2018 var gott ár fyrir Bandaríkin: þau stækkuðu og urðu betri

Mynd: Donald J. Trump, 45. forseti Bandaríkjanna. Ekki fæddur í gær

****

Að gera Bandaríkin stór tókst vel á síðasta ári. Fleiri svona ár gera þau sannarlega mikilfenglegri

Á árinu 2018 urðu Bandaríkin stærsti olíuframleiðandi veraldar með því að framleiða 11,6 milljón tunnur af hráolíu á dag. Í fyrsta sinn síðan árið 1973, eru þau stærsti olíuframleiðandi heims. Frá því að Trump tók völdin jókst framleiðslan um 3 milljón tunnur á dag. Hann minnkaði flækjustig í reglugerðafrumskóginum og lét meira af landi ríkisins liggja lausara til notkunar

Á árinu 2018 urðu Bandaríkin stærsti jarðgasframleiðandi heimsins og næst stærsti kolaframleiðandinn

Á árinu 2018 urðu Bandaríkin sjálfum sér næg með orku og útflutningur olíu hefur farið úr 700 þúsund tunnum á dag upp í 2,3 milljón tunnur á dag í stjórnartíð Trumps

Á árinu 2018 stækkaði hagkerfi Bandaríkjanna um 1,7 billjón dali og varð þar með næstum tvöfalt stærra en það Kínverska. Það stækkaði um 3,4 plús 4,2 prósentur á tveimur síðustu fjórðungum ársins. Nú þarf þrjá Kínverja til að framleiða rúmlega helming þess sem einn Bandaríkjamaður framleiðir

Á árinu 2018 fór atvinnuleysi í Bandaríkjunum niður í 3,7 prósent og slíkt hefur ekki gerst allar götur frá 1969. Atvinnurekendur eru í fyrsta skiptið í manns minnum byrjaðir að leita eftir fólki, en ekki öfugt, og þrjár milljónir Bandaríkjamanna þurftu ekki lengur á matarmiðum frá ríkinu að halda. Átta milljónir manna misstu stöðu sína sem verandi fátækir miðað við stöðuna fyrir átta árum síðan. Þetta er hræðilegt áfall fyrir vinstrimenn, en hvað gera Demókratar í því? Jú þeir stunduðu eyðileggingar, hvern einasta dag ársins 2018

Á árinu 2018 sögðu Bandaríkin sig frá Parísasamkomulagi um fúpp og fídus, og gerðu betur í þeim efnum en flestir þeir sem þar sitja og fróa sér efnahags- og málefnalega á kostnað skattgreiðenda

Á árinu 2018 varð ekki stríð á milli Bandaríkjanna og Norður-Kóreu. Kjarnorkuvopnaprófanir hættu og engum eldflaugum var skotið á loft né yfir nágrannalönd þess

Á árinu 2018 hrundi NAFTA ekki eins og fjölmiðlar og vinstrimenn messuðu. Samið var um viðskipti á milli þriggja landa Norður-Ameríku á ný

Á árinu 2018 hrundi NATO-ekki. Evrópuríkin "segjast" ætla að taka meiri þátt í að verja sig og börn sín. Þetta er síðasti sénsinn sem Bandaríkin geta gefið NATO-löndum Evrópu, því að Bandarískur almenningur, sem nýtur ekki veisluhalda NATO-elíta Evrópu, er orðinn næstum því 100 prósent viss um að NATO sé gildra sem Evrópa er að reyna að læsa Bandaríkin föst í. Flækjustigið í NATO er slíkt að varla er lengur víst að Bandaríkin fái að flytja hermenn og hergögn frá Normandí um Þýskaland og til austur-vígstöðvanna. Það eina sem eftir er af gamla NATO eru Bandaríkin, Pólland og Rúmenía. Það er að segja Bandaríkin í Póllandi og Rúmeníu, tvíhliða

Á árinu 2018 var í fyrsta sinn ráðist í það þarfa verk að byrja að meðhöndla Kína sem terrorríki í viðskiptum, alþjóðlegri sambúð og pólitískum tilvistarmálum heimsins

Á árinu 2018 var með morði á Jamal Khashoggi reynt að brjóta í spað hið óformlega anti-Íran bandalag Bandaríkjanna, Saudi Arabíu, Ísrael og Sameinuðu furstadæma Arabíu og annarra. En það tókst ekki

Á árinu 2018 var Donald J. Trump með miklu meira flygi og vinsældir meðal kjósenda en Angela Merkel, Theresa May og Emmanuel Macron höfðu í sínum löndum

Á árinu 2018 héldu vestrænir fjölmiðlar áfram miðilsfundum í sjálfsmorðsherbergjum sínum

Á árinu 2018 voru grunngildi Bandaríkjanna endurreist meira á einu ári en ef til vill nokkru sinni áður: Ríkið og hið opinbera, fékk mun meira og fastara þá stöðu grunaðs aðila og sakbornings sem stofnun Bandaríkjanna snérist um að yrði ávallt staða þess í þjóðfélagi Bandaríkjamanna. Að ríkisstjórnin hafi ávallt þá stöðu og virki það illa að hún láti borgarana í friði. Alveg þveröfugt við Evrópuaðalinn, sem býr svo vel að stór hluti almennings skríður enn um á jörðinni kyssandi dugleysi hins opinbera og ömurleika þess - og sé eins og dópistinn, öskrandi á enn meiri dugleysis-pyntingar hins opinbera. Ýmislegt fleira má nefna árinu 2018 tekna, fyrir Bandaríkin

Er ekki kominn tími á að Íslendingar ræði Bandaríkjamálin af fullu viti á ný?

Krækja: Actually, 2018 Was a Pretty Good Year (VDH)

Fyrri færsla

Skyndilegt sölustopp Apple í Kína

Athugasemdir

[Sigurður Bjarklind (IP-tala skráð) 6.1.2019 kl. 10:00]

Góðan daginn.

Mér finnst það dálítið merkilegt hvað það birtast fáar jákvæðar fréttir af BNA allavega hér á landi. Aftur á móti er enginn hörgull á neikvæðum fréttum um Trump og BNA yfirleitt. Hvað veldur þessu innistæðulausa bandaríkjahatri? 

[Gunnar Rögnvaldsson, 6.1.2019 kl. 12:11]

Þakka þér Sigurður.

Góð spurning. Það er sjálfsfyrirlitning margra Íslendinga vegna okkar eigin vesældar og umkomu- og hjáparleysi í varnarmálum sem veldur þessu. Fæð er lögð á sjálfsbjargandi og sjálfsöruggan þann sem sér um að verja okkur gegn óvinum og án hvers við værum varla til í dag. Við þykjumst vera fullorðin en erum ofdekruð börn sem neitum að horfast í augu við það að við sjálf ættum að minnsta kosti að geta löggað loftrými Íslands með okkar eigin orrustuþotum í samstilltum streng með Bandaríkjunum. Þá væri risið á okkur hærra, ef við legðum 2 prósent af landsframleiðslu okkar í varnarmál en sóum þeim ekki í útópískt vinstrimannaföndur út og suður, en þó mest niður, og í geggjunarrekstri hins opinbera. Þá værum við verðugur parntner og myndum líta öðruvísi á málin. Þetta er óafsakanlegur aumingjaskapur hjá okkur. Ekkert afsakar svona aumingja-hegðun fossríks lands eins og okkar. 

Í Evrópu er það þetta sem veldur því að til dæmis í Þýskalandi er Bandaríkjahatrið mest í öllum löndum álfunnar. Fæð er lögð á þann sem heldur þeim tilvistarlega á lífi. Ef menn tækju sig hins vegar saman og girtu sig og skeindu sig sjálfir þá væri risið á mönnum hærra og samvinnan með Bandaríkjunum gengi betur og menn væru þakklátri fyrir hana og fyrir félagsskapinn. Þá gætu menn til dæmis aðstoðað Bandaríkin í Suður-Kínahafi, Norður-Kóreu, Mið-austurlöndum og svo sannarlega í Austur-Evrópu. En þannig er það ekki. Evrópa neitar jafnvel að aðstoða Bandaríkin við að verja Evrópu í Evrópu.

Kveðjur

[Ómar Ragnarsson, 6.1.2019 kl. 13:43]

Donald Trump fann ekki upp fracking eða bergbrot. Það var gert í tíð forvera hans og er með eðli námuvinnslu og rányrkju. 

[Gunnar Rögnvaldsson, 6.1.2019 kl. 14:14]

Mikið rétt Ómar. Enda er því ekki haldið fram hér. Svo hvers vegna ertu að ýja að því?

Lenín fann heldur ekki upp kapítalismann. En þegar útópískt þvaður hans um kommúnisma lét lífið í stórblóðssjó 70 milljón drepinna Rússa í hans nafni í Rússlandi, þá var kapítalismi leyfður og fólk hætti að deyja á pólitískt vísindalegu altari Leníns.

Trump er ekki kollvarpari, heldur kom hann til að uppylla kosningaloforð sín. Hann liðkaði fyrir þessu og blés mönnum hugrekki í brjóst og braut niður manngerðan frumskóg af reglugerðafargani, svo þeir kæmust í gegn.

Og Bandaríkjamenn fundu heldur ekki upp tunglið þó svo að þeir færu þangað sem sú fyrsta og eina þjóð jarðar sem þar hefur stigið niður fæti. Við eigum Galileo margt að þakka. En hann var bannfærður fyrir að finna upp tunglið.

Brátt fara menn að krefjast þess að fólki sé stungið í steininn fyrir að afneita lofhitakenningum umhverfisista. Nú þegar er byrjað að lögsækja þá fyrir að afneita pólitísku þvaðri lofthitasinna. Sagan endurtekur sig sundum sem farsi.

Kveðjur