Bóluefnaskorts-lest Evrópusambandsins og EES brunar fram af brúninni

Það nýjasta sem gerst hefur í bóluefnaskorts-apparati Evrópusambandsins síðan á sunnudag, er að forseti framkvæmdaleysisstjórnar þess, Ursula von der Lygar, reynir nú að kenna undirmönnum sínum um og hendir þeim hverjum á fætur öðrum undir járnbrautarlest veruleikans sem nú brunar bóluefnislaus fram á egyptalandsteinum Evrópusambandsins, á meðan fólkið fellur, og stefnir þráðbeint í gerræðislegt allsherjar slys sem taka mun allt þetta ár og næsta að hrúgast upp með ærandi hávaða – til að byrja með. Síðan mun stund sannleikans taka við og taka ruslahrúgur Evrópusambandsins yfir og snúa það niður. Vonandi, því frá og með nú nú er því algjörlega sjálfhætt. Það sjá allir

Þarna átti að hefja Evrópusambandið á loft og sýna heiminum hversu máttvana sjálfstæð og fullvalda ríki jarðar væru með því að láta umboðslaust fjölþjóðaapparat en ekki ríkin sjálf um að bjarga sér úr verstu áföllum sem dunið hafa á Evrópu síðan 1945

En það fór heldur betur ekki þannig, því nú skín Stóra-Bretland –ásamt öðrum vestrænum ríkjum utan sambandsins– sem fullvalda, sjálfstæð og fögur borg á hæstu hæð í þessu máli öllu

En við sem hins vegar lutum svo örkumlandi bænaskjals lágt að láta EES-samninginn koma okkur þarna á kaldan og bóluefnislausan klaka Evrópusambandsins, erum varnalaus og munum heldur betur þurfa að éta skít þegar að bata og framförum í efnahagsmálum okkar kemur þetta árið og það næsta, og svo koll af krónískum ESB-kolli eftir það, einungis vegna EES-tengingar okkar við svarthol Evrópusambandsins. Út með þetta lamandi ees-ekkert!

Úr leiðara Morgunblaðsins í dag þriðjudaginn 2. febrúar 2021: Bóluefnastríð ESB

"Eft­ir á að hyggja hefði sjálfsagt ekki veitt af sam­keppni, því Evr­ópu­sam­bandið hef­ur full­kom­lega brugðist á hverju ein­asta stigi bólu­efnisáætl­un­ar sinn­ar. Fyr­ir vikið má heita ómögu­legt að það ná­ist að bólu­setja Evr­ópu­búa að því marki á þessu ári að ein­hver vörn sé í. Það er hörmu­legt fyr­ir al­menn­ing í Evr­ópu, þar með talið á Íslandi, en ís­lensk stjórn­völd ákváðu af ein­hverj­um enn ótil­greind­um ástæðum að binda trúss sitt við þessa ólán­legu áætl­un Evr­ópu­sam­bands­ins. Af því súp­um við nú seyðið og rík­is­stjórn Íslands þarf að gera hreint fyr­ir sín­um dyr­um um það." [krækja]

Mætti ég spyrja af hverju heilbrigðismálaráðherra okkar er enn með stól þess almennings sem hún hafði að háði og spotti í þessu máli undir sér? Hvers vegna er hún enn þá í því embætti? Hér ríkir gerræðislegur bóluefnisskortur einungis vegna EES-tengingar okkar við svarthol – á meðan ný Oxford/Spitfire æðir um og þekur Stóra Bretland og verndar þjóð þess með bóluefni, til dæmis með 600 þúsund skotum á laugardag

Er ekki komið nóg af engu? Ísland hefur mátt éta skít í bráðum fimmtán ár vegna EES-tengingar við svarthol þjóða

****

Hér eru tvær upplýsandi greinar um málið úr Spiegel, að vísu nokkurra daga gamlar og sem ritaðar voru dagana fyrir árás Evrópusambandsins á landamæri Írlands og Bretlands á föstudag: 1) Europe’s Vaccine Disaster: Ursula von der Leyen Seeking to Duck Responsibility og 2) Wie die EU bei der Impfstoff-Beschaffung versagte

Fyrri færsla

Evrópusambandið setur Írlandi landamæri að því forspurðu til að koma höggi á Breta [u]

Athugasemdir

[Helga Kristjánsdóttir, 2.2.2021 kl. 06:36]

Og öll þessi ár étandi ógeð og bíðandi eftir björgunarhringnm,er hann loks í augsýn? Já DRífa sig Íslands Hrafnistumenn; Aldrei aftur liggja marflatir flatir fyrir tunguliprum svikurum. 

[Gunnar Rögnvaldsson, 2.2.2021 kl. 08:32]

Seint verða blýlóð að björgunarhring.

Já við höfum verið þarna áður Helga, og það gafst ekki vel í samfellt 600 ár. Og heldur ekki núna.

Skyldi virkilega einhver vera hissa?

Jú kannski embættis- og stjórnmálamenn. Þeir vita sem kunnugt er allt síðastir allra. Enda hafa þeir ekki tíma til að vita neitt eins og þarna sést. Og án Kára-einkaframtaks væru þeir ekkert í þessu tilfelli. Næstum ekkert.

Kveðja

[Grímur Kjartansson, 2.2.2021 kl. 10:55]

Ferill keisaraynjunar í ESB er merkileg lesning en ekkert einsdæmi. Man eftir lækni í Svíþjóð sem var algjörlega óhæfur en tókst kría út góð meðmæli við starfslok því fólk vildi fyrir alla muni losna við hann.

Einnig dettur mér í hug Hans Holmér sá sem reif til sín Plame rannsóknina og klúðraði henni gjörsamlega en til að losna við hann þá fékk hann stöðu sem einhverskonar öryggisfulltrúi hjá Sameinuðu Þjóðunum en var samt sjálfur með minnst tvo lífverði

[Gunnar Rögnvaldsson, 2.2.2021 kl. 11:40]

Þakka þér fyrir Grímur.

Já, svipað og með opinbera starfsmenn í Frakklandi, sem oft aðeins er hægt að losna við burt úr vinnustaðarústum þess geira með því að hækka þá í tign og senda þá ofar í bálið.

Það sama gildir um brunagildruverksmiðjur Evrópusambandsins - og skaðræðismynt þess líka.

Nú er bara að bíða eftir næsta ríkisgjaldþrotaáhlaupi aðframkominna evruríkja á ECB-seðlabankann, og sem endanlega mun kveikja í Þýskalandi, sem þá neyðist til að skella í lás.

Ekkert gagn mun hinn svokallaði björgunarsjóður að minnsta kosti gera, fyrst að ekki voru einu sinni til peningar fyrir bóluefnainnkaupum.

Þetta endar kannski með því að NATO verður að bólusetja bankerott evruríki, því Þýskaland fær jú þar enn vanþróunaraðstoð í varnarmálum sbr. kústskaftaher Úrsúlu von der Lygar.

Kannski þarf þýski þrælahaldarinn í norðri þá jafnvel á NATO að halda til að verjast áhlaupi suðurríkjanna. Hver veit.

Lítið ku víst vera eftir af beilátu í þýska hafinu milli þess og hinna.

Kveðja

[Símon Pétur frá Hákoti (IP-tala skráð) 2.2.2021 kl. 12:20]

Allt samkvæmt vilja Björns Bjarnasonar sem vill vera í EES, eins og Halldór Jónsson bendir réttilega á, brunum við nú fram af brúninni í bóluefnaskortslest ESB.

Takk fyrir enn einn snilldarpistil þinn Gunnar.

Aðhaldssemi (jóakims andar syndróm) Þjóðverja mun verða ESB ríki þeirra að falli, eina ferðina enn, já, eina ferðina enn munu vinir Nonna bóka vinanna gráta og moldvörpurnar stingast á bólakaf í rústabinginn.  En DDRÚV mun flytja af þeim svo rauplegar frægðarsögur, að líkast verður Heljarslóðaorustu.  Hún var reyndar bráðfyndin satíra, en raup hirðarinnar er ætíð sem þar er líst.

[Gunnar Rögnvaldsson, 2.2.2021 kl. 12:33]

þriðjudagur, 2. febrúar 2021 kl. 12:33:06

1. Þær fregnir berast í dag að framkvæmdastjórn Evrópusambandsins og ríkisstjórn Þýskalands undir forsæti Angelu Merkels, hafi tekið bóluefnastríð Evrópusambandsins upp á nýtt stig og gert slæma stöðuna þar enn verri en hún er.

2. Síðan gerðist það að ríkisstjórn Frakklands kom óvænt fram á tröppurnar og tilkynnti að Frakkland væri andsnúið NordStream2 orkuleiðslu Pútíns og Merkels milli Þýskalands og Rússlands.

3. Og ekki nóg með það þá beinist nú kastljósið frekar óvænt að þungri ríkisskuldastöðu Frakklands.

[Jóhann Elíasson, 2.2.2021 kl. 12:36]

Ég á bara í miklum erfiðleikum með að skilja hvað veldur því að við erum ekki fyrir löngu búin að segja EES samningnum upp.  Það er alveg nauðsynlegt að maður með JARÐTENGINGU meti EES samninginn en ekki einhver aflóga stjórnmálamaður, sem er svo myglaður og afturhaldssamur að það er stórt "mygluský" yfir honum....

[Símon Pétur frá Hákoti (IP-tala skráð) 2.2.2021 kl. 13:09]

EES samningurinn er haldreipi ESB sinnanna

Björns Bjarnasonar, Friðjóns f.h. DDRÚV/KOM/D, Bjarna og ungfrúnna Sigurbjörnsdóttur og Reykdals og Gulla.  

Í krafti EES samningsins er aðlögunin að ESB fólgin.  Þar gerast þau kaþólskari en páfinn.

Það sáum við skýrast þegar þau samþykktu Orkupakka 3.  Og nú bíða þau eftir að geta samþykkt Orkupakka 4 og 5.

Það má ekki verða og því ber brýna nauðsyn til að segja upp haldreipi ESB sinnanna, EES samningnum.

Orkupakkar 4 og 5.

[Rúnar Már Bragason, 2.2.2021 kl. 14:20]

Ekki gleyma heldur vandræðunum í áætlunum um endurnýjanlega orkugjafa í ESB. Bretar eru reyndar á sömu leið en eiga örugglega mun auðveldara með að viðurkenna að áætlunin stenst engan veginn og gera breytingar.

Vel gert grein fyrir þessu hér: https://www.zerohedge.com/energy/europes-unforeseen-renewables-problem

[Símon Pétur frá Hákoti (IP-tala skráð) 2.2.2021 kl. 15:00]

Kolabandalagið ber feigðina í sér.

Samt bindur forysta "Sjálfstæðisflokksins" trúss sitt við Kolabandalagið.

Þýskaland er háð jarðefnagasi frá Rússum, og kolum.  Við seljum þeim svo aflátsbréf, en tökum á okkur syndir þeirra með því að segjast nota hér kol og kjarnorku sem okkar orkugjafa.

Hver sá sem sér ekki hræsnina í þessu, er gjörsamlega siðblindur maður, eða imbecil, nema bæði sé.  Og af þeim virðist vera nægilega margir á alþingi okkar, að samþykkja slíkar lygar og uppspuna sem fylgja Orkupökkum EES/ESB.

[Gunnar Rögnvaldsson, 2.2.2021 kl. 20:05]

þriðjudagur, 2. febrúar 2021 kl. 20:05:32

1. Martin Selmayr eminence grise eða aðalritari framkvæmdastjórnar ESB, tísti í dag að Evrópusambandið sé að standa sig frábærlega í þessu máli, því það sé nú þegar á undan Afríku í bóluefnismálum.

2. Eina hjarðónæmið sem komið er á í Evrópusambandinu er hjarðónæmi elítu þess gegn veruleikanum. Hins sama má vænt hjá EES-dindlum Íslands.

3. Eurointelligence skrifar í dag að nú séu endalok Evrópusambandsins að hefjast. Þýska þjóðin stendur ekki lengur að baki valdaelítu landsins í ESB-málum og ekki komi til greina að neinn stuðningur fáist við þær björgunaraðgerðir á hálf gjaldþrota evruríkjum sem framundan eru.

4. Veðmál fjárfesta sem notað hafa evruna frá og með í desember sem vaxtalausan lántöku-gjaldmiðil til fjármögnunar á gjaldeyrisstöðum gegn Bandaríkjadal, og sem útskýrir hækkun evrunnar gegn dal frá og með þá, virðist vera að snúast upp í andhverfu sína núna. En þangað leituðu þeir vegna þess að ljóst er að hagvöxtur í Bandaríkjunum á síðasta ári dróst saman um minna en helming þess sem hann dróst saman á evrusvæðinu, og að mikill hagvöxtur mun verða vestanhafs á þessu ári, og sem kalla mun fljótlega á stýrivaxtahækkun hjá bandaríska seðlabankanum - á meðan evrusvæðið verður áfram njörvað niður í kreppur og  björgunaraðgerðir á hálfgjaldþrota evrulöndum, með enn minni hagvexti en víðast hvar annars staðar, og í mynt sem þolir ekki að stýrivextir séu hærri en núll eða séu jafnvel neikvæðir. Þannig að gengisfall og upplausn evrusvæðis er aftur komið á matselið stöðutakenda. DXY hækkaði verulega í dag og í gær. Og í dag bárust einnig fréttir af tvöfaldri samdráttarkreppu á evrusvæðinu (e. double dip recession).

[Gunnar Rögnvaldsson, 2.2.2021 kl. 21:35]

þriðjudagur, 2. febrúar 2021 kl. 21:35:17

Eftir að Evrópusambandið setti útflutningsbann á bóluefni frá framleiðendum innan lögsögu sambandsins, þá vita öll fyrirtæki og allir framleiðendur innan lögsögu ESB að þeir geta átt von á slíku hvenær sem er og varðandi hvað sem er, þegar eitthvað gengur illa hjá ókjörinni stjórnmálaelítu Evrópusambandsins.

Þetta segir einn frammámanna í þýsku atvinnulífi, Daniel Stelter. Í dag er það bóluefni en á morgun verður það kannski líftækni og hinn daginn gæti það verið hvað sem er, segir hann.

Já, til dæmis útflutningur íslenskra fyrirtækja á Íslandi eða í Evrópu, segi ég.

Plús það að frá og með nú eru samningar ekki endilega samningar í ESB, séu þeir um eitthvað í ESB og með varnarþing á lögsögu Evrópusambandsins. Þeir geta hæglega orðið eitthvað annað, hvenær sem er.

Mig minnir að Sigmundur Davíð Gunnlaugsson formaður Miðflokksins hafi einmitt komið inn á þetta atriði í umræðum á Alþingi Íslendinga um þriðja orkupakka Evrópusambandsins.