Mette brýst út úr öryrkjabandalagi ESB [u]

CLUELESS

Uppfært. Upptaka: Viðtal Andrésar Magnússonar blaðamanns við Katrínu Jakobsdóttir forsætisráðherra, sem lét bóluefnismál Íslands í hendur seigfljótandi massa umboðslausra embættismanna úti við ysta heim hins eina sannaða helvítis jarðar, og sem ekkert vit höfðu á því hvað þeir voru að gera, hefur sannað fyrir mér hvernig málin standa en þó mest falla á Ísland í ríkisstjórn landsins. Á vissum stað í bókinni Afnám haftanna eftir Sigurð Má Jónsson segir:

"Rússneska þjóðskáldið Lev Tolstoj lýsir Stefáni, bróður Önnu Karenínu í samnefndri bók, þannig að hann skipti "í rauninni ekki um skoðanir, heldur breytast þær af sjálfu sér". Á þann hátt tókst honum að fylgjast með tímanum og tolla í tískunni, nánast alveg fyrirhafnarlaust. Þannig mætti lýsa farsælum en skoðanalausum stjórnmálamanni."

Í 45 mínútna viðtali Andrésar, sem er fyrir áskrifendur Morgunblaðsins, sést að þarna smella Bjarni B og Katrín J saman eins og samloka. Meira að segja hálfrauður blaðamaðurinn Drési gæti jafnvel verið með og drepið þar nokkrar milljón klukkustundir. Eru fleiri sem kannast við þetta sem Sigurður Már segir þarna frá?, og gildir að mínu mati um það næstum liðna 23-prósentu xD-lík ásamt VG sem reynt er að toll-tylla sér í tískunni á? Hve lengi skyldi þetta geta gengið, þ.e. þessi tollheimta á Íslandi bara til þess eins að tolla í tískunni

****

FORSÆTISRÁÐHERRA DANMERKUR BRÝST ÚT

Sei sei. Forsætisráðherra Danmerkur, Mette Frederiksen, brýst hér með út úr vanþróunarsambandi ESB og leitar eftir lausum í sótt- og varnarmálum utan gaddavíra þess. Leggur hún nú land undir fót til hvorki Berlínar, Parísar né Brussels, heldur til Jerúsalem, höfuðborgar hins fullvalda og sjálfstæða ríkis Ísraels, þ.e. til fæðingarlands þjóðríkisins. Lífið er aðeins hægt að skilja afturábak, en því verður hins vegar ekki lifað nema áfram, eins og Kierkegaard sagði. Þetta veit Mette umfram öryrkjabandalag ESB

Það er merkilegt með þessa svo kölluðu Evrópu, sem ekki er til nema sem landfræðilegt heiti á næstminnstu heimsálfu jarðar: Ekki nóg með það að meginland "Evrópu" jafnaði sig aldrei á heimsstyrjöldunum tveimur sem Þýskaland hóf, heldur gekk restin af meginlandinu í Þýskaland og síðan hefur aldrei verið friður á meginlandi "Evrópu", nema á vissum svæðum þess og þá fyrir tilstilli Bandaríkjanna. ESB-álfhóllinn er svo djúpt sokkinn á landsvæði álfunnar að hann getur ekki einu sinni notað Oxford/Spitfire bóluefnin sem hann reyndi að koma í veg fyrir að kæmust inn fyrir landamæri Bretlands um daginn. Kuklið er svo mikið. Hrúgast þau því bara upp, ónotuð

Þetta eru með fyrstu skrefum Dana út af Egyptalandshúsi fjötranna í Brussel. Fyrstu skrefin tóku Danir er þeir reyndu í þjóðaratkvæðagreiðslu að hafna Marðarspelkusáttmálanum 1992, en var þá sagt að að ekki kæmi til greina að eitt smáríki gæti stöðvað lestina, eins og lofað hafi verið er Danir stigu um borð. Ók hún bara áfram og yfir Dani og stútaði meginlandi Evrópu, og er enn að

Danski forsætisráðherrann segir réttilega að bóluefni og bólusetningar séu þjóðaröryggismál. Af tillitssemi við aumingjadómsveldið í Brussel nefnir hún ekki sóttvarnir í sömu setningunni líka, því þar brást Evrópusambandið svo hryllilega að orð fá því ekki lýst. En þar varð Schengen-fyrirbæri Evrópusambandsins að eins konar nifteindasprengjuveiru sem náði, með beinu flugi frá Wuhanveirustöð í Kína til Ítalíu, að drepa fólk en ekki mannvirki í 52 löndum álfunnar áður en Trump stöðvaði hana

Á myndum af Mette sér maður strax hversu henni hryllir við Evrópusambandi um kukl, klúður og svörtugaldra í veirupúðurdósaklúbbi Merkels og Macrons, sem eru kanslari og forseti rógburðar

Tengt

Bóluefnismál þjóðar sett í hendur gangster-elementa stjórnmála

Fyrri færsla

Uppgjörið: Landsframleiðslan 2020

Danir vonast eftir samstarfi við Ísrael

Uppgjörið: Landsframleiðslan 2020

Hagstofan kom með uppgjör yfir landsframleiðsluna á síðasta ári á föstudaginn:

Við erum með VLF-samdrátt upp á 6,6% á árinu 2020, í heild.

Slæmt já, en ekki það hrun sem menn óttuðust

Síðasti fjórðungur af fjórum á árinu 2020 óx um 4,8% miðað við þann þriðja (bati), og miðað við sama fjórðung á árinu 2019 var samdrátturinn 5,1% á fjórða fjórðungnum (milli ára)

Vöruútflutningur dróst saman um 8,5% á árinu, sem er flott niðurstaða miðað við allt

En samdráttur í útfluttri þjónustu var 51,2% á árinu. Ferðaþjónustan hrundi um um 74,4% á meðan annar þjónustuútflutningur virðist standa sig, því annars hefði hrunið í útfluttri þjónustu verið meira í heildina

Vöruinnflutningur dróst saman um 12,5% á árinu og innflutningur þjónustu um 38,5%. Bara fínt. Meira af þessu!*

Sem sagt; vöruútflutningur var nokkuð í lagi miðað við aðstæður ytra á meðan þjónustuútflutningur hrundi. Ferðaþjónustan er náttúrlega algjört drasl og síðasta sort til að reiða sig á. Þolir ekkert. Prump bransi sem krefst miklu meiri innflutnings en af er látið. Nettóframlag hans í virðis- og velmegunarsköpun er því nálægt núlli. Þarna er hestöflum hins vel menntaða hagkerfis okkar eytt í spól úti í mýri. Illa er farið með þau. Breyting verður að eiga sér stað þarna, því annars verðum við suður-evrópskri fátæk að bráð. Ferðaþjónustu fylgir ávallt hrun í hagvexti landa til lengri tíma litið

Einkaneysla dróst saman um 3,3%
Fjárfestingar drógust saman um 6,8%
Samneysla jókst um 3,1% (það eina sem jókst)

Það eru sem sagt utanríkisviðskipt með þjónustu sem eyðilögðu árið

Takið eftir að samdrátturinn í einkaneyslu er vegna þess að fólk fékk ekki að kaupa það sem það vildi og bað um. Þetta er því framboðskreppa - ekki eftirspurnarkreppa. Mikilvægt

Árið 2020 fyrir Ísland og nágranna okkar:

Ísland -6,6%
Bandaríkin -3,4% (dugnaður Trumps)
Kanada -5,5%
Bretland -10,0%
Frakkland -9,0%
Þýskaland -5,4%
Ítalía -9,2%

Það er náttúrlega ekkert að marka Kína (+2,3% hagvöxtur) því þar er það Miðstjórn Kommúnistaflokksins sem ákveður hagvöxtinn, ekki hagkerfið. Þar er output samkvæmt pöntun (fer eftir magninu af ríkislánsfé) og rangstæðar og ónýtar fjárfestingar eru aldrei afskrifaðar né niðurskrifaðar í virðisaukaþætti fjárfestinga í þjóðhagsreikningum. Allar bækur fjármálafyrirtækja eru því krónískt stútfullar af þvælu og ónýtum lánasöfnum. Þetta tifar. Þetta tifar

2021

Árið 2021 byrjar ekki vel því Evrópusambandið klúðraði bóluefnismálum 448 milljón manna. Vesalingaveldið vex og hörmungar þess sístækka og 67 milljón manns yfirgáfu það því á síðasta ári

Ríkisstjórn Íslands gafst upp á sjálfri sér og tók þátt í klúðrinu. Þetta leiðir hugann að Sovétríkjunum sálugu og er meiriháttar hneyksli í Íslandssögunni. Af hverju missir ekki einhver vinnuna þarna? Þið gerðuð á ykkur og þurrkið því á íslensku þjóðina. Þið eruð nú meiri Icesave- og orkupakka vesalingarnir! Þetta er algjör aumingjadómur

------

* Fínt, því viðskiptageiri hagkerfis okkar (e. tradable sector) er svo lítill miðað við heildarstærð hagkerfisins, eins og ávallt er í litlum hagkerfum. Það þarf því að hefta innflutning og auka og vernda innlenda framleiðslu massíft. Um að gera. Allt annað mál gildir um stór hagkerfi. Þeir sem segja annað á Íslandi eru annað hvort í sértrúarsöfnuði um e-merki og Schengen eða í stuttbuxnadeild

Fyrri færsla

Síðasta reiðhjólabóla umhverfis (næstum ekkert) 1890

Aðskilnað ríkis og þjóðar í raforkumálum þarf að afnema líka

Þarna sjá menn hversu galið það var að skilja peningakerfið og eftirlitskerfið að. Dilla var flutt inn frá útlöndum og blýklossinn sá seldur sem björgunarhringur

En það er einmitt það sem menn hafa gert í raforkumálum þjóðarinnar. Þar hafa stjórnmálamenn skilið að og drekkt áður mjög svo góðu og skilvirku raforkukerfi þjóðarinnar, samkvæmt innfluttum trúarkenningum imperíal-heimsveldis hins umboðslausa sértrúarsafnaðar Evrópusambandsins. Þar hafa menn látið erlent og ókjörið nýlenduvald ESB skipa sér fyrir í einum brýnustu tilvistar- og hagsmunamálum þjóðarinnar

Nú er þess vegna svo komið, að íslenskir stjórnmálamenn allra flokka nema eins verða að ána sér eins og maðkar og laumufarþegar um landið í aðdraganda komandi kosninga, þar sem þeim verður refsað grimmt fyrir fullveldisafsal og aumingjadóm í þeim málum

Sundraðir og búrhænsnatættir af erlendu og ókjörnu valdi, skírða þeir vænglausir um landið og reyna að láta sem ekkert sé

Að ESB-komminn er kominn út úr Seðlabankanum hefur gefst vel. Þá sértrúaranda þarf einnig að særa út úr stjórnmálamönnum okkar. Út með ESB-hjátrúna og inn með Íslandssöguna

Fyrri færsla

Kanslari og forseti rógburðar

Traust á Seðlabanka eykst mikið

Kanslari og forseti rógburðar

STÓRA BÓLAN ESB

Evrópusambandið er komið með nýtt bóluefnisvandamál. En þar eru slík vandamál framleidd á þeim færiböndum sem mjaka meginlandi álfunnar enn dýpra inn í hlutverk taparanna og ánauð

Rógburðarherferð Angelu Merkel og Emmanuels Macron út í breska bóluefnið af Oxford/Spitfiregerð, framleitt af AstraZeneca, er þegar byrjuð að skila miklum árangri í því að auka mótvilja gegn bólusetningum við kínversku Wuhanveirunni í löndum Rógburðarsambandsins. En þeim löndum sögðu kanslarinn og forsetinn að fylgja ekki vísindum, heldur rógburði þeirra sjálfra og persónulega pólitískum hefndarþorsta hinnar krónísku elítugræðgi er logið hefur upp heilu húsi fjötra yfir þjóðir menginlandsins. En þar hýrast þjóðirnar núna í fremstu skuldafangelsismynt jarðar, og fá þau skilaboð að bóluefni og bólusetningar virki ekki, vegna þess að Evrópusambandið gat ekki skaffað neitt slíkt sjálft

Þannig berast þær fréttir frá Norðurrín-Vestfalíu sem er fjölmennasta sambandsríki Þýskalands, að fólk neiti að láta bólusetja sig með bóluefninu frá AstraZeneca. En Þýskaland er eitt þeirra óvísindalegu landa sem segja að fyrst að lyfið hafi ekki verið prófað samkvæmt magn-óskum þess á ákveðnum aldurshópi, sé það sönnun þess að það sé slæmt fyrir þann hóp. Þetta er ekki ósvipað því að segja að jörðin sé að farast fyrst það er ekki að kólna akkúrat núna. Þetta, mínar dömur og herrar, eru "vísindin" sem koma úr slorbandalögum um lítið nema þvælu. Eurointelligence skrifaði því í gær:

"But this is misleading information. Not enough tests were conducted in that age group, but the real-world data from the actual vaccination programme in the UK shows that this vaccine has been very effective in reducing hospitalisation and fatality rates. As so often, people confuse absence of evidence with evidence of absence. The problem with a smear campaign against a vaccine is that this affects not only the use of this particular vaccine but vaccines in general."

EKKI Í FYRSTA SINN

Þetta minnir okkur á það aumingja sovéska fólk sem hlaut þau örlög að fá vinnu hjá fréttastofum Ráðstjórnarríkjanna. Þar var hlutverk blaðamanna að taka fréttir úr hinum frjálsu löndum jarðar og snúa þeim gegn þeim í sovéskum blöðum. Dekkjaframleiðandi sem auglýsti til dæmis að viðskiptavinir fengju ókeypis hjólbarða ef þeir sem hann hafði keypt hjá honum skyldu bila, varð að frétt um að hjólbarðar á Vesturlöndum væru svo ónýtir að ekki væri hægt að taka greiðslu fyrir þá

Sovésku blaðamennirnir vissu nær samstundis að geðbilunin ein biði þeirra við þennan starfa

Það er þarna sem ESB-flokkarnir á Íslandi starfa núna. Í slorinu - en af fúsum og frjálsum vilja

STAÐAN

Staða stóru-leikanna á meginlandi Evrópu er nú orðin þessi: Rússland er komið með fastan forseta sem sagði árið 2000 að fall Sovétríkjanna væri verstu geópólitísku mistök síðustu þúsund ára. Og eina kosningaloforðið sem hann gaf Rússum þá, var að snúa þeim mistökum við. Í Stór-Þýskalandi og á hinum föstu gervihnöttum á sporbraut um það, er staðan þannig að sú samsteypa er hætt að skammast sín fyrir Síðari heimsstyrjöldina og Helförina. Þar skammast menn sín nú fyrir að hafa tapað henni. Þetta kemur: Evrópusambandið sér fyrir því...

Guði sé lof fyrir að Stóra-Bretland er komið út

Fyrri færsla

Vindverkur og sólstunga sendir Texas á kné

Bóluefnismál þjóðar sett í hendur gangster-elementa stjórnmála

Nú verður ríkisstjórnin, einkum Svandís-sovét og Katrín ásamt ESB-flokkunum, látin steikjast við hægan hita alla daga fram að kosningum, fyrir að hafa ákveðið að láta Evrópusambandið –þ.e. gangster-element stjórnmála– um bóluefnakaup fullvalda Íslands. Og 27 aðrar ríkisstjórnir verða líka á pönnunni

Feitin er þegar orðin 70 gráðu heit. Kannski fær þetta ESB-kartel rússneskt Novichok-4 bóluefni úr hjónabandi Merkels og Pútín. Hvílíkt klúður og ábyrgðarleysi!

Nú bjargar það Bretum að vera ekki í Evrópusambandinu, svo að segja strax á fyrsta degi hinnar nýju Brexitaldar. Oxford/Spitfire æða þar um og hafa nú þegar bólusett 18-20 prósent þjóðarinnar. Þetta er að mínu mati næg ástæða til að segja EES-samningum við ESB-svartholið upp. Flest vont er að hafast upp úr því illkynja fyrirbæri

Hundruð þúsunda íbúa meginlands Evrópu munu láta lífið af völdum hugmyndafræðilegar þvælu, svipað og í Sovétríkjunum

Nálgast nú Brusselberg-réttarhöldin í tímarúmi Evrópu. Þar mun ákæruskjalið hljóða á eins konar glæpi gegn skynsemi manna og beinast að þeim hluta mannkynsins sem lagði trú sína við gangster-element stjórnmála meginlands Evrópu

Og sjá; öskuhagar Þjóðarbandalags opnast, og ESB-verður að skrifstofu í litlu húsi við Genfarvatn

Þannig fer með réttu fyrir þeim sem hella vatni á bensíntanka björgunarsveita þjóða

Fyrri færsla

Mýtan um Evrópusambandið

Ekkert verður af rannsóknarverkefninu

Mýtan um Evrópusambandið

Hlaðvarp Spiked um ESB-útópíuna og bóluefnismálið. "Hvernig heimsfaraldurinn afhjúpaði ESB gersamlega" má síðan lesa hér

****

Ekki þýðir annað en að birta hér á útlensku um það málefni sem hver fjölmiðill með virðingu fyrir sjálfum sér ætti að birta hér heima en gerir ekki, nema Morgunblaðið. Og hér er alveg sérstök ástæða til að benda á lokaðan ríkisfjölmiðilinn DDRÚV. En hann hefur á hinum síðustu árum loksins fundið gluggatjöldin sem Halldór Laxness sagði að væri það eina sem Sovétríkjunum vantaði, því ekkert um ástandið í Vesturlöndum-nær sleppur út úr DDRÚV. Sérstaklega ekki um ESB-gjaldþrotasambandið. Aðeins þær fréttir sem passa við stefnuskrá DDRÚV sleppa út

Nú segir Ursula von der Leyen forseti framkvæmdastjórnar ESB að sambandið sé framar Afríku í bólusetningum gegn kínversku Wuhanveirunni. Er þetta ekki stórkostlegt. Meginlandsfyrirbærið ESB er að breytast í eins konar Norður-Afríku

En þá ber að geta þess að sá/sú stjóri/ína er sérstakur útsendari Angelu Merkels, sem aðstoðarritstjóri breska Telegraph segir að sé ofmetnasti stjórnmálamaður sinnar kynslóðar á meginlandi Evrópu. Hvorki meira né minna. Allt sem hún kemur nálægt leggur hún í rúst

Merkel og forseti Frakklands hafa nú breyst í eins konar bólusetningar-afneitara sökum þess hversu vel nýfengið fullveldi og sjálfstæði Bretlands virkar fyrir það þegar að lífsmikilvægum málum eins að verja þjóðina í og gegn heimsfaraldri kemur. Þar æða Oxford/Spitfire um Stóra-Bretland og hafa nú þegar bólusett 17 prósent þjóðarinnar á meðan, sem sagt, Evrópusambandið miðar sig við Afríku

Ekki gleyma að minnast hér á þriðja flokks orkupakka Evrópusambandsins Gunnar, því nú er svo kalt í veðri í turni ESBhrópsins að Svíar mega helst ekki ryksuga heima hjá sér vegna ESB-hugmyndafræðilegs orkuskorts og pappírsverksmiðjur landsins neyðast til að loka niður, því þá er rafmagnið svo dýrt. Þarna er draumur rafbílasovétsins sannarlega að rætast; bara má keyra á sunnudögum? Hjarðónæmi meðal forystu Sjálfstæðisflokksins gegn kjósendum hans hefur hins vegar verið náð. Það er þó eitthvað

Og hugsa sér. Nú er ástandið á Ítalíu svo "rosalega gott", eina ferðina enn, að ókjörinn Mario Draghi fyrrum ECB-seðlabankastjóri er að setjast þar við stjórnartaumana, einungis vegna þess að hann þekkir fólk um borð í seðlabanka evrunnar. Kjósendur koma hvergi nærri. Hvert skyldi nú aftur ítalska skútan vera á leiðinni? Tvær aðrar samsteypuríkisstjórnir riða nú til falls á meginlandi Evrópu: í Hollandi og Austurríki

Það besta sem gerst gæti fyrir Ísland er að viðurkenna að við Íslendingar eins og Bretland, getum ekki búið við meginland Evrópu því við erum ekki í Evrópu, og að við leggjum því aftur aðaláherslur okkar í utanríkisviðskiptum á Stóra-Bretland og Norður-Ameríku og nágranna þess í norðri, því ein og sér eru Bandaríkin stærri, öruggari og mun betri og þróaðri viðskiptamarkaður en allt meginland Evrópu. Á því meginlandi er nefnilega flest viðstöðulaust á leið til nýrrar heljar

Segja þarf EES-samningum upp og forða Íslandi út af lögsögu Evrópusambandsins áður en hún dregur okkur lengra niður í meginlandssvað hins þriðja farrýmis hagkerfa. En þar hefur Þýskaland nú náð því nýja en samt gamla þróunarstigi á ný, að það myndi endurframleiða næstum hvað sem er til aftöku á hverju sem er hvar sem er, græddi það túkall á því. Þar býr gömul púðurtunna sig undir nýjar hæðir, einu sinni enn

Bara þetta árið munu hundruð þúsunda manna missa lífið á meginlandi Evrópu vegna pólitískar hugmyndafærði elíta þess um ESB. Sovétríkin voru líka þannig. Þannig hugmyndir kosta nefnilega mannslíf, því þær eru drápsmaskínur

Fyrri færsla

Pútín hinn almáttugi? eða hvað

Bóluefnaskorts-lest Evrópusambandsins og EES brunar fram af brúninni

Það nýjasta sem gerst hefur í bóluefnaskorts-apparati Evrópusambandsins síðan á sunnudag, er að forseti framkvæmdaleysisstjórnar þess, Ursula von der Lygar, reynir nú að kenna undirmönnum sínum um og hendir þeim hverjum á fætur öðrum undir járnbrautarlest veruleikans sem nú brunar bóluefnislaus fram á egyptalandsteinum Evrópusambandsins, á meðan fólkið fellur, og stefnir þráðbeint í gerræðislegt allsherjar slys sem taka mun allt þetta ár og næsta að hrúgast upp með ærandi hávaða – til að byrja með. Síðan mun stund sannleikans taka við og taka ruslahrúgur Evrópusambandsins yfir og snúa það niður. Vonandi, því frá og með nú nú er því algjörlega sjálfhætt. Það sjá allir

Þarna átti að hefja Evrópusambandið á loft og sýna heiminum hversu máttvana sjálfstæð og fullvalda ríki jarðar væru með því að láta umboðslaust fjölþjóðaapparat en ekki ríkin sjálf um að bjarga sér úr verstu áföllum sem dunið hafa á Evrópu síðan 1945

En það fór heldur betur ekki þannig, því nú skín Stóra-Bretland –ásamt öðrum vestrænum ríkjum utan sambandsins– sem fullvalda, sjálfstæð og fögur borg á hæstu hæð í þessu máli öllu

En við sem hins vegar lutum svo örkumlandi bænaskjals lágt að láta EES-samninginn koma okkur þarna á kaldan og bóluefnislausan klaka Evrópusambandsins, erum varnalaus og munum heldur betur þurfa að éta skít þegar að bata og framförum í efnahagsmálum okkar kemur þetta árið og það næsta, og svo koll af krónískum ESB-kolli eftir það, einungis vegna EES-tengingar okkar við svarthol Evrópusambandsins. Út með þetta lamandi ees-ekkert!

Úr leiðara Morgunblaðsins í dag þriðjudaginn 2. febrúar 2021: Bóluefnastríð ESB

"Eft­ir á að hyggja hefði sjálfsagt ekki veitt af sam­keppni, því Evr­ópu­sam­bandið hef­ur full­kom­lega brugðist á hverju ein­asta stigi bólu­efnisáætl­un­ar sinn­ar. Fyr­ir vikið má heita ómögu­legt að það ná­ist að bólu­setja Evr­ópu­búa að því marki á þessu ári að ein­hver vörn sé í. Það er hörmu­legt fyr­ir al­menn­ing í Evr­ópu, þar með talið á Íslandi, en ís­lensk stjórn­völd ákváðu af ein­hverj­um enn ótil­greind­um ástæðum að binda trúss sitt við þessa ólán­legu áætl­un Evr­ópu­sam­bands­ins. Af því súp­um við nú seyðið og rík­is­stjórn Íslands þarf að gera hreint fyr­ir sín­um dyr­um um það." [krækja]

Mætti ég spyrja af hverju heilbrigðismálaráðherra okkar er enn með stól þess almennings sem hún hafði að háði og spotti í þessu máli undir sér? Hvers vegna er hún enn þá í því embætti? Hér ríkir gerræðislegur bóluefnisskortur einungis vegna EES-tengingar okkar við svarthol – á meðan ný Oxford/Spitfire æðir um og þekur Stóra Bretland og verndar þjóð þess með bóluefni, til dæmis með 600 þúsund skotum á laugardag

Er ekki komið nóg af engu? Ísland hefur mátt éta skít í bráðum fimmtán ár vegna EES-tengingar við svarthol þjóða

****

Hér eru tvær upplýsandi greinar um málið úr Spiegel, að vísu nokkurra daga gamlar og sem ritaðar voru dagana fyrir árás Evrópusambandsins á landamæri Írlands og Bretlands á föstudag: 1) Europe’s Vaccine Disaster: Ursula von der Leyen Seeking to Duck Responsibility og 2) Wie die EU bei der Impfstoff-Beschaffung versagte

Fyrri færsla

Evrópusambandið setur Írlandi landamæri að því forspurðu til að koma höggi á Breta [u]

Evrópusambandið setur Írlandi landamæri að því forspurðu til að koma höggi á Breta [u]

STÓRA BÓLUÓEFNISMÁL EVRÓPUSAMBANDSINS (OG EES)

Í vikunni sem leið setti Evrópusambandið írsku þjóðinni ný landamæri. Og ekki nóg með það þá gerðist það án þess að ríkisstjórn Írlands vissi af því. Allt í einu voru komin hörð landamæri á milli Írska lýðveldisins og Norður-Írlands. En heldur ekki nóg með það, þá voru allt í einu þau landamæri sem Evrópusambandið hafði notað til að draga samningaviðræður við Bretland á langinn í þrjú ár, komin 180 gráður öfugt við það sem sambandið reyndi að halda fram að Bretar myndu setja gegn Írum gengju þeir úr Evrópusambandinu

Og eins og þetta sé ekki nóg, þá hafði Evrópusambandið allt í einu breyst í það sem sambandið sagði sjálft að Bretland myndi breytast í ef það segði sig úr sambandinu. Á einni viku hafði ESB afhjúpað sig sem nýlendukúgara og keisaraveldi þar sem ókjörið klessuverk dró upp landamæri ríkja að þeim forspurðum og setti útflutningsbann á bóluefni til eins ríkis til að ná sér niðri á öðru ríki

Með öðrum orðum reyndi Evrópusambandið að sprengja viðkvæman frið og friðarsamkomulagið kennt við Good Friday á Írlandi í loft upp, til að koma í veg fyrir að bóluefni Bretlands framleitt í Belgíu, þróað og borgað fyrir af Bretum kæmist til bresku þjóðarinnar og bjargaði þar mannslífum

Hellast nú yfir Evrópusambandið kröfur um að framkvæmda(fávita?)stjórn þess segi af sér og sér í lagi yfirbjálfi þess Ursula von der Leyen, sem einnig á ömurlegan feril að baki í þýskum stjórnmálum

Það var ekki fyrr en eftir að mörg ríki jarðar og þar á meðal Bandaríkin komust að fyrirætlunum Evrópusambandsins, sem hvílir í rassvasa Þýskalands, að Brusselveldinu varð ljóst að það hafði skotið af sér báða fætur, plús sjálft margklofið þið vitið hvað líka

Nú verða Írar loksins að standa upp í hárinu á Evrópusambandinu segir Brendan O’Neill ritstjóri Spiked í grein í Spectator. Þar ritar hann grein um keisaraveldiskast Evrópusambandsins gagnvart Bretum og Írum á síðustu dögum vikunnar. Írska þjóðin, segir hann, hefur setið sem liðleskjur og látið sambandið troða sér að minnsta kosti tvisvar inn í kjörklefana á ný, er þeir kusu að mati keisarans í Brussel ekki rétt. Og í fjármálahruninu var landið flatt úr sem niðurbrennd nýlenda af ókjörnu þríeyki sem fór með hamar um álfunna og negldi þau lönd inn í skuldafangelsi sem hétu ekki réttum nöfnum. En nú keyrir hins vegar um þverbak segir Brendan, þar sem reynt er að henda nýjum landamærum yfir fullvalda þjóð, algjörlega að henni og ríkisstjórn hennar forspurðri

Íslenska esbhaldspressan á DDRÚV og flettiblöðunum hefur ekki fært Íslendingum neinar fréttir af þessu risavaxna máli sem til varð í nýlenduveldi Brusselgengisins í vikunni sem leið. Ekki eitt boffs heyrist úr esbblöðruhálsi niðursuðudósasérfræðings DDRÚV í Lundúnum

Í Bretlandi streyma hins vegar fram á ritvöllinn þeir sem vera vildu áfram í Evrópusambandinu og lýsa nú því yfir, að þeir, já þeir!, hafi verið fullkomnir afglapar að sjá ekki það sem Brexit-fólkið frá upphafi vissi; þ.e. að Evrópusambandið sé einmitt sú ófreskja það var sagt vera, og meira að segja mörgum sinnum verra en það: Að Evrópusambandið sé ekki bara versta örfoka og getulausa fyrirbæri jarðar þegar að bóluefnismálum við kínversku Wuhanveirunni kemur, heldur er þetta samband sem sagt var "friðarbandalag" í reynd ófriðarbandalag sem stofnar ekki til friðar, heldur til ófriðar í álfunni allri

Bakgrunnur málsins: Evrópusambandið missti af bóluefnalestinni (mbl.is 19. des. 2020)

1. Brendan: It is time for Ireland to stand up to the EU (Spectator):

"Ireland’s political class must now make a full-throated defence of Irish sovereignty"

2. Telegraph rekur atburðarrásina hér: How Ursula von der Leyen’s vaccine supply assault backfired spectacularly

"By now the warnings about threats to the Good Friday Agreement had been heard in Washington DC, where sources said the White House was urgently trying to clarify what the move would mean".

3. Grein Daniel Hannan í Telegraph er einnig átakanleg lesning um hvernig augu ESB-aðdáenda standa nú galopin og trúa varla því sem fyrir þau ber: Europhiles have finally had their eyes opened to the hideous reality of the EU

"In a display worthy of 1960s Nasserite dictators, over the last 72 hours Eurocrats have broken every norm of civilised behaviour"

4. Leiðari Telegraph á laugardag segir: This has been a sad and revelatory crisis for the EU

"In a twist that turns all Remainer assumptions inside out, it was the EU – not the UK – that tried to impose a border on Northern Ireland."

5. Og kröfur um afsögn framkvæmdastjórnar ESB vegna landamæra Írlands og bóluefnaklúðursins hrannast upp: Calls for "vindictive" Ursula von der Leyen to resign over Irish border debacle (Telegraph)

"Motivated by her hatred of Brexit, Ursula von de Leyen overruled her top trade advisors with a plan for a new Irish border, The Telegraph has learnt."

6. Alan Cochrane frá og með nú fyrrum ESB-aðdáandi skrifar í dag: As a dyed-in-the-wool Remainer, I now wish I’d been a Brexiteer (Telegraph)

"I basked for years in my European identity but recent days have proved that the EU is much, much less than the sum of its parts [...] But look what’s happened. Shock. Horror. After the last week, they’ve been proved right and I now wish I’d been a Brexiteer. I wonder if it’s too late to join them."

BURT MEÐ EES

Það verður að segjast átakanlegt ef að einhver hér á Íslandi haldi enn að EES-samningurinn sé eitthvað annað en fullveldistortímandi óverri, og í reynd algerlega óþarfir og skaðlegir fötlunar-hlekkir um fætur hins nýfegna þjóðfrelsis okkar Íslendinga, sem fullvalda þjóðar. Þessari viðurstyggð verður hið unga Ísland að kasta af sér strax. Eftir engu er að bíða. Það sést glöggt og einna best á bóluefnisskortinum hér á landi núna. Hann er allur í boði EES-samningsins og nú bænaskjalafalsara hans sem ákalla nýja ánauð yfir þjóðina í krafti EES, og sem þróast hefur út úr sjálfum sér og yfir í nýja ánauð. Evrópusambandið og EES eru orðin gangster-element stjórnmála, eins og allir máttu vita að fyrirbærin yrðu

Uppfært sunnudag 31. jan. kl. 23:49

ÞRÓUN MÁLSINS SUNNUDAGINN 31. JANÚAR HEFUR VERIÐ ÞESSI:

Einkaeigendur Evrópusambandsins, þ.e. Þýskaland og Frakkland, hóta nú AstraZeneca lögsóknum því þeir geta ekki útskýrt bóluefnaskortinn fyrir íbúum landanna. Hóta þeir nú öllum fyrirtækjum, sem taka breskar bóluefnispantanir fram yfir, lögsóknum og refsiaðgerðum

Clement Beaune Evrópumálaráðherra Frakklands hótar AstraZeneca með refsiaðgerðum komi það í ljós að lyfjafyrirtækið hafi veitt Bretlandi forgang

Lesendur vinsamlegast athugið: Gott er að muna bakgrunn málsins: sjá Evrópusambandið missti af bóluefnalestinni mbl.is 19. des. 2020. Bretar pöntuðu fyrstir eða að minnsta kosti þremur mánuðum á undan ESB og voru fyrstir til að samþykkja bóluefnið og lögðu fram mest fé til þróunar þess. Að minnsta kosti tvær verksmiðjur AstraZeneca eru í Bretland og sú í Belgíu er í Vallóníu þannig að ekki er langt fyrir breska herinn að fara, komi til þess. Ég vona að þetta sé brandari hjá mér, en miðað við framferði Evrópusambandsins á Írlandi þá virðist allt geta gerst

Michael Martin forsætisráðherra Írlands sagði í samtali við BBC að Írland hefði af ESB verið fært á bak við ljósið og að sambandið hafi haft rangt við þegar að landamærum Írlands kemur. Þarna lærðum við margar lexíur sagði hann

Breska ríkisstjórnin íhugar nú að láta Írland njóta forgangs strax og bóluefnisstaðan í Bretlandi leyfir. En 2,62 milljónir Breta voru bólusettir á bara síðustu sjö dögum og hefur tala bólusettra nú náð 9 milljón manns sem svarar til 60 prósenta þess 15 milljón manna hóps sem er í fyrsta forgangssætinu. Í gær laugardag var met slegið með því að bólusetja 600 þúsund manns á þeim eina degi. Einnig Bretland hefur mátt kenna á byrjunarörðugleikum hjá AstraZeneca og væru þeir komnir mun lengra í bólusetningum hefði allt gengið snurðulaust fyrir sig. En þannig gerast bara ekki kaupin á eyrinni þegar að nýjungum kemur. ESB nýtur einnig góðs af því að Bretland tók á sig byrjunarörðugleika

Peter Altmaier efnahagsmálaráðherra Þýskalands og náinn samstarfsmaður Angelu Merkels, varaði á sunnudag bóluefnisframleiðendur við því að "það sé óásættanlegt að önnur lönd séu tekin fram yfir Evrópusambandið"

Þarna sjáið þið kæru lesendur að þýski ráðherrann lítur á Evrópusambandið sem land, og að það sé í eigu Þýskalands. En minn kæri þýski kjáni: ESB er ekki land og það er ekki ríki. Það er bara kartel og gangster-element stjórnmála meginlands Evrópu

Frakkland íhugar að halda til baka greiðslum til framleiðenda bóluefnisins og að hætta við pantanir

Munið einnig hér kæru lesendur, að ESB reyndi að viðhafa brexit-samningatækni við framleiðendur bóluefnisins og að þvinga þá niður í verði, þannig að ESB borgar aðeins kostnaðarverð á meðan Bretland borgar 45 prósent hærra verð og hefur þess utan dekrað við fyrirtækið og starfsmenn AstraZeneca í tæplega heilt ár og reynt að gera allt sem það gat til að hvetja það til dáða og auðvelda því og yfirkeyrðum starfsmönnum þess lífið. Þess vegna er Bretland langt á undan í öllu, en Evrópusambands-kartelið og EES er langsamlega síðast

Fyrri færsla

Stormsveitir ESB réðust inn í framleiðslustöð AstraZeneca í Belgíu

Stormsveitir ESB réðust inn í framleiðslustöð AstraZeneca í Belgíu

"Triangulation is what Brussels does for a living"

STÓRA BÓLUEFNISMÁLIÐ STÆKKAR

Samkvæmt tilskipun (diktat) kommissara Evrópusambandsins réðust stormsveitir á vegum ESB inn í framleiðslustöð sænsk-breska lyfjafyrirtækisins AstraZeneca í Belgíu. Tilefnið er það, að nú reynir Evrópusambandið að breiða yfir hinar hroðalegu og banvænu aðferðir sem sambandið viðhafði við kaup á bóluefni lyfjafyrirtækisins gegn kínversku Wuhanveirunni

Þar reyndi Evrópusambandið að viðhafa brexit-samningaaðferðir við lyfjaframleiðandann, vel vitandi að slíkt myndi setja lönd sambandsins í síðustu röð kaupenda með því að setja þýsk-franska hagsmunagæslu- og valdabaráttu, verð og tímasetningu afhendinga á bóluefni ofar lýðheilsu þjóða

Missti sambandið því af bóluefnalestinni (mbl) með því að vakna of seint og koma síðast allra til myllu, og draga samningaviðræður á langinn með því að reyna að pína verðið á Oxford/AstraZeneca bóluefninu 45 prósent niður fyrir það sem Bretland greiðir fyrir það. Já Bretland borgar 45 prósent hærra verð og gerði samninga þremur mánuðum á undan steinsofandi ESB, sem á bak við tjöldin var að bíða eftir frönsku bóluefni frá Sanofi, en sem kemur ekki

Með sömu kartel-aðferðum og seinagangi dró sambandið að semja við Pfizer. Þar borgar ESB 25 prósent minna en Bandaríkin

Þess utan er fjárframlag fullvalda og sjálfstæðs Bretlands til þróunar á bóluefni fyrir fátækari lönd veraldar, sem hafa ekki innviðina til að ráða við dreifingu ofurkældra bóluefna, tíu sinnum stærra að hlutfalli en það sem 27 lönd Evrópusambandsins samanlögð tímdu að leggja af mörkum

GENETÍSKUM GADDAVÍRUM ESB RÚLLAРÚT

Heimta nú stormsveitir Evrópusambandsins að lagt verði jafnvel bann við útflutningi á bóluefni frá framleiðslustað AstraZeneca í Belgíu, og að það sjálft fái það bóluefni sem Bretland hafði samið um að fá frá fyrirtækinu

Svo að segja samstundis og samhliða þessu eru þýskir fjölmiðlar fylltir af áróðri gegn sjálfu bóluefninu, að það sé svo gott sem "gagnslaust", jafnvel hættulegt, og að framleiðandinn sé "vondur, gráðugur og spilltur". Þennan áróður endurjarma síðan einnig fjölmiðlar gervihnattalandanna sem á fastri sporbraut um Þýskaland sveima, vegna landfræðilegrar legu þeirra aðeins. Til dæmis danska inngróna bólan sem steypt er föst á þýska afturendann

Rússlandsforseti hefði varla getað gert betur. Hafa þýsku fjölmiðlarnir nú mátt éta ofan í sig þvætting þeirra undanfarna daga. Virðist kóróna alls þessa illkynja klúðurs sitja sem samnefnd veira á höfði Angelu Merkels kanslara Þýskalands. En það land sameinaðist sem gerviríki umhverfis efnahagslega kartelhugmynd árið 1871, og hefur aldrei beðið þess bætur eins og hin svarta saga þess sannar

Eurointelligence: "To this day, the EU’s DNA is that of a producers’ cartel. Its priority is not to secure supplies, but reduce costs and achieve some balance between French and German interests. Triangulation is what Brussels does for a living." Um gjaldþrot ESB í Stóra bóluefnismálinu

HÆLBÍTANDI KARTEL ESB

Þarna sést svart á hvítu að Evrópusambandið var aldrei stofnað sem neitt annað en nýtt valda-kartel umhverfis hinn gamla og rótgróna ömurleika meginlandsins. Að tala um bóluefna-nasisma er sennilega réttnefni í þessu samhengi ásamt fjármála-nasisma ESB frá 2001 til í dag, þar sem heilu þjóðunum var varpað í skuldafangelsi af því að þær hétu ekki réttum nöfnum. Í Evrópusambandinu er útkoma úr áföllum ávallt háð þjóðerni, algerlega öndvert við það sem sambandið heldur sjálft fram í þvaðurstofnsáttmálum þess, sem allir byggja á pervertri hugmyndafræði úr ranni löngu liðinna embættismanna með yfirríkishálm í heilastað

Hvað skyldu önnur lönd heimsins segja sem samið hafa sem fullvalda ríki um bóluefni frá AstraZeneca? Og hvað skyldu lyfjafyrirtæki álfunnar sem og fjármálafyrirtæki segja við þessu? Þau sem enn eru eftir innan gaddavíra sambandsins hljóta að líta með afar hýrum augum til nýrrar staðsetningar í Stóra-Bretlandi, frá og með nú. Ekki þarf annað en að skoða síðustu hagspá AGS fyrir 2021 og 2022 til að komast að því að sjóðurinn álítur að fyrir Bretland sé framtíðin björt. Og hér gæti Ísland boðið upp á margt gott með því að segja EES-samningnum upp strax og þannig verða allsgáð og fullvalda ríki á ný. Uppsögn á EES-samningnum myndi sanna fyrir okkur sjálfum og umheiminum að hér sé allsgáð og hreint land, laust við hinn inngróna og innvortis perverta ömurleika meginlands Evrópu

EÐLI ESB SANNAST ENN OG AFTUR

Í þessu Stóra bóluefnismáli lærist ríkjum veraldar að Evrópusambandið er hvorki réttarríki né mannríki. Þar sést að samningar eru ekki samningar og að fólk er ekki fólk, heldur eins konar aðskotadýr sem flækjast bara fyrir pervertri hugmyndagloríu hins umboðslausa Evrópusambands, með dómstóla þess í rassvösum þeirra ríkja sem heita réttum nöfnum. Að sambandið er hælbítandi kartel tapara meginlandsins og því afar óöruggur staður fyrir hvers konar fjárfestingar, sérstaklega þær tilvistarlega mikilvægu sem allar þjóðir verða að viðhafa, eigi þær ekki að splundrast og tortímast

Nú þarf enga "hugmyndafræði" lengur til að sanna hversu lífshættulegt Evrópusambandið er þjóðum þess. Stóra bóluefnismálið eitt og sér er næg sönnun fyrir banvænleika Evrópusambandsins og skaðræðis þess, því í eðli sínu er það tundurspillir sem eyðileggur sambúð ríkja, efnahag og frið í álfunni

MEÐ BREXIT FÓR NÁNDIN VIÐ BANDARÍKIN LÍKA

Þetta kartel gat Stóra-Bretland ekki lengur sætt sig við né lifað með. Það fór því út, og sjá: útgangan borgaði sig strax. Og Pólland og lönd Austur-Evrópu eru að upplifa hið sama. Að ESB-kartelið ógnar þeim og nýfengnu frelsi þeirra

Og í vestri sjá Bandaríkin að þau eiga lítið eða ekkert sameiginlegt með Evrópu lengur. Sá kafli sögunnar leið undir lok með ESB-útgöngu Bretlands. Því án Stóra-Bretlands er Evrópa bara eitt stykki meginland árið 1930

Tengt

Telegraph: AstraZeneca vaccine site in Belgium raided "at request of European Commission"

Breitbart: UK Vaccine Plan Months Ahead of EU, Bloc Has "Lowest Productivity" in Drugs Network, Reveals Pharma Boss

Fyrri færsla

Rúmlega tvöfalt meiri samdráttur á evrusvæðinu en í Bandaríkjunum á síðasta ári

Rúmlega tvöfalt meiri samdráttur á evrusvæðinu en í Bandaríkjunum á síðasta ári

Á síðasta (veiru) ári dróst landsframleiðsla evrulanda rúmlega tvöfalt meira saman en varð raunin í Bandaríkjunum. Efnahagur evrusvæðisins, sem sekkur dýpra og dýpra með hverri kreppunni sem það sjálft að mestu framleiðir og magnar upp með því einu að vera til, dróst saman um 7,2 prósentur á síðasta ári. Í Bandaríkjum Trumps var samdrátturinn hins vegar aðeins 3,4 prósentur. Þetta eru tölur frá AGS

Og eins og að þetta eitt og sér sé ekki nóg, þá féllu ráðstöfunartekjur heimilanna á evrusvæðinu á meðan þær jukust í Bandaríkjum Trumps. Plús það að fjárfestingar hrundu um 10 prósent á evrusvæðinu. Er það miklu stærra gat en svo kallaður björgunarsjóður ESB á að fylla, og sem kemur ekki til framkvæmda fyrr en síðar á þessu ári og nemur 0,4 prósentum af landsframleiðslu dreift yfir fimm ár; þ.e. "björgunarsjóðurinn" er eins konar varalitur á svín. Mun hann sanna svo ekki verður um villst að Evrópusambandið sér alveg sjálft um að spengja sig í tætlur; innanfrá

Þarna sést hvað það kostar evruríkin að lúta svo lágt að hafa enga mynt sér til bjargar og engan Trump. Og varla er lengur hægt að segja að evruríkin séu fjárráða þegar að ríkisfjármálum þjóðanna kemur. Þau eru orðin nýlendur

Þarna ber allt að sama brunni. Næstum allt sem Evrópusambandið kemur nálgægt visnar, veslast upp og deyr, fólkið líka, því það býr við kartel-stjórnarfar

Engan skyldi því undra að bóluefnismál Bretlands gangi vel og miklu betur en í ESB eftir að það kom sér út úr þessum ömurlega og nú banvæna félagsskap sem kallast "Evrópusambandið"

ESB-maðurinn Wolfgang Münchau stofnandi Eurointelligence og sem ég hef lesið í 14 ár, er við það að gefast upp á sambandinu sínu einu sinni enn. Hann segir: "To this day, the EU’s DNA is that of a producers’ cartel. Its priority is not to secure supplies, but reduce costs and achieve some balance between French and German interests. Triangulation is what Brussels does for a living." Um gjaldþrot ESB í Stóra bóluefnismálinu

Nú þarf enga hugmyndafræði lengur til að sanna hversu lífshættulegt Evrópusambandið er þjóðum þess. Stóra bóluefnismálið eitt og sér er næg sönnun fyrir banvænleika Evrópusambandsins og skaðræðis þess, því það er í eðli sínu  tundurspillir sem eyðileggur sambúð ríkja, efnahag og frið í álfunni

Ítölsk mafía sem ókjörið stjórnarfar fer að hljóma sem álitlegur kostur fyrir þau ríki sem þarna sitja inni, svo ekki sé minnst á sjálfpuntandi og heilaþvegnu EES-taglhnýtingana hér heima

****

PS; það er rangt að Ísland sé með of lítið af "erlendum fjárfestingum". Við erum sennilega með einna mestar og stærstar nú þegar starfræktar og gangverandi erlendar fjárfestingar flestra ríkja OECD. Þeim þarf að sinna og leggja rækt við þegar í stað. Stundum er nóg nóg í bili. Innlendir fjárfestar eru þó einna bestir eins og sannaðist á síðasta ári. Björgunarbátar Íslands eru ávallt innlend smíði. Þess utan höfum við almenningshlutafélög á markaði. Þær fjárfestingarleiðir eru oftast betri en beinar

Fyrri færsla

Situr Joe Biden ólöglega í embætti forseta Bandaríkjanna? [u]