Götubardagar á evrusvæðinu halda áfram

Myndskeið: Það boðar varla neitt gott þegar lögreglulið og slökkvilið berast á banaspjótum á hástrætum evrusvæðisins í París

****

STJÓRNMÁLAFLOKKAR HEILABILUNAR

Skilyrðið fyrir frjálsu lýðræði í löndum, er sjálfsákvörðunarréttur þjóða; þ.e. þjóðarstefnan. Hann er frumforsendan fyrir því að frjálst lýðræði og einstaklingsfrelsi geti skapað þær aðstæður sem halda ríkisvaldinu og þar með sérstaklega yfirríkisvaldi í skefjum. Með öðrum orðum; hverfi eða lamist sjálfsákvörðunarréttur þjóða, þá verður það hið ótakmarkaða ríkisvald sem beita þarf sífellt meira og meira. Það þýðir að svæsnara og svæsnara ofríki ríkisvaldsins verður að stjórnarfari sem á endanum verður að ofbeldi ríkisvaldsins og eina valdatækið sem hægt er að nota til halda friðinn í þjóðfélaginu og löndum saman sem ríkjum. Þetta er fyrsti og eini bókstafurinn í stafrófi þjóða; sjálfsákvörðunarrétturinn

Viðrini Viðreisnar, þ.e. vitsmunaskortsvartan sem óx yfir í æxli við altari yfirríkisdaðursins í ees-höll Sjálfstæðisflokksins, berst nú fyrir hinu ótakmarkaða ríkisvaldi sem Evrópusambandið er. Það samband tortímir sjálfsákvörðunarrétti þjóða til að koma sjálfu sér að sem ótakmörkuðu yfirríkisvaldi, sem síðan drepur frjálst lýðræði og þar með einstaklingsfrelsið og hagsældina sem af því leiðir. Viðreisn er því –eins og Samfylkingin– stjórnmálaflokkur heilabilunar, sem alls ófær er um að skilja sjálfan sig, því flokkurinn talar fyrir því sem Evrópusambandið stendur fyrir; þ.e. dauða hins frjálsa lýðræðis með því að tortíma sjálfsákvörðunarrétti íslensku þjóðarinnar. Eftirstandandi altari yfirríkisdaðursins í ees-höll Sjálfstæðisflokksins hefur hins vegar breyst í fallöxi fyrir þann ees-pakkaflokk

Hér á myndbandinu fyrir ofan sést franska lögregluliðið og franska slökkviliðið berast á banaspjótum úti á hástrætum evrusvæðisins í París á þriðjudaginn. Slík er esb-hamingjan þar. Slökkviliðsmenn berjast við lögregluna sem handhefja á lögin sem eyðileggja líf þeirra svo mikið að franskir vinstriflokkar eru að bindast böndum með stjórnmálaflokki Marine Le Pen, um að skola Evrópusambandinu og málaliðum þess í Frakklandi af höndum frönsku þjóðarinnar. Sennilega hefur aldrei eins hataður maður og Emmanuel Macron setið sem forseti Frakklands. Hatrið meðal Frakka á honum er við það að sjóða upp úr. En Macron ræður auðvitað litlu sem engu um það sem hægt er að gera í landinu, því sjálfsákvörðunarréttur Frakklands er farinn úr landi. Hið ótakmarkaða yfirríkisvald ræður för og æ styttra er því yfir í allsherjarofbeldið

Hvort það verður Frakkland, Pólland eða Ítalía sem næst brjótast út úr yfirofríkisvaldi Evrópusambandsins á eftir Bretlandi, sem fer þaðan út klukkan 23:00 annað kvöld, skal látið ósagt. En pólska ríkisstjórnin kynnti hins vegar í nóvember áætlun sína um að endur-pólska hagkerfið, því Pólland hefur ekki hugsað sér að vera láglauna-vinnuskúr fyrir Þýskaland lengur. Pólland hafði og hefur enn alls engar fyrirætlanir um að fara úr einu sovétríkinu yfir í annað

Fyrri færsla

Svínastía kommúnismans drepur Kínverja og smitar aðra

Athugasemdir

[Gunnar Rögnvaldsson, 30.1.2020 kl. 14:27]

Boris Johnson forsætisráðherra hins nýfullvalda Stóra-Bretlands annað kvöld, hefur sagt að hann muni frekar kjósa tolla og tafir við landamæri vegna tollgæslu gagnvart ESB-löndum, en milliríkjaviðskipti við ESB sem byggjast á því að Bretland sé að nokkru leyti sett undir löggjöf Evrópusambandsins og stofnana þess. Frekar tafir og pappíra, en að láta aftur af hendi eitt hár af fullveldi Bretlands yfir til ESB.

Það verður á þessum nótum sem breska ríkisstjórnin sest að samningaborðinu með Michel Barnier sem eyðilagði allt fyrir ESB við samningaborðið síðast.

Boris Johnson veit eins vel og aðrir menn með viti, að hinn svo kallaði "innri markaður" Evrópusambandsins var og er tálsýn sem í besta falli aldrei mun innihalda neitt umfram það að vera ekki á honum.

Sem sagt; samningsmarkmið Bretlands er ekki lengur það sem kallað er "hnökralaus viðskipti" við Evrópusambandið (e. frictionless trade). Það samningsmarkmið er horfið.

Eftir sitja Brussel, Berlín og París og skilja enn ekkert í því hvað gerst hefur í Bretlandi frá og með sumrinu 2016. Og enn síður skilur það lið hvað gerðist þann 12. desember síðastliðinn.

[Gunnar Heiðarsson, 30.1.2020 kl. 20:33]

Það væri nú munur fyrir Macron ef blessaður Evrópuherinn hans væri kominn til starfa. Þá þyrfti hann ekki að borga lögreglunni laun fyrir að lúskra á skrílnum!

[Gunnar Rögnvaldsson, 30.1.2020 kl. 21:01]

Þakka þér fyrir Gunnar nafni.

Já það er nú það. Ansi hræddur er ég nú um, að um engan ESB-her verði nokkru sinni að ræða, því enginn þar á bæ vill borga fyrir hann. Allra síst Þýskaland, að minnsta kosti, því það fær vanþróunarlandaaðstoð í varnarmálum ókeypis frá Bandaríkjunum. Og ekki verður Bretland til staðar til að taka að sér að gleypa þann reikning, þannig að hann myndi þá lenda á Frakklandi, sem getur ekki borgað hann, að minnsta kosti ekki fyrr en eftir tvær til þrjár borgarastyrjaldir þar í landi - ásamt í  flestum öðrum ríkjum ESB líka.

Það kom út skýrsla frá þýska varnarmálaráðuneytinu á þriðjudaginn sem hreint út sagt segir að Þýskaland geti ekki einu sinni tekið þátt í hraðvarðarsveitum NATO (e. NATO Readiness Initiative), því þýski herinn sé ekki í stakk búinn til neins slíks. Skýrslunni má hlaða niður frá vefsvæði þýska sambandsþingsins, þar sem frú kanslari Ímat Úrmat veit ekki hvort hún er að koma eða fara, en er samt pólitískt yfirhöfuð landsins.

Þetta er sundurlemjandi lesning fyrir alla, en sérstaklega fyrir þá vestan Atlantsála, sem verja og niðurgreiða varnir hins sjálfshjálparvana Þýskalands;

PDF => Unterrichtung durch den Wehrbeauftragten; Jahresbericht 2019

Góðar kveðjur

[Gunnar Rögnvaldsson, 31.1.2020 kl. 07:45]

Föstudagur, 31. janúar 2020 kl. 07:45:24

Það er yndislegt að lesa leiðara Morgunblaðsins í dag.

Nú þyrftum við Íslendingar að draga þjóðfána okkar að húni í dag og senda fjórfalt húrra til Stóra-Bretlands í kvöld.

Ég get ekki beiðið eftir því að fá að sjá ofboðslegar heillaóskir forseta og forsætisráðherra Íslands til Stóra-Bretlands, þar sem þeir óska bresku þjóðinni til hamingju með nýfengið sjálfstæði og fullveldi hennar.

En kannski þora þessir "aðilar" ekki neinu slíku af ótta við esb-vofuverkið sem virðist orðið fastur draugahluti af vofusafninu sem hér reikar um sem eins konar sharialagasafn.

[Símon Pétur frá Hákoti (IP-tala skráð) 31.1.2020 kl. 09:19]

Til hamingju með daginn, Bretar.

Til hamingju með daginn, allir þeir sem elska land sitt og þjóð. 

Vonandi losnum við Íslendingar einhvern tíma undan oki innlendra leppa ESB valdsins.

[Símon Pétur frá Hákoti (IP-tala skráð) 31.1.2020 kl. 10:00]

Höfum nú mestan vara á okkur, því nú vælir Brusselvaldið mest undan því að nú minnki hjá þeim orkan sem komið hefur frá Bretum.

Höfum nú mestan vara á okkur, því nú munu íslenskir Brusselleppar, sem innleitt hafa hér  orkupakka ESB, gera allt sem í þeirra myrkvavaldi stendur til að selja orku okkar úr landi.

Höfum nú mestan vara á okkur, því margir eru þeir meðal Breta sem myndu vilja verða millistykki um sæstreng frá íslenskum Brusselleppum, þeim sem við við vitum vel hverjir eru.  Vörumst þá skrattakolla!

[Óskar Kristinsson, 31.1.2020 kl. 10:17]

Blessaður Gunnar!

Og takk fyrir ómetanlega pistlana þína!

Okkar maður á mogganum klikkar ekki á því.Heldur þú að Gulli sé heill í samningum við Breta?

[Símon Pétur frá Hákoti (IP-tala skráð) 31.1.2020 kl. 10:46]

Minnumst þess, að einungis vegna innlendra leppa

hafa hér verið innleiddir heilu reglugerða og laga

og pakka staflarnir frá hinu erlenda valdi.

Minnumst þess að það eru innlendu lepparnir

á þingi og í ráðuneytum

sem hafa selt fullveldi lands okkar og sjálfstæði

til erlends valds og margbrotið stjórnarskrána.

Það er hreint út sagt með ólíkindum að íslenska löggjafarþingið skuli vera orðið að mesta lögbrjótnum gagnvart landi okkar og þjóð.

Aum er sú þjóð sem lætur það líðast.

[Gunnar Rögnvaldsson, 31.1.2020 kl. 13:19]

Þakka ykkur Símon Pétur og Óskar fyrir.

Óskar. Nei ég held ekki að neinn sitjandi fótatroðarinn í Valhöll sem fer með Sjálfstæðisflokkinn eins og Hálfstæðisskít, sé standandi og uppréttur maður í þessum efnum. Enginn stendur þar. Enginn. Fyrirlitning mín á því fólki er svo alger að ég treysti því ekki til neins lengur. Ég mun aldrei kjósa þetta fólk aftur. Aldrei.  Það á ekkert skilið, nema spark í afturendann.

Af öllu því fólki sem er á þingin núna myndi ég aðeins treysta Sigmundi D.G. í þessum efnum.

Kveðjur

[Óskar Kristinsson, 31.1.2020 kl. 13:44]

Takk fyrir Gunnar, það er sama hér SDG.