Trump skiptir um bleyju á Angelu Merkel

Þið munið þegar að esb-svellbunkinn í Sjálfstæðisflokknum --þið vitið, þar sem esb-menn þess flokks falla ólæknandi hvor um annan, aftur og aftur-- sagði að Angela Merkel væri leiðtogi hins frjálsa heims af því að Donald Trump forseti Bandaríkjanna væri svo vondur að rukka einkum Þýskaland, sem er með stærsta viðskiptahagnað veraldar, um NATO-áskriftargjöldin sín. Já þið munið einnig xD-fólkið á esb-svellinu sem lapti upplýsingafölsun CNN-veldisins um að Brennan fráfarandi forstjóri CIA --sem sagði að Trump forseti Bandaríkjanna væri allt að því landráðamaður-- var sviptur öryggisheimildum sínum (1,4 milljónir Bandaríkjamanna hafa þær er varðar ríkisleyndarmál og 4,3 milljónir hafa þær á lægri stigum) og hefði fyrir þau ummæli verið sviptur "öryggisheimildum", sem þýddi að Trump væri að "þagga niður í" andstæðingum sínum, eins og einræðisherra, og væri að "flokksvæða" þær, eins og Björn ESB Bjarnason sagði saklausum Íslendingum frá - ásamt því að Robert Mueller væri að "hreinsa út í Washington" á meðan það var alveg öfugt: Muellert gæti verið á leið í spjældet, þar sem kumpánar Brennan eru að staflast upp

Sannleikurinn var hins vegar sá að Brennan hafði ítrekað logið að bandaríska þinginu og það var Richard Burr forseti upplýsingaþjónustunefndar bandaríska þingsins sem svipti hann þeim heimildum, með því að beina því máli til forsetaembættisins, því Brennan-maðurinn var greinilega orðin lygari geðbilaður af hatri og sem ekki var lengur unnt að stóla á

En hvað um það. Þá er komið að bleyjuskiptunum á Angelu Merkel "leiðtoga hins frjálsa heims"; eins og esb-blaðamenn allra landa (nýlendusinnar) sögðu að hún væri þegar Trump tók upp á því sem enginn hafði þorað að gera; að rukka hana og taglhnýtinga Þýskalans í ESB, sem herma eftir henni, um verndaráskriftina að NATO, sem Þýskaland vísvitandi er að reyna að rústa innanfrá

En "leiðtogi hins frjálsa heims" er Merkel auðvitað ekki frekar en esb-bófar eru "neytendavernd". Hún er miklu frekar leiðtogi hins ófrjálsa heims sem í vændum væri, réði hún nokkru sem helst um þann hluta veraldar. Það er nefnilega svo að Trump og Bandaríkin, sem hún og flest allir kanslarar Þýskalans frá 1871 hafa fyrirlitið og hatað, stendur nú næstum einhentur í því þarfaverki að vernda og halda alþjóðlegum siglingarleiðum um Hormuzsund opnum svo að Þýskaland geti nú fengið olíuna sína, og siglt útflutningi sínum heim til Kína þar sem Bjarni Ben situr í bankastjórn

Stærsti hluti olíuflutninga heimsins á sjó verða að fara um flöskuháls Hormuzsunds, eða í kringum 18 til 20 milljónir tunna á dag, og stór hluti þeirra fer áfram til Kína um flöskuhálsinn Malakkasund. Til samanburðar má líta á olíuflutninga um flöskuhálsinn Eystrasalt, sem eru 3,2 milljónir tunna á dag. En þar nýtur meginland Evrópu samt góðs af rúmlega 5000 kílómetra NATO-leiðslu Bandaríkjanna um meginlandið, sem sér stærstum hluta borgaralegrar flugumferðar fyrir flugvélaeldsneyti, sem dælt er áfram til þeirra frá ströndum Atlantshafsins og Miðjarðarhafs. Þegar þú flýgur frá meginlandi Evrópu þá flýgur þú mjög líklega á eldsneyti úr NATO-leiðslum Bandaríkjanna og birgðakerfi þess

Trump og Bandaríkin þurfa ekki á þessari olíu sem fer um Hormuzsund að halda, því þau eru orðin sjálfum sér næg í þeim efnum, og gott betur en það. Og það sem meira er, Þýskaland hefur neitað að senda skip á staðinn til verndar þýskum hagsmunum. Já, neitað því! og þar með afvísað beinni beiðni Bandaríkjanna um slíkt. Það var bara hlegið og púað á beiðni Bandaríkjanna í gúmmíþingi þýska nýlenduveldisins. Þetta er ekki að gerast í túnfæti Bandaríkjanna, heldur í túnfæti Þýskalands, eins helsta leiðtoga hins ófrjálsa heims

Bandaríkin sjálf myndu stórgræða á lokun Hormuzsunds, því olíu og gasútflutningur þeirra er orðinn það mikill. En sem sagt; eins og leiðari Wall Street Journal segir um málið:

"Europe claims it cant rely on the U.S., but look who is protecting ships" | WSJ

Þvaðurveldi ESB- og nýlendufjölmiðla Vesturlanda skyldi helst enginn trúa né taka alvarlega, og síst eins alvarlega og nýlenduforysta Valhallar gerir á staðnum vonda þar sem svellbunkinn er. Hann er það eina sem aldrei virðist bráðna í umhverfismálaklámflokki ríkisstjórnarflokkanna

Fyrri færsla

Bjarni trúir á landamæri, en bara ekki á landamæri Íslands

Athugasemdir

[Ragnhildur Kolka, 10.8.2019 kl. 15:30]

Er ekki málið að Þýskaland hefur engin herskip til að senda þarna suður eftir? Rétt eins og flugflotinn kemst ekki á loft vegna skorts á viðhaldi og endurnýjun, þá eru herskipin vanbúin. Allir peningarnir fara í að halda bönkunum á floti og innflytjendaskaranum í fæði og húsnæði.

[Gunnar Rögnvaldsson, 10.8.2019 kl. 17:18]

Þakka þér Ragnhildur.

Það er ekki að ástæðilausu að Trump er að rukka Þýskaland og þá gervihnetti þess í ESB sem eru á krónískri og hjálparvana nýlendusporbraut um það. Trump bað því eðlilega ekki um þá sex kafbáta þeirra sem allir voru í þurrkví á sama tíma í fyrra.

Hann bað um þau skip sem landið hefur. En þar sem Þýskaland myndi sennilega tapa í viðureign freigáta þess við jafnvel Grænlendinga með skutul á kajak, þá þorði það ekki fórna þeim. Því finnst betra að Bandaríkin fórni sínum skipum, sínu fólki og borgi brúsann, svo að Þýskaland geti áfram haldið utan um viðskipahagnaðarpokann sem Bandaríkin og Suður-Evrópa fjármagna.

Að Trump rukki um að landið gangist við sáttmálaskuldbindingum sínum sem bandamaður í NATO, ætti að vera öllum augljóst og sjálfgefið mál. Það kostar aðrar þjóðir þegar að ein svo stór þjóð hagar sér sem aumingi á kostnað annarra, og sem þess utan er önnum kafið við að byggja grunn enn eins ónýta ófrjálsa heimsins á ný - hvað eftir annað. Hefur engu gleymt og ekkert lært.

Kveðja