Það góða við hermenn annarra þjóða

Mynd: Það var þarna sem her Austurrísk-ungverska heimsveldisins leystist upp. Skipanir dagsins voru á sjö tungumálum

****

KJARNA-KRAPMAR ÚTÓPÍU

Að bankamenn spili fjárhættuspil með peningum annarra, er þekkt stærð. Dulbúnir sem sérfræðingar tókst þeim að setja Vesturlönd á annan endann árið 2008. Sá annar endir þeirra varir enn, 11 árum síðar, einmitt í Evrópu. Þar skelfur allt enn og nötrar, þökk sé tilvist Evrópusambandsins. Annars væri Evrópa að jafna sig. En það er hún bara ekki

En þegar kynnt er fyrir allt að 25 ESB-löndum fyrirætlanir og jafnvel áætlun um að hið sama sé gert við hermenn allra þessara þjóða, þá erum við komin upp í æðri lög sérfræðinnar: sjálfan kjarna-krampa útópíunnar. Elítu-spastíkina sjálfa, þar sem meira að segja græna ljósið í heiðnikirkjuveldi háskólanna bognar og bendir á rétta gúlag-reiti í lúdóleiknum metoo

Enginn ógeðbilaður kjörinn fulltrúi neinnar þjóðar mun nokkru sinni setja hermenn né her þjóðar sinnar undir stjórn fulltrúa og hershöfðingja annarrar þjóðar, né heimilis- og umboðslausrar alþjóðlegrar stofnunar

Mynd: Og það var svona sem myntbandalag Austurrísk-ungverska heimsveldisins var leyst upp; með stimplun. Hið sama var gert á svipuðum slóðum árið 1993 (PDF)

En gerist slíkt, þá má reikna með að hlaupið sem skýtur þriðju heimsstyrjöldinni loksins inn í miðja ESB-Evrópu, sé þá fullhlaðið, og bíði einungis eftir því að hermönnum einnar þjóðar sé fórnað á kostnað annarrar þjóðar, eins gert var á efnahagssviðinu, með myntinni evru, við Grikkland og lönd Suður-Evrópu, sem í 500 ár vernduðu norðrið gegn barbarisma ottóman- og íslamisma úr suðri. Að til dæmis franskir hermenn séu af vel vitandi þýskum stjórnmálamönnum og hershöfðingjum settir inn þar sem hættan er ákaflega banvænt mest og að franskir séu muldir þar niður, en þýskir ekki - eða öfugt. Venjulegt fólk verður að athuga að hér er um Evrópumenni að ræða, sem blikkuðu ekki þurru auga er þeir misstu hálfa milljón manns á tæplega tveimur vikum, fyrir aldamót. Öld er aðeins sekúnda í sögunni

Já, það góða við hermenn annarra ríkja er að þeim er hægt að fórna án þess að fórna sínum. Heilastappan í nafni "friðar" Evrópusambandsins getur varla stappast betur í mús en þetta. Slíkt getur varla verið mögulegt

Ekkert kemur í stað sjálfsákvörðunarréttar og sjálfsábyrgðar þjóða. Ekkert nema: villimennskan. Engin fjölþjóða-heimsveldi mannkynssögunnar hafa nokkru sinni haft snefil af lýðræði og takmarkað ríkivald þar innanborðs. Þau hafa ÖLL verið terror-ríki undir ótakmörkuðu valdi ríkisins. Þar inni ert einstaklingurinn þú, einungis abstraktsjón

Fyrri færsla

ESB gert höfðinu styttra gagnvart Bandaríkjunum

Athugasemdir

[Húsari. (IP-tala skráð) 13.1.2019 kl. 09:35]

Sæll Gunnar.

Sé að Sisi keisaraynja af Austurríki
er á seðlinum.

Þetta hlítir kannski allt sömu örlögum sem og
hennar sjálfrar en hún var myrt af stjórnleysingjanum
Luigi Lucheni og með þjöl skv. þekktri bók.

Elizabeth keisaraynja af Austurríki, eiginkona
Franz Jósefs I,hans konunglegu og keisaralegu tignar;
hefur verið líkt við Díönu prinsessu enda margt
keimlíkt með örlögum þeirra.

[Halldór Jónsson, 13.1.2019 kl. 12:49]

ESB verður aldrei þjóðríki eins og Bandaríkin eru, ein þjóð með einn fána. Þessvegna mun það lúta í lægra haldi.Alveg eins og Kína sem er bandalag ólíkra hópa sem er haldið saman með terror.

[Sigurður Antonsson, 13.1.2019 kl. 13:51]

Húsari nafnlaus og Halldór situr við sinn keip. "Sitji guðs englar saman í hring".

Var að hlusta á símasamtal tveggja 10 ára stúlkna. Önnur er að fara til New York með foreldrum sinum og verður í "rimlaskóla". Töluðu báðar á ensku sem virðist vera hið nýja tungumál sem skjábörnin búa við. Þegar ég spurði þær nánar um hvað fangelsisrimlar táknuðu, var mér sagt að skólarnir væru umkringdir háum svörtum járngirðingum.

Hverjir eru betur staddir, sitt hvoru megin Atlantsála? Frakkar með gasgrímur eða Bandaríkjamenn sem búa við byssuofbeldi og ótta við ótraust landamæri. Dóná verður á sínum stað og Íslandseyjan hefur færst ískyggilega nærri umheiminum? Hið góða er að engin styrjöld hefur verið háð í Kína eða Evrópu í meira en hálfa öld fyrir utan uppgjörið við Tíótímann.

 

[Gunnar Rögnvaldsson, 13.1.2019 kl. 19:28]

Þakka þér Húsari.

Kveðja

[Gunnar Rögnvaldsson, 13.1.2019 kl. 19:28]

Þakka Halldór

Ævinlega allsherjarrétt hjá þér!

Kær kveðja

[Gunnar Rögnvaldsson, 13.1.2019 kl. 21:15]

Þakka þér Sigurður.

Já. Friðar-arðurinn (e. the peace-time divident) í Evrópu sem Bandaríkin hafa fjármagnað, greitt út til hennar og séð um að viðhalda, en sem esb-álfhóllinn hefur drukkið sig úr úr heiminum fyrir, er nú að byrja að hætta að berast, vegna þess að Evrópa hefur hnýtt útópískan hnút á súrefnið sem berst til hennar frá öndunarvélinni Bandaríkjunum. Öndunarfæri Evrópu eru að mestu leyti fyrir utan Evrópu, eins og hjá Ástralíu, enda um tvær minnstu heimsálfur jarðar að ræða. Bandaríkin sem ráða höfum heimsins, ráða þar með því hverjir fá sjóleiðina að gera útrás-innrás, eða ekki, og hvar. Og í Austur-Evrópu eru það Bandaríkin, Pólland og Rúmenía sem tvíhliða eru á múrnum sem snýr austur, en ekki esb-NATO. Bandaríkin voru rétt í þessu að sigla með poka af frelsis-fríttum inn á Svarahaf.

Þeir sem eru ekki með nytsemi landamæravörslu á hreinu, ættu að skoða landamærin á milli lífs og dauða á Kóreuskaga.

Ég hef ekki mjög miklar áhyggjur af íslenskunni, en er samt ekki alveg áhyggjulaus, eða kannski eins og þú. Það hafa alltaf verið allskonar stælar í gangi í sambandi við tungumálið. Þetta eru oftast tímabundnir imbastælar svipað og þegar sumir gengu um með kodda á maganum til að líkjast þú veist hverjum. Svo gengur þetta til baka, og fer jafnvel stundum í pendúlsveiflu alla leið inn í andstæðu sína, ofstækið. En þrátt fyrir allt það, eru skólarnir orðnir það of lélegir að þeir sem koma út úr þeim á hærra stigi, kunna minna af grunngildum en þegar þeir komu inn. Það þyrfti að setja útgöngupróf á. Kanna hve mikið situr eftir af grunninum. Og svo þarf að taka upp Biblíusögukennslu aftur; sem er eitt það þarfasta sem vitibornir menn þurfa að hafa á hreinu.

Nýjustu stælana hjá hinu nýgeggjaða útópíuliði Vesturlanda, tek ég hins vegar heils hugar undir: hér er um að ungt fólk að ræða sem segist ekki vilja eignast börn, því heimurinn sé svo vondur. Þetta er flott! - vegna þess að því fyrr sem svona fólk deyr út, því betra fyrir okkur hin. Eiginlega skil ég ekki af hverju þetta fólk kálar sér ekki bara strax, til að gera heim Vesturlanda betri, strax. Eftir hverju er það að bíða?

Bestu kveðjur og kærar þakkir fyrir kaffið..

[Gunnar Rögnvaldsson, 13.1.2019 kl. 23:34]

Afsakið Sigurður. Ég gleymdi byssueigna-atriðinu í Framhalds-Ameríkuhaturssögu vinstrimanna.

Já hvers vegna í ósköpunum að vera með þessar byssur. Það þarf að kaupa þær, og þá þarftu að eiga peninga, sem er afar erfitt, og að vera svona frekar normal. Svo þarftu að kaupa þér skotfæri. Svo þarftu að læra á þær og pukrast síðan með þær á staðinn. Svo þarftu að miða rétt, og hleypa af og sennilega ekki hitta, því annars þarftu að hafa fyrir því að æfa þig, og það er til of mikils ætlast, því fólk gæti endað með því að læra eitthvað nýtt og að kynnast nýju fólki.

Mun auðveldara er bara að taka eldhúshnífinn, 5-kg sleggjuna góðu, járnkall, sögina, eða bara eitthvað annað drápstæki sem til er á hverju heimili. Og til að kála sér - en yfirgnæfandi stærsti hluti dauðsfalla af völdum skotvopna í Bandaríkjunum eru sjálfsmorð - þá er miklu einfaldara að drepa sig með því að gera eins og gert er í Evrópu: þ.e. að skipta allt í einu um akrein og klessa full-frontal framan á náungann, helst ef hann er á Scania. Þurfi náunginn áfallahjálp þá kemur það vesalings þér auðvitað ekki við, því að "samfélagið" borgar. Þetta gera Evrópubúar í bunkum, enda skiljanlegt því þar eru síðustu forvöð að nota bílinn sem nýgræna sovétmyglan á þeim skiptandi staðartíma vill banna.

Hér eru stuttar leiðbeiningar um meðferð skotvopna.

Hmpf!

[Brynjar (IP-tala skráð) 14.1.2019 kl. 16:39]

Sæll Gunnar.  Ég hnaut um eitt atriði hjá þér og er þó að mörgu að taka.  Inntakið hjá þér það sama og venjulega, vond Evrópa en góð Bandaríki.  Best þótti mér þó að hinir vondu Evrópubúar fremja slæm sjálfsmorð á móti "góðum" sjálfsmorðum í USA.  Ert þú með eitthvað á bakvið þessa fullyringu ( einhvern link ).

Það er reyndar annað atriði en það er með biblíukennslu sem þú vilt stórauka.  Þú ert semsagt ríkistrúarmaður og vilt skilda mín börn til að læra biblíusögur en hefur engar áhyggjur af íslensku námi.  Það fynnst mér stórfurðulegt og beinlínis heimska.

Ef þú kannt ekki góða íslensku að þá takmarkarðu þína getu til að læra annað t.d annað tnungumál, stærðfræði og sv fr. 

[Gunnar Rögnvaldsson, 14.1.2019 kl. 17:52]

Þakka þér Brynjar.

Já ég er með "link" (krækju á íslenksu) á mig. Ég bjó í Evrópu í tæplega 30 ár og fylgdist með fréttum því að ég gat lesið fréttir vegna þess að ég kunni tungumálið og varð að kunna það og ég borgaði skatta í landinu, þá hæstu í heiminum. En enn hefur þó samt ekki tekst að tala við þá látnu. Ef þetta fólk hefði byssu þá gæti það kálað sér án þess að þurfa að leggja atvinnulíf óviðkomandi manna í rúst um aldur og ævi. Það var það sem ég vildi benda á. Byssur gera gagn. Dóttir mín var skiptinemi í Texas og þar þurfti ávallt að hafa byssur í bílnum til að skjóta til dæmis baneitraða snáka og annað banvænt og hættulegt til að komast til dæmis heim úr skóla.

Já ég er ríkistrúarmaður, því að ég er í Íslensku þjóðkirkjunni og Mótmælandi og ég mótmæli enn. Og ég veit að hún er á endanum sá turn sem heldur aftur af því að landið okkar breytist í allsherjar geggjunarsvæði gamalla kommúnista dýrkandi litla og stóra rauða Lenínkverið og sjálfa sig. Ég vil að minn Guð sé stærstur, því ég vil ekki að guð annarra og Karl Marx sé stærstur. Ef minn guð er gerður minni þá stækkar guð hinna og Marx líka. Það gerist alltaf þar sem útópía vinstrimanna ræðst að ríkjum. En fínt væri samt að banna ríkinu að reka skóla því það kann hvorki að reka skóla né að fara með fé almennings. Það brennir því. Það sést vel á íslenskunni. Borgararnir geta alveg rekið skólana, ef þeir vilja og gert miklu betur en ríkisskólar og eins er það með Þjóðkirkjuna. En ég vil samt hafa Þjóðkirkju og helst banna banvæn trúarbrögð, eins og til dæmis kommúnisma.

Kveðjur

[Brynjar (IP-tala skráð) 15.1.2019 kl. 01:34]

Þakka þér Gunnar málefnalegt svar.

Ekki vissi ég að Evrópubúar væru þetta slæmir í sjálfsmorðum. Það er bilun að meiða aðra

Hægri menn flestir fara mjög frjálslega með að skilgreyna þá sem eru vinstra megin við miðju sem kommúnista. Ekki þekki ég einn einasta vinstri mann sem vill koma á kommúnisma á Íslandi.

Þessar hægri / vinstri skilgreyningar eru líka orðnar svolítið skrítnar. 
Í dag er vaxandi hópur hægri manna sem er miklu meiri kommúnistar heldur enn vinstri menn.  Það eruð jú hægri menn sem í dag reisa múra, vilja banna önnur trúarbrögð en sín, eru með ríkisreknar njósna- og öryggislögreglur og vilja banna aðrar skoðannir en sínar. Þeir virðast líka hafa tekið upp umhverfisstefnu gömlu ráðstjórnar ríkjanna í heilu lagi  Það er kommúnismi í sjálfu sér að banna kommúnisma.

Kveðja 

[Helga Kristjánsdóttir, 15.1.2019 kl. 03:11]

  Sæll Gunnar! Hvað ég er sammála þér varðandi ríkiskirkjuna.
  Ég leik mér að því að setja á svið og heyra þig þruma þessa síðastu í ræðustóli,Það væri svo áhrifaríkt.-- 

[Gunnar Rögnvaldsson, 15.1.2019 kl. 22:20]

Sæl sértu líka Helga, og takk fyrir.