Sjálfstæðisbarátta Bretlands

Kvöldvers Péturssonar í flutningi Mótettukórs Hallgrímskirkju hans, við lag Tryggva Baldvinssonar. Allt stórfenglegt hér - og líka þegar karlakórinn Heimir flutti versið í Reykholtskirkju

****

Brexit sýnir mönnum hversu erfið sjálfstæðisbarátta þjóða oftast er. Hún er erfið. Hún er einnig oft blóði drifin og ógeðfelld, því í henni skríða oft hinir verstu ormar hvers einasta þjóðfélags upp og opinbera sig sem þau úrhrök sem þeir eru

Lærdómurinn af þessu er sá að þjóðir mega aldrei aldrei nokkru sinni gefa frá sér hvorki fullveldi né sjálfstæði sitt

Sá útópíski heimur sem myndaðist frá og með falli Sovétríkjanna og sköpun Evrópusambandsins 1991, er heimur sem varð að deyja. Þetta eru dauðaöskur hans. Þessi heimur var orðinn þannig að ein umboðslaus nefnd eða einn maður í einum banka sem fann upp eitt rangt peningalegt verkfæri, eins og til dæmis undirmálslán eða ESB og evru, hafði möguleika á að taka allan þennan heim niður eins og spilaborg. Slíkar ofursamþættingar og keðjuvirki mega ekki verða til aftur

Eitt land verður að geta farið á hvolf án þess að taka allan heiminn eða álfuna með sér í fallinu. Aldrei aftur 1991-2008 útópía glóbalista og skrifstofuveldis Evrópusambandsins, sem gerðu þjóðir varnarlausar með því að ræna frá þeim fullveldi og sjálfstæði í sínum málum. Þannig gíslataka má ekki líðast aftur

Að hlusta á þessa eilífu stjórnmálafræðinga koma í DDRÚV til að útskýra það sem þeir greinilega vita ekkert um í þessu máli, nema á yfirborðinu, er eins og að hlusta á mann sem er að útskýra regndropa án þess að vita að himinn er til og að þar eiga skýin heima, sem hann veit heldur ekki hvernig myndast; teknókrati og afleiðu-trader heita þeir

Í kauphöllinni í París hættu menn ekki þeim viðskiptum sem gengu út á hvernig hagnast mætti á hernáminu, fyrr en að þýski herinn stóð ískrandi 10 kílómetrum fyrir utan borgina. Þá reyndu þeir að uppskera hagnaðinn, en misstu æruna, oft lífið líka, og landið missti sjálfstæði sitt og fullveldi

Þannig er sjálfstæðisbarátta þjóða oftar en ekki. Einn þriðji vill það sem rétt er og hreint, einn þriðji er vísvitandi eða óafvitandi þjóðarskíthælar og einn þriðji er óákveðinn, og bíður eftir merki frá þeim sem eru að sigra eða tapa í frelsisbaráttunni

Nema í tilfelli okkar Íslendinga. Þar voru svo gott sem allir sammála um að toga í sama hreina strenginn. Það tog þarf að herða og aldrei má á því slaka. Aldrei. Brexit sýnir og sannar það

Allir sem snerta ESB eitrast, fullveldis-tennur þeirra leysast upp og þeir breytast í þjóðarblóðsugur sem sjúga saftið úr þjóðinni. Það er alltaf munur á réttu og röngu

Fyrri færsla

Theresa May og Sjálfstæðisflokkurinn 

Theresa May og Sjálfstæðisflokkurinn

SVITABOLSSVÆÐI BENEDIKTS LÝÐSKRUMARA - OG FINNSK LEIÐI JÓHÖNNU SAMFYLKINGAR

Hún er ansi lagin hún Theresa. Að minnsta kosti enn sem komið er. Ef hún væri það ekki, þá myndu Íhaldsmenn rífa hvorn annan á hol og sundra flokknum í ótal bita. Í Sjálfstæðisflokknum ganga málin hins vegar fyrir sig á annan hátt. Þar þurfa menn ekki að sprengja neitt, því þeir ganga bara í annan flokk. Miðflokkurinn er að fyllast af Sjálfstæðismönnum sem fyrirlíta glóbalisma og vilja ekki vera með í því að rústa íslenskum landbúnaði. Þeir trúa heldur ekki blint á EES, sem er að reynast Íslandi á sama hátt og hinn innri markaður ESB er að reynast öllum þeim löndum sem heita ekki Þýskaland: hann er gildra á borð við stuðpúðasvæði Rússlands og Þýskalands. Í gamla daga hét rússneska stuðpúðasvæðið Sovétríkin en í dag heitir þýska stuðpúðasvæðið "hinn innri markaður ESB"

Mynd Trading Economics: landsframleiðslan á mann í Finnlandi (PPP). Tólf ára samdráttur, eyðni og stöðnun í þýskri evru

****

Finnland er fast í þessu, og er að láta þar lífið í hægfara efnahagslegum dauða. Þar deyja fleiri Finnar en fæðast. Landið er þátttakandi í eina sovétríki sögunnar með sameiginlega mynt, evrusvæðinu, og þjóðartekjur á mann eru mun lægri þar en þær voru árið 2008. Atvinnuleysi varð krónískt og varanlega hátt frá og með inngöngu landsins í ESB árið 1994 og ekkert gengur með útflutning Finnlands inn á stuðpúðasvæði Þýskalands, því þar er svartholið Þýskaland sjálft einvalda konungur yfir versta efnahagslega svæði veraldar; evrusvæðinu

Mynd Trading Economics: Atvinnuleysi í Finnlandi (prósentur). Stóra kryppan frá og með 1991 er hrun Sovétríkjanna og fast-gengissnákur EEC/EMS, ERM, og restin þar á eftir er ESB og evran. Árið 2009 féll landsframleiðsla Finnlands svo mikið að leita þurfti aftur til 1918 til að finna sambærilegt hrun, þökk sé handjárnun Finnlands í evrum. Nokia dó einnig í evrum á meðan álverið í Straumsvík malar enn gull í íslenskum krónum. Efnahagslegt mikilvægi álversins fyrir Ísland hefur alltaf verið meira en mikilvægi Nokia var í Finnlandi

****

Samanlagt hagkerfi evrusvæðisins árið 2017, var ennþá minna en það var árið 2009, segir í grein Walter Russell Mead á WSJ. Hugsið ykkur pyntingarnar á fólkinu sem býr þarna og hversu bágborinn neytendamarkaður svæðisins er. Á sama tíma óx bandaríska hagkerfið um 34 prósent. Það þarf ekki að leggja menn í lömunarstóla EES-samningsins til að skilja svona tölur. Þetta er versta efnahagssvæði heimsins. Hvorki meira né minna

Og nú eru fjárfestingar fyrirtækja á evrusvæðinu við það að hrynja á ný, segir Longview í Macro Trade nr. 97 þann 14. febrúar. Ekki batnar staða Finnlands við það. Það kemur að því að lengra niður götuna er ekki hægt að sparka dósinni sem heitir evrusvæðið og esb

Fyrri færsla

"Raiders" komnir í verkalýðshreyfinguna? Evrópa hefur klofnað

"Raiders" komnir í verkalýðshreyfinguna? Evrópa hefur klofnað

ÍSLAND  Á LEIÐ Í RAUTT

Það er ekki hægt að verjast þeirri hugsun að það sama sé að gerast með verkalýðshreyfinguna og gerðist með bankana á sínum tíma, er þeir voru boraðir út að innan með borvélum sem smygluðu sér þar inn, en sem reyndust vera pakkar fullir af þerripappír. Að verið sé að gera tilraun til að bora hreyfinguna út innanfrá, með aðstoð einhvers konar "e. raiders" eða reiðmönnum sem komast vilja yfir bæði peninga og völd og koma þar fyrir krosshagsmuna-tengslum. Við höfum fengið að vita að sjóðir verkalýðshreyfinganna eru ákaflega digrir. Endar verkalýðshreyfingin í vösum slæmra afla? Þegar hlustað er á talsmenn hennar, getur manni varla dottið annað í hug en bankaránið mikla á Íslandi

MEGINLAND EVRÓPU HEFUR KLOFNAÐ

Klofningur meginlands Evrópu, vegna innvortis strategísks gljúfurs, heldur áfram. Þar hafa málin þróast þannig að heimsálfan skiptist nú í tvo hluta sem frekar óðfluga fjarlægjast hvor annan. Fyrsti og mikilvægasti hlutinn fyrir Ísland er sá sem flygir Bandaríkjunum að máli (sjá hér). Flokkun landanna í þessum hluta er ekki enn fullkomnuð, en hún er í gangi. Síðari hlutinn, sem í framtíðinni mun verða andstæðingur Íslands, er sá hluti álfunnar sem fylgir Þýskalandi að málum, sem nú reynir sér til varnar að toga Rússland sem áhrifavaldsfélaga sinn inn í evrópska kerfið til þess að viðhalda stuðpúðasvæði hins svo kallaða "innri markaðs ESB" á sporbraut um sig. En án valda yfir hinum svo kallaða "innri markaði ESB" er Þýskaland búið að vera sem ríki, og þýskir vita það - og Bretland er farið

Frakkland er nú í miðju vaði að velja sér annað hvort örugga framtíð í fæðingarbandalagi þess við Bandaríkin, eða óörugga framtíð í ýtrast varasömu bandalagi með þeim sem fylgja Þýskalandi að málum. Mín skoðun er sú að Frakkland muni velja Bandaríkin og geti lítið annað gert fyrir sig en einmitt það. Vaxandi klofningur er nú að myndast á milli Þýskalands og Frakklands, því að Frakkland er ekki eins háð Bandaríkjunum og Þýskaland, því að land eins og Þýskaland sem flytur út næstum helming landsframleiðslu sinnar, er ávallt í vösum kúnna sinna og því afar viðkvæmt og hættulegt ríki. Hagkerfi þess er orðið hættulega vanskapað með aðstoð ESB. Það er Frakkland hins vegar ekki. Umræður um hvernig eigi að bregðast við áformum um bandaríska tolla á evrópska bíla sýna það. Þar vill Frakkland lítið sem ekkert aðhafast á meðan Þýskaland heldur um viðskiptahagnað sinn gagnvart Bandaríkjunum eins og að um ránsfeng sé að ræða; sem hann reyndar er. Samhliða þessu ferli eru Bandaríkin að byggja upp nýjan bandamanna-strúktúr í Evrópu. Síðan verður NATO gert að skrifstofu í fallegu einbýlishúsi við Genfarvatn, eins og Þjóðabandalag frá 1919

Eini gallinn við þetta fyrir Frakkland er þó sá, gangi þetta eftir, að þar með hefur Þýskaland tryggt sér bakvörð í austri, sem þýðir öflugra Þýskaland í vestri. Sú hugsun er þó sennilega blindgata fyrir þýska, því bæði Obama og Trump er komnir með fleyginn þar á milli og sem kallast getur Intermarium í smíðum úr þessu. Þar með myndi einnar-vígstöðva-pressan í vestri gagnvart Frakklandi hjaðna og Þýskaland með Rússland sem bandamann sett í skák og kannski mát. Þess vegna er NS2 svona mikilvægt mál fyrir þýska, en slæmt mál fyrir Evrópu1

Mikilvægt er að horfa ekki á meginland Evrópu sem bunka úr sáttmálapappírum. Sá bunki af sögulega endalausum pappírum og sáttmálum yfir hið pólitíska landslag Evrópu, er einungis þurr pappír, þar sem til dæmis Brussel er aðeins hinn tálsýnilegi hluti felumyndarinnar yfir álfuna í dag. Það sem hins vegar alltaf gildir og skiptir öllu máli um Evrópu, eru geópólitískir tindar, fjallgarðar, flóar og fljót, trú og þjóðir, eyjar og innhöf álfunnar. Þær landfræðilegu staðreyndir koma alltaf eins og rakvélablöð upp úr yfirborðinu og skera hvaða sáttmástofnun álfunnar sem er í tætlur. Þeir tindar fara ekkert, og þeir eru jafn hvassir í dag og ávallt áður í sögu álfunnar. Línurnar eru að skerpast

Og eins og Mike Pompeo sagði óbeint: "pappír er pappír, en það eru lönd og þjóðir ekki. Bandaríkin eru að fara yfir pappírana til að sannreyna þá, og að búa til nýja þar sem þess er þörf, og brenna þá sem virka ekki lengur"

Fyrri færsla

Hlýnun kommúnismans

Heilbrigð skynsemi er oft veik skynsemi

Nixon í glímu við gangster-element stjórnmála, svipað og Trump er í dag. Fjölmiðlar þessa mikla lands drógu svo bandarísku þjóðina á tálar í því sem þá var kallað Watergate-hneykslið, og hröktu úr embætti réttkjörinn forseta landsins sem aldrei í sögunni hafði sigrað eins stórt í kosningum, og sem gerði það vegna dugnaðar og hugrekkis. Því hefur þjóðin ekki gleymt. Hún var dregin á tálar og fjölmiðlar landsins sviku hana. Það þurfti því ekki mikið til að bandaríska þjóðin sæi í gegnum svikavef fjölmiðla þegar að síðustu forsetakosningum kom, þar sem Trump var kjörinn þrátt fyrir að vera með næstum allt fjölmiðlahyskið, bankana, Wall Street, tæknirisana, Hollywood, heiðnikirkjuveldi háskólanna, gáfumennin og hugveiturnar á móti sér. Bandaríska þjóðin mundi enn

****

GREININGARDEILDIN OG MORGUNKORNIÐ

Þeir sem halda að íslenska verkalýðshreyfingin sé eitthvað annað en pólitískt undirróðursafl þessi árin, og jafnvel að hluta til gangster-element, hljóta að eiga við veruleg ofheilbrigðisvandamál að stríða í skynsemissálu sinni, eða eru bara fyrsta farrýmisflón á leið í rútugrút nýmarxismans til Venesúela

Þegar þú fékkst vinnu í greiningardeild skynseminnar í Evrópu árið 1900, þá manstu núna að þú sendir út morgunkorn þín undir fyrirsögninni: Sterk, rík, friðsamleg og voldug Evrópa liggur í kortunum, - því það sagði hin "heilbrigða skynsemi" þér. Svona myndi þetta verða um aldur og ævi

Nú jæja. Klukkan er fimm að morgni sumardagsins fyrsta, fjórtán árum síðar (1914), og Evrópa logar stafnanna á milli og er á leið í þvílíka rúst að aldrei hefur annað eins sést

Á hinum sama degi fimm árum síðar (1919), þegar rústin er brunnin til ösku og Evrópa er banvænn öskuhaugur alls, þá sendir þú út nýja greiningu til viðskiptavina þinna og sú heilbrigða bregst fiðlubogalist þinni ekki aftur, sem eitt allsherjar sarg hinnar "heilbrigðu skynsemi", sem reyndar er fársjúk. Yfirskrift þín er því svona: "Þýskaland er búið að vera fyrir fullt og allt og friður sé með yður í hinu nýja samfélagi þjóðanna"

Nú jæja. Þú ert aftur kominn á ritvélina og hamrar þessi hjér hjartaslög skynseminnar, 21 ári síðar (1940): "Þýskaland ræður allri Evrópu og yfirráð þess eru komin til að vera. Þeir sem neita að horfast í augu við þessa staðreynd eru flón"

Nú jæja. Sex árum síðar (1946) ertu enn á ný með nýtt morgunkorn handa viðskiptavinum þínum, og það hljómar svona: "Þýskaland er í rúst og 70 milljón manns eru látnir. Öllum málum Evrópu er frá og með nú stjórnað frá Washington og Moskvu. Ekkert getur haggað því." En svo hrundi auðvitað Moskva 1989 og Þýskaland rann saman á ný 1990

Í dag er því staða mála þessi: Heimsálfan Evrópa, sem hin síðustu 27 ár var með tilkomu ESB 1992 stillt upp eins og Sovétríkin stilltu sér upp með sína stuðpúða í kringum valdamiðjuna í Moskvu, er að leysast upp. Evrópa er að leysast upp. Hún hefur þegar klofnað í tvennt. Algerlega í tvo hluta:

1. Einn hlutinn flygir Bandaríkjunum að máli og sér þau sem verndara sinn

2. Hinn hlutinn fylgir Þýskalandi að málum

Þetta var skorðið út í pappa á öryggismálaráðstefnunni í Munchen um síðustu helgi. Þar kynnti Angela Merkel neyðarlausn Þýskalands, og hún er sú að til að reyna að sporna við því að Þýskaland missi stuðpúða-svæðið sitt (hinn innri markaður) í kringum sig eins og Pútín berst í því að halda stuðpúðasvæði sínu á sporbraut um sig (dæmi Úkraína, Hvítarússland, Georgía, Há-Kákasus og Moldova). Þýskaland Merekls vill því innlima Rússland inn í "evrópska kerfið", sem Þýskaland notar til að halda sér á lífi (sbr: NS2 og því að halda NATO veiku og sjúku sem kjaftaklúbbi ótal nefnda og ókeypis kvöldverða, Pútín í hag)

Hinn hlutinn sem vinnur gegn henni og með Bandaríkjunum, vill hins vegar ekki verða þýsk-rússnesk nýlenda í vösum Berlínar og Moskvu. Bara alls ekki, og síðast þegar slíkt gerðist var til dæmis Pólland þurrkað út. Þetta fatta ostpolitk-kratarnir og Þýskalands-fetistarnir í Sjálfstæðisflokknum ekki enn, enda skildu þeir Kalda stríðið varla heldur. Svo þeir eru bara úti að aka í sinni "heilbrigðu skynsemi" og fóðra djöfulinn með krataþvælu sinn áfram

Til fjandans með íslenska verkalýðshreyfingu sem dulbúinn marxískan stjórnmálaflokk, sé hún það, þó ekki væri nema að hluta til. Til fjandans með þannig hreyfingu, hún á ekki rétt á sér. Vakna þú vesalingaveldi hægrimanna með heilabú kratismans sem implant. Látið höfuð ykkar ekki morgunkornast. Slíkt getur verið banvænt

Þeir sem ætla einu sinni enn að beita heilbrigðri skynsemi við að greina hvernig meginland Evrópu og þar með Evrópusambandið muni þróast á næstu árum, verða fyrir sárum vonbrigðum með greiningar sínar

Stefna Bandaríkjanna gagnvart Evrópu er því einu sinni enn komin á genetískan auto-pilot. Að hindra það að engin ein eining geti ráðið yfir meginlandi Evrópu. Stuðla að því að valdajafnvægi sé engri einni stórri valdaeiningu í hag og að koma í veg fyrir að hún geti myndast. Bonk; Brussel er bambuskofi; Pompeo lenti hér, en ekki þar; og sjálfstæði Grænlands liggur því í loftinu. Línurnar skerpast og skýrast:

Turning and turning in the widening gyre
The falcon cannot hear the falconer;
Things fall apart; the centre cannot hold;
Mere anarchy is loosed upon the world,
The blood-dimmed tide is loosed, and everywhere
The ceremony of innocence is drowned;
The best lack all conviction, while the worst
Are full of passionate intensity.

Fyrri færsla

Hatursiðnaður góða fólksins

Aldrei aftur!

FJÉLAGAR, TAKIÐ EFTIR!

Það er hægt að laga þetta allt saman (launamálin) með því að taka upp rúblu. Og svo með því að launþegar séu á að minnsta kosti jafn háum launum og verkalýðsforystan hefur sjálf. Allir fá þá vinnu við verkalýðshreyfinguna, því það er þar sem hin raunverulegu verðmæti og samkeppnishæfni þeirra verða til.

Þá stöðvast loksins allar þessar utanlandsferðir og hlýnun jarðar hættir, eins og kom fram í frumukassa DDRÚV. Konur fá þá aftur forræði yfir líkama sínum og geta ekki lengur gert það með hverjum sem er hvenær sem er, án afleiðinga, og Þjóðviljinn byrjar að koma út aftur

Hvaðan peningarnir eiga að koma skiptir ekki máli, því þá höfum við rúblur. Og svo verða fyrirtækin fljótlega komin í vinnu hjá launþegum. Þau vinna þá við að borga þeim laun og við höldum launum fyrirtækjanna niðri svo þau geti aldrei aftur tekið upp á því að borga ein hæstu laun í heiminum. Aldrei aftur!

Svo þegar búið er að jafna laun bankastjóra, helst við jörðu, þá má enginn nokkru sinni komast að því að heimilin eru stærsti lánveitandinn í hagkerfinu. Þeir sem taka sig af fé heimilanna verða skilyrðislaust að vera... tja.. það er víst óþarfi að segja nákvæmlega frá því hér.. jáh, svipað og þær réttdræpu afætur sem vinna hjá lífeyrissjóðum landsins sem eru í eigu heimilanna og sem ávaxtað hafa fé almennings svo hrikalega hátt að heimilin eiga alla landsframleiðsluna 1,7 sinnum, og heimilin "eiga því bókstaflega allt" í landinu.. nei bíddu.. bíddu hægur.. þetta átti ekki að vera svona.. nei það getur varla verið.. andartak.. andartak..

..HLÉ VEGNA BILANA

FJÉLAGAR! EN HVERNIG VIRKAR LÁGLAUNASTEFNA?

Dæmi: Þýska Hartz-láglaunastefnan í Þýskalandi virkaði svo vel að sá sparnaður sem gat orðið til í þýska hagkerfinu, varð allur til hjá útflutningsfyrirtækjum landsins. Og þegar sparnaður verður til hjá fyrirtækjum, en ekki heimilum, þá heitir hann hagnaður

Hlutur Þjóðverja í neyslu landsframleiðslunnar, sem fyrirtækin framleiða, varð svo lítill að flytja þarf helming landsframleiðslunnar út

Við þetta hvarf einnig útlánamarkaðurinn fyrir þá peninga sem þýskum fyrirtækjum gæddist vegna láglaunastefnunnar. Þýsk heimili gátu ekki tekið við sparnaði (hagnaði) fyrirtækjanna í formi útlána í gegnum bankakerfið, til neyslu. Og ekki nóg með það, þýsk heimili hættu að vera lánshæf, vegna lágra launa

Þessu fé sem þannig hafði verið "rænt" frá þýskum heimilum (með blessun verkalýðshreyfinga esb-sossa) með því að gera hlutdeild þeirra í neyslu landsframleiðslunnar svona lítinn og þannig koma í veg fyrir að hagnaður gæti orðið til hjá heimilunum, já honum var svo skipað út og þrýstidælt inn á evrulöndin í suðri, undir útlánastöðlum sem bannaðir vori heima í Þýskalandi

Í suðri voru raunstýrivextir evrunnar neikvæðir og þýsku fé dælt þar inn á nafnvöxtum sem þau gátu ekki fengið heima í Þýskalandi. En vextirnir voru samt falskir og staðbundið-neikvæðir og útlánin brunnu niður. Þeir hefðu átt að vera hærri og þar með hindrað suðræn heimili í að brenna hagkerfi sín niður og þar með komið í veg fyrir svona ósvinnu. En þar sem ECB-seðlabanki evru er miðaður við þarfir Þýskalands aðeins, þá voru vextir hans í suðri ásamt þýska þrælaríkinu í norðri, eldsspýtan sem kveikti í evrusvæðinu. Þetta er sennilega eitt stærsta útflæði á illa fengnu fé undir beltisstað í sögu mannkyns. Í sumum löndum Suður-Evrópu nam þýska innflæðið 30 prósentum af landsframleiðslu

Þannig var því sem með réttu átti að vera sparnaður í eigu þýskra heimila, dælt inn á evrulöndin í suðri svo að þau hefðu fé til að kaupa útflutninginn af þýskum fyrirtækjum, sem gengu fyrir þrælum á lágum launum í norðri

Og þegar að evrulöndin í suðri sprungu vegna þessara undirboða alls í þýskt stjórnuðu ESB og svo vegna fjármálakreppunnar sem Þýskaland átti stóran þátt í að skapa, þá var það ákveðið í hallarsölum ESB, sem eru í vösum Þýskalands, að það væru löndin í suðri sem myndu verða gerð upp, í stað þess að láta þýsku bankana, sem lánuðu peningana út, rúlla. Það kom bara diktat um það frá Berlín og París

Messustjórinn yfir þessu öllu voru tveir kanslarar Þýskalans úr sömu stór-samsteypunni, Schröder og Merkel, sem er eilífðar samsæri þýska elíta gegn þjóðinni, sem á ekkert, en er hlýðnir þrælar

Og þar sem löndin í suðri eru í föstu og handjárnuðu gengisfyrirkomulagi við Þýskaland með evru, þá voru þau varnarlaus með öllu. Það eina sem land eins og Þýskaland skilur er fyrirvaralaus gengisfelling beint í andlit þess

Fyrri fræsla

Kjarabarátta breytist í kommabaráttu?

Viðskiptaráðuneyti Bandaríkjanna hefur sent bíla-skýrslu til Trumps

Angela Merkel sagði á öryggisráðstefnunni í München að henni fyndist að NATO ætti ekki bara að vera hernaðarbandalag, heldur ætti það að vera "samfélag" --ha ha ha og hristist-- um "sameiginleg gildi" --sem hún er ekki tilbúin að verja, heldur bara neyta-- ha ha ha og hrekk af stólnum

Viðhorf hennar til viðskiptajöfnuður Þýskalands við umheiminn, sérstaklega Bandaríkjanna, innihalda engar slíkar óskir um að deila með Bandaríkjunum viðskiptahagnaði þeim sem hún hefur komist yfir með því að aðrir sitji uppi með viðskiptahalla. Þar gilda allt önnur viðhorf. Viðskiptahagnaður Þýskalands er á stærsti í heiminum og hann er illa til kominn

Það var aldrei meiningin með endurreisn Bandaríkjanna á Þýskalandi, að það land þyrftu Bandaríkin að fóðra á eftirspurn um aldur og ævi. Og sérstaklega ekki þar sem Þýskaland felur sig með reglugerða-síkisfljóti ESB umhverfis sig og þykist ekki geta gert neina samninga við neinn, en er svo sá aðili sem er sjálfur kastalinn sem síkinu er ætlað að verja. Trump hefur séð í gegnum trix Þjóðverja, gengisfölsun þess með evru, og kúgun þeirra á þeim löndum sem eru handjárnuð við það með föstu gengisfyrirkomulagi evru. Eftirspurn er verðmætasti hlutur jarðar í dag og í þeim efnum er Þýskaland svarthol. Það sogar til sín eftirspurn annarra landa, en skapar sjálft enga

Og þar sem það er ekki hægt að ná til Þýskalands, hvorki í gegnum ESB né WTO, þá er það nú þannig að fjölþjóðaisminn sem sprengdi heiminn í loft upp anno 2008, er að deyja. Í stað hans er komin gagnkvæmnisstefna í viðskiptum og pólitískri samvinnu og líka á sviði öryggismála. Ef þú hótar mér þá hóta ég þér, og mitt prik er stærra en þitt og það virkar. Það er ekki eins og að þú og þitt loftprik virki til neins í samvinnu með neinum, Angela, og sem þú áttir fyrir langa lögnu að hafa gert að fullgildu priki meðal þjóðanna, í stað þess að níðast á þeim eins og krónískur betlari

Frumforsenda fjölþjóðaismans var að viðskiptajöfnuður á milli landanna væri í jafnvægi. Þetta er reyndar sjálf frumforsenda alþjóðlegra viðskipta. Þessu nauðgaði Þýskaland í spað, og sérstaklega eftir að það fékk evruna sem dulbúning. Landið hefur tröllriðið alþjóðlegum viðskiptum. Það hefur Kína líka gert, ásamt Asíulöndum, en Þýskaland er verst í þessum efnum

Viðskiptaráðuneyti Bandaríkjanna hefur nú lokið við skýrslu um bílaútflutning Evrópusambandslanda til Bandaríkjanna. Hún segir í niðurstöðum að hann sé ógn við öryggi Bandaríkjanna. Donald Trump hefur nú 90 daga til að melta skýrsluna og gera eitthvað í málinu. Þetta er pólitísk aðgerð, því það er hvorki hægt að ná til Þýskaland í gegnum viðskiptasamninga við ESB né með því að nota regluverk Alþjóðaviðskiptastofnunarinnar WTO. Þýskaland hefur vísvitandi gert sig að torgreinanlegum Stealth-gengisfalsara og það uppfyllir öll þau fjögur skilyrði sem liggja að baki skilgreiningu Baracks Obama á gengisfalsara, og sem bandaríska þingið er með á tandurhreinu

Nú fer Trump í tankeboks með skýrsluna, hlæjandi að kaldastríðsrústum öryggisráðstefnunnar í Munchen, þar sem hárkollusafni Merkels var stillt fram á kústsköftum þýska hersins, sem er ekki til, og öðrum ESB-löndum boðið að máta þær á niðurbrenndan skalla sinn í evrum. Rettidig omhu er mottó Trumps. Þar er allt byggt og afhent á réttum tíma, betra en var lofað, og á betri kjörum en var samið um. Þetta verður spennandi

Þýskir eru hættir að vera leiðir yfir því sem þeir gerðu saman með Hitler. Sá leiði hefur nú breyst í leiða yfir því að hafa tapað stríðinu. Ísrael er jafnvel komið sem endurprentað skrímsli á gömul sossa-plaköt og hvergi mælist andúð á Bandaríkjunum meiri í Evrópu en í Þýskalandi. Þannig virkar Þýskaland. Það er frekar misheppnað ríki að stjórnarfarslegu leyti. Næsta syrpa Evrópu er því í smíðum sökum þess að stærsta og öflugasta ríki álfunnar afneitaði veruleikanum. Það hefur bara tvo takka; mikilmennskubrjálæði eða sjálfsmorð, on eða off

Það er bara ein leið út; og hún er sú að flytja verksmiðjurnar fyrir bílana sem Bandaríkjamenn eiga að kaupa af þýskum, til Bandaríkjanna, lækka verðið, og auka framleiðnina, því annars étur GM hinn þýska verndaða bílaiðnað lifandi með sína 44 bíla á ári á hvern starfsmann, á meðan þýskir geta aðeins framleitt 20

Fyrri færsla

Heimsókn Pompeo: Íslandi sett nýtt hlutverk og mikilvægi

Heimsókn Pompeo: Íslandi sett nýtt hlutverk og mikilvægi

Er virkilega enginn nema ég sem kem auga á hvaða grundvallarbreyting er að verða á mikilvægi Íslands í gagnkvæmu bandalagi okkar og Bandaríkjanna. Af hverju kom utanríkisráðherra Bandaríkjanna til Íslands?

Jú staðan er þannig að mörg rauð ljós vegna Norður-Atlantshafs og Íshafsins hafa í nokkur ár blikkað í mælaborði Hvíta hússins. Trump forseti sópaði gáfumannaskýrslunum ofan af þeim þegar hann kom inn, og hófst handa. Rauð ljós eru rauð ljós og þau á að taka alvarlega

Þau eru, ásamt öðrum, þessi: Grænland er á höndum ríkis sem ræður ekki við það sem geópólitíska einingu í veraldarhafinu. Það er á höndum Danmerkur, og Danmörk er í ESB og ræður ekki miklu um sín mál. Grænland er einnig á höndum Danmerkur sem verandi barn þess. Þessu barni getur Danmörk ekki sinnt því hún hefur hvorki pólitískan vilja til þess, né þau auðæfi sem þarf til að vernda það gegn slæmum ölfum í heiminum, né að skaffa því örugga og farsæla framtíð. Það geta einungis Grænlendingar gert sjálfir. En til þess þurfa mikilvægar breytingar að eiga sér stað fyrst:

Mike Pompeo kom til Íslands til að hefja það verk í samvinnu með Íslandi að leiða Grænland til sjálfstæðis sem fullvalda ríki. Við eigum að taka á okkur aðstoðarhlutverk í svipuðu ferli og við sjálf fórum í þegar að Bandaríkin studdu okkur til þess að verða sjálfstætt ríki

Bandaríkin eru byggð á Biblíunni og hún segir að enginn megi vera konungur/forseti yfir öðrum þjóðum. Bara sinni eigin þjóð. Þetta er frumregla sem enginn ætti að hunsa að ástæðulausu. Á því græddum við 1944. Og nú er það hlutverk Íslands að endurgjalda Bandaríkjunum þann greiða, með því að aðstoða þau við að frelsa Grænland úr festum við danska konungsríkið, svo að Bandaríkin geti í samvinnu með Íslendingum veitt Grænlandi sömu aðstoð og þau veittu okkur á leið okkar til sjálfstæðis og á fyrstu áratugum þess þar á eftir

Þess vegna sendi Donald Trump sinn æðsta diplómat til Íslands til að hefja þetta ferli

Við getum ekki sagt nei og við ættum ekki að segja nei. Við getum þetta og við erum siðferðilega skyldug til að segja já. Erum við klár? Já, saman með dýpsta bandamanni okkar: Bandaríkjum Norður-Ameríku

Bandaríkin þola ekki lengur kæruleysislegan umgang Danmerkur með Grænland. Lönd á ekki að láta reka ábyrgðarlaust um veraldarhafið. Þrír flugvellir sem næstum því komust á kínverskar hendur í Grænlandi var mjög svo ergilegt símtal sem varnarmálaráðherra Bandaríkjanna, vegna kæruleysis danskra stjórnvalda, var þvingaður til að hringja (Sjá grein WSJ 10. febrúar 2019). Of seint er að koma kínversku málmasamsteypunni Shenghe Resources Holding út úr Grænlandi, en margt annað er sennilega hægt að stöðva

Og þar sem til dæmis fyrrverandi Frankfurt-Hahn herflugvöllur Bandaríkjanna í Þýskalandi er með samþykki þýskra stjórnvalda kominn í 82,5 prósent eigu hins kínverska HNA Airport Group, þá er vel vitað hversu hörmulega ábyrgðarlaus yfirvöld landa Evrópusambandsins eru þegar að þjóðaröryggi kemur, þar sem Þýskaland ríður ávallt á vaðið sem kærulaus leiðtogi útópíu á framfærslu Bandaríkjanna í öryggismálum, sem það misnotar á hinn grófasta hátt. Og löndin sem eru á ESB-sporbraut umhverfis Þýskaland, fylgja sjálfkrafa slæmri fyrirmynd þess

Grænland er í túnfæti Bandaríkjanna og Kanada. Það verður tekið á málunum. Innganginum inn í Norður-Ameríku verður lokað, hvað sem það kostar og hvernig sem hann hugsanlega gæti orðið. Þjóðaröryggisstefna byggir alltaf á því versta sem getur gerst. Annars væri hún þjóðaróöryggisefna

Kannski sástu þetta fyrst hér

Fyrri færsla

Nei. Við ætlum okkur ekki að brenna inni í ESB og EES

Nei. Við ætlum okkur ekki að brenna inni í ESB og EES

Mynd: Síðustu 12 mánaða þróun iðnaðarframleiðslu helstu iðnaðarlanda á evrusvæði Evrópusambandsins, sem nú hefur náð föstum viðskilnaðarhraða við bæði borgarana í löndum þess og Bandaríki Norður-Ameríku

****

Stofnun Evrópusambandsins gekk að miklu leyti út á að ná sér niðri á Bandaríkjunum og engilsaxneskri stjórnarskrárbundinni ríkisstjórnun með lýðræði og réttindum fyrir borgarana. ESB-öflunum þótti skandall að Bandaríkjunum í vestri hefði tekist að verða það ríki frjálsra manna, sem lifað hefur lengst í allri sögu mannkyns sem frjálst land, frjálsra manna, sem stjórna sér sjálfir án kónga, keisara og einræðisherra. Bandaríkin eru eina landið í mannkynssögunni sem bæði er frjálst og öruggt samtímis. Þau eru eina ríkið í mannkynssögunni sem státað getur af slíkum árangri

Svona skuggalegum og subbulegum árangri í þágu fólksins (horrör aðalsins), hefur Evrópusambandinu að miklu leyti tekist að berja niður í fæðingu í Evrópu, með því að Evrópusambandið hefur þjóðnýtt sjálf stjórnmálin í öllum löndum sambandsins. Þau mega ekki snúast um annað en samruna. Sjálfstæðið er þegar horfið og fullveldið er komið í tætarana í Brussel

Ísland verður skilyrðislaust að höggva á EES-togvírana niður til Evrópu, ef við eigum ekki að sökkva með henni. Þessi heimsálfa er orðinn geldur steinn til eilífðar. Hún er að verða lífshættulega steindauð blindgata fyrir Ísland. Við verðum að horfa í vestur og taka okkar á eins og Guðlaugur Þór

Samanlagt hagkerfi evrusvæðisins árið 2017, var ennþá minna en það var árið 2009, segir í grein Walter Russell Mead á WSJ. Hugsið ykkur pyntingarnar á fólkinu sem býr þarna og hversu bágborinn neytendamarkaður svæðisins er. Á sama tíma óx bandaríska hagkerfið um 34 prósent. Það þarf ekki að leggja menn í lömunarstóla EES-samningsins til að skilja svona tölur. Þetta er versta efnahagssvæði heimsins. Hvorki meira né minna

Ekki aðeins hefur íslenska verkalýðhreyfingin reynt að troða Íslandi inn í hið brennandi hús Evrópusambandsins, og þess vegna samþykkt rústun á íslenskum vinnumarkaði með innfluttum þrælum, heldur heimtar hún nú að brennandi hús Evrópusambandsins séu með ESB- og EES rétttrúnaði flutt inn til Íslands til að brenna landið okkar niður innanfrá

Þetta verkalýðshreyfinga-lið, sem allt of lengi hefur fyrst og fremst verið lítt dulbúin pólitískt vinstrihreyfing, leitaði sér alltaf andlegs og pólitísks fóðurs í Sovétríkjum. En hún en snéri sér svo til Evrópusambandsins, eftir að hennar líkar höfðu brennt Rússland niður til grunna, og borgara þess með. Það er kominn tími til að þessi hreyfing sé handtekin til ríkisendurskoðunar. Ég kaus þetta lið ekki. Og það gerði heldur enginn annar

Fyrri færsla

Innflutt verkalýðsforysta betri kostur [u]

Innflutt verkalýðsforysta betri kostur [u]

Já, sammála Drífu ASÍ með sín ofurlaun á mánuði. Það þarf að ná verðinu á verkalýðshreyfingunni niður, ég er sammála því. Ég legg því til að hún verði flutt inn, helst frá láglaunalöndum, eða allra helst send inn í tölvupósti, eða Xeroxuð inn, því þá sleppum við við að þurfa að láta hana fara í tollafgreiðslu, og pappírsvinnan sparast. Og þá þarf heldur ekki að byggja undir hana né þrífa undan henni. Mér finnst að fólk eigi að fá að greiða atkvæði um það

En reyndar hefur fólk þegar greitt atkvæði um það erlendis því sósíaldemókratar sem hreyfing (alias ASÍ) er að verða útdauð, nánast alls staðar. Og það er þessari hreyfingu að kenna að sósíal-dumping* er að sprengja Evrópu í loft upp, því það var hún sem stóð fyrir hórfrelsinu fjórfrelsinu

Uppfært: Þetta svo kallaða fjórfrelsi er vernduð útópía embættismannastéttanna í ESB, því annars værum við með ódýrari erlendar verkalýðshreyfingar frá til dæmis Rúmeníu eða Kína, skatta- og lögfræðiþjónustu, vöruflutninga og fleiri þjónustugreinar, sem samtals eru um 70 prósent af hagkerfum landanna, en eru hins vegar einungis 22 prósent af viðskiptum á milli ESB-landa

Þannig að stærsti hluti hinna betri stétta í ESB hafa verndað sig, en látið alla þá sem beita þurfa vöðvaafli við vinnu sína, um að standa eina og berskjaldaða gegn undirboðum frá svæsnum láglaunalöndum á leið í ESB-þrot. Allt sem hefur með líkamlega vinnu að gera er sent úr landi eða þrælar fluttir inn til að grafa undan til dæmis byggingabransanum hér heima og þeim sem þar unnu á góðum launum

Árangurinn er svo sá að þeir sem annars hefðu farið í iðnnám neyðast til að leggjast upp á háskólakerfið, sem að of miklum hluta til er að þrotum-komið kommabæli sem karlmenn hafa almennt ekki áhuga á og með afar svartar framtíðarhorfur. Eða þá að flytja sig yfir í þær greinar sem eru ekki í hinum tradable-geira, sem ESB-veldið ákvað að mætti fórna

Þetta hefur einnig þýtt það að frjósemishlutfall Íslendinga hefur fallið, því að launapressan niðurá við í mikilvægum grunnhluta hagkerfisins hefur dregið úr trú fólks á framtíðina. Íslenski draumurinn dofnar

Svona meðferð á því sem tók svo langan tíma að byggja upp, hefur ávallt þær afleiðingar að "natal-energy" eða hið þjóðbernska afl þjóðarinnar minnkar. Og hér er íslenska verkalýðshreyfingin algerlega gjaldþrota. Hún brást

Frá og með fullveldi hugsaði Íslendingur sig aldrei um þegar að barnseignum kom. Hann henti sér út í þær því hann vissi að allt yrði í lagi. Hann stólaði á Ísland, og það með réttu

EES-samningurinn hefur hins vegar gelt landið að óþörfu og grafið undan trú Íslendinga á framtíðina. Hann er tortímingarafl og verkalýðshreyfingin er hér stórkostlega samsek. Hún er fíllinn í stofunni, enda af sósíaldemókrataætt, og ESB er ættaróðal hennar

Þið eruð gjaldþrota-hreyfingin núna. Það eru ekki bankarnir

* félagsleg undirboð

Fyrri færsla

Kommagengið gjörir kunnugt

Erlendu húsin betri kostur

Stuttar: Íslandsferð Pompeo - og póstkort

Mynd; verðandi forseti situr að snæðingi

****

UTANRÍKISRÁÐHERRA TRUMPS TIL ÍSLANDS

Mike Pompeo utanríkisráðherra Bandaríkjanna kemur til Íslands föstudaginn 15. febrúar næstkomandi, til að ræða við vini sína Íslendinga um eitt og annað. Samkvæmt ónafngreindum heimildum PakistanPoint, sem er hluti af UrduPoint, þá kemur Pompeo meðal annars til að vara Íslendinga við Kínverjum, sem eru að troða sér inn með brúarhöfuð, til dæmis í formi hafna, víða um heim. Ritstjóri Morgunblaðsins benti í leiðara blaðsins um síðustu helgi á 1500 staða gúlag-fangabúðakerfi eins héraðs í Kína. Fríverslunarsamningur við svona land er nú ekki beint það sem Ísland ætti að vera þekkt fyrir, svo ekki sé meira sagt

Kína verður að stela eins og það getur allri tækni sem eitthvað á að geta. Landið er að læsast fast í fátæktargildru sem lönd með heilakrampavaldandi gúlag-fangabúðakerfi kommúnismans ávallt gera. Ef að Kína tekst ekki að stela til sín öllu því sem Vesturlönd finna upp í frelsi sínu, sem er vöðvabúnt heilans, þá mun landið, með sínar stjarnfræðilegu snjóhengjur af öllum gerðum, falla saman eins og spilaborg og setulið Han missa völdin yfir Kína. En í stórum hluta Kína eru Han-Kínverjar með stöðu erlends valds. Það er um líf eða dauða fyrir Han-Kína að tefla. Ekkert minna en það. Langt og strangt stríð mun verða í þessum efnum Vesturlanda sem Kína reynir að stela. Aðeins hugrekkismaður eins og bremsuklossinn og jarðýtan Trump er fær um að stoppa þetta. Jimmy Stewart getur það ekki. Trump er fyrstur til að þora að grípa til aðgerða. Allir aðrir voru lamaðir af sínum eigin heilaflækjum og pólitískum rétttrúnaði. Trump leiðir þá núna, því þeir geta ekki gengið sjálfir; eru með hækjur

FRAMTÍÐIN EYÐILÖGÐ

Mynd, Wall Street Journal Daily Shot: Minnstu fyrirtækin tapa tekjum og markaði. Net-risarnir halda hins vegar sínu og éta það sem þau litlu geta ekki lengur veitt vegna hernaðar ESB á þau. Grein WSJ um persónuvernd ESB gegn samkeppni er hér

****

Wall Street Journal segir að persónuverndarkerfi Evrópusambandsins, með vinstri radíkaliseraða Margrethe Vestager ESB-sleikju við axarsköftin, sé að eyðileggja möguleika minni fyrirtækja á Veraldarvefnum, og sannar blaðið mál sitt með tölum. Íslenskir embættismannaþingmenn sérfræðingaveldisins gleyptu og kyngdu hér öllu hráu eins og venjulega. Taka þarf þennan kyngingar-möguleika af þeim með því að segja upp EES-samningnum og loka þannig hálsi þeirra. Ekkert annað virðist duga. Hér tapar Ísland milljörðum með brottkasti á réttindum þjóðarinnar sem Sjálfstæðisflokkurinn og þingið bókstaflega kveiktu í. Hin raunverulega ástæða alls þessa, þ.e. persónuverndarmálið, er sú að Evrópusambandið er samkeppnislegt fornaldarfyrirbæri á sviði tækni. Og þegar þannig háttar málum þá er reynt að eyðileggja og skattleggja keppinautana (Bandaríkin og aðra) út af kortinu. Ef þú getur hvorki keppt né sigrað, þá skaltu skattleggja sigurvegarana og helst eyðileggja þá og sem flest annað í leiðinni, sem er mottó ESB og handlangara þess hér á landi. Sumir muna kannski enn eftir tæplega milljarðs dala sekt sem Microsoft fékk hjá skrifstofubákni Vestager í Brussel, fyrir það eitt að vera með IE-vafrann sjálfgefinn í Windows. Þetta var algerlega óþörf aðgerð eins og allir sjá í dag. Evrópusambandið plokkar orðið tugi miljarða dala af erlendum tæknifyrirtækjum á meðan það lætur mafíuna um matvælaeftirlitið á hinum svo kallaða innri markaði þess, sem er og verður einungis kenning á blaði og virkar ekki hið minnsta umfram neitt annað, frekar en í öðrum sovétríkjum sögunnar

ÞÝSKALAND OG FRAKKLAND TAPA SÉR

Öðruvísi var tónninn þegar framkvæmdastjórn Evrópusambandsins lagðist í vikunni gegn samruna franska Alstom og þýska Siemens, sem eru járnbrautarframleiðendur. Þá tók tappann svoleiðis úr ríkisstjórnum beggja landa að þær hótuðu að endurhanna framkvæmdastjórn ESB og jafnvel leysa hana frá störfum. Gróft og brútalt tungumál beggja ríkisstjórna yfir því að fá ekki vilja sínum framgengt, hljómaði ekki vel í eyrum ríkisstjórna annarra landa ESB, sem búa við þá staðreynd að heita hvorki Þýskaland né Frakkaland. Austurríki sperrti eyrun og hefur eflaust tekið upp símtólið og talað við hina nýju bandamenn sína í Austur-Evrópu. Þá greip Berlín til raka sem allir sem kunna að hugsa hafa alltaf verið sannfæðir um: jú samþykkja verður samrunnann vegna samkeppni þeirra við stór lönd utan sambandsins. Stofnun ESB snérist ekki um frið. Hún var samkeppnisfyrirkomulag þar sem önnur ríki sambandsins eru tekin sem gíslar og mynda vogarstangarafl Þýskalands og Frakklands gagnvart umheiminum. Restin af ESB er grænmeti, sem kveikt er í og lækkar þá gengi evru Þýskalands og Frakklands, sem ferðast þannig um heiminn á brotnum bökum fársjúkra evruríkja. Þannig var stofnun Þýskalands sem ríkis 1871 einnig. Og þess vegna er Þýskaland svona furðulegt land að þar verða sögulega ömurlega ömurleg fyrirbæri til. Spyrjið Gordon A. Craig um það. ESB verður eins, og er reyndar þegar að orðið þannig að miklu leyti, því það er ömurleikinn sjálfur

ÍTALSKT PÓSTKORT MEÐ FRAKKA TIL FRAKKLANDS

Mynd: Christophe Chalencon úr hreyfingu Gulu vestanna í Frakklandi á póstkorti til Macrons, standandi til vinstri fyrir aftan Luigi Di Maio, sem er með rautt hálsbindi. Di Majo er atvinnu- og varaforsætisráðherra Ítalíu og deilir þeim pósti með Matteo Salvini, sem er innanríkis- og varaforsætisráðherra líka

****

Frakkland kallaði sendiherra sinn á Ítalíu heim í vikunni. Slík pólitísk aðgerð hefur ekki sést síðan 1940. En þetta er jú Evrópusambandið, þannig að það styttist óðum í nýja gamla tíma þar. Emmanuel Macron forseti Frakklands skipaði sem sagt sendiherra sínum á Ítalíu fyrirvaralaust heim án nokkurrar uppgefinnar ástæðu. Lesið er þó þannig í ESB-bollana að það hafi verið dauðasynd hjá Fimm stjörnu Luigi Di Maio að hitta í landi Macrons franskan foringja Gulu vestanna. Hér ræður sáttin og samlyndið för eins og allir sjá. Þetta kallast persónuvernd ESB; Vernd stjórnmálamanna gegn kjósendum, eða Samsærið H/F. Allt hið lýðskrumslega og ístrulega kosningaprógramm Macrons um ESB er nú að leyast upp á aðeins nokkrum vikum. Ítalir fá sennilega ekki franska hermenn undir sína stjórn í útópískum ESB-herafla Macrons - á útistöðuvatni hans og Merkels. Þvílíkur farsi á innistöðuvatni eilífðarinnar í ESB

Fyrri færsla

Margt gott gerst síðan að Trump var kjörinn