Anna Bretaprinsessa gefur lítið fyrir loftslagsþvætting nútímakjána

Viðtal við Önnu Bretaprinsessu í Women‘s Weekly: Ástralíu- og Nýja Sjálandsútgáfunni (krækja)

****

Til að byrja með er rétt að minna þá á sem hafa ekki tekið eftir í tímunum, segir hún, að það voru Kanadamenn sem gerðu repjuolíu neysluhæfa með erfðabreytingum í kjölfar Síðari heimsstyrjaldarinnar. Annars væri hún eitruð. En enginn tekur hins vegar eftir þessu, segir Anna prinsessa. Ja hérna...

"Og þar sem við erum svo ósammála, þá eru öll samtöl mín og Karls Bretaprins mjög stutt", segir hún svona til útskýringar í sjaldgæfu netsímaviðtali við ástralskan blaðamann, frá sveitasetri sínu í Gloucesterskíri í Suðvestur-Englandi. Ja hérna..

Og hún bætir í. "Gróðureldar í Ástralíu er ekkert nýtt. Hvernig þeir þróast hefur með landnýtingu að gera", segir hún. Og þar veit hún meira en margur annar um þau mál

Síðan tekur hún loftsslaginn og afheggur hinn vinstrisýkta hluta heilaútibús Karls Marx í mönnum, með eldgömlu og flugbeittu sverði (hertu í blóði), með því að tilkynna (efnislega líka) "að hún aki alls ekki þær platgötur strandaglópa til nýrrar byltingar. Bara alls ekki. Enginn ætti að fara þær". Ja hérna. Já þetta vissi ég líka, því þær liggja nefnilega allar til hins sama gamla helvítis og ávallt áður. Jörðin er ekki flöt, og bloody hell er til

"Loftslag jarðar hefur alltaf tekið breytingum og það hefur verið síbreytilegt allan þann tíma sem jörðin hefur verið til. Fólk verður að læra að lifa með þessu. Þarna er ekkert nýtt undir sólinni. Við verðum að muna að virða lífsins staðreyndir og læra að búa við þær", segir hún einnig

Amen!

PS: Kapítalismi er ekki kerfi, því einnig hann er "staðreynd lífsins" eins og móðurástin og þjóðhyggjan, því hann er færslur manna á milli og ekkert annað; vörur, þjónusta, peningar, greiði, gjafir. Hann er hvorki kenning né kerfi. Þeir sem sætta sig ekki við færslur manna á milli, afneita staðreyndum lífsins (afneitunaraðalssérréttur vinstrimanna)

Fyrri færsla

Kva! Án dóms og laga?

Kva! Án dóms og laga?

Í þessari frétt Moggans á netinu segir:

"Mót­mæli gegn kynþáttam­is­rétti hóf­ust í Bristol í kjöl­far þess að lög­reglumaður drap Geor­ge Floyd, svart­an mann í Banda­ríkj­un­um. And­lát hans knúði fram mót­mæli á heimsvísu, meðal ann­ars í Bretlandi þar sem áhersla hef­ur verið lögð á ný­lendu­tím­ann og þann þátt sem Bret­ar áttu í hon­um." (mbl.is)

Eitt: Bíddu nú hægur. Er ekki farið heldur betur of hratt þarna. Það er ekki búið að dæma í málinu og það hefur alls ekki verið sannað að lögreglumaður að skyldustörfum hafi drepið blökkumanninn Floyd. Krufning sem gerð var sýndi þess ekki merki að blökkumaðurinn hefði látist fyrir tilstilli lögreglunnar. Síðari "sýndarkrufning", eins konar pappírsrannsókn án líks, var hins vegar aðeins endurskoðun á pappírum frá hinni eiginlegu krufningu. Hún var þess utan fjármögnuð af ættingjum og skyndilegum "vinum" hins látna

Þegar myndin af lögreglumanninum með hné á höfði hins grunaða er stækkuð og skoðuð, þá sést að næstum allur líkamsþungi lögreglumannsins hvílir á hinum fótleggnum, en ekki á þeim sem hvílir á Floyd. Engin mikilvæg æð er á þessum stað höfuðsins og langt er frá hné niður á sjálfan háls mannsins og öndunarveg. Sá hafði kvartað yfir því að geta ekki náð andanum áður en honum var komið í þessa stellingu. Löngu áður. En það vissu hins vegar ekki þeir lögreglumenn sem komu á staðinn síðar, og héldu hinum grunaða í þeirri stöðu sem myndin sýnir

En auðvitað eiga menn helst ekki að deyja í vörslu og umsjá lögreglunnar. En það gerist samt, því aðstæður eru oft þær sem glæpamennirnir sjálfir skapa, og meirihluti þeirra sem þannig enda líf sitt eru reyndar hvítir en ekki svartir, miðað við mannfjölda. Lærdómurinn er því sá að koma sér ekki í kast við verði laganna, því þeir einir hafa lögfestan einkarétt á beitingu ofbeldis. Allir vita að myndavélar ljúga, því þegar maður hittir það fólk sem lítur vel út á endalausum sjálfsmyndum af sjálfu sér, þá er það mjög svo oft bara svipur hjá þeirri sjón sem birt var, og oft jafnvel bara imbasíld í tómri tunnu að innan er það opnar munninn

Annað: Það var ekki "mótmælt á heimsvísu" því það er bannað að mótmæla í nær öllum múslímaríkjum, Kína, Norður-Kóreu, Rússlandi og víðar. Afríkuríkin öll nema þrjú eða fjögur höfðu engan áhuga á þessu máli. Íbúarnir þar höfðu ekki áhuga á tómstundaiðju blökkumanna í Bandaríkjunum, sem er besti blettur jarðar fyrir blökkumenn veraldar að búa. Hvergi á jarðríki hafa blökkumenn heimsins það eins gott og í Bandaríkjunum. Suður-Ameríka yppti hins vegar öxlum því hún hefur meira en nóg af eigin vandamálum, til að bíta í og brenna. Þess utan er Suður-Afríka önnum kafin við að reka þá hvítu menn úr landi sem byggðu hana upp. Hið sama á við um Zimbabwe (áður Rhodesia) sem nú flytur inn matvæli því búið er að rústa því sem þar hafði af hvítum verið byggt upp

En nú er peak-jakobínisma þessa skrílsliðs í Bandaríkjunum og víðar um Vesturlönd sennilega náð. Röðin í fallöxina sem skríllin sá byggði er byrjuð að þynnast, og selfie-smiðirnir sem smíðuðu hana eru farnir að óttast að hún snúi sér að þeim sjálfum næst. Og þar sem fallöxin er litblind þá er hún byrjuð að gúffa þá svörtu í sig líka. Þarna er að verki sama úrverk slæmra vinstrimanna og stofnuðu MeToo-hreyfinguna, sem át sjálfa sig upp til agna á smátíma. Hún var stofnuð til höfuðs Trump, en um leið og sigurför hennar byrjaði að flæða frá Brett Kavanaugh hæstaréttarfdómaraefni Trumps og yfir til Hollywood-plastsins og þaðan yfir á Joe Biden forsetaframbjóðanda? nú Stalín-Demókrataflokksins, þá þagnaði hreyfingin strax og át sjálfa sig. En áður en hún náði því vanþróunarstigi hinnar útópísku vinstrimennsku, hafði hreyfingin breyst í það að vera verkfæri frægðarfólks til að stela störfum og atvinnutækifærum annarra til handa sjálfu sér. Hér á Íslandi hoppaði vitsmunalega- og raðdómgreindarskert fólk í vinstriflokkum á borð við Sjálfstæðisflokk, Framsókn, Vinstri rauðgræna, Pírataskríllinn ásamt nýlendu-Samfylkingar- og Viðreisnarsósíalistunum á þetta illfygli, sem er eins konar glamúr-nýnasistahreyfing á Ittalakristalnótt. Dómgreindarskert fólk flykktist þarna inn og gerði sig fyrir vikið að enn meiri fíflum en það var, jafnvel sem ráðherrar!

Þau 10 prósent Suðurríkjamanna í Bandaríkjunum sem áttu þræla á frumstigi þeirra sem þjóðríkis, hljóta í gröf sinni að vera að springa úr hlátri yfir fávisku og frummannaheimsku þessa skríls, sem nú rasar um götur landsins og tætir og tortímir því sem hann stendur á og nýtur góðs af, því restin af Suðurríkjamönnum (hin 90 prósentin) voru hvítir fátæklingar sem fylgdu aðeins þeim að málum sem stóðu upp í hárinu á því sem þá þótti ofríki norðursins, frá þeirra bæjardyrum séð. Deilan sem hófst í aðdraganda borgarastyrjaldarinnar er geisaði frá 1861-1865, hafði í upphafi minnst með þrælahald að gera. Var hún fyrst og fremst deila um hver hefði réttinn til skipa fyrir í landinu. Þjóðríki fæðast nefnilega ekki með því að gefa út fæðingarvottorð úr pappír. Þau vottorð þjóða eru næstum alltaf úr blóði. Að kalla borgarastyrjöldina þrælastríðið er því rangnefni. Þrælahaldið var upphaflega hliðarmálefni. Allir vissu að dagar þess voru taldir á Vesturlöndum

Flest handskotvopn eru nú uppseld í ríkjum vinstrimanna í Bandaríkjunum. Vinstrimenn þekkja sjálfa sig og stjórnvöldin sem þeir kusu útópíumannamanna best, og búa sig því þannig undir komu fallaxarinnar, sem þeir sjálfir settu í gang. Nóvember verður því sennilega mánuður Wyatt Earp

Nóvember 2020? It All Ends Now!

Við Íslendingar bíðum sem kunnugt er enn eftir afsökun og skaðabótum frá Tyrkjum, ekki satt, því þeir rændu 400 Íslendingum, hnepptu þá í þrældóm og slátruðu mörgum ættingjum okkar líka. Brytjuðu þá í spað. Talan 400 svarar til að 240-þúsund manns í Bandaríkjunum anno 1860 hefðu verið hnepptir í þrældóm og skipað til útlanda

Ergo: Eigum við ekki bara að sleppa þessum sósíalista-dómstólum götunnar og sameinast um réttarríkið sem er forsenda svo kallaðra mann-réttinda. Hugtak sem mér finnst vera orðið klámyrði og hóruungi í meðferð vinstrimanna og helsjúkra fjölmiðla þeirra; Sjá uppsagnarbréf Bari Weiss blaðamanns á stórheimskublaðinu New York (Space) Times, sem býr í geimstöð á plánetu í annarri stjörnuþoku, svipað og DDRÚV: Dear A.G.,. Tilvitnun:

"The paper of record is, more and more, the record of those living in a distant galaxy, one whose concerns are profoundly removed from the lives of most people. This is a galaxy in which, to choose just a few recent examples, the Soviet space program is lauded for its "diversity"; the doxxing of teenagers in the name of justice is condoned; and the worst caste systems in human history includes the United States alongside Nazi Germany."

Hér má einnig lesa svipað aukanúmer hjá Bruce Bawer og er það um reynslu hans af sama sovétblaði, þ.e. New York Times: Quitting the Times

Fyrri færsla

Vesturlöndum bannað að reisa kirkjur í múslímaríkjum og 5G-net í Kína

Styttu af svartri konu steypt af stalli

Vesturlöndum bannað að reisa kirkjur í múslímaríkjum og 5G-net í Kína

Hin blinda Rachel Flowers leikur Ráðgátuna endalausu eftir Emerson, Lake og Palmer

****

SAGA "MANNS" OG KÁLHAUSA

Best að hafa fyrirsögnina svona, því hún fær kannski eitthvert kálhöfuðið til að nota hið eina kálblað sem það hefur til umráða, því restin af höfðum of margra virðist ónothæft og sopið svartkál úr háskólum, sem orðnir eru lágskólar, eða því sem næst svæsnar blaðurkompur og oft með lítið sem ekkert markaðsfæranlegt notagildi fyrir þá sem þangað álpast inn, og taka á sig þung lán fyrir. Um er of oft orðið að ræða einar lélegustu og hættulegustu fjárfestingar sem hægt er að gera fyrir venjulegt fólk. Háskólanám er að of mörgu leyti að verða hættulegra basl en kauphöllin er fyrir kjána. Fólk er jafnvel rænt vitinu sem þangað álpast inn, því oft kann það minna er það kemur út

En við skulum hins vegar byrja þennan pistil á því að hið svo kallaða "alþjóðasamfélag" –sem er ekki til og hefur aldrei verið til og verður aldrei til– hefur ekkert gert í því að handhefja alþjóðleg hafréttarlög á Suður-Kínahafi, þrátt fyrir alþjóða-fetisma þeirra er það kál fastvaxið hafa á sínum herðum, og sópað var burt af einni slíkri nú nýlega, meira að segja íslenskri. Þannig úrskurðaði Haagdómstólinn 2016 að Kína hefur ekki löglegt tilkall til þess hafsvæðis sem það er að hrúga upp sandbunkum á, og skrúfa síðan eldflaugabatterí kommúnistaflokksins á þær flokksgerðu kryppur hans upp úr hafinu

Þarna ætlar "maðurinn" –sem enginn hefur séð og ekki er til, því aðeins eru til Bretar, Íslendingar, Kínverjar, Rússar, Keníamenn og svo framvegis í veröldinni– ekki að byggja neitt, heldur er það kínverski kommúnistaflokkurinn og kommúnistar hans sem eru að byggja þarna land á alþjóðlegum siglingarleiðum og hafsvæði. Enginn hefur séð "manninn" –sem alþjóðaistar bjuggu til uppi í kálhöfðum sínum– að verki þarna. Auðvitað ekki, því enginn "maður" er til, aðeins einstaklingar sem allir eiga sér ákveðið heimaland, átthaga og uppruna í þjóð eða ættbálki, og enginn þeirra er með það sama innanborðs í toppstykkinu, hvorki skoðanir, tungumál, uppeldi, viðhorf né bragðskynsskala. Þeir eru allir ólíkir eins og Newton komst að raun um er hann gafst upp á kauphöllinni og snéri sér að svartagaldri, því að í kauphöllinni gat hann ekki einu sinni spáð þrjár mínútur inn í framtíðina um gjörðir "mannsins" - sem er ekki til. En hann gat hins vegar spáð fyrir um gang himintungla, tíu þúsund ár inn í framtíðina

Enginn "maður" eða "maðurinn" er til frekar en sá rökhyggju-guð sem kálkobbar Frönsku byltingarinnar reyndu að finna upp í staðinn fyrir Guð, og fengu því í staðinn jarðbundinn einræðisherra með miklu meiri völd en konungurinn sem steypt var hafði. Þarna sortnaði framtíð Frakklands og við tók því sem næst ættjarðarlaus útópía með reimleika sem stjórnarfar. Feluleikar hófust; og kálið varð guð. Bretar fóru betur út úr þessum tímum því þeir losnuðu við "fjölbreytnina" sem Frakkland leið fyrir, því Bretland var ekki með annan fótinn fastan í Miðjarðarhafinu, sem þá hafði breyst í eins konar stofufangelsi og er það enn

Já, Bandaríkin sem fram að þessu hafa verið meira hlutlaus en ekki á Suður-Kínahafi, hafa nú skipt um gír og eru vegna skorts á "manni alþjóðasamfélagsins" byrjuð að lögga Suður-Kínahaf og koma þar á þeim lögum-og-rétti sem Kína hefur skrifað undir. Njóta Bandaríkin þar stuðnings allra ríkjanna sem hlut eiga að máli við Suður-Kínahaf, nema auðvitað Kína, sem er glæpamaðurinn í málinu

Hafnbanns- og áhrifageta og stuðningur við Bandaríkin í þessu máli nær frá Aleuteyjum í Beringshafi niður til Japans, þaðan yfir til Suður-Kóreu til Taívan og þaðan yfir til Filippseyja, niður til Indónesíu, Ástralíu og Nýja Sjálands, svo við minnumst ekki á Indland og öll hin ríkin á borð við Víetnam. Hvergi er stuðning við stefnu Kínverska kommúnistaflokksins að finna. Enginn styður Kína nema þá helst íslenskir kjánar í hinum ótrúlegustu flokkum, sem segir allt sem segja þarf um þá fallandi flokka. Kálhausar og ættjarðaróvinir þar vaxa í Schengenstækju landssölumanna

Enda er Kína fallandi veldi en ekki rísandi. Það er meira að segja svo fallandi að það þurfti að installera Xi-einræðisherranum til að stífa landið af 2013. Annars hefði það hrunið. En hrynjandi er það nú samt, eins og sést ágætlega á Suður-Kínahafsmálinu og síðan þeirri staðreynd að Kommúnistaflokkurinn hefur tekið upp á því að kýla einu viðskiptavini landsins beint í andlitið og varpa á þá veirum. Svo fallandi veldi er Kína að flokksforystan í Peking hefur meiri áhyggjur af framtíð sinni en Júríj Andropov, Konstantín Tsjernenkó og Mikhaíl Gorbatsjev höfðu af framtíð kommúnistaflokks Sovétríkjanna. Gálginn bíður. Hann fer ekkert – og forystan veit að hann er stór í svo fjölmennu landi fátæklinga

"Dreggjar Evrópu" voru Bandaríkin ávallt kölluð því þau byggðust upp af fátækum Evrópubúum sem ekkert áttu í elítu- og aðalsmannalöndum þeirrar álfu, sem er sú næstminnsta í heimi. Í dag er þetta fátæka fólk hins vegar kallað "hvítt forréttindafólk" (e. white supremacists) af þeim sem útskrifast sem kálhausar úr kálhausadeildum háskólanna, er reknir eru af eins konar yfirkálhausum sem hafa það of gott og eru því orðnir krónískir hugleysingjar. Í toppum stjórnmalaflokka Íslands sjást þess konar kálhausar afar vel í dag, því frá þeim geislar hugleysið, getuleysið og heimskan. Ekki "mannsins" heldur þeirra eigin

Þannig að núna lögga þrjú bandarísk flugmóðurskip heimshlutann sem inniheldur Suður-Kínahaf og með þeim í för eru hinar áföstu carrier strike groups eða árásarhópar sem samanstanda af skipum, flugvélum, kafbátum og því bandaríska góðgæti sem er úti í geimnum. Líklegt er að stigmögnun verði upp að vissu marki, en hún verður þó ekki með vopnum

Þeir kjánar sem héldu að Kína gæti boðið Vesturlöndum það sem Vesturlanda er, fá í þetta skiptið að hugsa sig um á svipaðan hátt og í hruni Kína 2015, en sem samkvæmt þeim átti ekki að geta gerst. Takið vinsamlegast eftir gullfiskaminninu. Vesturlönd treysta eðlilega ekki Kína fyrir að byggja innviði á borð við 5G, ekki frekar en Kína fær að byggja hernaðartækni Bandaríkjanna. Og nú þegar Kína hefur ekki lengur aðgang að öruggri bandarískri örgjörvatækni þá treysta ekki Bretland, Tékkland, Danmörk, Eistland, Lettland, Pólland, Rúmenía og Svíþjóð Kína fyrir 5G tækni í þeim löndum. Frakkland treystir Kína reyndar ekki heldur, en það þegir um málið á svipaðan hátt og franski herinn er kallaður hin þögli her. Ekkert kjarnorkuveldi Evrópu og Ameríku treystir Kína og það gerir Rússland ekki heldur, því það þekkir nágranna sína og eigin fortíð of vel. Hrein símafélög Indlands, Japans, Ástralíu og Suður-Kóreu hafa einnig bannað kínverska 5G tækni í innviðum sínum

Örgjörvahönnun hefur náð því stigi að vonlítið er fyrir pure-play framleiðendur á borð við til dæmis TSMC að koma í veg fyrir svik og pretti í hönnun þeirra og þar með framleiðslu líka. Og eins og sést á hinum nýju Silicon-skrefum Apple, sem hófust 2007 og felast í því að hanna eigin örgjörva með það fyrir augum að harðsjóða (e. hard-wire) öryggið inn í sjálfan vélbúnaðinn, sem fyrirtækið stjórnar líka, í stað þess að fela stýrikerfum öryggismálin, þá er þetta ekkert smámál. Steven Sinofsky fyrrum forseti Windows-stýrikerfisdeildar Mirosofts og þar áður Mac-forritari MS, varpar því þeirri spurningu fram hvort að með tilkomu Apple Silicon örgjörvans séu dagar Wintel (Windows+Intel) hugsanlega að verða taldir

Öryggismálin eru hér alfa og ómega og hið sama gildir einnig um hraðann, því nú nálgast bæði hönnuðir og framleiðendur endimörk nanómetra-skala efnisfrumeindanna. Ekkert nýtt og byltingarkennt bíður handan hornsins í þessum efnum, allra síst skammtatölvun því hún er til lítils nema í afar sérhæfðum aðgerðum. Tölvun er því að nálagst það markaðskapítalstig sem bílaiðnaður komst á í kringum 1960. Bestu dagar og stærstu peningar bransans eru að baki. Undanrenna tölvunar sem koncepts bíður því þessa eina geira Vesturlanda sem haft hefur álíka efnahagsleg áhrif og tilkoma rafmangs og bílaiðnaðar

Ekkert nýtt í stað núverandi tölvunar mun koma frá Kína, Asíu, Miðausturlöndum, Afríku né Suður-Ameríku. Lítið nema kál, veirur og áframhaldandi dauðadýrkun íslams mun koma þaðan

Fyrri færsla

Upp-nám á þröskuldi

Upp-nám á þröskuldi

Ragnhildur Kolka kom samkvæmt venju með nytsama athugasemd. Í þetta skiptið við síðustu bloggfærslu. Athugasemd hennar minnti mann á að huga að staðreyndum í stað stað- og stafleysu svo kallaðra fjölmiðla, sem næstum aldrei hafa séð neitt mikilvægt fyrir, heldur ekki fall Sovétríkjanna sjálfra né 70-ára fæðingarhríðir Ísraelsríkis hins nýja og sjálfa fæðingu þess. Bæði komu sem þruma út heiðskíru lofti, svipað og kjör Donalds J. Trump og Brexit. Þessum fjórum atburðum laust bara niður í veruleikann, og þar eiga fjölmiðlar allra síst heima, eins og sést. Þess vegna þurfa þeir helst að koma út á hverjum degi, til að bæta upp hið liðna, sem þeir tóku ekki eftir

Ragnhildur skrifar:

"VDH er alltaf upplýsandi og ég bíð spennt eftir næsta innleggi. Merkel tókst það sem Hitler stefndi að, þ.e. að leggja Evrópu undir Þýskaland enda virðist hún hafa 9 líf. Hafi heimurinn verið hættulegur 2015 þá er hann margfalt hættulegri nú með Kína á þröskuldinum og BNA í upplausn."

Og ég svara:

Þakka þér fyrir innlitið, góða athugasemd og kveðju, Ragnhildur

Já, það sem þú nefnir m.t.t. Þýskalands er rétt. Hitt virðist vera rétt, þetta með Bandaríkin og Kína, en þegar nánar er að gáð, þá er það nú ekki svo

Öll ríki eru alltaf á þröskuldi sínum. Þröskuldur Kína er við sjávarsíðuna í Kína (nánast í flæðarmálinu). Yfir hann kemst Kína ekki, því þá stígur það um leið á þröskuld Bandaríkjanna, sem er norðan megin við Taívan

Já Bandaríkin virðast vera í upplausn, en eru það hins vegar ekki. Þau eru bara í venjulegu uppnámi unglingsins sem rétt er að ná því að verða fullorðinn. Þetta eru síðustu ár Bandaríkjanna sem heimsveldið sem það aldrei vildi verða. Þau eru loksins að samþykkja og kyngja þeirri staðreynd að þau eru eina heimsveldi jarðar er beint getur valdi og valdaáhrifum um alla jörð. Unglingabólurnar eru að hverfa

Mitt í öllum þessum innanlandslátum, þá virka Bandaríkin á alla kanta. Löggjafar-, dóms-, og framkvæmdavaldið virka eins og vera ber. Herinn virkar á öllum sviðum og í öllum heimsálfum og hagkerfið er að þjóta upp sem ein ósundrandi heild. Og þannig hefur þetta verið í Bandaríkjunum öll árin frá því að endir-Fukuyama-sögunnar sem-aldrei-varð, endaði 2008. Þetta tók sinn tíma. Það sama er ekki hæg að segja um neinn annan hluta Vesturlanda, nema Bretland og Fimm augu, sem nú er eina varanlega bandalagið á Vesturlöndum, með varanlega sameiginlega hagsmuni, en óformlegt samt

Útlit er því fyrir að bandarískur almenningur fái fulla valútu fyrir peninga sína núna, með því eiga miða á forsetakosningar sem loksins verða eins nálægt alvöru hnefaleikum eða leðjuglímu og hægt er að komast. Hvaða annað ríki heimsins býður upp á slíkt? Ég spyr

"No nation has done more to advance the human condition than the United States of America. And no people have done more to promote human progress than the citizens of our great nation,"
– Donald J. Trump, við rætur Mount Rushmore 4. júlí 2020 

Þessi spenningur fékk mig til að horfa á fjórða-júlí-ávarp Trumps forseta til þjóðarinnar við Rushmorefjall í gærkvöldi, og þar tók ég líka eftir hinni efnilegu Kristi Noem bóndakonu, sem er ríkisstjóri Suður Dakóta núna. Ég fékk mér meira að segja popp og kók með þessu. Þetta borgaði sig heldur betur, því þarna sá maður að ekkert var að marka það sem flestir svo kallaðir fjölmiðlar og gáfumenni höfðu sagt um ávarpið, nema leiðari WSJ

Já, hér er sú fyrri færsla

Pólitísk stunt Angelu Merkel og áhugaleysi á evrunni

Pólitísk stunt Angelu Merkel og áhugaleysi á evrunni

Victor Davis Hanson bóndi og sagnfræðingur: Mannkynssagan í fréttunum: Langa stríðið frá 1870 til 2012, hvers vegna Þýskaland sigraði Evrópu að lokum. Næstu áratugirnir í Evrópu verða "athyglisverðir tímar"

****

Sagt er að kanslari og ríkisstjórn Þýskalands hafi engan áhuga á evrunni né sjálfu evrusvæðinu. Varðandi hönnunarkrypplaða evruna hefur Angela Merkel á valdaferli sínum ekkert aðhafst umfram það að sjá til þess að evran og evrusvæðið hryndi ekki til grunna, og síðan séð til þess að evran virki sem lággengisgjaldmiðill fyrir Þýskaland á meðan eitthvað er enn hægt að sjúga út úr þeim löndum sem eru í handjárnuðu gengisfyrirkomulagi við Þýskaland og skulda því nú tvær billjónir evra. En meira að segja þarna, þótti þýskum stjórnvöldum að of miklu væri eytt í evruna sem sameiginlegan þýskan gjaldmiðil yfir Evrópu

Einu afrek Merkels á 15 ára valdaferli hennar eru þau að afskaffa kjarnorkuver landsins og síðan að hleypa fossi fólks frá sólkerfum Sýrlands inn í Þýskaland. Bæði eru fyrirbærin það sem Bifrastarstjörnuspámenn kalla "popúlismi" eða "pólitískt stunt". Orkuframleiðsla Þýskalands er því í molum og innflytjendamálin eru að springa framan í andlit þýsku ríkisstjórnarinnar

Enginn býst við því að þýska ríkisstjórnin standi við fögur fyrirheit um voldugan "björgunarpakka" vegna Wuhan-veirunnar [esb þolir ekki áföll og er því viðvarandi sökkvandi og Schengen er nú duft í glasi sem esb/ees-menn drekka við timburmönnum á reglusamkomum sínum]. Þeir Þjóðverjar sem einna mest vit hafa á úrverki þýskra stjórnmála í ESB, telja að slíkt sé með öllu útilokað. Um verður að ræða pakka sem kynntur verður með lúðraþyt já, en hann verður samt ekki nema brot af einu prósenti landsframleiðslunnar næstu tvö til fjögur árin - og kemur, kannski, til útborgunar með alls kyns skilyrðum. Ríkisskuldir Grikklands eru til dæmis komnar í tvöfalda landsframleiðslu og 7 prósent fjárlagahalli er að renna þar upp, og forsætisráðherra Ítalíu er á barmi taugaáfalls vegna skulda, massífs langtíma evruskapaðs atvinnuleysis og barnleysis. Þar er framtíðin vægast sagt kolsvört

En jafnvel þetta litla finnst þýskum stjórnvöldum að sé orðið of mikið, og mun meira en það sem þótti jafnvel of mikið á hangandi-hárs-árum evrunnar 2012-2015, þar sem Seðlabanki Bandaríkjanna átti stærsta þáttinn í að evran og myntsvæðið félli ekki algerlega saman

Og nú sussar sósíaldemókratinn Heiko Maas og utanríkisráðuneyti hans í Þýskalandi á þýska ríkisborgara í Hong Kong, og skipar þeim að gagnrýna ekki ókjörnu vondu mafíuna sem án umboðs stjórnar þar frá Peking. Hryggleysið er algert og sendiherra Kína í Berlín stynur af ánægju

Fyrri færsla

Reagan 1988: Dukakis er öryrki!

Reagan 1988: Dukakis er öryrki!

Lundi VE (110?) færir björg í bú

****

Sífellt reyna menn að umskrifa söguna sér í vil. Engin núlifandi kynslóð hefur sama skilning á sögunni og þær sem lifðu hana, því gerðu þær það þá væru blökkumenn komnir í bardaga við þá blökkumenn sem söfnuðu þeim saman í Afríku og seldu þá sem svo kallaða "bræður" sína til útlanda; austur og vestur

Það var um þetta leyti sumars 1988 að Ronald Reagan forseti Bandaríkjanna sagði að forsetaframbjóðandi Demókrata, Michael Dukakis, væri öryrki eða fatlaður (e. invalid). Dukakis kannaðist hins vegar ekki við það og hin hefðbundna umræða um setuhæfni forsetaframjóðenda –úr röðum fólksins– keyrði eins og venjulega. Fólk er fólk. Reagan sagðist hafa sagt þetta í gríni og Dukakis sagði að forsetinn þyrfti ekki að biðjast afsökunar, því hann, Dukakis, hefði það fínt

En þarna í júlí 1988 naut Dukakis –samkvæmt könnunum– mikils forskots á keppinaut sinn í baráttunni um Hvíta húsið, þ.e. George H.W. Bush. Landskönnun þann 3. júlí sýndi þannig Dukakis með 55 prósentu fylgi, en Bush með aðeins 38 prósentur. Bush sigraði hins vegar stórt er kjördagur rann upp í nóvember

"Þið skuluð ekki kjósa þennan mann því mamma hans rekur hóruhús í kirkjugarði", - var einu sinni sagt í kosningabaráttu. Vandamálið er hins vegar það að ég man ekki hvort þetta var sagt á vöggustofunni í Aþenu eða vestanhafs. Samt er ég þeirrar skoðunar að þetta slógan passi ágætlega við forystu Sjálfstæðisflokksins núna. Mér finnst hún reka hóruhús í Valhöll, þegar að þjóðarhagsmunum Íslands kemur. Og enginn getur neitað því að miðað við nýliðna nútíð er Sjálfstæðisflokkurinn kirkjugarður núna. Lítið bólar á viðskiptavinum þar. Þeim líst svo illa á framboðið

- Gunnar er þjóðaríhaldsmaður í Sjálfstæðisflokknum  

Fyrri færsla

Hagnaður evrópskra fyrirtækja örverpi miðað við Bandaríkin

Hagnaður evrópskra fyrirtækja örverpi miðað við Bandaríkin

Mynd; Breti kíkir ofan í ESB-1. Barnes Wallis hjá Vickers stóð fyrir opnuninni

****

Samanlagður hagnaður 500-stærstu fyrirtækja Evrópu var á pari við hagnað Apple. Það kostar að skerða fullveldi og afnema sjálfstæði þjóða

Þetta gerist þegar lönd láta yfirríkislegan klúbb eins konar esb/ees-frímúrarareglu múra sig inni í kastala með næstum engar aðrar útgönguleiðir en upp í gegnum skorsteinana. Þýska Handelsblatt birti fyrir viku þá frétt eða öllu heldur þann sérreiða þýska ættbálkadálk hinnar þýsku erfðareiði –sem á áttatíu ára fresti skekur meginland Evrópu niður í sviðna rót– að samanlagður hagnaður 500 stærstu fyrirtækja Evrópu á fyrsta fjórðungi ársins var á pari við hagnað hins bandaríska Apple á umræddum fjórðungi, eða 11 milljarðir dala

Ég get því miður ekki séð svipinn á lesendum þegar þeir lesa þetta. Þegar þeir lesa að 500 stærstu fyrirtæki Evrópu skiluðu ekki meiri samanlögðum hagnaði en eitt bandarískt fyrirtæki, og að með hverri krísunni sem líður þá skarar bandaríska hagkerfið meira og meira framúr, á meðan hin evrópsku sökkva dýpra og dýpra inn í esb-múrinn

Í fyrra féll samanlagður árshagnaður þessara evrópsku fyrirtækja átta prósentur, eða niður í 505 milljarða evra, og var hann því heilum 50 prósentum minni en í Bandaríkjunum þar sem hann var 750 milljarðar evra 2019. En hagnaðurinn í Evrópu reyndist sem sagt aðeins vera 11 milljarðar evra á fyrsta fjórðungi þessa árs, eða fullkomin martröð! Hagnaður Apple var 11 milljarðar dala á sama tíma og fyrirtækið náði meira að segja að kynna nýja vöru á þessu Wuhan-veirutímabili. Meira að segja General Motors tókst að kreista hagnað út úr heimsfaraldri á umræddum fjórðungi með því að vera með réttu vörurnar með réttu vélarnar fyrir rétta fólkið. Þetta er hvorki meira né minna en dramatískt fall í Evrópu. Allt hið svo kallaða evrópska hagkerfi er orðið nokkurs konar glingurmiðstöð ritvélaframleiðslugeira þar sem 27 bókstafstrúarstafir hins sérevrópska esb-stafrófs eru búnir til og framleiddir. Einn í hverju esb-landi á skallanum fyrir sig, sem síðan lemst á sértrúarbókstafinn og prentar skilaboð til hinna um að koma með peningana sem enginn býr til

Næst á evrópska prógramminu er því sakamálaleikritið þar sem löndin byrja að ganga í skrokk á hvort öðru og kenna hvort öðru um, eða enn betra; þau kenna auðvitað Bandaríkjunum um og sekta þau í sívaxandi mæli. Þýskaland er snillingur í þeim leik, eins og sést á greininni í Handelsblatt

Allar tekjur hins opinbera koma frá atvinnurekstri fyrirtækja - engar aðrar tekjur eru til

Lesendur ættu hér að íhuga að evrópsk fyrirtæki fjármagna sig nær eingöngu í gegnum bankana, á meðan hin amerísku fjármagna sig í gegnum kapítalmarkaðina; þ.e. skulda- og hlutabréfamarkaðina. Þau nota helst ekki bankana. En þannig er þetta ekki í Evrópusambandinu því það hefur svo gott sem engan kapítalmarkað, því það hefur næstum enga kapítalista. Karl Marx fór aldrei burt og ekkert uppgjör við hann og félaga hans hefur því farið fram í Evrópu. Þvert á móti, því nú reisa Vestur-Þjóðverjar styttu af Lenín á sama tíma og Pútín er að hreinsa Stalín og endurreisa hann, aðeins austar. Hvað verður því um bankana í ESB þegar tekjustaðan þar er svona?; þ.e. örverpi

Ég er alls ekki að setja út á frímúrararegluna, hún er fín, en hún skiptir bara ekki neinu sérstöku máli lengur því hún er klúbbur manna sem tala innbyrðis. Saumaklúbbar hafa sennilega jafnmikil áhrif. Íslensku kvenfélögin skipta mun meira jákvæðara máli en samanlögð regla esb- og eeshólista. Neikvæðu áhrif esb-reglunnar eru hins vegar augljós. Þau sjást á þeirri steinöld sem meginland Evrópu er komin á. Og á þokumekkinum sem slæðst hefur hingað og er að kæfa okkur og sprengja

Nú er staðan því sú að markaðsvirði fyrirtækja í bandarísku Nasdaq-kauphöllinni er meira en markaðsvirði allra fyrirtækja í öllum kauphöllum veraldar, utan Bandaríkjanna. Og þeir sem fylgst hafa með Wirecard svindlmáli Þýskalands sjá að í stað þess að lögsækja hið þýska svikamyllufyrirtæki fyrir svindl (aðeins eitt af ótalmörgum slíkum þýskum málum) þá ákvað þýska "fjármálaeftirlitið" að lögsækja blaðamenn FT í Bretlandi fyrir að segja sannleikann. Og svo kemur rúsínan í esbendanum: "eftirlitið" bannaði fjárfestum að skort-selja bréfin í Wirecard

Fyrri færsla

St Louis Fed: Bandaríska hagkerfið keyrði á 90 prósent afköstum

St Louis Fed: Bandaríska hagkerfið keyrði á 90 prósent afköstum

Viðtal við James Bullard hjá Saint Louisdeild Seðlabanka Bandaríkjanna

****

Það er vel þess virði að horfa á þetta viðtal við James Bullard seðlabanka-stjórnarformann Saint Louisdeildar bandaríska seðlabankans; Federal Reserve

Þar kemur fram að á dimmustu dögum lokana vegna kínversku Wuhan-veirunnar í Bandaríkjunum, skilaði hagkerfið í heild 90 prósent afköstum, og hann býst við að það muni í heild hafa náð fullum afköstum –við að framleiða landsframleiðslu Bandaríkjanna– nú þegar um næstu áramót. Eins og sumir vita eru það fyrirtækin og aðeins fyrirtækin sem búa til og framleiða landsframleiðsluna, en heimilin og hið opinbera neyta hennar. Þess sem er ekki neytt innanlands er flutt út til annarra landa eða sett á lagar (sparað). Bandaríkin flytja aðeins um það bil 13 prósentur landsframleiðslunnar út til annarra landa, á meðan útflutningshlutfallið í til dæmis Þýskalandi er um 45 prósentur. Þýskaland er því ofurútflutningsháðasta meiriháttar hagkerfi veraldar og er hagkerfi þess því afmyndað og afbakað samkvæmt því, sérstaklega fyrir þýsk heimili sem varla eru lánshæf lengur og er sparnaður þeirra því einnig fluttur úr landi

James Bullard segir að búast megi við því að flugrekstur taki grundavallarbreytingum þar sem miðaverð mun hækka og eðli rekstrarins breytast. Það sama mun gilda um veitingageirann og ferðaþjónustu

Það er víst óþarfi að taka það fram hér –en ég geri það samt því það er greinilega nauðsynlegt– að ferðaþjónusta er aðeins 2,7 prósentur af landsframleiðslu Bandaríkjanna og er landið því ekki á sömu leið til aukinnar fátæktar og Ísland, þar sem ferðaþjónusta var 8,6 prósentur af landsframleiðslunni 2017; samkvæmt tölum OECD. Ef maður vill halda hagkerfi sínu á fastri stefnu til nútíma steinaldar, þá er um að gera að vera ferðamannaland. Sú ferð tekur ekki langan tíma, og uppþornun skattatekna til hins opinbera reksturs í landinu fylgir auðvitað ókeypis með

Þeir sem neyðast til að fresta ferðalögum eða máltíðum á veitingahúsum munu ekki ferðast tvöfalt meira á næsta ári og heldur ekki borða tvöfalt meira. Þarna í þessum geirum hagkerfisins er því um varanlegan skaða að ræða og sem ekki er hægt að bæta upp né fyrir. Þannig er það ekki með flesta aðra geira hagkerfisins. Þar munu tómatsósuflöskuáhrif verða og má því búast við aukinni verðbólgu, en samt ekki neinni sérstakri, miðað við fyrri tíma

Mynd WSJ: Þróun einkaneyslu og atvinnuleysis í Bandaríkjunum í fjármálakreppunni (GFC) sem hófst 2007/2008 

V-laga bati í Bandaríkjunum er þegar orðinn í smásölu, sem nú er aðeins 7 prósentustigum undir því sem var áður en veiran sló til og er smásalan því að ná sér ofsaharðar núna en hún gerði í fjármálakreppunni sem hófst 2007/2008. Einkaneysla í landinu náði sér að fullu löngu áður en atvinnuleysi byrjaði að lækka, þegar um fjármálakreppuna var að ræða. Hafði hún þegar náð sér að fullu haustið 2010, en þá var atvinnuleysi vegna fjármálakreppunnar enn í hæstu hæðum eða um 9,5 prósentur. Reikna má því með að atvinnuleysi vestanhafs verði komið niður í 6 prósentur í nóvember þegar forsetakosningarnar fara fram, eins og Lars segir fyrir um í bloggpistli sínum hér

Fyrri færsla

Íslenska þjóðin slær hring um embætti höfðingja hennar

Íslenska þjóðin slær hring um embætti höfðingja hennar

Þjóðfáni lýðveldis Íslendinga

****

Íslenska þjóðin kaus sér forseta laugardaginn 27. júní 2020. Sýndi þjóðin að henni er annt um forsetaembættið og áframhald þess. Hún flykktist á kjörstað þrátt fyrir yfirburðarsigurlíkur Guðna Th. hins sitjandi forseta lýðveldis þjóðarinnar, og sýndi þar með í verki að henni er annt um sjálft embættið og áframhaldandi tilvist þess. En sumir hafa viðhaft þann tón að leggja beri embættið niður, á meðan þeir eftir hentugleikum styðja með hinni hendinni við alls konar skrílsmótmælahreyfingar brotabrota kjósenda og umboðslausra samtaka, svo og einnig við umboðslaust vald erlends yfirríkis á sama tíma. Broskallalýðræði það

Þarna var enginn skríll á ferð, heldur þjóðin sjálf, og Guðmundur Franklín á hrós skilið fyrir að bjóða sig fram og staðfesta þar með tilvistarlegt réttmæti embættisins og mikilvægi þess fyrir þjóðina. Hjá honum og Guðna Th. voru engar "rangar skoðanir", heldur aðeins mismunandi, eins og vera ber. Þakka ég báðum fyrir og óska þeim heilla

Næstu fjögur árin gengur íslensk þjóð í takt hvað varðar þjóðhöfðingja sinn og vonandi gengur hann í takt við hana, því sú þjóð mæltist til þess með auknum þunga í gær - eða með fullum þunga hins mikla meiri hluta. Svo mikið er ekki hægt að segja um hið umboðslausa það sem alþingismenn lýðveldisins aðhöfðust á kjörtímabilinu, algerlega í andstöðu við þjóðina

Fyrri færsla

Hver stendur fyrir efnahagsbata? Hvar er V-laga viðsnúningur þegar hafinn?

Hver stendur fyrir efnahagsbata? Hvar er V-laga viðsnúningur þegar hafinn?

Mynd: WSJ DS 19. júní 2020

****

Jú eins og sjá má á þessari mynd þá eru það enn sem komið er aðeins Bandaríki Norður-Ameríku sem eru að upplifa vaff-laga efnahagsbataferli. Þau fóru fyrst niður og eru fyrst upp úr Wuhan-veiru-áföllunum. Bætt atvinnuástand og einkaneysla eru þær áþreifanlegu vísbendingar sem komið hafa hve sterkastar að vestan, en ekki annars staðar frá. Sala fasteigna gengur einnig mjög vel. Þar er um uppsafnaða þörf að ræða, plús það að Bandaríkjamenn flýja nú stórborgirnar sem aldrei fyrr

Hlutabréfamarkaðir vestanhafs virðast ekki hafa áhuga á Wuhan-veiru-faraldrinum sjálfum, heldur aðeins á því hvernig sjálft hagkerfið mun líta út þegar það er komið út úr honum. Þetta rímar ágætlega við þá staðreynd að markaðurinn er ávallt fram-á-við-lítandi eða það sem kallað er forward-looking á ensku

Markaðurinn veit að hagkerfið hefur tekið breytingum, eins og svo oft vill verða í krísum, og hann er spenntur í að sjá þær koma fram í bókum þeirra fyrirtækja sem voru réttu megin við landamæri lífs og dauða þegar krísan skall á. Telja má öruggt að stafræna hagkerfið hafi tekið enn meira við sér og klórað til sín bæði markaðshluta og hugarhlutdeild meðal þjóðarinnar, til frambúðar

Í Evrópu verður sagan ekki þannig, því hún er ekki með í stafræna hagkerfinu og á ekkert slíkt í sínum fórum. Tilvist Evrópusambandsins hefur séð fyrir því. Að klóra sig til baka, verður því mjög erfitt fyrir lönd sambandsins, sem í 30 ár hafa eytt orkunni í að rífa augun úr hvort öðru og að sjá til þess að enginn fengi neitt meira en aðrir, af köku sem enginn hafði hugsað sér að baka, því eignarétturinn á henni er orðinn eftirrétturinn sjálfur. Og svo eru það varnarmálin. Gjáin milli Evrópu og Vesturheims er nú orðin svo varanleg að mörgu leyti, að meira að segja sósíaldemókratískir skríbentar FT-esb-bankablaðsins, sem enginn hefur áhuga á, sjá að engu máli mun skipta fyrir Evrópu hvaða nafni næsti forseti Bandaríkjanna heitir, þegar að flestum málum kemur

Og í gær stukku Bandaríkin yfir öfundsíkið stóra, og út úr viðræðum OECD-landa (glóbal-páfaveldið) um stafrænan skatt á fyrirtæki. Þar átti að brjóta blað í vestrænu mannkynssögunni og hefja skattlagningu á veltu erlendra fyrirtækja, en ekki bara á hagnaði þeirra. Evrópusambandið þolir nefnilega ekki efnahagslegan fjölbreytileika hagkerfa né heldur sjálfstæði þeirra, ekki frekar en Google, Facebook og Twitter þola skoðana- og vitsmunalega fjölbreytni einstaklinga. Þarna á mikið löggjafarlegt eftir að gerast á næstu árum, og hinum nýja imperíalisma svona fyrirtækja yfir hugsun og skoðunum manna, verður auðvitað kollvarpað með lögum. Enginn hefði liðið AT&T símafélaginu að banna viss orð í símtölum eða að fólk hringdi í hvern sem því sýndist og segði það sem því sýndist

How Cultural Revolutions Die – or Not
They eat their own, unless a cruel dictator rises to unite and control the mob
– eftir Victor Davis Hanson

Kosningaherferð Donalds J. Trump í haust verður því sennilega byggð á slagorðinu um að gera "Ameríku frábæra aftur – fyrir alla" (MAGA–for All). Líka fyrir þá sem geta ekki byggt afkomu sína á vinnustaðaöryggi hins stafræna hluta hagkerfisins. Þar hefur Trump mjög svo sannað sig, því að í stjórnartíð hans hefur atvinnuástand og framgangur lægra launaðra og minnihlutahópa aldrei áður í sögunni verið eins góður. Og nú þegar menningarbyltingin er strax byrjuð að éta sjálfa sig og börnin sín líka, þá gæti svo farið að sveifla hinna ótalmörgu til baka sem vilja ekki láta fallaxar-skrílinn éta sig lifandi, já hún gæti orðið mjög svo kröftug. Það er aldrei að vita

Fyrri færsla

Fær Pólland varanlegar bandarískar herstöðvar?