Kanslari og forseti rógburðar

STÓRA BÓLAN ESB

Evrópusambandið er komið með nýtt bóluefnisvandamál. En þar eru slík vandamál framleidd á þeim færiböndum sem mjaka meginlandi álfunnar enn dýpra inn í hlutverk taparanna og ánauð

Rógburðarherferð Angelu Merkel og Emmanuels Macron út í breska bóluefnið af Oxford/Spitfiregerð, framleitt af AstraZeneca, er þegar byrjuð að skila miklum árangri í því að auka mótvilja gegn bólusetningum við kínversku Wuhanveirunni í löndum Rógburðarsambandsins. En þeim löndum sögðu kanslarinn og forsetinn að fylgja ekki vísindum, heldur rógburði þeirra sjálfra og persónulega pólitískum hefndarþorsta hinnar krónísku elítugræðgi er logið hefur upp heilu húsi fjötra yfir þjóðir menginlandsins. En þar hýrast þjóðirnar núna í fremstu skuldafangelsismynt jarðar, og fá þau skilaboð að bóluefni og bólusetningar virki ekki, vegna þess að Evrópusambandið gat ekki skaffað neitt slíkt sjálft

Þannig berast þær fréttir frá Norðurrín-Vestfalíu sem er fjölmennasta sambandsríki Þýskalands, að fólk neiti að láta bólusetja sig með bóluefninu frá AstraZeneca. En Þýskaland er eitt þeirra óvísindalegu landa sem segja að fyrst að lyfið hafi ekki verið prófað samkvæmt magn-óskum þess á ákveðnum aldurshópi, sé það sönnun þess að það sé slæmt fyrir þann hóp. Þetta er ekki ósvipað því að segja að jörðin sé að farast fyrst það er ekki að kólna akkúrat núna. Þetta, mínar dömur og herrar, eru "vísindin" sem koma úr slorbandalögum um lítið nema þvælu. Eurointelligence skrifaði því í gær:

"But this is misleading information. Not enough tests were conducted in that age group, but the real-world data from the actual vaccination programme in the UK shows that this vaccine has been very effective in reducing hospitalisation and fatality rates. As so often, people confuse absence of evidence with evidence of absence. The problem with a smear campaign against a vaccine is that this affects not only the use of this particular vaccine but vaccines in general."

EKKI Í FYRSTA SINN

Þetta minnir okkur á það aumingja sovéska fólk sem hlaut þau örlög að fá vinnu hjá fréttastofum Ráðstjórnarríkjanna. Þar var hlutverk blaðamanna að taka fréttir úr hinum frjálsu löndum jarðar og snúa þeim gegn þeim í sovéskum blöðum. Dekkjaframleiðandi sem auglýsti til dæmis að viðskiptavinir fengju ókeypis hjólbarða ef þeir sem hann hafði keypt hjá honum skyldu bila, varð að frétt um að hjólbarðar á Vesturlöndum væru svo ónýtir að ekki væri hægt að taka greiðslu fyrir þá

Sovésku blaðamennirnir vissu nær samstundis að geðbilunin ein biði þeirra við þennan starfa

Það er þarna sem ESB-flokkarnir á Íslandi starfa núna. Í slorinu - en af fúsum og frjálsum vilja

STAÐAN

Staða stóru-leikanna á meginlandi Evrópu er nú orðin þessi: Rússland er komið með fastan forseta sem sagði árið 2000 að fall Sovétríkjanna væri verstu geópólitísku mistök síðustu þúsund ára. Og eina kosningaloforðið sem hann gaf Rússum þá, var að snúa þeim mistökum við. Í Stór-Þýskalandi og á hinum föstu gervihnöttum á sporbraut um það, er staðan þannig að sú samsteypa er hætt að skammast sín fyrir Síðari heimsstyrjöldina og Helförina. Þar skammast menn sín nú fyrir að hafa tapað henni. Þetta kemur: Evrópusambandið sér fyrir því...

Guði sé lof fyrir að Stóra-Bretland er komið út

Fyrri færsla

Vindverkur og sólstunga sendir Texas á kné

Athugasemdir

[Símon Pétur frá Hákoti (IP-tala skráð) 19.2.2021 kl. 18:10]

"Real world data" 

hvað varðar notkun Oxford/AstraZeneca

fyrir 65 ára og eldri,

skipta Þórólf sóttvarnalækni heldur engu máli,

hann fylgir bara í blindni boðvaldinu 

frá "kanslara og forseta rógburðarins"

[Símon Pétur frá Hákoti (IP-tala skráð) 19.2.2021 kl. 18:42]

Það er fremur dapurlegt til þess að vita

að íslenski sóttvarnalæknirinn taki þátt

í drullukasti þýsk-franska kolabandalagsins

að svo virtu vísindateymi sem Oxford teymið er,

Sarah Gilbert og rannsóknateymi hennar er.

[Grímur Kjartansson, 19.2.2021 kl. 19:26]

Nú keppast líka "leiðtoganir" við að gefa bóluefni til "fátækra" ríkja og á meðan deyja þegnar þeirra
eða ef til vill ekkert að marka þennan hræðsluáróður sem notaður hefur verið miskunarlaust til að berja þegna til hlýðni við misvitrar "sóttvarnar" reglugerðir

[Gunnar Rögnvaldsson, 19.2.2021 kl. 21:20]

föstudagur, 19. febrúar 2021 kl. 21:20:18

Janet Yellen fjármálaráðherra Bandaríkjanna tilkynnti rétt í þessu að tollar Donalds J. Trump á Kína munu halda áfram og verða látnir standa.

[Gunnar Rögnvaldsson, 19.2.2021 kl. 21:23]

Þakka þér Símon Pétur.

Já svona virka hringar í vatni, þegar kastið kostar ekkert.

En Þórólfi hefur samt farið fram sem lærlingi í pípulögnum. Lögnin heldur mun betur en áður, sérstaklega eftir að aðrennslislokinn úti í götu var loksins uppgötvaður.

Kveðja

[Gunnar Rögnvaldsson, 19.2.2021 kl. 21:25]

Þakka þér Grímur.

Svona eru þessir pressupakkar. Kostar lítið að gefa þá út.

Kveðjur

[Símon Pétur frá Hákoti (IP-tala skráð) 19.2.2021 kl. 22:55]

Haft er eftir Magnúsi Gottskálkssyni, yfirlækni smitsjúkdómadeildar LSH, að bresk stjórnvöld hafi veðjað á réttan hest, hvað bólusetningar varðar.

Gott hjá honum að tala tungu hreinni.

Betra væri sóttvarnalækni að taka mið af bresku lyfjastofnuninni, fremur en að hanga í pilsfaldi Mömmu Merkel og klúðurkjellingarinnar Úrsúlu von der Leyen og bíða þess eins sem frá þeim kemur: Þarmagasið.

[Halldór Jónsson, 20.2.2021 kl. 11:26]

Þurftu Frakkar ekki frest til þess að þeirra fyrirtæki gæti komið fram með sitt síðbúna bóluefni? Merkel hjálpar þeim með töfunum hjá sér. Enn eitt dæmi um hverjir stjórna ESB alfarið. Svo halda Íslendingar að þeir fái afgreandi sæti við borðið?

[Gunnar Rögnvaldsson, 20.2.2021 kl. 12:04]

Þakka þér Halldór.

Jú mikið rétt, plús ýmislegt annað úr sömu skúffu.

Hafa því dauðsföllin af völdum Wuhan-veirunnar í ESB nú breyst í ESB-dauðsföllin. Fólk deyr, þúsundum saman dag hvern, vegna pólitískar hugmyndafræði Evrópusambandsins. Sjálfsákvörðunarréttur þjóða hefur verið afnuminn þar.

Þetta er eins og á fæðingardeild þar sem allar mæður ákveða að gefa ekki sínu barni fyrr en að sú sem erfiðast á með gjafir tekst að gefa sínu nýfædda barni.

Börnin falla þá unnvörpum og enginn kemst af - í stað þess að gefa sínu barni fyrst til að geta síðan aðstoðað þær sem geta ekki sjálfar.

Þjóðerniskenndin er næsti bær við móðurástina. Sé henni ekki sinnt þá deyja á endanum allir.

Við lifum á imbahala-tímum heilaþveginna stjórnmálamanna af verstu sort, og margir fjölmiðlar eru þeim meðvirkir, en samt ekki allir, sem betur fer.

Kveðjur

[Gunnar Rögnvaldsson, 20.2.2021 kl. 12:22]

Já rétt Símon Pétur.

Og þér að segja þá fylgdi ESB að miklu leyti breskum stöðlum við þróun, prófun og samþykkt nýrra lyfja þar til Bretland sparkaði Evrópusambandinu út úr Bretlandi.

Ekki veit ég hverju ESB fylgir núna. En það minnir óneitanlega mest á Moskvulínuna.

[Símon Pétur frá Hákoti (IP-tala skráð) 20.2.2021 kl. 12:48]

Heill og sæll Gunnar,

að Þórólfi hafi farið fram sem nema í pípulögnum?

Jú, rúmensku athafnamennirnir vaða þó ekki lengur um allt Suðurlandsundirlendið eins og í fyrra sumar, og þeir frönsku síðsumars um Dags barina.  Bara til að nefna örfá dæmi. 

En það var kenning Þórólfs allan fyrri part liðins árs, að erlendir ferðamenn smituðu ekki, bara íslenskir smituðu íslenska.  Það má svo sem segja að Víðir hafi fórnað sér til að "sanna" þá kenningu Þórólfs.  Í því voru þeir kaþólskari en páfinn og allt Stór-Þýzkaland.

Sleppum því hetjusögum nemans.

Gæfa okkar er sú, að búa á eyju lengst norður í Ballarhafi, svo hægt er um vik að skrúfa fyrir sístreymið.  Fyrst og fremst er það þjóðin sem hefur staðið sig með prýði.

Tek svo undir frómar óskir þínar, Stóra Bretlandi til heilla, sem og Íslandi.

Með góðri kveðju

[Símon Pétur frá Hákoti (IP-tala skráð) 20.2.2021 kl. 13:21]

V/ aths. þína kl. 12:22

Hárrétt athugað Gunnar, það er sannleikur málsins.  Enda löngu viðurkennt að Oxford teymi Söru Gilbert byggi yfir yfirburða þekkingu á flensu og sars veirum, enda rannsakað þær eingöngu í nær tvo áratugi og hvernig best væri að kveða þær í kútinn.  Þetta vita helstu sérfræðingar í þessum málum.  Munum t.d. að Kári sagði um mitt síðasta sumar að hann bindi mestar vonir við bóluefnið sem yrði búið til skv. forskrift Oxford og teymis Söru Gilbert, AstraZeneca. Þar með er ekki sagt að bandarísku bóluefnin frá Pfizer og Moderna séu ekki ágæt líka.  

En það er slæmt þegar heljarstefna Stór-Þýzkalands rænir annars góða menn vitinu. 

Dæmi þess, og afleiðingar þess, má einnig sjá hérlendis, því miður.

[Gunnar Rögnvaldsson, 20.2.2021 kl. 13:44]

Já það verður víst að viðurkennast að það tókst betur og mun fyrr að stöðva hraunflæðið í Vestmannaeyjagosinu en Kínversku Wuhanveiruna. Enda var Evrópusambandið og hinar gagnslausu gagnagrynningar Schengenfirrunnar ekki að flækjast fyrir okkur þá.

Fyrstu skilaboðin sem komu frá þjóðgrynningarkrefum ESB-heilastöppunnar voru þær að bannað væri að reyna að stöðva hraunflæðið. Bannað var að viðhafa sóttvarnir á landamærunum. Enda er það það sem regluverk Schengen segir: að bannað sé að viðhafa sóttvarnir á svo kölluðum innri landamærum heimsveldisins.

Og þeir sem slíkt vildu gera voru á Ítalíu kalllaðir "rasistar".  Enginn ætlaði að aðhafst neitt af viti fyrr en Trump tók af skarið, eftir að hafa beiðið eins lengi og hægt var eftir því að Evrópusambandið geri eitthvað í sínum málum sjálft.

En þangað til náði Ítalía að dreifa veirunni með beinu flugi frá Wuhan í Kína áfram til 52 landa í Evrópu.

Þetta er sovésk bandalag.

[Símon Pétur frá Hákoti (IP-tala skráð) 20.2.2021 kl. 15:02]

Rétt Gunnar, og þetta vita þeir sem kunna þá eðlu list, að hugsa.

Þegar smitin byrjuðu að grassera á Ítalíu, þá sagði mér eldri læknir sem þekkti þar nokkuð til, að það væri enginn vafi í sínum huga að þetta tengdist kínversku farandverkafólki sem væri að koma úr kínverska áramótafríinu. 

Ekki álasa ég því fólki, heldur flærð og dyggðaflöggun Brusselhirðarinnar sem notar greinilega kínverskt farandverkafólk sem láglaunaþræla sína.  En um það gildir þagnargildi hinna skinheilögu í Brusselhirðinni.