Leita í fréttum mbl.is

Hvað segir ástralska veðurstofan?

Stærsta gáfnabrenna sögunnar - eða voru aflátsbréfin stærri?

Eins niðrandi og mér finnst það vera fyrir mína eigin meðfæddu heilastarfsemi og gáfur, sem eru bara svona rétt í meðallagi og varla það, að eyða hér bara einni hitaeiningu í að hugsa um það sem velmegunarskaddað fólk á Vesturlöndum kallar "loftslagsbreytingar" og "hlýnun jarðar", þá stenst ég ekki mátið að pósta hér krækju á Veðurstofu Ástralíu. Þar geta þeir sem ekkert annað hafa við gáfur sínar að gera en brenna þeim af og fárast yfir hinum og þessum hindurvitum um næsta heimsendir í boði hins gamla og hefðbundna vinstriflokks Vesturlanda –sem málað hefur sig í grænum felulitum núna– skoðað sig um í talnadýrð þeirrar stofnunar; Hér eru tölurnar

Hún eins og aðrar veðurstofur verður auðvitað að hafa eitthvað glópa-glingur hangandi á sinni heimasíðu um komandi pólitískan heimsendir vinstrimafíu grænna, því annars mun það græna en rauða fólk ráðast til inngöngu í veðurstofuna, og hengja alla veðurfræðinga stofnunarinnar í næsta óbrennanlega tröllatré; sem vegna milljóna og aftur milljóna ára þróunar í Ástralíu... já hérna kemur það... þolir elda og bruna bara nokkuð vel. Hmm, kannski talandi tré?

Heilabilun ofdekraðra vinstrimanna á Vesturlöndum þvingar of marga til að grípa til þannig varúðarráðstafana í stað þess að sveifla því sverði sem Guð gaf þeim; þ.e. sínum meðfæddu og dýrmætu gáfum, knúnum vesturlenskum framförum. Svo langt hefur velmegun Vesturlanda leitt vanþakkláta; að þeir eru að kafna úr frekju yfir þeirra eigin ímyndaða ágæti og mikilvægi, og svo kölluðu "réttlæti"

Þessir tímar vinstrisins núna, eru farnir að minna óþægilega mikið á þá tíma þar sem margt gott fólk hengdi á sig merki nasista [Nationalsozialistische Deutsche Arbeiterpartei] til þess að verjast ofsóknum af höndum klerkaveldis þeirrar ofsapólitísku hreyfingar vinstrimanna. En þegar svo allt lá í rúst eftir nasismann, þá þóttist auðvitað enginn hafa spilað með. En þeir gerðu það nú samt

Þetta er sennilega plebbalegasta efni sem ég hef þvingað mig til að hugsa um og fella niður á blað. Bókmenntarannsóknir á Tígulgosanum eru margfalt göfugra viðfangsefni en hin risavaxna lofslagsþvæla vinstrisins

En kannski er það einmitt á tímum eins og þessum, þegar blóðið flýtur og óttinn ríkir, að gott er að huga að fjárfestingum. Það segir til dæmis Warren gamli Buffet, sem býr norður í Nebraska, mjög svo fjarri Wall Street, þar sem einmitt fyrsta íslenska konan í læknastétt, hún Hrefna Finnbogadóttir frænka mín, bjó og stundaði lækningar í oft afar hörðum veðrum (PDF). Heldur ekki hún hefði keypt heimsendaþvælu vinstrisins í dag. Það held ég að minnsta kosti

Þetta eru niðrandi tímar fyrir þá sem byggðu upp Vesturlönd

Fyrri færsla

Hér væri hagvöxtur ef hreppspólitík Reykjavíkur nyti ekki við


« Síðasta færsla | Næsta færsla »

Athugasemdir

1 Smámynd: Gunnar Rögnvaldsson

Það væri fróðlegt að fá að vita hversu stóran þátt raflangir eiga ef til vill í skógareldum í Ástralíu um þessar mundir. 

Aðalforsíðufrétt Wall Street Journal í dag er uppgjör blaðsins á þætti PGE-raforkudreifingar-fyrirtækisins í skógareldunum í Kaliforníu hin síðustu ár. Eldum sem DDRÚV blést hér heima út sem eins konar sönnunargagni fyrir áróðursfréttastefnu þess. Það var ljót sjón að sjá og enn verri að heyra.

Greinin í WSJ heitir:

PGE: Wired to Fail

"The utility has sparked deadly fires and pipeline explosions, left millions of Californians in the dark and gone bankrupt twice in less than 15 years. Here is what went wrong."

Ég birti hér án leyfis þrjú skjáskot af þessari frétt WSJ í dag, og vona að ég verði ekki handtekinn fyrir það. Aðeins áskrifendur hafa aðgang. Það kostar nefnilega að búa til gott og áreiðanlegt dagblað.

1. Eldspýtustokkur PGE í Kaliforníu - Wall Street Journal 29-12-19.

Þarna sést hvar línur og spennar PGE kveiktu elda og hversu stórir þeir urðu.

2. Fjöldi PGE-elda í Kaliforníu 2015-2018 - Wall Street Journal 29-12-19

Þarna sést fjöldi elda og síðan fjöldi elda á hverjar þúsund fermílur af þjónustusvæði, miðað við önnur raforkudreififyrirtæki.

3. Ferill PGE 2003-2019 - Wall Street Journal 29-12-19

Þarna sést ferill PGE á hlutabréfamarkaði og atburðir málsins settir þar inn á línuritið.

Ekkert af þessu mun koma í fréttum DDRÚV. Það opinbera fyrirtæki hefur ekki áhuga á því sem er að frétta úr hinum stóra heimi, heldur aðeins á því sem fellur að pólitískri áróðursstarfsemi þess; hindurvitnum.

Donald Trump hafði rétt fyrir sér þegar hann kenndi PGE um eldana og fylkisstjórn Demókrata um lélegt eftirlit. En þá trylltist hið vitfirrta vinstri og DDRÚV tók undir trylling þess hér heima - eins og venjulega.

Gunnar Rögnvaldsson, 29.12.2019 kl. 10:12

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband