Leita í fréttum mbl.is

Trump skorar hæst í Þýskalandi

Study - Chinese Investment in US Has Fallen 88 Percent Since Trump Took Office

Virðing Þjóðverja fyrir Donald J. Trump forseta Bandaríkjanna vex nú með degi hverjum. Svo mikla og óttablandna virðingu bera Þjóðverjar fyrir bandaríska forsetanum, að þeir segja að engin ógn í heiminum sé stærri en einmitt hann. Og eins og flestir vita þá bera Þjóðverjar ekki mikla virðingu fyrir þeim sem ekkert er að óttast frá. Þannig ypptu þýsk stjórnvöld bara þeim öxlum sem Bandaríkin höfðu gefið landinu þeirra er þessi hér orð manns í Hvítu húsi vestanhafs voru sögð:

"Having been turned down by the U.S. and U.K. on the directorate, de Gaulle turned to Germany. This helps to keep Germany from looking to the Russians." - og það er meira -

"One effort we must make", the President continued, "is to seek to prevent European states from taking actions which make our balance of payments problem worse. For example, we maintain large forces in Germany. We must firmly oppose West Germany if it increases its agricultural production to our detriment. We have not yet reached the point of wheat against troops but we cannot continue to pay for the military protection of Europe while the NATO states are not paying their fair share and living off the "fat of the land." We have been very generous to Europe and it is now time for us to look out for ourselves, knowing full well that the Europeans will not do anything for us simply because we have in the past helped them.

– John F. Kennedy 22. janúar 1963 (hér) 

Og það var eins og við manninn mælt; Þjóðverjar hafa snúið sér til Rússa, því að sá maður sem í Hvítu húsi situr núna, er einmitt maðurinn sem Þjóðverjar loksins óttast. Staðfesting á því var birt á jóladag í könnun sem þýska DPA-fréttastofan lét gera fyrir sig. Þar segja 41 prósent Þjóðverja að Donald Trump, forseti Bandaríkjanna, sé hættulegri en Vladímír Pútín, og líka hættulegri en Kim Jong-un og Xi Jinping, sem eru leiðtogar alræðisstjórnar kommúnista í Norður-Kóreu og Kína. Fyrir aðeins nokkrum vikum fyrirskipaði Xi Jinping forseti Kína húskarli sínum Kim Jong-un í Norðrinu að hefja á ný eldflaugaskot, því að forseta Kína vantaði eitthvað sem hann þættist geta sagt Donald Trump að einungis hann, einn og sjálfur, gæti gert fyrir hann; þ.e. að stöðva það sem hann setti húskarl sinn til að setja í gang. Og næstum allir vita hvað það er; meira að segja Trump líka; og frá og með nú; þú líka

ELDVEGG TAKK!

Þjóðverjar Björns og Bjarna eru því að leita til Rússlands eftir nýjum niðurgreiðslum í varnarmálum núna. Talsmaður svo kallaðs kanslara Þýskalands, þ.e. Angelu Merkels, segir því að Þýskaland verði að byggja "eldvegg" til að einangra Bandaríkin frá því sem þýsk stjórnvöld segja að sé Evrópa núna; les. að Evrópusambandið (og EES-lönd?) í vösum Þýskalands einangri sig frá hinum frjálsa heimi. Þýsk stjórnvöld segja að þetta verði að gerast svo að Trump geti ekki stöðvað Nord-Stream-2 hárlagningu Merkels hjá frisør Pútín. Þýskir benda á að Pútín Rússlandsforseti sé kominn með greiðslumiðlun (ekki hár) sem Bandaríkin hafi engan séns á að tilstoppa né snerta. Um er að ræða banka- og greiðslukerfi milli Kína og Rússlands (og Írans?), sem snertir Bandaríkin hvergi. Nema náttúrlega að kínverskum kommúnistum sé alveg sama um China National Petroleum Corp, sem skráð er í gegnum kínverskan banka á kauphöllina í Nýju Jórvík; þ.e. New York Stock Exchange. Kínverskir bankar hafa nefnilega neyðst til að stöðva greiðslur til Klerkaveldisins í Íran, því annars kemur Donald Trump og sér persónulega um afskráningu hins kínverska þjóðarolíufélags kommúnista, með tandurhreinni ánægju. Virðist því ekki að um neinn Jimmy-Stewart-forsetaling sé þar að ræða ja

"Europe (hvaða Evrópa?; GR) needs new instruments to be able to defend itself from licentious extraterritorial sanctions" - tísti Niels Annen aðstoðarutanríkisráðherra (?) Þýskalands í síðustu viku

Á þennan eldvegg hafa vofur Sjálfstæðisflokksins nú hengt allar þær innistæður sem þær þykjast eiga hjá þeim fáu kjósendum flokksins sem eftir eru; miðað við alla liðna Íslandstíma hans

LOKSINS, LOKSINS!

Hér eru kannski gífurleg tækifæri að opnast fyrir Rússland. Það gæti nefnilega boðið fyrirtækjum veraldar upp á að þjónusta þau með rússnesku réttarfari (hvorki meira né minna!) á hinu alþjóðlega milliríkjasviði, og fært þeim alþjóðlega rússneska fjármálaþjónustu undir vernd rússneskra viðskiptadómstóla. Allir hljóta að sjá að þarna eru ofboðsleg tækifæri að opnast fyrir Vladímír Pútín og ríkisstjórn hans, með rússneskt réttarfar sem helstu útflutningsvöru landsins. Kúnnarnir myndu bókstaflega sturtast að. Jafnvel Evrópusambandið gæti orðið kúnni með aðstoð hins nýja Stór-Þýskalands. Hver veit, og látið hann hafa evruna uppí

"This helps to keep Germany from looking to the Russians." - JFK

Kannski að algóður Kennedy sem Þjóðverjar óttuðust því ekki, hafi þrátt fyrir allt haft rétt fyrir sér, og að Donald J. Trump viti það jafnvel manna best

Fyrri færsla

Hvað segir ástralska veðurstofan?


« Síðasta færsla | Næsta færsla »

Athugasemdir

1 Smámynd: Ragnhildur Kolka

Þjóðverjar eru að hengja sig í eigin snöru með öllu dekkinu við flóttafólk og grænum sköttum. Nú segir Ft að þýskir bílaframleiðendur áætli að segja upp 50þús starfsmönnum vegna minnkandi áhuga á rafbílum og refsiskattanna sem lagðir eru á aðra bílaframleiðsluna. Og svo auðvitað minnkuð sala til Kína. Rafbílar seljast ekki þar frekar en á Íslandi nema með niðurgreiðslum.

Og hver borgar þær?

Ragnhildur Kolka, 30.12.2019 kl. 13:35

2 Smámynd: Valdimar Samúelsson

Góð grein Gunnar. 

Valdimar Samúelsson, 30.12.2019 kl. 16:27

3 Smámynd: Gunnar Rögnvaldsson

Þakka þér fyrir Ragnhildur.

Öll þessi sovéska rauðgræna þvæla um farsímabatterí á hjólum og vindmyllur á hólum, er að tæma svo ríkissjóði margra landa, að bandaríska þingið neitar nú að framlengja sumu af þessu 30 ára niðurgreiðslurugli lengur, því árangurinn er minni en enginn.

Og nú er komið að því að niðurgreiða þarf meira að segja niðurrif vindmylla í Þýskalandi, því þar er allt á hausnum í þessu sambandi, og þeir sem settu þetta neanderthaler-rusl upp eru gjaldþrota og myllur þeirra tróna nú sem risavaxnar líkamsleifar stalínistískra beinagrinda í landslaginu þar. 

Aldrei frá því að Jósef Stalín var við völd rauðu vanviskunnar, hefur eins heimskt fólk og rauðgræna fólkið á Vesturlöndum haft völd. Svei mér ef það er ekki bara einfaldlega orðið úrkynjað af ríkisdekri.

Níðst er svo á bílaeigendum að þeir eru kjöldregnir bara fyrir það eitt að þurfa að komast í vinnu. Allir ætla sér að níðast á þeim í nafni hins nýja stalínisma útvaldra burgeisa grænflokkanna í hnignandi borgum vesturlanda, og sem svo vill til að allir eru blóðrauðir að innan.

Firrtur Badedas-Sjálfstæðisflokkur okkar hefur meira að segja látið troða sér niður í þá hakkavél sem og þægur grautarvesalingur með slef á smekk, af þeirri allra allra verstu kratasort sem yfir höfuð til er hér á jörðu.

Maður hlær sig máttlausan yfir fólki sem plantar tré til að bæta fyrir syndir sínar eins og að um vitfirrt líf í sovésku gúlagi sé að ræða. Svo kemur bara einn tilviljanakenndur stormur í Svíþjóð á borð við þann sem kom þar í janúar 2005, og labbar hjá, og fellir 75 miljón rúmmetra af timbri á bara nokkrum klukkustundum. Íslendingar gætu lagt veg úr timbri tíu sinnum í kringum landið úr þeim massa af timbri.

Maður er farinn að skammast sín fyrir að tilheyra Homo Sapien þegar maður hlustar á og horfir til þessara sönnu og gegnheilu grænu grasasna í dag. Þeir hætta ekki fyrr en allir bíta gras.

Kveðjur

Gunnar Rögnvaldsson, 30.12.2019 kl. 16:43

4 Smámynd: Gunnar Rögnvaldsson

Þakka þér Valdimar

Kveðja

Gunnar Rögnvaldsson, 30.12.2019 kl. 16:53

5 Smámynd: Ómar Geirsson

Blessaður Gunnar.

Það er eitt sem ég fatta ekki, og þá skaltu hafa í huga að ég skil vel skrif þín til stuðnings Trump sem þú tengir við nauðsyn þjóðríkis og þeirrar menningar sem það elur af sér, og það er af hverju þú ert alltaf að búa þér til búgýman.

Rússar eru bara góð og gegn þjóð, og þeir báru enga ábyrgð á að skítugt fjármagn kostaði þær byssur sem Lenín og félagar nýttu til að ná sínum ógæfuvöldum yfir landinu og við þekkjum sem Sovétríkin í liðinni sögu.

Rússar þurftu virkilega á Pútín að halda, og það er eðlilegt að þeir sem eru stærra ríki en minna, og hafa ekki orðið fórnarlömb forheimsku hins pólitíska rétttrúnaðar, vilji hafa ítök og áhrif í nágrannalöndum sínum.  Þannig er bara saga heimsins og saga þjóðríkja, þeir sem greina annað eru yfirleitt að skrifa út frá öðrum forsendum en raunveruleikanum, eins og til dæmis marxísk sagnfræði var, eða það skoffín sem á rætur í pólitískum rétttrúnaði, og skýrir allt út frá sinni eigin hugsun og sinni eigin nálgun.

Það sem þú ert  að lýsa í pistli þínum Gunnar, og mörgum öðrum pistlum, er lýsing á viðbrögðum eða stefnu núverandi ráðafólks í Evrópusambandinu.

Sem nákvæmlega kemur ekkert Rússum eða stjórn Pútíns við.

Þú stillir Trump upp sem andstæðu (gagnvart heimskunni sem gróf um sig í Evrópu), og fyrir því eru ástæður, en flest rök þín gætu alveg eins átt við Pútín og rússneska þjóðernishyggju hans.

Þjóðernishyggju sem er ekkert annað en sú stefna sem hefur hagsmuni þjóðarinnar sem útgangspunkt.

Ekkert af þessu, hvort sem vísað er í stefnu Trump eða Pútíns, kemur stefnu eurokrata ESB eða feigðarstefnu Þýskalands á nokkurn hátt við.

Svo ég spyr þig aftur Gunnar, til hvers ert þú að búa til búgýmann þegar það nægir að skýra út það sem er.

Sem er öllu hugsandi fólki skiljanlegt.

Ég sé ekki eiginlega samhengið.

Kveðja að austan.

Ómar Geirsson, 31.12.2019 kl. 01:17

6 Smámynd: Gunnar Rögnvaldsson

Ómar minn..

Um leið og ég þakka þér fyrir innlitið og athugasemd þína, þá er það nú svo að með henni opinberar þú skilningsleysi þitt á þeim geopólitísku og landfræðilegum staðreyndum sem móta þjóðir og stjórna hegðun ríkisstjórna þeirra.

Engin þjóð er "bara góð og gegn þjóð" því engin þjóð er eins, vegna þess að þær mótast af því sem er óbreytanlegt: landfræðilegum staðreyndum.

Það sem mótar Rússa er landfræðilegt varnarleysi ríkis þeirra. Það er næstum óverjanlegt vegna skorts á náttúrulegum landamærum. Þetta náttúrlega varnarleysi hefur kallað margar innrásir yfir Rússa: Mongólar, Riddarareglan þýska, Litháenska samveldið, Napóleon, Tyrkland, Nazi-Þýskaland og svo framvegis.

Landfræðilegar staðreynir Rússlands eru þær að að það ríki óx og þandist út án þess að tekið væri mið af því að lítið sem ekkert nema ofbeldi og terror gæti haldið því saman. Það er ógerningur að halda Rússlandi saman sem ríki nema með viðstöðulausum terror gagnvart borgurum þess og nágrannalöndum. Hin raunverulega ríkisstjórn Rússlands hafa ávallt verið öryggisþjónustur landsins, og þá skiptir engu máli hvort að við stjórn sé Zar, Miðstjórn Kommúnistaflokks eða forseti á borð við Pútín, því Rússland verður og getur aldrei orðið annan en terrorríki sem notar trerror til að halda landinu saman.

Og það villt svo til að umhverfis Rússland, sérstaklega í vesti, eru þjóðir sem sætta sig bara alls ekki við að vera notaðar sem stuðpúðasvæði til að bæta Rússlandi upp varnarleysi þess sem er vegna skorts á náttúrulegum landamærum. Þær þjóðir hafa nákvæmlega sama rétt og Rússland á að vera til og vera frjálsar af því hvaða lönd þau velja sem bandamann sinn.

Þetta sem ég hér hef talið upp á einnig að mörgu leyti við um Þýskaland. Og það sem sameinar Rússland og Þýskaland er það sameiginlega álit stjórnvalda beggja ríkja, að það fólk sem stendur á milli Rússlands og Þýskalands sé rusl sem hægt sér að fara með að þeirra tveggja vild. Þarna er um 130 milljón manns að ræða í löndum Austur-Evrópu og við Eystrasalt, sem bæði Rússar og Þjóðverjar líta á sem sinn sameiginlega ruslahaug, sem hægt er að víla og díla með eins og Rússar og Þjóðverjar gerðu síðast í ágúst mánuði 1939. Þar með hætti Pólland að vera til og það var ekki í fyrsta sinn í sögunni sem Pólland var þurrkað út af landakortinu. Það vill Pólland ekki aftur. Aldrei aftur!

Engin þessara mörgu þjóða sem þarna búa, sætta sig við svona viðstöðulausan terror frá nágranna sínum; Rússlandi. Það eina sem Rússar skilja er að stálhnefinn sé viðstöðulaust á lofti við útjaðra þess. Að krónískri svíns-hegðun rússneskra stjórnvalda (Zar, Aðalritari, Forseti) sé haldið í skák með yfirþyrmandi fælnimætti, sem aðeins Bandaríkin eru fær um að skaffa þessum nágrönnum Rússlands.

Og þarna erum við komin að stöðu inni í dag; þ.e. að það er langt því frá svo útilokað að Þýskaland og Rússland séu á leið í hjónaband, þar sem þýsk kunnátta, verkvit og fjármagn renna saman við rússnesk náttúruauðæfi og mannafla, og sem síðar getur byggt flota, sem ekki bara skákar Bandaríkjunum í vestri, heldur einnig restinni af allri Evrópu. Þetta er eina ástæðan fyrir því að Bandaríkin skárust í leikinn með því að senda milljónir manna yfir hálfan hnöttinn til að koma í veg fyrir að slík staða gæti myndast 1917 og 1944. Að koma í veg fyrir að ein pólitísk-úrkynjunareining myndi ráða yfir öllum landmassa Evrópu og sem síðan myndi gera samninga og samruna við Rússland. Og aðeins tvö ríki á landmassa Evrasíu hafa möguleika og sameiginlegan hvata til að gera slíkt: þ.e. Rússland og Þýskaland.

Þannig að Ómar minn kæri; pakkaðu vinsamlegast saman þínum rómantísku hugmyndum um Rússland og óhjákvæmilegu eðli rússnesks stjórnarfars; sem er TERROR og meiri TERROR, bæði gagnvart sínu eigin fólki og öllum nágrönnum þess.

Það stappar við heilabilun að reyna að afsaka slátrun Rússa í Tjétjeníu, innrás þeirra í Georgíu, innlimun (anschluss) Krím og hertöku Rússa á Donbass. Aðeins heilaleysingjar og verstu rómantísku hirðfífl reyna að afskaða þetta ferli. Ákvörðunin um Krím átti heima í Kænugarði og meðal allrar þeirrar þjóðar. Og fyrir vikið skjálfa Eystrasaltslöndin, því þau vita að þau eru næst; þ.e.a.s. ef að eina ríki veraldar sem þau eiga sameiginlegra tilvistarlegra hagsmuna að gæta með, gefur þau upp á bátinn; þ.e. Bandaríki Norður-Ameríku. Það sama gildir um Pólland, því hluti af þýska ríkisapparatinu hefur þegar sagt að það muni geta þolað Rússland upp að landamærum Póllands.

Ómar: Rússar hafa aldrei kynnst Anglo-Ameríkan þjóðaríhaldsstefnu og vita ekkert um hvað hún snýst um. Ekkert. Og hefðir þú talað við Rússa austan Úralfjalla árið 1965 og spurt þá hvernig þeim líkaði rússneska byltingin, þá hefði þeir svarað þér því, að þeir fyndu engan mun miðað við alltaf áður. 

Og síðan endum við á hinu innbyggða eitri Þýskalands. Sjáðu Ómar; evrópsk þjóðarstefna (nationalism) væri mjög svo fagur og göfugur hlutur ef ekki væri fyrir Þýskaland. Það eru aðeins Þjóðverjar sem hært hafa kynþætti út í þjóðarstefnuna. Ástæðan er sú að þýskir álita sig enn ofurmenni vegna þess að aðeins þeim tókst að verjast uníversal imperíal esb-alríki Rómar. Þannig að í þeirra hugum er enginn Þjóðverji nema að eiga að minnsta kosti sex kynslóðir af blóði í þýskri mold.

Þess vegna Ómar. Engin lönd eru eins. Og engar þjóðir landa eru eins.

Rússland verður aldrei annað en Rússland. Það þurfa menn að vita og sætta sig við. Það verður aldrei annað en terror- og harðstjórnarríki, eins og allir sem augun hafa opin sjá að Vladímír Pútín er keisarinn yfir núna. Eina kosningaloforðið sem hann gaf þjóð sinni þegar hann var "kjörinn" fyrst, var að hann myndi endurreisa Sovétríkin. Og það er það sem hann er að gera.

Svona ríki skilur að eins harðan hnefann. Grjótharðan. 

Kveðjur

Gunnar Rögnvaldsson, 31.12.2019 kl. 03:03

7 Smámynd: Borgþór Jónsson

Þú ert að rugla saman virðingu og ótta.
Margir óttast krabbamein,kýlapest og eyðni,en enginn ber virðingu fyrir þessum fyrirbærum.




Þú og þínir grjóthörðu hnefar Gunnar.
Þínir grjóthörðu hnegar eru farnir að minna svolítið á Þýska Krúppstálið sem var svo vinsælt á fjóða og fimmta áratugnum í hluta af Evrópu.

Landfræðileg staðreynd Rússlands er að það er mjög eftirsóknarvert og ríkt landsvæði sem Evrópubúar hafa margítrekað reynt að brjóta undir sig.Allt frá tímun Ivans Grimma sem kallaður var hafa hirðir Evrópu haft mikinn ýmigust á Rússlandi af því að þeir komast hvorki lönd né strönd gegn því ríki.
Þess má til gamans geta að hann var kallaður Ivan Grimmi af því hann sameinaði Rússland undir einni stjórn og kom þar með í veg fyrir að Evrópubúar gætu rænt landið.

Pólland er hóra Evrópu.
Það var hóra Napoleons,Hitlers,Sovétríkjanna,ESB og nú eru þeir að gerast hóra Bandaríkjaforseta.
Það þarf svo sem ekki að hafa fleiri orð um þetta.
Þetta skilja allir.

.
Slátrunin í Tjeteníu var landhreinsun af öfga muslimum sem sendir voru þangað frá Saudi Arabíu,Pakistan og fleiri muslimaríkjum og fjármagnaðir af NATO ríkjunum.
Þeir ofsóttu þar almennig og unnu óhæfuverk bæði í Tjeteníu og Rússlandi.
Hlutverk þeirra vara að sprengja upp Rússland í smærri einingar.
Nú á tímum væri þetta sennilega kallað inngrip í innanríkismál annars ríkis og mundi kalla á efnahagsþvinganir eða eitthvað svoleiðis.
Það er ekki nema von að NATO dindlum gremjist að hernum þeirra skyldi vera eytt eftir að þeir voru búnir að binda svona miklar vonir við hann og eyða svona miklum pening í hann
.
En þetta endaði vel og íbúar Tjeteníu lifa nú eins og blóm í eggi og eru ánægðustu kjósendur Putins í Rússlandi fyrir utan Krímverja þar sem hann nýtur mestra vinsælda.
Þetta var því vel ígrunduð hernaðaraðgerð sem skilaði ánægðum borgurum.
Við verðum að hafa í huga að þetta var ekki beinlíns fyrirmyndar samfélag sem Bandaríkjamenn komu á í Tjeteníu.
Manndráp,mannrán og rán voru daglegt brauð þar.
Og þegar sagt er daglegt brauð ,þá þyddi það raunverulega daglegt brauð

Til samanburðar getum við haft vinsældir Bandaríkjamanna í Líbýu,Sýrlandi eða Írak eftir að Bandaríkjamenn "lýðræðisvæddu" þessar þjóðir með frelsissprengum.


Hugmyndir þínar um Georgíustríðið eru greinilega upprunnar úr áróðursherferðinni sem NATO stóð fyrir á meðan á stríðinu stóð og fyrst á eftir.
Síðan er eins og þú hafir ekki þroskast neitt,eða frétt neitt.
Allir sem ekki hafa staðnað, vita í dag að Sakasvhili hóf þetta stíð með því að éta hálsbindið sitt og varð illt af því.
Rússar undir stjórn Mededev eyddi í kjölfarið Georgíska hernum og síðan fóru Rússar heimm. "End of story"
Bandaríkjamenn sem höfðu vonast eftir langvarandi átökum voru eðlilega fúlir fyrst á eftir ,en svona er lífið.
Eintóm vonbrygði.
.
Þeir sem eru andsnúnir lýðræði eru eðlilega vonsviknir með að Krímverjar skyldi ákveða að sameinast Rússlandi.
Það verður samt að teljast óeðlileg heift að leggja þetta landsvæði í einelti og reyna stöðugt að valda þessu lýðræðislega þenkjandi fólki endalausum búsifjum.

En einhvern daginn hlýtur að brá af mönnum.

Nú nýlega bárust þær frábæru fréttir að síðari áfangi Kehrs brúarinnar hafi verið tekinn í notkun.Þetta verður gríðarleg framför fyrir íbúa svæðisins.
Það ríkir mikil gleði á Krímskaga
Nú er ásókn ferðamanna til Krím orðin svo mikil að Úkrainsk stjórnvölld hafa ekki lengur mannafla til að setja alla sem þangað fara á svartann lista.Nú er einungis reynt að lista stjórnmálamenn og annað frægt fólk.
En flest öllum er eiginlega sama orðið.
.
Rússar hersitja ekki Donbass.
Þegar mest gekk á í Úkrainustríðinu las ég oft skýrslur Öruggis og samvinnustofnunar Evrópu.
Þeir voru á staðnum.
Þessar skýrslur geta aldrei um Rússneskann her í Donbass.
Ekki einu sinni þegar Poroshenko stóð í pontu hjá SÞ og sagði okkur að það væru 200 þúsund Rússnekir hermenn þar og hundruð brynvarinna tækja.
Það er ótrúlegt hvað þú átt erfitt með að sjá í gegnum það þegar svona áróðursstríð er í gangi.
Þú gleypir allt hrátt.
.
Upphaflega stafaði þessi ágreiningur af því að íbúar Donbass og Luhansk voru óánægðir með að vera skattagðir til fjandans en fá litlar framkvæmdir eða þjónustu í staðinn.
Þeir vildu fá aukinn ráðstöfunarrétt yfir skattfé sínu.
Þetta voru ríkustu svæði Úkrainu.
Núna í dag snýst baráttan um að vera ekki drepnir af Úkrainskum Nasistum sem eru undir verdarvæng og fjármagnaðir frá Bandaríkjunum.
Reyndar hefur þetta haft smávægilegar hliðarverkanir eins og alltaf ,en komið hefur í ljós að 'Ukraina er orðin þjálfunarbúðir fyrir bandaríska Nsista.
Það eru alltaf einhverjir agnúar.Eftir að bandaríkjamenn fjármögnuðu og vopnuðu Al Kaida ,flugu þeir að Tvíburaturnana.
Stjórendur Bandaríkjanna sætta sig ágætlega við þetta,enda gott fyrir eigendur stjórnvalda þar í landi.
.
Sýn þín á síðari heimstyrjöldina er sannarlega sérkennileg og óvenjuleg.
Ef þú heldur að stríðið á Austurvígstöðvunum hafi verið einhverskonar samruni Þýskalands og Sovétríkjanna eru sennilega eini maðurinn sem hefur þessa sérkenilegu skoðun.
Vissulega var draumur Þjóðverja sá að kmast yfir auðlindir Sovétríkjanna og verða þannig ósigrandi.
En eins og kom á daginn var þetta ekki draumur Rússa,og því fór sem fór.
Þau úrslit höfðu ekkert með Bandaríkin að gera.
Bandaríkin voru bara eins og hýena sem kom til að gæða sér á hræinu.

Það er afar ósanngjarnt að kenna Stalín (blessuð sé minning hans) um þær ófarir sem við vesturlandabúar erum nú í varðandi græn rauða herinn.
Stalin hefði aldrei dottið svona vitleysa í hug. 

Þó undarlegt megi virðast gætir þú orðið sannspár þegar kemur að greiðslumiðlunarkerfinu.
Það er ekki ósennilegt að fleiri þjóðir leitist eftir aðild að Rússneska greiðslumiðlunarkerfinu ,af þeirri einföldu ástæðu að Rússneskum stjórnvöldum er miklu betur treystandi en Bandarískum.

Eftir síðari heimstyrjöldinni náðu Bandaríkjamenn yfirráðum yfir flestum alþjóðastofnunum ,og alveg frá upphafi hafa þeir misnotað þessar stofnanir mjög gróflega.
Um allan heim eiga þjóðir um sárt að binda út af þessu.
Evrópubúar hafa hinsvegar látið sér þetta vel lynda af því að þeir hafa haldið að þeir væru undanþegnir þessháttar ofsóknum og jafnvel oft grætt smávegis á þeim.
Nú hafa vindar snúist og nú er geirinn farinn að beinast að þeim.
Bandaríska heimsveldið er á heljarþröm og þeir þurfa á öllum peningum sem þeir geta komist yfir að halda .
Til þess þarf að ræna Evrópu.
Tíminn verður að skera úr um hvort Evrópubúar snúist til varnar.
Ég er ekki bjartsýnn í ljósi sögunnar.
Þegar Hitler fór hamförumm um Evrópu, lyppuðust Evrópuríkin niður.
Mér finnst ekki líklegt að þeir hafi einurð til að standa gegn Bandaríjamönnum.

Putin hefur sagt þeim fyrir nokkru að Rússar hafi ekki hug á að bjarga þeim einu sinni enn á eigin kostnað.
Ef þeir vilji bjargast verði þeir að taka þátt í baráttunni í stað þess að vera áhorfendur.

Nú er Nordstream stopp og skipið sem leggur leiðsluna liggur við festar í Danmörku og bíður eftir að sjá hvernig vindar blása.
Eftir nokkra mánuði mun Putin henda leiðslunni upp á ströndina í Þýskalandi.
Hann stendur alltaf við það sem hann segir.
Það er síðan spurning hvort Evrópubúar þora að skrúfa frá krananum.
Rússar eru búnir að leggja allt upp í hendurnar á þeim.
Í gæeer gerðu þeir fimm ára samning um áframhaldandi flutning á gasi svo það verði nú ekki gaslaust í Evrópu þangað til að Nordstream kemst í gagnið.
Þetta hefur þæe aukaverkaniir að það verður mögulegt að stórauka gasflutninga til Evrópu fyrirvaralaust á komandi árum.
Putin hugsar sannarlega vel um viðskiftavini Rússlands.
Kannski verða Úrainu og Evrópumenn búnir að endurheimta glóruna eftir fimmár og viðskiftin aftur farin að blómstra.
Hver veit. Þetta eru miklir umbrotatímar.
Að mínu mati eru líkurnar 50/50.
Mér finst alveg jafn líklegt að þeir gefist upp án baráttu,flytji inn miklu dýrara gas frá Bandaríkjunum og eyðileggji það litla sem eftir er af Evrópskum iðnaði.
Bandaríkjamenn fái aftur á móti það sem þeir sækjast eftir,að selja óseljanlega vöru.

Borgþór Jónsson, 31.12.2019 kl. 15:06

8 Smámynd: Borgþór Jónsson

Stærsta vandamál samtímans er bandaríski exeptionalisminn.
Þetta fyrirbæri sem hefur lengi blundað í Bandarísku þjóðinni byrjaði að fara hamförum eftir fall Sovétríkjana.
Eftir það hefur engri þjóð á jörðinnii verið vært.
Allar þjóðir lifa í ótta.
Þessi ismi er alveg náskildur nasisma og afleiðingarnar af uppgangi hans eru að flestu leiti hinar sömu.
Stríð ,dauði og ótti.
Eins og staðan er í dag virðist það vera hlutskifti Rússa að kveða niður þesa óværu líkt og þegar þeir kváðu niður nasismann á síðustu öld .
Megi þeim vegna vel í þeirri baráttu

Borgþór Jónsson, 31.12.2019 kl. 15:15

9 Smámynd: Ómar Geirsson

Blessaður Gunnar.

Oft hef ég skilið þig, og þegar ég skil þig ekki, þá hef ég notið þess að lesa texta þinn.

En núna bara skil ég þig ekki.

Þú veist alveg að einu sinni voru Bandaríkin aðeins 13 ríki á austurströnd Norður Ameríku, neðanverði.

Og þú veist líka að hitt engilsaxneska landið var bara til tölulega lítið svæði á eyju einni fyrir utan strönd Frakklands. 

Hvað gerðist svo?'

Mig minnir eitthvað svipað og þú lýsir.

En ég var bara ekki að spyrja þig af því.

Það var nú bara svo.

Kveðja að austan.

Ómar Geirsson, 31.12.2019 kl. 21:40

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband