Pútín hinn almáttugi? eða hvað

Það er eitthvað sem ekki passar við þá sögu sem sögð er af Rússamáli númer 1.323.568 á vesturlöndum: Navalnýmálinu

Ef Pútín er svona mikill einræðisherra og svona vondur maður, af hverju er þá þessi Navalný enn á lífi? Af hverju er þessi maður enn að flækjast fyrir hinum almáttuga og einráða Pútín? Það skil ég ekki

Navalný er búinn að vera veltast um í rússneska réttarkerfinu að minnsta kosti síðan 2009. Ekki bara í einu máli þar sem hann hefur legið undir grun um ólöglegheit sem erfitt hefur verið að sanna og afsanna, heldur í mörgum málum

En samt er hann enn á lífi, en sem hann ætti ekki að vera samkvæmt furðufréttum um Rússland, þar sem blaðamenn Vesturlanda viðra kornabarnalegar hugmyndi sínar um Rússland á prenti. En þær hugmyndir eiga það sameiginelg með uníversal kommahugmynd fjölmiðla Vesturlanda um Vesturlönd; að séu þau ekki fullkomin að þá eru þau ónýt. Hamfaraheimska ræður því ríkjum þar núna

Rússland verður aldrei annað er harðstjórnarríki. Ekki vegna þess að fólkið þar sé vont, verra eða betra en annarstaðar í heiminum, heldur vegna þess að bæði þjóð, stjórnvöld hennar og hefðir mótast af landfræðilegri legu landsins og veðurfari. Rússland hefur svo gott sem engin náttúruleg landamæri sér til varnar og að halda því saman sem ríki og verjast innrásum krefst annars konar stjórnvalda og stjórnarfars en viðhaft er í Wisconsinríki Bandaríkjanna

Það er eitthvað gruggugt við þetta Navalnýmál. Hvernig gagnast maðurinn Pútín? Það er stóra spurningin sem ég bíð svara við. En hann er Rússlandsstjórn greinilega gagnlegri á lífi en látinn

Hvar er rökhyggja snjallsímandi vesturlenskra manna núna?

Þetta er ekki Íkea. Hvað býr undir?

- Gunnar er þjóðaríhaldsmaður

PS: Því erfiðara sem það er að halda þjóð saman því meira ríkisvaldi þarf að beita. Takmarkað ríkisvald getur því aðeins orðið stjórnarfar meðal þjóða sem ekki þarf að negla saman með valdi, þ.e. í þjóðríkjum þar sem þjóðin ræður málum sínum sjálf, og þjóðernið heldur henni saman. Þess vegna er ESB nýtt sovétríki í smíðum. Þar mun hið ótakmarkaða ríkisvald verða eina mögulega stjórnarfarið. Vagga frjálshyggju er því sterkt þjóðríki, þjóðtrú og öflugt efnahagslíf. Engin "þriðja hönd" er til, nema i bænum

Fyrri færsla

Bóluefnaskorts-lest Evrópusambandsins og EES brunar fram af brúninni

Athugasemdir

[Símon Pétur frá Hákoti (IP-tala skráð) 3.2.2021 kl. 22:54]

Sammála Gunnar.

Mín tilgáta er að það sé markvisst verið

að reyna að gera hallarbyltingu

í hinu orkuríka Rússlandi. 

Og það sé að undirlagi Brussel, alias Þýskalands, vegna orkunnar.

Svo einfalt tel ég þetta vera.

Hvert fór hann eftir "eitrunina"?  Þýskalands.

Hvaðan kom hann aftur?  Þýskalands.

Tek fram að ég er enginn aðdáandi Pútíns og ber virðingu bæði fyrir þýsku þjóðinni og þeirri rússnesku.

Málið snýst hins vegar um að reyna að koma þægum lepp Þýskalands, alias ESB, í Kreml.

Allt vegna orku yfirráða. 

Sagan endurtekur sig í sífellu.

[Símon Pétur frá Hákoti (IP-tala skráð) 3.2.2021 kl. 23:20]

Ég hef síður trú á því að honum sé ætlað að gagnast Pútín og fyrrum kanslara Þýskalands, stjórnarmanni Gasprom.  En vissulega má einnig velta þeim vinkli fyrir sér. 

Þeir sem kosta stríð, hvort heldur viðskiptastríð, gjaldmiðlastríð eða blóðug atríð, græða ætíð bæði á þeim sem tapa og þeim sem vinna.  Gömul saga og ný.

[Símon Pétur frá Hákoti (IP-tala skráð) 4.2.2021 kl. 00:11]

Gerhard Schröder situr, skv. Wikipediu, reyndar einnig í stjórn Rosneft og Nord Stream 2.  F.h. Rothschild bankans.

Hvaða hag hefur Rothschild af því að koma Navalny til valda í Kreml?  Auka ítök sín þar?

Eða hvaða hag hefur Pútín af að leyfa Novalny að dandalast um Rússland og krefjast byltingar?

Hvað verður um Schröder, tekur mutti Merkel við stjórnarmennsku af honum í Gazprom, Rosneft og Nord Stream 2?

Þetta er að verða spennandi. 

[Gunnar Rögnvaldsson, 4.2.2021 kl. 02:27]

Þakka þér fyrir Símon Pétur

Rússland er að minnsta kosti ekki eins og Evrópusambandið, því þar um borð segja valdamenn um hið ókjörna samband þeirra, að "heimsálfan falli öll ef evran fellur".

Ergo; samkvæmt því mun álfa þeirra bráðum liggja í rúst undir rústum evru þeirra.

Ekkert slíkt mun hins vegar gerast í Rússlandi, því þó svo að Pútín fari frá þá mun stefnuskrá hans halda áfram í Rússlandi og nágrenni þess; þ.e. að rétta út klessta stuðara Sovétríkjanna og ná geopólitísku tangarhaldi á þeim ný. 

Leyniþjónusta Úkraínu sagði nýlega að Pútín ætti við veruleg heilsufarsvandamál að stríða og hefði ekki lengur bolmagn til embættisverka. Hvort það er rétt veit ég ekki, en valdaskipti munu bráðum verða hvort sem er, og þau þurfa ekki endilega að fara fram í kjörklefum, óháð því hvað okkur finnst um það.

En akkúrat núna er Rússland í djúpum vandræðum sem afleiðing þess að Pútín mistókst að miklu leyti að umbylta efnahagskerfum landsins í takt við það sem var mjög svo góð byrjun hjá honum frá og með aldamótum fram til 2007. En svo kom fjármálakreppan 2008, síðan hrun Kína 2014 þar sem olíu- og hrávöruverð hrundi eins og spilaborg og síðan kom Wuhanveiran frá Kína 2020 og lagði hvoru tveggja í rúst. Áföll eftir áföll, og var staðan í Rússlandi eftir jökulveldi kommúnismans ekki neinn smáræðis hryllingur fyrir landið að takast á við.

Þarna er ekki allt sem sýnist. Kannski nýtist Navalnýmálið Rússlandsstjórn við hugsanleg valdaskipti. Hvur veit

En hvað sem þessu öllu líður þá er stofnanavætt kreppuástand- og áfallastjórnarfar að verða reglan frekar en undantekningin bæði í vestri og austri, því mannkynið hefur aldrei þolað svona mikla glóbaliseringu.

Kveðjur

[Gunnar Rögnvaldsson, 4.2.2021 kl. 04:08]

En svo er annar möguleiki. Hann heitir freistnivandi:

Angela Merkel sagði á fjarfundi World Economic Forum um daginn, að Evrópusambandið (hún er ókjörinn keisari þar) ætti ekki að "standa með eða taka afstöðu með bandalögum". Að ESB ætti ekki að taka stöðu gegn Rússlandi eða Kína með Bandaríkjunum og öfugt.

Þarna fór NATO út um glugga Hvíta hússins eins og Trump sagði fyrir um. En svona segja bara þeir sem eiga ekki landamæri upp að Rússlandi. Svona segja bara þeir sem hafa ekki hugsað sér að koma til dæmis NATO-ríkjum við Eystrasalt og í Austur-Evrópu til aðstoðar.

Þessi annar möguleiki er því sá að Pútín sé frískur  sem nýsleginn túskildingur og að hann sé að hugsa sér til þess hreyfings vestur sem hann peningamála vegna hefur neyðst svo lengi til að fresta. Þara er greinilega allt opið vestur upp á gátt, því nú situr bjáni í Hvítu húsi og skilur ekki neitt.

Segi Pútín að land Rússa sé undir árás úr vestri, hvað getur þjóðin þá sagt við því. Hún sér jú óeirðir og uppistand úti um alla móður jörð þess.

[Birgir Loftsson, 4.2.2021 kl. 08:35]

Alltaf fínar greinar hjá þér.  Sammála um það að sé erfitt að stýra Rússlandi öðruvísi en með núverandi fyrirkomulagi.

Rússar hafa sérstakan kjarnorkuvopnaher, sem gripið verður strax til, ef innrás á sér stað. Þeir munu ekki beita hefðbundnum herafla eins og áður og því munu þeir grípa strax til kjarnorkuvopna. Þetta vita Kínverjar, sem eru einu raunverulegu og nátttúrulegu óvinir Rússlands (kjarnorkuvopnunum er ekki bara beint í vestur, heldur einnig í suður, til Kína).  

En þú spyrð af hverju Alexei Navalny sé enn á lífi?  Fyrri reynsla segir okkur (t.d. frá Bretlandi þar sem þeir reyndu að eitra fyrir andstæðingum sínum) að það er vandasamt að drepa fólk þannig.

Frægustu eiturbyrlunarmál sögunnar hafa einmitt sagt frá mörgum tilraunum til að drepa viðkomandi. F. Castro er gott dæmi um það.

Reynt var tvisvar að drepa Navalny, í seinna skipti rétt áður en hann fór í sjúkraflugið til Berlínar. Af hverju tókst ekki fyrri tilraunin? Jú, hann fékk móteitrunefni (atrópín) sem bjargaði honum.

Breska blaðið The Times er heimildin fyrir þessu.

[Gunnar Rögnvaldsson, 4.2.2021 kl. 12:15]

Þakka þér fyrir góðar kveðjur og athugasemd Birgir.

Ég efa ekki að hafi rússnesk yfirvöld á annað borð ákveðið að ráða einhvern af dögum á heimavelli, þá hefði slíkt ekki mistekist. Ef eitrað var fyrir Navalný, eins og sagt er, þá á ég bágt með að trúa að stjórnvöld hafi staðið þar að baki og mistekist ætlunarverkið. Þau hefðu þá valið einfaldari og skilvirkari aðferð.

Frekar myndi ég trúa að lausbeisluð en þó tengd öfl hafi verið þarna að verki, sé það á annað borð rétt að eitrað hafi verið fyrir manninum.

Málið í Salisbury í Bretlandi finnst mér annars eðlis, því þar voru tilræðismennirnir á erlendri og mjög svo vaktaðri grund. En hvað veit ég.

Kveðjur

[Birgir Loftsson, 4.2.2021 kl. 13:05]

Nokkuð til í því sem þú segir. Dálítið grunsamlegt hversu erfitt reynist að drepa hann. En eins og í þessari sögu og fleirum, þá sjáum við bara yfirborðið en ekki hvað býr á bakvið. 

Því miður er fjölmiðlum ekki lengur treystandi og því ekki hægt að finna sannleikann þannig. Þeir beinlínis ljúga á köflum eða segja hálfsannleika. Oftast þarf maður að grafa eftir blessaðan sannleikann eftir ólíklegstu leiðum. Samsæriskennismiðirnir hitta oft naglann á höfuðið þegar annað þrýtur.

[Símon Pétur frá Hákoti (IP-tala skráð) 4.2.2021 kl. 16:12]

Nú vinnur m.a.s. mutti Merkel að því

að Sputnik V bóluefnið fái vottorð ESB.

Van der Leyen verður þá með allt niðrum sig.

Mutti ræður.

Verst er að Þórólfur hleypur eftir dellumakeríi

Van der Leyen, einkum hvað AstraZeneca varðar.

Tekur upp heiftarstefnu Van der Leyen

og bannar að 65 ára og eldri verði bólusettir

hér á landi með AstraZeneca lyfinu.

Slæmt þegar sóttvarnalæknir tekur pólitískan

rétttrúnað fram yfir læknisfræðilega þekkingu

Sarah Gilbert og samstarfsfólks hennar.

Brussel fram yfir Oxford.

[Grímur Kjartansson, 4.2.2021 kl. 18:40]

Ef við trúum því að peningar láti heiminn snúast

Þá snýst þetta allt um að vegna Navalný verði að setja viðskiptahindranir á Rúsaa - það er að segja bæta við Krímskaga vitleysuna sem Ísland borgar mest af öllum fyrir

Þá má enginn kaupa besta bólusetningarefnið sem Rússanir eru að framleiða heldur verða láta sér duga ofurdýrt bóluefni frá útvöldum framleiðendum

[Gunnar Rögnvaldsson, 4.2.2021 kl. 18:54]

Já Símon Pétur.

Það er um að gera að tefla Tjernobyl-bóluefni Rússlands fram í Evrópusambandsklíkuríkinu, því það tryggir að fólk vill ekki láta bólusetja sig. Sparað er jú þénað fé eins og Danir segja.

Sama er þessu auma ESB-klerkabatteríi um líf manna, því það setur sameininguna ofar lífi borgaranna. Fram að áramótum munu því hundruð þúsunda manna láta lífið af pólitískum orsökum á meginlandi Evrópu. ESB er því að verða eins og Sovétríkin að því leytinu. Pólitísk drápsmaskína.

Já þetta er með algjörum eindæmum að ætla fara eftir klikkhausaveldi hefndarþyrstra ESB-ríkja þegar að breska bóluefninu kemur, en það kemur frá EINA meiriháttar lýðræðisríki Evrópu. Manni fallast hendur yfir ESB-eitruninni sem sem átt hefur sér stað hér meðal okkar manna.

Hvílíkt og annað eins!

[Gunnar Rögnvaldsson, 4.2.2021 kl. 19:04]

Ég held Grímur að menn þurfi að vera haldnir geðklofa á frekar háu stigi til að kaupa bóluefni af því batterí sem hér er velt fyrir sér að hafi eitrað fyrir pólitískum andstæðingi sínum.

Halda menn virkilega að það ríki sem þannig er ætlað af haldi á sínum málum, sé allt í einu komið með lyfjaeftirlit sem er mögrum sinnum betra en summan af því sem við erum að ræða um og höfum rætt um í mörg ár. Fólki getur varla verið alvara!

[Símon Pétur frá Hákoti (IP-tala skráð) 4.2.2021 kl. 19:11]

Margt til í þessu Grímur.

Mín tilgáta er reyndar sú, að um leið og Merkel hættir sem kanslari muni hún taka við Schröder í stjórnum Gazprom, Rosneft og Nord Stream 2, f.h. Rothschild bankans.  Sem segir okkur að sá banki vilji aukin ítök í Rússlandi. 

Því samhliða, og einmitt þess vegna, þykir nú Sputnik V lofa afar góðu.  Gæðavottorðið kemur með stórkapítalinu ... og mutti Merkel.  Navalny er einungis leiksoppur sem ofmetur stöðu sína.  Af þannig leiksoppum er saga Rússlands meira en barmafull.

[Símon Pétur frá Hákoti (IP-tala skráð) 4.2.2021 kl. 21:38]

Já, Gunnar

Íslensk stjórnvöld velja greinilega Brussel fram yfir Oxford, sovéska ráðstjórn í stað vísinda.

Það er ömurlegt að sjá hversu nómenklatúru  sturlunin, miðstýrða pólitíska helstefnan, hefur tekið yfir alla heilbrigða skynsemi.  

Þetta á eftir að hitta Evrópu skelfilega.  Almenningur þar mun vantreysta rússnesku bóluefni.

Mótmæli þar munu vaxa.  Erjur aukast.  Vantraust fara vaxandi í garð Brussel ráðstjórnarinnar.

En til þess er e.t.v. leikurinn gerður af þeim sem stýra bóluefnastríðinu? 

Það er verulega sorglegt að sjá Evrópulönd, sér í lagi Norðurlönd snúast nú gegn Bretlandi.  Hafa þau ekkert lært frá heimsstyrjöldinni síðustu? 

Skjótt geta þó veður skipast.