Wuhan-veiran: Stýrir Evrópusambandið sóttvörnum á Íslandi? Olíuverð hrunið

Mynd Telegraph: "The actual strategy we are following comes from the European Centre for Disease Prevention and Control (ECDC), the EU’s main public health body" (sem nú er ein og samfelld rjúkandi rúst)

****

Á vefsíðum hins breska dagblaðs Telegraph, var á föstudaginn frétt þess efnis að öll lönd Evrópusambandsins, og EES-lönd líka, væru að fylgja stefnu og áætlunum ókjörinna embættismanna í Brussel í baráttunni við kínversku Wuhan-veiruna. Birt var mynd með íslenska þjóðfánanum í hrærigraut með öðrum ESB-löndum, sem annað hvort eru mjög sýkt af kínversku Wuhan-veirunni, eða eru að sýkjast af henni á ógnarhraða, og svo Ítalíu sem af sama fólki hefur verið sturtað inn í hið fullkomna stjórnleysi og allt að því upplausn. Blaðið segir að öll þessi lönd séu að fylgja áætlun og vinnuteikningum Evrópusambandsins í málinu, sem varðar lýðheilsu okkar Íslendinga allra, og efnahag landsins. Ítalía hefur verið að fylgja þessum vinnuteikningum og er því á barmi upplausnar núna, þar sem enginn veit lengur hver stjórnar landinu, eða hvort að því sé yfirhöfuð stjórnað, eða jafnvel hvort að það sé enn stjórnhæft eftir að hafa næstum liðast í sundur undir evru- og esb-aðild undanfarin 30 ár og sem grafið hefur svo undan heilbrigðskerfi landsins að það má alls ekki við neinum áföllum

Eurointelligence 26. febrúar 2020: "EU health ministers yesterday decided against border closures or even milder forms of travel restrictions on the grounds that they considered such measures disproportionate. One of those was Jens Spahn, the German minister, who claimed his country was well prepared for a crisis outbreak. The complacency of policymakers reminds us of the early phase of the eurozone crisis. That was based on backward-looking economic analysis at the time, and a lack of understanding how a financial crisis can spread across borders. We are seeing the same complacency at work again. [...] In view of the complacency of health ministers it is far from clear that we are better placed to deal with the disease than the Chinese. The Chinese initially allowed the disease to fester and spread unchecked, but have since taken draconian measures to control it."

Þann 25. febrúar síðastliðinn héldu heilbrigðisráðherrar Evrópusambandlanda fund um löngu lenta Wuhan-veiruna á Ítalíu og höfnuðu því að landamærum væri lokað. Þeir höfnuðu einnig öllum takmörkunum á ferðum manna, jafnvel þeim allra mildustu. Þar hélt þýski ráðherrann Jens Spahn því fram að Þýskaland væri "mjög vel í stakk búið" að takast á við veiruna. Komið er í ljós að svo var alls ekki. Þetta skrifaði Wolfgang Munchau þann 26. febrúar úr greiningarfyrirtæki sínu eurointelligence.com sem daglega greinir stöðu mála í Evrópusambandinu, en hefur nú flutt sig um set yfir til Bretlands. Munchau var áður ritstóri þýsku útgáfu Financial Times, sem lokað var vegna áhugaleysis Þjóðverja á umheiminum

GÁFU SÍÐAN ÚT GÚMMÍTÉKK KL. 05:00 Í DAG

Í Þýskalandi –samkvæmt frétt Bloomberg áðan– gefa hinir sömu ráðamenn út þann óútfyllta víxil í dag að "ekkert þýskt fyrirtæki megi verða gjaldþrota vegna Wuhan-veirunnar". Þetta er líklega stærsti óútfyllti víxill sögunar sagði fréttamaður stöðvarinnar. Fyrir nokkrum dögum síðan átti ekkert að vera að neins staðar í öllu Evrópusambandinu og allra síst í Þýskalandi. Svipað sagði sænska ríkisstjórnin er seðlabanki Svíþjóðar hækkaði stýrivexti í 500 prósentur til að verja einhliða EMS-bindingu sænsku krónunnar við musteri ERM-pyntingarklefa ESB 1992, en gafst svo auðvitað upp nokkrum dögum síðar. Aldrei að vanmeta heimsku, ábyrgðarleysi, vangetu og hroka embættis- og stjórnmálamanna

ÞOKULÚÐRASVEIT OG ÞOKUBAKKAR ESB

"Waiting for the brain fog to lift"
"Eurozone finance ministers reiterate that nothing is more urgent than waiting."

Þann 5. mars skrifaði Munchau einnig að beðið sé eftir að heilaþokunni létti hvað varðar ECB-seðlabankaling evru þegar að hans hlutverki kemur í þessu stórkostlega afneitunarmáli allra í Evrópusambandinu. Nokkrum dögum áður hafði bandaríski Federal Reserve seðlabankinn gripið til harkalegra mótvægisaðgerða til að létta Bandaríkjunum baráttuna gegn hinum efnahagslegum áhrifum Wuhan-veirunnar, með því að lækka vexti og tryggja aðgengi bankakerfisins að lausafé. ECB-seðlabankinn er enn að glíma við evru-hrunið-2009 og getur ekki lækkað vexti því þeir eru þegar núll. Engri þoku hefur þar létt. Hún er meira að segja borin á borð evru-landa á þökubökkum alla daga ársins, ár eftir ár

Fyrir mér hljómar sóttvarnarstefna- og aðgerðafærði embætta Landlæknis, Sóttvarnarlæknis, heilbrigðisráðherra og ríkisstjórnar eins og að þeir myndu senda Vestmannaeyingum þær nýju leiðbeiningar að aldrei aftur mættu þeir reyna að stöðva hraunflæði, sökum þess að slíkt gæti skaðað eldgos annars staðar á jörðinni. Ég bara skil ekki svona ESB/EES og Schengen-hálfkák og sýrusósur. Enginn dýralæknir myndi fara svona að í sóttvörnum, með því að innflutningi á sýkingum skuli hvað sem það kostar haldið áfram, í þeirri trú að hægt sé að hafa stjórn á þeim innan girðingar. Hvað er að gerast hér? Hefur fullveldi þjóðarinnar í þessum málum, sem og mörgum öðrum, verið kastað fyrir róða? Þetta mun kosta íslensku þjóðina ofboðslega. Þessi vanræksla mun kosta okkur ofboðslega

Á sama tíma hvetur Guðni Th. Jóhannesson forseti Íslands alla til að gera eins og gert var í Egyptalandinu (nú ESB) sem Ísraelar (nú Bretar) gengu út af; þ.e. að hlýða faraó og gagnrýna engan nokkru sinni fyrir að hafa breytt Íslandi í pestarbæli með því að hlusta áfram á þá sem breytt hafa 30 löndum í Evrópu í stjórnlausa ruslahrúgu ábyrgðarlausra embættismanna, sem hvorki getur skilgreinst sem réttaríki né siðmenntað fyrirbæri. Í gamla daga voru Ítalir fremstir í sóttvörnum. Þeir lærðu það í Svarta dauða, sem talinn er hafa komið í land um ítalskar hafnir á Suður-Ítalíu frá Asíu

LEVEL-4

Það er svona sem útbreiðsla Rússlands í Evrópu myndi ganga fyrir sig, væru Bandaríkin ekki þar. Hún myndi ganga jafnvel enn betur en útbreiðsla kínversku Wuhan-veirunnar. Þýskaland og Evrópusambandið viðhafa nákvæmlega sömu stefnu þar. Bjóða veirunni inn og taka upp löggjöf hennar og gera sig háða henni. Og enginn nema örfáir virðast setja spurningarmerki við að eina LEVEL-4 rannsóknarstofa Kína í veirurannsóknum, er staðsett rétt við Wuhan í Wuhan Institute of Virology of the Chinese Academy of Sciences, þar sem magn dýra er notað til rannsókna í því hvernig vopngera megi veirur, eða þróa bóluefni við þeim. Hvað nú ef fégráðugir svo kallaðir "kínverskir kommúnistar" seldu sýkt dýr á útimarkaðinum sem veiran er sögð hafa komist í umferð. Á þessum markaði er næstum hvað sem er lifandi selt sem mannamatur. Og enginn spyr heldur að því hvers vegna Ítalía og Íran, af öllum stöðum á jörðinni, eru nú orðin aðal-dreifingarmiðstöðvar fyrir kínversku Wuhan-veiruna í heiminum, fyrir utan Kína. Sumir vita kannski að Íran er náið samstarfsland Kína og Norður-Kóreu, og að Kína er einn stærsti viðskiptavinur Írans þegar að olíu kemur. Nánar um viðbrögð heimsins við Wuhan-veirunni má lesa í grein Victors Davis Hansonar sagnfræðings í klassískri sögu og hernaði; hér. Og atburðarrásar-greiningu Wall Street Journal á upptökunum að veirugosi kínverska kommúnistaflokksins yfir heiminn, má lesa hér. Það er sennilega af þeim flokki sem Evrópusambandið hefur lært að gjósa veirum yfir íbúa sambandsins, með því að aðhafast ekkert og afneita vandamálinu þar til allt logar stafnanna á milli

VAR EKKI Á "HÆTTUSVÆÐI"

Á gjörgæsludeild Landspítalans ættu þeir að vera sem skipulagt hafa þessa ruslahrúgu Evrópusambandsins,- EES-ríkja,- og Schengensósunnar. En í staðinn voru þar að störfum opinberir starfsmenn heilbrigðiskerfis okkar, ný komnir af Wuhan-veirusvæði kínverska kommúnistaflokksins í Evrópu og Evrópusambandsins á Ítalíu, þar sem þeir voru í fríi á veirusvæði sem heilbrigðisyfirvöld þar, og hér, og í 30 löndum Evrópu sögu að væri ekki veirusvæði, vegna þess að hvaða annar heiladordingull Evrópusambandsins sem er, sagði þeim að þar væru engar hættur samkvæmt ferða-lagaverki Evrópusambandsins

Mynd úr kerfi WSJ: WTI á Nymex og Brent

NÆST MESTA HRUN OLÍUVERÐS

"What makes this price war especially dangerous and historic is it breaks out simultaneously with a massive demand shock…from the coronavirus" said Robert McNally, president of Rapidan Energy Group, a Washington, D.C.-based energy-market consulting firm. [..] "We have not seen that toxic combination since the early 1930s when [Texas] monster Black Giant field started up in the teeth of the Depression, sending crude oil prices down to pennies on the barrel." | WSJ

Næstmesta innan-dags hrun olíuverðs í sögunni varð í nótt, þegar það fréttist að samstaðan i export-karteli OPEC og Rússlands hefði rofnað. Á skrifandi stund er það rúmlega 32 prósent og virðist færast í aukna, en gæti þó rétt úr kútnum síðar í dag. Hver veit. Miklar og þungar hreyfingar hafa sést á gjaldeyrismökuðum heimsins

Mynd: Af forsíðu Telegraph

ESB-ÍTALSKUR FARSI BREIÐIR ÚR SÉR

"We thought we’d find the army here, but there have been absolutely no checks," said Ali Anir, who was changing trains in Milan with his girlfriend on their way to their home in Verona. There was no immediate disruption to air travel, either, with scheduled flights still departing and landing in Milan. A sign at Milan’s Linate airport assured passengers that regular service was continuing. WSJ

Lítið hefur gerst við það að ítölsk stjórnvöld sögðust hafa lokað fjórðung þjóðarinnar inni í hvað-sem-það-kostar galopnu Schengen-pestarbæli Evrópusambandsins á Norður-Ítalíu. Engin flug frá Mílanó út í heim hafa stöðvast og lestir ganga áfram. Það eina sem virðist hafa gerst er að DDRÚV trúði á fréttir frá svo kölluðum ófullvalda yfirvöldum einhversstaðar á Ítalíu. Meira að segja var það sérstaklega tekið fram á vefsíðu alþjóðaflugvallar Mílanó að allt sé eins og venjulega og öll flug enn á lofti, þrátt fyrir yfirlýsingar stjórnvalda. Þetta er farsi segja menn í Bretlandi. Og allt að því sprenghlægilegt er að lesa grein Wall Street Journal um "ítölsku sóttkvína"

Fyrri færsla

ESB-sovétríkið: Kári fær ekki að skima fyrir kórónuveiru

ESB-sovétríkið: Kári fær ekki að skima fyrir kórónuveiru

KÁRI LENTUR INNAN HINS NÝJA JÁRNTJALDS ESB

Gagna- og persónuverndarlöggjöf Evrópusambandsins kemur í veg fyrir tækniframfarir á Íslandi og lokar á að íslensk fyrirtæki geti tekið þátt í hinum stafræna tækniheimi veraldar. Kommúnistaveiran frá Evrópusambandinu hefur náð að sýkja öll höfuð hins hauslausa hers þingflokks Sjálfstæðisflokksins, sem nú tekur þátt í því að reyna að stjórna því sem ekki er mögulegt að stjórna

Flokkurinn virðist hafa afneitað veruleikanum. Aldrei hefur eins vonlaust fólk staðið í stafni þess flokks og skríður þar fyrir ESB núna. Íslensk fyrirtæki eru frá og með samþykkt Persónuverndarlöggjafar eða GDPR Evrópusambandsins, höfnuð innan landamæra hinna nýju sovétríkja Gamla heimsins. Enda ekki skrýtið þar sem um nomenklattúruklessur á háum opinberum launum er hér að ræða. Hugtakið vonlaust fólk hefur fengið nýja merkingu

Þú hefur alla mína samúð Kári. Eina leiðin er sennilega að flytja fyrirtækið út úr EES-lögsögu Evrópusambandsins og fara með það yfir í the Anglosphere. Það er styttra til fullvalda Bretlands en marga grunar. Þess vegna er Google að flytja öll gögn bresku þjóðarinnar þangað yfir, og til Bandaríkjanna líka. Burt af lögsögu sovétríkis ESB

Og eftir styttri tíma en flesta grunar, munu allir þeir iPhones Apple Inc. sem seldir verða í Evrópu, verða framleiddir í Stóra-Bretlandi, svipað og þeir sem seldir eru á Indlandi eru Made in India, designed in Californina, og það gildir einnig um hönnun CPU og GPU þessarar ofurlófatölvu - og öll gögn hennar. Bara það eitt að kveikja á henni býr til göng sem útópískt ESB ætlar að stjórna

Bless bjánar, ég kýs ykkur skríðandi fólk í stafni aldrei aftur. Aldrei! Þið hafið eyðilagt flokkinn minn. Þið eruð aumingjar

Haldið endilega áfram að steikja hamborgara ofan í engisprettu-spastíska erlenda ferðamenn með ferðalús og auralekanda, til þess höfum við jú byggt háskólana

Fyrri færsla

Heilasködduð íslensk yfirvöld og kínverska Wuhan-veiran

Kári fær ekki að skima fyrir kórónuveiru

Heilasködduð íslensk yfirvöld og kínverska Wuhan-veiran

ALLT MEGINLAND EVRÓPU ER HÆTTUSVÆÐI

Að því er virðist heilabiluð íslensk yfirvöld halda enn að eitthvað sé að marka þær upplýsingar sem þau fá frá löndum Evrópuvírussambandsins. Þær er ekkert að marka. Þar eru menn algerlega úti að synda í sýrunni og aðhafast ekkert. Ekkert! Málið er ekki einu sinni efst á blöðum fjölmiðla og 76 prósent Þjóðverja halda enn að þeir fái bara alls ekki veiruna og 66 prósent halda að ríkisstjórnin sem búin er að brenna sum lönd Evrópusambandsins til ösku á síðustu 13 árum, hafi "fulla stjórn" á málunum. Fyrir þá sem ekki vita það þá er Schengen,- og EES,- beintenging Íslands við fornöld, og þriðjastigs hættubæli, þar sem næstum 800 ný Wuhan-tilfelli sprungu út á Ítalíu á síðustu 24 tímum og tilfellum í Frakklandi fjölgaði um 53 prósentur í 577, fyrir utan öll hin ómældu tilfellin sem flögra fjórfrelsuð um útópískt Schengen inn í landið, og um það, dag og nótt: Heimsborgarinn sjálfur með vegabréf frá Útópíu

The German government, too, announced a stimulus. The financial journalist André Kühnlenz managed to calculate the impact on GDP: 0.008%. We normally don’t report numbers to the third decimal figure, but German economic policy leaves us with no other choice.

We note an almost total lack of urgency in the German media. The main news in Tagesschau this morning is Turkey, understandably, followed by the CDU leadership contest and Elisabeth Warren’s withdrawal from the US presidential race. The main Covid-19 news is much further down. A survey says that the Germans are extremely relaxed about the virus. While we would agree that people should not panic, we believe that the survey results reflect a delusional state of complacency. 66% of the respondents believe the German government has the virus under control. And an astonishingly high 76% believe that they will not get infected, either for sure or with a high probability. | HÉR

Ísland verður að grípa til sinna ráða og setja bremsuklossana á frekari innflutning smita með því að banna allar komur erlendra ferðamanna inn í landið og hætta að halda að mögulegt sé að hafa stjórn á fólki í sjálfs-sóttkví. Svo segir það sig sjálft að þeir sem voru að fara í þessar skíðaferðir svona seint, vel vitandi hvað var að gerast á Ítalíu, eru mestu kæruleysingjar landsins. Af hverju ætti að vera hægt að teysta þeim til að vera í sjálfs-sóttkví? Fólk er fólk og fífl eru fífl

Það sáu Ísraelsmenn er hátt í hundrað þúsund manns voru komnir í sóttkví og verið var að nappa hina og þessa úti í búð, en sem áttu að vera í sóttkví. Í morgun kl. 06:00 var því lokað á allt innflæði erlendra ferðamanna inn í fullvalda Ísrael. Í Bretlandi er ekki tekið á þessum máli með sama fífla- og ábyrgðarleysishætti og gert er á meginlandi Evrópusambandsins. Það skyldi því ekki undra neinn að Pútín forseti Rússlands ásaki Ítalíu um að breiða út drepsótt. Og hann hefur rétt fyrir sér. Smitandi ítalskir ferðamenn eru nú teknir úr umferð í hinum og þessum löndum, fimmtán á Indlandi í fyrradag. Sama mun gilda um Íslendinga haldi þetta kæruleysislega hálfkák áfram hér heima

Haldi þetta svona áfram mun þetta enda með útgöngubanni allra hér á Íslandi eins og gert hefur verið á Hokkaidoeyju í Japan, nema að heimurinn loki á okkur til að bjarga okkur frá algerlega óhæfum íslenskum yfirvöldum sem haldin eru Schengen- og EES-trúarlegum sótthita í þessu máli, sem og flestum öðrum. Stöðvið þetta kák! Setjið dýralæknir í þetta og leggið ábyrgðarlausa ríkisstjórnina inn á Klepp. Þar yrði þá sannarlega um hámarksnyt á þeirri byggingu að ræða. Það er hneisa að eyþjóð eins og við séum að missa svona tökin á þessu

Hvar er annars ríkisstjórn Íslands. Er hún kannski enn í stikkfríi á Ítalíu, étandi beina gúrkustaura í Schengensósu? Ef svo er, ekki hleypa henni inn í landið aftur

Fyrri færsla

Kínverska drepsóttin: Ísrael lokar á sýkt og hættuleg lönd Evrópusambandsins 

Fyrstu innlendu smitin - lýsa yfir neyðarstigi

Kínverska drepsóttin: Ísrael lokar á sýkt og hættuleg lönd Evrópusambandsins

SÓTTVARNIR FULLVALDA ÍSRAELS

Ríkisstjórn Ísraels tilkynnti í gær að lokað væri frá og með nú á aðgang fólks frá Frakklandi, Þýskalandi, Spáni, Austurríki og Sviss, inn í Ísraelsríki, vegna bráðsmitandi útbreiðslu kínversku kórónaveirunnar þar í löndum. Fólk frá þessum löndum fær ekki lengur að koma inn í Ísrael nema að geta sannað að það hafi sjálft stað til að setja sig í sóttkví innan landamæra Ísraels

Síðar í gær gaf innanríkisráðuneytið einnig út þá fyrirskipun að engum ferðamönnum frá þessum löndum yrði hleypt inn í Ísrael frá og með klukkan 06:00 næstkomandi föstudag. Þeim ferðamönnum sem vilja komast til Ísraels áður en lokunin tekur gildi, verður þó ekki vísað frá

Um það bil sjö þúsund manns eru í einangrun vegna kínversku drepsóttarinnar í landinu og um 50 til 100 þúsund eru sóttkví, samkvæmt JP. Hafa nú greinst 15 tilfelli af henni í Ísrael

Þessi ákvörðun kemur í kjölfar sambærilegra skilyrða fyrir fólk og ferðamenn frá Kína, Hong Kong, Taílandi, Singapúr, Macau, Suður-Kóreu, Japan - og Ítalíu, þar sem yfir 1000 ný smitandi tilfelli af kínversku krónaveirunni greindust í mönnum á síðustu 48 tímum. Fimmtán smitandi Ítalir voru teknir úr umferð sem ferðamenn á Indlandi í gær

Samhliða þessu bannaði ríkisstjórn Ísraels allar samkomur manna yfir 100 manns, hafi einhver þeirra verið erlendis á síðustu 14 dögum. Allar samkomur fleiri en 5000 manna eru bannaðar í landinu | AFP | Times of Israel

ÍSLAND

Greinilegt er að Ísrael er fullvalda og sjálfsætt ríki. Það hætti Ísland hins vegar að vera þegar það gerðist aðili að EES, Schengen og Orkubandalagi Evrópusambandsins. Annars værum við nú þegar búin að gera það sem fullvalda Ísrael gerir í sóttvarnarmálum, þjóð þess lands til varnar. Alla daga frá stofnun hins fullvalda Ísraelsríkis 1948, hafa allar ríkisstjórnir þess, án undantekninga, litið á það sem frumskyldur sínar að verja líf, limi og eigur þjóðarinnar sem kaus þær til valda

Að forsætisráðherra Íslands sé hugmyndafræðilega fremst í lífstortímandi fóstureyðingum fram að fæðingu barna, er þegar vitað. En er hún síðust í sóttvörnum sem varðveita líf. Ég spyr. Og hvað með Svandísi Sovét? Ég sleppi viljandi að minnast á Plebbahöllina að þessu sinni. Allir vita hvar hún er í Untergang-bunker flokksins, sem nú er úr sér gengið brak

Og hvað með það fyrirbæri sem stundum er kallað þjóðkjörin Ríkisstjórn Íslands. Hún samanstendur af fólki sem fær ofurlaun hjá okkur skattgreiðendum til að sinna fyrst og fremst þeim frumskyldum að verja líf, limi og eigur okkar sem erum þjóðin. Eruð þið kannski ekki í þjóðinni lengur? Ég spyr, því lítil merki um það sjást héðan, sé horft til ykkar frá sjónarhorni þjóðarinnar

Hver einasti nýr flugvélafarmur af erlendum ferðamönnum sem kemur til Íslands, togar nú efnahag landsins niður eins og trollhleri, og tap mannslífa er það eina sem verður í pokanum. Ábyrgðarleysið eitt og heimskan stendur stímið í brúnni við að draga vörumerkið Ísland eftir botni hennar

Af hverju heldur ríkisstjórn Íslands áfram að dæla kínverskri drepsótt inn í Ísland og yfir þjóðina. Af hverju? Auðvitað þarf ég ekki að spyrja, því hér er um enn eitt svartnættistilfellið af EES- og Schengen-ofsatrú að ræða. Beintenginguna við stjórnlaust og ábyrgðarlaust Evrópusambandið. Allt um það fyrirbæri vita Ísraelsmenn manna best. Þeir þekkja hið gamla og landlæga viðbjóðsbragð ábyrgðarleysisins frá Evrópu of vel til að búast við neinu nema meiru af hinu sama gamla þaðan. Enda er kínverska veiran þegar byrjuð að grassera í sjálfum byggingum aðalstöðva ábyrgðarleysisins í Brussel

BANDARÍKIN

Mike Pence varaforseti Bandaríkjanna tilkynnti í gær að innan næstu 7 klst. yrðu allir farþegar sem koma með beinu flugi frá Ítalíu og Suður-Kóreu settir í veirugreiningu áður en þeir stíga upp í flugvél í heimalandi sínu og síðan aftur við komuna til Bandaríkjanna. Hann sagði að eftir 7 klst. væri skipunin komin í framkvæmd. Hún er því í framkvæmd núna. Landgöngubann inn í Bandaríkin hefur verið í gildi frá og með 31. janúar á þá erlendu ríkisborgara sem hafa verið í Kína á síðustu 14 dögum. Hið sama gildir um Íran, frá og með 26 febrúar. Eiginlegt ferðabann hefur verið sett á hluta Ítalíu, Lombardy og Veneto, og öll Ítalía hefur verið skilgreind sem þriðja stigs pestarbæli

TÍMAR ÞJÓÐLAUSRA "HEIMSBORGARA" ?

Því fólki sem fyrir bara þremur mánuðum síðan kallaði sig "borgarar heimsins" (e. citizens of the world), virðist ekki lengur líka vistin "þarna úti" án fósturjarðar. Það krefst meira segja forgangs inn í viss lönd fram yfir aðra "heimsborgara" veraldar. Það heimtar jafnvel beint jarðsamband við fósturjörðina. Hvernig skyldi standa á þessum snöggu hamskiptum, eða eigum við að kalla þetta glóbal transvestítisma

Nú standa heimsborgararnir bara á gömlu brókinni með stimpilinn bjáni þrykktan á ennið og heimta að fá að njóta þess sem gefið var skít í áður, og sagt var að skipti bara alls engu máli. Og þeir heimta jafnvel landamæri í eftirrétt, til að aðskilja það sjálft frá öllu hinu "þarna úti". Hvernig má það vera?

Allt í einu skiptir öllu máli hvaðan heimsborgararnir koma og hvar þeir eru ekki fæddir. Þeir virðast allt í einu hættir að vilja vera frá allsstaðar og hvergi

Eitt púff úr því sem Gamla testamentið varar við; og 30-ára-stór ruslahrúga af háskólaðri þvælu fýkur bara burt af borðinu. "Global supply chains" og 63-ára-langt imperíal pappírsæði Evrópusambandsins, evru og Schengen-Baal-trúarinnar virkaði ekki eins og Heiðnikirkjuveldi háskólanna boðaði af pappírsfjallinu. Ekkert var á því fjalli að byggja í neinum efnum, nema óefnum

ÞJÓÐLAUSUM BLÆÐIR ÚT

"When we become citizens of the world, that is, citizens of everyplace, then we end up citizens of utopia"

Sjöttu kynslóðar rúsínubóndinn í sama gamla Hanson-húsinu í Selma í Kaliforníu, og samhliða því starfi einnig prófessorinn við Stanford í klassískri sögu og hernaði, hefur skrifað afar góða og lýsandi grein. Gefum hinum sænskættaða Victor Davis Hanson bónda orðið: Globalization Bleeding

Fyrri færsla

Stjórnlaust Ísland fest í EES- og Schengen-drepsóttarfaraldri

Stjórnlaust Ísland fest í EES- og Schengen-drepsóttarfaraldri

ER ÍSLAND STJÓRNLAUST?

Hér á Íslandi eru orsakir drepsóttarhernaðar kínverskrar kórónaveiru á þjóðina fyrst og fremst pólitískar, og útbreiðsla veirunnar er knúin pólitísku dreifingarkerfi. Ljóst er að svo kölluð embætti Landlæknis og Sóttvarnarlæknis eru Potemkim leiktjöld Schengen- og EES aðildar Íslands. Annað kemur varla til greina, nema að þeir sem sitji í þessum tveimur embættum séu óhæfir kuklarar og því hættulegir lýðheilsu okkar Íslendinga, andstætt stofntilgangi beggja þessara embætta hins íslenska lýðveldis

Lesið er upp úr Schengen-sértrúarbiblíunni og hana hef ég heyrt áður. Ég hlustaði á uppgjafarþulur hennar er hinu gagnslausa grumsi Schengen var logið að dönsku þjóðinni þegar landamærin voru opnuð á sínum tíma, og Dönum sagt að öll ESB-veiran myndi nást og handtakast föst á bak við þeirra eigin landamæri. Öllu væri hleypt inn og í bál og brand, en sem síðan átti að slökkvast rétt innan við þau, en röngu megin við rimlana. Svona eins og að allar frumur mannslíkamans myndu leggja niður veggi sína gagnvart hvor annarri og verða ein fruma. Aðeins þyrfti þá eina vespustungu til að drepa allan líkamann

FJÓRFRELSI DREPSÓTTAR

Ég sé fyrir mér eftirfarandi dilemma eða klípu - og ég undirstrika að það eru fyrst og fremst ESB-pólitískar ástæður fyrir útbreiðslu kínversku kórónaveirunnar í Evrópusambandinu og á Íslandi:

1. Trump Bandaríkjaforseti er í þeirri stöðu að hann hikar enn við að lýsa yfir ferðabanni á alla þá erlendu ríkisborgara sem hafa verið á Ítalíu á síðustu 14 dögum, eins og hann gerði þegar varðandi Kína þann 31. janúar og Íran þann 26. febrúar. Smit í Bandaríkjunum eru því enn sem komið er hlutfallslega óendanlega færi en í Evrópu og hið sama gildir um dauðsföll - jafnvel þó svo að Bandaríkin séu bæði Atlantshafs- og Kyrrahafsríki og í miklum milljóna manna tengslum yfir bæði höfin hverja einustu viku ársins. Öll Ítalía hefur því verið sett á næsthæsta hættustig í Bandaríkjunum; LEVEL-3. En héruðin Lombardy og Veneto á hinum efnaða hluta Norður-Ítalíu, voru hins vegar sett á LEVEL-4 eða hæsta mögulega hættustig seint á laugardaginn 29. febrúar, það er færð upp á sama hættustig og Kína og Íran

2. Það er þungur þrýstingur á Trump í Bandaríkjunum að lýsa yfir LEVEL-4 hættustigi á alla Ítalíu. Gerist það, fá engir þeir erlendu ríkisborgarar sem verið hafa á Ítalíu síðustu 14 daga að koma inn í Bandaríkin. Eins og með Kína og Íran. En um leið og Trump gerir það þá er stóra steininum hins vegar kastað

3. En Trump forseti hikar vegna þess að um bandamann er að ræða. En ef hann vill láta kjósa sig í nóvember næstkomandi, þá verður hann að lýsa yfir ferðabanni á alla þá sem eiga ekki heima í Bandaríkjunum og hafa verið á Ítalíu á síðustu 14 dögum. Hann verður. En um leið og hann gerir það, þá getur Evrópusambandið ekki látið hjá liða að gera hið sama. Og þar sem Ísland er í EES og Schengen, þá gildir það sama um okkur, svo lengi sem Ísland þorir ekki að vera fyrst til að gera hið eina rétta. Við höfum allar heilsufarslegar ástæður til að gera það. Allar! og gott betur en það

STJÓRNLEYSIÐ

Hinn óhugnanlegi og hrollvekjandi sannleikur er því miður sá, að við værum nú þegar búin að gera þetta sjálf ef við værum ekki aðilar að EES og Schengen. Það þýðir að; værum við enn fullvalda ríki eins og Bandaríkin, þá værum við nú þegar búin að þessu, og hér væri sennilega ekkert einasta kínverskt kórónaveirusmit í öllu landinu, enn sem komið er. Þannig virkar sjálfsákvörðunarréttur þjóða. Til að verjast svona hryllings-ferli heimsvelda-fyrirbæra (e. Imperial-state hönnun) eins og Evrópusambandið, EES og Schengen eru –-í langri og blóðugri hryllingssögu mannkyns– þá var fundið upp fyrirbæri sem heitir þjóð-ríki (e. Nation-state) og sem hafa sjálfsákvörðunarrétt í eigin málum. Sú pólitíska uppfinning er komin úr Gamla testamentinu. Það eru sennilega mestu, bestu og þýðingarmestu framfarir sem orðið hafa hér á jörðinni. En þessa áratugina er eins og að unnið sé markvisst að því að þurrka þann lærdóm og þá blessun út, enn á ný. Þess vegna er ástandið svona núna, kæru Íslendingar. Það hefur verið svindlað á þjóðinni. Ekkert lyf er á tröppunum við þessari kínversku veiru, sama hvað hver segir, nema endurheimtur fulls sjálfsákvörðunarréttar þjóðar

4. Um leið og Trump ýtir á hnappinn þá hættir þetta frjálsa flæði frá Ítalíu og landamæri hennar lokast. Þau væru hins vegar nú þegar lokuð ef Jörg Haider væri þar. En sá maður er látinn og því ekki við. Kannski mætti með góðum rökum giska á að Trump forseti sé að gefa Evrópusambandinu tækifæri á að vera á undan. En hann getur ekki beðið öllu lengur. Hann er að bíða eftir Evrópusambandinu að gera hið eina rétta, en sem stjórnlaust og ábyrgðarlaust sambandið mun auðvitað ekki gera, vegna þess að hugmyndin um Evrópusambandið, evru og Schengen er hugmyndafræði sem nær þannig tökum á fólki, að það gengur ekki með hana, heldur gengur hugmyndin með fólkið, jafnvel í dauðann; þ.e. á endastöð pervertra pólitískra hugmynda - á borð við Evrópusambandið og Schengen. Slíkt hefur ekki sést frá því á dögum svartasta kommúnisma á borð við þann sem var í Sovétríkjunum og er núna við völd í Kína, og víðar í samskonar manngerðum helvítum á jörð. Í öllum þessum löndum fellur fólk ekki fyrir hugmyndinni, heldur fellur það af völdum hennar. Þess vegna er til dæmis Sjálfstæðisflokkurinn fallinn. Hann dó úr EES og Schengen. Hann er steindauður. Það sem við erum að horfa á núna er pólitískt mannfall af völdum ESB-veiru, þar sem fólk er notað sem fallbyssufóður stjórnmálamanna. Það er hinn nakti sannleikur málsins

MEGINLAND TAPRANNA

Það er lúalegt að stjórnmálamen okkar reyni skýla sér á bak við embættismenn í svona máli. Þarna á ég við Landlæknis- og Sóttvarnarlæknisembættið. Ef það er eitthvað eitt sem þjóðkjörnir stjórnmálamenn eru kosnir til að gera, ráða við og leysa, þá er það þetta drepsóttarmál. Stjórnmálamenn eru nefnilega fyrst og fremst kjörnir til að að verja líf, limi og eigur þjóðarinnar. Það er eina einstaka frumskyldan sem fyllilega getur réttlætt tilvist þeirra sjálfra og ríkisstjórnar landsins. Allt annað geta borgararnir séð um sjálfir og í félögum, sé út í það farið og gerist þess nauðsynlega þörf. Ég sé hins vegar engan stjórnmálamann í Evrópusambandinu né á Íslandi vera að gera slíkt, á meðan Trump forseti Bandaríkjanna og Pence varaforseti eru hins vegar á kafi að glíma við þetta mál vestan Atlantsála. Ef þeir gerðu það ekki, væru dagar þeirra sem stjórnmálamanna taldir. Og þannig á það að vera

OG NÚ ERU ÞAÐ SEÐLARNIR

Breska dagblaðið Telegraph sagði í gærkvöldi að Alþjóðaheilbrigðisstofnunin hafi varað við því að kínverska kóróna-drepsóttarveiran geti hangið í marga daga á peningaseðlum, og ráðleggur samkvæmt því

En þá spyr ég: Hvað um póstinn? Og hvað með hraðpóstinn? Fyrir mér hefur frumútbreiðsla kínversku drápsveirunnar í litlum og ríkum bæjum á Norður-Ítalíu alltaf hljómað afar grunsamlega. Kom hún til landsins með hraðpakkapósti, eða með efnuðum Ítölum með sambönd í Kína, sem lenda utan stærri flugvalla, eða með þeim Kínverjum sem búa á Ítalíu?

Fyrri færsla

Drepsóttin: Hið varanlega kreppufyrirkomulag Evrópusambandið

Drepsóttin: Hið varanlega kreppufyrirkomulag Evrópusambandið

SCHENGEN DREPSÓTT ESB

Ég var að horfa á blaðamannafund Donalds J. Trump Bandaríkjaforseta og teymi hans í kínverska kórónaveirumálinu, sem einnig hefur náð til Bandaríkjanna. En þar eru tilfellin aðeins 26 núna, þegar frá eru talin þau 44 tilfelli sem Bandaríkjamenn urðu fyrir um borð í skemmtiferðaskipi sem sett var fast við stendur Japans af Japan og látið rotna. Faglegheitin þar eða hitt þá heldur. Teymi Trumps var spurt að því hverju það þakkaði að svo fá tilfelli væru enn í Bandaríkjunum miðað við annarsstaðar, í landi sem er bæði Atlants- og Kyrrahafsríki. Svarið er það, að Trump vatt sér í það mjög snemma, og sætti harkalegri gagnrýni fyrir, að loka alveg á Kína og ferðir til og frá sjálfum höfuðstöðvum pestarbælisins þar. Það gerði hann þegar hinn 31. janúar, á meðan Þórdís Kolbrún ráðherra Sjálfstæðisflokksins hafði tveimur dögum síðar mestar áhyggjur af því að ekki væri hægt að moka nógu miklu af kínverskum ferðamönnum yfir okkur Íslendinga. Þetta var algerlega og fullkomlega galin og margfalt ábyrgðarlaus heimska manneskju sem situr á ráðherrastól, og sem ekki einu sinni ætti að vera þar. Donald J. Trump sagði að það hefði verið basics eða grunnatriðin-fyrst, sem skiptu mestu máli fyrir Bandaríkin. Hann er greinilega ekki barn

Svo gott sem bandarískt ferðabann er komið á Ítalíu þegar um ferðir Bandaríkjamanna þangað er að ræða, og í undirbúningi er að banna ferðir erlendra ríkisborgara frá Ítalíu til Bandaríkjanna. Fjöldi kínverskra kórónuveirutilfella á Ítalíu hækkaði um 250 tilfelli á síðasta sólarhring. Þau voru 3 fyrir 10 dögum en eru 1128 á skrifandi stund og búðarhillur standa tómar þar sem staðan er verst. Heilbrigðiskerfi landsins er víða komið á hliðina. Og nógu slæm var staða þess fyrir, þökk sé ESB- og evruaðild Ítalíu, sem hennar vegna hefur varla séð hagvöxt síðustu 30 árin. Viðstöðulaus kreppa er í landinu og Ítalir eru því næstum hættir að geta eignast börn. Restin af ESB er á leið í hina fullkomnu rúst andvara- og ráðaleysis, þar sem sérkirkjuklukkur Schengentrúarinnar glymja dag og nótt, eins og ríkisútvarp Norður-Kóreu sem bannað er að skrúfa fyrir

AFTUR OG AFTUR

Þetta er í þriðja skiptið á 12 árum sem hugmyndafræði Evrópusambandsins veldur slíkum usla að sambandið er nú orðið hið Varanlega kreppusvæði Evrópu (VKE). Smit i fjármálakerfinu milli landa sambandsins sem yfirbuðu hvort annað með Maastricht-bönnuðum ríkisábyrgðum árið 2009, leiddi til hruns í mörgum löndum sambandsins og hafa þau ekki náð að jafna sig enn, og gera sennilega aldrei. Svo kom geðfirrt veisluboð Angelu Merkels kanslara Þýskalands til milljóna geimvera um að koma og leggjast sem engisprettufaraldur yfir Þýskaland, og aðrar þjóðir sambandsins sem ekkert höfðu um veisluboð hennar að segja. Enn er hún að berja á þeim um að taka við þeim eyðileggingarmætti hennar í Evrópu. Þegar Merkel loksins þorir að fara frá völdum er afar líklegt að hún verði næst mest hataða persóna í sögu Þýskalans á eftir Adolf Hitler, eins og þingmenn AfD flokksins hafa spáð. Þess ber þó að geta að hatrið á herr Hitler í Þýskalandi hefur tekið þeim breytingum á síðustu 30 árum, að nú er hann ekki lengur hataður fyrir það sama og áður, heldur er hann hataður fyrir að hafa tapað stríðinu

ÁTTI ÞAÐ SKILIÐ

Í kínverska drepsóttarmálinu fáum við allt í einu að heyra það frá lýðskrumurum ESB/EES og Schengenfirrunnar, að þeir sem látast af völdum kínversku kórónaveirunnar séu fyrst og fremst "bara" þeir sem komnir eru yfir miðjan aldur og alveg sérstaklega þeir sem eru hve elstir og veikburða. En það er einmitt þeirra vegna að við höfum byggt heiðbrigðiskerfi, og hafa þeir einnig borgað mest fyrir það. En vegna pólitískrar hugmyndagloríu ESB/EES og Schengenþvættings úr þurrkögglaverksmiðju þursa í Valhöll og víðar, þá er allt í einu í lagi að gefa fullan afslátt á þeirri hugmynd, sé um ESB/EES og Schengen málefnafirru og þvætting að ræða og sem troða á ofan í þjóðina í það og það skiptið

Í næstu áfallaumferð hins varanlega Schengen-kreppusvæðis ESB og evru, fáum við sennilega að heyra að fólk deyi almennt úr heimsku og að það hafi átt skilið að deyja, er það veikist og deyr vegna ESB/EES- og Schengentrúar stjórnmála- og embættismanna. En þannig töluðu vinstrimenn á borð við Bernard Shaw í Evrópu skömmu áður en gasið fræga komst í notkun í Þýskalandi. Það hét Zyklon. "Beðið eftir gasinu" má kalla pólitík þeirra fram að stríði og meira að segja að því loknu. Schengentrúin fer að minna okkur óþyrmilega á að hugmyndin um Evrópusambandið, evru og Schengen er hugmyndafræði sem nær þannig tökum á fólki að það gengur ekki með hana, heldur gengur hugmyndin með fólkið. Slíkt hefur ekki sést síðan á dögum svartasta kommúnisma á borð við þann sem var í Sovétríkjunum og er núna við völd í Kína, og víðar í samskonar helvítum á jörð. Í öllum þessum löndum fellur fólk ekki fyrir hugmyndinni, heldur fellur það af völdum hennar. Þess vegna er til dæmis Sjálfstæðisflokkurinn fallinn. Hann dó úr EES og Schengen. Hann er steindauður

BLINDFLUG NÚLL

Það tekur um 35-45 ár að mennta einn góðan lækni. Læknar með sérfræðimenntun eru því allir á þeim aldri sem afslátturinn gildir. Þetta er eins og að Bandaríkjamenn segðu um Apache-herþyrluflugmenn sína, sem margir eru með doktorsgráðu og fljúga í 20 milljón dala græju, að allt í lagi sé að láta óvininn skjóta þá niður, því við höfum nóg af fótgönguliði - sem án hans mun sturtast í dauðann. Staðreyndin er nefnilega sú að mesti massi þekkingar, kunnáttu, vísdóms og reynslu heimsins er að finna í hinum gráa heilamassa veraldar yfir fimmtugt. Sértrúarguðspjall Schengenmanna um óheft innfæði og ferðafrelsi óáru, glæpa og drepsótta, hefur á bara þremur vikum náð að fella marga lækna og hjúkrunarfólk, til að varðveita megi mestu, verstu og ónýtustu draslgrein veraldar; ferðamannageirann og ESB. Sem betur fer er sá blindgötu-geiri á leiðinni í ruslið hér á Íslandi á skrifandi stund. Því þar á hann heima, nema sem mjög hægt vaxandi og sjálfsprottin aukabúgrein sem öllum er sama um, og öll þróuð ríki geta verið án, og ættu að vera án, nema sem hobbý. Er kínverska veiran er einnig að þurrka ýmislegt annað glingur og drasl síðustu 30 ára af þvæluborðinu

Margir atvinnurekendur á hinu opna dauðasvæði Evrópusambandsins munu innan fárra vikna koma hágrátandi til svo kallaðra "stjórnvalda" landanna, og biðja um að hið pólitíska mannfall ESB- og Schengen hugmyndafræðinnar verði stöðvað, til að stöðva megi hrun flestra atvinnuvega landanna. Því lengur sem það dregst, því minni fjárfestingar munu þora að skjóta rótum í grafreitum ESB-hugmyndafræðinnar, þegar upp er staðið. Það sem við erum að horfa á núna er pólitískt mannfall af völdum ESB-veiru, þar sem fólk er notað sem fallbyssufóður stjórnmálamanna. Það er hinn nakti sannleikur málsins

Undir stjórnlausri Schengen ruslahrúgu íslenskra stjórnmálamanna sem þora ekki lengur að koma nálægt sínu eigin rusli, eru basics-heilaþvegnir Landlæknir og svo kallaður Sóttvarnarlæknir látnir leika ráðamenn Íslands. Hafa þeir nú gefið út nýjar leiðbeiningar til Vestmannaeyinga um að reyna aldrei aftur að stöðva hraunflæði. Slíkt gæti nefnilega skaðað eldgos annars staðar á jörðinni

Hvers vegna standa landamæri Íslenska lýðveldisins enn galopin kórónadrepsóttinni frá Kína?!

Fyrri færsla

Drepsóttin: "Evrópusambandið að gera ófyrirgefanleg mistök" [u]

Drepsóttin: "Evrópusambandið að gera ófyrirgefanleg mistök" [u]

ATHUGIÐ

Kórónaveirusmit á Ítalíu vaxa nú á veldishraða (exponential increase). Um 650 ný smit á síðustu 24 tímum

Þýskaland tilkynnti um 21 nýtt tilfelli í gærkvöldi og þau eru talin stafa frá útiskemmtun í Þýskalandi (carnival)

Miðstöð sjúkdómavarna í Stokkhólmi segir að allt Evrópusambandið verði eins og Ítalía er á leiðinni með að verða, sé ekkert að gert

Wolfgang Munchau á eurointelligence.com fordæmir kæruleysi og hugleysi Evrópusambandsins og er í dag með yfirskriftina:

"The EUs sheer complacency is unbelievable

The biggest threat to the future of the EU is not Donald Trump or a geopolitically ambitious China, but complacency. We saw that during the eurozone crisis, which only ended when the ECB intervened. We are seeing the same now in the discussion on border closures in the Schengen area. The EU has an instrument available to stem the spread of a disease and to save lives, but has decided not to use it."

Hann segir að Evrópusambandið sé að gera ein stærstu og ófyrirgefanlegu mistök sem hægt er að gera; að fórna mannslífum fyrir sjálft sig

Hann segir að það VERÐI AÐ LOKA LANDAMÆRUM ESB-LANDA. Það kostar, já, segir hann, en það mun kosta enn meira að gera það ekki, fyrr en of seint, og sem sambandið neyðist hvort sem er til að gera, og þá verður það margfalt dýrara fyrir alla. WM var ritstjóri þýsku útgáfu Financial Times og er mikill, en iðulega raunsær, forfrömuður ESB-málefna

"There will come a point, for sure, when it will no longer help to close the borders. But the one lesson we learned from China is that lockdown measures were effective even at the time when the disease was getting out of control in Wuhan. We are at a similar stage in Italy now. So, why do the Italian borders remain open?"

Hann segir að Stóra-Bretland muni ekki bregðast þjóð sinni eins og ESB er að bregðast þjóðum sambandsins. Í Bretlandi séu tröllslegar lokanir (e. draconian lockdowns) þegar komnar á dagskrá. Verið sé að skipuleggja lokun skóla næstu tvo mánuði. Samkomur manna og íþróttaviðburðir verði bannaðar. Vitað er að fyrirtæki í Lundúnum fyrirskipa starfsmönnum að vinna heiman frá

"Inaction is not only the result of the in-built complacency that characterises the modern-day EU, but also a consequences of the political and economic weakness of governments."

Þegar stjórnvöld bregðast þjóðum sínum þá verður hver borgari sjálfum sér og fjölskyldu sinni næstur. Bregðist íslensk stjórnvöld Íslensku þjóðinni á sama hátt og ESB er enn og aftur að bregðast núna, mun það hafa í för með sér uppgjör, réttarhöld, sorg og tap fyrir þjóðina og landið okkar. Þið voruð kjörin til að tryggja líf, limi og eigur þjóðarinnar. Þetta eru einu frumskyldur hverrar einustu þjóðkjörnu ríkisstjórnar, þær einu sem að fullu geta réttlætt sjálfa tilvist hennar og fjármögnun. Nota verður allar þær varnir sem hægt er að nota og þær einföldustu, víðtækustu og áhrifamestu fyrst

Hvers vegna er almennt farþegaflug til Íslands enn opið, eins og að um sumarfrístíma sé að ræða? Hvers vegna er ekki lokað á almennt farþegaflug til landsins strax og viðeigandi ráðstafanir gerðar til að koma þeim sem enn eru staddir sem íslenskir ferðamenn erlendis, inn í landið á öruggan hátt gegnum sóttkví, mælingar og síðan einangrun ef með þarf. Og hvers vegna hefur ekki verið hugað að því sem Kyrrahafsfloti Bandaríkjanna fyrirskipaði í gær; að ekkert skip flotans megi koma til hafnar neins staðar án þess að hafa verið að minnsta kosti 14 daga úti á sjó fyrst. Veiran lifir 10 daga utan mannslíkamans, á vörum, varningi og pósti og það tekur menn allt að 14 daga að veikjast, eftir að þeir hafa smitast

Coronavirus Concerns Prompt PACFLEET to Impose 14-Day Gap Between Port Visits

Eins og dæmin sanna nú þegar, ræðst útkoman, fjöldi dauðsfalla og stærð áfalla af þeim ákvörðunum sem teknar eru á frumstigi málsins. Það var það sem Kínverjar gerðu ekki fyrr en of seint. Þeir tóku engar ákvarðanir í byrjun og reyndu að þagga málið niður, síðan vondar ákvarðanir, en svo betri ákvarðanir. Og það er það sem ESB-Evrópa er að endurtaka núna og að margfalda!, eins og ábyrgðarlausu Evrópusambandinu er von og vísa. Að endurtaka allt það versta sem var gert annarsstaðar

Uppfært föstudagur, 28. febrúar 2020 kl. 22:45

Bandaríkin settu rétt í þessu Ítalíu á rauða (LEVEL-3) listann yfir lönd sem enginn ætti að ferðast til án brýnnar ástæðu:

Krækja: CDC recommends that travelers avoid all nonessential travel to Italy.

Fyrri færsla

Læknir rekinn út af miðilsfundi

Læknir rekinn út af miðilsfundi

"Læknir rekinn út af fundinum: Fundinum er lokið en hann var eingöngu fyrir blaðamenn og kom það skýrt í ljós í upphafi fundar þegar lækni var vísað út af fundinum. Sá var með nokkrar spurningar til þeirra sem þar fluttu erindi en fékk ekki að bera þær upp." | Mbl

Greinilegt er að ekki mátti trufla Freud-legu sóttvarnarlæknis á legubekknum sem íslenskir blaðamenn eru þekktir fyrir að starfrækja. Til dæmis eins og þegar kínverski sendiherrann kom á kórónaveiru-legubekkinn hjá DDRÚV og lét "fréttamenn" stofnunarinnar nudda sig - og krjúpa

Sagt er að Sigmundi Freud hafi tekist að drepa allt að 100 milljón klukkustundir á síðustu öld á meðan veira kommúnisma í Kína og Sovétríkjunum tókst að kála 100 milljón manns

Já hérna. Annað var uppi á teningnum þegar ekki mátti henda framíkallandi erlendum flökkulýð út af fundi Sjálfstæðisflokksmanna í Kópavogi

Þetta var mokfrétt, frá einum skurðinum yfir í annan

Fyrri færslur

• Verður kórónaveiran verri í Evrópu en í Kína?

• Bretland mun ekki semja við Evrópusambandið

• Rósrautt Þýskaland var aldrei rósrautt, er skrifað

Beint: Fundur almannavarna um kórónuveiruna

Verður kórónaveiran verri í Evrópu en í Kína?

Í Evrópu munu málin sennilega enda á sama hátt og kæruleysis-smitin yfir landamæri í fjármálageiranum 2009 gerðu það að verkum að sú krísa er varla búin enn. Aldrei að vanmeta kæruleysi og ábyrgðarleysi núlifandi valdastéttar, sérfræðinga og embættismanna Evrópu, sem eru mestu aumingjar mannkynssögunnar og sem ekkert annað hafa lagt af mörkum til sögunnar en að skríða um á því yfirborði jarðar sem forfeður okkar sköpuðu og byggðu upp. Þetta fer ekki vel. Enda skrifar Wolfgang Munchau á eurointelligence.com meðal annars eftirfarandi í dag:

"The complacency of policymakers reminds us of the early phase of the eurozone crisis. That was based on backward-looking economic analysis at the time, and a lack of understanding how a financial crisis can spread across borders. We are seeing the same complacency at work again. We reported yesterday about an assertion by the ECB’s chief economist, Philip Lane, who relied on the spread of Sars in 2003 for his analysis. You should not use mathematical projections on historic data that related to other viruses. The coronavirus is not Sars. [..]

[..] Nobody is in a position to predict the scale of the outbreak in Europe. What we can say, given the generalised state of complacency in the EU, is that the situation is unlikely to come under control any time soon."

Í Evrópu verður þetta sennilega enn verra en í Kína. Enn verra. Allt bendir til þess þegar hlustað er á stjórnmálamen og embættismenn núna, sem neita að lyfta svo mikið sem litla fingri þjóð sinni til varnar. Þeir vita ekki einu sinni enn hvernig sjúkdómurinn breiðist út. Ítalski veirufræðingurinn Ilaria Capua sagði í morgun að tilgangslaust væri að reyna að halda áfram að finna sjúkling númer eitt, þar sem vírusinn hefði sennilega komið til Ítalíu um miðjan janúar og að menn viti ekki enn hver meðgöngutíminn sé í reynd. Ítalska elítan að koma með flugi frá Kína, giska ég á, og svo þeir Kínverjar sem auðgast hafa á því að kaupa upp lítil ítölsk fjölskyldu- og merkjavörufyrirtæki og flytja framleiðslu þeirra til Kína, en halda tómri Potemkim framhlið þeirra opinni á Ítalíu og búa þar, til að þykjast

Sagt er að þessi kínverska veira geti lifað í 10 daga utan mannslíkamans, á til dæmis hörðum flötum eins og málmi og gleri. Mér sýnist að lítið sé enn með öryggi vitað um fyrirbærið, og að enn minna sé gert til að varast það. Áhættutaka, afneitun og kæruleysi virðast ráða för

Það eina sem hægt er að gera strax og kostar minnst eru tröllslegar lokanir á öllu sem stöðvað getur ferðir fólks. Enda segir WHO að tröllslegar lokanir í Kína hafi skipt mestu máli. En þeir reyndu að þagga þetta niður eins og nú er verið að gera í Evrópu

Og ekki nóg með það þá eru litlar eða engar birgðir til í stórborgum Evrópu af þeim lyfjum sem lindrað/linað geta veikindin (anti-malaríu og anti-vírus lyf). Borgarstjórar hafa reynt að halda því fram, en orðið að bakka með þá staðhæfingu, þegar málið var skoðað

Á fundi í ECB-seðlabankanum í gær voru menn mættir til þykjustuleiks með reiknilíkön sem byggja á SARS. Þessi vírus er ekki SARS. Kæruleysið og aumingjaskapurinn ríður nú um alla Evrópu og er við það að lenda hér hjá okkur

Ef ég væri íslenskur ráðherra í dag, þá myndi ég loka landinu algerlega strax (immed!). Banna allt flug til landsins og heimta að engin skip né póstur fengju að leggja að landi nema að hafa verið minnst 12-15 daga á leiðinni hingað. Þeir sem vilja fljúga frá landinu mættu það, en myndu ekki fá að koma til landsins aftur, fyrr en að þessu er lokið. Allir sem hér búa en eru erlendis núna, fengju að koma heim með því skilyrði að þeir væru settir í einangrunarbúðir sem ég myndi skaffa með því að hertaka allt íbúðarhúsnæði á Miðnesheiði, þar sem herstöð Bandaríkjamanna var. Þar yrðu þeir að vera í minnst tvær vikur áður en þeim yrði hleypt inn í þjóðfélagið á ný

Með þessum aðgerðum værum við að verja þjóðina sjálfa og hagkerfi hennar. Ferðaþjónustan er nú þegar steindauð vegna veirunnar erlendis og greinin myndi sennilega hafa það mun betra við að geta tekið á móti Íslendingum í landinu okkar, sem þá hefðu enn ferðafrelsi, takist okkur vel upp með landslokun. Fólk kæmist almennt frekar til vinnu sinnar og hjól atvinnulífsins þyrftu ekki að haltra eða jafnvel stöðvast. Það gera þau, ef grípa þarf til aðgerða of seint. Við höfum engu að tapa. Við getum þetta miklu betur en aðrir, þökk sé legu landsins, séu réttu ákvarðanirnar teknar á meðan enn er hægt að taka þær. Annars verður okkur ýtt út í mörgum sinnum erfiðari, dýrari og að því er virðist óhjákvæmilega stöðu síðar. Alltaf er hægt að fella flugbann úr gildi sé það óhætt

Eins og dæmin sanna nú þegar, ræðst útkoman, fjöldi dauðsfalla og stærð áfalla af þeim ákvörðunum sem teknar eru á frumstigi málsins. Það var það sem Kínverjar gerðu ekki. Þeir tóku engar ákvarðanir í byrjun og síðan vondar ákvarðanir. Og það er það sem ESB-Evrópa er að endurtaka núna

Við vitum hvað er mögulegt. Best er að snúa sér að því sem er mögulegt og láta það koma þjóðinni til góða. Enginn ferst hér þó svo að hann komist ekki til útlanda í hálft ár. Aukin viðvera landans myndi bæta ferðaþjónustunni upp tapið á núll komma fimm, þ.e. sé hægt að varðveita ferðafrelsi Íslendinga innanlands. Útflutningur/innflutningur gæti haldið áfram og ljósleiðari fær nýja merkingu, þ.e. þá sem hann á skilið

Ef til er þjóðaröryggisstefna fyrir Ísland þá myndi ég virkja hana. Þjóðaröryggisstefnur byggjast alltaf á því versta sem getur gerst, því annars eru þær þjóðaróöryggisstefnur. Þetta kostar okkur minnst. Dýrast er að gera ekkert

Þetta myndi ég gera strax í dag, þ.e. samstundis!

Fyrri færsla

Bretland mun ekki semja við Evrópusambandið

Bretland mun ekki semja við Evrópusambandið

Á þessu ári eiga að fara fram svo kallaðar "samningaviðræður" milli Stóra-Bretlands og Evrópusambandsins um hvernig hið nú fullvalda og sjálfstæða ríki Stóra-Bretland og annars vegar ósjálfstæð og að hluta til ófullvalda lönd Evrópusambandsins munu eiga samskipti og viðskipti þeirra á milli í framtíðinni

Evrópusambandið, sem aldrei hefur skilið Stóra-Bretland og allra síst á síðustu fjórum árum, hefur sett sér það samningsmarkmið að Bretland verði áfram skuldbundið til að lúta þeim lögum og reglum sem það hefur steypt löndin innan þess föst í. Bretland, sem er að yfirgefa sambandið vegna þess að það telur að slíkt sé óviðunandi staða fyrir fullvalda ríki að vera í, hefur sem samningsmarkmið að ná fram viðskiptasamningi sem fullvalda ríki gera sín á milli, þar sem báðir aðilar njóta góðs af; og þar sem útkoman er ekki núll miðað við áður. Útilokað er því að Bretland muni semja við Evrópusambandið á þeim nótum sem sambandið krefst, því þar er útkoman núll miðað við áður, fyrir Bretland

Samningsmarkmið Evrópusambandsins er hins vegar svona eins og það er, vegna þess að sambandið veit innst inni að dagar þess eru nú þegar taldir: 1) Bretland er farið, Evrópusambandið er að minnka, en ekki að stækka, vegna þess að það er vont fyrr ríkin sem í því eru að missa sjálfstæði sitt og fullveldi. 2) Það er því tilvistarlega vont að vera í sambandinu fyrir langsamlega flest ríki þess. 3) Sambandið getur ekki rekið mynt sem gagnast neinum. Hún gerir því að mestu ógagn í flestum ríkjum þess. 4) Evrópusambandið getur heldur ekki varið sig, því ekkert ríki þess vill borga fyrir varnir annarra ríkja sambandsins, og flest ríkin í því væru því fegnust að önnur ríki sambandsins myndu leggjast af og deyja út, vel að merkja á undan þeim sjálfum, og þar er samkeppnin því virkust á milli þeirra. Ekkert ESB-ríki vill hins vegar að öðru ESB-ríki vegni betur en því sjálfu. Terror-balance ræður ríkjum

Danmörk væri til dæmis mjög ánægð með að Þýskaland splundraðist, því þá fengi hún Slésvík-Holstein til baka. Þannig er staðan hins vegar ekki innan Danmerkur, því þar vill Jótland af fúsum, frjálsum og áköfum vilja verja Sjáland, því að á Sjálandi eru Jótar Danir. Danmörk er nefnilega ríki Dana, en ekki Þjóðverja. Líklegt er því að Kristjánsborg sé mjög ánægð með upplausnarferlið sem –þökk sé ESB– er í gangi í Svíþjóð. Skánn gæti hugsanlega aftur komið heim til Danmerkur

Koll af kolli hugsa nær öll ríkin í Evrópusambandinu þessar hugsanir og ég persónulega skil þær mjög vel. Hvaða Dana litist illa á 20 þýsk smáríki sem öll fyrirlíta hvort annað. Það væri yndislegasti draumur hvers einasta Dana, því þar með myndi Danmörk hætta að vera bóla á rassi Stór-Þýskalands. Enginn Frakki mun verja Pólland, skyldu Rússar ráðast þar inn, því að innrás Rússa í Pólland myndi létta pressuna á landamærum Frakklands að Þýskalandi. "Gerið svo vel, takið það sem ykkur sýnist. Það kemur ekki til greina að við eyðum einum franka í að tryggja austurlandamæri Þýskalands. Því fyrr sem étið er úr Póllandi upp að Þýskalandi austanverðu, því betra fyrir okkur". Þarna fara tilvistarlegir hagsmunir ríkjanna einfaldlega ekki saman - og geta aldrei farið saman. Þess vegna eru Bandaríkin enn í Evrópu. Þau eru eini tilvistarlegi bandamaður Póllands, ásamt Stóra-Bretlandi. Þýskalandi væri einnig sama um innrás Rússlands í Pólland því það hefur áður gert samninga við Rússa um að gleypa Pólland, saman með Rússum, vegna þess að Þýskaland álítur að á milli þess og Rússlands sé bara 120 milljón manna rusl, og Rússland því næsti nágranni þess í austri. Þess vegna reynir Pútín saman með Þýskalandi að búa til "aggressor" eða árásargjarnan nágranna úr Póllandi þessi árin. Pútín rær að því að skapa þann nýsannleika að Pólland hafi startað Síðari heimsstyrjöldinni á meðan Þýskaland rær að því að láta líta svo út að Pólland sé ríki villimanna í dóms-, laga,- og réttarfarslegum skilningi, til að undirbyggja áróður Pútíns. Þarna vinna Rússar og Þjóðverjar mjög vel saman samkvæmt gömlum sáttmála þeirra á milli, sem þau þar með sameiginlega segja að hafði átt rétt á sér. Þarna mun draga til tíðinda á næstu árum. Hvítarússland er því þegar byrjað að hitna, því auðvitað verður herra algóður Pútín að vernda það gegn hinu nýsögulega vonda Póllandi, með því að innlima það í sambandsríki Rússlands. Ekki eitt hár mun af því tilefni rísa á kansleríinu í Berlin. Þar munu menn smjatta og segja; "okkar maður áfram" - og Rússadindlar Vesturlanda taka undir

Úr síðustu færslu er því vert að endurtaka það sem sameinar Rússland og Þýskaland hve mest - og aðskilur þau þar með frá Stóra-Bretlandi. Þýskaland hefur aldrei tilheyrt Vesturlöndum, nema að hluta til, svipað og Rússland:

"Það er líka Gyðingaandúð í Bretlandi og Frakklandi, en þýska útgáfan er allt annars eðlis, því hún er hvorki bundin við ysta hægrið né ysta vinstrið, heldur liggur þýsk Gyðingaandúð djúpt í öllu þjóðfélaginu. Þýsk Gyðingaandúð er einnig blanda af Ameríkuhatri og anti-kapítalisma, bæði til hægri og vinstri" | hér

Samningsmarkmið Evrópusambandsins er því örvæntingarfull tilraun til að reyna að gera öllum núverandi ríkjum þess það ljóst, að þó svo að þau yfirgefi sambandið, þá muni þau áfram verða undir hæl ESB, þó svo að þau standi utan þess. Þetta er að sjálfsögðu ofureðlilegt markmið pappírsbunkafyrirbæris stórtapara, sem ófært er um að ná fram samningsmarkmiði sínu á eigin spýtur. ESB þarf aðstoð Stóra-Bretlands til þess, og hún er ófáanleg

Samningsmarkmið Stóra-Bretlands er hins vegar þannig skrúfað saman, að það getur sjálft náð því upp á eigin spýtur. Markmiðið er það, að Bretland fari hörðu leiðina út úr ESB án samninga við sambandið, til þess síðar að geta gert þá hefðbundnu viðskiptasamninga sem fullvalda ríki gera sín á milli. Fyrst þarf Stóra Bretland að losna og varpa um koll því sem Evrópusambandið þolir ekki að varpað sé um koll. Það er ekki fyrr en þá að hægt er að gera samninga sem gefa báðum aðilum eitthvað sem er stærra en núll, miðað við áður

Bretland mun því fara út án samninga við ESB og stunda viðskipti við það undir tollareglum WTO. Kostnaðurinn við það er ekkert miðað núverandi fyrirkomulag og miðað við það að læsa Bretland áfram fast við það sem þeir kusu um að losna frá. Það er fyrst þarna sem að samningsaðilarnir verða jafningjar. Og aðeins samningar milli jafningja gefa báðum aðilum eitthvað sem er stærra en gamalt núll. Þess má geta hér í leiðinni, að fyrstu formlegu tvíhliða viðskiptasamningar mannkynssögunnar voru gerðir af Bretum og Frökkum. Og það skal undirstrikað hér að ekkert fullvalda alvöru ríki veraldar myndi gera EES-samning við Evrópusambandið í dag, né hvað þá að ganga í það. Reynslan af slíkum fullveldis-tortímandi samningum er orðin nær öllum ljós í dag. Heimur þeirra tíma er liðinn, eins og rústaheimurinn sem skapaði Evrópusambandið er horfinn líka. Hann var aldrei annað en stundarfyrirbæri. Allar þær tímabundnu aðstæður og persónur sem –ofan frá– sköpuðu Evrópusambandið, eru dauðar í dag. ESB passar ekki við nútímann og allra síst rímar það við framtíðina

Stóra Bretland er stærsti einstaki útflutningsmarkaður Þýskalands. Og það sem meira er, viðskiptajöfnuður Evrópusambandsins gagnvart Bretlandi er í krónískum hagnaði sambandinu í vil. Allt þetta getur sambandið misst. Og því hefur verið lekið að fari Bretland út úr ESB á harða mátann, sem ég hef lýst hér að ofan, að þá muni bílaframleiðandinn Nissan loka Micra-verksmiðjum sínum í Frakklandi og flytja framleiðsluna til Sunderland í Bretlandi. Ég undirstrika að þetta er leki, en ekki staðfest frétt

Á hinum fjórum síðustu árum frá Brexit-kosningunum –sem löðurmannasveit sérfræðingaveldisins sem klessukeyrði veröldinni 2009 sagði að myndi þýða endalokin fyrir Bretland, og sem nú situr við að reikna út nýjasta CDO-klessuverk sitt um svo kölluð "loftslagsmál"– hafa milljón ný störf orðið til í Bretlandi og atvinnuleysi lækkað niður í það lægsta síðan 1974. Í Wales er atvinnuástandið það besta síðan að mælingar hófust. Og laun hinna lægst launuðu í Bretlandi hafa hækkað mest, eins og hjá Trump í Bandaríkjunum

Ekkert af því sem löðurmannasveit sérfræðingaveldisins á ofurlaunum spáði um Brexit hefur staðist. Ekkert! Hið sama mun verða uppi á teningnum varðandi loftslagsmál hins sama ónýta og vísvitandi forstokkaða reiknistokks þess löðurmannlega sérfræðingaveldis. Þetta eru sömu sérfræðingarnir og síðast, en nú í leit að nýjum verkefnum til blása sig upp með

Fyrri færsla

Rósrautt Þýskaland var aldrei rósrautt, er skrifað