Alkunna er.. Ljóst er.. segir Björn Bjarna

Þurrfóðurverksmiðja Sjálfstæðisflokksins um þessar mundir, Björn ESB Bjarnason, sem virðist orðinn eins konar Jón Frímann í fullorðinsstærð, stígur ekki lengur í vitið sem hann hafði, heldur er hann kominn í vítið sem hann varast ætti. Hann gerir lítið úr því að kallað er eftir frestun voðaverka

Þegar sjálfsmorðskandídatar sem eftir nokkuð langt líf hugleysis og uppgjafar loksins taka sig á og ætla að reisa sér minnisvarða í því lífi sínu, með því að rústa einhverju og kála sjálfum sér svo á eftir, þá gildir auðvitað það eitt að reyna að tala um fyrir þeim og fá þá til að slá fyrirætlunum sínum á frest þar til hið skyndilega, löðurmannlega og tortímandi hugrekki rennur af þeim

Við erum hér að tala um formann Sjálfstæðisflokksins sem staðráðinn er í að eyðileggja Sjálfstæðisflokkinn enn meira en hann þegar hefur gert. Því ætti hann að fresta. Við erum sem sé í hugum margra Sjálfstæðismanna stödd þar. Börnum er hægt að bjarga með því að fá þau til að hugsa sig um. Fyrir ári síðan hafði formaðurinn þveröfuga skoðun við þá sem hann þykist hafa í dag; þessa hér

Ekki veit ég hvað komið hefur fyrir Björn Bjarnason, nema þá það að hann hafi villt svona kyrfilega á sér heimildir svona lengi. En kannski hefur einhver eitrað fyrir þeim frændum. Það dettur manni helst í hug. Eru kannski Rússar með í þessu spili þeirra. Eru Rússar nokkuð hér að verki? Ég spyr, því halda mætti að forysta Sjálfstæðisflokksins sæti fjárkúgun, slík er u-beygja hennar

Undirskriftasöfnun meðal Sjálfstæðismanna sem alla ævi hafa fylgt forystunni gengur vel. Þar sér maður menn sem engum hefði dottið í hug að myndu skrifa undir og hverra fjölskylda sagði að slíkt kæmi aldrei til greina. En þeir gera það samt. Svo annt er þeim um landið sitt Ísland. Það er stærra en flokksforystan. Óendanlega stærra

Slefandi og áttavillt dekurbörn eiga ekki að fá að rústa því sem tekið hefur Íslendinga aldir að byggja upp

MIÐFLOKKURINN

Þess vegna blæs Miðflokkurinn til þverpólitískra funda um yfirríkispakka Orkubandalags Evrópusambandsins, sem þjóðþing landa, og þar með EINNIG Alþingi Íslendinga, mega ekki hefta sé því einu sinni kyngt. Stórum hluta fullveldis þjóðarinnar yrði þar með varpað fyrir róða, engum til gagns en öllum til ógagns:

Frummælendur verða:

• Sigmundur Davíð Gunnlaugsson, formaður Miðflokksins og fv. forsætisráðherra

• Frosti Sigurjónsson fv. þingmaður Framsóknarflokksins

• Styrmir Gunnarsson fv. ritstjóri Morgunblaðsins

• Ingibjörg Sverrisdóttir ferðamálafrömuður

• Ögmundur Jónasson fv. innanríkisráðherra og formaður BSRB

Fyrri færsla

Orkubandalag Brussels: ACER mun kynna nýjar valdakröfur sínar þann 1. september 2019

Orkubandalag Brussels: ACER mun kynna nýjar valdakröfur sínar þann 1. september 2019

Leiðin til ánauðar kynnt á "opnum fundi"

****

Standard og Poors skrifar að ACER-yfirríkisvaldið sem sjá á um að 10-ára orkuáætlun Evrópusambandsins sé framkvæmd eins og sambandinu einu sýnist -samkvæmt vér einir vitum- muni kynna nýjar valdakröfur sínar þann 1. september 2019. Sennilega Morten Helveg Petersen til mikils léttis, en honum tókst þegar í mars á þessu ári að "koma í veg fyrir að sérhagsmunir þjóða" fái nokkru ráðið í Orkubandalagi Evrópusambandsins (lesist: litlu þjóðirnar). Frjálst flæði raforku yfir landamæri landa innan orkubandalagsins mega þjóðþing landa ekki hefta. Hús fjötranna styrkist. Guð blessi hógvær Sovétríkin sem létu sér nægja 5-ára áætlanir og 45-ára hersetu

Í mars á þessu ári samþykkti "þingið" sem Evrópusambandið í Brussel er með á sínum snærum og sem hefur ekki tillögurétt, en er samt yfirríkisstofnun, nýjar valdaheimilir til handa ACER sem enginn virðist hafa minnst á hér á landi, og sérstaklega ekki Leynifélagið þingflokkurinn í Sjálfstæðisflokknum sem var

Hverju skyldi það sæta?

En fyrstu þvinguðu tengingarnar á milli landa með valdaheimildunum frá 26. mars 2019 eru þegar að komast til framkvæmda, sem þvinguð opnun fyrir rafstraum á milli Jótlands og Þýskalands. Hún þvingar TennetT til að opna fyrir rafstraum á milli Jótlands og Þýskalands þegar á þessu ári

Öllu þessu er afar auðvelt að þrýsta og þvinga í gegn undir formerkjum um komandi vá af einu eða öðru tagi, eins og alltaf í langri sögu nytsamra kjána. Vísað er til váar eins og allir einræðisherrar sögunnar hafa alltaf notað sér í hag. Gerir þú ekki þetta þá förumst við. Þú verður að samþykkja. Og leiðin til ánauðar opnast

Í dag er það loftslagsklámiðnaðurinn sem er með eignarréttinn á næsta heimsendi. Danska veðurstofan mátti hafa sig alla við að afneita föllnu hitameti á Grænlandi í síðustu viku. En enginn tekur auðvitað eftir því

Á sama tíma berast fréttir af velheppnaðri sölu hlutabréfa í vangefinni Grétu Thunberg, þar sem miklu fé hefur verið rakað inn. Al Gore má fara að verja tekjumet sitt í heimsendasölu

Hvað gerir Leynifélagið þingflokkurinn í Sjálfstæðisflokknum án flokks næst?

Fyrri færsla

Hefur Bjarni Ben skrifað Ísland inn í nýjan nasistaflokk?

Hefur Bjarni Ben skrifað Ísland inn í nýjan nasistaflokk?

MISFÓSTRIÐ AIIB INNVIÐA-FJÁRFESTINGARBANKI ASÍU

Andrew Hastie þingmaður frjálslyndra og forseti upplýsingaþjónustu-nefndar ástralska þingsins, líkir Kína við ris og útbreiðslu nasisma á 20. öld. Hann segir að þegar að Ástralíu kemur, þá hafi henni eins og Frakklandi á 20. öld mistekist að horfast í augu við hið sanna eðli þess stjórnarfars sem nasisminn er. Það að mistakast að horfast í augu við og stöðva útbreiðslu kínverskra áhrifa er á pari við að hafa mistekist að hefta útbreiðslu nasisma á sínum tíma. Ástralíu hefur mistekist að koma auga á áhrif kínverska kommúnistaflokksins í innviðafjárfestingum í Asíu á svipaðan hátt og Vesturlönd lokuðu augunum fyrir ásetningi Jósefs Stalín og kommúnistaflokks Sovétríkjanna. Okkur hefur mistekist við að koma auga á hversu hreyfanleg alræðisstjórnin í nágrenni okkar er orðin: |Breitbart|ABC|DW|

Sem sagt; Bjarni Benediktsson hefur meldað Ísland inn í nýtt helvíti á jörð. Það var svo sem honum líkt. Enda um fullvaxið smábarn að ræða sem tekist hefur að búa til litla flokksholu úr sófapullum, humar-hummi, metoo-gaggi og umhverfismálaklámi í höll þeirra sem kalla sig "þingflokk" Sjálfstæðisflokksins

Bjarni Benediktsson fjármálaráðherra þann 1. júlí 2015, þvert á aðvaranir dýpsta og eina raunverulega bandamanns okkar, Bandaríkjanna:

"Það gerðist bara á nokkrum sólarhringum [jáh bara sí svona, thi hi], þegar átti að fara að loka stofnskránni og mikill fjöldi annarra bandamanna okkar en Bandaríkjamenn ákvað að vera með, að við ákváðum að vera með," sagði hann í samtali við Morgunblaðið"

Evrópusambandið, Rússland og Kína er pólitísk þrenna hins gamla heims á landmassa EvrAsíu. Þar breytist aldrei neitt. Þeim tekst aðeins að villa á sér heimildir í vissan tíma, þar sem nytsamir kjánar eins og Bjarni Ben hoppa um borð. En svo fellur gríman alltaf og hinn og nakti sannleikur tekur við

Íslendingar og hið nýja lýðveldi okkar Ísland, á betra skilið en raðbilaða kjána af þessu tagi. Þeir geta kostað þjóðir allt

Fyrri færsla

Trump skiptir um bleyju á Angelu Merkel

Trump skiptir um bleyju á Angelu Merkel

Þið munið þegar að esb-svellbunkinn í Sjálfstæðisflokknum --þið vitið, þar sem esb-menn þess flokks falla ólæknandi hvor um annan, aftur og aftur-- sagði að Angela Merkel væri leiðtogi hins frjálsa heims af því að Donald Trump forseti Bandaríkjanna væri svo vondur að rukka einkum Þýskaland, sem er með stærsta viðskiptahagnað veraldar, um NATO-áskriftargjöldin sín. Já þið munið einnig xD-fólkið á esb-svellinu sem lapti upplýsingafölsun CNN-veldisins um að Brennan fráfarandi forstjóri CIA --sem sagði að Trump forseti Bandaríkjanna væri allt að því landráðamaður-- var sviptur öryggisheimildum sínum (1,4 milljónir Bandaríkjamanna hafa þær er varðar ríkisleyndarmál og 4,3 milljónir hafa þær á lægri stigum) og hefði fyrir þau ummæli verið sviptur "öryggisheimildum", sem þýddi að Trump væri að "þagga niður í" andstæðingum sínum, eins og einræðisherra, og væri að "flokksvæða" þær, eins og Björn ESB Bjarnason sagði saklausum Íslendingum frá - ásamt því að Robert Mueller væri að "hreinsa út í Washington" á meðan það var alveg öfugt: Muellert gæti verið á leið í spjældet, þar sem kumpánar Brennan eru að staflast upp

Sannleikurinn var hins vegar sá að Brennan hafði ítrekað logið að bandaríska þinginu og það var Richard Burr forseti upplýsingaþjónustunefndar bandaríska þingsins sem svipti hann þeim heimildum, með því að beina því máli til forsetaembættisins, því Brennan-maðurinn var greinilega orðin lygari geðbilaður af hatri og sem ekki var lengur unnt að stóla á

En hvað um það. Þá er komið að bleyjuskiptunum á Angelu Merkel "leiðtoga hins frjálsa heims"; eins og esb-blaðamenn allra landa (nýlendusinnar) sögðu að hún væri þegar Trump tók upp á því sem enginn hafði þorað að gera; að rukka hana og taglhnýtinga Þýskalans í ESB, sem herma eftir henni, um verndaráskriftina að NATO, sem Þýskaland vísvitandi er að reyna að rústa innanfrá

En "leiðtogi hins frjálsa heims" er Merkel auðvitað ekki frekar en esb-bófar eru "neytendavernd". Hún er miklu frekar leiðtogi hins ófrjálsa heims sem í vændum væri, réði hún nokkru sem helst um þann hluta veraldar. Það er nefnilega svo að Trump og Bandaríkin, sem hún og flest allir kanslarar Þýskalans frá 1871 hafa fyrirlitið og hatað, stendur nú næstum einhentur í því þarfaverki að vernda og halda alþjóðlegum siglingarleiðum um Hormuzsund opnum svo að Þýskaland geti nú fengið olíuna sína, og siglt útflutningi sínum heim til Kína þar sem Bjarni Ben situr í bankastjórn

Stærsti hluti olíuflutninga heimsins á sjó verða að fara um flöskuháls Hormuzsunds, eða í kringum 18 til 20 milljónir tunna á dag, og stór hluti þeirra fer áfram til Kína um flöskuhálsinn Malakkasund. Til samanburðar má líta á olíuflutninga um flöskuhálsinn Eystrasalt, sem eru 3,2 milljónir tunna á dag. En þar nýtur meginland Evrópu samt góðs af rúmlega 5000 kílómetra NATO-leiðslu Bandaríkjanna um meginlandið, sem sér stærstum hluta borgaralegrar flugumferðar fyrir flugvélaeldsneyti, sem dælt er áfram til þeirra frá ströndum Atlantshafsins og Miðjarðarhafs. Þegar þú flýgur frá meginlandi Evrópu þá flýgur þú mjög líklega á eldsneyti úr NATO-leiðslum Bandaríkjanna og birgðakerfi þess

Trump og Bandaríkin þurfa ekki á þessari olíu sem fer um Hormuzsund að halda, því þau eru orðin sjálfum sér næg í þeim efnum, og gott betur en það. Og það sem meira er, Þýskaland hefur neitað að senda skip á staðinn til verndar þýskum hagsmunum. Já, neitað því! og þar með afvísað beinni beiðni Bandaríkjanna um slíkt. Það var bara hlegið og púað á beiðni Bandaríkjanna í gúmmíþingi þýska nýlenduveldisins. Þetta er ekki að gerast í túnfæti Bandaríkjanna, heldur í túnfæti Þýskalands, eins helsta leiðtoga hins ófrjálsa heims

Bandaríkin sjálf myndu stórgræða á lokun Hormuzsunds, því olíu og gasútflutningur þeirra er orðinn það mikill. En sem sagt; eins og leiðari Wall Street Journal segir um málið:

"Europe claims it cant rely on the U.S., but look who is protecting ships" | WSJ

Þvaðurveldi ESB- og nýlendufjölmiðla Vesturlanda skyldi helst enginn trúa né taka alvarlega, og síst eins alvarlega og nýlenduforysta Valhallar gerir á staðnum vonda þar sem svellbunkinn er. Hann er það eina sem aldrei virðist bráðna í umhverfismálaklámflokki ríkisstjórnarflokkanna

Fyrri færsla

Bjarni trúir á landamæri, en bara ekki á landamæri Íslands

Bjarni trúir á landamæri, en bara ekki á landamæri Íslands

Það var eins og við manninn mælt, að í þau örfáu skipti sem formaður Sjálfstæðisflokksins opnar munninn, þá er enginn neinu nær um það hvaða skoðanir hann hefur á neinu. Sennilega hefur hann aðeins þá skoðun sem embættismenn segja honum að hafa, eða ættin

Samkvæmt fljúgandi Bjarna í fljúgandi kvöldfréttum DDRÚV um Íslandssölu til útlendinga í kvöld, þá trúir hann á landamæri. Hann trúir á að til sé úti í heimi svæði sem heitir "EES-svæðið", og að innan þess sé allt öruggt og gott. Hann trúir sem sagt ekki á landamæri Íslands. En þar, og einungis þar, hefur hann sjálfur lögsögu og umboð til að vinna landi okkar gagn, en ekki það ógagn sem hann er að vinna landi okkar og þjóð með pökkum Orkubandalags Evrópusambandsins, sem er innpökkuð ófreskja, svo ekki sé minnst á alla hina pakkana sem hann hefur fallið flatur fyrir eins og að raðbilaður væri

Bjarni hefur ítrekað lýst yfir vantrausti á íslensku þjóðinni og hann hefur ítrekað brugðist henni. En í kvöld brást hann einmitt við á þann ömurlega hátt sem hann hefur rústað Sjálfstæðisflokknum sem íslensku stjórnmálaafli með. Þarna er áfram ekkert, og því enga hjálp fyrir þjóðina að sækja, eins og í Icesave

Enginn hefur lengur stjórn á því hvað er á "EES-svæðinu". Landamæri þess virka auðvitað ekki, því þau eru ekki til. Og embættismanna-stjórnmálamenn þess hafa því eyðilagt líf borganna á því. Það skrifaði einmitt stærsti fjölmiðill Þýskalands um í síðustu viku. Stjórnmálamenn felldu niður þýska landamæravörslu, settu ónýtt Schengenkerfi í staðinn og það virkrar ekki hið minnsta og fólk missir lífið. Þeir hafa brugðist þýsku þjóðinni segir Bild

"Evrópusambandið afskaffaði landamæravörslu Þýskalands með Schengenfyrirkomulaginu án þess að setja á virka vernd í staðinn á ytri landamærum þess, eins og lofað var, og án þess að tryggja að gögnum og upplýsingum sé deilt meðal ríkjanna svo að lögreglulið landanna viti hvað þau eru að glíma við. [..] Það verður að vera algjört forgangsverk Angleu Merkel að breyta þessu loksins." Bild

Fyrri færsla

Aska Sjálfstæðisflokksins fýkur fyrir björg. Sumarhúsasala Björns Bjarnasonar

Aska Sjálfstæðisflokksins fýkur fyrir björg. Sumarhúsasala Björns Bjarnasonar

BJÁNASETTIÐ OG LÍKAMSLEIFAR ÍSLENDINGA

Sú atkvæða-fuglahræða sem forysta Sjálfstæðisflokksins hefur verið fyrir flokkinn hin síðustu tíu ár, fékk nýjan krunk-byr undir atkvæðafælu sína í gær, þegar frelsinu til að eyðileggja var ruglað saman við frelsið til mega vera laus við plágur. Frelsinu til hafa leyfi til að skapa plágur er ruglað sama við frelsi manna frá til dæmis síðasta heimsendi vegna heiðni. Þannig voru orð Franklíns D. Roosevelt er hann ávarpaði bandaríska þjóðþingið 1942:

Frelsi FRÁ ágirnd og frelsi FRÁ ótta: "Our own objectives are clear; the objective of smashing the militarism imposed by war lords upon their enslaved peoples the objective of liberating the subjugated Nations—the objective of establishing and securing freedom of speech, freedom of religion, freedom from want, and freedom from fear everywhere in the world." [..] "They know that victory for us means victory for religion. And they could not tolerate that. The world is too small to provide adequate "living room" for both Hitler and God. In proof of that, the Nazis have now announced their plan for enforcing their new German, pagan religion all over the world--a plan by which the Holy Bible and the Cross of Mercy would be displaced by Mein Kampf and the swastika and the naked sword"

Take that Brussel! Hófu svo Bandaríkin krossferð sína gegn heiðni og höfðu sigur. Franklin D. Roosevelt hafði aldrei lesið Hayek, heldur las hann Biblíuna eins og Lincoln og Patton sem gerði það "hvern einasta helvítis dag", og Bandaríkin frelsuðu því heiminn frá heiðingjum á borð við Brussel, sem endurhannað hefur nú myntbandalags-teikningar Þriðja ríkisins frá 1941, þar sem aðildarlönd svæðisins (R-mark zone) yrðu frá byrjun fyrst og fremst Þýskaland (hér undir innlimuð Austurríki, Bohemia og Moravia) og svo Holland, Belgía (og þar undir Lúxemborg sem hafði verið í myntbandalagi við Belgíu frá 1926), Danmörk, Noregur, Svíþjóð, Slóvakía, Rúmenía, Búlgaría, og Ungverjaland. Hin öxulveldin, Ítalía og Japan, myndu hins vegar stjórna sínum eigin útibúum af stórefnahagssvæðum með Spán, Grikkland og Tyrkland undir Ítalíu. Breska pundið var sem sagt af þessum glóbalistum talið af, eins og í dag

Nýr Bank of Europe (Seðlabanki Evrópu) yrði stofnaður. En af "stjórnmálalegum ástæðum" taldi ríkisstjórn Hitlers að það myndi skaða leifarnar af sjálfstrausti hinna hernumdu ríkja ef að sameiginleg mynt yrði látin útrýma eigin mynt landanna frá byrjun. Það yrði því um vissan aðlögunartíma að ræða. En í staðinn yrðu hin hernumdu lönd að samþykkja óafturkallanlegt fastgengi við German Reichsmark. Heimsókn Henri Ardant aðalbankastjóra Société Générale til herra Hitlers, næstum samstundis eftir hernám hins síðar nefnda á Frakklandi, snérist um að undirstrika áhuga franskra föðurlandssvikara á aðild Frakklands að komandi tollabandalagi og upptöku sameignlegrar myntar

Nasismi (Nationalsozialismus) er sósíalismi þar sem fólkið er þjóðnýtt í þágu pólitísks málstaðar. Það þótti hagkvæmara og gefa betri árangur en að þjóðnýta atvinnutækin eins og gert var í Sovétríkjunum. Bæði nasistar og kommúnistar hötuðu þjóðríkið sem manngæskuberandi stofnun, eins og Brussel gerir líka og sem hefur því þegar þjóðnýtt stjórnmálin í álfunni; þau mega aðeins snúast um og lúta að pólitísku hugmyndinni um Evrópusamruna. Öll önnur stjórnmál eru bönnuð sbr. Brexit

ESB-sinnar eru að bakka ríkjum Evrópu út úr þjóðríkjum sínum og inn í imperíal heimsveldi, eins og Hitler bakkaði Þýskalandi út úr Weimarlýðveldi og aftur inn í heimsveldið. Sherman, afsakið, Pershing hershöfðingi hafði rétt fyrir sér: Bandaríkin, Bretland og Frakkland hefðu átt að fara alla leið til Berlínar 1917, hernema allt Þýskaland, láta það undirrita skilyrðislausa uppgjöf að hætti Grants hershöfðingja og síðar forseta Bandaríkjanna, og standa síðan með byssuhlaupið upp að pólitísku höfði þess næstu 75 árin, og láta það éta Weimarlýðveldi með sleif hvern einasta helvítis Pattons-dag. Því miður var ekki á hann hlustað og það kostaði 70 milljónir manna lífið

Í dag óttast Íslendingar að bakk-forysta Sjálfstæðisflokksins selji fullveldi landsins, taki líkamsleifar þeirra og varpi þeim í suðupotta bjána á alþingi, selji landið okkar til útlendinga og sigi innrásarherjum geimvera á okkur, á meðan þeir hafa læst Vestur-Íslendinga úti með því að vilja loka landið okkar inni í nýju esb-sovétríki í smíðum í Brussel; og sem nýlenduforysta Sjálfstæðisflokksins ólm vill framselja land okkar og náttúruauðlindir undir; með orkupökkum endurfæddra nýlendusinna austan Atlantsála. Austrið skal það vera; Ísland nýlenda á ný, ó hvenær kemur esb þú

SUMARHÚSASALA BJÖRNS BJARNASONAR

Í dag skrifar Björn Bjarnason enn eina esb-pottagaldursgreinina um málefni sem honum virðast kær: landssöluna, sem er forsenda orkupakkaveldis Sjálfstæðisflokksins. Dregin er upp frétt af vef DDRDK, sem er systurstofnun DDRÚV og sem Björn var með til að viðhalda sem ráðherra, en sem hann skylduvælir yfir úr öruggri fjarlægð núna. Þar segir hann frá því að frá árinu 1959 hafi Danmörk veitt "útlendingum" undanþágu til að kaupa á sumarhúsi í Danmörku og þar af 2238 undanþágur veitt frá 2007 til 2018

Allan þennan tíma frá 1959 hefur Danmörk ekki heimilað að danskir ríkisborgarar haldi ríkisborgararétti sínum flytji þeir úr landi og neyðist til að taka upp ríkifang þess lands sem þeir hafa til dæmis gift sig inn í. Tvöfaldur ríkisborgararéttur hefur þannig ekki verið heimill fyrir danska ríkisborgara nær allan hluta þess tímabils sem reglurnar hafa gilt: þ.e. frá 1959 til 2018, eða í 59 ár. Fimm prósentur þeirra undanþága veittar voru frá 2007 til 2018 eru þess utan frá núverandi dönskum ríkisborgurum sem hafa lögheimili erlendis og eru ekki búsettir í Danmörku samkvæmt þjóðskrá, d. udlandsdanskere

Undanþágurnar 2238 samanstanda nær allar af þessu fólki (fyrrum og núverandi Dönum) og Norðmönnum sem eru nýríkir, því Noregur er ekki lengur nýlenda Danmerkur. En hann var það, og þess vegna hafa Norðmenn fjölskyldutengsl

Árið 2007 voru veittar 54 undanþágur en í fyrra voru þær 374. Í Danmörku eru um það bil 230 þúsund sumarhús og fjöldi kaupsamninga árið 2016 var 7778. Árið áður, þ.e. 2015, voru veittar 286 undanþágur, þar af voru flestar til Norðmanna. Árið 2013 sóttu 239 Norðmenn um undanþágu, 154 fengu hana en 85 var hafnað. Frumforsenda undanþága er dönsk fjölskyldutengsl og svo hjálpar fyrri nýlendukúgun Dana á vissum þjóðum, og að umsækjendur tali dönsku, séu danskmenningar-kunnandi, hafi leigt sama sumarhúsið mörgum sinnum, og haldið sumarfrí 25 sinnum í Danmörku á síðustu 25 árum

Forsenda Dana fyrir samþykkt Maastricht-sáttmálans var að reglurnar um kaup útlendinga á sumarhúsum væru sérstaklega skráðar þar inn og að Danmörk hefði allan þann rétt sinn óskertan um aldur og ævi. Hún gildir um allar eignir sem ekki er búið í með fastri búsetu allt árið; heilsársheimili

Til stóð að ný hægri ríkisstjórn Venstre með stuðningi Dansk Folkeparti myndi taka þetta mál til endurskoðunar og setja á (0-20 stk) kvóta yfir hversu margar undanþágur -ef yfir höfuð nokkrar- ætti að veita á hverju ári. Málið er farið að hitna það mikið undir dönskum stjórnvöldum. En þeir töpuðu hins vegar kosningunum eins og Sjálfstæðisflokkur er að tapa öllu og selur peningavillimönnum -sem þess vegna geta keypt hér allt upp á vegum Kína- heilu landshluta þess lands sem aðeins við Íslendingar eigum einir. Bálför Sjálfstæðisflokksins heldur því áfram. Öskufallið er næst

Heimildir: ekki DDRDK

Fyrri færsla

Viðskiptastríð: Börnin æðisleg. Kynlíf samt synd

Viðskiptastríð: Börnin æðisleg. Kynlíf samt synd

Mættur á staðinn: febrúar 2017. Bandaríska þjóðin pantaði jarðýtu. Og hún fékk jarðýtu. Og þegar jarðýtan Trump mætir á staðinn, þá hristist plánetan og blómavasar líberalista skjálfa eins og þeir sjálfir skjálfa við stássborðin, og heimsmyndir glóbalista glamra á veggjunum. Jarðýta er jarðýta. Það er galdurinn við þær: þær virka. Jimmy-Stewart-týpur stjórnmálamanna geta hins vegar ekki verið jarðýtur. Þeir hafa það ekki í sér. Þess vegna pantaði bandaríska þjóðin Trump

****

Það var, að ég held, bara einn hagfræðingur sem var með allar tölur yfir það sem er að gerast í dag réttar árið 2010, og það var Michael Pettis. Hann er eini hagfræðingurinn sem ég veit um sem skilur alþjóðleg viðskipti rétt. Skilur milliríkjaviðskipti rétt. "Alþjóðleg viðskipti" eru þó yfirleitt rangnefni. Þau heita milliríkjaviðskipti og þau þurfa alls ekki að vera "alþjóðleg". Alþjóðleg viðskipti eru venjulega böl, en milliríkjaviðskipti geta verið blessun og eru oft blessun. Þau eru þó ekki "réttindi", heldur forréttindi

Árið 2010 sagði Pettis að viðskiptastríð væri óhjákvæmilegt. En hvers vegna sagði hann það? Jú, heilabú glóbalista er þýsk-kínversk sovétframleiðsla, þar sem viðskiptahalli er álitinn synd, en viðskiptahagnaður er álitinn dyggð

Þetta svarar til þess að þýsk-kínverska spilaborgin segi að kynlíf sé synd, en að börnin sem koma út úr því séu blessun. Og spilaborg þessi vill bara fá börnin, en ekki svitapolla kynlífsins

Viðskiptahallalöndin skaffa eftirspurn, á meðan viðskiptahagnaðarlöndin uppskera eftirspurn

En það er komið babb í bátinn; Ekkert kynlíf = engin börn = engin eftirspurn. Þeir sem búa til börnin hafa ákveðið að hætta að afhenda þau til Þýskalands og Kína

Trump skilur þetta og sagði í kosningabaráttu sinni að hann myndi taka á málinu. Hann er eini stjórnmálamaðurinn sem þorir að segja það sem hann hugsar og gera eitthvað í málunum. Og nú eru allir sammála Trump og bandaríska þingið mest

Forsenda alls þessa er að milliríkjaviðskipti séu í jafnvægi. Og þess vegna heitir hitamælir þeirra viðskiptajöfnuður. Forsenda "alþjóðlegra viðskipta" hefur ávallt verði sú að þau séu í jafnvægi. Og það eru þau ekki. Þau eru því að eyðileggja þann heim og stofnanir hans sem Bandaríkin byggðu upp frá og með 1945, er þau reistu heiminn við úr rústum síðustu glóbalista

Ég sagði að alþjóðleg viðskipti væru slæm. En hvers vegna segi ég það, fyrst að ég segi að milliríkjaviðskipti séu oft blessun? Jú vegna þess að alþjóðleg viðskipti (og reyndar öll alþjóðleg "samvinna") byggir ávallt á forsendum lægsta sameiginlega nefnara þeirra. Dæmi: krypplingurinn Þýskaland, sem ófært er um að stunda kynlíf (skapa eftirspurn), skilgreinir allt Evrópusambandið, allt evrusvæðið og allt orkubandalag ESB. Krypplingur ræður för. Það sama gildir um Sameinuðu þjóðirnar, þar sem stór hluti þjóðanna þar eru einræðisherraríki og krypplingar

Aðgerðir Trumps í gær, þess efnis að stimpla Kína sem gengis- og gjaldmiðilsfúskara -samkvæmt skilgreiningu þeirri sem Obama fékk samþykkta á þingi Bandaríkjanna en þorði ekki að nota- eiga mun betur við um Þýskaland, ESB og evruna, en um Kína. Evrusvæðið hefur notað 36 prósent gengisfall evrunnar ásamt neikvæðum vöxtum til að reyna að líma og klístra evrusvæðið svo saman að það myndi ekki leysast upp í kjölfar efahags,- ríkisskulda,- og fjármálakreppunnar sem skall á 2008, og varir að miklu leyti enn á evrusvæðinu. Þetta gerði Þýskaland til þess að geta haldið áfram að vera krypplingur á framfærslu annarra. Þýskaland er því með stærsta viðskiptahagnað nokkurs lands í heiminum og hann er illa til kominn. Allt ESB og evrusvæðið er með krónískan viðskiptahagnað við útlönd. Bandaríkin og Suður-Evrópa borga og bera þyngstu kynlífsbyrðarnar

En þar sem Kína fylgja einnig strategísk og geopólitísk vandamál, þá ákvað Trump að slá fyrst til þar, en ekki í Evrópu. Hún er því næst í röðinni

Það verður ánægjulegt þegar Trump tekur Þýskaland á beinið og skrúfar evruna undan því þannig að gengi þýska marksins yrði eðlilegt á ný; þ.e. 80 prósent hærra en falsað gengi þýsku evrunnar, sem ríður um heiminn á bökum fárveikra hagkerfa evrusvæðis. Þá getur Þýskaland ekki lengur notað ESB sem sogrör ofan í stjórn,- valda,- og varnarlaus lönd evrusvæðis sem föst eru í handjárnuðu gengisfyrirkomulagi við það með evru og alræðisstofninum hennar

Michael Pettis sem rak punkbar í Kína, en sem ríkisstjórnin auðvitað lokaði, kenndi og kennir kannski enn við háskóla þar. Fyrirlestur hans um Kína á hinum gamla vinnustað Alberts Einstein, má sjá hér. Og hlaðvarp þar sem hann segir sannleikann um Kína, ESB og heiminn í sívaxandi alþjóðavæðingu, með tilliti til áhrifa umframsparnaðar landa (nýtt fyrirbæri í sögunni), má hlusta á hér:

1. Michael Pettis on the mechanics and politics of trade (framework)

2. Michael Pettis on the Chinese economy (um "fríverlsun")

Ef Pettis fær ekki Nóbelsverðlaunin í hagfræði á næstu árum, þá eru sú verðlaun varla til mikils gagns fyrir veröldina

Fyrri færsla

Ósiðareglur Sjálfstæðisflokksins

Ósiðareglur Sjálfstæðisflokksins

Af vinunum skaltu þekkja þá

Enginn munur er orðinn á fiskisögufélagi Sjálfstæðisflokksins og fiskisögufélagi Samfylkingarflokkanna um ESB

Samfylkingarflokkarnir reyndu að selja Íslendingum þá hugmynd að ekkert mál væri að ganga í ESB því það væri ekkert mál að ganga úr því aftur. Og að allt í lagi væri að taka upp evru, því gæfist hún illa mætti alltaf skila henni til baka. Þetta væri ekkert mál. Og svo hélt fjóshaugur þessara flokka því fram að hægt væri að "semja um" aðild að sambandinu. Ekkert af þessu var né er rétt. Þetta voru allt hreinar og óskornar lygar, sérstaklega gerðar til að blekkja, stunda þjóðsvik og ræna frá þjóðinni sjálfsákvörðunarréttindum hins nýfenga íslenska lýðveldis hennar. Þetta eru nýlendusinnar

Fiskisögufélag Sjálfstæðisflokksins um Orkubandalagspakka Evrópusambandsins er alveg nákvæmlega eins. Þetta er í reynd orðið eitt og sama félagið um lýsa yfir krónísku vantrausti á getu og hæfni íslensku þjóðarinnar til að lifa, búa og þrífast í sínu eigin landi, því nú klappar það allt saman í einum og sama taktinum. Hinar ótrúlegustu lygar um eðli Orkubandalags ESB eru bornar á borð fyrir þjóðina á sama tíma og ESB-lönd úti í Evrópu eru dregin fyrir ESB-réttinn fyrir að hlýða ekki í einu og öllu þeim yfirríkislögum sem orkupakkinn heilsteyptur er út í gegn. Nú síðast er það Belgía, sem dregin er fyrir ESB-rannsóknarréttinn og verður þar sek fundin, dæmd og refsað, svo að hálfdautt esb-ríki borgarnanna þar megi ekkert um raforkumálin í landi sínu hafa að segja. Enda ekki nema von, því fiskisögulygar stjórnmálamanna þar um ESB á sínum tíma, voru bara lygar. Engir belgískir stýrivextir né belgískir hagsmunir í raforkumálum eru lengur til. Litið er á slíkt sem "sérhagsmunapot" í Orkubandalagi ESB. Nýjar reglur eru enn fremur á leiðinni sem beinlínis taka fyrir "sérhagsmunpot" landanna í orkumálum. Myntbandalag ESB er fyrirmyndin að Orkubandalagi ESB, sem yfirríkisleg alræðisstofnun. Pakkar þess eru ERM-I og ERM-II og lokaskrefið er ERM-III, sem er sjálf alræðisevra ESB

"Belgium did not correctly transpose certain rules on the powers of the national regulator. In particular, the Belgian regulator has not been given the powers to take decisions that are binding on electricity and gas undertakings, and can only make proposals to the government to take such decisions. Likewise, the conditions for connection to the electricity and gas networks are set by the government rather than by the regulator, as required by EU law. Finally, Belgian law does not ensure that transmission system operators actually control the whole of the electricity or gas network for which they are responsible, so they may not be in a position to fully ensure non-discriminatory access of electricity or gas suppliers to the grid:" Lögsóknin

Til að bíta enn fastar og sökkva tannlausu toppstykkinu í höfuð raðbilunarveldis Sjálfstæðisflokksins, þá segja lýðskrumarar þess ískalda flokks, og reyndar ríkisstjórnarinnar allrar, að allt í lagi sé að gangast undir Orkubandlag ESB og taka upp einskonar raforkuevrur þess, því að (já hér kemur það) "þjóðaratkvæðagreiðsla" hafi verið haldin um að yfirríkislöggjöfin sem fylgir bandalaginu eins og nótt fylgir degi, gildi ekki á Íslandi. Selfoss hefur nefnilega haldið þjóðaratkvæðagreiðslu um að íslensk umferðarlög gildi ekki í bænum; vinstriréttur gildi því þar áfram. Þegar svona Bjarna-Illugalegur málflutningur er stundaður af til dæmis Haraldi Benediktssyni lýðskrumsþingmanni Sjálfstæðisflokksins, þá opnast allir gluggar í Brussel eins og lúgur á B-52, og hlátur hinna umboðslausu embættismanna þess dritast yfir álfuna, Íslandi til ævarandi minnkunar og skammar

Sama gildir um hugsanlegt stjórnarskrárbrot norsku ríkisstjórnarinnar í orkubandalagsmálinu. "Það kemur okkur ekki við" segja menn í Brussel. Þing ykkar hefur skuldbundið Noreg með því að skrifa undir. Stingið bara ríkisstjórn ykkar inn, ef ykkur sýnist svo kæru Norðmenn. Það kemur okkur ekki við. ESB-lögin gilda. Þau eru æðri ykkar lögum

ESB-fiskisögufélag Sjálfstæðisflokksins er einnig orðið félag nýlendusinna sem flytur inn erlenda ESB-dómsforseta til að messa yfir lýðnum, á sama tíma og það með dylgjum og rógi reynir að ræna frá íslenskum ríkisborgurum stjórnarskrárbundnu málfrelsinu. Félag þetta gerir þar með þarfir sínar yfir stjórnarskrá lýðveldisins. Gullfótgöngulið DDRÚV-ríkisins í ríkinu þrammar svo í takt við fiskisögufélag Sjálfstæðisflokksins, eins og það þrammaði ávallt ESB-taktinn með fiskisögufélagi Samfylkingarflokkanna. Ekkert af þessu fólki hafði minnstu hugmynd um hvað það var að gera, og það hefur heldur ekki minnstu hugmynd um það í dag. Pólitískir óreiðumenn vita slíkt aldrei. Íslenska þjóðin á ekki að borga pólitískar skuldir óreiðumanna

Lýðveldið Ísland þarf að koma sér upp vopnuðu þjóðvarðliði, svo að þjóðin geti varist ríkisstjórninni í framtíðinni

Fyrri færsla

Umferð tekin að þyngjast frá Valhöll

Umferð tekin að þyngjast frá Valhöll

Þetta er að gerast af því að íslenska þjóðin álítur að um Titanic sé þar að ræða. Og þjóðin veit að þeir sem láta sig vera fyrstu ættar farrýmisfarþega um borð í því skipi, velja ávallt að lýsa yfir vantrausti á ísjökum, sérstaklega borgarísjökum

Það eru þó enn 20 prósentur eftir af skipinu og þeim ber því að stúta sem fyrst, svo að frændi 1B verði glaður. Þetta segir 3B-maðurinn í brúnni að sé leiðin til leiðarenda. Að lýsa yfir vantrausti á borgarísjökum. Þá hverfa þeir, eins og það breska Texas sem er að yfirgefa ESB, eins og lávarðurinn Black af Massey Ferguson bendir á. En meðan á stími stendur, segir 2B að þjóðin eigi að borða kökur

Íslenska þjóðin, sem flokkurinn í tvígang á tíu árum hefur lýst vantrausti á, veit nú með óbilandi öryggi að hún á að forða sér frá borði. Þess vegna er umferð tekin að þyngjast frá Valhöll

Öll ríkisstjórnin hefur einnig lýst yfir vantrausti á þjóðinni og landi hennar; lýðveldinu Íslandi. Það er óþolandi, og verður ekki liðið

Fyrri færsla

Minnsta fylgi Sjálfstæðisflokksins síðan 2008 !

Minnsta fylgi Sjálfstæðisflokksins síðan 2008 !

Mynd: Munurinn á fylgi Sjálfstæðisflokksins og Miðflokksins; skv. Gallup. Síðasta mæling 27. júní til 30. júlí 2019: 9,5 prósentur

****

Já það er víst þannig. Enda ekki nema von þar sem forysta þess er einu sinni var alíslenskur stjórnmálaflokkur, og öll tromp hafði á sínum höndum, hefur afsalað flokknum öllum pólitískum frama með því að raðbrjóta alla þá mikilvægustu stólpa, stuðla og fætur sem hugsast gat undan Sjálfstæðisflokknum, í höndum eins konar sjálfspyntingarforystu frá og með mars mánuði 2009. Í því ljósi séð er um eðlilega og skilvirka ofanafvindu fylgismála Sjálfstæðisflokksins að ræða. Bjarna Benediktssyni tekst þetta; að eyðileggja flokkinn með humar-hummi og metoo-gaggi í höll þeirra sem kalla sig "þingflokk" flokksins. Nýlenda skal Ísland helst verða á ný, virðist vera mottó þeirra sem gert hafa sig að raðdómgreindarskertum flokki í flokknum

Miðflokkurinn étur upp fylgi Sjálfstæðisflokksins eins og að um umhirðulaust poppkorn á borði ofdekraðra en fullvaxinna smábarna á miðjum aldri sé að ræða. Frá því að Miðflokkurinn bauð sig fram hefur munurinn á fylgi hans og Sjálfstæðisflokksins aldrei verið minni en mælist nú; eða aðeins 9,5 prósentur. Bilið samkvæmt Gallup mældist mest í september 2017, er Miðflokkurinn komst fyrst á mæliblað: þá var hann 20,8 prósentur. Og fyrir hálfu ári síðan, í febrúar á þessu ári, var munurinn 18,3 prósentur. Í dag er hann 9,5 prósentur og fer hratt minnkandi. Miðflokkurinn gæti orðið stærsta og öflugasta stjórnmálaafl íslensks almúga, sem elítan fyrirlítur

Orkupakkaþingflokkur Sjálfstæðisflokksins hefur nú þegar óskað eftir því að eldra fólk en í orkupakkaþingflokknum getur verið, yfirgefi og hætti að kjósa Sjálfstæðisflokkinn, aldurs síns vegna. Þar losna töluvert margar prósentur. Og svo eru það þeir hallærislegu sem standa fast í vegi fyrir þeim hamförum sem orkupakkaþingflokkurinn kallar framfarir. Þar losna nokkrar prósentur í viðbót. Orkupakkaflokkur ESB í xD þarf ekki nema fimm prósentu losun yfir í Miðflokkinn til að hann sé stærri en Sjálfstæðisflokkurinn. Og það verður hann

Og þetta er svona þrátt fyrir tvennar aðfarir fjölmiðla og annarra að baráttumanninum Sigmundi Davíð Gunnlaugssyni. Það borgar sig að heita Davíð, þó svo að það kosti. En þeir hafa aldrei vílað fyrir sér persónulegan kostnað í baráttu sinni fyrir Íslandi sem pólitískri hugmynd íslensku þjóðarinnar í sínu eigin landi. Sú hugmynd er orðin ansi fjarlæg orkupakkaþingflokknum í (ó)Sjálfstæðisflokknum. Hann á því orðið skilið að deyja. Tími hans er greinilega liðinn. Stjórnmálaflokkar þola ekki fjandsamlegar yfirtökur innherja

Þetta er mikill frændsemisgreiði við gorkúlus Benedikt evrusvitabols-frænda Bjarna Ben í Viðreisn, sem áður messaði ESB-fagnaðarerindið í Valhöll. En þar sem esb-altari Benedikts stóð í Valhöll, stendur nú Þriðji Orkupakkapáfi Evrópusambandsins, uppreistur og klár til að rústa þeim rústum sem Bjarni Ben er svo sérfróður í að fullkomna fyrir fullt og allt. Þorgerði kjötfjall þarf víst ekki að minnast á í þessu samhengi. Það fjall sjá allir og muna með því að líta upp og til austurs þessa dagana. Hvert annað? Sannarlega ekki til vesturs, þar sem birtan býr. Myrkrið úr austri skal það því vera. Alltaf austur

Ótíðindi þriðja orkupakka Evrópusambandsins fyrir Ísland kalla til allra Íslendinga: Upp með Fánann! Upp með Fánann!

Nú er að duga eða láta flokkshollustuna drepa Ísland og gera okkur hægfara að nýlendu á ný. En það er greinilega orðið allra efst á óskalista orkupakkaflokksins í xD flokknum, eins og allir sjá sem sjá vilja

Niður með orkupakkaflokk Evrópusambandsins. Upp með Fánann!

Fyrri færsla

Naktar staðreyndir á jörðu niðri

****

AUKABLAÐ UTANRÍKISMÁL

HLAÐVARP MEÐ VICTOR DAVIS HANSON = UM ÍRAN

Minnsta fylgi Sjálfstæðisflokksins síðan 2008