Evrópa lögð í rúst; eftir Evru Brusselsdóttir

Afrek evrunnar eru nú flestum sýnileg sem glitnisgöp. Efnahagur margra evrulanda er þegar hruninn. Þjóðargjaldþrotum evruríkja fjölgar. Orsökin er myntin evra og fylgifiskar hennar. Ný lönd komast hraðar og hraðar í svo kallaða "jaðar-stöðu" því jarðskorpa myntbandalagsins molnar svo hratt úr moldarbörðum Brusselveldisins.

 

Byggingarbóla Spánar sem hönnuð var af peningayfirvöldum evrunnar, leikur nú listir sínar í bankabókum fyrirmyndarbanka fyrirmyndarregluverksins í myntbandalagi Evrópusambandsins. Þar opnar enginn Urmull Jónsson gjaldeyrisreikning í neinum banka. Og neyðarfundir evruríkja verða að fornleifafundum í þjóðhagsreikningum þeirra, frá 1989-2002. Berlín bólgnar út.

• Þrír kerfislega mikilvægir bankar Austurríkis þjóðnýttir
• Gjaldeyrishöft innleidd af seðlabanka Austurríkis
• Allir evrubankar Írlands gjaldþrota
• Grikkland þjóðargjaldþrota og 51 prósent atvinnuleysi hjá ungu fólki
• Portúgal og Spánn í þurrð á þriðja ári, með 23 prósent atvinnuleysi
• Ítalía sekkur áfram og lekur úr sér yfir herra G1
• Alþjóða Gjaldeyrissjóðurinn eys og eys myntsvæðið
• Fjórir banka-neyðarpakkar í Danmörku og sá fimmti í smíðum þrátt fyrir ERM II
• Maastrichtsáttmálinn rústir einar á 20 ára afmæli sínu
• Fjármálaleg borgarastyrjöld hefur geisað innvortis á evrusvæðinu frá 2008
• Gengi evru leyft að hækka um 100 prósent frá 2001-2008
• Þýskaland rústar sig til reiði og ræður nú í Evrópu

Aldrei hefur eins áhrifamikið fyrirbæri og evra verið blásið út í Evrópu síðan Adolf heitinn sprengdi Evrópuöryggið með Braun-hárþurrku konu sinnar

 

Fyrri færsla

Kjörseðlar eða pöntunarseðlar

 

If you think the European Central Bank’s policies have “bought time”, you should ask yourself: time for what? FT

Kjörseðlar eða pöntunarseðlar

 

Hvað skiptir máli.

 

Það sem alltaf skiptir mestu máli er að fá sjálfa pöntunina. Að vera samkeppnishæfur. Þetta er pretty fundamental, ekki satt?

 

Og svo að geta uppfyllt pöntunina stundvíslega, til dæmis með því að eiga góð skip og flugvélar. Að græða oftar á pöntuninni en ekki, er einnig mikilvægt, skyldu sumir ekki vitað það. Það þýðir að tekjur verða oftar að vera stærri tala en útgjöld.

Spurningin um hvernig greitt er og með hverju, verður alltaf eins og gengur og gerist um allan heim. Aðeins aular þykjast ekki geta stundað utanríkisviðskipti við önnur lönd nema að þau noti sömu mynt og maður sjálfur. Sovéthugarríki útskipunarhafnar Rotterdams eru dauð og grafin. Og reiknivélar eru fyrir löngu uppfundnar. Sími og Internet hafa einnig verið tekin í notkun.

 

Ég get ekki séð að of margir stjórnmálamenn skilji þetta. Er það nokkuð og kannski vegna þess að þeir eru stjórnmálamenn? Afpantaðir jólasveinar á kjördag eru óskemmtileg sjón. Kva, varstu afpöntuð?

Engum nema minnsta fljótandi forsætisráðherra heimsins í peningamálum lætur sér detta í hug að afpanta vörur frá átjándu stærstu eyju heimsins vegna skorts á reiknigetu. 

Ferill pöntunar í utanríkisviðskiptum

• Pöntun kemur frá Japan
• Samið er um afhendingu og greiðsluskilmála
• Varan er send á næstu stóru höfn, til dæmis Rotterdam.
• Holland er þá transit-land í praxís
• Þar er vörunni umskipað og annað skipafélag tekur við
• Áfangastaður vörunnar er Ástralía
• Umboðsmaður norska söluaðilans í Japan sá um kaupin
• Frá Ástralíu er 1/10 hluti vörunnar sendur með flugi til Nýja Sjálands
• Greiðslan fer fram í þeirri mynt sem gagnast báðum aðilum best
• Hagstofa Íslands skráir þennan útflutning sem utanríkisviðskipti Íslands við ESB, því hún veit ekki betur
• Hún GETUR ekki vitað betur
• DDRÚV segir svo landsmönnum í kastljósi frá þessum glæsilegu utanríkisviðskiptum Íslands við ESB. Þar fer allt til ESB.
• Enginn hefur samt minnst hér á EES, ESB, evru né neitt. Enda algerlega ástæðulaust. 

Svona hafa utanríkisviðskipti Íslendinga alltaf verið. Fáir hafa örugga vitneskju um neysluland. Oft eru þau mörg. Nema að forsætisráðherrann vilji láta lögregluna skammta fyrirtækjum landsins pantanir.

 

Fiskútflutningur Dana til Íslands er tölu verður. En þegar nánar er skoðað í gagnagrunn DST kemur í ljós að þeir allir gullfiskar. Hvernig skyldi standa á þessu? Danir standa sem sagt í fiskútflutningi til Íslands. Hvað segir minnsti fljótandi forsætisráðherra heimsins í peningamálum við þessu.

Að fá sjálfa pöntunina er alltaf mikilvægast.

 

Í eðli sínu er mjög erfitt að vera seljandi. Það krefst mikils. Það er alltaf auðveldast að vera bara kaupandi. Eins og útrásarvíkingar voru flestir. Þeir keyptu og keyptu en gátu sjaldnast selt neinum neitt.

 

Fjársterkustu framtíðarneytendur heimsins eru ekki í Evrópusambandinu. Þar eru þeir líkamlega orðnir of gamlir. Og þeim mun fækka hratt. Allur vöxtur danskra dótturfélaga erlendis er því fyrir utan ESB

 

Fyrri færsla

 

Fyrirbærið Jóhanna; svo gott sem ónýt

 

Fyrirbærið Jóhanna; svo gott sem ónýt

Brennið þið hálfvitar.

 

 

Úr skjóli fullveldis íslenska lýðveldisins í peningamálum eys forsætisráðherra ESB-sértrúarsafnaðar Samfylkingarinnar úr sér yfir gjaldmiðil þjóðarinnar. Væri hún forsætisráðherra í evruríki þá væri hún þegar á leið í ESB-gúlag með Zíl. En þar þegja forsætisráðherrar þykkt á meðan miðstýrð mynt Evrópusambandsins rúllar yfir og þurrkar út lífskjör og lýðræði þjóða þess. 

Væri hér engin fullvalda króna þá hefði þessi manneskja mjög hægt um sig. Þannig virka vöðvar frelsisins. Þeir visna hratt þegar þeir eru ekki notaðir. Ekkert slíkt vöðvaafl á Jóhanna Sigurðardóttir til í sér. Hún er talandi tákn uppgjafar. Sjaldan launar kálfur ofeldið

Úti í Evrópu og víðar finnst mörgum að Ísland eigi ekki rétt á og geti ekki verið sjálfstætt fullvalda ríki. Að það sé of lítið til þess. Talsmaður þessa fólks á Íslandi er Jóhanna forsætisráðherra Samfylkingar.

 

Skiptimiðill þessi þarf að fara. Átjánda stærsta eyja heimsins getur ekki búið við minnsta fljótandi forsætisráðherra heimsins í peningamálum.

 

 

Fyrri færsla 

Frakklandsforseti bjóst við upplausn evru sem gjaldmiðils

 

Tengt - sjá myndskeið hér fyrir ofan

The Irish Begin to Wake Up to the Fact That They are Repaying Money That is Then Burned

 

 

Vill þjóðarsátt um gjaldmiðil

Frakklandsforseti bjóst við upplausn evru sem gjaldmiðils

 

Í viðtali við frönsku dagblöðin Le Monde og Les Echos segir Nicolas Sarkozy forseti Frakklands að hann hafi trúað því á tímabili að evran myndi hrynja og leysast upp á undanförnum misserum. Hann segist ekki hafa verið einn um að hafa þessa skoðun, því að kanslari Þýskalands, Angela Merkel, hafi einnig á tímabili haldið það sama um gjaldmiðilinn evru. Hann segist sannfærður um að myntbandalag Evrópusambandsins þoli ekki nýja krísu því það sé hvorki fjárhagslega, efnahagslega, samfélagslega né stjórnmálalega í stakk búið til þess.

 

Neyðarlög myntbandalagslanda Evrópusambandsins, seðlabanka þeirra og Alþjóða Gjaldeyrissjóðsins hafa skiljanlega ekki enn verið kynnt mörkuðum. En Variant Perception hefur þó gefið út 13 punkta aðgerðaáætlun sem hefst á því fyrsta skrefi að kalla þjóðþing saman á laugardagskvöldi til að setja neyðarlög. 

 

FT/Alphaville fjallaði um 13 punkta aðgerðaáætlun V.P. þann 1. febrúar. Fyrirtækið var fyrir nokkrum árum hið fyrsta til að benda umheiminum á tæplega milljón óseldar íbúðir í evru-byggingarbólu Spánar á meðan peningayfirvöld og ríkisstjórnir sváfu. Þar ríkir nú hrun, 23 prósent atvinnuleysi, örvænting og ótti. 

 

Nýlegt "trilljón" evru upplausnar-neyðarlán ECB-seðlabankans til vissra bankakerfa evrulanda mun á móti upphaflegum væntingum aðeins hjálpa bönkunum og hvetja þá til að grafa sig enn dýpra niður í byrgi sín. Aðstoða þá við að einangra sig enn pottþéttar frá öðrum bankakerfum á millibankamarkaði evrusvæðis (loka landamærum) og undirbúa þá undir það sem koma skal. Þ.e.a.s lánin munu frekar leysa peningasvæði evrunnar upp en hitt. Ekkert af peningunum fer í útlán til fyrirtækja né heimila.

 

Bankakerfi nokkurra evrulanda eru þegar lokuð af frá umheiminum og hafa verið það í meira en tvö ár. Sumir kalla þessi lönd jaðarríki. En enginn "jaðar" átti þó að vera á þessu myntsvæði fá upphafi. Það var selt sem einn peningur einn markaður. Þetta bendir til þess að á evrusvæðinu séu einhver ríki sem kallast geta "central powers", miðríki eða öxulveldi.

Eins og mynd Variant Perception hér efst sýnir, er efnahagsreikningur ECB-seðlabanka evru á leið með að verða tvöfalt uppblásnari miðað við landsframleiðslu en efnahagsreikningur seðlabanka Bandaríkjanna. Kannski hefur hann þegar náð þeirri stærð nú. Þýskir seðlabankamenn hafa gefið út aðvaranir og eru fullir ótta vegna bæði TARGET2 greiðlukerfisins og peningastefnu ECB-seðlabankans. Rit CEPS gefur Jóhönnu innsýn í málið. Hér sem PDF. Mæli þó með athugasemdum SL. 

 

Fyrri færsla

 

Frá Grikklandi til Bangladesh: kaumáttarleysi evruupptöku

 

Tengt

 

Variant Perception: A Primer on the Euro Breakup 

Frá Grikklandi til Bangladesh: kaumáttarleysi evruupptöku

Mynd; fæðingarvottorð skjaldborgar Jóhönnu & Steingríms.

 

Versta kreppa í einu landi í sögu eftirstríðsára Vesturlanda, er nú í framkvæmd undir yfirstjórn og tilskipunum Evrópusambandsins og ECB-seðlabanka þess.

 

Þýska útgáfa Financial Times (FTD) bað virta efnahagsrannsóknarstofnun landsins — sem staðsett er í München og heitir Ces Ifo — um að reikna út hver staða Grikklands á evrusvæðinu sé orðin meðal þjóða heimsins. Niðurstöður Ces Ifo birtust í FTD í gær. Þær segja að lítið sem ekkert megi út af bera í Grikkland til að kaupmáttur landsframleiðslu Grikkja fari ekki niður á par við Bangladess. Grikkland fellur með ógnarhraða neðar á listanum yfir kaupmátt ríkja heimsins. Þar ríkir versta kreppa í einu landi í sögu eftirstríðsára Vesturlanda. Atvinnuleysi meðal ungs fólks í Grikklandi hefur náð 51,1 prósentum af þeim öllum.

Skuldatryggingaálagið á ríkissjóð Íslands undir krónu er nú 245 punktar. Það er 3500 punktar á Grikkland, 1263 punktar á Portúgal, 662 punktar á Írland, 413 punktar á Spán og 384 punktar á ríkissjóð Ítalíu. Öll eru þetta evrulönd, nema Ísland. 

 

Athugið: súlurnar eru hafðar grænar á litinn til láta líta úr fyrir að þær séu "góðar"

 

Árangur ríkisstjórnar Jóhönnu & Steingríms í atvinnumálefnum Íslendinga er varla sjáanlegur og mælist næstum enginn á 24 mánuðum. Atvinnuleysi er að festa sig í sessi sem vinstrivætt þjóðarböl og blóðsuga á ríkissjóði lýðveldisins. Lítið sem ekkert gerist. Það eru mest leiktjöld og launaseðlar ríkisstjórnarinnar sem bifast. Fólk dettur út af skrá, flýr með Norrænu úr vinnuaflinu eða fer í hundana. Tölur Vinnumálastofnunar tala sínu máli. Mig hryllir við þeim lélegu störfum sem svo allt of oft skapast undir vinstristjórnum. Hestöfl hakerfisins veikjast og samfélagsvélin mun eiga sífellt erifðara með að draga rútuhlass vinstrimennskunnar. Lykketoft mistökin.

Á skjaldborgar skurðstofum ríkisstjórnarinnar heima í Þýskalandi mistakast flestar aðgerðir þarlendra stjórnmálamanna í eigin ríkisfjármálum, á sama tíma og þeir eru önnum kafnir við að skipa öðrum evruríkjum fyrir verkum í innanríkismálum. Þýskaland þykist orðið eiga flest hin evrulöndin í krafti peningastærðar hagkerfisins. Þýskalandi hefur þó að mestu mistekist að ná stjórn á eigin ríkisfjármálum. Skuldir þýska ríkisin eru nú mun hærra hlutfall af landsframleiðslu en ríkis Spánar, og hafa verið svo frá árinu 2000. Það var upptaka framandi myntar og peningastefna ECB-seðlabanka evrunnar sem lögðu Spán að velli. Þar ríkir nú 23,3 prósent atvinnuleysi.

 

Spain Faces Deeper Cuts as Juncker Says Rajoy Plan Dead

 

Forráðamenn evrumyntar eru farnir að tala eins og þeir eigi önnur lönd. Þeir hika ekki við að koma opinberlega fram og lýsa fjárlög og fyrirætlanir þjóðkjörinna ríkisstjórna annarra evruríkja sem "andvana fæddar" eða "vonlausar". Og hér er ekki um neinar smáþjóðir að ræða sem eiga að hlýða. Forráðamenn evrumyntar tala nú eins og bankamenn á Íslandi töluðu á meðan þeir höfðu völd í krafti peninga sem þeir áttu ekki sjálfir. Annarra landa féhirðar haga sér nákvæmlega eins. Bjóða ríkjum ekki góðan daginn fyrir minna en hálft niðursneytt heilbrigðiskerfi lýðsins. 

Anja sem skúrar gólf og gerir hreint fyrir tvær evrur á tímann (332 krónur) í Stralsund í Þýskalandi, sortnar fyrir augunum af bræði þegar hún les í dagblöðum um "þýska kraftaverkið í atvinnumálum", sem nú er notað sem tálbeitu-fyrirmynd handa öðrum evruríkjum á leið í þrot. "Ef ég gæti farið, þá væri ég fyrir löngu hætt og farin. Fyrirtækið hefur nauðgað mér í sex ár", segir Anja.

 

En Peter Huefken, sem er Þýskalands kollegi Gylfa Arinbjarnarsonar forseta ASÍ, segir að þetta sé langt frá því versta sem hann þurfi að eiga við í þýska evruríkinu. "Sumt fólk sem ég hef með að gera er með 55 cent á tímann (91 krónu)." Verkalýðsfélag Huefken er að reyna að stefna atvinnurekendum fyrir misnotkun á launþegum og hvetur önnur félög til að gera hið sama. Kauphækkun hefur ekki fengist í 15 ár. Og engin lágmakrslaun eru víðast hvar í landinu. Hægt en örugglega mjakar öldrunarhagkerfi Þýskalands Evrópu aftur á járnöld.

 

Fyrri færsla

 

Fyrst var það Norður-Kórea. Nú er það Evrópusambandið sjálft

 

Tengt

 

Working the night-shift in the German austerity sweatshop

Fyrst var það Norður-Kórea. Nú er það Evrópusambandið sjálft

Icesave forsætisráðherra Íslands, Jóhanna Sigurðardóttir, segir að ekkert annað komi til greina en að leggja niður Ísland og ganga í hafið fyrir Evrópusambandið. Í kjölfar þrefaldra dauðadóma Jóhönnu og stórráðherradæmis allsherjar Steingríms J. yfir landi og þjóð, kom hinn ókjörni fyrrverandi ráðherra þeirra Jóhönnu og stór Steingríms fram og sagði að val okkar stæði á milli Norður-Kóreu, Icesave og Norður-Kóreu". En hvað með Pólland?

Nú vill svo til að úti í Evrópu er sú skoðun að myndast að Norður-Kórea Gylfa, Jóhönnu og allsherjar Steingríms J. sé flutt út yfir hafið til Evrópusambandsins. Að Pólland verði næsta Norður-Kórea samfylkingar vinstri grænna í ESB. Því þar vilja menn ekki samþykkja umhverfismálapakka Evrópusambandsins. Pakkinn sem troða á í og út er sagður umhverfismálalegur í alla staði. En er þó fyrst og fremst viðskiptaumhverfislegur að eðlisfari.

 

Pólland á því á hættu að verða VARANLEGA, já VARANLEGA einangrað inni miðju í Evrópusambandinu. Sem sagt, inni í heilögu ESB. Og hvað þá með alþjóðasamfóið. Er næsta skref Póllands ekki svo að segja sjálfgefið?

Menn geta svo rétt ímyndað sér hvað bíður þeirra Evrópusambandsríkja sem leyfa sér þá hugsun að hugsa — og jafnvel ræða — að ætla sér að neita að bera fulla ábyrgð á evruríkisgjaldþroti Grikklands í Evrópusambandinu, sem þegar er orðið að raunveruleika. Og síðan þar á eftir þeirra evruríkja sem bíða með hálsmál sitt klárt á evrustokk og steini. 

Verður Pólland sett í ESB-lagningu? Og í permanent?

 

Will Poland become the new North Korea of Europe?

 

Hér má bæta því við að skjólbeltasérfræðingar Evrópusambandsins geta nú státað sig af því að atvinnuleysi ungs fólks í Grikklandi hefur náð 51,1 prósentum af öllum. Það hefur vaxið sig tvöfalt á aðeins þremur árum. Þetta er hið margrómaða öxullaga hagvaxtarafrek evruaðildar landsins. Hvað skyldi herr Adolf M. Stalín segja við þessu?

 

Fjármálaráðherra Þýskalands hefur harðlega gagnrýnt Grikki fyrir að ætla að halda þingkosningar í landi sínu. Hann segir að það séu ýmsir — bæði innanlands sem erlendis — sem setji ákveðin spurningarmerki við þessar fyrirhuguðu áætlanir Grikkja. Tímasetning þingkosninganna í Grikklandi sé þess utan hreint galin. Halda mætti að Steingrímur og Jóhanna séu þegar flutt út.

 

Fjármálaráðherra Þýskalands segir enn fremur að lágmarkslaun í Grikklandi, sem að kröfu kanslara Þýskalands voru lækkuð um 20 prósent í janúar, séu ennþá of há.  

 

Síðasta kjörna ríkisstjórn Grikklands var þann 4. október 2009 kosin til valda undir forsæti sósíaldemókratans George Papandreou, vegna þess að hún hafði lofað kjósendum bættri opinberri þjónustu og meiri velferð í landinu

 

Fyrri færsla

 

Til heiðurs Þrasastöðum

 

Tengt

 

Auf Wiedersehen Polen 

Til heiðurs Þrasastöðum

 

Það var yndislegt að lesa frásögn og viðtölin við Fljótafólkið á Þrasastöðum í Stíflu í sunnudagsmogganum. Takk fyrir að vera til og takk fyrir að byggja Ísland. Og takk til Morgunblaðsins. Hér er annað frá 1996. 

Þjóð sem notar ekki landið sitt í nútímanum mun alltaf fyrr en síðar standa frammi fyrir því að landið verður af henni tekið. Landið tekið frá þjóðinni. Numið af öðrum. Það búa jafn margir á Íslandi í dag og á tímum Snorra Sturlusonar. Höfuðborgarsvæðið hér frátalið. Það var heldur ekki til þá. Þetta er í einu orði sagt brjálæði! Það er ekki nóg að nota landið bara í handritum. 

Það ríkir ógnvænlegt misvægi í byggðum Íslands. Þetta misvægi ætti að blikka stanslaust á ljósatöflum Hagstofunnar, Seðlabankans og allra manna sem hafa með rannsóknir verðbólgu, misvægis og þjóðhagsreikninga að gera. Þýðingarlaust er að minnast á bjölluglamur í musteri forsætisráðaleysisins.

Rannsakið vinsamlegast hversu stór hluti verðbólgusögu íslenska hagkerfisins á sér rætur að rekja til síaukins og þyngra misvægis í byggðum landsins.

• Ónauðsynleg verðbólga
• Minni samkeppni
• Minni nýsköpun
• Glötuð tækifæri
• Ostaklukkuhugsun
• Hrun?

Höfuðborgarsvæði Íslands er að verða eins og svarthol í landinu. Blikkljósin frá Schrödingerkattaliði Stjórnarráðsins eru orðin venjulegum Íslendingum ósýnileg. Já það er þægilegt að vera á Alþingi; sama tölublaður. Engin alvöru og pólitískt djúpt hugsuð byggðastefna er í landinu. Engin.

Þess vegna þarf hið bráðasta að flytja þingstað þjóðainnar aftur til Þingvalla. Þetta gengur ekki lengur.

Í fögrum dal hjá fjalla bláum straumi

ég fríða meyju leit í sætum draumi;

það blöktu lausir lokkar um ljósan meyjar háls;

með blíðubros á munni hún byrjun tók svo máls:

"Sæludal sólar geislar hlúa,

sæludal sælt er í að búa."

 

Um brattan tind þótt blási köldum anda,

ei byljir storma dalnum fagra granda,

því honum helgar vættir með hlífðar skýla arm,

og hér er hlýtt í hlíðum og heitt við meyjar barm;

hjarta trútt hafa snótir dala,

hjarta trútt, hreint sem lindin svala.

 

Piltur og Stúlka; Emil Thoroddsen (1898-1944) - Sönglög úr sjónleiknum Piltur og Stúlka - Jón Thoroddsen (1819-1868)

Ljúft og yndislegt, Heimir. Hattur ofan . .  og takk fyrir tónleikana á föstudagskvöldið. Kvöldversið var klassi!

 

Fyrri færsla

 

Innrétting forsætisráðaleysis 

 

Tengt

 

Bjartur í Sumarhúsum kominn með hitaveitu, nóg rafmagn og 200 sjómílur

Ég spila ekki póker með fullveldi Íslands 

Vitsmunalegur stöðugleiki væri ágætur 

 

Innrétting forsætisráðaleysis

Nú skil ég þetta. Eftir að hafa hlustað á forsætisráðherra, föstudaginn 9. mars 2012, er mér ljóst að í þessu embætti situr verri en enginn.

Hún vill að embætti forsætisráðherra Íslands sé innréttað þannig að fimm ára barn geti gengt því. Hún vill fá bjölluþráð úr fjármálaeftirlitinu festan upp í innréttingum embættisins. Af hverju? Jú. Hún þarfnast að geta setið ólæs, ómálga og óskrifandi í embættinu. Komast hjá því að lesa, horfa, hlusta og skilja. Hún vill fá stuð úr bjölluvír FME þegar eitthvað óvænt á kannski eftir að gerast á morgun, hinn, eða á innan við næstu fimmtíu árum. Sprengjuvír lagðan í stólinn. Til að geta verið í lagningu, permanent.

Hún veit ekkert um eðli áfalla. Ef allir vissu fyrirfram að áföll væru í vændum, þá gerast engin áföll, heldur aðeins daglegt amstur. Eðli áfalla er að þau gerast óvænt. Þess vegna eru þau kölluð áföll. Þetta er það fyrsta sem menn læra í stjórnunarfræðum (e. management theory) fari þeir fyrir slysni í skóla. Áföll eru skilgreind sem áföll af því að þau gerast óvænt. Annars væru þau bara daglegt amstur á borð við það amstur sem menn ættu að sinna í forsætisráðaleysi sínu.

Þessi manneskja kæmist ekki í gegnum sauðburð, væri hún búandi. Hvað þá heldur í gegnum fimm mínútur á hlutabréfamarkaði.

Seðlabankastjóri Bandaríkjanna æðir upp í vinnu. "Gott kvöld: Ég er næstum viss um að eitthvað meira en venjulega slæmt gerist kannski á morgun. Við skulum ýta á takkana og sturta bankakerfi landsins í ruslið áður en þetta gerist. Við verðum fyrri til. Hringdu í forsetann og segðu honum að ég hafi rétt fyrir mér": Wake the president!

Var það ekki einmitt þetta sem gerðist í Evrópu, eða var það ekki þannig? Þeir eru enn að dæla. Sjórinn fossar inn á sjötta ár.

"Sæl. Þetta er FME. Við höfum rökstuddan grun um að allt sé á leið til helvítis. Við vitum þó ekki hvenær eða hvort". "Nú jæja. Best að sturta bankakerfi þjóðarinnar niður, svona til öryggis".

Í gær var fyrsta evrulandið lýst þjóðargjaldþrota. Grikkland fór í þrot, tíu árum eftir upptöku evru og þrjátíu árum eftir inngöngu í Evrópusambandið. En enn þegir bjalla forsætisráðherra Íslands.

Þegar fimm hundruð bjöllur hringja í innréttingum Jóhönnu, þá vitum við hvað er að gerast. Ekkert! 

Hún er í lagningu

 

Fyrri færsla

 

Hagvöxtur á Íslandi helmingi minni en á sama tíma í fyrra. Eurostat komið í Hagstofuna

Hagvöxtur á Íslandi helmingi minni en á sama tíma í fyrra. Eurostat komið í Hagstofuna.

Það sætir lítilli furðu, að mínu mati, að Hagstofa okkar hér heima hafi fimmtudaginn 8. mars tilkynnt um helmingi minni hagvöxt og jafnvel fall í landsframleiðslu Íslendinga, miðað við sama fjórðung á síðasta ári. Hér er átt við síðasta fjórðung ársins 2010 á móti þeim sama á árinu 2011, eða þrjú prósent vöxt þá, en aðeins 1,9 prósent vöxt núna. Þrátt fyrir breytingar í ríkisstjórn.

Sjálfur bjóst ég fastlega við samdrætti í öllum meginþáttum, því ríkisstjórnin hefur unnið hart að því að grafa undan, skaða og skemma rekstrarskilyrði sjávarútvegs Íslendinga, sem stendur undir að minnsta kosti 1/4 af landsframleiðslunni, 35 þúsund störfum í landinu og frumborins fyrsta helmings allra útflutningstekna okkar. Með tekjum þessa fyrri helmings er seinni helmingur tekna okkar byggður.

Tölum Hagstofu Íslands ber að þessu sinni að taka með sterkt auknum fyrirvara, því í fréttatilkynningu frá stofnuninni er þess nú sérstaklega getið, að starfsmenn hagstofu Evrópusambands Grikklands, Portúgals, Írlands, stórhertogadæmis Luxembúrgar, Ítalíu og annarra vafasamra ESB-ríkja á barmi þjóðargjaldþrota, hafi jafnvel sterklega verið með í ráðum við þetta uppgjör.

En hagstofa Evrópusambandsins ráðlagði Grikklandi um fölsun ársreikninga gríska ríksins og lokaði augunum fyrir skemmdarverkastarfsemi ECB-seðlabanka Evrópusambandsins í flestum löndum hagstofu evrusvæðis frá árinu 2002 til 2008. 

Einnig aðstoðaði Eurostat-hagstofan evruríkin við að fegra þjóðhagsreikninga margra evruríkja þegar í ljós kom að aðeins eitt af ellefu ríkjum uppfylltu upphaflegu inngönguskilyrðin niður í svo kallað myntbandalag Evrópusambandsins. Sum ríki seldu t.d. símafélög til að fegra aumt ástand. Leiðréttingum vegna þessa þurfti svo með aðstoð Eurostat að læða inn í þjóðhagsreikninga þessara ríkja á ný, næstu mörg árin; sjá grein Wall Street Journal frá 3. mars 2010: Europe's Original Sin 

Í skýrslum sem ókjörin valdaklíka Evrópusambandsins samþykkti um Grikkland í samfellt 10 ár, sást allan tímann að landið hafði aldrei staðist Maastricht kröfur um ríkisskuldir, nema árið 2006. Undir umsjá Eurostat hagstofu Evrópusambandsins hafði Grikkland leiðrétt (fegrað) hallarekstur ríkisins í þjóðhagsreikningum allar götur frá 1997.

Árið 1995 stóð Belgía með ríkisskuldahlutfall miðað við landsframleiðslu upp á 131 prósent. Eurostat aðstoðaði framkvæmdavald Evrópusambandsins við að fegra þessar tölur þannig að þær litu út sem farandi minnkandi í augum umheimsins, svo landið gæti tekið upp evru þegar hún kom. Belgía skuldar enn tæplega 100 prósent af landsframleiðslu sinni þó svo að hún hafi tekið inn þessar evrur.

Þar næst lét ríkisstjórn Frakklands líta út fyrir að hafa fengið 5 miljarða evru greiðslu í þjóðhagsreikningum þegar ríkissjóður landsins þóttist ekki lengur þurfa að gera grein fyrir framtíðar lífeyrisskuldbindingum hins franska símafélags, því það var bara selt. 

Austan hæsta fjalls Hollands skipaði svo ríkisstjórn Þýskalands á sama tíma þýska seðlabankanum að endurmeta (froðufylla) virði gullforða landsins í þjóðhagsreikningum. Seðlabankinn neitaði og varð því Helmut Kohl kanslari að grípa til annarra fegrunaraðgerða. Vökul augu kola- og stálbandalagsskrifstofu Eruostat horfðu ráðgefandi og blessandi á. 

Fegrunaraðgerðum Frakklands (skuldum) var síðan lætt aftur inn í þjóðhagsreikninga landsins með samvinnu Eurostat allt fram til ársins 2007. Það sama gerðu Spánn og Portúgal. Síðar komu Þýskaland og Frakkland úr úr skápnum þegar froðufullar tölur þeirra sprungu loksins út í þjóðhagsreikningum sem lögbrot á Maastricht sáttmála Evrópusambandsins árin 2002, 2003 og 2004. Við þetta ultu Holland og Ítalía einnig út úr skápum Eurostat, með sömu sáttmálabrot. 

Ekki er nema von að Spánn skuli nú hafa ráðið til sín sem fjármálaráðherra hinn fyrrverandi yfirmann Lehmans bræðra bankans sem sprakk í tætlur yfir heiminn í september árið 2008. Mikið er í húfi.

The same diplomats confirmed the European statistical agency Eurostat had received data from Athens in 2008 that it found so peculiar it had suggested leaving the pages dedicated to Greece blank. (hér)

Þessu til frekari staðfestingar bendi ég á að ársreikningar yfir fjármunanotkun sjálfs Evrópusambandsins í Brussel hafa ekki fengist undirskrifaðir af löggiltum endurskoðendum í samfellt 12-14 ár. Þeir endurskoðendur sem vekja athygli á misferlinu eru bara reknir. Misferlið er geigvænlegt og sérstaklega í þeim hlutum starfsemi sambandsins sem heyrir undir þessa svo kölluðu hagstofu ESB er nefnist Eruostat, best nefnd í stuttu máli sem Eurostasi.

 

Greining Íslandsbanka: Að frádreginni fjárfestingu í skipum og flugvélum, jókst fjárfesting á árinu um 7,4% í stað 13,4%. Sem  hlutfall af VLF nam fjárfesting 14,1% og er þar með enn lágt í sögulegu samhengi, og má nefna að sambærilegt hlutfall fyrir OECD ríkin í heild hefur verið um 20% undanfarinn aldarfjórðung 

 

Það eina skip sem breytti fjárfestingarþætti þjóðhagsreikninga okkar að þessu sinni var ein hugrökk útgerð sem keypti og var fyrir löngu búin að panta sér eitt skip. Það mun nú verða notað á auglýsingaskiltum allsherjarráðherrans á meðan hann heggur fastar öxi sinni að atvinnugrein sjávarútvegsins. Væntanlega í spað.

 

En það voru þó skip útgerðarinnar sem björguðu ráðherranum af Skjaldburg að landi í þessu uppgjöri sem öðrum; allar götur frá stofnun lýðveldis Íslendinga á Þingvöllum 1944.

Á öllum öðrum vígstöðvum en fjármunamyndun einkageirans, þökk sé útgerðinni, var landsframleiðsluvöxtur fjórðungsins minni en í fyrra, þ.e. útflutningur jókst næstum ekki neitt vegna áhlaups ríkisstjórnarinnar á rekstrargrundvöll sjávarútvegsins. En innflutningur á ESB-embættsmönnum og ljósritunarvélum frá Brussel jókst svo mikið, að útflutningsjöfnuður var kveðinn upp sem jákvætt og vaxandi landris í heimi Skjaldborgar. Og einungis vegna þess að þar miðast nú allt við eitt allsherjar niðurfall og hrun Evrópusambandsins.

 

Takið eftir að skemmtisigling varðskipsins Þórs inn og út úr landsframleiðslu tímabilsins, var aðeins stimpluð inn í þjóðarbúið sem fjárfesting einu sinni; og það sem opinber.

 

Hefði nú ekki verið hægt að koma því við hér að ríkisstjórnin færi til viðgerðar hjá vinum Steingríms í Noregi á sama tíma? Mikið fé hefði mátt spara í einni ferð. En tillitssemin við áhöfina réði þessu, er mér sagt

 

Fyrri færsla

 

Leiðtogar almúgans hérlendis og aginn sem auðvitað er erlendis 

Krækja

 

Landsframleiðslan á 4. ársfjórðungi 2011 

Leiðtogar almúgans hérlendis og aginn sem auðvitað er erlendis

Það er tilgangslaust að tala um leiðtoga landsins. Hér eru engir leiðtogar við völd.

 

Vol og væl margra Íslendinga yrði stimplað sem versta vanþakklæti og ofdekur í flestum ríkjum Evrópusambandsins. Þar hafa svo margir engu að tapa og þannig hefur það verið síðustu 30 ár. Engri vinnu að tapa því þeir hafa aldrei á ævinni haft neina vinnu til að tapa. Engri íbúð að tapa því svo margir hafa aldrei átt neina íbúð til að tapa. Engum bíl að tapa því hann hefur aldrei verið í augsýn. Engum sparnaði að tapa því hann hefur aldrei verið til. Fólk sem hefur ekkert til að missa rífur ekki kjaft í Evrópu. Það gengur bara í öfgasamtök. 

 

Athugasemdir sumra Íslendinga um "agaða hagstjórn" og "agaðar þjóðir" virðast byggðar á eftirfarandi staðreyndum um aga í flestu nema þessu:

 

• Launþegar í Þýskalandi hafa ekki fengið launahækkun í 15 ár. Þetta náttúrlega viss agi. 

• Raunverð húsnæðis er fallið um 25 prósent í Þýskalandi frá aldamótum. Þú borgar og borgar, en sífellt stærri hluti lækkandi eða staðnaðra launa þinna fer í afborganir, en þú átt sífellt minna. Hér er aginn til fyrirmyndar. Eitt herbergi íbúðar þinnar hverfur á hverjum 10 árum.   

• Um 30 ára skeið hefur atvinnuleysi í Þýskalandi marrað í kringum 8-10 prósentin. Sem sagt næstum því fullkominn stöðugleiki. 

• Frá 1977 hefur atvinnuleysi í Danmörku ekki farið niður fyrir það sem það er núna á Íslandi, nema í 5 ár. Semsagt hrun-atvinnustig í 29 ár af 35 mögulegum í Danmörku. 

Engin stýrivaxtabreyting í 7 ár (blindravinafélag hagfræðinga) 

• Frá 1985 hefur danskur húsnæðismarkaður hrunið tvisvar, með allt að 1600 nauðungaruppboðum yfir heimilum fólks í hverjum mánuði. Samfelldur terror var þá í átta ár. Ekkert var gert neinum til aðstoðar. Ekkert, enda bjóst enginn við því. Þar er fólk sumt enn að greiða skuldir af húsnæði sem það missti árið 1987. Þetta gerðist vegna þess að Danmörk tók upp fastgengi 1982. Danska krónan var bundin við agaðan staur niðri í Þýskalandi. Þetta var mjög öguð ákvörðun sem eingöngu byggðist á pólitík, sem auðvitað alltaf er mjög öguð, eins og þið vitið.

• Og nú eru nauðungaruppboð í Danmörku á leið upp aftur og komin yfir 400 talsins á mánuði. Og húsnæðisverð enn einu sinni í frjálsu falli. Þetta er svo agað.

• Smá yfirdráttarlán kostar þar í öguðum banka um 18 prósent í ársvexti í 2 prósent árverðbólgu, það er að segja, ef bankinn vill lána þér eftir að hafa röntgenmyndað allan fjárhag fjölsyldu þinnar fyrst - og beðið svo um belti og axlabönd. 

• Hér heima halda víst margir að innheimtustofnanir gangi hart til verks. Ég ráðlegg þessum sumum að prófa innheimtuaðgerðir erlendis.

• Á Ítalíu hefur enginn hagvöxtur verið í 10 ár. Fullkominn agaður stöðugleiki þar.

• Atvinnuleysi í Frakklandi hefur legið fast (já, aftur stöðugleiki) á 10 prósentum í meira en 30 ár.

• Grikkland er gjaldþrota, eftir 30 ár í esb.

• Írland er á skurðaborðinu

• Portúgal er í öndunarvél

• Spánn er sprunginn

• Lettland er horfið og þjóðin þar er að hverfa. 

• Eistland er að deyja.

• Lúx er skattaskjól.

• Og Austurríki er afdalir; þar sem konur virðast læstar inni í skápum upp í dal. Þannig er atvinnuleysinu haldið niðri. Atvinnuþátttaka kvenna þar í landi er undir 50 prósent. Og samt eignast þær færri en 1,4 barn á ævilengd hverrar konu í skáp. En samt er atvinnuleysi í Austurríki næstum það hæsta frá lokum seinni heimsstyrjaldar. Ég er hræddur um að það heyrðist hljóð úr kút ef atvinnuleysi á Íslandi ætti að leysa með því að reka konur heim af vinnumarkaði eins og í Austurríki.

• Í Hollandi er lágum atvinnuleysistölum náð með því að 40 prósent þeirra sem eru á vinnumarkaði vinna aðeins hlutastörf. Þetta er heimsmet, samkvæmt tölum OECD. Svo litla vinnu er að hafa í Hollandi.

 

Fasteignaverð á Spáni og Þýskalandi mun lækka um 75% á næstu 40 árum.

 

Þetta er svo agalega agað! - ekki satt?

 

Hvar fékk ég heimildir, er ég svo spurður um. Ég er alltaf krafinn um heimildir, því svo margir virðast vera afar heimildarlausir. 

 

Ég bjó í ESB í 25 ár, stundaði þar atvinnurekstur, og horfði á eftir helmingi iðnaðar- lanbúnaðar- og matvælafyrirtækja Danmerkur flýja niður til Þýskalands og til annarra landa, þar sem launin eru oft orðin aðeins helmingur af því sem þau eru í Danmörku. Það eru engin lágmarkslaun í Þýskalandi. Fólk stendur þar á verksmiðjugólfum oft fyrir minna en eina evru á tímann, jafnvel 60 cent.

Danir geta ekkert gert við þessu annað en leggja niður og rústa velferðarsamfélagi sínu. En þeir ösnuðust til að binda gengi dönsku krónunar fast við evruna og þýksa markið árið 1982. Agi: Danmörk er með gengi gjaldmiðils síns læst fast við efnahagslegt svarthol eða niðurfall. 

 

Figure 1. Unit labour costs in selected EU nations (nánar hér)

 

Í samfellt 15 ár og jafnvel lengur hefur Þýskaland stundað innvortis gengisfellingu gagnvart þeim löndum sem eru í læstu gengisfyrirkomulagi við það í gegnum myntbandalag Evrópusambandsins. Þýskaland er Kína Evrópu.

 

Raunverð húsnæðis í Þýskalandi frá aldamótum 

 

Þ.e.a.s launum í Þýskalandi er haldið niðri með járnhnefa og þau jafnvel lækkuð. Þýskir launþegar hafa ekki fengið neitt meira í pokann sinn síðustu 15 árin og litla sem enga kaupmáttaraukningu. Og svo er kostnaður lækkaður niður í það óendanlega. Keppa þarf nefnilega hin lönd evrusvæðisins í kaf. Þau mega ekki geta keppt við Þýskaland. Ef þau lækka sig, þá lækkar Þýskaland sig bara enn meira. Spírall niður á hinn samfélagslega botn. Hvert væri öryggisráð Ingibjargar til evrulanda í þessari stöðu? Peningastjórn og vopn farin. Vald og stjórn í ríkisfjármálum farið. Hvernig á að búa til vöxt þegar búið er að taka næstum öll mikilvæg stjórntæki af þjóðríkjunum? Á kannski að búa til vöxt með því að prumpa yfir landamærin?

Þýska þjóðin er að verða fátækari og fátækari og eldri og eldri því þar þora svo allt of fáir að eignast börn og þannig hefur það verið síðustu 40 árin. Mæli með gleðifréttum úr gamla heiminum í ESB.

 

Þjóðinni fækkrar nú um ca. 250.000 til 400.000 manns á ári og hraðinn á fólksfækkuninni eykst. Milljónir þýskra fjölskyldna þurfa fátæktarhjálp þó svo að bæði séu í fullri vinnu hvern dag ársins.

 

"Since 2000, productivity-adjusted wages have increased only 5% in Germany (they actually declined from 2000-2008)."  

Ef þú vissir aðeins eitt grjón af sannleika um Evrópusambandið þá væri þetta eitt af því fyrsta sem þú vissir.

 

Fyrri færsla

 

Moody's: Írland þarf brátt meira blátt blóð