Andrómeda er þarna -

- M31 - 

- og hún hefur áhrif. Það hafa peningastefnur líka. Sama á hvorn veginn þær eru samdar og metnar. Lars Svensson neitaði að beita trúarbrögðum mónutjöruista evrusvæðis og fór því konsekvent frá sænska seðlabankanum sem síðan klessti sænska hagkerfinu

Þetta sýnir okkur að það eitt að vera í Evrópusambandinu án evruupptöku, lokar smám saman á fullveldi ríkjanna í peninga- og peningastefnumálum (e. national monetary policy) með yfirríkislegum þrýstingi og duldum hótunum klíkuveldis þess í gegnum ERM og sáttmálalegt niðurbrot ríkjanna í óendanlegri aðlögun (acquis). Já, smáríkið Svíþjóð er undir yfirríki Evrópusambandsins og í ERM - en þjóð þess ekki. Hún er að verða heimilislaus

Og allir vissu árið 1945 hvað heimilislaus þjóð þýddi. Um það ástand ríkti þá alger og heilagur sannleikur. Í Evrópusambandinu í dag þýðir hins vegar orðið "þjóð" kynþáttahatur. Slíkar eru þar framfarirnar (e. integration) og slík er þar samhæfingin (e. coordination)

1. Turning and turning in the widening gyre
2. The falcon cannot hear the falconer;
3. Things fall apart; the centre cannot hold;
4. ?

En líklega á sjálfur aðdragandinn þeirrar fyrstu og þá haldandi síðustu, meira og betur við nú

Trúarathöfn Evrópusambandsins er nefnist Hans & Grétu þensluskapandi niðurskurðaraðgerðir (e. Emu's Expansionary Austerity Fairy Tail Ritual) fer svona fram; þú stingur hníf í hagkerfið og býst við að blæðandi hag þess vaxi kraftur. Þegar árangurinn kemur til þín í formi hrynjandi landsframleiðslu, minnkandi tiltrú markaðarins, versnandi lánskjörum og súgþurrkun skattatekna ríkisins, þá endurtekur þú athöfnina þar til kenning Einsteins um heimsku mannanna er að fullu sönnuð. Svona fara Hans & Grétu þensluskapandi niðurskurðaraðgerðir Evrópusambandsins fram

Og nú hefur Laffer sagt að verðbólga sé eftir allt saman óháð peningamagni peningakerfisins; e. "Inflation does not appear to be monetary base driven" sagði hann heiðarlega. Það skyldi þó aldrei vera þannig, er það nokkuð. Ávallt er hollt að muna að peningamagn peningakerfisins er ekki sama og peningamagn hagkerfisins - svona eins og undir gufuhvolfinu í Sahara og Dyflinni á sama tíma

Þar sem meginland Evrópu er nú orðið þýskt á ný þá bíðum við spennt eftir áhrifamætti og hinu sanna aðdráttarafli rúgbrauðs á súrkál á öllu hinu endurþýskaða meginlandi taparanna í ESB

Einu sinni áttu alltaf allir að vera rétt í þann mund að flytja til Finnlands. En útkoman varð samt alltaf minni en núll. Hví skyldi svo vera - og það þrátt fyrir allar þessar harmónikkuðu hljómkviður hins níunda rúgbrauðs symfóníu og súrkáls

Fyrri færsla

Gorkúlan RÚV (áður Ríkisútvarpið) fallin saman

Gorkúlan RÚV (áður Ríkisútvarpið) fallin saman

DDRÚV leggst á landsbyggðina sem er 99,8 prósent af Íslandi 

Þessi stofnun sem snýst um sjálfa sig í Reykjavík og nágrenni hefur tekið upp sína eigin byggðastefnu í lýðveldi Íslendinga. Stofnunin hefur því ekki lengur fjárhagslegt bolmagn til að sinna frumskyldum sínum. Og notendur þess eru svo fláðir að þeir hafa heldur ekki efni á að halda uppi bolmagni Ríkisútvarpsins undir sjálfu sér

Það vakti stórfurðu mína er ég eftir 25 ára fjarveru frá Íslandi, komst að því að ekki er lengur hægt að hlusta á Ríkisútvarpið Rás1 (Gufuna) á langbylgju. Hinar vesælu FM-útendingar DDRÚV ná víða alls ekki —eða illa— inn og út til íbúa á landsbyggðinni nema með sérstökum tilfæringum. Þess utan er FM svo gott sem óhæft fyrir talað mál

Útsendingar útvarps ná ekki til þeirra greiðenda sem halda stofnuninni uppi. Og ef kvartað er þá birtist kannski eftir þrjú ár mælingamaður DDRÚV frá Austur-Berlín Reykjavíkurborgar til að mæla þann sendistyrk sem enginn er, þannig að stofnunin geti síðan frá sömu borg dritað út bréfi til íbúa landsbyggðarinnar þar sem þeim er sagt að DDR-stofnun þessi um sjálfa sig hafi ekki fjárhagslegt bolmagn til að snúast í kringum um viðskiptavini sína

Af hverju í ósköpunum er ekki séð til þess í þessu stóra og víðfeðma stórfjallalandi okkar Íslendinga að RÁS1 náist allan sólarhringinn á langbylgju um allt land. Hvaða afglapar hafa skipt tíðni þessarar bylgju á milli Rásar 1 og 2. Af hvejru er allt í kringum þessa stofnun svona fábjánalegt?

Svo er það þetta svo kallaða sjónvarp DDRÚV sem sent er út til dreifingar inn til skítafyrirtækisins Vodafone, sem afhendir það frosið, stíflað eða hakkað með ónýtum afruglurum sem bera nafnið Digital Ísland og sem nær undantekningarlaust eru drasl sem öngvum stillingum halda. Og við skulum ekki minnast á framboð, eða réttara sagt afturboð, Vodafone af glötuðum stöðvum til landsbyggðar sem virðist vera eins konar utanríkislegur baggi á fyrirtækinu 

Morgunblaðið; Siglufjörður - Náðu forystunni með eigin orku

Þegar ég sem polli sat með föður mínum góða —en nú sáluga— í Bensinum og síðar Scaníunni hans, er við fikruðum okkur með fullfermi upp og yfir Siglufjarðarskarð á marrandi gnístrandi gaddakeðjum í fyrsta gír í lága, þá náðum við þó alltaf því sem þá hét Ríkisútvarpið, sama hversu veðrið æddi um fjöllin. Og veðurfregnirnar komu sér oft ákaflega vel. Þetta segist og skrifast upp úr árunum frá 1963

Hvar er þetta Ríkisútvarp núna? Það er ekki til. Það er dáið. Það er orðið grenjustaður fyrir formann. Í dag kem ég á sveitabæi þar sem þeir sem byggðu upp þetta land þurfa að tengja og helst negla ferðaútvarpið niður í eldhúsvaskinn til að geta hlustað á útsendingar frá Austur-Berlín DDRÚV í Reykjavíkurborg. Sjálft fólkið sem byggði upp þetta land. Fólkið sem byggði stökkpallinn sem þú stendur á 

Það eina sem ríkið skaffaði okkur á leiðinni yfir Skarðið voru langbylgjusendingar Ríkisútvarpsins. Restina höfðum við skaffað okkur sjálf: atvinnutækin, vegina fyrir fjöllin, rafmangið og fjármangið sjálft. Siglufjörður var ekki grenjustaður

Hryllilegt er nú að sjá Stalínistískt rangsætt og sovésk almannavarnarbyrgi Reykvíkinga staðsett innan í fjallinu fagra á þessum fyrrum glæsta stað í dag. Þessa hrikalegu holu sem eitt fullkomlega rangstætt peningagat inn í risavaxið fjall fólksins. Engum til gagns og flestum til óþurftar. Nú er bara að bíða þess er bænum verði lokað og sjúkrahúsið lagt niður - vegna jarðarfararferða einnar höfuðborgar með túrhestagympi sín í gegnum gatið það og út í tómið

Það er svívirðilegt að sjá hvernig þið hafið því sem næst afskaffað Ísland með bólugreftri eins höfuðborgarsvæðis. Þetta verður að breytast! Þessi barsmíði á Lýðveldinu verður að hætta

Fyrri færsla

Hlé gert á barsmíðum

Mastrið ekki upp á næstunni

Hlé gert á barsmíðum

Landsfundur áréttaði að flokkurinn hætti að svíkja kjósendur sína.

Að gera hlé á barsmíðum er ekki það sama og að hætta þeim. Heill himinn er hér á milli fósturjarðar grasrótarinnar og turnspíru flokksins. Munurinn á réttu og röngu; Því allra mikilvægasta; traustinu sjálfu. 

Hve lengi ætlar turnspíra flokksins að halda barsmíðinni áfram? Kannski þar til allt fylgi hans er plægt niður í ekki neitt ?

 

Fyrri færsla

 

"Seljum" peningaprentvélina II - nú er það KEF 

"Seljum" peningaprentvélina II - nú er það KEF

Traders "in airports and bloody ports"

Þegar orðið fjárfestir er notað á íslensku þá er ekki átt við það sem á ensku kallast "trader". Fjárfestir er maraþonhlaupari. Hann stundar hvorki kaup né sölur, því hann þarf þess næstum aldrei. Hann er nefnilega ekki "trader" sem alltaf eru að kaupa og selja, því allt er endalaust og ávallt frá Tipperary-byrjun þeirra vitlaust keypt

Hvað er það sem fær fullvita menn —"operating out of Zürich"— til að leggja því þvaðri hér til hafnar að til dæmis íslenska ríkið, sveitafélög eða jafnvel atvinnufyrirtæki, selji undan sér það sem skaffar þeim stöðugan straum tekna, ár eftir ár og áratug eftir áratug. Hvað fær menn til að leggja slíkt til málanna. Sennilega einungis "trader" í dulargerfi "fjárfestis" - kaupsölumaður

Það heimskulegasta sem íslenska ríkið gæti undir öllum kringumstæðum gert, er að selja undan sér eignir sem skaffa því endalausan straum tekna og gróða í þjóðarbúið. Að leggja til að selja til dæmis Keflavíkurflugvöll er enn verra og heimskulegra en það sem farið er fram á að gríska ríkið geri sjálfu sér illt, til að þóknast Treuhand-anstöltuðum kröfukrötum í myntbastarðar fangabúðum Evrópusovétsambandsins; - að losa sig við tekjulindir sínar

Keflavíkurflugvöllur og hafnir Íslands eru ekki bólutengdar eignir

Svo er að minnsta kosti enn, sem betur fer. Og vonandi verður svo áfram. Fjárhagsstaða hins opinbera í þjóðarbúinu mun ekki batna við að selja eign eins og Keflavíkurflugvöll. Staðan myndi hins vegar einungis versna því hagnaðinum yrði skipað út til annarra landa. Til annarra soltinna landa sem eiga til dæmis engan Keflavíkurflugvöll á átjándu stærstu eyju veraldar. Og sem er strategísk eign íslenska ríkisins og að hluta til gjöf frá Bandaríkjamönnum

Ef um einhvern aukinn gróða nýrra eigenda yrði að ræða við slíka sölu, þá myndi hann undantekningarlaust verða málsverður á borði kaupsölumanna sem undantekningarlaust yrði neytt erlendis, það er að segja; utan þjóðarbúsins og í þeim kaupkrafti erlendra þjóðhagsreikninga sem Martin Wolf rassskellti Heiðar Má Guðjónsson með (myndbandi VÍB eytt, delete delete delete deleted, selt selt selt)

Summan af eignarhalds-tekjulindum ríkisins af Keflavíkurflugvelli er jákvæð svo langt sem augað eygir. Við höfum hér hinn djúpa disk á borði Íslendinga og þurfum ekki undirskálar til að kasta svona sprúdelútvötnuðum hugmyndum í

Þökk sé glæframönnum urðum við Treuhandanstalti meginlands Evrópu næstum því að bráð. Aðeins fullveldi lýðveldis Íslendinga og gjaldmiðill þess kom í veg fyrir að við yrðum sú bráð

Fyrri færsla

Síðasta hníf ársins og þeim fyrsta kastað í hjarta ESB

Tengt

"Seljum" peningaprentvélina I 

Mætti selja Keflavíkurflugvöll

Síðasta hníf ársins og þeim fyrsta kastað í hjarta ESB

 

Standard & Poor's lækkaði lánshæfnismat Evrópusambandsins föstudaginn þann 20. desember 2013.

Með marðarspelkusáttmála Evrópusambandsins hinn 1. nóvember árið 1993, frá Maastricht af, varð Evrópusambandið sjálfstætt ríki yfir öllum þeim ríkjum sem í sambandinu voru - og svo þeim ríkjum sem síðan þá hafa ofan í það fallið. Og þau eru mörg og flest sovétríki

Já. Evrópusambandið varð frá og með 1. nóvember 1993 sjálfstætt yfirríkisríki, en þó ekki fullvalda. Það verður það ekki fyrr en fullveldi undirríkja sambandsins í gíslatökuvefjum þess hefur að fullu verið tappað af og pumpað niður úr ríkjunum sem öll eiginhandarárita þá sáttmála, lög og lagnir sem beina því úr landi og yfir til yfirríkisbræðslustöðva Evrópusambandsins í Brussel. Fyrir því er nú hart barist af elítum sambandsins. Jafnt nú sem og öll hin síðustu 55 ár misfóstursins

 

Soghljóð evrunnar —á tuttugasta ári marðarkrypplings ESB— sem við  heyrum koma frá allsherjar niðurfalli Evrópu niður í ESB, er einmitt það. Soghljóð fullveldisdælunnar er vinnur nótt sem alla einskisnýta daga Evrópusambandsins við að bræða fullveldi ríkjanna niður í gömlu mót einræðisins

Fullveldið getur bara verið á einum stað í einu. Og bara í einu ríki í einu. Á einum stað sem einn hnappur væri. Annars væri það einskis virði. Þökk sé því, var í einum grænum hægt að kalla þing saman á Alþingi Íslendinga og setja hér neyðarlög, sem og öll önnur lög Lýðveldisins

 

Fullveldið var og er okkar - og aðeins okkar. Við réðum og ráðum ráðum. Og hin íslenska mynt, krónan, er einn mikilvægasti framkvæmdaarmur fullveldis okkar. Að missa hana er eins og að missa skrúfuna og allar árar samtímis. Þá myndi þjóðríki okkar Íslendinga sogast niður í bræðsluna

 

Síðan í kjölfar Maastricht-sáttmálans 1993, var sjálfri yfirstjórnarskrá allra landa Evrópusambandsins —Lissabonsáttmálanum— samfellt í sjö ár nauðgað í gegnum þjóðþing þeirra landa sem í sambandinu eru. Og enginn kjósandi var í því ferli spurður álits á neinu, nema á Írlandi og þar sögðu þeir nei, þar til að í nægum yfirríkislegum hótunum hafi verið haft við þá

 

Í þessari gegnumnauðguðu yfirríkisstjórnarskrá Evrópusambandsins stendur svart á hvítu að evran er mynt sambandsins. Öll ríki nema tvö eru samkvæmt hinni yfirríkislegu stjórnarskrá skuldbundin til að taka upp evru og þar með að dæla öllu fullveldi sínu í peningamálum yfir í evru sambandsins - um aldur og ævi

Evrópusambandið krefst "héraðsisma" og notar hann sem eitt af helstu verkfærunum til að slökkva á þjóðríkjunum til að geta dælt úr þeim fullveldinu. Það skiptir sér meira og meira af "héraðsmálunum" undir yfirskini "byggðaþróunar". Tilgangurinn er auðvitað að brjóta upp þjóðríkið og útrýma því súrefni og jarðvegi sem alið getur af sér heilsteypt þjóðríki borgara sem hafa með sér sameiginlegan tilgang og sameiginleg markmið

 

Koma þarf í veg fyrir að þrifist geti þjóðríki sem sjálf setja sér þau lög sem þau lifa í samræmi við. Í þennan vandalisma ESB á þjóðríkjunum fer m.a. mútufé Brussels; til að drepa hið þjóðbernska afl þjóðríksins (e. natal energy)

 

Nú hefur sem sagt Standard & Poor's lækkað lánshæfnismat Evrópusambandsins í Brussel, þangað sem illa fengið og súrefnisdrepandi mútufé evrópska elítuaðalsins streymir til útmútunar stjórnmála- og embættismanna í öllum héruðum meginlandsins í einu allsherjar samsæri þeirra gegn kjósendum

 

Eru þá hinir svo kölluðu björgunarsjóðir; réttnefndir drekkingarsjóðir Evrópusambandsins; þar með taldir. Úr skúffusetti Standard & Poor's eiga margir hnífar eftir að fljúga til ESB. Þessi hér stakkst sjálfkrafa af stað er gamla skápasett sovétsósíalista Evrópu hrökk marrandi upp af fjöður sinni á ný

Fyrri færsla

 

Saxo Bank: Evrópusambandið mun birtast sem nýtt Sovétríki á næsta ári

 

Saxo Bank: Evrópusambandið mun birtast sem nýtt Sovétríki á næsta ári

 

Spádómar Saxo Bank fyrir árið 2014 eru meðal annars þeir, að á því ári mun Evrópusamband elítuvelda meginlands Evrópu taka lokaskrefið í langri röð slíkra skrefa sambandsins til fullforherts einræðis. Það muni á árinu 2014 birtast heiminum sem nýtt alræðisríki yfir Evrópu (e. a totalitarian European state). Saxo Bank er fjárfestingarbanki

It will be the final move towards a totalitarian European state and the low point for individual and property rights. We have gone full circle back to a Soviet Union model.

           - Steen Jakobsen Chief Economist Saxo Bank

 

Verðhjöðnun mun trylla elítuveldi meginlandsins. Eignaréttur verður pressaður og mölvaður til hins óþekkjanlega undir fyrir löngu klöppuðu og kláru laga- og dómstólaverki sambandsins til einræðis. Til alls þessa —og frá upphafi— var laga og regluverk sambandsins samið og dómstólar þess fyrir komandi einræði á svið settir; til handa nytsömum afglöpum

Byltingar munu verða í tveim löndum hins nýja Sovétríkjasambands Evrópu (NSU, áður nefnt EU, en á íslensku ESB)

Fjármagns- greiðslu- úttektar- millifærslu- og gjaldeyrishöftum verður skellt á

Eignaupptaka verður framkvæmd hjá þeim sem eiga eignir er nema hærri upphæð en þeirri sem diktöt NSU segja fyrir um á hverjum tíma, undir endurnýjuðu einræði NSU yfir meginlandi Evrópu

Þýskaland mun hrynja niður í kreppu. Herlög undir herstjórn verða sett á í fleiru en einu vestrænu ríki

Margt fleira nýtt (og gamalt frá 1914) er að finna í spá Saxo Bank fyrir okkar næsta ár, sem skrifast 2014. Hana má nálgast hér: PDF (14Mb)

 

Fyrri færsla

 

Fyrirsagna-vísitölur eins "Evrópusambands" verri en E1914 og E1930

Fyrirsagna-vísitölur eins "Evrópusambands" verri en E1914 og E1930

E2013

 

Hafi greinendur fyrir því að skyggnast á bak við gluggaútstillingar CBRE-fasteigna vísitölunnar á sviði atvinnuhúsnæðis í Þýskalandi — og það hefur Standard & Poor's gert— þá útstilla hin brennandi eignasöfn bankakerfis hins "sterka Þýskalands" sig þar nokkuð sjálf sem einn allsherjar vöxtur gjaldþrota og eignabruna

 

 

 

Mynd, Standard & Poor’s 9. desember 2013; Verðmatsvísitala Standard & Poor’s yfir atvinnuhúsnæði í Þýskalandi er í hrópandi mótsögn við sömu vísitölumælingar atvinnuhúsnæðis CBRE-fyrirtækisins þar í landi

 

For some sectors—such as German offices, for example—this sample of properties does indeed show significantly more negative performance than some of the headline indices may suggest (see chart 13) [..] This partly explains why the majority of loans in European CMBS transactions are defaulting as they reach maturity, with many borrowers still deeply in negative equity at the time they need to refinance their loans.

 

Í sömu greinargerð Standard & Poor's frá þeim sama 9. desember 2013, kemur fram að bankakerfin á evrusvæði ESB búa við miklu hærri endurfjármögnunaráhættu en bankar og fjármálastofnanir búa við í nær öllum öðrum hlutum veraldar

 

Þessu verður áfram að halda leyndu, hvað sem það kostar. Enginn má komast að hinu sanna um ástand fjármála- og bankakerfa öldrunarhagkerfis Þýskalands og enginn má komast að hinu sanna um ástand hinnar undirliggjandi eyðileggingar evrunnar í öllum löndum myntbandalagsins. Meginlandi Evrópu hefur hún rústað og það til frambúðar, eftir að myntbandalagi Evrópusambandsins var þar komið pólitískt á yfir fólkið af elítuveldum ESB-landa. Allt gengur því þar, samkvæmt áætlun

 

E1914

 

Europe 1914 vs. Monetary Union Today

The difference is that World War I was a tragedy, not a crime. "Monetary union is a tragedy and a crime." - By Bernard Connolly

 

Í haustútgáfu tímaritsins The International Economy (krækja), ritar Bernard Connolly nýja grein um meginland Evrópusambands dagsins í dag miðað við Evrópusambandslaust meginland Evrópu 1914. Þar segir; Heimsstyrjöldin fyrri var ekki glæpur, hún var tragedía. "Myntbandalag Evrópusambandsins er hins vegar bæði tragedía og glæpur." 

 

E1930

 

 

Mynd; fyrirsagna-vísitala forseta framkvæmdastjórnar Evrópusambandsins, sem ég veit ei hvað stjórn sú "framkvæmir" - annað en að framsögukvæma stundvísar tölur sínar til eyðileggingar Evrópu

 

Paul Krugman; I’ve mentioned before that at this point Europe is actually doing worse in the aftermath of the 2007 crisis than it did in the Great Depression - 

If Only It Were the 1930s, Europe does worse

 

Fyrri færsla

 

Álagsprófskírteini þýskra doktora í peningamálum 

 

Álagsprófskírteini þýskra doktora í peningamálum

Mynd: meðaltals-lánshæfnismat evrusvæðis - FT

 

Eins og sumum er kunnugt þá hafa afar hátt settir þýskir stjórnmála- og embættismenn verið staðnir að því að hafa falsað prófskírteini og doktorsritgerðir sínar úr helstu háskólum landsins. Sumir hafa þurft að segja af sér. En auðvitað ekki fyrr en upp um þá var komið út í pressu

Þar sem um sjálfa vélavél myntbandalagsins er að ræða —Þýskalandið— er afar mikilvægt að hafa það fast í þínum huga, að öllu því sem raunverulegu máli skiptir innanborðs í banka- og fjármálakerfi Þýskalands og evrusvæðis þess, verður á einn eða annan hátt haldið földu og leyndu utan við hið komandi álags- og eignagæðapróf peningayfirvalda evrusvæðis (e. asset quality review, before stress test)

 

Og eins og allir vita þá álítur Þýskaland sig ekki vera kerfislega-mikilvægt, þar sem það er jú kerfið sjálft. Það býr því sjálft til sínar eigin undanþágur eins og því sjálfu hentar

 

Álagprófið á að fara fram á "kerfislega mikilvægum" bönkum myntsvæðisins í örvæntingarfullri tilraun höfunda þess til að búa til svo kallað "bankabandalag", sem leyna mun eiga sköpun hins komandi en földu eignayfirfærslubandalagi fyrir þýskum almenningi og umheiminum (þ. Transferunion)

 

Stress-prófa á kerfið sem er að kæfa Evrópu. Það verður auðvitað að virka. Allt verður áfram gert til að hægt sé að halda sannleikanum frá alþjóðlegum fjármálamörkuðum og frá fólkinu í löndum myntbandalagsins, eins og ávallt hefur verið gert frá því að fyrirbærinu var laumað yfir lönd þess

 

Þýskalandið;

Sparkassen er það sama og Landesbanken

sem er það sama og embættis- og stjórnmálamenn

sem er það sama og eruophiles

(S=L=P=E)

 

WSJ; In late-night negotiations last December, German Finance Minister Wolfgang Schäuble ensured that day-to-day supervision of all but one of the 417 Sparkassen—the largest, the Hamburger Sparkasse is the exception—will remain in German hands, even when the European Central Bank becomes the euro zone's banking policeman next year [..] It also includes the Landesbanken, big accident-prone public banks co-owned by the savings banks and regional governments

 

Íbúar og fyrirtæki á þessu myntsvæði þurfa nú —og um alla framtíð þess— að lúta þeim hrikalegu örlögum að búa við þjóðhættulega hátt raunvaxtastig og ömurlega pólitískt- og réttarfarslega svikið framboð af fjármagni, sem undir sáttmálalegri uppskrift ESB að æ vaxandi einræði, mun skaffa fólkinu þúsund ára massíft atvinnuleysi og nýörbyrgð

Hin pólitísku þýsku beinagrindasöfn Landesbanka-kerfis í gegnum stærstu sparisjóði Þýskalands, þola ekki þetta álagspróf. Vinna því þýskir stjórnmálamenn nú þvers á alla flokka saman að því að nýmála hinn pólitískt rotna hluta fjármálakerfis landsins sínum hefðbundnu eðlislægu felulitunum. Fer þar mikil samvinna fram af sameiginlega hertum hug. Þeim sama hug og nú krefst þess að öll lönd evrusvæðisins, nema tvö, aðlagi sig að myntinni sem er að rústa þeim

Í greinargerð Standard & Poor's frá 9. desember 2013, kemur fram að bankakerfin á evrusvæði ESB búa við miklu hærri endurfjármögnunaráhættu en bankar og fjármálastofnanir búa við í nær öllum öðrum hlutum veraldar

 

Að vera banki og fjármálastofnun á sjálfsköpuðu geðbilunarsvæði myntbandalags Evrópusambandsins, er fyrir löngu orðið eins og spáð var; þ.e.a.s peninga- og fjármálakerfi skapað til rekstrar á hinni myrkvuðu hlið tunglsins; Banking in a Monetary System for Assorted Lunatics

 

Hin efnahags- og fjármálalega borgarastyrjöld innan myntbandalags Evrópusambandsins heldur áfram. Hefur hún nú í nomenklaturu hugum eruophiles — og loksins! loksins! að þeirra mati— náð stórskotaliðsstöðu niður á jafnvel hinar æðstu þing- og stjórnarfarslegu stofnanir heilla ríkja myntbandalagsins, sem nú undir evru í rúst liggja. Þýskalandið, sporbaugslönd þess og eurphiles þeirra, eru loksins staðbundið að sigra meginland Evrópu með því sem frá upphafi eingöngu í heiminn var fætt, og í stöðu sína sett, til höfuðs Bandaríkjum Norður-Ameríku; Evrópusambandinu

Le Cancer américain

á hlaðborðum Table Ronde

Og vinsamlegast gleymið því ei, að þetta frá fyrst 1926 —og (síðar uppnefnt ECSC) stálkolaða og svo kallaða "ESB-samvinnuverkefni" Vichy-hersetuliðs-ríkisstjórnar hins ófrjálsa Frakklands og nasistaflokkaðs Þýskalands— var auðvitað strax endurreist og þegar stóriðnaðarlega í gang sett árið 1940 - á landssvæði Lotharinga

 

Engan skal því furða að s.-skrifarar og fleri fjórðusíðu talsmenn um "áætlunarráð ríkisins" frá 25. nóvember 1969 á Íslandi, geri áfram sitt heilaþvegna tilkall til aðildar þjóðríkis Íslendinga að Evrópusambandinu. Heil þjóðríki og þjóðir þeirra er vel hægt að þurrka út úr tilverunni. Já, útrýma þeim. En þó aldrei af blöðum sögunnar. Það er ekki hægt. Ekki af blöðum sögunnar. Aldrei - þó mikið sé reynt

 

Tengt

 

German Savings Banks Flex Political Muscle (WSJ)

Þýskaland felur skuldbindingar ríkissjóðs í skattaskjólum (DS)

Ríkisbanki eins evru-ríkis þjóðnýttur af evru-ríkinu í öðru evru-ríki

Gjaldeyrishöft innleidd á evrusvæði

Halló ERM-Bonn, ERM-París hér 

 

Fyrri færsla

 

Tími gangsetningar fjármagns- og gjaldeyrishafta nálagst á öllu evrusvæðinu

Tími gangsetningar fjármagns- og gjaldeyrishafta nálagst á öllu evrusvæðinu

Öll lönd evrusvæðisins eru með verðbólgu sem er næstum því núll og er hún þar með víða 180 prósentupunktum minni er verðbólgumarkmið ECB-seðlabankans segja fyrir um

Fimm lönd evrusvæðis eru komin út í fullkomna verðhjöðnun. Hún hækkar skuldir ríkjanna miðað við tekjur þeirra, sem skreppa meira og meira saman. Laun almennings og tekjur landsframleiðslunnar duga skemur og skemur fyrir greiðslum af skuldum og fyrir endurfjármögnun risavaxinna ríkisskuldbindinga stjórnmálamanna

 

John Dizard skrifar í FT; "American investors who make decisions by weighing sell side research or listening to cable news are underestimating the risks of the fragmentation of the euro area’s economies and banking systems. Europeans are far more aware of the degree to which banking systems and government bond markets have become renationalised, with proportionately much thinner cross border capital flows" 

 

Á skotgrafa-sundurgröfnu myntsvæði evru Evrópusambandsins, hefur atvinnuleysi víða á myntsvæðinu nú þegar náð for-Hitlerskum-1930-hæðum. Atvinnuleysið vex sem þykkt þekjandi illgresi yfir eignir sem eru að deyja undir verðhjöðnun. Fólkið ryðst út á götur og stræti í evrulöndum til að mótmæla þessari Evrópusambands-uppbyggingu nýs sovétríkis yfir líf þeirra; NSU

Því nær sem allt evrusvæðið þokast hinu eyðileggjandi heljargljúfri fullblásinnar verðhjöðnunar, því nær þokast svæðið einnig í þá átt að á því öllu verði samtímis gripið til allsherjar fjármagnshafta; gjaldeyrishafta, yfirfærsluhafta, úttektarhafta og millifærsluhafta eins og gerst hefur locus classicus á sovétríkjandi peningaumdæmi ESB á Kýpur. Og sem fullar heimildir eru fyrir í öllum NSU-sáttmálum Evrópusambandsins; sem enginn stjórnmálamaður las, en sem allir fyrir skriffæralausar hendur fólksins skrifuðu þó undir í reykfylltum bakherbergjum ESB út um allt

 

John Dizard skrifar í FT; "The combination of fiscal austerity and private sector depression in peripheral Europe – the so-called “adjustment” – has if anything increased the risk of capital controls, even, in some cases, outright exit from the euro area"

Árið 2014 verður hörmulegt fyrir þjakaða íbúa evrusvæðisins. Óhætt er að segja að lítið og jafnvel minna en ekkert sé þar samkvæmt langri hefð að marka neinar hagspár Evrópusambandsins fyrir næsta ár; sem er 12 mánuðir. Þær eru slæmar, en raunverulekinn, samkvæmt venjum ESB, verður enn verri. Hagspár embættismanna Evrópusambandsins fyrir árið 2015 á evrusvæðinu eru því miður ennþá meiri þvættingur og henni líta því allir burt frá

Ef það er eitthvað sem fjárfestar hata þá er það verðhjöðnun. Jú, þeim er illa við mikla verðbólgu. En drepsótt verðhjöðnunar er þeim sem verandi mörgum sinnum verri en verðbólgumartröð. Þá kemur merkið; pull-out! pull-out! exit! exit! alltaf allt of seint. Og þá hurðarása-klappa höftin í lás, svo að hinir nú þegar ónýtu bankar evrulanda brasi ekki í gegnum neyðar snjóþrúgufæra eggjaskurn myntbandalags Evrópusambandsins

 

Síðasta "bankabjörgun" er enn að hengja löndin á fullu afli og sú næsta verður algerlega óviðráðanleg. Gersamlega óviðráðanlega óviðráðanleg 

 

Fyrri færsla

 

Þokubakkastjórnmál ECB-skýjaseðlabanka Evrópusambandsins 

Þokubakkastjórnmál ECB-skýjaseðlabanka Evrópusambandsins

Í vikunni lækkaði tæknigeira-greinandi UBS-bankans, Steve Milunovich, mat stórbankans á tæknafyrirtækjunum IBM og Accenture. IBM eru sem kunnugt Alþjóðlegar Skrifstofuvélar og Accenture er tölvuráðgefandi fyrirtæki á sviði upplýsingatækna-tækni og sá tölvunarráðgefandi hluti er lifði af sjálfsslátrun endurskoðunarfyrirtækisins Arthur Andersen á sjálfu sér er það dó

En í sömu aðgerð hækkaði hins vegar Milunovich mat sitt á tölvutæknifyrirtækinu Apple, sem stofnað var í amerískum bílskúr árið 1976, vegna þess —sagði hann— að fyrirtækið Apple væri heiðskírt fyrirtæki á sviði tölvutækni —"the uncloud company"— og því "réttu megin við skýin". Heiðskírt tæknifyrirtækið Apple, sagði Milunovich, væri þannig að éta í sig markaði ofangreindra tveggja "tækna-fyrirtækja" - sem nú fossrignir niður á þrálátum og langvinnum líklegum fyrirtækjanna

Þessa sömu leið mun tvístruðu Android rigna niður í sömu fötu og klessukeyrðum sundruðum götustráka hugbúnaði símafyrirtækja hefur rignt nú, úr meðal annars fjöldagröfum Novell

Hér í leiðinni er einnig hægt að geta þess, að í maganum á Accenture liggur nú Nokia-stýrikerfið Symbian í slipp, þar til því verður sturtað þaðan niður út í sjó

Steve, þetta tókst! Apple er byrjað að taka kerlingarknúna rigninguna úr IBM niður í þakrennurnar á meðan hitt fyrirtækið (Microsoft) rennur mjúkt niður í klósettið, því það er meðal annars komið með Nokia í magann, eftir að hafa beðið svo lengi á sama stað eftir Lognhorn

Það var karl-kerlingin Lou Gerstner sem skipaði IBM að hætta hundrað prósent in-house þróun fyrirtækisins á undrabarninu OS/400-stýrikerfinu. Það þótti honum nefnilega svo "áhættusamt". Hægt er að umskrifa þá heimsku yfir í að það væri "of áhættusamt" fyrir IBM að vera hundrað prósent tæknifyrirtæki og gera ekkert annað en að vera sjálfu sér samkvæmt; þ.e.a.s að vera eingöngu ekta tæknifyrirtæki. Rignir því fyrirtækinu niður í þakrennur annarra sem úthýstum Fiorina-compökkuðum kerlingardropum

Setning vikunnar

Og svo er það setning vikunnar sem leið. Lars Christensen hjá Danske Bank hlýtur að eiga heiðurinn af henni, er hann sagði; að "peningaþurrðar-ástandið á evrusvæðinu væri japanskt ástand og að ECB-seðlabankalingur Evrópusambandsins væri að gera öll þau sömu mistök sem seðlabanki Japans hóf og framkvæmdi án afláts" (en þó með aflátsbréfasölu bankans til innlendra gamalmenna), frá því að hagkerfi Japans hóf hið sjálfskapaða þúsund ára útþurrkunarferli sitt á árið 1989. Undir einmitt klaustur-stjórn japanska seðlabankans og 55 ára samfelldri ríkisstjórnarsetu sama fólks yfir landinu

Lars Christensen: “But low rates mean nothing. What the ECB has done is to prop up banks and countries through credit policy. That is not monetary policy,” he said 

Já. Skýjastjórnmál eru ekkert grín. Sjáið bara Jóhönnu, Össur, Steingrím, Ögmund, Árna þó og kó: þeim rignir nú bókstaflega niður sem skrifstofupökkum yfir borgríkis þjóðina

Fyrri færsla

Byggðastefna höfuðborgarsvæðisins gangsett