Lánstraust Evrópusambandsríkisins Lettlands lækkað niður í rusl. Hörmungar Lettlands ætla engan endi að taka

Grátlegur er endir lettneska þjóðfélagsins í faðmi Evrópusambandsins

 

Í fyrradag tilkynnti hagstofa Lettlands að því sem næst einn fimmti hluti hagkerfis Lettlands væri nú horfinn miðað við efnahag landsins á öðrum ársfjórðungi á síðasta ári. Samdráttur í þjóðarframleiðslu Lettlands var hvorki meira né minna en heil 19,6% á öðrum ársfjórðungi þessa árs miðað við sama ársfjórðung á síðasta ári. Þetta er verra en á fyrsta fjórðungi ársins en þá var samdrátturinn 18% á meðan hann var aðeins 3,9% á Íslandi á sama tíma

• Smásala í Lettlandi dróst saman um 28%
• Hótel- og veitingarekstur dróst saman um 35%
• Iðnaðarframleiðsla hrundi um 19%

Í tilefni þessarar tilkynningu hagstofu Lettlands í fyrradag notaði lánshæfnismatsfyrirtækið Standard & Poor’s tækifærið til að lækka lánshæfnismat ríkissjóðs Lettlands niður í rusl í gær (frá BB+ niður í BB)

Í leiðinni var lánshæfnismat ríkissjóðs Eistlands lækkað úr A niður í A- og sænska krónan sett á neikvæða listann yfir gjaldmiðla sem álitið er að muni falla á næstunni

Bandaríski bankinn Brown Brothers Harriman segir að það séu undur og stórmerki að opinbert lánshæfnismat Litháen skyldi ekki vera lækkað niður í rusl í leiðinni því það sé sú einkunn sem bankinn gefi landinu

Í tilefni þessara atburða sagði Win Thin greinandi hjá Brown Brothers Harriman þetta:

• Somehow, Lithuania escaped this time but it should have been cut from the current BBB, as we rate it BB- vs. actual BBB/A3/BBB. The only surprise to us was that the downgrades weren’t deeper, as we see eventual junk status (below BBB-) for all three. As we noted in our most recent FX quarterly, the ratings agencies have been overly generous with Eastern Europe, particularly the Baltics. Our sovereign rating model puts Estonia at a BB/Ba2/BB rating, way below actual ratings of A-/A1/BBB+. For Latvia, we rate it B- vs. actual BB/Baa3/BB+. Others that are overrated in the region include Bulgaria (we rate it BB vs. actual BBB/Baa3/BBB-), Hungary (we rate it BB- vs. actual BBB-/Baa1/BBB, and Romania (we rate it BB vs. actual BB+/Baa3/BB+).

• We fully expect Estonia, Lithuania, and Bulgaria to follow Latvia and Romania into IMF programs. Our negative view on the Baltics still underscores our bearish calls on SEK given the high levels of Swedish banking exposure to the region, and helps explain why SEK was the worst performer today vs. USD and EUR… Just look at Latvia. It just reported Q2 GDP as contracting 19.6% y/y vs. an 18% drop in Q1. The banking regulator has reported that all overdue loans rose to 23.5% of total loans in June... Those numbers will only get worse, as we see little relief in sight for the economy…   

Lúxus bankakerfis Evrópusambandsins sannar sig fyrir fjárfestum  

Sem sagt: vanskilahlutfall á öllum útlánum bankakerfis Lettlands hækkaði upp í 23,5% af öllum útlánum bankakerfis þessa lands. En þetta land er svo heppið að vera aðnjótandi hins fulkomna bankakerfis Evrópusambandsins, sem smá skítaríki á borð við Ísland geta ekki megnað að töfra fram samkæmt erlendum sérfræðingi peningastefnunefndar Seðlabanka Íslands. Bankakerfi Evrópusambandsins hvíla sig nú í öndunarvélum skattgreiðenda stórríkja sambandsins, sökum örmögnunar fjármögnunar. Þetta útskýrir væntanlega af hverju það eru 15,4% útlánsvextir á smá yfirdráttarheimild smáfyrirtækis míns hér í 0% verðbólgunni og 1,5% stýrivöxtunum í Danmörku. Hinn fullkomni banki minn í stórríki ESB þarf kannski að þéna inn það sem hann tapar svona stórt í Lettlandi núna, eða hvað? Eða er þetta bara svona fullkomið að ég skil þetta ekki? Kannski er ég bara svona lélegur pappír af því ég skulda ekki nógu mikið 

 

Er þetta endastöðin fyrir þjóðfélag Lettlands? 

Hvað gerist í Lettlandi þegar þorri kvenna á frjósemisaldri er horfinn úr samfélagi Lettlands, hvernig á þjóðin þá að halda áfram? Þjóðinni fækkar og fækkar, meðalaldur þýtur upp og barnseignir eru katastrófal fáar. Gamla fólkið mun þurfa að halda kyrru fyrir en hinir ungu fara til Norðurlandanna. Skattgreiðendur eru að stinga af. Kassinn verður tómur. Munu örlög Íslands og íslensku þjóðarinnar verða þessi í faðmi Evrópusambands Samfylkingarinnar og Vinstri grænna?

En þetta eru samt góðar fréttir segir vefsíða Evrópusamtakanna á Íslandi 

• Jákvæð teikn frá Lettlandi 

Sumir greinendur gerðu ráð fyrir enn meiri samdrætti í Lettlandi. En spár margra greinenda undanfarnar vikur og jafnvel mánuði hafa einnkennst af yfirdrifinni svartsýni því þeir vildu ekki verða uppvísir af fyrra háttarlagi sínu; sem var hömlulaus og yfirdrifin bjartsýni án mikils samhengis við raunveruleika hagkerfanna. Það er meðal annars vegna þessa sem við nú sjáum svona margar fréttir sem bera yfirskriftina "afkoma reyndist yfir væntingum". Þetta kaupa svo aðilar markaðarins í stórum stíl núna og því ríkir "bull market" stemming á mörgum mörkuðum eins og er. En svo mun náttúrlega allt hrynja aftur, því ekkert, ég endurtek, ekkert, ber þessar hækkanir á mörkuðum núna, annað en óskhyggjan ein. En jarðsambandið mun alltaf koma aftur. Bíðið bara róleg. Þetta kemur  

 

Þeir sem hafa það gott halda yfirleitt að allir aðrir hafi það gott svo lengi sem þeir hafa það gott sjálfir. Svona eins og flestir Íslendingar sem hafa það gott hvar sem þeir eru staddir í heiminum. Þeir Íslendingar sem eiga til dæmis sumarhús á Suður Spáni vita sennilega ekki mikið um að það er einmitt 30% atvinnuleysi á Suður-Spáni. Þar sem maður hefur það gott sjálfur þar hljóta jú allir aðrir að hafa það gott líka, ekki satt? Það eru engin lík fljótandi á götunum svo allt er í besta lagi. Ég sá það sjálfur þegar ég heimsótti Ísland í vor. Þar voru engin lík fljótandi á götunum í Reykjavík og það var ljós á sjúkrahúsunum, strætisvagnar gengu og fólk gékk um í fallegum fötum. Veitingahúsin voru þétt setin og bílar voru þar margir og nýjir. Svo ef 29 af 51 sjúkrahúsi Lettlands verður lokað á næstunni vegna fjárskorts, þá eru það væntanlega góð teikn samkvæmt Evrópusamtökunum á Íslandi: hver tekur eftir lokuðum sjúkrahúsum, ég bara spyr?

 

 

Upplýsandi efni um málefni Lettlands, togstreituna á milli IMF og Brussel og framtíðarhorfur Lettlands 

• Is It Hot In Latvia In August? 

Eina uppspretta mannlífs Lettlands í framtíðinni munu verða fátækir innflytjendur frá Mið-Asíu og Norður Afríku. Öngvir aðrir munu vilja snerta á þessu landi með eldtöngum. Sagan er skrifuð. Evru-Víetnam-styrjöld Lettlands reyndist landinu um megn  

 

Fyrri færsla

• Hagvísur úr Jóns Baldvinslandi

Hagvísur úr Jóns Baldvinslandi

Opus 1 von Brussel ab infinito 

Fyrsta vers er svona;

Númer eitt: maður gengur í ESB

Númer tvö: svo bindur maður gengið sitt fast við staur ESB

Númer þrjú: svo fær maður erlenda banka til að sprengja verðlag í landinu út af landakortinu

 Annað vers er svona;

Númer eitt: þjóðarframleiðslan fær Eurosclerosis (1/4 af hagkerfinu hverfur eins og í Litháen) því útflutningur er fullkomlega ósamkeppnishæfur og enginn vill kaupa neitt af okkur

Númer tvö: vegna þess að maður verðlagði landið út af landakortinu og ræður engu um gengi þess lengur þá þorna tekjur þess upp en þá kemur Jón Baldvin í bragga og fer að gagga númer þrjú 

Númer þrjú: allir verða gjaldþrota, þeim þraut gjaldið en takið nú samt, vinir mínir, upp evru strax. En mennirnir neita og taka þess í stað upp vopnin sín gömlu og ganga í Sovétríkin á ný, lausir úr evru-Víetnam stríðinu mikla, voila! Berjumst því fyrir inngöngu í Sovét á ný

Kór: syngur á milli versa við undirleik Brussel orgels með einni nótu, E-dúr 

Óh vors ESB himnar Brussel opnast. Lækningin hans Jón Baldvins er þessi: við skrifum utaná vörurnar að þær séu framleiddar í Lettlandi eða Íslandi því þá kaupa allir þær af okkur sjálfkrafa og svo hefjum við okkar evru-Víetnam-stríð sem er ekki hægt að komast út úr aftur. Við deyjum í Sovét eða í Evrum, annaðhvort

. . . endurtakið . . . óh lækningin hans Jón Baldvins er þessi . . . við deyjum í Sovét eða í Evrum . . flytjum til Írlands . . óh nei . . jæja þá til Spánar í 21% atvinnuleysi . . óh nei . . hvað þá með Lettland? . . þögn . . Óh vors ESB himnar Brussel opnast . . . Lækningin hans Jón Baldvins er þessi . . endurtakið . . 

© 100% gengisfelling er skrásett ® vörumerki Jóns Baldvins Hannibalssonar og er eina 100% gengisfellingin í hinni þekktu veröld stærðfræðinnar sem endar ekki með núlli

Það er ekkert þriðja vers: því allt er dautt og hljótt 

Fyrri færsla

• Enn er ruglað í besta Weimar stíl

Enn er ruglað í besta Weimar stíl

Blaðamaður Morgunblaðsins, Kolbrún Bergþórsdóttir, skrifar í pistli sínum í Morgunblaðinu í dag að það sé óábyrgt að Sjálfstæðisflokkurinn taki ekki þátt í verknaði Samfylkingarinnar sem gengur út á að þvinga lýðveldið Ísland inn í hið komandi stórríki Evrópusambandsins, sama hvað það kostar Ísland. Hún segir þetta því Sjálfstæðisflokkurinn hafi á sínum tíma gengist fyrir því að Ísland gékk í Atlantshafsbandalagið NATO. Þetta bandalag er samvinna þjóða um varnarmál og varnir gegn hættum sem yfirleitt eru framleiddar í suðupottum andlýðræðislegra ríkja og ríkjasambanda

Þessa skoðun blaðamannsins ættu menn kannski að skoða í ljósi málshöfðunar viðskiptavinar á hendur skóla einum í Bandaríkjunum. Þar höfðar fyrrum nemandi mál á hendur skólans vegna þess að hann fékk ekki atvinnu með því að veifa prófskírteini frá skólanum framan í atvinnumarkað Bandaríkjanna. Ég hef alltaf sagt að menntun sé alls ekki ávísun á góða vinnu. Menntun er einungis aðgöngumiði að sumum inngöngudyrum vinnumarkaðarins. Að fá góða atvinnu krefst meira en prófskírteinis

Þegar blaðamenn eru farnir að líkja þátttöku í NATO við inngöngu í Evrópusambandið, þá er ekki von á góðu fyrir ennþá fleiri skóla en þennan eina þarna í Bandaríkjunum sem nú verst ásökunum frá atvinnulausum nemanda. Ásökunum um að hafa límt falska vörulýsingu utaná vörur skólans

Blaðamaðurinn veit að það hafa verið gengnar 1000 kröfugöngur fyrir úrsögn Íslands úr NATO. Þær eru gengnar vegna þess að menn vita vel að það er hægt að segja sig úr NATO. Enginn NATO dómstóll er til og engin NATO stjórnaskrá er í smíðum neinsstaðar. Engin NATO mynt ræður efnahag NATO landanna. Engin eru völd NATO yfir neinu á Íslandi. Heldur ekki auðlindum þess. NATO er samvinna. Samvinna krefst ekki dómstóla því vandamál samvinnu eru leyst í gegnum samvinnu og ekki fyrir dómstólum. Þau eru ekki leyst í EF-dómstólnum sem hefur lokaorðið yfir lagasetningu allra leppríkja í ESB. Evrópusambandið ræður nefnilega yfir Evrópusambandinu, svo einfalt er það

Það er þessvegna mjög óábyrgt að halda öðru fram. Það er í allra hæsta máta óábyrgt að ljúga Ísland inni í hið nýja sambandsríki Evrópu, United States of Europe. Við þurftum ekki að ganga í Bandaríkin til að vinna saman með NATO. Alls ekki. Engum datt það í hug og allra síst Sjálfstæðisflokknum, því þá værum við einfaldlega ekki með í neinu NATO í dag  

Ef ábyrgir blaðamenn gæta ekki að sér í dag þá er verulegt hætta á að Weimar lýðveldi þeirra hafni á endanum inni í fjórða ríkinu. Hafni maður þar kemst maður aldrei lifandi út þaðan aftur. Fyrsta tilraun Evrópusambandsins til lýðræðis hefur mistekist gersamlega, alveg eins og Weimar lýðveldið mistókst einmitt svo ömurlega. Það þýðir ekkert að skýla sér á bak við vörumerkingu skóla eða veifa prófskírteinum. Heimska er og verður hættuleg og allar áætlanir um annað breyta þar engu um. Við vitum það núna. Það er því engin afsökun til fyrir svona afglöpum blaðamanna. Blaðamenn verða að hætta í Weimar lýðveldinu sínu. Nóg er komið og alveg sérstaklega eftir hið fræga 100% gengisfall Jóns Baldvins Hannibalssonar í Mogganum í gær. Sýnið frekar ábyrgð, það væri nefnilega gott fyrir Ísland

Kæra Kolbrún, Sjálfstæðisflokkurinn er til fyrir Ísland, ekki fyrir Brussel. Þú ert örugglega velkomin þar inn eins og allir eru sem unna sjálfstæði lands okkar. Kannski ætti ég sjálfur að ganga þar inn líka og sýna þar með Kolbrúnu gott fordæmi

Ég vona að Morgunblaðið taki því ekki illa að ég birti grein Kolbrúnar blaðamanns hérna efst í þessum pistli   

Fyrri færsla

• Viðskilafréttir: Sölunefnd Varna & Eigna Íslands opnar nýtt aðalútibú í Stjórnarráði Íslands

Viðskilafréttir: Sölunefnd Varna & Eigna Íslands opnar nýtt aðalútibú í Stjórnarráði Íslands

Sölunefnd Varna & Eigna Íslands í nýju glæsilegu aðalútibúi í Stjórnarráði Íslands

Forstjóri sölunefndarinnar er forsætisráðherra Íslands, frú Jóhanna Sigurðardóttir. Framkvæmdastjóri sölunefndarinnar er fjármálaráðherra Íslands, hinn fyrrverandi herra Steingrímur J. Sigfússon frá Þistilfirði. Í stjórn sölunefndar Varna & Eigna Íslands eru einnig fleiri menn og konur. Aðstoðarmenn eru margir

Skýr markmið hafa verið mótuð

Markmið sölunefndarinnar er að leggja niður allar varnir fyrir lýðveldið Ísland og að framselja eigur og tekjur Íslendinga til ríkja í eigu útlendinga. Söluherferð er hafin. Áætlanir miðast við að allar varnir landsins séu lagðar niður með afturvirkum hætti strax. Gert er ráð fyrir að eigur Íslands og Íslendinga, núna og í framtíðinni, séu afhentar útlendingum innan næstu fárra ára. Helst að eilífu. Söluáætlunin gerir ennfremur ráð fyrir að allt Ísland sé selt innan fárra ára. Þetta er talið auka fullveldi Íslands og allra Íslendinga og skipta sköpum fyrir skap útlendinga sem framkvæmdarstjórn nefndarinnar óttast mikið. Vonast er til að útlendingar komist í betra skap við þetta og muni gera stjórn sölunefndarinnar kleift að komast upp úr kjallaraholu Stjórnarráðsins innan skamms. Tekjurnar munu renna til kaupa á tungumálanámskeiði fyrir forstjóra sölunefndarinnar sem er mállaus

Virðingarfyllst

Vesalingaráð Íslands

í kjallaranum

Fyrri færsla

Skipafréttir: Ríkisstjórn Íslands er sokkin

Skipafréttir: Ríkisstjórn Íslands er sokkin

Ráðgjafanefndir ríkisstjórnar Íslands hafa sökkt henni í höfninni í Reykjavík. Stjórninni var sökkt af ótta við að hún hefði ekki haldið sjó ef siglt væri

Ísland hefði aldrei fundist og byggst ef þessi ríkisstjórn hefði átt að finna og nema landið. Þá lægju skipin ennþá sem undirlægjur í höfninni í Noregi og væru orðin að gjalli. Alveg eins og þessi ríkisstjórn er núna

Tvær tómar nefborholur forsætisráðherra Íslands eru nú útblásnar, tæmdar og hreinsaðar. Loftið leikur um bæði nef hennar aftur. Fyrir- og eftir kosninganefin. Nefborar forsætisráðherra hafa verið leigðir út til allra undirráðherra ESB í nefstjórn hennar

Fjármálaráðherra Íslands opnar með heilbrigðisráðherra sínum nýja göngudeild fyrir pólitískan geðklofa. Báðir hafa fengið þar varanlega hælisvist fyrir stefnu flokksins. Stofnunin er til heimilis við Almannagjá númer tveir kommar og núll

Ríkisútvarpið mun ekki útvarpa frá helför ríkisstjórnar því það framdi sjálfsmorð. Enginn myndi hvort sem er trúa að um raunveruleika væri að ræða eftir afskræmingu hans í höndum hins sjálfsmyrta ríkisútvarps

Fyrir hönd

Vesalinga Íslands

Neðanmálsmynd úr tímaritinu Fjármagnarinn sem sprakk; árgangur 2005:

Nýja hagkerfi Íslands “Þið hafið ekki séð nema helminginn ennþá”

the President of Iceland Ólafur Ragnar Grímsson at the Walbrook Club, London 3rd May 2005 

Fyrri færsla

• Hrun Hrun-Samfylkingar heldur áfram 

Hrun Hrun-Samfylkingar heldur áfram

Það er greinilegt á viðbrögðum fulltrúa Hrun-Samfylkingarinnar sem hafði yfirumsjón með hrun-Fjármálaeftirliti hrun-bankanna í hrun-Viðskiptaráðuneyti hrun-ríkisstjórnar hrun-Sjálfstæðisflokksins og hrun-Samfylkingarinnar, að henni hrun-Samfylkingunni er mjög illa við að fá ekki frið til að stunda hrunstarfsemi þessarar hrundu ríkisstjórnar í hrundansi hennar við að koma Íslandi sem verst og endanlega fyrir kattarnef

Þar sem hrun-Samfylkingin er andlýðræðislegur og þjóðhættulegur stjórnmálaflokkur sem hefur ekkert gert annað en að stunda hryðjuverkastjórnmál síðastliðin tvö ár, kemur það hrun-Samfylkingunni afar illa að einhver sé að hindra hrunstörf hennar. Að fá ekki að stunda niðurrif á íslenska þjóðfélaginu og tilvist Íslands í friði

Þetta minnir mig á að danska dagblaðið Politiken skrifaði hér eitt sinn að Winston Churchill væri hættulegur maður og stríðsmángari því hann friðþægðist ekki eins og sitjandi forsætisráðherra Bretlands gerði svo vel og vandlega í ekta Samfylkingarstíl á þeim tímum. Þrem mánuðum seinna gerðu Þjóðverjar innrás i Danmörku, drápu, rændu þar og rupluðu. Það góða sem gerðist var að dagblaðið Politiken missti 15.000 áskrifendur þegar þeir skrifuðu Samfylkingargreinina um hættulega manninn hann Churchill. Blaðið hefur aldrei beðið þessa bætur síðan, sem er rosalega ákaflega gott

Eftir að þessi hægri hönd forsætisráðherra Íslands er búinn að ráðfæra sig svona vel og vandlega við forsætisráðherra Íslands í samfleytt sólarhring um viðbrögð ríkisstjórnarinnar við grein Evu Joly, vona ég heitt og innilega að friðþægingar- og niðurrifs-flokkurinn Samfylkingin (og Co) muni aldrei bíða þessara aumingja-skrifa fulltrúa þeirra bætur. Það væri mikil blessun fyrir Ísland

Fyrir Ísland eru þessir tímar að mörgu leyti álíka válegir og þeir voru þegar danska Politiken dagblaðið skrifaði sig inn í söguna sem ævarandi aumingjar, gungur og vesalingar, en samt þó á annan og að sumu leyti ennþá verri hátt. En þegar Winston Churchill kom í heimsókn til Danmerkur eftir að hafa bjargað landinu frá útrýmingu, þá tóku hinsvegar 300.000 Danir fagnandi á móti honum í eigin persónu. Aldrei hefur neinum manni verið fagnað eins ákaft hér í Danmörku. Stuttu seinna var Winston Churchill boðið að koma til Stokkhólms í Svíþjóð til að taka við bókmenntaverðlaunum Nóbels. Hann fór ekki til Svíþjóðar

En á Íslandi er engu að fagna núna því þar ráða aumingjar nefnilega yfir sjálfu landinu okkar öllu

Ég er Evu Joly ákaflega þakklátur fyrir að vaka yfir Íslandi á meðan ríkisstjórn Íslands skemmtir sér áfram við niðurrifin undir forystu Samfylkingarinnar. Auðvitað sá Eva Joly að það sitja vesalingar og aumingjar við völdin á Íslandi. Það sjá allir sem eru ekki lamaðir af hræðslu og sem vilja ekki renna saman við hið komandi stórríki skítaelítunnar í Evrópusambandinu 

Fyrri færsla

Frakkland færir fram ósk um stofnun Bandaríkja Evrópu  

Hrannar sendir Joly tóninn

Frakkland færir fram ósk um stofnun Bandaríkja Evrópu

Wall Street Journal - vikan 14. til 19. júlí 1930  

Frakkland færir fram ósk um stofnun Sambandsríkis Evrópu, þ.e. Bandaríkja Evrópu

Stóra Bretland tekur kuldalega í þessa tillögu Frakka en hugmyndin er þó sögð framkvæmanleg án þáttöku Breta. Hinsvegar er það grundvallarforsenda að Þýskaland taki þátt í stofnun Bandaríkja Evrópu. Viðbrögð Þjóðverja voru skilningsrík og jákvæð en beina um leið athygli manna að vissum hindrunum og þá aðallega þörfinni á að endurskoða til dæmis friðarsamninginn frá 1919, sem tekur til nýrra landamæra Þýskalands og hernaðaruppbygginu þess

Dow vísitalan er 240.31 +2.83 (1.2%). Þýskaland fer í kreppu

Þann 28. júlí kemur svo í ljós að Þýskaland er í stjórnarkreppu og von Hindenburg hefur leyst upp þingið, Reichstag. Þetta er hápunktur í langri fjármálakreppu Þýskalands. Eftir stórmerkilegan efnahagsbata undanfarinna fimm ára hefur verið klippt á fjármagn erlendis frá sökum fjármálakreppunnar um allan heim. Þýskaland stendur nú andspænis miklu atvinnuleysi og stórkostlegum halla á fjárlögum þýska ríkisins. Tímabundin einræðisherravöld í Þýskalandi gætu skapað góð tækifæri til að leysa kreppuna með festu og ákveðni. En þessi aðgerð hefur þó vakið upp áhyggjur um að sósíalistar og þjóðarsósíalistar muni vinna á í næstu kosningum.

Gætt hefur jákvæðrar þróunar í vexti þýsks útflutnings og staða seðlabanka Þýskalands er góð

Ný gjaldskrá fyrir nætursendingar með Western Union Cable tekur gildi

Western Union night cable rate New York-Switzerland is $1.90 for 20 words; total Western Union US-Switzerland cable traffic more than 10,000 per month:

FULLT STOPP: News from 1930

Fyrri færsla 

Iceland's krona: By then the delayed cluster bomb of Europe's unemployment will have detonated

Iceland's krona: By then the delayed cluster bomb of Europe's unemployment will have detonated

The Telegraph 26. júlí 2009

Lesið alla greinina sem Samfylkingin og Vinstri grænir vilja saga undan Íslandi. Slóðina á greinina er m.a. hægt að finna hér á tilveraniesb.net => Iceland's krona: By then the delayed cluster bomb of Europe's unemployment will have detonated

Nakinn er keisari Kína í allsberjamóa

Ég leyfi mér einnig að benda á myndband Hugh Hendry sem er stjórnandi The Eclectica Fund sem fjárfestir mikið í landbúnaði. Nánar hér um Hugh Hendry á bloggsíðu Edward Harrison  www.creditwritedowns.com. Þessi síða er m.a. þekkt fyrir tímalínu fjármálakreppunnar: Credit Crisis Timeline. Þetta myndband minnir eiginlega átakanlega mikið á hönnun myntbandalags Evrópusambandsins, EMU; einskonar tímasprengja evrópskra embættismanna sem íslenska krónan mun að sjálfsögðu lifa margfalt af 

 

Slóð á færsluna: Hugh Hendry: China – The Emperor has no clothes 

Fyrri færsla

Mér líst afar illa á þessar væntingar háskólamannsins. Er sannfærður um að þær samrýmast ekki raunverulegri skoðun Seðlabanka Íslands 

Mér líst afar illa á þessar væntingar háskólamannsins. Er sannfærður um að þær samrýmast ekki raunverulegri skoðun Seðlabanka Íslands

Takmarkalaus bjartsýni sem byggist á trú - eða óskhyggju?

"Ég held að þessar tölur séu eðlilegar,“ segir hann. Reynsla landa sem hafi lent í djúpri kreppu sé sú að undantekningarlítið taki við hraður hagvöxtur" - segir Friðrik Már Baldursson, prófessor í hagfræði við HR og fulltrúi í bankaráði Seðlabankans

 

Sjá tengingu við frétt Morgunblaðsins hér að neðst í færslunni 

Já mikið rétt prófessor Friðrik Már. En þessi kreppa er engin venjuleg kreppa. Við erum því miður stödd í miðri undanteknigunni sem þú nefnir. Þessi kreppa er í raun algerlega einstök því aldrei áður hefur heimurinn allur fallið eins hratt ofaní hyldjúpan öldudal og núna. Aldrei áður hefur fallið verið eins samhæft og aldrei eins hnattvætt. Áður fyrr voru kreppur staðbundnar, að minnsta kosti staðbundnar við einstök lönd, myntsvæði þeirra eða jafnvel við heilar heimsálfur eða hluta heimsálfa. En núna er efnahagur heimsins miklu meira samtvinnaður og samofinn en nokkurntíma áður og myntsvæðin miklu stærri og illverjanlegri en nokkurntíma áður. Þetta er mikið af hinu verra því engin eru til verkfærin til að glíma við svona kreppur. Þær vinna því verk sitt hraðar og áhrifaríkara en nokkurntíma áður. Því mun batinn upplifast sem áframhaldandi kreppa og verða átakanlega hægur, ef nokkur. Aðalviðskiptalönd Íslands, sem eru ESB lönd, munu ekki komast út úr kreppunni yfir höfuð. Þetta er ekki bara mitt álit heldur einnig margra annarra. Þetta er hátími hinna brostnu vona í Evrópusambandinu. Mestu og áköfustu aðdáendur myntbandalagsins eru nú gráti nær hér í ESB því þeir gera sér þetta ljóst. 

 

Svo kæri bjartsýnismaður

Kreppan mun halda áfram í þeim skilningi að hinir svokölluðu "góðu tímar" fyrir Evrópusambandið og fylgihnetti þess eru búnir og munu aldrei koma aftur. Nema fyrir þau lönd sem frjálst geta valið um viðskiptasvæði, um efnahagsleg samvinnulönd og ráðið efnahags- og peningastefnu sinni sjálf. Það geta næstum engin af löndum Evrópusambandsins og alveg sérstaklega ekki litlu aðildarlöndin. Þau eru nefnilega læst inni í handjárnum Evrópusambandsins og leiksoppur hinna stóru. Góðu tímar Evrópusambandsins voru þó ekki betri en það að evrusvæðið sem heild á heimsmet í lélegum hagvexti hin síðustu 15 ár samanlagt. Evrusvæðið mun einnig fara lang langsamlega verst út úr kreppunni. En þetta mun verða ennþá verra um alla framtíð því þessa þróun mun hröð aldurshnignun þegna Evrópusambandsins á komandi áratugum innsigla - ásamt hinum læstu handjárnum sambandsins á höndum og herðum aðildarlandanna. ESB er búið að vera sem efnahagssvæði. History. Það átti því miður aldrei sína góðu tíma, því þeir tímar voru fyrirbæri sem tilkoma ESB eyðilagði fyrir þjóðum ESB - og sem allir lágu í tímarúminu fyrir fæðingu The European Union og EMU. Meistaraverki embættismannana. Þetta er ofureðlileg þróun, því við höfum jú áður séð hvað gerist þegar embættismenn og áætlunargerðarmenn ofmetnast - sumir hafa þó bara ekkert lært af reynslunni 

Fyrri færsla

Það þurfti þá ekkert ESB eftir allt saman. Engin ástæða til að leggja niður TAX FREE

Hraður vöxtur eftir kreppu

Það þurfti þá ekkert ESB eftir allt saman. Engin ástæða til að leggja niður TAX FREE

Það þurfti þá ekkert ESB 

1. Það þurfti ekkert ESB til þess að opna nýja flugrútu til Ljótabæjar (Brussel). Og þessvegna þarf heldur ekkert að leggja niður fríhöfnina og tax free duty store, sem annars hefði þurft ef Ísland væri í ESB 

2. Það þurfti ekkert ESB til að fá erlenda bankapeninga inn í meira að segja ónýta banka á Íslandi. Við skulum heldur ekki tala um þá 100 zilljón erlendu kröfuhafa sem lánuðu peninga til fyrirrennara þrotabús þeirra íslensku banka sem fóru á hausinn inni í miðju ESB

3. En það þurfti hinsvegar heilt ESB til að koma bönkunum á hausinn og til að hræða líftóruna úr sumum þeim sem nú búa á þeim stökkpalli sem forfeðrur okkar byggðu upp fyrir þá. Mest með svita og svo oft með söltum tárum. Byggðu upp það sjálfstæða og fullvalda Ísland sem þú stendur á núna

4. Það þarf líka heilt volað, falskt og væmið ESB til að hneppa alla Íslendinga um ókomnar kynslóðir í járnin aftur. Það er einfaldelga gert með svikum við landið, við þjóðina og með launráðum í íslenksri aumingjapólitík, sem er skrásett vörumerki Samfylkingarinnar og forvera hennar. Eina sem til þarf er eitt stykki ESB - og Samfylkinguna, sem 71% Íslendinga kusu ekki í síðustu Alþingiskosningum (jú, plús það lausa drasl sem skyndilega og óskiljanlega datt undan sterkri stálgrind VG). Já í sjálfum Alþingiskosningunum, þar sem þingmenn eiga að sækja umboð sitt til kjósenda. Þetta skrásetta vörumerki aumingjastjórnmála Íslands keyrir nú póflaust og umboðslaust um landið okkar með hörmulegum afleiðinugm. Falschfahrer þeir eru - með gísla í bifreiðinni - og án umboðs í stærsta máli lýðveldisins  

En það er svona, eins og hér fer á eftir, sem erlendir bankapeningar virka, þ.e.a.s þegar það ríkir meðvindur hjá þeim. En núna er kominn mótvindur, mikill mótvindur

Athugið: Lettland er nú undir stjórn Brussel 

Nýja Argentína er í ESB og heitir að minnsta kosti Lettland 

(birtist 21. janúar 2009 klukkan 10:00 á AMX)  Pistill eftir Gunnar Rögnvaldsson

Tveir erlendir bankar eru orðnir svo allsráðandi í Eystrasaltslöndunum - sem öll eru í Evrópusambandinu - að þeir eru farnir að virka sem ríkjandi seðlabankar fyrir löndin. Þeir eru orðnir svo allsráðandi að þeir standa með þau stærstu verkfæri sem hægt er að nota sem áhrifa- og aðgerðavald fyrir peningamálastefnuna í þessum þrem hagkerfum. Þetta eru sænsku bankarnir SEB og Swedbank. Þetta skrifaði matsfyrirtækið Standard & Poor’s síðasta sumar.

Sænska blaðið Dagens Industri (DI) veltir nú því fyrir sér hvernig þetta „de facto“ seðlabankahlutverk SEB og Swedbank sé að virka fyrir þá þegna sem búa í Eystrasaltslöndunum. Einkunnin sem Dagens Industri gefur þessum tveim bönkum er því miður falleinkunn.

Það sem SEB og Swedbank eru að sýsla með í þessum þrem hagkerfum núna er beinlínis vanvit segir DI. Þeir hafa valdið stórkostlegum efnahagslegum óstöðugleika og eru jafnvel að grafa undan stjórnmálalegum og öryggislegum stöðugleika alls svæðisins.

Hin stóraukna útlánastarfssemi bankanna hefur ekki farið í að byggja upp samkeppnishæft atvinnulíf og berandi innviði. Stærsti hluti útlána þessara banka hefur farið til einkaneyslu. Með gagnslausri útlánastarfsemi hafa þessir sænsku bankar stuðlað að því að fermetraverð íbúðarhúsnæðis í Riga, höfuðborg Lettlands, er orðið hærra en í Stokkhólmi. En nú á sér stað alger viðsnúningur því hin peningapólitíska örvun hefur snúist upp í andstæðu sína einmitt þegar þörfin á annarri stefnu er mjög brýn.

Lettland verður næsta Argentína

Eins og í mörgum öðrum löndum hafa „sænsku seðlabankarnir“ í Lettlandi neyðst til að ganga betligang til Alþjóðagjaldeyrissjóðsins (AGS) til þess að reyna að bjarga sér út úr bráðnauðsynlegri gengisfellingu með 10 miljarða dollara neyðaraðstoð. Bankarnir eru mjög á móti því að gengi lats verði fellt því gengisfelling mun rýra eignir þeirra sjálfra á meðan hún myndi þjóna atvinnulífi Lettlands vel. Flestir sem fylgjast grannt með þeirri efnahagskreppu sem er nú í uppsiglingu eftir að kreppa á fjármálamörkuðum er búin að koma atvinnulífi margra landa á kné, vita að eina leiðin til þess að vinna sig út úr vanda komandi ára mun verða sú að leggja þarf megin áherslu á að útflutningsgreinarar geti búið við samkeppnishæfni. Það er einungis hægt ef mynt landanna hefur samkeppnishæft gengi.

En það er alls ekki víst að samlíkingin við Argentínu sé algerlega réttlát því óvíst er hvort þessi neyðarlán séu næg lækning. Til þess að fá peningana frá AGS og einnig frá nágrannalöndunum, þarf Lettland að þvinga í gegn mikinn niðurskurð á opinberum útgjöldum. Nú þegar er samið um launalækkanir til opinberra starfsmanna um 25% og svo þarf einkageirinn að fylgja eftir með eigin launalækkun. Laun í Lettlandi hafa hækkað miklu meira en framleiðni hefur gert og því eytt samkeppnishæfni landsins og þar með gert mynt Lettlands (lat) alltof dýra og ósamkeppnishæfa. En gengi lats er bundið fast við gengi evru. Það er hérna sem Argentína kemur inn í myndina því þar var ástandið svipað er mynt Argentínu hrundi árið 2002. Lettland þarf því að velja á milli verðhjöðnunar og gengisfellingar.

Verði gengið fellt þá munu langtíma fjárskuldbindingar almennings svo sem húsnæðislán hækka verulega því þau lán eru í evrum. Ríkisstjórn Lettlands hefur valið erfiðu leiðina, þ.e. að halda genginu föstu og þarf því núna að þvinga í gegn verðhjöðnun í öllu landinu. Sænsku bankarnir hafa farið þannig að undanfarin ár að 90% af útlánum þeirra hafa veið veitt í erlendri mynt, aðallega í evrum. Ef ríkisstjórnin myndi fella gengið þá myndu skuldir heimilanna aukast nema á þeim lánum sem veitt voru í mynt landsins. En það sama gerist einnig þegar laun Letta eru lækkuð því þá mun verða erfiðara fyrir heimilin að vinna fyrir afborgununum á þessum lægri launum. Í raun er því enginn munur á verðhjöðnun og gengisfellingu hvað varðar húsnæðislán Letta. Þar er valið því einungis á milli pestar eða kóleru. En gengisfelling hefði þó þau jákvæðu áhrif að hún myndi ekki hafa áhrif á skuldir í innlendri mynt og myndi samstundis auka samkeppnishæfi útflutnings. Að lækka laun með handafli mun reynast ríkisstjórn Lettlands mun erfiðara en menn halda, svo gera má ráð fyrir að svoleiðis verðhjöðnunaraðgerðir taki langan tíma og virki seint. Það er einnig alls óvíst að þvinguð verðhjöðnun muni skila sér á rétta staði í samfélaginu og því er hætta á að útflutningur og ferðamannaiðnaður muni ekki getað keppt á aukinni samkeppnishæfni fyrr en það er orðið um seinan.

Það er þó einn stór munur á milli Lettlands og Argentínu, en það er sjálf stærðin. Ástandið í Eystrasaltslöndunum mun að líkum versna stórlega á komandi misserum. Það mun verða svo slæmt að margir munu segja það sama og sumir eru að segja á Írlandi núna, þ.e. að Evrópusambandið eigi að koma og hjálpa löndunum út úr erfiðleikunum. Þau séu ekki það stór að það ætti að vera svo erfitt. En það er ólíklegt að þetta verði raunin því svona hjálp er bönnuð samkvæmt reglum myntbandalags Evrópusambandsins. Það var nefnilega einmitt þetta sem Þýskaland óttaðist svo mikið þegar það loks lét undan kröfum Bandamanna, með tilstuðlan Frakka, um að sameining Þýskalands gæti einungis farið fram ef Þýskaland léti undan síendurteknum kröfum Frakklands um myntbandalag. Þjóðverjar hafa nefnilega alltaf óttast að auðæfi þeirra muni - á einn eða annan hátt - enda á kistubotni illa rekinna ríkiskassa annarra og verr settra ríkja í myntbandalaginu með því að verða þvingaðir út í að gangsetja seðlaprentvélarnar illa stöddum löndum til björgunar. Ef farið yrði út í að bjarga Eystrasaltslöndunum þá munu PIGS löndin, Portúgal, Ítalía, Grikkland, Spánn - og nú einnig Írland - stilla sér upp í betliröðina fyrir aftan Lettland, Litháen og Eistland. Þetta yrðu því 8 af 27 löndum Evrópusambandsins sem þýskir skattgreiðendur þyrftu að „bjarga“. Svo er einnig Ungverjaland og þá erum komin í 9 af 27 ríkjum til að byrja með.

Undanfarna daga hafa verið mikil mótmæli á götum í Lettlandi. Þetta vekur því miður upp gamlar minningar hjá þeim aðilum sem hafa reynslu af öryggismálum í þessum heimshluta. Það er nefnilega svo að í ógáti gætu „sænsku seðlabankarnir“ í Eystrasaltslöndum verið að vekja upp gamlar vofur. Í versta falli getur þetta versnandi efnahagsástand leitt til svipaðs ástands og við sáum í Georgíu á síðasta ári, því fræin hans Stalíns eru ennþá gróðursett þarna í Eystrasaltsöndunum og þurfa aðeins réttu samfélagslegu aðstæðurnar til þess að fara að spíra aftur. En hér á ég við kjörnar aðstæður fyrir hvata menn í Kreml til að píska upp stemningu sem gæti virkjað öfl hins stóra rússneska minnihluta í þessum löndum. Þá væri með sanni hægt að segja að Svíar hafi skotið sig alvarlega í báða fætur. En sama hvernig allt fer þá mun ástandið í baltísku löndunum hafa áhrif innanlands í Svíþjóð. Það er einfaldlega ekki hægt að komast hjá því. Fyrstir í þeirri röð atburða verða væntanlega hluthafarnir í „sænsku seðlabönkunum“ í Eystrasaltslöndunum. Lokaspurningin gæti því orðið þessi: munu sænskir bankar þurfa að byggja vélbyssuhreiður fyrir utan banka sína í Lettlandi, Eistlandi og Litháen eins og erlendir bankar þurftu að gera í Argentínu? Einnig verður fróðlegt að vita hvort AGS verði gagnrýndur eins hart fyrir að styðja fastgengisstefnu Lettlands eins og hann var gagnrýndur fyrir að hafa stutt fastgengisstefnu Argentínu á sínum tíma.

Það er ekki einungis nóbelsverðlaunahagfræðingurinn Paul Krugman sem gagnrýnir ákvörðun AGS um að veita Lettlandi neyðarlán án þess að gengi lats hafi verið fellt. Hagfræðingurinn Edward Hugh í Bacelona á Spáni gagnrýnir einnig AGS harðlega og spyr hvaðan nauðsynleg örvun hagkerfisins eigi að koma. AGS er banki og það þarf að greiða lánin til baka með vöxtum. Það sé veruleg hætta á að hagkerfi Lettlands fari í frjálst verðhjöðnunarfall og að það verði mun erfiðara að stöðva það heldur en að stöðva væga veðbólgu sem myndi koma ef gengið yðri fellt. Það er mikill halli á mannfjöldajöfnuði í þessum löndum því svo fá börn fæðast þar. Ungt fólk er af mjög skornum skammti og hætta er á að það flýi lönd sín ef aðstæður verða nógu slæmar. Það mun leiða til þess að löndin endi í sömu sporum og El Salvador þar sem stór hluti þjóðarinnar lifir á peningasendingum frá ættingjum og vinum sem hafa flúið til útlanda. En El Salvador tók upp dollar sem sína eigin mynt árið 2001 og er nú stærsti hlutinn af bankakerfi þeirra einnig komið í eigu útlendinga. Í El Salavor er nú rætt um að taka upp gömlu mynt landsins aftur, en það mun því miður reynast þeim mjög erfitt og jafnvel ógerningur.

Umræðan á Íslandi

Mikið er rætt um gjaldmiðlamál á Íslandi þessa dagana. Nánast hefur verði gerð herför að Seðlabanka íslenska lýðveldisins og hafa sumir gengið svo langt að ryðjast inn í bankann og henda matvælum í hann. En menn eru að henda góðum hlutum á ranga staði því Seðlabanki Íslands varaði einmitt þjóðina við því sem gæti komið og sem svo kom. Menn hefðu frekar átt að henda matvælum sínum eftir þeim bönkum sem bjuggu til þau vandamál sem verið er að kljást við núna. Einnig ættu þeir í nafni þjóðar og lands að taka upp gjaldmiðilinn sinn og kyssa hann á kinnina því það er hann sem mun sjá til þess að hægt verður að vinna sig út úr erfiðleikunum og er einnig sterkasta vopnið í þeirri baráttu. Menn ættu því að minnsat orða Hermanns Oskarssonar, hagstofustjóra Færeyja, þegar hann benti Íslendingum á að krónan væri þeirra sterkasta vopn. Að henda eggjum og ryðjast inn í Seðlabankann er því að snúa réttunni inn og röngunni út. Einnig ættu Íslendingar að hætta að leggja eyrun of þétt að ráðgjöf erlendra sem innlendra hagfræðinga og treysta dálítið meira á eigin brjóstvit eins og er. Hagfræðin en nefnilega stödd í ókönnuðu landslagi núna. Það kom einn svona erlendur álitsgjafi í heimsókn til Íslands á liðnum dögum. Hann heitir Willem H. Buiter og er prófessor í stjórnmálahagspeki. Samkæmt orðum Morgunblaðsins þá á hann að hafa sagt að Ísland geti vel haldið krónunni en verði þá að sætta sig við gjaldeyrishöft og að þurfa að stunda landbúnað og fiskveiðar nánast að eilífu. Þetta eru þær atvinnugreinar sem hafa gert ísland að því sem það er orðið í dag, eitt ríkasta samfélag í heiminum. En ef raforkusala, álvinnsla, álútflutningur, mannvirkja- og byggingagerð eru einnig landbúnaður og fiskveiðar, þá leyfi ég mér að segja að herra Willem H. Buiter sé smjörfjall og sé einmitt að bráðna núna. En kanski eru þetta einungis leifarnar af gamla smjörfjalli Evrópusambandsins sem þarna tala.

Íslenska krónan, mynt Íslands, gæti hinsvegar reynst besta vörn landsins gegn því að herferðir mikilmennskubrjálæðis til útlanda hefjist á ný þegar veðrið gengur niður aftur. Núna vita menn nefnilega að myntin og þjóðfélagið okkar þolir ekki svona meðferð. Reyndar þolir engin mynt svona meðferð. Það verður þó og því miður að segjast eins og er að hefðu Mikki Mús og Andrés Önd stýrt bönkunum undanfarin ár þá hefði árangurinn varla getað orðið verri en hann er í dag. En þetta á ekki einungis við um Ísland heldur einnig um mörg önnur lönd. 

Fyrri færsla

Þýskaland íhugar að þjóðnýta hluta bankakerfis landsins, þrátt fyrir evruaðild