinn sé farið að leggja upp af reiði fólksins í mörgum löndum þess

KÍNAKÁLIÐ OG ÁVAXTAFÉLAGIÐ

Leiðari Morgunblaðsins segir Warren Bufftet að fara varlega á hlutabréfamarkaðnum þessa dagana, vegna til dæmis Apple og Kína. En það fyrirtæki er stærsta einstaka eign Warrens. Ef hann fer nógu varlega þá kemst það kannski ekki upp fyrr en að hann er búin að fara mjög varlega að því að kaupa enn meira í Apple á meðan blóðið flytur. Hann vissi náttúrlega að frá því að Apple braut 200-dala múrinn þann fyrsta ágúst síðastliðinn, þá trylltist markaðurinn yfir alla línuna og bjó til bólustúf sem varaði í þrjá mánuði, eða fram í byrjun október. Þar rann svo á menn gríman gamla og þeir fóru að sjá að sér. Svo kom hin bólan, niðurbólan og andbólan (dældin), og þar erum við stödd í dag; í dæld. Það eru því góðir dagar fyrir Warren Bufftet í dag. Hann segist alltaf kaupa þegar óttinn ríkir og blóðið flýtur. Heimspeki hans er sú að hlutabréf séu eins og allt annað; þ.e. alltaf allt of dýr - og að hann voni því hvern einasta dag að þau lækki. En auðvitað gera þau það ekki, það veit hann of fossríkt vel. Ekki alltaf, en stundum. Þau lækka samt ekki nógu oft og þau hækka. Það vandamál geymir hann svo í peningaskáp

ÞÝSKALAND YFIRGEFI EVRÓPUSAMBANDIÐ

Þýski AfD flokkurinn (Valkostur fyrir Þýskaland) er þessa dagana að koma saman pólitískri stjórnarskrá flokksins fyrir næsta kjörtímabil ESB-platþingsins. Á prógramm flokksins er komin úrsögn Þýskalands úr Evrópusambandinu, takist ekki að forma sambandið til eftir óskum hans á næstu fimm árum. Flokkurinn segir að Evrópusambandið sé orðin gerspillt nómenklattúruklessa á Evrópu og að löndin verði að taka þjóðarmyntir sínar í notkun aftur. Hér er hið nýja prógramm AfD-flokksins á PDF formi. Hann er nú þriðji stærsti stjórnmálaflokkur Þýskalands - og sem sagt: kominn með úrsögn Þýskalands úr ESB á sína pólitísku dagskrá. Það eru stór tíðindi í því landi

Fyrri færsla

2018 var gott ár fyrir Bandaríkin: þau stækkuðu og urðu betri