Wuhan-veiran: Stýrir Evrópusambandið sóttvörnum á Íslandi? Olíuverð hrunið

Mynd Telegraph: "The actual strategy we are following comes from the European Centre for Disease Prevention and Control (ECDC), the EU’s main public health body" (sem nú er ein og samfelld rjúkandi rúst)

****

Á vefsíðum hins breska dagblaðs Telegraph, var á föstudaginn frétt þess efnis að öll lönd Evrópusambandsins, og EES-lönd líka, væru að fylgja stefnu og áætlunum ókjörinna embættismanna í Brussel í baráttunni við kínversku Wuhan-veiruna. Birt var mynd með íslenska þjóðfánanum í hrærigraut með öðrum ESB-löndum, sem annað hvort eru mjög sýkt af kínversku Wuhan-veirunni, eða eru að sýkjast af henni á ógnarhraða, og svo Ítalíu sem af sama fólki hefur verið sturtað inn í hið fullkomna stjórnleysi og allt að því upplausn. Blaðið segir að öll þessi lönd séu að fylgja áætlun og vinnuteikningum Evrópusambandsins í málinu, sem varðar lýðheilsu okkar Íslendinga allra, og efnahag landsins. Ítalía hefur verið að fylgja þessum vinnuteikningum og er því á barmi upplausnar núna, þar sem enginn veit lengur hver stjórnar landinu, eða hvort að því sé yfirhöfuð stjórnað, eða jafnvel hvort að það sé enn stjórnhæft eftir að hafa næstum liðast í sundur undir evru- og esb-aðild undanfarin 30 ár og sem grafið hefur svo undan heilbrigðskerfi landsins að það má alls ekki við neinum áföllum

Eurointelligence 26. febrúar 2020: "EU health ministers yesterday decided against border closures or even milder forms of travel restrictions on the grounds that they considered such measures disproportionate. One of those was Jens Spahn, the German minister, who claimed his country was well prepared for a crisis outbreak. The complacency of policymakers reminds us of the early phase of the eurozone crisis. That was based on backward-looking economic analysis at the time, and a lack of understanding how a financial crisis can spread across borders. We are seeing the same complacency at work again. [...] In view of the complacency of health ministers it is far from clear that we are better placed to deal with the disease than the Chinese. The Chinese initially allowed the disease to fester and spread unchecked, but have since taken draconian measures to control it."

Þann 25. febrúar síðastliðinn héldu heilbrigðisráðherrar Evrópusambandlanda fund um löngu lenta Wuhan-veiruna á Ítalíu og höfnuðu því að landamærum væri lokað. Þeir höfnuðu einnig öllum takmörkunum á ferðum manna, jafnvel þeim allra mildustu. Þar hélt þýski ráðherrann Jens Spahn því fram að Þýskaland væri "mjög vel í stakk búið" að takast á við veiruna. Komið er í ljós að svo var alls ekki. Þetta skrifaði Wolfgang Munchau þann 26. febrúar úr greiningarfyrirtæki sínu eurointelligence.com sem daglega greinir stöðu mála í Evrópusambandinu, en hefur nú flutt sig um set yfir til Bretlands. Munchau var áður ritstóri þýsku útgáfu Financial Times, sem lokað var vegna áhugaleysis Þjóðverja á umheiminum

GÁFU SÍÐAN ÚT GÚMMÍTÉKK KL. 05:00 Í DAG

Í Þýskalandi –samkvæmt frétt Bloomberg áðan– gefa hinir sömu ráðamenn út þann óútfyllta víxil í dag að "ekkert þýskt fyrirtæki megi verða gjaldþrota vegna Wuhan-veirunnar". Þetta er líklega stærsti óútfyllti víxill sögunar sagði fréttamaður stöðvarinnar. Fyrir nokkrum dögum síðan átti ekkert að vera að neins staðar í öllu Evrópusambandinu og allra síst í Þýskalandi. Svipað sagði sænska ríkisstjórnin er seðlabanki Svíþjóðar hækkaði stýrivexti í 500 prósentur til að verja einhliða EMS-bindingu sænsku krónunnar við musteri ERM-pyntingarklefa ESB 1992, en gafst svo auðvitað upp nokkrum dögum síðar. Aldrei að vanmeta heimsku, ábyrgðarleysi, vangetu og hroka embættis- og stjórnmálamanna

ÞOKULÚÐRASVEIT OG ÞOKUBAKKAR ESB

"Waiting for the brain fog to lift"
"Eurozone finance ministers reiterate that nothing is more urgent than waiting."

Þann 5. mars skrifaði Munchau einnig að beðið sé eftir að heilaþokunni létti hvað varðar ECB-seðlabankaling evru þegar að hans hlutverki kemur í þessu stórkostlega afneitunarmáli allra í Evrópusambandinu. Nokkrum dögum áður hafði bandaríski Federal Reserve seðlabankinn gripið til harkalegra mótvægisaðgerða til að létta Bandaríkjunum baráttuna gegn hinum efnahagslegum áhrifum Wuhan-veirunnar, með því að lækka vexti og tryggja aðgengi bankakerfisins að lausafé. ECB-seðlabankinn er enn að glíma við evru-hrunið-2009 og getur ekki lækkað vexti því þeir eru þegar núll. Engri þoku hefur þar létt. Hún er meira að segja borin á borð evru-landa á þökubökkum alla daga ársins, ár eftir ár

Fyrir mér hljómar sóttvarnarstefna- og aðgerðafærði embætta Landlæknis, Sóttvarnarlæknis, heilbrigðisráðherra og ríkisstjórnar eins og að þeir myndu senda Vestmannaeyingum þær nýju leiðbeiningar að aldrei aftur mættu þeir reyna að stöðva hraunflæði, sökum þess að slíkt gæti skaðað eldgos annars staðar á jörðinni. Ég bara skil ekki svona ESB/EES og Schengen-hálfkák og sýrusósur. Enginn dýralæknir myndi fara svona að í sóttvörnum, með því að innflutningi á sýkingum skuli hvað sem það kostar haldið áfram, í þeirri trú að hægt sé að hafa stjórn á þeim innan girðingar. Hvað er að gerast hér? Hefur fullveldi þjóðarinnar í þessum málum, sem og mörgum öðrum, verið kastað fyrir róða? Þetta mun kosta íslensku þjóðina ofboðslega. Þessi vanræksla mun kosta okkur ofboðslega

Á sama tíma hvetur Guðni Th. Jóhannesson forseti Íslands alla til að gera eins og gert var í Egyptalandinu (nú ESB) sem Ísraelar (nú Bretar) gengu út af; þ.e. að hlýða faraó og gagnrýna engan nokkru sinni fyrir að hafa breytt Íslandi í pestarbæli með því að hlusta áfram á þá sem breytt hafa 30 löndum í Evrópu í stjórnlausa ruslahrúgu ábyrgðarlausra embættismanna, sem hvorki getur skilgreinst sem réttaríki né siðmenntað fyrirbæri. Í gamla daga voru Ítalir fremstir í sóttvörnum. Þeir lærðu það í Svarta dauða, sem talinn er hafa komið í land um ítalskar hafnir á Suður-Ítalíu frá Asíu

LEVEL-4

Það er svona sem útbreiðsla Rússlands í Evrópu myndi ganga fyrir sig, væru Bandaríkin ekki þar. Hún myndi ganga jafnvel enn betur en útbreiðsla kínversku Wuhan-veirunnar. Þýskaland og Evrópusambandið viðhafa nákvæmlega sömu stefnu þar. Bjóða veirunni inn og taka upp löggjöf hennar og gera sig háða henni. Og enginn nema örfáir virðast setja spurningarmerki við að eina LEVEL-4 rannsóknarstofa Kína í veirurannsóknum, er staðsett rétt við Wuhan í Wuhan Institute of Virology of the Chinese Academy of Sciences, þar sem magn dýra er notað til rannsókna í því hvernig vopngera megi veirur, eða þróa bóluefni við þeim. Hvað nú ef fégráðugir svo kallaðir "kínverskir kommúnistar" seldu sýkt dýr á útimarkaðinum sem veiran er sögð hafa komist í umferð. Á þessum markaði er næstum hvað sem er lifandi selt sem mannamatur. Og enginn spyr heldur að því hvers vegna Ítalía og Íran, af öllum stöðum á jörðinni, eru nú orðin aðal-dreifingarmiðstöðvar fyrir kínversku Wuhan-veiruna í heiminum, fyrir utan Kína. Sumir vita kannski að Íran er náið samstarfsland Kína og Norður-Kóreu, og að Kína er einn stærsti viðskiptavinur Írans þegar að olíu kemur. Nánar um viðbrögð heimsins við Wuhan-veirunni má lesa í grein Victors Davis Hansonar sagnfræðings í klassískri sögu og hernaði; hér. Og atburðarrásar-greiningu Wall Street Journal á upptökunum að veirugosi kínverska kommúnistaflokksins yfir heiminn, má lesa hér. Það er sennilega af þeim flokki sem Evrópusambandið hefur lært að gjósa veirum yfir íbúa sambandsins, með því að aðhafast ekkert og afneita vandamálinu þar til allt logar stafnanna á milli

VAR EKKI Á "HÆTTUSVÆÐI"

Á gjörgæsludeild Landspítalans ættu þeir að vera sem skipulagt hafa þessa ruslahrúgu Evrópusambandsins,- EES-ríkja,- og Schengensósunnar. En í staðinn voru þar að störfum opinberir starfsmenn heilbrigðiskerfis okkar, ný komnir af Wuhan-veirusvæði kínverska kommúnistaflokksins í Evrópu og Evrópusambandsins á Ítalíu, þar sem þeir voru í fríi á veirusvæði sem heilbrigðisyfirvöld þar, og hér, og í 30 löndum Evrópu sögu að væri ekki veirusvæði, vegna þess að hvaða annar heiladordingull Evrópusambandsins sem er, sagði þeim að þar væru engar hættur samkvæmt ferða-lagaverki Evrópusambandsins

Mynd úr kerfi WSJ: WTI á Nymex og Brent

NÆST MESTA HRUN OLÍUVERÐS

"What makes this price war especially dangerous and historic is it breaks out simultaneously with a massive demand shock…from the coronavirus" said Robert McNally, president of Rapidan Energy Group, a Washington, D.C.-based energy-market consulting firm. [..] "We have not seen that toxic combination since the early 1930s when [Texas] monster Black Giant field started up in the teeth of the Depression, sending crude oil prices down to pennies on the barrel." | WSJ

Næstmesta innan-dags hrun olíuverðs í sögunni varð í nótt, þegar það fréttist að samstaðan i export-karteli OPEC og Rússlands hefði rofnað. Á skrifandi stund er það rúmlega 32 prósent og virðist færast í aukna, en gæti þó rétt úr kútnum síðar í dag. Hver veit. Miklar og þungar hreyfingar hafa sést á gjaldeyrismökuðum heimsins

Mynd: Af forsíðu Telegraph

ESB-ÍTALSKUR FARSI BREIÐIR ÚR SÉR

"We thought we’d find the army here, but there have been absolutely no checks," said Ali Anir, who was changing trains in Milan with his girlfriend on their way to their home in Verona. There was no immediate disruption to air travel, either, with scheduled flights still departing and landing in Milan. A sign at Milan’s Linate airport assured passengers that regular service was continuing. WSJ

Lítið hefur gerst við það að ítölsk stjórnvöld sögðust hafa lokað fjórðung þjóðarinnar inni í hvað-sem-það-kostar galopnu Schengen-pestarbæli Evrópusambandsins á Norður-Ítalíu. Engin flug frá Mílanó út í heim hafa stöðvast og lestir ganga áfram. Það eina sem virðist hafa gerst er að DDRÚV trúði á fréttir frá svo kölluðum ófullvalda yfirvöldum einhversstaðar á Ítalíu. Meira að segja var það sérstaklega tekið fram á vefsíðu alþjóðaflugvallar Mílanó að allt sé eins og venjulega og öll flug enn á lofti, þrátt fyrir yfirlýsingar stjórnvalda. Þetta er farsi segja menn í Bretlandi. Og allt að því sprenghlægilegt er að lesa grein Wall Street Journal um "ítölsku sóttkvína"

Fyrri færsla

ESB-sovétríkið: Kári fær ekki að skima fyrir kórónuveiru

Athugasemdir

[Gunnar Rögnvaldsson, 9.3.2020 kl. 08:59]

mánudagur, 9. mars 2020 kl. 08:58:00

Versta mat margra er að kínverska Wuhan-veiran geti náð til 70 prósent íbúa landa sem lítið aðhafast í málinu, því enginn hefur neitt ónæmi fyrir veirunni, öfugt við flensufaraldra. Núverandi mat WHO er að dánartíðni sé 3,5 prósentur. Það myndi þá þýða tvær milljónir dauðsfalla í Þýskalandi. Deutsche Bank er á skrifandi stund fallinn um 14 prósent og stendur í 5,84 evrum. Hann stóð í 112 evrum í maí 2007. Það eru þá fimm prósentur eftir af honum núna. Hann er hruninn um 95 prósent síðan þá.

[Símon Pétur frá Hákoti (IP-tala skráð) 9.3.2020 kl. 10:03]

Eins og þú veist Gunnar, þá snýst ríkisstjórn

Steingríms J. og Bjarna Ben. Jr. Um það eitt

að "draga úr innleiðingarhalla" laga og pakka ESB.

Gúlli gúgú hefur marg sagt að það sé meginmarkmið ríkisstjórnarinnar,

sem sagt að stimpla enn hraðar, sem í

Sláturhúsinu hraðar hendur,

allt lagaverk ESB.

Það hlálega er, að enn finnast fullt af sauðum

í "Sjálfstæðisflokknum" sem neita að horfast í augu við þennan nakta sannleika.

[Gunnar Rögnvaldsson, 9.3.2020 kl. 10:08]

mánudagur, 9. mars 2020 kl. 10:08:10

Ekki einu sinni Adolf Hitler var jafnheimskur og klikkaður og svo kallaðir ráðamenn Evrópusambandsins sýndu til dæmis síðast í verki á fundi þeirra þann 25. febrúar, sem ég skrifa um hér fyrir ofan. Hefðu þeir ákveðið þá að loka landamærum Ítalíu strax, þá hefði gefist tími til að skipuleggja stjórnaðri lokun (e. controlled shut down) á þeim innviðum á Ítalíu sem sjá öðrum fyrirtækjum í ESB fyrir því sem þau þurfa á að halda til að geta starfað áfram. Það sem við hins vegar sjáum í dag, er að vegna kæru- og sinnuleysis í  Untergang-bukner Brusselgengisins í Berlín-París og Brussel, þá henda fjárfestar veraldar öllu því sem tengist Ítalíu frá sér og í ruslið á mörkuðum núna. Þarna tókst þessum ESB-fíflum sennilega að eyðileggja sparnað ítölsku þjóðarinnar á aðeins einum fundi, þar sem dauðasynd allsherjar ábyrgðarleysis var borin á borð, beint af þokubökkum sem aðeins geta orðið til í imperíal-heimsveldum á borð við Róm, Napóleon, Hitler, Stalín og ESB. Öll svona úrkynjuð klikkveldi falla alltaf á því sama; Sinni eigin heimsku sem náði tökum á heilabúum þeirra - og nóg er af þeim hér heima, eins og sést, - svo ekki sé minnst á allt fólkið sem nú fellur fyrir kínversku Wuhan-veirunni, og svo þá sem eru á gjörgæslu - plús alla hina í ESB-heilbrigðskerfum á skallanum - í 12 ára viðstöðulaustri kreppu evru.

[Ragnhildur Kolka, 9.3.2020 kl. 14:15]

Nú segir Putin að Rússland þoli $25 á tunnuna í 10 ár. Hvað segir þú - er þetta Borgarvirkisræða eða þola Rússar svona lágt verð fyrir helstu útflutningsafurð sína?

[Gunnar Rögnvaldsson, 9.3.2020 kl. 16:19]

Þakka ykkur fyrir Símon Pétur og Ranghildur

Já þetta er Borgarvirkisræða og hún gildir sérstaklega ekki fyrir hann sjálfan og persónu hans. Rússland þarf 70-80 dali á tunnuna til þess bara að reka ríkissjóð á horriminni án þess að þurfa að éta þá varasjóði upp sem hann þegar er langt kominn með að éta upp til agna. Þeir sem trúa Pútín trúa öllu. Því lægra olíuverð því harðar verður þjarmað að rússnesku þjóðinni.

Kveðjur

[Lárus Ingi Guðmundsson, 9.3.2020 kl. 16:39]

USA er með allar sínar rannsóknar stofur í Veirum, i Georgiu við hlið Russnesku landmæranna og frá GEORGIU, þar sem að þessr veiru rannsóknar stofur Usa eru staðsettar að þá má benda á það að það er BEINT FLUG frá Gergiu til Wuhan, þar sem að virusinn breyddist út. 

Hver er svo vitlaus, að halda það að folk beini vírusnum að SJÁLFUM SÉR ????

þannig virkar þetta einfaldlerga, heldur er þessum vírusum í hernaðalegum tilgangi altaf ÆTLAÐ AÐ BEINAST AÐ ÖÐRUM !!!!

Ótrúlegt hvað þetta Washington Dc lið, sem að við sjáum her, létt kaþolskir einstaklingar sem að ÞYKJAST VERA MÓTMÆLENDUR, sem að eru ansi duflegir að breyða boðskap Vatikansins út , eins og við sjáum hér og hjá Birni Bjarnasyni, sem að er einn sendi boði kaþolsku kirkjunar á islandi, en án þess að hann hafi hygmynd um það sjálfur. 

AF 194 SJÁLFSTÓNRAR SVÆÐUM Í HEIMUNUM AÐ ÞÁ ERU USA, EÐA RETTARA SAGT WASHINGTON DC, MEÐ BÆKISTÖÐVAR Í 142 !!!!

þar á meðal á islandi.

RUSSAR MEÐ 1 virka herstöð fyrir utan Russland sem að er Syrland. 

Finnst engum neitt athuvavert við þetta ? 

þegar að menn koma fram og gera ekki grinar muun á Bandarikjunum og Washington dc annars vegar, sem að er Vatikanið og aðarl stjórnstöð vatikansins, og þegar að þessir einsaklingar þrá staglast á ORÐINU BANDRIKJAMENN, þegar að það eru ekki Bandarikjamenn sem að eru í Evropu, heldur er það Washinngton Dc, sem að er Vatikanið. 

Farið að KOMA ÞESSU Í HAUSIN Á YKKUR. !!!!!!!!!!!!!!!!!!

þeir einstaklingar sem að gera ekki greinar um a Usa annarsvegar og Washhington dc og því brolti hinsvegar, að þá eru þessir einstaklingar sjálfir í Drauma heimi og nokkuð gott að sjá, hversu auðvelt það hefur verið fyrir Pafan i Róm að heila þvi ákveðna einstaklinga, sem að þra staglast á orðinum Bandaríkjamenn, þegar að þetta snýst allt um Vatikanið og er Usa herin ekki neitt annað en Vatikanið.

Gunnar og Björn Bjarna.

Nema að það má SVARA GUNNARI, en það má enginn svara Birni Bjarnasyni. Sá bara heldur ræður en og skrifar en passar sig á þvi að koma þvi þannig fyrir að það sé ekki hægt að komenta á það sem að sá segir.

Vil enga Mótmælendur hér í einhverkonar dulargerfi, eða einsttaklingar sem að þykjast verið mómælendur ern eru í raun og eru ekki neitt annað en Bjórdrykkju þambbandi ,, LÉTT ,, kaþolskir einstakingar sem að hugsa um það eitt að fá ér einn kaldan og svo að ógleymdu ,, VERÐINU Á BJÓNUM. 

KV

lig

Ég segi n nú bara eð Russa grýlan verða nú að virkilegum raunveruleika og valta yfir  hin skulduga, algerlega ósjalfbæra heim vesturveldanna og megi Gullforði Russlands nýtiast okkar sem að erum að vinna hér í FLOKKNUM !!

[Lárus Ingi Guðmundsson, 9.3.2020 kl. 16:52]

DJÖFULINN HAFI ÞAÐ. 

ALVEG ÓTRÚLEGT

KV

LIG

[Gunnar Rögnvaldsson, 9.3.2020 kl. 17:47]

Það er náttúrlega meira í þessu Ragnhildur.

Það er strax kominn sú samsæriskenning fram að Rússar og Sádar séu í konsert að reyna að hrista bandaríska shale-olíaframleiðendur af sér, með því að láta líta svo út að kartel-samstaða þeirra hafi brostið, og notfæri sér því þá stöðu að Wall Street sé í panik um þessar mundir og geti því illa stutt við bakið á bandarískum shale-brunna fyrirtækjum, á meðan markaðurinn hendir flestu frá sér.

Gallinn við þá kenningu er að einræðisherrar hafa aldrei getað treyst hvor öðrum, því þeir þekkja eðli sjálfs síns manna best: Stalín sveik alla og vann með öllum. Mussolini treysti ekki Hitler, sem treysti heldur ekki honum, og sömu sögu var að segja með Japani. Allir grunuðu þeir hvorn annan um græsku og gerðu ráðstafanir samkvæmt því. Glæpamenn eiga yfirleitt jafn lélega samstarfsmenn og þeir eru sjálfir. En hingað til hafa allar tilraunir Sáda og Rússa til að hrista shale-framleiðendur af sér, endað með því að þeir skutu sjálfa sig alla fætur.

Lárus

Ég sé að aukið adrenalínflæði hefur bætt bæði innslátt þinn og málfar. En að nota mig sem nálapúða fyrir þær pennastungur sem ætlaðar eru Birni, var á tímum háborgar þinnar kallað að taka gömlu góðu og margblessuðu Albaníu þína á málin.

Kveðjur

[Gunnar Rögnvaldsson, 9.3.2020 kl. 19:13]

mánudagur, 9. mars 2020 kl. 19:11:12

"Dan­ir skil­greina Ísland sem áhættu­svæði

Mikið hef­ur verið fjallað um fjölda smita á Íslandi í dönsk­um fjöl­miðlum en á vef danska ut­an­rík­is­ráðuneyt­is­ins seg­ir að ef fólk ferðist til Íslands ætti það að gæta sér­stak­lega að því að það smit­ist ekki af kór­ónu­veiru." Mbl

[Gunnar Rögnvaldsson, 9.3.2020 kl. 19:40]

mánudagur, 9. mars 2020 kl. 19:39:18

Mannfallið á Ítalíu hefur heldur betur færst í aukna. Það sem af er degi eru 97 manns látnir af völdum kínversku Wuhan-veirunnar, og færir það tölu látinna upp á 463 manns. Dánartíðin hefur það með hoppað yfir 5 prósentur af þeim 9172 sem greinst hafa. Ef til vill hefur veiran stökkbreyst til hins mun verra. Í ljósi þessara hörmunga á Ítalíu er stefna Landslæknis- og  Sóttvarnarlæknisembættanna og ríkisstjórnar Íslands óskiljanleg í þessu máli öllu. Þar er verið að fremja hörmuleg og ófyrirgefanleg mistök.

[Gunnar Rögnvaldsson, 9.3.2020 kl. 21:34]

mánudagur, 9. mars 2020 kl. 21:31:16

Ferða- og sam­komu­bann yfir alla Ítal­íu skrifar Morgunblaðið. 

"There wont be just a red zone. There will be Italy as a protected area."

"Það verður ekkert eitt rautt lokað svæði í norðri. Öll Ítalía er nú lokað verndarsvæði", segir Giuseppe Conte forsætisráðherra.

Loksins náði skynsemin yfirhöndinni.

[Húsari. (IP-tala skráð) 10.3.2020 kl. 10:14]

Sæll Gunnar.

Best hefði verið að leyfa
þessu að hafa sinn gang án nokkurra afskipta
því við blasir að þetta fer sínu fram hvort heldur
sem er og erfitt að sjá en að þannig hafi það
verið hugsað frá upphafi.

[Þorsteinn Siglaugsson, 10.3.2020 kl. 11:39]

Ávallt sami skriðjökullinn af dellu sem skríður hér fram.

ESB hindrar með engum hætti að einstök lönd geri ráðstafanir til að hindra eða takmarka ferðir til eða frá sýktum svæðum. Það að ekki hafi verið tekin sameiginleg ákvörðun um hindranir merkir alls ekki að einstök ríki geti ekki sett þær á

ESB þvingar heldur engin lönd til að koma á slíkum hindrunum. Þegar þrýst var á Ítalíu að loka landamærum, svo dæmi sé nefnt, neituðu stjórnvöld, og þar við sat. 

Íslendingar eru alveg fullfærir um að viðhafa ófullnægjandi og kæruleysisleg viðbrögð við faraldrinum.

Allt þetta skilur skynsamt fólk. En ekki endilega óskynsamt fólk.

[Gunnar Rögnvaldsson, 10.3.2020 kl. 13:26]

Þakka þér Húsari.

Nú var norska Norwegian rétt í þessu að senda frá sér fréttatilkynningu þess efnis að flugfélagið sker samstundis 3000 flug niður, frá miðjum mars og fram í miðjan júní. Stór hluti starfsmanna verður sendur heim. Þetta er gert vegna þess að svo fáir vilja kaupa sér flugferð til Vírusar með félaginu. Og þetta er sennilega bara byrjunin. 

Þú hlýtur að sjá að sé ekkert gert þá mun engin fara neitt, gera neitt, né þora neinu og þú og þínir missa vinnuna og veslast upp. Vel er hægt að reyna að gefa fólkinu kökur þegar sennilega 10 prósent þjóðarinnar er látinn, sé ekkert gert í hverri umferð, því það gerist nefnilega sé ekkert að gert, eins og þú nefnir; þ.e. að ríkisstjórnin afneiti sóttvörnum  og að heilbrigðiskerfið loki bara á þessa vesalinga sem fá þessa kínversku Wuhan-veiru, þar til að 25% af lækna- og hjúkrunarliðinu liggur dautt og heilbrigðiskerfið lokar af sjálfu sér, og þeir sem eru ekki með Wuhan-veiru heldur allt hugsanlegt annað, koma þá að hálflokuðum dyrum.  Manstu nokkuð eftir frönsku byltingunni og þeirri rússnesku. Þar var einmitt ekkert gert, nema kökur.

Þessi kínverska Wuhan-veira bitnar eins og er verst á hinum eldri og bognari. En það er að miklu leyti þeirra vegna að byggt var hér heilbrigðiskerfi, og sem þeir af öllum hafa borgað langsamlega mest fyrir. Nýfædd börn og skólafólk fjármagna ekki heilbrigðiskerfi. Næstum allur massi lækna sem kann eitthvað er yfir fimmtugt, best er því að þeir fari sem fyrst, því það tók ekki nema 35 ár að mennta þá. Svo kemur ný og stökkbreytt Wuhan-veira sem lært hefur að ekkert gamalt fólk er eftir, og stökkbreytir sér því samkvæmt því. Aðeins þær veirur sem fiska vel, lifa af og herðast. 

Ástæðan fyrir því að dánartíðnin á Ítalíu er 5 prósent fyrir alla á skrifandi stund, er sú að stór hluti heilbrigðiskerfisins er undirlagður við að annast þá sem þar eru veikir af þessari veiru, það er að segja sá ríkari hluti landsins í norðri sem er með besta kerfið og bestu tólin. Suðrið verður hins vegar steikt. Væri ekkert að gert, eins og þú nefnir, þá væri þessi tala nú þegar miklu hærri. Enginn getur staðfest tölurnar frá Kína og sú saga gengur núna að pestin geisi á fullu þar áfram og sé komin til Peking,  en þögguð niður.

Ég verð að játa að ég bara skil ekki fólk sem talar svona. 15 prósent dánartíðni fyrir þá sem eru um og yfir áttrætt og 8 prósent fyrir þá sem eru á áttræðisaldri!!

Þó svo að ég sprautaði alla Íslendinga með þeirri flensuveiru sem gengur núna, þá fengi ég ekki nema 0,005 prósent til 0,03 prósent dánartíðni, það er að segja ef heilbrigðiskerfið sé enn starfhæft eftir síðasta venjulega flensufaraldur, sem ekkert var gert í. 

Fólk verður að hugsa. Og fólk verður að vara sig og taka alvarlega á málunum. Annars á það á hættu að drepast, og hættan vex í réttu hlutfalli við kæruleysi manna.

Ég skil hins vegar ekkert í ríkisstjórninni að ætla að henda peningum í ferðamannabransann. Hann er nefnilega nú þegar dauður. Steindauður til margra næstu ára og sennilega áratuga. Og hann verður enn steindauðari því minna sem gert er í að stöðva Wuhan-veiruna.

Kveðjur

[Símon Pétur frá Hákoti (IP-tala skráð) 10.3.2020 kl. 15:19]

@ Þorsteinn

Alma "landlæknir" svaraði aðspurð á 10. fundi beinu útsendinga "almannavarnadeildar" ríkislögreglustjóra, hvort ferða- og samkomubann yrði sett hér á, að "sóttvarnarlæknir" væri í stöðugum samskiptum við sóttvarnayfirvöld ESB um það mál.  Annað vissi hún ekki.

Á meðan grasserar veiran, nú komin í skólana.

Á meðan bíður "sóttvarnarlæknir" fyrirmæla frá ESB hvað hann eigi að gera.  

[Borgþór Jónsson, 10.3.2020 kl. 17:49]

"Já þetta er Borgarvirkisræða og hún gildir sérstaklega ekki fyrir hann sjálfan og persónu hans. Rússland þarf 70-80 dali á tunnuna til þess bara að reka ríkissjóð á horriminni án þess að þurfa að éta þá varasjóði upp sem hann þegar er langt kominn með að éta upp til agna. Þeir sem trúa Pútín trúa öllu. Því lægra olíuverð því harðar verður þjarmað að rússnesku þjóðinni."

Þú ert undarlega illa að þér um það sem þú ert að skrifa um oft á tíðum.
Gjaldeyrisvarasjóður Rússlands er í dag 570 milljarðar dollara og hefur aldrei í sögunni verið stærri. 
Erlendar skuldir ríkissins eru nánast engar og heildarskuldir þess eru 14% ,sem er afar fáséð tala.
Að auki er ríkissjóður Rússlands rekinn með töluverðum hagnaði, líklega nálægt 7%.
Opinbera talan er 1,8% en þar verður að hafa í huga að allir olíuskattar sem eru umfram 43 dollara olíuverð eru lagðir í sjóð til mögru áranna. Þessir sjóðir eru því allir að stækka en ekki minnka.
Það er því afar mikil varfærni að segja að Rússland geti staðið  af sér lágt olíuverð í áratug.

Á sama tíma fer hlutur olíu minnkandi í útflutningi landsins,en hlutur vélbúnaðar,matvæla og hergagna vaxandi.

Ég held að þú sért að rugla saman því sem menn héldu að mundi gerast eftir stóru efnahagsárásina 2014 ,við það sem raunverulega gerðist. Þessi árás miðaði að því að leggja Rússneska olíuiðnaðinn í rúst,Neyða Rússa til að eyða varasjóðum sínum og rústa efnahag ríkisins.
Þetta mistókst algerlega,mönnum til mikillar hrellingar.Ekkert af þessu gerðist.Á engum tímapunti varð viðsftahalli við útlönd.

.
Eftir að hafa dalað aðeins juku Rússar framleiðslu sína um eina milljón tunnur á dag og Bandaríkjamenn neyddust til að slaka á skrúfunni til að bjarga eigin olíuiðnaði.
Saudar sem höfðu tekið þátt í leiknum lágu eftir í sárum.
Nú hreyfa Saudar sig ekki fet á olíumarkaði án þess að hringja í Putin eða heimsækja hann. Öðruvísi mér áður brá.


Það sem gerðist í framhaldinu var að Rússar eru nú ráðandi á olíumarkaði í stað Sauda og stjórna nú lögum og lofum á þeim bæ.
Þeir skrúfa einfaldlega verðið upp og niður eins og þeim sýnist.
.

Rússar eyddu aldrei einum dollar af varasjóðum sínum. Þeir notuðu þá til að borga upp skuldir.
Þeir keyftu aldrei eina rúblu á yfirverði,þeir biðu þangað til verðið á henni var komið langt niður fyrir raunvirði og þá keyftu þeir rúblur eins og enginn væri morgundagurinn. Þegar svo rúblan náði jafnvægi stóð Rússneski seðlabankinn uppi með góðann hagnað,en þeir sem höfðu staðið að aðförinni töpuðu gríðarlegum upphæðum. Þessu var snilldarlega stjórnað,enda Rússneska stjórnunarteymið það besta í heimi.

Hvað er að gerast í dag. Af hverju neitaði Putin að hækka olíuverðið með því að minnka framleiðslu?.
Það sem ég held að sé að gerast er að Putin hefur ákveðið að leggja til atlögu við Bandaríska fracking iðnaðinn.
Putin er snillingur í að velja tímasetningar í hernaði af öllu tagi ,svo líklega tekst honum ætlunarverk sitt.
Ef svona heldur áfram lifir fracking iðnaðurinn bara í nokkra mánuði. Hann er þegar í fjárhagsvandræðum þrátt fyrir 60 dollara verð. Undanfarið hefur hann þurft að borga hærri vexti en gengur og gerist til að fá fjármagn
Framleiðslukostnaður í Rússlandi er hinsvegar 7 dollarar tunnan og Rússnesku fyrirtækin geta lifað til eilífðarnóns með þessu verðlagi. Jafnvel lægra.

Fyrir nokkru byrjaði Trump að setja viðskiftahömlur á Rússnesk orkufyrirtæki.Bandaríkjamenn hafa forðast að leggja slíkar hömlur á Rússnesk fyrirtæki síðan þeir reyndu við RUSAL forðum daga. Það fór ekki vel fyrir þeim.
Putin hefur alltaf sagt að slíkt yrði ekki liðið.
Það sem við erum að horfa á eru viðbrögð Putins við þessari aðför að Gasprom.
Bandaríkjunumm er stjórnað af ofbeldisfullum hrottum með stóra kylfu,en þeir eru líka heimskir. Þess vegna tapa þeir aftur og aftur.
.
Tímasetning Putins er frábær að venju. Að venju bíður hann eftir rétta tækifærinu í stað þess að bölast áfram og skaða Rússland í leiðinni.
Nú þegar fracking inaðurinn hangir á blábrúninni ákveður hann að gefa honum smá selbita til að hjálpa honum fram af.
Líkleg viðbrögð Bandaríkjamanna verða að beita ríkisstyrkjum til að halda þessu fyrirbæri á lífi,ekki af efnahagsástæðum heldur af stolti.
Í ljósi þess að Bandaríska ríkið á ekki bót fyrir boruna ,verða þeir að taka allt að láni,og það er ekki lítið fé sem þarf.

Við erum sennilega að verða vitni að stærri sviftingum en við höfum áður séð í heimspólitíkinni.
Heimsveldi er að líða undir lok.
Vonandi bregðast þeir ekki við eins og Hitler forðum ,en hann reyndi að drepa eins marga í fallinu og hann gat.
Ég er samt ekki mjög bjartsýnn,þeir sem stjórna Bandaríkjunum í dag eru svipaðir karakterar. 

[Húsari. (IP-tala skráð) 10.3.2020 kl. 19:36]

Sæll Gunnar.

Ekki viss um að muni svo miklu
í grundvallarskoðun okkar hvað þetta málefni varðar.

Sá er þó munur á að ég kýs að horfast í augu við það sem mér virðist orðinn hlutur.
Þegar svo er komið að jafnvel þvæist fyrir mönnum að banna allt samkomuhald, þá skrapar það svo botninn í eigin huga að mér þykir augljóst að veiran muni auðveldalega breiðast út;
hún hafi þegar gert það og reyndin til róta að skammt sé í að
hún skjóti upp kollinum þar sem enginn bjóst við henni.

Bið fyrir góðar kveðjur í Borgarfjörðinn, þessa yndislega héraðs!

[Gunnar Rögnvaldsson, 10.3.2020 kl. 20:13]

þriðjudagur, 10. mars 2020 kl. 20:12:22

Þakka ykkur fyrir.

Vonandi ertu ánægður með svar Símonar Péturs, Þorsteinn. Kannski kominn tími til að líta aðeins upp úr ESB/EES/Schengen biblíunni?

En það gerði Ítalía, en því miður allt allt of seint vegna þrýstings frá esb-vaxmyndasafninu, og er því kviknað í allri Evrópu, ásamt vesalings Íslandi ESB/EES/Schengen-fábjána.

Þakka þér fyrir Símon Pétur.

Þakka þér fyrir Borgþór. Gott að þú ert ánægður með rússneska ríkissjóðinn þinn, sem síðustu ár hefur notað varasjóði landsins sem varalit á hann. Þetta kemur.

Þakka þér fyrir Húsari. Þér er ekki bannað að hafa aðra skoðun en ég hef. Slíkt er ekki bannað hér á minni síðu.

EVRÓPUSAMBANDIÐ Í PRAXÍS

Ef maður vissi ekki betur þá er hér mynd af uppstoppaðri manneskju á vaxmyndasafni á annarri plánetu. Hún er önnur kynslóð apategundar sem afneitar eðli manna og dýra. Mbl

A German export ban on masks that protects against the coronavirus has angered Austria and Switzerland. "It cant be that Germany is holding back products for Austria just because they happen to be stored in a German location," said Austrian economy minister Margarete Schramboeck. "These products are for the Austrian market, and unilateral moves by Germany are just causing problems in other countries," she added. EU Observer

Það er því eins og við esbmanninn sé mælt (og ávallt samstundis), að Þýskaland og Austurríki sem dagsdaglega þykjast vera í Evrópusambandi við hvort annað, eru komin í háarifrildi vegna andlitsgríma. Málið er það, að nú hefur Þýskaland bannað útflutning á slíkum grímum frá sínu landi. En þar sem grímulager Austurríkis -sökum kenninga fræðimanna um Evrópusambandið- er staðsettur í Þýskalandi, þá fær Austurríki ekki grímurnar sínar. Er þetta ekki yndislegt! Þetta er eins og ég hef ávallt sagt; útkoma áfalla í löndum Evrópusambandsins er fyrst og fremst háð þjóðerni. Þetta bandalag hefur aldrei snúist um neitt annað en að öll lönd þess ræni hvort annað í samræmi við ránsgetu þeirra.

Kveðjur

[Borgþór Jónsson, 10.3.2020 kl. 20:37]

Það er málið. Rússar hafa efni á varalit af því þeir lögðu til hliðar á góðu tímuum.
Þegar vondu tímarnir koma geta þeir komist í gegnum þá án þess að steypa sér í skuldir.
Það er ástæðan fyrir að varasjóðum er komið á fót.
Þetta er einfaldlega góð stjórnun.
Frá 2017 hafa þessir sjóðir verið að vaxa aftur,hratt.
Þetta er góð stjórnun.
Það er af því að allur peningur sem kemur í ríkissjóð sem stafar af olíuverði yfir 43 dollarar fer í varasjóð.

Þú verður að reyna að átta sig á þessu.

Dæmi um afleita stjórnun er stjórnarstefna Bandaríkjanna og Frakklands sem söfnuðu skuldum í mesta góðæri sem hefur yfir Vesturlönd í sögunni.


 

[Gunnar Rögnvaldsson, 10.3.2020 kl. 22:08]

þriðjudagur, 10. mars 2020 kl. 22:07:43

"Góðkunn­ingjarn­ir Hall­dór Benja­mín Þor­bergs­son, fram­kvæmda­stjóri Sam­taka at­vinnu­lífs­ins, og Ragn­ar Þór Ing­ólfs­son, formaður VR, eru báðir komn­ir í sótt­kví eft­ir að hafa verið á skíðum í Aust­ur­ríki - þó hvor í sínu lagi. Þetta staðfesta þeir í sam­tali við Mbl".

Tveir bjánar fara úr einu snjólandinu í annað snjólandið til að fara á skíði í drepsóttarbælum ESB. Hvað skyldi "fátæki verðalýðurinn" hugsa um "foringja" sinn. Og hvað skyldu atvinnurekendur hugsa um dómgreind(arskort) Benjamíns foringja? Tveir góðkunningjar dómgreindarskerðingar renna saman í eina kjaraskerðingu.

Hmpf!

[Þorsteinn Siglaugsson, 11.3.2020 kl. 18:35]

Landlæknir hefur ekki leitað til ESB til að fá leyfi til að setja á samkomubann eða takmarka ferðir. Embættið hefur hins vegar leitað til yfirvalda í nágrannalöndum til að afla sér upplýsinga og læra af reynslu þeirra sem hana hafa.

En endilega halda áfram að ljúga. Það fer ákaflega vel á því, að þeir geri það, sem eru á þeim stað siðferðilega að láta sér muninn á lygi og sannleika í léttu rúmi liggja.