Minnsta fylgi Sjálfstæðisflokksins síðan 2008 !

Mynd: Munurinn á fylgi Sjálfstæðisflokksins og Miðflokksins; skv. Gallup. Síðasta mæling 27. júní til 30. júlí 2019: 9,5 prósentur

****

Já það er víst þannig. Enda ekki nema von þar sem forysta þess er einu sinni var alíslenskur stjórnmálaflokkur, og öll tromp hafði á sínum höndum, hefur afsalað flokknum öllum pólitískum frama með því að raðbrjóta alla þá mikilvægustu stólpa, stuðla og fætur sem hugsast gat undan Sjálfstæðisflokknum, í höndum eins konar sjálfspyntingarforystu frá og með mars mánuði 2009. Í því ljósi séð er um eðlilega og skilvirka ofanafvindu fylgismála Sjálfstæðisflokksins að ræða. Bjarna Benediktssyni tekst þetta; að eyðileggja flokkinn með humar-hummi og metoo-gaggi í höll þeirra sem kalla sig "þingflokk" flokksins. Nýlenda skal Ísland helst verða á ný, virðist vera mottó þeirra sem gert hafa sig að raðdómgreindarskertum flokki í flokknum

Miðflokkurinn étur upp fylgi Sjálfstæðisflokksins eins og að um umhirðulaust poppkorn á borði ofdekraðra en fullvaxinna smábarna á miðjum aldri sé að ræða. Frá því að Miðflokkurinn bauð sig fram hefur munurinn á fylgi hans og Sjálfstæðisflokksins aldrei verið minni en mælist nú; eða aðeins 9,5 prósentur. Bilið samkvæmt Gallup mældist mest í september 2017, er Miðflokkurinn komst fyrst á mæliblað: þá var hann 20,8 prósentur. Og fyrir hálfu ári síðan, í febrúar á þessu ári, var munurinn 18,3 prósentur. Í dag er hann 9,5 prósentur og fer hratt minnkandi. Miðflokkurinn gæti orðið stærsta og öflugasta stjórnmálaafl íslensks almúga, sem elítan fyrirlítur

Orkupakkaþingflokkur Sjálfstæðisflokksins hefur nú þegar óskað eftir því að eldra fólk en í orkupakkaþingflokknum getur verið, yfirgefi og hætti að kjósa Sjálfstæðisflokkinn, aldurs síns vegna. Þar losna töluvert margar prósentur. Og svo eru það þeir hallærislegu sem standa fast í vegi fyrir þeim hamförum sem orkupakkaþingflokkurinn kallar framfarir. Þar losna nokkrar prósentur í viðbót. Orkupakkaflokkur ESB í xD þarf ekki nema fimm prósentu losun yfir í Miðflokkinn til að hann sé stærri en Sjálfstæðisflokkurinn. Og það verður hann

Og þetta er svona þrátt fyrir tvennar aðfarir fjölmiðla og annarra að baráttumanninum Sigmundi Davíð Gunnlaugssyni. Það borgar sig að heita Davíð, þó svo að það kosti. En þeir hafa aldrei vílað fyrir sér persónulegan kostnað í baráttu sinni fyrir Íslandi sem pólitískri hugmynd íslensku þjóðarinnar í sínu eigin landi. Sú hugmynd er orðin ansi fjarlæg orkupakkaþingflokknum í (ó)Sjálfstæðisflokknum. Hann á því orðið skilið að deyja. Tími hans er greinilega liðinn. Stjórnmálaflokkar þola ekki fjandsamlegar yfirtökur innherja

Þetta er mikill frændsemisgreiði við gorkúlus Benedikt evrusvitabols-frænda Bjarna Ben í Viðreisn, sem áður messaði ESB-fagnaðarerindið í Valhöll. En þar sem esb-altari Benedikts stóð í Valhöll, stendur nú Þriðji Orkupakkapáfi Evrópusambandsins, uppreistur og klár til að rústa þeim rústum sem Bjarni Ben er svo sérfróður í að fullkomna fyrir fullt og allt. Þorgerði kjötfjall þarf víst ekki að minnast á í þessu samhengi. Það fjall sjá allir og muna með því að líta upp og til austurs þessa dagana. Hvert annað? Sannarlega ekki til vesturs, þar sem birtan býr. Myrkrið úr austri skal það því vera. Alltaf austur

Ótíðindi þriðja orkupakka Evrópusambandsins fyrir Ísland kalla til allra Íslendinga: Upp með Fánann! Upp með Fánann!

Nú er að duga eða láta flokkshollustuna drepa Ísland og gera okkur hægfara að nýlendu á ný. En það er greinilega orðið allra efst á óskalista orkupakkaflokksins í xD flokknum, eins og allir sjá sem sjá vilja

Niður með orkupakkaflokk Evrópusambandsins. Upp með Fánann!

Fyrri færsla

Naktar staðreyndir á jörðu niðri

****

AUKABLAÐ UTANRÍKISMÁL

HLAÐVARP MEÐ VICTOR DAVIS HANSON = UM ÍRAN

Minnsta fylgi Sjálfstæðisflokksins síðan 2008

Athugasemdir

[Ragnhildur Kolka, 1.8.2019 kl. 07:57]

Hugmyndin með að yngja svona rækilega í forystunni var að ná til ungs fólks. Hefur það tekist? Eina sem flokkurinn hefur uppskorið er að flæma burt það fólk sem annt er um Ísland og íslenska þjóð. En svona fer þegar ungviðið vill hlaupa áður en það lærir að ganga.

[Gunnar Rögnvaldsson, 1.8.2019 kl. 08:20]

Já þá hlýtur hið svo kallaða unga fólk orkupakkaþingflokks Sjálfstæðisflokksins að vera ánægt með þetta Ragnhildur. Ánægt með litla flokkinn sinn. Því hefur tekist að búa til litla flokksholu úr sófapullum.

Og ef það yngir enn meira þá geta þau talað um hver sé og sé ekki kúkarass í holunni. Ég tala stundum við barnabörnin mín um það; uppáhaldsumræðuefnið þegar maður er tveggja til þirgga ára og þykist ekki vilja matinn og vill ganga í augun á hinum, sem er á næstum sama aldri.

Þeir borða hann samt alltaf þegar afi segist ætla að borða ALLAN matinn, og þeirra mat líka.

Kveðja

[Símon Pétur frá Hákoti (IP-tala skráð) 1.8.2019 kl. 08:30]

Ég vil sjálfstæðismanninn Gunnar Rögnvaldsson á þing, fyrir Miðflokkinn.

Ég mun ganga til liða við Miðflokkinn.  Það gerir allt íslenskt sjálfstætt fólk sem þykir vænt um land sitt og þjóð, íslenskuna, menningu okkar og sögu.

[Símon Pétur frá Hákoti (IP-tala skráð) 1.8.2019 kl. 08:46]

ESB sinnar hafa yfirtekið öll völd í Sjálfstæðisflokknum.  Hann er maðkétinn inn að merg og beini.  Hann er að hruni kominn.

Flokkur okkar sjálfstæðisfólksins er Miðflokkurinn og hann er kominn í kraftmikla sókn fyrir sjálfstæði og fullveldi lands okkar og þjóðar.

[Gunnar Rögnvaldsson, 1.8.2019 kl. 09:09]

Þakka þér traustið Símon.

Já ég held að þú hafir rétt fyrir þér með Sjálfstæðisflokkinn. Hann er farinn að minna óþægilega á gamalt og gróið fyrirtæki sem lendir í höndum ættmenna sem ekkert geta og sem áttu aldrei að koma nálægt rekstrinum. Og sporin hræða flesta þá sem koma vilja fyrirtækinu í lag aftur og geta það. Þeir vita hvað er  í bókunum eftir ættarpartýið.

Þetta verður maður sem "fjárfestir" að viðurkenna fyrir sjálfum sér. Sporin hræða og það eru aðrir möguleikar.

Kveðja

[Jón Valur Jensson, 1.8.2019 kl. 15:13]

Mig grunar að þessi nýja Gallupkönnun bendi sterklega til þess að fylgi Sjálfstæðisflokksins sé umtalsvert undir 20%, því að yfir 50% neituðu að svara, en það gæti einmitt átt við um margan hefðbundinn sjálfstæðismanninn, sem getur ekki lengur stutt flokkinn vegna orkupakkamálsins, en vill þó bíða með að lýsa yfir stuðningi við annan flokk.

[Símon Pétur frá Hákoti (IP-tala skráð) 1.8.2019 kl. 21:51]

Hárétt athugað Jón Valur.

Það er enginn vafi að fylgi Bjarnabófaflokksins er komið umtalsvert undir 20%. 

Og fylgi við ríkisstjórn Engeyinga og Steingríms Joð hrynur með hverjum deginum sem líður.  Skiljanlega.

[Gunnar Rögnvaldsson, 1.8.2019 kl. 23:19]

Þakka ykkur.

Skyldi Framsóknarflokkurinn komast á þing á ný, eftir næstu kosningar?

Hann er að mælast með sama fylgi og Kommúnistaflokkurinn fékk þegar hann gafst upp eftir kosningarnar 1937, þ.e. með 8,5 prósent fylgi. Kommarnir fengu 8,4 prósent þá en Framsókn fær 8,5 í þessari Gallupkönnun sem Jón Valur bendir á að aðeins helmingur úrtaks hafi svarað.

Kúnnahollustan hjá Gallup fer sennilega minnkandi í takt við pólitíska rétthugsun hjá smekksdómaraveldinu (áður var það kóngahirðin sem hafði það hlutverk). "Já ég vil endilega svara því ég er með allar skoðanir réttar".

Og nú þegar Lilja hefur gert konur að einmenningskyni, með því að segja á þingi að ef maður segi eitthvað um eina konu að þá gildi það um allar konur. Allar. Þvæluveldið heldur áfram að grafa sig niður.

[Jón Valur Jensson, 2.8.2019 kl. 01:33]

Aðstandendur Kommúnistaflokks Íslands voru nú alls ekki á þeim buxunum að "gefast upp" eftir kosningarnar 1937, heldur fylgdu þeir bara áfram línunni frá Moskvu, og þá gekk hún út á að samfylkja með sósíaldemókrötum, og það gerðu þeir einmitt með vinstri-krötum eins og Héðni Valdimarssyni og stofnuðu Sameiningarflokk alþýðu -- Sósíalistaflokkinn. KFÍ réð sér aldrei sjálfur, hann var einfaldlega (jafnvel skipulagslega skv. flokkslögunum) deild í Komintern, alþjóðasamtökum kommúnista, undir stjórn Dimitroffs, hægri handar eða þjóns Stalíns. Og heimsbylting hætti ekki að vera markmið þessara manna, sem vitaskuld þjónuðu Moskvu fram yfir íslenzku þjóðina og voru reiðubúnir (eins og Lenín) til að láta tilganginn helga meðalið.

[Gunnar Rögnvaldsson, 2.8.2019 kl. 03:39]

Já mikið rétt hjá þér Jón Valur. Hárrétt.

Það sem ég átti við var að kommúnistar gáfust upp á að nota vörumerkið Kommúnistaflokkurinn og dulbjuggu sig og landráð sín undir öðrum nöfnum, svona eins og ESB-sinnar á borð við Björn Bjarnason starfa nú út frá starfsstöðinni Sjálfstæðisflokknum, þaðan sem þeir beita sér fyrir landssölumálum af verstu sort. Svona fólki þurfa Íslendingar ávallt að vara sig á, því það er hættulegt landi okkar og þjóð. Þeir segja eitt, en gera annað, þegar á reynir. Ekki er því skrítið að vörumerkið Sjálfstæðisflokkurinn sé að verða útrunnið og útbrunnið. Ekkert vörumerki þolir svona vörusvik.

[Gunnar Rögnvaldsson, 2.8.2019 kl. 04:01]

Best gæti ég trúað því að Björn, Bjarni og Benedikt séu kommúnistar líka, þar sem þeir aðhyllast ótakmarkað yfirríkisvald Evrópusambandsins. Yfirríkisvald (internationalism = nallinn) sem tekur sjálfsákvörðunarréttinn frá íslensku þjóðinni.

Heimastjórn í okkar málum minnkar, en stjórn Evrópusambandsins yfir Íslandi eykst. ESB er að reyna að auka fullveldi sitt á kostnað sjálfsákvörðunarréttar þjóða.

Það getur aðeins gerst með því að taka það frá löndum ESB og EES og dæla því yfir til sín.

Fólk þarf að vara sig á þessum fölsku mönnum.

Ótíðindi! Upp með Fánann!

[Gunnar Rögnvaldsson, 2.8.2019 kl. 07:20]

Björn Bjarnason reynir að breiða yfir landsölumálin með því að beina sjónum landsmanna að aukinni stálframleiðslu og framgangi í ríkisbúskapnum, eins og gert var í Sovétríkjunum þegar fólkið fór að láta sig dreyma um of um að ráðsstjórnin og miðstýringin fari burt og landið verði frjálst á ný. Þá komu bara stálfréttir frá Kreml, svona eins og ESB-Fréttablaðið fjallar um stálfátæktar-evrur ESB núna.

Þetta er sama liðið og síðast. Enda er Evrópusambandið út í gegn há-sósíalistískt verkefni, þar sem jafna á allt við jörðu og búa til nýjan homo evrópíus úr lýðnum.

Hmpf!

[Jón Valur Jensson, 2.8.2019 kl. 09:03]

Já, vel mæltvog réttilega, Gunnar:

" Ekki er því skrítið að vörumerkið Sjálfstæðisflokkurinn sé að verða útrunnið og útbrunnið. Ekkert vörumerki þolir svona vörusvik."

Og líka þetta:

"Evrópusambandsins yfir Íslandi eykst. ESB er að reyna að auka fullveldi sitt á kostnað sjálfsákvörðunarréttar þjóða.

Það getur aðeins gerst með því að taka það frá löndum ESB og EES og dæla því yfir til sín.

Fólk þarf að vara sig á þessum fölsku mönnum."

T A K K !

[Jón Valur Jensson, 2.8.2019 kl. 09:09]

Þarna átti að atanda:

Og líka þetta:

"Heimastjórn í okkar málum minnkar, en stjórn Evrópusambandsins yfir Íslandi eykst ..."

[Ragnhildur Kolka, 2.8.2019 kl. 10:58]

Það er hlægilegt þegar OP3-sinnar reyna að telja okkur trú um að pakkinn sé algerlega óháður sæstrengnum, þegar sæstrengurinn er ESB nánast einskis virði án pakkans. En það er dapurlegt að sjá Björn Bjarnason dásama þjóðarhaginn, sem stendur og fellur með yfirráðum okkar yfir auðlindum, á sama tíma og hann grefur undan eignarhaldi okkar á auðlindum.

[Gunnar Rögnvaldsson, 2.8.2019 kl. 12:01]

Ég þakka

Já Ragnhildur. Mikið rétt hjá þér. Svona vinna moldvörpur ávallt. Þær skyldu Íslendingar varast. Þær verður alltaf að varast, því þetta fólk svífst einskis. Fólk verður að vera á varðbergi gagnvart hættum sem fylgja svona fólki.

Greiningarferlið þarf að vera svona:

1. Upplýsingar berast

2. Koma auga á áróður

3. Koma auga á kerfisbreytingar í álitum og sýn 

4. Umræða um frumreglur og frumsendur

5. Koma auga á forsendur og kenningar

6. Koma auga á yfirlýsingar sem stangast á

7. Skýr hrein greining

Orkupakki-ESB fyrir Ísland er þvæla frá upphafi til enda. Og kenningin um að EES-samningurinn sé ekki hrein eign okkar Íslendinga, og til fyrir okkur aðeins, en ekki aðra, er þvæla líka. Hún er jafnmikil þvæla eins og sú sem borin er á borð í Bretlandi um "útgöngusamning". Ekkert slíkt var kosið um og um ekkert slíkt var rætt í kosningabaráttunni þar.

Og hvorki xD, xB né xGrænkommar töluðu um orkupakkamálið fyrir kosningar og Bjarni Ben hafnaði því á Alþingi áður en hann missti móðinn og fór í gömlu Icesave-gúmmíbuxurnar til að gera í þær.

Þessu liði þyrfti helst að stinga inn fyrir þvaður, blekkingar, lygar og fals, væri slíkt löglegt, áður en það hengir heilan heimsendir á þetta orkupakka makkverk sem EES samningurinn býður þeim því miður upp á. Hann verður að fara áður en þeim tekst að misnota hann enn frekar og drepa lýðveldi okkar Íslendinga.

Hvað efnahaginn varðar: Aðeins aulum hefði tekist að klúðra þeim hagfelldu aðstæðum sem gengisfall krónunnar bjó til fyrir þjóðarbúið í kjölfar hrunsins. Hún kom ferðaþjónustu á Íslandi landakortið og jók samkeppnishæfni vöruútflutnings.

En slíkt varðar þessa ESB-ríkisbubba ekkert um. Þeir synda bara áfram í sínum ESB-trúarbrögðum og hræra þar að auki lýðskrumi um veðurfar og "loftslag" út í stöppu sína. Grænir að utan en rauðir að innan. Enda er þetta það eina sem ESB- og vinstrimenn eiga eftir í kommabuddu sinni. Allt annað er gjaldþrota, glóbalismi þeirra líka.

Kveðjur

[Jón Valur Jensson, 3.8.2019 kl. 02:22]

Glögg ævinlega hún Ragnhildur.

Gott áttu, Gunnar, að eiga hér á góðu liði að skipa, henni, Símoni Pétri, Gunnari Heiðarssyni og öðrum, en sjálfur ertu stríðsglaður herforingi sem berst fyrir landið og miðin -- já, gleymum þeim ekki, þau eru líka í sigti hjá plottandi Brussel-bossunum, þegar allt annað yrði um garð gengið --- en það er einmitt það sem við ætlum ekki að láta eftir þeim!