Breskt xD-stæl-áhlaup á forstokkaða ESB-hólista í röðum breskra Íhaldsmanna

Til gamans, mynd WSJ: Ríkið lokað vestanhafs. Einkaframtak í Hvíta húsinu. Hugsið ykkur! Trump borgar borgarana

****

Nú nú. Það væri freistandi að segja að Jón Bjarnason hafi rétt fyrir sér í því að Theresa May-or-may-Not, sé eins klár og hann segir. Jón Bjarna er að minnsta kosti klár, og alltaf klár í slaginn. Það veit ég, því ég kaus hann og Bjarna Harðari í Regnboganum 2013, því þá var Bjarni Ben í sömu esb-gúmmíbuxunum og Theresa May hefur nú kastað flokki sínum af sér í

Staðan í Bretlandi, eftir mestu auðmýkingu forsætisráðherra landsins nokkru sinni, þar sem 118 þingmenn hennar, eins og Jón Bjarna, settu landið sitt ofar eilífu en kólnandi lífi í eins konar Icesave-gúmmíbuxum, eins og þeim sem Bjarni Ben setti xD í, er þessi:

Frá og með nú mun leiðtogi Verkamannaflokksins ekki kynna opinberlega þá stefnu sína að setja fram vantrausttillögu eftir vantrausttillögu eftir vantrausttillögu þar til hún virkar. Nei það mun hann ekki gera. En þegar vantrausttillaga númer tvö verður sett fram eftir að þessi sem nú er á borðinu klikkar, þá mun flestum verða það ljóst, að Jeremy Corbyn leiðtogi Verkamannaflokksins hefur hugsað dæmið rétt. Þá munu menn skilja að aðeins er um tvennt að ræða í stöðunni: Þingmenn og kjósendur þeirra geta frá og með nú valið á milli þess að fara úr Evrópusambandinu án samkomulags, eða nýrra kosninga

Lykillinn sem Jeremy Corbyn notar er þessi: 118 þingmenn Theresu May sem settu landið sitt ofar eilífu en kólnandi lífi í gúmmíbuxum. Það mun þeir gera aftur. Og aftur. Það veit Corbyn. Tikk takk, tikk takk. Klukkan tifar.. og margar gamlar sögur amma sagði mér..

Nú ríður á að koma konunni í gúmmíbuxunum frá, og að setja í hennar stað þurran mann við stýrið. Líkurnar á svo kölluðu hörðu-Brexit (góðu lífi) hafa aukist verulega. Já verulega

Breskt atvinnulíf óttast Corbyn enn meira en hart Brexit vegna þess að Verkamannaflokknum tókst með eins konar þjóðnýtingar-útópískum gestapó-sósíalisma að leggja atvinnulíf Bretlands í rúst frá og með 1945 og þar til að frú barónessa og smákaupmannsdóttir Margrét Thatcher kom árið 1979, og sópaði sósíalismarugli flokksins út, og naut þess. Það er gott að Íhaldsflokkurinn man þetta enn, og það mun líklega þýða þurran nýjan Íhaldsbossa. Vonandi

Sterlingspundið styrktist því í morgun. Allt er eins og það á að vera á þeim vígstöðvum

Hollt er að leggja orð Styrmis Gunnarssonar í dag á minnið

"Það hefur verið sagt hér áður og skal endurtekið: Hörmungar Breta við að komast út úr Evrópusambandinu eru lexía fyrir okkur Íslendinga, aðvörun um að ganga ekki lengra en gert hefur verið í tengingu við ESB og um að láta ekki draga okkur lengra inn í þetta kerfi í gegnum EES."

Þýskir hafa rétt naumlega veitt fé til ráðningar 700 starfsmanna sem sjá eiga um tollafgreiðslur þýskra fyrirtækja inn og út úr Bretlandi. Tollafgreiðslan mun þó fara fram við skrifborð, en ekki á landamærunum

Þetta voru fréttir frá gúmmílandi Norður-Kúbu

- Með kveðju, Bryggjuhópurinn 

Fyrri færsla

Það góða við hermenn annarra þjóða

Það góða við hermenn annarra þjóða

Mynd: Það var þarna sem her Austurrísk-ungverska heimsveldisins leystist upp. Skipanir dagsins voru á sjö tungumálum

****

KJARNA-KRAPMAR ÚTÓPÍU

Að bankamenn spili fjárhættuspil með peningum annarra, er þekkt stærð. Dulbúnir sem sérfræðingar tókst þeim að setja Vesturlönd á annan endann árið 2008. Sá annar endir þeirra varir enn, 11 árum síðar, einmitt í Evrópu. Þar skelfur allt enn og nötrar, þökk sé tilvist Evrópusambandsins. Annars væri Evrópa að jafna sig. En það er hún bara ekki

En þegar kynnt er fyrir allt að 25 ESB-löndum fyrirætlanir og jafnvel áætlun um að hið sama sé gert við hermenn allra þessara þjóða, þá erum við komin upp í æðri lög sérfræðinnar: sjálfan kjarna-krampa útópíunnar. Elítu-spastíkina sjálfa, þar sem meira að segja græna ljósið í heiðnikirkjuveldi háskólanna bognar og bendir á rétta gúlag-reiti í lúdóleiknum metoo

Enginn ógeðbilaður kjörinn fulltrúi neinnar þjóðar mun nokkru sinni setja hermenn né her þjóðar sinnar undir stjórn fulltrúa og hershöfðingja annarrar þjóðar, né heimilis- og umboðslausrar alþjóðlegrar stofnunar

Mynd: Og það var svona sem myntbandalag Austurrísk-ungverska heimsveldisins var leyst upp; með stimplun. Hið sama var gert á svipuðum slóðum árið 1993 (PDF)

En gerist slíkt, þá má reikna með að hlaupið sem skýtur þriðju heimsstyrjöldinni loksins inn í miðja ESB-Evrópu, sé þá fullhlaðið, og bíði einungis eftir því að hermönnum einnar þjóðar sé fórnað á kostnað annarrar þjóðar, eins gert var á efnahagssviðinu, með myntinni evru, við Grikkland og lönd Suður-Evrópu, sem í 500 ár vernduðu norðrið gegn barbarisma ottóman- og íslamisma úr suðri. Að til dæmis franskir hermenn séu af vel vitandi þýskum stjórnmálamönnum og hershöfðingjum settir inn þar sem hættan er ákaflega banvænt mest og að franskir séu muldir þar niður, en þýskir ekki - eða öfugt. Venjulegt fólk verður að athuga að hér er um Evrópumenni að ræða, sem blikkuðu ekki þurru auga er þeir misstu hálfa milljón manns á tæplega tveimur vikum, fyrir aldamót. Öld er aðeins sekúnda í sögunni

Já, það góða við hermenn annarra ríkja er að þeim er hægt að fórna án þess að fórna sínum. Heilastappan í nafni "friðar" Evrópusambandsins getur varla stappast betur í mús en þetta. Slíkt getur varla verið mögulegt

Ekkert kemur í stað sjálfsákvörðunarréttar og sjálfsábyrgðar þjóða. Ekkert nema: villimennskan. Engin fjölþjóða-heimsveldi mannkynssögunnar hafa nokkru sinni haft snefil af lýðræði og takmarkað ríkivald þar innanborðs. Þau hafa ÖLL verið terror-ríki undir ótakmörkuðu valdi ríkisins. Þar inni ert einstaklingurinn þú, einungis abstraktsjón

Fyrri færsla

ESB gert höfðinu styttra gagnvart Bandaríkjunum

ESB gert höfðinu styttra gagnvart Bandaríkjunum

Mynd: 45. forseti Bandaríkjanna, Donald J. Trump

****

BANDARÍKIN HÆTT AÐ VIÐURKENNA ESB ?

ESB er sennilega að fá stöðu sem eins konar "OPEC" kartel í Bandaríkjunum

Bandaríkin lækkuðu stjórnmálalega tengsla-stöðu Evrópusambandsins gagnvart Bandaríkjunum, úr sendiherrahæfu fyrirbæri niður í eitthvað á borð við til dæmis.. tja.. kannski OPEC

Sendiherra Evrópusambandsins í Bandaríkjunum uppgötvaði skyndilega að hann var settur aftast í röðina án þess að tilkynnt hefði verið um að ESB væri ekki lengur hæft sem eitthvað er haft gæti sendiráð eða sendiherra-verðuga stöðu gagnvart Bandaríkjunum. Sambandið virðist nú vera með stöðuna "alþjóðleg samtök" gagnvart Bandaríkjunum. Sendi-herrann fékk þó hið persónulega herra-skilti sitt á ný, en er höfðinu styttri

Þetta er, meðal annars, að sjálfsögðu gert til að Angela Merkel geti ekki lengur blöffað Þýskaland áfram í Bandaríkjunum í dulargervi Evrópusambands og þar með skaffað sér fjarvistarsönnun fyrir því að vera einmitt allt það sem Evrópusambandið snýst um

D O W N G R A D E

Mynd, BBC: Sett aftast í röðina?

Sérfræðingar og álfhólabyggðin í samfylkingagrjóti þeirra, hlógu hátt í ágúst síðastliðnum er Donald Trump þóttist ekki skilja Angelu Merkel er hún sagði honum að Þýskaland gerði ekki viðskiptasamninga við önnur ríki, því það væri, sagði hún, Evrópusambandið sem gerði viðskiptasamninga fyrir Þýskaland (sem spilar vasapóker með allt sambandið í vösum sínum). Trump spurði þrisvar til að fá blöff hennar staðfest. Þann 24. ágúst skrifaði ég því þetta:

Donald J. Trump er nú farinn að líta á Evrópusambandið sem tollrænt fjölþjóðafyrirkomulag (e. multilateral) sem af prinsippástæðum er ekki hægt að gera tvíhliða viðskiptasamninga við. Eðlislægur og þar með fastbyggður viðskiptaójöfnuður milli ESB-landanna sjálfra, innan ESB, og svo út á við, en þá sem ein heild, gagnvart umheiminum, kemur í veg fyrir það, því þar með er ljóst að viss lönd í sambandinu nota það til að dulbúa sig í heiminum á kostnað annarra. Þetta fékk hann margstaðfest er hann þráspurði Angelu Merkel um möguleikann á tvíhliða viðskipasamningum milli Bandaríkjanna og Þýskalands. Landamæratollar, gengisfölsunar- og virðisaukaskattamótvog er því sennilega það sem Trump mun grípa til gagnvart Þýskalandi, sem er í þann mund að senda út fréttatilkynningar um stærsta viðskiptahagnað nokkurs lands á kostnað annarra í sögu mannkyns

Jæja. Nú hlær allt í einu enginn í álfhólum sérfræðinganna lengur. Því það sem er í vændum fyrir Evrópusambandið og sérstaklega Þýskaland á nýju ári, er þetta:

1. Viðskiptaójafnvægið á milli Þýskalands og Bandaríkjanna skal burt, alvega sama með hverju Merkel reynir að afsaka sig. Annars verður það bannfært í tollum. Beint, en ekki í gegnum ESB. Dulargerfið hættir að virka. Frumforsenda fjölþjóðlegra viðskipta er að þau séu í jafnvægi. Og það eru þau ekki. Engan vegin, því að alþjóðavæðingin brást

2. Þýskir bílaframleiðendur eru að fá hjartastopp vegna komandi tolla inn í Bandaríkin og vegna þess dísil-gate sem ESB í vasa Þýskalands skaffaði þeim, en upp um komst

3. Þýskir bílaframleiðendur munu flytja sig til Bandaríkjanna, með hraðlest

4. NATO-skuldbindingar ESB landa verða sendar til innheimtu á þessu ári og það leyst upp ef Þýskaland ríður ekki fordæmisgefandi á vaðið og hóstar því upp sem því ber. Annars er það út

5. Þýskaland er ekki bara á leið inn í kreppu. Það er á leið inn í hjartastopp á aðalbrautarstöð Útópíu; spor númer eitt, með brottfarartíma: óendanlega aldrei

6. Frá og með nú hangir áframhaldandi tilvist Evrópusambandsins á þeim tvinna sem Þýskaland hefur gert sambandið við Bandaríkin að

Það sama fer kannski að gilda um ESB og Kúrda, því að fulltrúi Bandaríkjanna í Sýrlandi sagði í ræðu sinni í Atlantic Council mánudaginn 17. desember 2018, að "Bandaríkin hafi ekki og geti ekki haft varanlegt samstarf við ekki-ríkis einingar". ESB er ekki-ríki

Fullveldi og stjórnarskrá lýðveldis Íslands ber að skoða í þessu ljósi; sem óendanlega fágæt tilvistarleg verðmæti. Hvorugt má útvatna

Ég leyfi mér að benda á samantekt mína um það sem utanríkisráðherra Bandaríkjanna sagði í ræðu sinni í Brussel fyrir jól og upptökuna af henni: Utanríkisráðherra Trumps: Frelsishlutverk þjóðríkja sé endurreist

Fyrri færsla

Get ekki horft á meiri Ófærð. Nota Bergman í staðinn

Get ekki horft á meiri Ófærð. Nota Bergman í staðinn

Með því að horfa á Jacques Villeret fara með kvikmyndina Ingmar Bergman á innan við mínútu, þá sparast 54 mínútur, því að myndin Bergman með Jacques Villeret er bara ein mínúta. Þetta gengur því 55 sinnum hraðar fyrir sig en Ófærð, en hefur sama aðvörunargildi; kveikið ekki á DDR-Ríkissjónvarpinu í Austur-Berlín Reykjavíkurborgar!

Frá því að Ingmar Bergman stóð fyrir hraðsteyptum skógi af honum sjálfsprottnum sjálfsmorðsdeildum á skandínavískum geðsjúkrahúsum, úti í hinu gráa og blýgráa endalausa þokuflatlendi Skánar, Jótlands og Sjálands, þar sem norrænn pyntingar-kratismi vex, þá hefur aðeins þetta bæst í helvítis handritin:

ÖLL fyrirtæki eru vond
ALLIR stjórnmálamenn eru vondir
ALLTAF verður að hafa homma með og helst lesbíur, því alkar eru komnir úr tísku (5-prósent reglan)
ALLIR hvítir eru vondir
Og ALLIR þeldökkir eru góðir
ALLIR eru samt aumingjar, nema þeir algerlega erlendu
ALLT gott er VONT
Og skylda er að hafa tíundu hverja persónu frá hinumegin af jörðinni
ALLIR peningar annarra eru eitraðir
Og ALLT satt er lygi
Lífið er HELVÍTI !!

Já lífið hjá frjálsustu og ríkustu kynslóð mannkynssögunar, er sannkallað skandínavískt vandmála-helvíti, ekki satt. Og ofan í það þá virðist útópísk-rómantísk náttúrudýrkun hafa gert fólkið náttúrulaust. Fólkið er að blásast upp og svo burt eins og geldur melur

Ég þoli bara ekki meira af þessari umturnuðu útópísku rullu, þar sem áratugurinn cirka 1970 er endurlífgaður sem nýr Led Frankenstein Hippalín á metafisískum gereyðilögðum deginum eftir Daginn eftir eftir Carl Sagan, og með því að poppa áratuginn upp sem Bergman, keyrðan í gegnum endurræsta SR-46, eftir 50 ára hlé, og svo dælt í gamlan mjölpoka af efstu hæð Gránu

Nú hef ég fengið gersamlega nóg af molbúa-skandínavísku þunglyndisefni, því ég bjó þar í 28 ár og var kominn með upp í háls af sósíalvandamála þunglyndis-myrkraverkum Skandínava. Um daginn gaf og henti ég öllum þeim bókum sem ég átti eftir steinsteyptu-sósíalistana Jan Guillou og Henning Mankell sem eyðilögðu Svíþjóð enn betur er Bergmann, sem sökk til helvítis í leirþokuna á Skáni

Mikið hlakka ég til þegar Yuppies koma til baka og þrusa nýrri Blondie í gang og mosaskeggur rakar sig. En á meðan reyni ég að halda lífi með því að loka fyrir DDRÚV, og hlusta á Glen syngja um línumanninn í Wichita. Þá var fólk ekki enn byrjað að farast úr tilgangslausu frelsi. Það var enn þakklátt fyrir að drepast ekki, skyldi það fá botnlangabólgu. Það mundi enn

Fyrri færsla

Gulu-vestin: Boxarinn frá Massy boxar frönsku lögregluna

Og

BLONDIE !

Take that DDRÚV!

Hvenær get ég hætt að borga!

Gulu-vestin: Boxarinn frá Massy boxar frönsku lögregluna

Myndskeið: Gulum vestum var skyndilega lagt lið um helgina

****

Christophe Dettinger er franskur boxari sem varð Frakklandsmeistari í léttþungavigt árið 2007 og hélt titlinum í tvö ár. Þarna sést hann boxa. Kannski hefur framferði frönksu lögreglunnar farið í skap hans um helgina. Kannski ekki. En hann brást við. Enska dagblaðið Daily Mail, sem hefur nafngreint hann, segir að vegna þessa atviks eigi Dettinger yfir höfði sér 3-5 ára fangelsisvist. Er hans nú leitað. Rocky-húfuna á kollinum passar hann vel. Er annað hægt en að segja vaú hér - og velkomin til Evrópusambandsins?

Samkvæmt franska innanríkisráðuneytinu mótmæltu 50 þúsund manns nú um helgina, borið saman við 32 þúsund yfir jólin. Sagði ráðuneytið að 56 þúsund manna lögregluliði væri beitt gegn mótmælendum í landinu

Kannski þarf Macron forseti að fara að gera skellinöðru Hollande klára og fá hjálminn að láni sem aðstoðarmaður hans notaði við að berja mótmælendur. Og kannski lögreglumerkið líka. Ekki veit ég hvort að þetta sé staðfest sem verandi satt sem sést hér, en ljótt er það. Stundum eru fölsk myndskeið sett á YouTube. Við skulum að minnsta kosti vona að þetta sé ekki rétt

Áhlaup á Bastilluna gæti farið að koma til greina. En kannski að úrsögn Frakklands úr Evrópusambandinu geti stöðvað það. Varla er ofmælt að segja að þar innanborðs sé allt meira og minna á hvolfi og að reykinn sé farið að leggja upp af reiði fólksins í mörgum löndum þess

KÍNAKÁLIÐ OG ÁVAXTAFÉLAGIÐ

Leiðari Morgunblaðsins segir Warren Bufftet að fara varlega á hlutabréfamarkaðnum þessa dagana, vegna til dæmis Apple og Kína. En það fyrirtæki er stærsta einstaka eign Warrens. Ef hann fer nógu varlega þá kemst það kannski ekki upp fyrr en að hann er búin að fara mjög varlega að því að kaupa enn meira í Apple á meðan blóðið flytur. Hann vissi náttúrlega að frá því að Apple braut 200-dala múrinn þann fyrsta ágúst síðastliðinn, þá trylltist markaðurinn yfir alla línuna og bjó til bólustúf sem varaði í þrjá mánuði, eða fram í byrjun október. Þar rann svo á menn gríman gamla og þeir fóru að sjá að sér. Svo kom hin bólan, niðurbólan og andbólan (dældin), og þar erum við stödd í dag; í dæld. Það eru því góðir dagar fyrir Warren Bufftet í dag. Hann segist alltaf kaupa þegar óttinn ríkir og blóðið flýtur. Heimspeki hans er sú að hlutabréf séu eins og allt annað; þ.e. alltaf allt of dýr - og að hann voni því hvern einasta dag að þau lækki. En auðvitað gera þau það ekki, það veit hann of fossríkt vel. Ekki alltaf, en stundum. Þau lækka samt ekki nógu oft og þau hækka. Það vandamál geymir hann svo í peningaskáp

ÞÝSKALAND YFIRGEFI EVRÓPUSAMBANDIÐ

Þýski AfD flokkurinn (Valkostur fyrir Þýskaland) er þessa dagana að koma saman pólitískri stjórnarskrá flokksins fyrir næsta kjörtímabil ESB-platþingsins. Á prógramm flokksins er komin úrsögn Þýskalands úr Evrópusambandinu, takist ekki að forma sambandið til eftir óskum hans á næstu fimm árum. Flokkurinn segir að Evrópusambandið sé orðin gerspillt nómenklattúruklessa á Evrópu og að löndin verði að taka þjóðarmyntir sínar í notkun aftur. Hér er hið nýja prógramm AfD-flokksins á PDF formi. Hann er nú þriðji stærsti stjórnmálaflokkur Þýskalands - og sem sagt: kominn með úrsögn Þýskalands úr ESB á sína pólitísku dagskrá. Það eru stór tíðindi í því landi

Fyrri færsla

2018 var gott ár fyrir Bandaríkin: þau stækkuðu og urðu betri

2018 var gott ár fyrir Bandaríkin: þau stækkuðu og urðu betri

Mynd: Donald J. Trump, 45. forseti Bandaríkjanna. Ekki fæddur í gær

****

Að gera Bandaríkin stór tókst vel á síðasta ári. Fleiri svona ár gera þau sannarlega mikilfenglegri

Á árinu 2018 urðu Bandaríkin stærsti olíuframleiðandi veraldar með því að framleiða 11,6 milljón tunnur af hráolíu á dag. Í fyrsta sinn síðan árið 1973, eru þau stærsti olíuframleiðandi heims. Frá því að Trump tók völdin jókst framleiðslan um 3 milljón tunnur á dag. Hann minnkaði flækjustig í reglugerðafrumskóginum og lét meira af landi ríkisins liggja lausara til notkunar

Á árinu 2018 urðu Bandaríkin stærsti jarðgasframleiðandi heimsins og næst stærsti kolaframleiðandinn

Á árinu 2018 urðu Bandaríkin sjálfum sér næg með orku og útflutningur olíu hefur farið úr 700 þúsund tunnum á dag upp í 2,3 milljón tunnur á dag í stjórnartíð Trumps

Á árinu 2018 stækkaði hagkerfi Bandaríkjanna um 1,7 billjón dali og varð þar með næstum tvöfalt stærra en það Kínverska. Það stækkaði um 3,4 plús 4,2 prósentur á tveimur síðustu fjórðungum ársins. Nú þarf þrjá Kínverja til að framleiða rúmlega helming þess sem einn Bandaríkjamaður framleiðir

Á árinu 2018 fór atvinnuleysi í Bandaríkjunum niður í 3,7 prósent og slíkt hefur ekki gerst allar götur frá 1969. Atvinnurekendur eru í fyrsta skiptið í manns minnum byrjaðir að leita eftir fólki, en ekki öfugt, og þrjár milljónir Bandaríkjamanna þurftu ekki lengur á matarmiðum frá ríkinu að halda. Átta milljónir manna misstu stöðu sína sem verandi fátækir miðað við stöðuna fyrir átta árum síðan. Þetta er hræðilegt áfall fyrir vinstrimenn, en hvað gera Demókratar í því? Jú þeir stunduðu eyðileggingar, hvern einasta dag ársins 2018

Á árinu 2018 sögðu Bandaríkin sig frá Parísasamkomulagi um fúpp og fídus, og gerðu betur í þeim efnum en flestir þeir sem þar sitja og fróa sér efnahags- og málefnalega á kostnað skattgreiðenda

Á árinu 2018 varð ekki stríð á milli Bandaríkjanna og Norður-Kóreu. Kjarnorkuvopnaprófanir hættu og engum eldflaugum var skotið á loft né yfir nágrannalönd þess

Á árinu 2018 hrundi NAFTA ekki eins og fjölmiðlar og vinstrimenn messuðu. Samið var um viðskipti á milli þriggja landa Norður-Ameríku á ný

Á árinu 2018 hrundi NATO-ekki. Evrópuríkin "segjast" ætla að taka meiri þátt í að verja sig og börn sín. Þetta er síðasti sénsinn sem Bandaríkin geta gefið NATO-löndum Evrópu, því að Bandarískur almenningur, sem nýtur ekki veisluhalda NATO-elíta Evrópu, er orðinn næstum því 100 prósent viss um að NATO sé gildra sem Evrópa er að reyna að læsa Bandaríkin föst í. Flækjustigið í NATO er slíkt að varla er lengur víst að Bandaríkin fái að flytja hermenn og hergögn frá Normandí um Þýskaland og til austur-vígstöðvanna. Það eina sem eftir er af gamla NATO eru Bandaríkin, Pólland og Rúmenía. Það er að segja Bandaríkin í Póllandi og Rúmeníu, tvíhliða

Á árinu 2018 var í fyrsta sinn ráðist í það þarfa verk að byrja að meðhöndla Kína sem terrorríki í viðskiptum, alþjóðlegri sambúð og pólitískum tilvistarmálum heimsins

Á árinu 2018 var með morði á Jamal Khashoggi reynt að brjóta í spað hið óformlega anti-Íran bandalag Bandaríkjanna, Saudi Arabíu, Ísrael og Sameinuðu furstadæma Arabíu og annarra. En það tókst ekki

Á árinu 2018 var Donald J. Trump með miklu meira flygi og vinsældir meðal kjósenda en Angela Merkel, Theresa May og Emmanuel Macron höfðu í sínum löndum

Á árinu 2018 héldu vestrænir fjölmiðlar áfram miðilsfundum í sjálfsmorðsherbergjum sínum

Á árinu 2018 voru grunngildi Bandaríkjanna endurreist meira á einu ári en ef til vill nokkru sinni áður: Ríkið og hið opinbera, fékk mun meira og fastara þá stöðu grunaðs aðila og sakbornings sem stofnun Bandaríkjanna snérist um að yrði ávallt staða þess í þjóðfélagi Bandaríkjamanna. Að ríkisstjórnin hafi ávallt þá stöðu og virki það illa að hún láti borgarana í friði. Alveg þveröfugt við Evrópuaðalinn, sem býr svo vel að stór hluti almennings skríður enn um á jörðinni kyssandi dugleysi hins opinbera og ömurleika þess - og sé eins og dópistinn, öskrandi á enn meiri dugleysis-pyntingar hins opinbera. Ýmislegt fleira má nefna árinu 2018 tekna, fyrir Bandaríkin

Er ekki kominn tími á að Íslendingar ræði Bandaríkjamálin af fullu viti á ný?

Krækja: Actually, 2018 Was a Pretty Good Year (VDH)

Fyrri færsla

Skyndilegt sölustopp Apple í Kína

Skyndilegt sölustopp Apple í Kína

Fyrirlestur Michael Pettis um Kína á gamla vinnustað Alberts Einstein. Takið vel eftir. Pettis rak um skeið punk-bar í Kína en honum lokuðu yfirvöld

****

Er Apple kanarífuglinn í kolanámunni?

Í fyrrakvöld kom afkomuviðvörun frá Apple. Salan verður minni en áætlað var í byrjun nóvember og sem þýðir 4-5 prósentu fall í veltu á milli ára, skrifaði Tim Cook forstjóri Apple. Öll aðvörunin tengist Kína, sem hæglega gæti verið að leggjast inn á bráðamóttöku. Annars kemur Apple-árið út með hæsta EPS nokkru sinni (hagnaður á hvern hlut)

Sem sagt: Apple sat með eigendum fyrirtækisins (almennings-hluthöfum þess) og greinendum þann 1. nóvember 2018 og gerði grein fyrir síðasta fjórðungsuppgjöri á símaráðstefnu með eigendum, öllum heiminum í vefvarpi og helsti greinendum. Tim Cook kom þar með íhaldssamar leiðbeiningar um lykiltölur fyrir næsta fjórðung, sem kemur til uppgjörs í byrjun febrúar n.k. En í fyrrakvöld kom svo skyndilega afkomuaðvörun frá Tim, sem meðal annars segir þetta:

[..While we anticipated some challenges in key emerging markets, we did not foresee the magnitude of the economic deceleration, particularly in Greater China. In fact, most of our revenue shortfall to our guidance, and over 100 percent of our year-over-year worldwide revenue decline, occurred in Greater China across iPhone, Mac and iPad.]

Sem sagt: Frá 1. nóvember til og með næstu nokkrar vikur, þá rekst Apple á skyndilegt stopp? í Kína (e. sudden stop). Í byrjun desember vita þeir hjá Apple sennilega þá þegar hvað er að gerast, en bíða í nokkrar vikur til að fá það staðfest. Og þá eru tvær vikurnar fyrir jól komnar, og þá er ekki hægt að koma með aðvörun, því þá er allur markaðurinn eins og hann lagði sig kominn á klósettið í svartsýniskasti um allan heim, en sem enginn þekkir í raun og veru skýringarnar á, séu þeir heiðarlegir og viðurkenni staðreyndir. Tim bíður því þar til 2. janúar með afkomuaðvörunina. Hún mun svo taka mesta gasið úr málinu og fá eigendur (fjárfesta) Apple til að líta raunsætt á málin þegar uppgjörið kemur í febrúar. Það sem gerðist hjá Apple í Kína gerðist fyrirvaralaust. Um er að ræða einn ákveðinn viðburð, sem breytti öllu

En það er eitt sem er dálitið merkilegt. Og hvað er það Gunnar? Jú, Þann 14. nóvember skrifaði Michael Pettis eftirfarandi (Pettis veit manna mest Vesturlendinga um kínverska hagkerfið, enda kennir hann Finance (fjármál) við Pekingháskólann og er búinn að reyna að vara Vesturlönd við því sem er að gerast í Kína árum saman. Hann skrifaði þetta:

[.. As long as the countrys bubble economy can be prolonged, Singles Day will continue to grow and break sales records. But as nervousness deepens in China and as economic worries spread, Singles Day itself will be threatened. In fact, while this years 22 percent increase in sales may seem impressive, at least part of this increase may simply reflect the fact that many new vendors joined the program; if so, the sales these newcomers would have made anyway will have been added to the Singles Day total as if they represent new economic activity.

One year on November 11, maybe next year or maybe in a few years, the dizzying sales growth of Singles Day will suddenly reverse. At that point, the exuberance of Chinas bubble economy will almost certainly have ended and, as that happens, young Chinese people will probably increasingly reject the extraordinary commercialization of Singles Day as the very symbol of what went wrong in China”..]

Þetta er það sem er að gerast. Eins og Tim benti óbeint á, þá hefur 11-nóvember bóla einhleypra ungmenna sprungið einmitt þann 11. síðasta nóvember. Eða - aðeins 10 dögum eftir að Tim Cook gerði grein fyrir síðasta fjórðungsuppgjöri á símaráðstefnu með eigendum, öllum heiminum og greinendum - og leiðbeindi þeim líka um nánustu framtíð í meðal annars Kína. Tíu dögum síðar klessir Kína á vegg einhleypra ungmenna

Það er engan veginn hægt að kenna viðskiptastríði um klessukeyrslu kínverska hagkerfisins undanfarin mörg ár. Mjög mörg erlend stórfyrirtæki á borð við Pegatron, Samsung, Suzuki, Nikon og Panasonic sem eru að yfirgefa Kína, voru þegar með það á átætlun sinni löngu áður en Trump var kjörinn forseti. Kína er að úldna að innan og rotnuninni er stýrt innan frá. Fyrir utan 11. nóvember klikkunina í Kína, þá er allt annað hagkerfislegt fyrir langa löngu sprungið innvortis í því landi. Og nú sprakk 11. nóvember bólan líka og neytandinn með

Samsetningarfyrirtækið Foxconn sem Apple notar í Kína, er á leið út úr Kína, til Víetnam, sem Bandaríkin eru að byrja að vernda gegn einmitt Kína, því að Víetnam óttast Kína

Michael Pettis á skilið Nóbelsverðlaunin í hagfræði fyrir kenningar sínar um hvað gerist í alþjóðavæddum heimi undir offramboði sparifjár. Slíkt ástand er algerlega nýtt í sögunni

Heimurinn er dauður. Það er að segja: eftirstríðsheimurinn er dauður. Hann er farinn. Enginn veit enn hvaða og hvernig uppsetning hans tekur við. En það sjást samt vissar útlínur í þokunni

Fyrri færsla

10. stærsti banki Ítalíu settur í handjárn

10. stærsti banki Ítalíu settur í handjárn

ECB-aukaseðlabanki Þýskalands (stundum Frakklands líka) tók í gær yfir Banca Carige sem er tíundi stærsti viðskiptabanki Ítalíu, með 500 útibú í landinu. Stjórn bankans sagði af sér vegna fjárskorts og reynt verður að lauma honum yfir á ítalska ríkið, sem er á hausnum og mun þá verða enn meira á því höfði. Viðskiptavinir bankans hafa ekki og geta ekki greitt af lánum sínum í bankanum, sökum þess að Ítalía er steypt föst niður í hina þjóðhagslegu öryrkjastofnun Evrópusambandsins

Þar innanborðs rotnar og veslast allt upp í evrum og verður að efnahagslegum- og þjóðarpólitískum grafreit og geldingamiðstöð. Þjóðin er því öll að verða hjólastóluð og gengi hennar er 60 til 70 prósent of hátt. Enginn hagvöxtur hefur verið á Ítalíu í tæplega 30 ár og þjóðartekjur á mann eru þær sömu og fyrir 25 árum síðan. Landið er að breytast í framtíðarhelvíti í evrum

Bankinn hefur engan aðgang að nýju fé á alþjóðlegum fjármálamörkuðum því hann er á evrusvæðinu og mynt hans er stálfátæktarevra Þýskalands. Bankinn hefur heldur ekki aðgang að neinum seðlabanka, því að landið á engan slíkan lengur og ítalska ríkið er á hausnum vegna upptöku evru og esb-aðildar

Stofnanavætt esb-atvinnuleysið tryggir að alþjóðlegt lánstraust Ítalíu er framtíðarlélegt þegar í það er rýnt, því nú vita allir fjárfestar að það er atvinnustigið í landinu og þjóðfrelsi í peningamálum sem myndar gólfið undir alþjóðlegu lánshæfnismati ríkja. Einu tekjur allra ríkissjóða allra landa heimsins eru tekjur frá atvinnurekstri í landinu. Engar aðrar tekjur eru til

Í aðalstöðvum ECB-aukaseðlabanka Þýskalands í Frankfurt, læðast seðlabankamenn á snjóþrúgum um peningagólf evrunnar, svo þeir hrynji ekki í gegnum hugmyndafræðilega eggjaskurn hennar, sem orðin er gegnsæ. Þar inni hangir hins vegar bara einn dauður dordingull fastur í lygavef Evrópusambandsmanna, sem hristist og skelfur eins og félagmiðlavefur við hverja tilraun seðlabankamanna til að þruskast um peningagólf evrunnar á snjóþrúgum. Allsherjargeggjun verður smám saman næsta stig málsins á öllu evrusvæðinu, þegar öll líkfylgjan kemur út með peningapólitískan Frankenstein í vöggu esb-lýðræðisins

Fyrri færsla

Forsætisráðherra "samfélags" minntist hvergi á þjóðfélag

Forsætisráðherra "samfélags" minntist hvergi á þjóðfélag

Í áramótaávarpi forsætisráðherra kom hugtakið "samfélag" fjórtán sinnum fyrir, en hugtakið "þjóðfélag" kom hins vegar hvergi fyrir. Hvað þýðir þetta?

Jú. Hin grunnpólitíska eining í heiminum er, hefur alltaf verið, og verður alltaf þjóðfélagið eins og Biblían áréttar svo flott með þjóðum hennar, landamærum þjóða, aðgreiningu og skiptingu valds hjá þjóðum og að enginn (ekki einu sinni "alþjóðasamfélag" sem er nýyrði yfir hin venjulegu imperíal heimsveldi á borð við Egyptaland sem Biblía Vesturlanda af góðum og gildum ástæðum fordæmir og bannar algerlega) megi verða konungur/forseti yfir öðru fólki en því fólki sem konungurinn/forsætisráðherrann sjálfur er í þjóð með og af. Og hann á að vera kjörinn og lög manna þjóðarinnar eiga að ráða landi hennar, segir Biblían líka og hún bannfærir þar með alþjóðasamfélag imperíalista allra tíma, sem verandi hús fjötranna: þ.e. frá Egyptalandi til Caesars, Napóleons, Stalíns, Hitlers, Brussel og S.þ

Þetta félag, þjóðfélagið eru Vinstri útóískt grænir hættir að þekkja, svipað og síðast er þeir hétu Vinstri rauðir og alþjóðlegur (glóbal) kommúnismi var hin eina lögmæta félagstrú í barbaríinu sem þeir elskuðu svo heitt, að það kostaði hundrað milljónir manna lífið. Þar var þjóðfélagið gert að engu og var helst ekki til, því það braut í bága við kommúnismann, og "samfélag" hans, sem gekk út á að gera alla jarðarbúa blóðsogna þræla kommúnismans í einum allsherjar alþjóðakommúnisma "alþjóða-samfélagsins"

Það er hneyksli að svo fávís kona skuli sitja á æðsta pólitíska stól íslenska þjóðríkisins, lýðskrumandi um "félagana" í "samfélaginu" sem þjóðfélag hennar heldur uppi. Ef þjóðfélagið veslast upp, til dæmis með því að drekkja því með öðru þjóðfélagi, eða með rauðu eða grænu samfélagi komma, þá verður það ófært um að aðstoða neinn sem er í þjóðinni, og svo þá sem utan frá til þjóðfélagsins leita. Það drukknar og verður nýtt Sýrland. Allt sem fólk af sömu kommatrú og Vinstri grænir koma nálægt, drukknar og breytist í menntamannahelvíti fátæktarinnar, þar sem fólk flýgur í gegnum hin nýmarxísku heiðnikirkjuveldi háskólanna, án þess að vita neitt, eins og sést svo vel á ræðu forsætisráðherrans. En sem betur fer voru Vesturlönd byggð upp á Biblíunni, en ekki á alþjóðlegu kommúnistayfirvarpi þar síðustu glóbalista

Orðið "samfélag" er komið með stöðu póst-módern-nirvana afláts-bænahalds einfeldninga. Himpa-gimpa hippalegt orðskrípi úr hassi sem farið er með til að tendra þriðja augað uppi í túrban-skattaskrúfu póst módern afglapa

Ég er ekki í samfélagi með forsætisráðherranum og verð það líklega aldrei. En ég er hins vegar í þjóðfélagi með henni og umber hana vegna þess að hún ein af okkur, því eins og Gamla testamenti Biblíunnar meitlaði í stein, er hún rétt kjörin pólitískt yfirhöfuð þjóðar minnar - og það verður sem betur fer kosið á í mesta lagi fjögurra ára fresti næst, eða svo lengi sem samfélags-kommasteypa Evrópusambandsins er ekki krýnd sem fíaskó-konungur yfir minni þjóð. Sá síðasti var nefnilega ónýtur, því hann var ekki einn af oss, eins og Gamla testamentið sagði fyrir um, að myndi þýða eilíft fíaskó og fátækt

Sósíalistar Upplýsingarinnar (háskólarnir) reyndu allt hvað þeir gátu að gera ekkert úr Gamla testamenti Biblíunnar, en allan heiminn úr þeim sjálfum. Það Gamla var þeim þyrnir í augum, vegna einmitt þess sem hér fyrir ofan stendur. Án þess værum við ekki Vesturlönd. Engin leið er að skilja Biblíuna án þess að byrja á blaðsíðu númer eitt; Gamla testamentinu

- Gleðilegt nýtt ár 

Fyrri færsla

Ný (tækifæris) viðhorf í öryggismálum Evrópu