Á meðan ESB leysist upp, styrkist stjórnarfar Engilsaxa [u]

Þjóðaríhaldsmaðurinn: Hefur gert það sem hann lofaði kjósendum

****

BANDARÍKIN

Styrkustu og þar með virkustu ríkisstjórnir Vesturlanda er nú að finna í Bandaríkjunum og Bretlandi. Í gær lýsti stjórnarfar Bandaríkjanna heiminn upp með því að pakka meinfýsi og geðbilun úr-sér-brædds og afbakaðs fólks á þingi niður í pappakassa, sem sendir voru á ruslahauga sögunnar. Firrt ákæra þeirra sem árið 2008 ætluðu sér að umbylta Bandaríkjunum með kjöri Obama, á hendur þess forseta sem rúllað hefur auðkenna- og skriðdýrs-stjórnarfari hans til baka, var á öskuhauga varpað með niðurstöðu öldungadeildar Bandaríkjanna, þar sem atkvæðin féllu þannig, að 2/3 meiri hluti var hvergi nándar nærri fyrir því að forngrískur múgsúgur hins einfalda meirihluta í geggjunarástandi næði að ákæra og fjarlægja réttkjörinn forseta landsins úr embætti

Sérhönnuð sér-sjálfsmorðsbelti forsetaframbjóðenda Demókrataflokksins munu nú sjá um að sprengja þann flokk svo í harðlínutætlur að innan, að Bernie Sanders insider þungaviktarmaður í 30-ára pólitískri þaulsetu á kostnað skattgreiðenda, og þriggja húsa kapítalisti með rauðan auðkennismiða limosínu-sósíalista á skallanum, til að líta vel út í augum góða fólksins, er eina von þeirra kjósenda flokksins sem enn hafa ekki kastað upp og varpað voninni sömu leið fyrir borð. Tímabili Demókrataflokksins sem hófst árið 1933 með Franklin D. Roosevelt lauk árið 2016 með kjöri Donalds J. Trump, sem sameinað hefur flokk Repúblikana á ný undir upphaflegum gildum hans

Bandaríkin eru ekki að fara neitt. Stjórnarfarið þar er svo öruggt og sterkt að öll ríkisstjórnin virkaði á öllum stigum alltaf, þrátt fyrir geðsýkisástandið hjá einföldum bonk-gonk ding-dong meirihlutans á þingi. Donald J. Trump forseti var sýknaður af upplognum áskökunum ding-dong fólksins sem aldrei hefur þolað hann, og ófært er um að virða niðurstöðu kosninga sem óhjákvæmilega fóru á þann veg, að Obamalandi framskriðinnar limósínu-vinstrimennsku skyldi rúllað til baka, og á öskuhaugana sett. Til hamingju með þetta Bandaríki Norður Ameríku. Til hamingju landið sem aldrei ætlar að endurtaka dragúldið stjórnarfar meginlands Evrópu, þar sem allar pólitískar drepsóttir Vesturlanda hafa átt uppruna sinn

BRETLAND

Svipað er að að segja frá Bretlandi. Þar var óvinum lýðræðisins og áhangendum ESB-einræðis pakkað saman með tröllauknum kosningasigri þjóðaríhaldsmannsins Borisar Johnsons, sem um leið hreinsaði flokk sinn út af þannig svikahröppum sem þingmönnum

ÞÝSKALAND

Á meðan þetta gerist í landi hinna frjálsu og hugrökku, var ný ríkisstjórn í landi Thuringia í sambandsríki Þýskalands sett saman fyrir tilstilli AfD-flokksins í gær. Stjórnmálaflokks sem var sigurvegari kosninganna þar, þann 27. október 2019. Hún er fyrsta ríkisstjórnin í enduruppsettu og á ný enduruppsettu Þýskalandi,  sem sett er saman fyrir tilstilli þess flokks. Forseti Thuringia verður þó ekki frá neinum þeim flokki sem sigraði í kosningunum, heldur verður hann frá þeim sem töpuðu þeim og fengu fimm prósent atkvæða. Það verður því FDP-flokkur svo kallaðra "frjálsra demókrata", þ.e. gufutegund, sem leiða mun sambandsríkið með fjarstýringu annarra - eins og í Berlín

Ríkisstjórnun í Þýskalandi er þar með orðin sjö-flokka-kerfi, þar sem stjórnleysið er að verða ofan á sem stjórnarform krúnk-samsteypustjórna, þar sem fimm prósentin eru handhafar fis-valdajafnvægis sem er að steypa Þýskalandi í enn eina glötunina og sem framkalla mun ákallið um næsta "sterka leiðtogann". Leiðtoga sem taka mun landið úr úr Weimar 2.0 og bakka því inn í pólitíska pendúl-brjálæði þess lands á 80 ára sveiflufresti. Fimm prósent stjórnarfari hefur hér með verið komið fyrir sem fyrirmynd á tröppum kanslerísins í Berlín, þar sem endalausrar samsteypustjórnir pólitískra andstæðinga án snefils af pólitísku umboði, sitja sem samansúrraðar sovéskar Zíl-limósínur á kostnað almennings og lýðræðis í landinu

Stjórnarfarið og pólitíska ástandið í Þýskalandi er meira að segja orðið svo þrúgandi slæmt, að limósínufirrt verkalýðshreyfingin hefur nú boðist til að leggja sig sem rauðan dregil í götuna sem samsteyptir stjórnmálamenn landsins aka Zíl sínum eftir. IG-Metall hefur nefnilega hvatt til þess að engar launahækkanir verði í landinu og þannig snúist tvöfalt gegn sjálfri sér, og þeim launþegum sem hreyfingin þykist tala fyrir. Þar með verður Hartz-þrælastefna þýskra SPD-sósíaldemókrata fest enn frekar í sessi í Þýskalandi og sennilega tvöfölduð, og sem dý-fleyta mun evrusvæðis-viðrininu áfram til heljar, með því að stækka þýska svartholið í miðju þess enn frekar. Því að sjálfsögðu er þýska landið á barmi efnahagshruns eftir þrælabúðahagkerfi Gerhards Schröders, sem nú er innsti ventill í gasbúri Pútíns. Engar framfarir verða í svona löndum hins pólitíska samsæris limósína. Við þjóðaríhaldsmenn Íslands ættum því að hugsa okkur tvisvar um áður en við fordæmum íslensku verkalýðshreyfinguna fyrir virkni hennar, áræðni og þor

Uppfært 6. febrúar 2020 kl. 18:58:45

Leiðtogi FDP, Thomas Kemmerich, sem valinn var landsforseti Thuringen í gær, hefur eftir einn dag í embættinu sagt af sér eftir að Angela Merkel kanslari í Berlín sagði að myndun landsstjórnar með og fyrir tilstilli AfD út frá kjördómi kjósenda þar í landi, séu "ófyrirgefanleg mistök". Hún á þar með við að kjósendur AfD í Thuringen séu óhreint fólk með engan rétt til pólitískra áhrifa á lífið í landi þess. Kannski verður það næsta, að hún neitar að þiggja skattgreiðslur þess. Hvað haldið þið, kæru lesendur

Toto 1988: "Land hinna hugrökku" af plötunni The Seventh One

"Who sings the song of the people
You dont hear it anymore
I heard it late last summer
To the beat of a different drummer
It never sounded quite like this before"

Fyrri færsla

Beinlaus Áslaug Arna fésbókhaldari

Hátíð: Breskir þingmenn yfirgáfu gúmmíþingið í Brussel og Stóra-Bretland Evrópusambandið. Skál!

Í dag er stóri dagurinn. Breskir þingmenn yfirgáfu gúmmístimpilsþing Evrópusambandsins í síðasta sinn í dag. Frelsið og sjálfstæðið blasir við. Klukkan 23:00 í kvöld verður Bretland frjálst land á ný, því þá yfirgefur það Evrópusambandið fyrir fullt og allt. Þá yfirgefur það eina verstu hugmynd eftirstríðsáranna og samtímans - og versta efnahagssvæði hins þróaða hluta heimsins

Fjórfalt húrra fyrir Bretum!

Beina útsendingu Daily Telegraph, í för með Nigel Farage og Jacob Rees-Mogg, frá Lundúnum, má horfa á hér (nýr gluggi)

Og beina útsendingu Daily Telegraph, þar sem myndavélinni er beint að Downingstræti 10

Föstudagur, 31. janúar 2020 kl. 23:01:12

Stóra-Bretland hefur yfirgefið Evrópusambandið og er á ný fullvalda og sjálfstætt ríki

Boris Johnson forsætisráðherra ávarpaði þjóðina

Hversu stórt er það Stóra-Bretland sem var að yfirgefa Evrópusambandið?

Jú það er svona stórt

1. Nú þegar Bretland fór, þá svaraði það til þess að allur mannfjöldi rúmlega þessara 15 landa Evrópusambandsins yfirgæfu sambandið á einu bretti:

Malta
Lúxemborg
Kýpur
Eistland
Lettland
Slóvenía
Litháen
Króatía
Írland
Slóvakía
Finnland
Danmörk
Búlgaría
Austurríki
Ungverjaland
Plús einn þriðji hluti Svía

2. Þegar Bretland fór, þá svaraði það til þess að öll hagkerfi þessara 19 landa Evrópusambandsins yfirgæfu sambandið á einu bretti:

Malta
Kýpur
Eistland
Lettland
Litháen
Slóvenía
Króatía
Búlgaría
Lúxemborg
Slóvakía
Ungverjaland
Grikkland
Rúmenía
Tékkland
Portúgal
Finnland
Danmörk
Írland
Austurríki 

Fyrri færsla

Götubardagar á evrusvæðinu halda áfram

Götubardagar á evrusvæðinu halda áfram

Myndskeið: Það boðar varla neitt gott þegar lögreglulið og slökkvilið berast á banaspjótum á hástrætum evrusvæðisins í París

****

STJÓRNMÁLAFLOKKAR HEILABILUNAR

Skilyrðið fyrir frjálsu lýðræði í löndum, er sjálfsákvörðunarréttur þjóða; þ.e. þjóðarstefnan. Hann er frumforsendan fyrir því að frjálst lýðræði og einstaklingsfrelsi geti skapað þær aðstæður sem halda ríkisvaldinu og þar með sérstaklega yfirríkisvaldi í skefjum. Með öðrum orðum; hverfi eða lamist sjálfsákvörðunarréttur þjóða, þá verður það hið ótakmarkaða ríkisvald sem beita þarf sífellt meira og meira. Það þýðir að svæsnara og svæsnara ofríki ríkisvaldsins verður að stjórnarfari sem á endanum verður að ofbeldi ríkisvaldsins og eina valdatækið sem hægt er að nota til halda friðinn í þjóðfélaginu og löndum saman sem ríkjum. Þetta er fyrsti og eini bókstafurinn í stafrófi þjóða; sjálfsákvörðunarrétturinn

Viðrini Viðreisnar, þ.e. vitsmunaskortsvartan sem óx yfir í æxli við altari yfirríkisdaðursins í ees-höll Sjálfstæðisflokksins, berst nú fyrir hinu ótakmarkaða ríkisvaldi sem Evrópusambandið er. Það samband tortímir sjálfsákvörðunarrétti þjóða til að koma sjálfu sér að sem ótakmörkuðu yfirríkisvaldi, sem síðan drepur frjálst lýðræði og þar með einstaklingsfrelsið og hagsældina sem af því leiðir. Viðreisn er því –eins og Samfylkingin– stjórnmálaflokkur heilabilunar, sem alls ófær er um að skilja sjálfan sig, því flokkurinn talar fyrir því sem Evrópusambandið stendur fyrir; þ.e. dauða hins frjálsa lýðræðis með því að tortíma sjálfsákvörðunarrétti íslensku þjóðarinnar. Eftirstandandi altari yfirríkisdaðursins í ees-höll Sjálfstæðisflokksins hefur hins vegar breyst í fallöxi fyrir þann ees-pakkaflokk

Hér á myndbandinu fyrir ofan sést franska lögregluliðið og franska slökkviliðið berast á banaspjótum úti á hástrætum evrusvæðisins í París á þriðjudaginn. Slík er esb-hamingjan þar. Slökkviliðsmenn berjast við lögregluna sem handhefja á lögin sem eyðileggja líf þeirra svo mikið að franskir vinstriflokkar eru að bindast böndum með stjórnmálaflokki Marine Le Pen, um að skola Evrópusambandinu og málaliðum þess í Frakklandi af höndum frönsku þjóðarinnar. Sennilega hefur aldrei eins hataður maður og Emmanuel Macron setið sem forseti Frakklands. Hatrið meðal Frakka á honum er við það að sjóða upp úr. En Macron ræður auðvitað litlu sem engu um það sem hægt er að gera í landinu, því sjálfsákvörðunarréttur Frakklands er farinn úr landi. Hið ótakmarkaða yfirríkisvald ræður för og æ styttra er því yfir í allsherjarofbeldið

Hvort það verður Frakkland, Pólland eða Ítalía sem næst brjótast út úr yfirofríkisvaldi Evrópusambandsins á eftir Bretlandi, sem fer þaðan út klukkan 23:00 annað kvöld, skal látið ósagt. En pólska ríkisstjórnin kynnti hins vegar í nóvember áætlun sína um að endur-pólska hagkerfið, því Pólland hefur ekki hugsað sér að vera láglauna-vinnuskúr fyrir Þýskaland lengur. Pólland hafði og hefur enn alls engar fyrirætlanir um að fara úr einu sovétríkinu yfir í annað

Fyrri færsla

Svínastía kommúnismans drepur Kínverja og smitar aðra

Evrópusambandið er orðið stærsti olíu-innflytjandi veraldar

Mynd Wikipedia: "Halló, er einhver heima?" Kíkt ofan í gamla Evrópusambandið. Grand Slam RAF-borverk Barnes Wallis hjá Vickers. Aðeins fjórir dagar eru eftir af dvöl Stóra-Bretland í ESB-holunni. Rekja má margt til snilligáfna Barnes Wallis

****

Ráðalaus yfirvöld í því sem kallað er "Evrópusambandið" í dag, leita nú með logandi en leyndum ljósum að olíu og jarðgasi til innflutnings, á sama tíma og skiltagerðadeildir útópíu þess hanna grænu pólitísku rétttrúnaðarskiltin sem rekin eru framan í alla þá sem spyrja til ástands orkumála þar á þrotabæ, en þó alveg sérstaklega framan í þá sem spyrja til dæmis spurningar eins þessarar; hvers vegna eru Evrópulöndin orðin stærsti innflytjandi olíu og jarðgass í heimi

Á sama tíma eru Bandaríkin orðin stærsti olíu- og jarðgasframleiðandi veraldar og eina land heimsins sem með herafla sínum (les. NATO) verndað getur innflutningsleiðir fyrir annarra landa olíu inn í lönd Evrópusambandsins. Bandaríkin eru þess utan einnig eina þjóðríki veraldar sem verndað getur sjóleiðirnar fyrir útflutning frá meginlandi Evrópu, til neytenda í öðrum löndum, og þar með til annarra-landa eftirspurnar. Meginland Evrópu er orðið algerlega háð og þar með í vösum Rússlands, Miðausturlanda og Norður-Afríku í orkumálum

Í ljósi þessa ber að skoða skortinn á utanríkisstefnu Evrópusambandslanda gagnvart Rússlandi, Íran og flóðbylgjunni frá Norður-Afríku. Og í ljósi þessa ber því að skoða ofsahræðslu landa Evrópusambandsins við heildar-utanríkisstefnu Bandaríkjanna; sem bera uppi það eina sem haldið getur ljósunum áfram logandi í Evrópu. Þar er ég að tala um Bandaríska herinn sem ber uppi nær alla hernaðargetu NATO - og alla getu til varnaraðgerða á heimsvísu

Evrópa fer af límingunum ef að Bandaríkin svo mikið sem anda á Miðausturlönd, svo ekki sé talað um að flytja bara eitt lítið sendiráð milli borga í einu litlu landi þar. Evrópa hefur nefnilega enga stjórn á örlögum sínum. Enga! Og það mun hún ekki hafa svo lengi sem Evrópusambandið er við lýði. Frá Rússlandi koma 30 prósentur af allri olíu sem lönd sambandsins nota, og enn stærra hlutfall af jarðgasi. Og einnig þar nötrar, skelfur og hristist Evrópusambandið við hvert bandarískt fótmál gagnvart Rússlandi

Evrópa getur hvorki séð sjálfri sér fyrir orku né varið innflutning hennar. Hún er algerlega í vösum annarra

Þessa stöðu má einnig sjá á brennandi logunum í sótsvörtum gluggum Valhallar, sem nýlega úthýsti hluta af fullveldi Íslands í orkumálum til einmitt evrópskra ólanda. Ekkert land og enginn stjórnmálaflokkur –með fullu viti– úthýsir fullveldi sínu til annarra landa og lifir slíkt af. Um EES-leiðsluna inn í Sjálfstæðisflokkinn flýtur því sjálfstortímingargasið, svo lengi sem flokkurinn með "fullum vilja dópistans" gerir sig háða henni; bæði andlega og líkamlega. Ég mæli því með afvötnun fyrir vonleysislið Sjálfstæðisflokksins í Valhöll. Allsgáð pólitískt líf er eina lífið sem vert er að lifa. En á meðan stórgungustétt esb-krataklúðursins er þar við völd, sem fyrsta, eina og fullkomlega ónýta slík í sögunni, þá gasast sá flokkur bara áfram í hel

Næst stærsti olíu-innflytjandi veraldar, á eftir Evrópusambandinu, er hins vegar Kína. Og á það land hins risavaxna kommúnistaflokks mega Bandaríkin því heldur ekki svo mikið sem anda, því sá andi kemur Evrópusambandinu auðvitað afar illa, því það er svo háð Kína. Með þeim augum ber að líta á utanríkisgervistefnu Evrópusambandsins –og því einnig brunarústa xD– gagnvart Kína. En það sem enn verra er fyrir Evrópu, er það, að Miðausturlöndum og Norður-Arfríku líkar enn verr við Kína en þeim líkaði við Sovétríkin og kommúnistaflokk þeirra

Staðan er því sú að Bandaríkin hafa engan áhuga á Miðausturlöndum, en Miðausturlönd hafa hins vegar ákaflega mikinn Trotský-áhuga á Bandaríkjunum. En hvers vegna ættu Bandaríkin að gæta siglingarleiða fyrir olíu frá Miðausturlöndum til Kína? Það munu þau auðvitað ekki gera mikið lengur

"Hæ hæ Miðausturlönd, við erum með miljónir múslíma í gúlagi heima í Kína og við erum komnir til að gæta skipaferða með olíu, svo halda megi gúlaginu gangandi" - Xi Jinping kommúnisti (með Lenínvindil)

Evrópusambandið og Kína eru stærstu kúnnar Miðausturlanda, en með bara alls alls enga getu til að gæta hagsmuna sinna þar. Hvað gerist næst? Jú Stóra-Bretland yfirgefur Evrópusambandið eftir fjóra daga - og svo koll af kolli

Fyrri færsla

Gæti Brexit sært VC10-drottningu háloftanna fram á ný?

Verður þetta Skotland sjálfstætt?

Mynd, Wikipedia: niðurstaðan úr síðustu þjóðaratkvæðagreiðslu Skotlands um sjálfstæði, sem fór fram undir þeim formerkjum árið 2014 að engin önnur slík kæmi á dögum núlifandi kynslóða. Niðurstaðan varð nei. Myndin sýnir niðurstöðuna á myndrænan hátt eftir umdæmum. "Við viljum ekki", sögðu Skotar um allt land, nema náttúrlega hin nýlega grænmálaða bréfalúga-101 í Glasgow

****

Eins og myndin hér að ofan sýnir, er það aðeins 101-paprikufélag menntamanna í Glasgow sem heimtar að fá umráðarétt yfir öllu Skotlandi, svo að viðurstyggðarfélag það geti hent því inn í þrotabú Evrópusambandsins og framið endalegt sjálfsmorð á landinu sínu Skotlandi. Um er að ræða geopólitískan skollaleik, sem Evrópusambandið hottar áfram og ýtir undir

Nú er öllum að verða ljóst stærsta fjármálamiðstöð veraldar, sú breska, mun ekki sækjast eftir neinu nema í mesta lagi minniháttar viðskiptasamkomulagi við Evrópusambandið, því að bæði stjórnvöldum landsins og sjálfum fjármálageiranum er ljóst, að víðtækur viðskiptasamningar við Evrópusambandið myndi drepa þann geira og ræna frá honum hinu allra-heilagasta; þ.e. sjálfstæðinu (eins og gerðist í EES), sbr. nýleg ummæli Englandsbankastjóra

Öllum er orðið ljóst að sá mikilvægi geiri mun ekki lifa það af að úthýsa laga- og regluverki sínu til sköpunar- og ákvarðanatöku í útlöndum, eins og Sjálfstæðisflokkurinn sá um að fremja hér heima á raforkukerfi- og gagna- og persónuupplýsingavörnum Íslendinga, sem er hið fullkomna misfóstur í dag, enda um sovéskt fyrirkomulag að ræða

Sjálfstæðisflokkurinn er því sennilega búinn að grafa sína eigin gröf, og reynir að taka allt Ísland með sér í fallinu. Það var þetta sem drap íslenska bankakerfið; þ.e. að laga og regluverki þess var úthýst til bjánaveldis í skeinispappírslandi Brussels

Boris Johnson hefur það um bröltið í 101-Glasgow að segja, að Bretar samþykktu á sínum tíma að Skotland yrði hluti af Bretlandi. En þar sem enginn Skoti nema paprikuelítan í Glasgow vill fara, þá mun Skotland ekki verða sjálfstætt ríki. En fari það hins vegar, þá verður Skotland áfram ósjálfstætt ríki því borgararnir vilja ekki fara. Sjálfstæði þjóða snýst ekki um það hvort að einhver gefi því grænt ljós eða ekki. Þjóðir taka sér sjálfstæði og berjast oftast fyrir því með vopnum, sé þjóðarsamstaðan bjargið sem byggja á sjálfstæði landsins á. Enginn Skoti mun vígbúast, nema þá helst gegn 101-paprikunum í Glasgow. Þannig mun landið liggja um alla framtíð fari Skotland út Bretlandi; það verður nýtt Norður-Írland, þar sem hryðjuverk verða stærsta útflutningsvara paprikufélagsins í Glasgow

Samkvæmt hugmyndafræði paprikufélagsins í Glasgow, þá gætu Hjaltlandseyjar og Orkneyjar sagt sig úr Skotlandi og lýst yfir sjálfstæði og síðan gengið í Ísland, og þar með búið til særstu landhelgi jarðar. Svona svipað og Tyrkland og systurklofningurinn í Líbýu eru að gera í dag. Þetta yrði auðvitað uppskriftin að hinum "eilífa friði" hins heilsteypta skrifborðspáfaveldis, alveg eins og í ESB, ekki satt. Svo kæmi út ný evra, undir nafninu lirfa

En kannski er besta hugmyndin sú að Glasgow-elítan mæti á borgarstjórnarfund hjá gorgonsólaveldi Samfylkingarinnar í Austur-Berlín Reykjavíkurborgar, því þar á borðum liggur uppdrátturinn að sjálfu Borgríki Reykjavíkur –hvorki meira né minna– og sem ræddur hefur verið á fundum þar. Loftbrúin til Vestur-Berlínar 1948 gekk nefnilega svo vel

Fyrri færsla

Kommaklúbburinn vill miðstýrt Ísland

Hvað sagði Trump í dag?

Frá vefsíðu Hvíta hússins á YouTube

****

Fyrst að DDRÚV ríkisfjölmiðill vinstrimanna treysti sér ekki til að segja frá því sem er að gerast í heiminum í dag, þá er hér sú ræða sem forseti Bandaríkjanna flutti í morgun, eftir að Íran skaut 15 skotflaugum á bandarísk skotmörk í Írak í gærkvöldi

Vert er að vekja athygli á því að skotflaug (e. ballistic-missile) er ekki það sama og eldflaug. Skotflaugar fljúga að mestu eftir fyrirfram ákveðinni braut og halda sig á henni með aðstoð leiðréttingarbúnaðs. Þeim svipar til byssukúlu. Eldflaugum er hins vegar hægt að stýra

En með því að skjóta 15 skotflaugum og hitta nokkuð vel í mark, en samt ekki um of, sýndi Íran að það er í standi til að hæfa fjarlæg skotmörk af mikilli nákvæmni og að koma miklu magni af eyðileggingarafli á fyrirfram ákveðinn áfangastað. Skotflaugar Írans ná til Evrópu og þær eru með norður-kóreanska tækni innanborðs. En sérstaklega ná þær vel til skotmarka í Ísrael

Íran kaus að nota ekki þau erlendu landsvæði sem eru á valdi þess, sem skotstöðvar. Skotið var beint frá Íran og þar með var ákveðið að gera skotstöðvarnar sýnilegar til þess að ögra Bandaríkjunum til andsvara, sem Donald Trump ákvað að gera ekki

Hvort að Miðausturlönd séu enn miðja einhvers, er vandséð á viðbrögðum markaða. Olíuverð er á ný komið niður í það sem það var um áramótin. Og eftir ræðu Trumps í dag ákváðu þeir að halda upp á aðgerðir og viðbrögð bandaríska forsetans með því að segja skál og fara í allra hæstu hæðir - og Bandaríkjadalur styrktist og olíuverð féll. DXY er vísitala Bandaríkjadals. BRN er Brenthráolían. Og CL er WTI-Texashráolían

Það sem uppúr stendur er það, að frá og með nú eru Miðausturlönd fyrst og fremst miðja vandamála fyrir meginland Evrópu (og jafnvel Asíu). Þau eru ekki lengur miðja vandamála fyrir Bandaríkin. Hið sama gildir um tolla. Þeir eru fyrst og fremst vandamál hinna útflutningsháðu ríkja veraldar, hvort sem um vörur eða byltingar er að ræða. Íran er stærsti útflytjandi íslamískrar byltingar í heiminum, og líf klerkaveldisins veltur á þeim útflutningi. Hann er skær terror eins og einnig var í tilfelli byltingarútflutnings Sovétríkjanna. Trump herti því enn frekar útflutningstollana á byltingarafurð klerkaveldisins í dag

Donald Trump sagði að svo lengi sem hann væri forseti Bandaríkjanna myndi Íran ekki koma sér upp kjarnorkuvopnum. Það erindi Bandaríkjanna er fyrst og fremst við Íran, og það krefst ekki fastrar viðurvistar Bandaríkjanna í heimshlutanum, því þau geta lagt það prógramm allt í rúst úr fjarlægð, og nú án þess að efnahagslíf Bandaríkjanna sé tekið í gíslingu vegna olíuhagsmuna

Fyrri færslur

Missir af Jóni Val Jenssyni

Enginn talar um ESB í Stóra-Bretlandi lengur 

Enginn talar um ESB í Stóra-Bretlandi lengur

Mynd WSJ DS 2019; Þáttur hráolíu við framleiðslu á landsframleiðslu Bandaríkjanna. VLF (GDP) => fyrirtæki landsins framleiða landsframleiðsluna og neytendur neyta hennar og þess sem ekki er neytt innanlands er flutt út (12 prósent í tilfelli Bandaríkjanna og helmingur þess fer til Kanada og Mexíkó) eða sparað upp. Hér má sjá hráolíuútflutning Bandaríkjanna frá 1920. Bandaríkin eru orðin stærsti olíuframleiðandi veraldar og eru um þessar mundir að verða nettóútflytjandi af hráolíu

****

Taflan er þurrkuð hrein í Bretlandi. Það eina sem stendur á henni eftir kosningasigur Borisar Johnsons í desember, er breski Íhaldsflokkurinn næstu 10 árin, og endalok 45 ára innri sundrungar og hnignunar í landinu á niðurlægingartímabili Bretlands í Evrópusambandinu í 45 ár. Niðurlægingartímabil þar sem landið var tætt í sundur að innan, misskipting varð landlæg, hroki ESB-elíta varð höfuðborgarplága og lífið gert súrt fyrir hinn almenna borgara, og landsbyggðin lögð í rúst

Enginn þingmaður stjórnarandstöðunnar í Bretlandi né neinn annar talar um og fyrir ESB-aðild og enn síður um EES lengur. Enginn. Allir vita að slíkt er dauðadómur fyrir þá sjálfa og flokk þeirra

Á þessu ári mun Stóra-Bretland gera samninga um stóraukin viðskipti og samvinnu við fyrrum nýlendur þess í Bandaríkjum Norður Ameríku og í Samveldislöndunum. Sem eitt af helstu innflutningslöndum veraldar ásamt Bandaríkjunum, mun þessi samvinna kreista safann úr þeim löndum heimsins sem hve mest eru háð útflutningi; Þýskaland er þar númer eitt ásamt Kína, ýmsum Asíulöndum og Rússlandi. Þessi lönd verða kreist eins og sítróna. Við kaupum ekkert af ykkur nema að því tilskyldu að þið, en ekki við, gerið svona og svona. Þýskaland sækir helming landsframleiðslu þess hjá neytendum erlendis, því það sjálft er svo gott sem búið að vera að innan. Það getur ekki búið til eftirspurn í sínu eigin hagkerfi lengur

Evrópusambandið er þegar fallið svipað og OPEC hefur misst öll völd. Þær fimm prósent verðhækkanir á hráolíu sem urðu í kjölfar atburða síðustu daga í Miðausturlöndum, hafa ekki komið fram á bensínstöðvum í Bandaríkjunum. Þar kostar enn nánast ekkert, miðað við sovétríkið hér heima og ESB-líkhúsin í Evrópu, að fylla tankinn og skoða sig um á Vesturhveli jaðrar, eða bara að fara í vinnuna. Það er aðeins í sovéskum hagkerfum Evrópu að heiladauður Stalín stendur við dæluna og skammtar áhrifalausum peðum sínum hina þekktu rauðu lífshamingju í skattagúlaginu, þar sem ekkert fæst fyrir þá peninga sem hann trylltur tætir úr launaumslagi peðanna

Five-Eyes enskumælandi viðskiptasamband Bretlands, Bandaríkjanna, Kanada, Ástralíu og Nýja Sjálands verður tvöfalt stærra en Evrópusambandið, eða tæplega 30 billjón dalir, og þar verður ekki eitt hár á fullveldi og sjálfstæði landanna skert í nafni viðskipta og hagsældar. Þvert á móti - og engum nema ESB-heilabiluðum manni myndi detta slíkt viðskiptasamband í hug

Fyrri færsla

Krakka-krakkfréttir DDRÚV um stöðu heimsmála

Krakka-krakkfréttir DDRÚV um stöðu heimsmála

Skattpíndur landsins lýður, sem útbreitt og gegn vilja sínum, látinn er greiða stórar summur fjár til þess að halda megi íslensku þjóðinni í greipum eins konar vitsveltandi vinstrimafíu DDRÚV, sem fáir nema áhangendur gömlu Sovétríkjanna kjósa, og hvers áframhaldandi tilvist krefst nýbyggingu heils nýs frétta-sovétríkis í kringum sig á Íslandi –samkvæmt hugmyndum hálfsovéskrar Framsóknarlilju í kringum kjósendur, sem flestir vilja ekki kjósa hana– já, þá fékk sá lýður í gær þau algóðu og hindurvitnandi tass-sannindi úr DDRÚV-fréttasovétríkinu á jötunni, að þingið, já þingið í Írak hefði "samþykkt" að gera Bandaríkjaher "útlægan" úr Írak

Það svo kallaða þing, sem er tímabundið gerviþing sjía-múslíma, vegna þess að Kataib Hezbollah herklíkan sem er bandamaður Quds-herliðsins sem réðst á bandaríska sendiráðið í Bagdað í síðustu viku, hótaði þeim sem kysu gegn henni í þessu máli, öllu illu. Kúrdar mættu ekki til atkvæðagreiðslu og flestir súnní-múslímar létu ekki sjá sig. Atkvæðagreiðslan rétt marði það, og hún var algjörlega óbindandi. Hún fór fram undir til bráðabirgða-sitjandi forsætrisráðherra sem lofað hefur kosningum, svo reyna megi að reisa þingið við því það missti lögmæti sitt í augum borgaranna í fyrra

Þessi atkvæðagreiðsla hefur því ekki neina aðra merkingu en þúsund fréttatímar DDRÚV hafa gegn Samherja, gegn Íslandi, gegn SDG, gegn xD, gegn fullveldi Íslands og þjóðfrelsi okkar Íslendinga, sem DDRÚV virðist fyrirlíta allra mest. Þetta er ógnvekjandi og stjórnarfarslega óverjandi hálf sovésk staða fyrir okkur Íslendinga á 21. öld

Allir minnihlutar Íraks styðja áframhaldandi veru Bandaríkjahers í landinu og þeir eru að minnsta kosti álíka margir og allir sjíta-múslímar í Írak. Bandaríkin eru með fimm þúsund manna herlið í landinu í þágu Íraks og Bandaríkjanna, sem nánast einsömul hafa svarað því stríði sem múslímar lýstu á hendur þeim og öllum Vesturlöndum. Bandaríkin ein hafa staðið á múrnum gegn þessum öflum í næstum 20 ár. Án þeirra væri dauðvona Evrópa í enn verra ásigkomulagi en hún er núna. En þar í álfu ræður tómhyggjan næstum ein ríkjum, allar götur frá því að Evrópusambandið eitraði fyrir álfunni með nýju nýlenduvaldi á heimavelli, því álfan komst ekki lengur út í heim og varð því að láta sér heimanýlendurnar nægja

Það sætir furðu að talað sé um morð þegar einkennisklæddur yfirmaður hryðjuverkasveita þess ríkis sem lýst hefur heilögu stríði á hendur Bandaríkjunum og síendurtekið hótar að þurrka út heilt ríki í nánasta nágrenni þess, er drepinn þar sem hann mátti ekki vera. Já, hinn íranski ríkishryðjuverkamaður var að störfum í Írak. Og samkvæmt samþykkt Öryggisráðs S.þ frá 2007; þ.e. samkvæmt svo kölluðum "alþjóðalögum", var vera hans í Írak algerlega "ólögleg". Hefði hann og hryðjuverkaríkisstjórn hans í Teheran hlýtt þeim lögum, þá væri hryðjuverkahershöfðinginn enn á lífi í dag. En ekki væri það þó betra

Allir vita að án aðstoðar, styrks og getu Bandaríkjahers hefði ekki verið hægt að ráða niðurlögum ISIS og taka Mosul

Bandaríkin munu varla binda sig niður í þessu nánast eilífðar-vandræðasvæði veraldar mikið lengur. Það besta sem þau gerðu væri sennilega að selja báðum aðilum nóg af vopnum þannig að þeir geti gegnið frá sér sjálfir. En þar sem Kína er algerlega háð olíu frá þessum heimshluta þá er aldrei að vita hvað gerist næst, og sérstaklega ekki eftir að Tyrkland, sem sparað hefur saman ferskum kröftum í veraldarhyggju-dulbúningi þess í hundrað ár, er komið út úr skápnum og mætt með ferska krafta sína til leiks. Kannski leysir Tyrkland Vesturlönd af í þessum heimshluta, það skyldi þó ekki vera?

Klessuverk tveggja vesalinga liggur nú sem rúin rúst á tómum borðum líberalismans. Prinsippfast raunsæi tók þá klessu af lífi (PDF). Hér er átt við "kjarnorku-samkomulagið" sem Evrópusambandið og Barack Obama gerðu við klerkaveldi hryðjuverkanna í Íran. Teheran henti því nefnilega í hakkavélina í gær og gáfu heilabú beggja líberalista í því sig svo hratt, að í  Berlín stakkst tunga út um glugga, sem Mike Pompeo sá um leið og sagði að væri sótsvört. Tungur Bretlands og Frakklands voru hins vegar ekki þannig er þær sýndu sig opinberlega í gær. Þær tóku að mestu undir með aðgerðum forseta Bandaríkjanna. Jafnvel þeir sem oft eru kallaðir "flestir" virðast sammála um að frekari viðskilnaður við Bandaríkin í Evrópu, þýði rússneskan náðarfaðm

En það er þangað sem Þýskaland virðist stefna. Þess vegna er það að verða mjög svo mörgum manninum ljóst, að Nord-stream-2 gasleiðslan frá Rússlandi til Þýskalands mun aldrei komast í gagnið, nema þá helst til að dæla einhverju öfugt í gegnum hana. Þess vegna er tungan sem ullar í Berlín svona svört. Þýskaland er orðið sér á þóftu og einsamalt á þeim báti, enda snérist það mál eingöngu um Þýskaland-fyrst stefnu Berlínar á kostnað allra annarra sem njörvaðir eru fastir við það í ESB og evru, með lögum og reglum Evrópusambandsins, sem Þýskaland að mestu er með í rassvösum sínum (sjá til dæmis orkupakka 3). Massífar refsiaðgerðir bíða Þýskalands haldi þýska ríkisstjórnin NS2 firrunni til streitu

Eins og ég varaði við hér; þá er nýtt og hættulegt ár þegar hafið

Fyrri færsla

Nýtt Tyrkjaveldi sjósett

Nýtt Tyrkjaveldi sjósett

 MYND ÚR VERULEIKA

Mynd; DoD DVIDSHUB birt 1. janúar 2020: Bandarískur hermaður gætir sendiráðsstarfsmanna Bandaríkjanna í Bagdad. Og nú vita leiðtogaráðsvinir Írans í Norður-Kóreu hvers þeir mega vænta að fá í hausinn eftir að Soleimani hershöfðingi og leiðtogi árásar Írans á einmitt þetta sendiráð og víðar fékk brottfararleyfi í gær; sem bandaríska varnarmálaráðuneytið útskýrir hér

TYRKJATAKA TVÖ

Sé einhverstaðar til þjóð sem þekkir flókna stöðu og lifir í flókinni stöðu, þá hljóta það að vera Tyrkir. Og nú skulum við taka okkur á og tala um það sem er að gerast í stað þess sem við viljum að gerist. Það sem hjálpar okkur einna mest í þannig greiningu er að við höfum hvergi áhrif og því engu að tapa. Við getum sagt það sem okkur sýnist, því við höfum ekkert embætti að missa. Það er kostur

Byrja: Tyrkland hefur ákveðið að senda stórt herlið inn í Líbýu, sem er 17 sinnum stærra land en Ísland. Líbýa liggur í Norður-Afríku, eða réttara sagt, í syðsta hluta fyrrum heimsvelda Evrópu. Mannfjöldi er tæplega sjö milljón manns. Líbýa á mikla olíu hér og nú, og án olíu verður ekkert nýtt Tyrkjaveldi byggt

Borgarastyrjöld geisar í Líbýu. Hún er númer tvö síðan 2011 og Rússar styðja þann hluta sem berst við hlutann sem Tyrkland slæst nú í lið með. Stutt framhjáhald Tyrkja með Rússlandi er því að enda, eins og búast mátti við. Bandalag Tyrkja og Bandaríkjanna undir fána NATO er því sennilega komið í endurreisnarferli, þökk sé meðal annars visku og þolinmæði Trumps

Tyrkland sjálft á ekki mikla olíu núna, heldur síðar. En það mun sennilega breytast núna, því þvert yfir sæ austurhluta Miðjarðarhafs hafa Tyrkland og Líbýa lagt saman efnahagslegar lögsögur sínar, þannig að úr verði ein lögsaga, þar sem þær mætast. Þetta belti þvert yfir Austur-Miðjarðarhaf kemur við margt annað á leiðinni og mun því valda miklum deilum. Talið er að Líbýa eigi stærsta olíuforða Afríkuríkja og þann tíunda stærsta í heimi. Bandalög hafa því nú þegar myndast við þessa þróun mála: a) bandalag Tyrkja og GNA-hluta Líbýu – og hins vegar b) bandalag Grikkja, Ísraelsmanna, Egypta, Kýpur og LNA-hluta Líbýu, sem Rússar styðja. Stuðning Tyrkja við GNA-hluta Líbýu ber að skoða í ljósi olíuforðans sem getur aðstoðað Tyrkland við að skáka Sádi-Arabíu, Egyptum og Rússum

Nýtt Tyrkjaveldi mun vaxa svona:

• Það mun beina vaxandi völdum þess í norðvestur, upp Balkanskaga

• Það mun beina vaxandi völdum beint norður og upp Svartahaf

• Það mun beina vaxandi völdum í norðaustur, inn í Lág,- og Há-Kákasus

• Það mun beina vaxandi völdum inn í allan hinn arabíska heim

• Það mun beita völdum sínum á Miðjarðarhafi

• Og það mun líklega finna einhverja pólitíska fótfestu í einhverju norðurstrandarríki þar

Hvar Frakkland mun koma þarna inn er óvíst enn. En Frakkland er eina landið á meginlandi Evrópu sem er bæði Norður-Atlantshafs,- og Miðjarðarhafsland í einu og sama ríkinu. Sú sérstaða mótar stjórnmálin í París á allt annan hátt en þau mótast í Ný-Berlín og gervihnattalöndunum á sporbraut um hana. Frakkland er mun meira ClubMed-ríki (Miðjarðarhafsríki) en það vill láta uppi og viðurkenna, og það mun spila inn í samskiptum þess við ESBRÚSTIR og NATO. En þarna hafa Frakkar enn sem komið er ekki látið mikið uppi og vita sennilega ekki enn hvað þeir eiga að hugsa, því staða Tyrklands í heiminum hefur breyst svo hratt

Bretland á einnig mikilla hagsmuna að gæta við Miðjarðarhaf. Stóra-Bretland hefur ávallt annast og viðhaldið samskipum þess við meginland Evrópu með því að bora í það til að splitta því, og koma þannig í veg fyrir að veldi sem skákað gæti Stóra-Bretlandi næði að myndast; þ.e. að brjóta skipasmíðastöðvar þannig fyrirbæra í spón áður en þau gætu myndast og sett fley sín í sjó

Þarna sýna Bandaríkin skýrt hversu vel þau strategískt eru í sjó sett. Þarna munu þau sennilega halda áfram að gera það sem þau gera best í aðdraganda stórflugeldasýninga: þ.e. að aðhafast lítið sem ekkert, enda eiga þau meira en nóg af olíu og orku sjálf og gott betur en það. Þau munu því að líkindum einbeita sér við byggja sig upp að innan eftir úthýsingarrugl næstum alls á síðustu 30 árum, og að herða þannig stórstálið gamla svo að það sé einn risavaxinn rass sem sest á stöðuna á réttum tíma, smellir handjárnunum á og þvingar fram niðurstöðu og kemur nýju valdajafnvægi á – eins og síðast og þar síðast líka. Þetta er bæði meðvituð en þó mest ómeðvituð sjálfstýring í utanríkisstefnu Bandaríkjanna. Þingheimur og sjálfur forseti þar er bæði meðvitaður en á sama tíma ómeðvitaður um þetta ósjálfráða taugakerfi sitt. Það er að langsamlega mestu leyti innaná-liggjandi, en ekki utanáliggjandi eins og það er í víti meginlands Evrópu, þar sem einn skór sem engum passar trampar á utanáliggjandi tugar hinna, við hvert einasta skref. Ópassandi skór ríkja sem eru svo útflutningaháð, að bara einn erlendur kúnni á borð við Bandaríkin er næstum nóg til að loka þeim niður

Hænufet í þessari þróun er hér með tekið. Hvert það leiðir Tyrkland er þó ekki vitað enn. Taka ber því þessum vangaveltum mínum sem vangaveltum aðeins. Þetta er það sem ég tel líklegt að geti gerst, og á lítið skylt við persónulegar óskir mínar

Heimurinn er ofboðslega stór og yfirþyrmandi flókinn. Hann er risavaxinn - og hann á lítið skylt við óskir útópískt-firrtra og umhverfðra kjána í ríkisstjórn Íslands þessi árin. Þar vaxa grænir bananar núna

Tengt

Hættulegt ár að byrja, frá og með nú

Fyrri færsla

Hlægilegar áramótatölur

Trump skorar hæst í Þýskalandi

Virðing Þjóðverja fyrir Donald J. Trump forseta Bandaríkjanna vex nú með degi hverjum. Svo mikla og óttablandna virðingu bera Þjóðverjar fyrir bandaríska forsetanum, að þeir segja að engin ógn í heiminum sé stærri en einmitt hann. Og eins og flestir vita þá bera Þjóðverjar ekki mikla virðingu fyrir þeim sem ekkert er að óttast frá. Þannig ypptu þýsk stjórnvöld bara þeim öxlum sem Bandaríkin höfðu gefið landinu þeirra er þessi hér orð manns í Hvítu húsi vestanhafs voru sögð:

"Having been turned down by the U.S. and U.K. on the directorate, de Gaulle turned to Germany. This helps to keep Germany from looking to the Russians." - og það er meira -

"One effort we must make", the President continued, "is to seek to prevent European states from taking actions which make our balance of payments problem worse. For example, we maintain large forces in Germany. We must firmly oppose West Germany if it increases its agricultural production to our detriment. We have not yet reached the point of wheat against troops but we cannot continue to pay for the military protection of Europe while the NATO states are not paying their fair share and living off the "fat of the land." We have been very generous to Europe and it is now time for us to look out for ourselves, knowing full well that the Europeans will not do anything for us simply because we have in the past helped them.

– John F. Kennedy 22. janúar 1963 (hér) 

Og það var eins og við manninn mælt; Þjóðverjar hafa snúið sér til Rússa, því að sá maður sem í Hvítu húsi situr núna, er einmitt maðurinn sem Þjóðverjar loksins óttast. Staðfesting á því var birt á jóladag í könnun sem þýska DPA-fréttastofan lét gera fyrir sig. Þar segja 41 prósent Þjóðverja að Donald Trump, forseti Bandaríkjanna, sé hættulegri en Vladímír Pútín, og líka hættulegri en Kim Jong-un og Xi Jinping, sem eru leiðtogar alræðisstjórnar kommúnista í Norður-Kóreu og Kína. Fyrir aðeins nokkrum vikum fyrirskipaði Xi Jinping forseti Kína húskarli sínum Kim Jong-un í Norðrinu að hefja á ný eldflaugaskot, því að forseta Kína vantaði eitthvað sem hann þættist geta sagt Donald Trump að einungis hann, einn og sjálfur, gæti gert fyrir hann; þ.e. að stöðva það sem hann setti húskarl sinn til að setja í gang. Og næstum allir vita hvað það er; meira að segja Trump líka; og frá og með nú; þú líka

ELDVEGG TAKK!

Þjóðverjar Björns og Bjarna eru því að leita til Rússlands eftir nýjum niðurgreiðslum í varnarmálum núna. Talsmaður svo kallaðs kanslara Þýskalands, þ.e. Angelu Merkels, segir því að Þýskaland verði að byggja "eldvegg" til að einangra Bandaríkin frá því sem þýsk stjórnvöld segja að sé Evrópa núna; les. að Evrópusambandið (og EES-lönd?) í vösum Þýskalands einangri sig frá hinum frjálsa heimi. Þýsk stjórnvöld segja að þetta verði að gerast svo að Trump geti ekki stöðvað Nord-Stream-2 hárlagningu Merkels hjá frisør Pútín. Þýskir benda á að Pútín Rússlandsforseti sé kominn með greiðslumiðlun (ekki hár) sem Bandaríkin hafi engan séns á að tilstoppa né snerta. Um er að ræða banka- og greiðslukerfi milli Kína og Rússlands (og Írans?), sem snertir Bandaríkin hvergi. Nema náttúrlega að kínverskum kommúnistum sé alveg sama um China National Petroleum Corp, sem skráð er í gegnum kínverskan banka á kauphöllina í Nýju Jórvík; þ.e. New York Stock Exchange. Kínverskir bankar hafa nefnilega neyðst til að stöðva greiðslur til Klerkaveldisins í Íran, því annars kemur Donald Trump og sér persónulega um afskráningu hins kínverska þjóðarolíufélags kommúnista, með tandurhreinni ánægju. Virðist því ekki að um neinn Jimmy-Stewart-forsetaling sé þar að ræða ja

"Europe (hvaða Evrópa?; GR) needs new instruments to be able to defend itself from licentious extraterritorial sanctions" - tísti Niels Annen aðstoðarutanríkisráðherra (?) Þýskalands í síðustu viku

Á þennan eldvegg hafa vofur Sjálfstæðisflokksins nú hengt allar þær innistæður sem þær þykjast eiga hjá þeim fáu kjósendum flokksins sem eftir eru; miðað við alla liðna Íslandstíma hans

LOKSINS, LOKSINS!

Hér eru kannski gífurleg tækifæri að opnast fyrir Rússland. Það gæti nefnilega boðið fyrirtækjum veraldar upp á að þjónusta þau með rússnesku réttarfari (hvorki meira né minna!) á hinu alþjóðlega milliríkjasviði, og fært þeim alþjóðlega rússneska fjármálaþjónustu undir vernd rússneskra viðskiptadómstóla. Allir hljóta að sjá að þarna eru ofboðsleg tækifæri að opnast fyrir Vladímír Pútín og ríkisstjórn hans, með rússneskt réttarfar sem helstu útflutningsvöru landsins. Kúnnarnir myndu bókstaflega sturtast að. Jafnvel Evrópusambandið gæti orðið kúnni með aðstoð hins nýja Stór-Þýskalands. Hver veit, og látið hann hafa evruna uppí

"This helps to keep Germany from looking to the Russians." - JFK

Kannski að algóður Kennedy sem Þjóðverjar óttuðust því ekki, hafi þrátt fyrir allt haft rétt fyrir sér, og að Donald J. Trump viti það jafnvel manna best

Fyrri færsla

Hvað segir ástralska veðurstofan?