Situr Joe Biden ólöglega í embætti forseta Bandaríkjanna? [u]

Svarið er sennilega já. En hversu lengi seta hans mun halda, veit ég hins vegar ekki. Þetta mál um kosningakerfissvik í forsetakosningunum í nóvember 2020 mun ekki fara neitt eins og þarna sést - og hérna

Þarna eigast við öldungadeildarþingmaðurinn Rand Paul frá Kentucky og ókjörinn fréttamaður ABC, sem enn þykist vera fréttafjölmiðill en er það náttúrlega ekki lengur, heldur er um eins konar götudómstól að ræða - sem minnir óneitanlega töluvert á rannsóknarréttinn

Uppfært

Mér var bent á eftirfarandi upptöku Bandaríkjamannsins David K. Clements sem er prófessor í lögum við háskólann í Nýju Mexíkó. Hann sendi hana frá sér þann 10 janúar. Látum hana tala og veltum málinu fyrir okkur í ró og næði, því það fer ekki neitt

(Bein krækja)

Tengt

Nítján ríki Bandaríkjanna kæra forsetakosningarnar í fjórum ríkum landsins

Fyrri færsla

Þýskaland að mjaka sér úr ESB?

Athugasemdir

[Theódór Norðkvist, 24.1.2021 kl. 21:30]

Ég skil ekki til hvers þessi svokallaði fréttamaður var að fá Rand Paul í viðtal. Hann leyfði honum ekki einu sinni að tala, hélt bara einræður og eina spurningin var þegar hann var að þvinga Paul til að lýsa yfir að það hafi ekki verið neitt svindl.

Sýnir svart á hvítu hvað þessir gervifjölmiðlar eru komnir mörg ljósár frá því að vera hlutlausir fréttamiðlar og ekkert lengur annað en heilaþvottavélar fyrir skuggaleg öfl á bak við tjöldin.

Ég segi bara við svona menn eins og þessa heilaþvottavél á ABC og Íslendinga sem væla hér á blogginu yfir því að þessar ásakanir koma fram:

Biðjið um að það fari fram alvöru rannsókn á þessum kosningum, ekki einhver kattaþvottur og fyrirsláttur spilltra stjórnmálamanna og embættismanna. Látið Jovan Pulitzer sem fann upp QR-kóðann fara yfir þessi atkvæði.

Hann getur tekið hálfa milljón atkvæða á tveimur klukkustundum og séð um leið hvort þau eru alvöru atkvæði, eða fersk óbrotin úr prentsmiðjum í Kína, fyrirfram útfyllt. Góð byrjun væri að byrja á atkvæðunum í Georgíu sem talin voru um miðja nótt, eftir að eftirlitsmenn R voru sendir heim, eftir að því var logið að vatnsrör hefði farið í sundur og Biden fékk hundruðir þúsunda og Trump fáein hundruð eða þúsundir á sama tíma.

[Theódór Norðkvist, 24.1.2021 kl. 21:54]

YouTube myndband Hvíta hússins frá vígsluathöfninni fékk meira en 64 þúsund þumla niður og heimildir eru um að YouTube hafi tekið Dominion á tölfræðina hvað það varðar, þ.e. að það séu miklu fleiri sem kusu myndbandið niður.

Myndi vinsælasti forseti í sögu Bandaríkjanna samkvæmt opinberum kosningatölum, fá fimm sinnum fleiri þumla niður á vígslumyndband sitt en þumla upp?

Smellið á myndina til að fá stærri mynd.

[Tómas Ibsen Halldórsson, 25.1.2021 kl. 12:33]

Myndbandið með prófessor David K. Clements er magnað, ætti að vera skylduáhorf fyrir alla sem telja sig fréttamenn.

Rand Paul er öflugur þingmaður, einn af þeim betri í öldungadeildinni. Hvað "fréttamanninn" varðar þá nenni ég ekki að eyða orðum um hann.

[Gunnar Rögnvaldsson, 25.1.2021 kl. 19:44]

Þakka ykkur fyrir, Theódór og Tómas.

Í hátt í hundrað ár reyndu Demókratar (nú róttækir lýðræðissinnar í US-101) að koma í veg fyrir afnám þrælahalds í Bandaríkjunum. En Repúblikanar (lýðveldisflokkurinn) heimtuðu að það yrði bannað, enda var það ólöglegt í næstum heila öld, eða allan þann tíma sem það var stundað eftir að stjórnarskrá Bandaríkjanna, og sem að mestu leyti var byggð á hugmyndum Repúblikana um lýðveldið, tók gildi.

Í dag eru Demókratar enn við sama heygarðshornið og heimta að svertingjar... afskakið... hvítt lýðveldissinnað fólk sé "endurforritað" eða sett í "endurhæfingarbúðir" sem eiga að þurrka út þær hugsanir og pólitísku hugmyndir sem liggja að baki stjórnarskrá þeirri sem bannaði þrælahaldið.

En í dag eru hálfgerðir þrælahaldarar nútímans auðvitað bestu vinir Demókrataflokksins og berjast eins og ljón fyrir flokkinn, eða svipað og þau einokunarveldi gerðu en sem repúblikaninn Teddy Roosevelt kom fyrir kattarnef  í byrjun 20. aldar.

Já. Sagan endurtekur sig, en nú sem farsi.

Kveðjur

[Jón Steinar Ragnarsson, 25.1.2021 kl. 22:12]

Þetta er að öllum líkindum coup. Ég ræð það af því að ekki má fyrir nokkurn mun rannsaka þetta og allt er gert til að draga athyglina frá málinu. Þyrlað upp móðursýki yfir þessu innbroti og Donald stefnt á ný m.a.

Ef allt væri í lagi ætti demókratar að taka því fagnandi að farið yrði í saumana á þessu. Kærkomið tækifæri til að niðurlægja óvininn ef fullyrðingar yrðu afsannaðar. Þá fyrst væri hægt að tala um samsæriskenningar þegar þær eru afsannaðar. Ef ekki þá eru þær staðreynd í stað kenningar eðli sínu.

[Gunnar Rögnvaldsson, 26.1.2021 kl. 01:18]

Þakka þér fyrir Jón Steinar.

Hlutverki Joe Bidens í þessu öllu er nú að verða lokið. Úr herbúðum Harris varaforseta heyrðust nefnilega þegar í fyrradag raddir þess efnis að Joe Biden forseti sé vitsmunalega skertur og endurtaki sjálfan sig án þess að taka eftir því.

Sú frétt frá því í fyrradag kom ekki frá Trump, heldur úr herbúðum varaforstans. Það bendir til að hlutverki Bidens sé að verða lokið í þessu blekkingarmáli öllu.

Kveðjur norður til þín.

[Theódór Norðkvist, 26.1.2021 kl. 12:03]

Rétt Jón Steinar, þetta er valdarán með svindli. Á meðan pólitískar ofsóknir eru stundaðar grimmt á íhaldssömu fólki, neita Demó(n)kratar að fordæma Antifa, þó þeir séu nýbúnir að leggja þeirra eigin höfuðstöðvar í rúst í Portland, Oregon.

[Theódór Norðkvist, 26.1.2021 kl. 14:39]

Ég er farinn að halda að ég verði fara að hætta að fylgjast með þessum farsa, þetta verður æ súrrealískara með hverjum nýjum degi.

Ekki nóg með að þeir tóku Dominion á YouTube, nú eru þeir búnir að taka Dominion á Twitter og farnir að framleiða nýja gerviprófíla í hundruð þúsundatali.

Gerviprófíla til að fylgja nýja gerviforsetanum, svo það líti út fyrir að einhver hafi kosið hann.

Analysis: More Than Half Of Joe Biden’s Twitter Followers Are FAKE and Were Just Created in January

[Guðmundur Örn Ragnarsson (IP-tala skráð) 27.1.2021 kl. 03:44]

Jesús svaraði: "Ef Guð væri faðir yðar, munduð þér elska mig (sannleikann). Því að frá Guði er ég út genginn og kominn. Ekki er ég sendur af sjálfum mér. Það er Hann sem sendi mig.

Hví skiljið þér ekki mál mitt? Af því þér getið ekki hlustað á orð mitt (sannleikann).

Þér eigið djöfulinn að föður og viljið gjöra það, sem faðir yðar girnist. Hann var manndrápari í upphafi og aldrei í sannleikanum, því að í honum finnst enginn sannleikur. Þegar hann lýgur fer hann að eðli sínu, því hann er lygari og lyginnar faðir.

En af því að ég segi sannleikann, trúið þér mér ekki."

(Jóh. 8:42-45).