Þýskaland íhugar að þjóðnýta hluta bankakerfis landsins, þrátt fyrir evruaðild

Samkvæmt dagblaðinu Sueedeutsche Zeitung gerir þýska ríkisstjórnin sér nú grein fyrir að núverandi björgunarpakkar til handa þýskum bönkum munu ekki bjarga þýska bankakerfinu. Nánar um þetta á tilveraniesb.net => Þýskaland íhugar að þjóðnýta hluta bankakerfis Þýskalands, þrátt fyrir evruaðild

Fyrri færsla

• Ísland særir sig svöðusári á viðkvæmum markaði fyrir traust og siðmennt í heiminum

Ísland særir sig svöðusári á viðkvæmum markaði fyrir traust og siðmennt í heiminum

Það má vel færa rök fyrir því að atburðir undanfarinna mánaða og vikna sem náðu hámarki í gær með þeim andlýðræðislega stjórnmálalega afleiðugjörningi innherjaviðskipta sem Alþingi Íslands samþykkti í trássi við kjósendur landsins, muni grafa enn frekar undan trausti umheimsins á laga- og viðskiptalegu umhverfi á Íslandi

Þessi atburður mun einnig veikja samstarfsvilja Evrópuþjóða sem annarra í garð Íslands og Íslendinga. Þessi vilji mun nú breytast í kúgun. Þetta er álitshnekkur og undirlægja sem getur haft afdrifaríkar afleiðingar fyrir landið okkar. Nú verður enn einn fyrirvarinn i viðbót settur á svo margt í samskiptum umheimsins við Ísland. Nú hefst einnig einangrunar og einstefnuaksturinn inn í hið efnahagslega og lýðræðislega öryrkjabandlag Evrópu, Evrópusambandið

Þessu spellvirki þurfti Ísland ekki á að halda. Þessi ógagnsæu krosseignatengdu afleiðuviðskipti með lýðræði á Íslandi er smánarlegur blettur á landi okkar. Nú verður hlegið ennþá hærra hér erlendis að okkur fáráðlingunum frá Íslandi. Og trúið mér, mikið hefur verið hlegið hér að vindbelgjum og aulabárðum Íslands. Beljur Íslands á alþjóðasvellinu bættu í gær gráu ofaná svartan mykjuhaug sinn. Að vera Íslendingur á erlendri grundu hefur aldrei verið eins smánarlegt og nú. Það var ekki nóg með að allt viðskipta- og fjármálaeftirlit á Íslandi brást landi okkar gersamlega í höndum Samfylkingarinnar. Nei, sjálf eftirlits- og framkvæmdastofnum lýðræðis á Íslandi brást einnig í höndum Samfylkingarinnar & Co í gær og sem nú hefur jafnað flest við jörðu á Íslandi. Jafnt skal það verða væni minn. Veghefillinn Samfylkingin & tossa græningjar lýðræðis halda ferðinni áfram um landið okkar

Í staðinn fyrir hvítan hest forfeðra okkar fáum við veghefil jafnaðarmanna og græningja tossa. Lítið er stolt mannanna í vegheflinum og mikil er gleðin hjá elítuinni í ESB, því nú er Ísland loksins stigið ofan af hvíta hest forfeðra okkar. Hestinum sem svo margir hér í Evrópu og víðar öfunduðu okkur af. Nú er allt jafnað kolsvart og fótum troðið. Aulabárðar og dekurdýr

Fyrri færsla 

• Stjórnarskrárdómstóll Þýskalands segir að Evrópuþingið sé andlýðræðisleg samkunda

Stjórnarskrárdómstóll Þýskalands segir að Evrópuþingið sé andlýðræðisleg samkunda

Stjórnarskrárdómstóll Þýskalands:

Þingmenn lýðræðisríkja sækja umboð sitt til kjósenda. Það gerðu Vinstri grænir ekki. Samkæmt stjórnarskrárdómstóli Þýskalands er þing þess Evrópusambands sem aðalritarar Vinstri Grænna og Samfylkingin í Kreml 101 eru að sækja um aðild að:

- ólöglegt

- andlýðræðislegt

- einsflokks stjórnarfar

Konan mín kom aftur heim á litlu skrifstofuna okkar og spurði mig frétta. Ég sagð henni sem var. "Hvernig gat þetta gerst" spurði hún. Ég svaraði: "með aðstoð Vinstri grænna". Í dag er nefnilega fimmtudagurinn 16. júlí árið 2009. Dagurinn sem ég hélt ekki að myndi ekki enda í fullkomnum aumingjaskap   

Lengi hef ég vitað að Evrópusambandið væri einsflokkakerfi sem engin þjóð getur komist lifandi út úr aftur. Það merkilega er þó að stjórnarskrárdómstóll Þýskalands hefur nú fellt þennan sama dóm. En ekki nóg með það, nú segir þessi dómstóll að þing Evrópusambandsins sé "andlýðræðisleg samkunda". Og heldur ekki nóg með það. Þessi þýski dómstóll segir einnig að Evrópusambandið og þing þess sé í raun einsflokka kerfi því það sé engin stjórnarandstaða þar þegar um meðferð málefna þessarar samkundu ræðir

Þetta passar ákaflega vel við það sem Wall Street Journal skrifaði þann 26. júní núna um daginn

Í sumum löndum falsar maður úrslit kosninga. Í Evrópusambandinu er hinsvegar bara kosið aftur þar til rétt niðurstaða fæst. Enska: In some countries they rig votes, in the European Union they repeat votes to get the desired result.

 

 

 

<><><><><><> SÍMKEYTI <><><><><><>

 

German Court decision on Lisbon Treaty rejects EP as a democratic body

The Sun reports that German Constitutional Court judges called the Lisbon Treaty an "illegal power grab", in their judgement last week, as the Treaty takes away sovereignty from nation states in a number of areas, such as the right to set laws on defence, taxes, the police and education. The Treaty cannot be ratified in Germany until a new law guaranteeing the rights of the German parliament in the EU-decision making process has been approved by the parliament. Open Europe is quoted as saying: "British MPs need to wake up -- and demand the same powers."

 

A leader in the Sun writes that the German court decision "even rejects the EU Parliament as a democratic body - pointing out that it does not even have a proper Opposition.  This must surely put paid forever to the grandiose dream of a European superstate?"

 

Meanwhile Czech daily, the Prague Monitor reports that some Czech Senators have indicated that they might lodge a complaint over the Treaty with the Czech Constitutional Court in the first half of August. Sun EUobserver Sun: Leader Prague Monitor

<><><><><><> FULLT STOPP <><><><><><>

 

Dýrmæt 25 ára reynsla  

Þetta passar vel við reynslu okkar sem íbúar hér í Evrópusambandinu hin síðustu 25 ár. Reynsla sem nú tekur enda seint á þessu ári því þá munum við flytja aftur til Íslands með fyrirtæki okkar. Á meðan við höfum horft uppá gamla landið okkar Ísland (og marga þegna þess sem við höfum þjónustað árum saman) verða ríkara og ríkara land og fagna æ meiri velgengni, atvinnu og framgangi á flestum sviðum á þessum 25 árum, þá höfum við, meira eða minna, staðið í stað og jafnvel hörfað á þessu sama tímabili. Við höfum ekki orðið vitni að svona framgangi hér í þessu verðandi nýja efnahagslega öryrkjabandalagi Evrópu. Enda mjög eðlilegt því það er jú frelsið sem skapar velmegun, knýr hagvöxt og framgang í efnahagsmálum. Ástand efnahagsmála er einnig stór forsenda lýðræðis. Bæði frelsi og lýðræði eru á undanhaldi í Evrópusambandinu. Hvað eftir annað eru kjósendur hér í þessu bandalagi sendir inn kosningabúrin aftur því ríkisstjórn Evrópusambandsins fannst nefnilega ekki koma rétt út úr kosningunum síðast. En er þá kosið um eitthvað nýtt í hvert skipti? Nei, venjulega er bara kosið um það nákvæmlega sama eða svipað aftur og aftur eða svo lengi sem það kemur "rangt" úr úr kosningunum 

Þetta batnar bara lesendur góðir, því næstir í röðinni inn í kosningabúrin aftur - og nú mun hræddari en síðast - eru þegnarnir í hinu írska héraði Evrópusambandsins. Eins og er nefnist þetta hérað ennþá Írland. Forseti yfirríkisstjórnar Evrópusambandsins, Manuel Barroso, sagði nefnilega í gær að ef Írar kjósi ekki "rétt" í þetta skiptið (það var kosið um það nákvæmlega sama á Írlandi síðasta sumar en þá kom óvart vitlaust út úr kosningunum) þá mun héraðið missa það sem hér er kallað að vera "commissar". Já, sem sagt, hann segir að Írland missi allan rétt á því að hafa leyfi til að útnefna nokkra lifandi eða dauða persónu á Írlandi sem "commissar" í Evrópusambandinu.

Já félagi minn Barasósó, þetta er alveg í hinum rétta anda hjá þér. Nýja ríkisstjórn Íslands mun væntanlega gleðjast með þér yfir þessum stórkostlegu lýðræðislegu framförum. Þetta er nú eitthvað annað og betra en gamla draslið sem var þarna áður fyrr. Þetta eru ákveðnir menn sem kunna að koma málunum í "farveg og skjól" fyrir lýðræðinu hérna í Evrópusambandinu. Séu hinsvegar horfur á að það komi afdráttarlaust nei frá þessum svokölluðum kjósendum hér í Evrópusambandinu, þá eru þeir bara alls ekki spurðir um neitt. Ekki spurðir um til dæmis hvort þeir vilji eitt stykki nýja stjórnarskrá til að lifa og starfa undir, eða hvort þeir vilji fá nýja mynt sem steindrepur hagvöxt og velmegun þeirra og sem aldrei er hægt að skila aftur. Þannig sleppa því kjósendur við að vera þvingaðir inn í kosningabúrin til þess eins að útfylla atkvæðaseðilinn með þeim í raun eina valkosti sem þar á er forprentaður - þeim sjálfum til hægðarauka og léttis 

<<><><><><><> SÍMKEYTI <><><><><><>

 

Barroso: Irish must vote Yes to keep commissioner

European Commission President Jose Manuel Barroso has warned Ireland that they must vote Yes to the Lisbon Treaty in order to keep the right of appointing a Commissioner, the Irish Times reports. Barroso said in an interview, "With Lisbon it would be always possible to have one commissioner per member state... if you keep Nice then member states will not have the possibility to send a member to the commission all the time. So that is an important argument to vote for Lisbon I believe".

Irish Times

<><><><><><> FULLT STOPP <><><><><><>

 

Hérna kemur svo skýringin á þessu öllu. Verið alls óhrædd, það er ekkert að óttast . . . eða hvað? 

Þetta með lýðræðið er eiginlega útskýrt ákaflega vel hér í viðtali BBC við varaforseta ríkisstjórnar Evrópusambandsins (framkvæmdanefndarinnar), henni ágætu sænsku Marggott okkar Wallström. Gjörið svo vel og takk fyrir

 

 Tengt efni

• VG félagar í Norðaustur­kjördæmi vara Steingrím við
• Um lýðræði í ESB: Þátttaka í kosningum til Evrópusambandsþingsins frá 1979 

Fyrri færsla

• Hvar er grasrót og bakland Vinstrihreyfingarinnar græns framboðs núna? 

Hvar er grasrót og bakland Vinstrihreyfingarinnar græns framboðs núna?

Kennitöluflakk formensku Vinstri grænna

Er grasrót þessa flokks til í raunveruleikanum eða var hún eftir allt saman aðeins tindátar á taflborði "aðalritara flokksins" og Samfylkingarinnar? Kannski finnst ykkur þessi spurning mín óviðeigandi og ósanngjörn. En það finnst mér ekki. Ekki þegar grundvöllur þjóðríkis Íslands og þjóðarhagsmunir Íslands eru svona í húfi. Hvar eruð þið fólkið, grasrót Vinstri grænna og bakland? Er það flokkshollustan sem ræður hjá ykkur eða þjóðhollustan? Þið hljótið að hafa einhverja sannfæringu aðra en bara sitja hjá og láta jarða ykkur. Ekki láta útrýma ykkur. Það gæti orðið mikil þörf fyrir ykkur við vanragarða landsins. Ekki láta forystu ykkar setja flokk ykkar í æfilangt útgöngubann. Þögn grasrótar Vinstri grænna er að verða ærandi. Ég vona ennþá. Það gera einnig margir aðrir 

Steingrímur! Þetta gengur ekki lengur! Taktu sönsum maður! Mundu hver kaus flokk þinn

 

Fyrri færsla 

• Steingrímur J. Sigfússon formaður stjórnmálaflokks í lýðveldinu Íslandi: FYRIR og EFTIR 

Steingrímur J. Sigfússon formaður stjórnmálaflokks í lýðveldinu Íslandi: FYRIR og EFTIR

Steingrímur J. Sigfússon formaður stjórnmálaflokks í lýðveldinu Íslandi sagði -

FYRIR

17. nóvember 2005

„Varðandi samningsmarkmið og slíka hluti þá vil ég leggja áherslu á tvennt í því efni. Það fyrra er að samningssvigrúmið er svo lítið. Ég tel að það sé svolítið villandi að gera svona mikið úr því — eins og framsóknarmenn og samfylkingarmenn gera að mínu mati aðallega út úr vandræðum sínum því þeir verða eitthvað að gera mennirnir í þessu Evrópumáli. Það er bara eitthvað á sálinni — að það sé svo gríðarleg vinna að skilgreina samningsmarkmiðin af því að samningssvigrúmið er svo lítið. Þetta snýst um að ganga eða ganga ekki inn.Hið síðara er að það er mikill misskilningur að menn geti farið í aðildarviðræður og samningaviðræður við Evrópusambandið bara í einhverju gríni án þess að hugur fylgi máli. Halda menn að Evrópusambandið taki vel á móti mönnum sem koma og segja í Brussel: „Við ætlum að fá ykkur til að semja við okkur um mögulega aðild okkar. Svo ætlum við að sjá hvað það er, hvort það er nógu gott.“Nei, menn fara ekki í samningaviðræður við Evrópusambandið nema þeir ætli að ganga þar inn, að því auðvitað tilskildu að niðurstaðan verði þolanleg.“ 

• Það er bara eitthvað á sálinni — að það sé svo gríðarleg vinna að skilgreina samningsmarkmiðin af því að samningssvigrúmið er svo lítið.
• Samningssvigrúmið er svo lítið 
• Þetta snýst um að ganga eða ganga ekki inn 
• Það er mikill misskilningur að menn geti farið í aðildarviðræður og samningaviðræður við Evrópusambandið bara í einhverju gríni án þess að hugur fylgi máli
• Halda menn að Evrópusambandið taki vel á móti mönnum sem koma og segja í Brussel: „Við ætlum að fá ykkur til að semja við okkur um mögulega aðild okkar. Svo ætlum við að sjá hvað það er, hvort það er nógu gott.
• Nei, menn fara ekki í samningaviðræður við Evrópusambandið nema þeir ætli að ganga þar inn, að því auðvitað tilskildu að niðurstaðan verði þolanleg. 

Hver og hvar skyldu þolmörk þessa manns vera? Sjá alla söguna hér á AMX.IS: Steingrímur J: Ekki farið í viðræður við ESB nema menn ætli að ganga þar inn

Afsökunarbeiðni frá mér til lesenda þessa bloggs 

Þann 24 apríl 2008, daginn fyrir kosningar, skrifaði ég eftirfarandi í færslunni; Ég skora á alla sjálfstæðismenn Íslands að kjósa

Ég kaus Sjálfstæðisflokkinn 
Kjóstu því landið þitt. Þú vilt ekki að aðrir eignist landið þitt, því þá eignast þeir þig í leiðinni. Sjálfur kaus ég Sjálfstæðisflokkinn. Ég gerði það eftir að vinur minn á Íslandi hafði tekið persónulegt loforð af nýjum formanni flokksins um að flokkurinn myndi ávalt halda áfram að vaka yfir sjálfstæði og fullveldi Íslands. Sjálfstæðisflokkurinn er og verður sjálfstæðisflokkur Íslands. Skyldi þér ekki hugnast að kjósa Sjálfstæðisflokkinn þá bendi ég á Frjálslynda flokkinn og Vinstri Græna sem eru ekki landsölu flokkar. Ég hef að minnsta kosti valið að trúa því. En það er trú Íslendinga á landinu okkar sem hefur alltaf flutt fjöll þegar á þarf að halda. Núna er sá tími

 

Ég bið hér með alla lesendur mína innilega afsökunar á barnaskap mínum. Ég villti því miður um fyrir ykkur með því að benda ykkur á Vinstra grænt framboð. Mér þykir þetta afskaplega leitt og ég skammast mín

Steingrímur J. Sigfússon formaður stjórnmálaflokks í lýðveldinu Íslandi 

EFTIR   

 

Tja, hvað ætti maður svo sem að skrifa? Ég er orðlaus  

 

 

 

 

 

Meira seinna um þennan nú litla mann 

 

Fyrri færsla

• Til Alþingis Íslendinga: er Ísland lýðveldi eða einkaeign Samfylkingarinnar og ESB? 

Til Alþingis Íslendinga: er Ísland lýðveldi eða einkaeign Samfylkingarinnar og ESB?

Það á að banna þetta mál (Evrópusambandsaðildarmálið) á Alþingi þangað til að mikill (já mjög mikill og sterkur) meirihluti þjóðainnar hafi í gegnum vandaðar skoðanakannanir og á alveg ótvíræðan hátt látið uppi einlæga ósk sína í samfellt heilt kjörtímabil (4 ár) um að Ísland setji Evrópusambandið og aðild (innlimun) að því á dagskrá Alþingis

Hin einlæga ósk mikils og sterks meirihluta kjósenda verður að hafa myndast óþvingað á kjörtímabili sæmilegs jafnvægis í efnahagsmálum þjóðarinnar. Það koma margar kynslóðir á eftir okkur og þess vegna má ekki taka svona mál upp til þess eins að reyna að bæta fyrir stundartjón eins og til dæmis fall þriggja banka í verstu fjármálakreppu heimsins síðan 1929. Kreppan mun nefnilega líða hjá, að því tilskyldu að þið þingmenn og ríkisstjórn vinnið verk ykkar í þágu Íslands, eins og til er ætlast af ykkur  

Það á ekki að sólunda tíma Alþingis íslenska lýðveldisins í þvarg og einkahagsmuni eins stjórnmálaflokks sem nú hefur handtekið allt lýðræði og þingræði í landinu í sínum einkaerindum. Allt Ísland er í handjárnum Samfylkingarinnar núna og brennur! Skaðinn sem Samfylkingin er að valda Íslandi er geigvænlegur. Já geigvænlegur og gegndarlaus!

Þetta mál er svo einstakt og sérstakt að það má líkja því við að Alþingi fái umboð þjóðarinnar til að ákveða að lýðræði sé afnumið á Íslandi. Það verður nefnilega ALDREI kosið um þetta mál aftur ef það fæst einu sinni já frá kjósendum á Íslandi. Þannig er hið svokallaða lýðræði undir fána Evrópusambandsins. Þetta er styrjaldaryfirlýsing við andstæðinga Evrópusambandsaðildar. Það er ógerningur að koamst út úr ESB aftur. En það er hinsvegar hægt að losna við hvaða stjórnmálaflokk sem er úr ríkisstjórn Íslands og út af Alþingi á í mesta lagi fjórum árum. Það er réttur sem allir Íslendingar með kosningarétt hafa. En það er ekki hægt að ganga úr eða í ESB á fjögurra ára fresti. Sértu einu sinni kominn í Evrópusambandið  þá kemstu aldrei þaðan lifandi út aftur

Hvað eruð þið að hugsa, þingmenn og ríkisstjórn? Ætlið þið að brenna allt Ísland af í einskisnýtu þvargi? Farið vinsamlegast að vinna fyrir Ísland. Hættið að ganga erinda andstæðinga okkar í þeim stóru málum sem þarf að taka á. Sameinið þjóðina í sameiginlegu átaki svo hægt sé að komast út úr erfiðleikunum saman. Hættið að sundra þjóðinni og hættið að blása til borgarastyrjaldar á Íslandi. Munið að sjálfstæði Íslands er einungis 65 ára gamalt og þar, sem erlendis, var hart barist fyrir því. Við þurfum öll að búa saman og vinna saman í þessu landi 

Munið þetta Íslendingar

Núna og akkúrat núna er það sjávarútvegur Íslands sem heldur undirstöðulífinu í efnahag Íslands. Uppáhalds atvinnugreinin hans Jóns Baldvins. Þetta er atvinnugreinin sem Samfylkingin hatar og er tilbúin að fórna til þess eins að komast til Brussel. Velgengni þessarar atvinnugreinar, ásamt landbúnaði Íslendinga, er sjálfur lykillinn að því að það sé yfir höfuð hægt að leysa Icesave málið, sama hvernig það verður leyst. En nei. Sama hvað það kostar þjóðina og algerlega sama þó það verði gert á bananalýðræðislegan hátt, skal troða ESB ofaní hrædda þjóð og alveg sérstaklega á meðan þjóðin er einmitt hrædd. Því annars þýðir það ekki neitt, því þjóðin gleypir ekki ESB í venjulegu íslensku árferði. Aldrei. Allt skal fótum troðið eins og fíllin gerði svo glæsilega inni í kristalbúðinni

Sjómenn Íslands, útgerðarmenn og bændur

Það er eins gott að þið fiskið vel, sjómenn og útgerðarmenn, því nú þolir þjóð Samfylkingarinnar ekki neinn aflabrest á meðan verið er að troða ESB ofaní kokið á þjóð Samfylkingarinnar og það á meðan hún fórnar efnahag framtíðarinnar fyrir Icesave reikninginn. Spara verður einnig gjaldeyri svo það er eins gott að það heyjist vel og þið standið fast í lappirnar við búskapinn bændur. Það þarf nefnilega að semja um útrýmingu ykkar niðri í Brussel. Hraðið ykkur nú. Okkur, Samfylkingunni, vantar nefnilega peningana, núna. Vantar gjaldeyrinn! 

Tengt efni

• Þingmönnum VG er ekki skylt að samþykkja ESB-umsókn 

Fyrri færsla

• Aðvörun: Evrusvæðið missir trúverðugleika hjá fjárfestum heimsins 

Aðvörun: Evrusvæðið missir trúverðugleika hjá fjárfestum heimsins

Menn hafa miklar áhyggjur af evrusvæðinu

Fjárfestar henda frá sér eignum í evrum því þeir hafa misst trú á framtíð Evrópusambandsins og gjaldmiðli þess (FT í gær: European bank tensions threaten euro) Mynd: hlutverk seðlabanka evusvæðis; stöðugleikur á myntsvæðinu

SÍMSKEYTI - "Simon Derrick, head of currency research of the bank, as saying that the euro area has lost its safe haven status, and is increasingly seen as a high-risk region among international investors" - FULLT STOPP 

Það sem er að gerast í ESB og á evrusvæðinu núna er ekki beint glæsilegt, en þó ofureðlilegt og rökrétt. Í morgun kom aðvörun um að fjárfestar og fjármagnseigendur væru að forða sér út úr fjárfestingum í eignum og skuldabréfum á evrusvæði og einnig að forða sér út úr gjaldmiðlinum evru

ESB í hnotskurn núna 

Bankakerfin; svo að segja eignalaus; hrikalegur samdráttur í þjóðarframleiðslu; rosalega hátt atvinnuleysi og ennþá hærra atvinnuleysi yfirvofandi um mörg ókomin ár; hagvaxtarhorfur um alla framtíð gersamlega ómögulegar og vonlitlar; svakaleg öldrun þegnana byrjar að valda þjóðfélagslegum sársauka; lítið sem ekkert virkar á evrusvæðinu eða í ESB. Í mestri bráðri hættu núna, samkvæmt frétt Financial Times, eru; Þýskaland; Austurríki; Ítalía; Frakkland; Belgía; og Svíþjóð

Uppfærð spá Alþjóðagjaldeyrissjóðurinn kom í gær

Í gær kom Alþjóðagjaldeyrissjóðurinn (AGS) með endurskoðaða hagspá fyrir þetta ár og það næsta (endurskoðuð spá AGS). Það sem vakti athygli í þessari spá var ekki sú skoðun sjóðsins að Bandaríkin væru búin að ná botninum í þessari kreppu og færu nú að rétta úr kútnum eða í það minnsta að komast á veg til efnahagsbata. Það vakti heldur ekki mikla athygli að Asía væri komin nálægt bataferli. Nei það sem vakti athygli manna (nema hjá RÚV á Íslandi) var það að spá AGS fyrir evrusvæðið var ennþá meira neikvæð en áður og sérstaklega var spá sjóðsins fyrir stærsta hagkerfi Evrópu, Þýskaland, mun verri en fyrri spá sjóðsins. Athugið að ekkert efnahagssvæði í heiminum mun fara eins hrikalega illa út úr kreppunni og ESB og evrusvæðið mun gera, samkvæmt spá AGS. Ekkert svæði kemst með tærnar þar sem ESB hefur hælana fasta og með allt girt niður um Brussel & Co. Það er svoleiðis gert ráð fyrir 4,8% samdrætti á evrusvæðinu á þessu ári (170% verra en í Bandaríkjunum) og það sem er meira um vert, næsta ár verður samdráttur ennþá í gangi á evrusvæðinu. Hagkerfi Þýskalands (primus mótor) mun verða skorið niður um heil 6,2% á þessu ári (240% verra en í Bandaríkjunum) og um 0,6% á næsta ári. Allt í allt mun því um 7% af hagkerfi Þýskalands hverfa á aðeins tveim árum. Við ættum að benda Þýskalandi á að taka upp evru 

Evruaðdáendur á meginlandinu missa trú sína á evru og framtíð ESB 

En þetta er ekki nóg. Heitir og ákafir evruáhugamenn til margra ára eru að verða sannfærðir um að það muni fara svo að evrusvæðið og ESB muni yfirhöfuð ekki snúna til aftur baka til hagvaxtar um alla framtíð. Ég veit að það hefur verið mjög sárt fyrir þá að komast að þessari niðurstöðu því lengi hef ég fylgst með skrifum þeirra um þessi átrúnaðargoðin sín, evruna og Evrópusambandið. Ég mun bráðum skrifa pistil um þessi vonbrigði. En það tekur nú út yfir allann þjófabálk þegar sjálf Evrópunefndin kemst að svipaðri niðurstöðu (European Commission sees permanent decline in euro area’s potential output)

Mínar dömur og herrar; má ég kynna upphaf jarðarfarar hagvaxtar og velmegunar Evrópusambandsins

Þetta er alls ekki glæsilegt. En bíddu nú aðeins hægur. Þetta er ekki svona einfalt þetta með jarðarför hagvaxtar og velmegunar Evrópusambandsins. Nefnilega það eitt að ESB commissjónin komi með þessa neikvæðu skýrslu ætti að hringa öllum aðvörunarbjöllum í höfði þeirra sem er bara dálítið annt um þjóðríki sitt. Ég spái því nefnilega að þetta sé aðeins forleikurinn að komandi óratoríu & sameiningarorgíu Brussel & Co

Það sem Brussel mun alveg 99% líklega koma með er eftirfarandi hótun: ef þið (ríkin) munið ekki samþykkja nýju stjórnarskránna og framkvæmd ennþá meri samruna og sameiningar ríkjanna,-  já þá mun allt ESB hrynja og brasa saman á næstu árum. Þið verðið að ganga með til þess að ríkisfjárlög og skattar ríkjanna verði sameinuð og að við stefnum að United States of Europe. Þetta er EINA færa leiðin. Ef þið viljið þetta ekki, þá er það á ykkar ábyrgð að sú spilaborg sem við höfum byggt er nú að hrynja. Þið (þjóðirnar með evru) getið ekki gert neitt. Þið eruð gíslar okkar. Þið afhentuð okkur lykilinn að framtíð ykkar með því að taka upp gjaldmiðil okkar. Þið komist aldrei út. Þið eruð læstar inni og algerlega á okkar valdi. Þið getið ekki sagt nei, því við erum með skammbyssuna á pung ykkar

Meltið þetta nú í smá tíma (á meðan atvinnuleysið springur úr og skatttekjur ykkar hverfa). Komið síðan til okkar þegar þið eruð búnar að fá nóg. Við verðum sum sé einnig að taka næsta skrefið eins og alltaf (ESB er nefnilega einstefnuakstursgata). Þetta mun verða næsta jólaóratoría frá Brussel og Co. Sannið til. Aftansöngur Brussel mun spila eftir þessum nótum, eins og alltaf

Fyrri færsla

• Þýsk yfirvöld: Evrópusambandið hefur eyðilagt bankakerfi Þýskalands 

Þýsk yfirvöld: Evrópusambandið hefur eyðilagt bankakerfi Þýskalands

Efnahagsmálaráðherra Schleswig-Holstein kennir Evrópusambandinu um vandræði bankakerfis Þýskalands - sem núna er að komast i þrot

Dr. Werner Marnette er efnahagsmálaráðherra fyrir þýska ríkið Schleswig-Holstein (ferilskrá). En Schleswig-Holstein er nyrsta ríki Þýskalands og liggur upp að landamærum Danmerkur. Í Schleswig-Holstein býr einnig danskur minnihluti frá því Schleswig-Holstein tilheyrði Danmörku

Dr. Werner Marnette sagði í viðtali við BBC að bankakerfi Þýskalands hafi verið breytt að tilskipan Evrópusambandsins þegar ESB skipaði því að verða “meira samkeppnishæft”

Samkvæmt fréttum frá Þýskalandi neitaði Dr. Marnette að samþykkja neyðaraðstoð til HSH Nordbank eftir að bankinn hafði tapað miklum fjármunum á “flóknum fjármálagerningum”

Dr. Marnette segir að þegar Landesbank(ar) Þýskalands veittu þýskum bönkum og fyrirtækjum lán fyrr á tímum, þá var ríkisábyrgð á bak við áhættutökuna. Þessar ríkisábyrgðir gerðu Landesbankakerfinu (fylkisbankakerfinu) kleift að lána peninga á hagstæðari kjörum og á lægri vöxtum. En árið 2001 voru þessar ábyrgðir bannaðar af Evrópusambandinu. Þegar þetta gerðist varð Landesbankakerfið að breyta um stefnu og stefnumark

En afleiðingarnar voru hörmulegar, segir Dr. Marnette. Bankarnir misstu það góða innsæi og samband sem þeir höfðu við fyrirtæki í ríkjum Þýskalands. Bankarnir urðu að þróa með sér alþjóðlega stefnu fyrir starfsemi sína. Þetta var afleiðing og arfleið tilskipananna frá ESB

Bankakreppan í fylkisbankakerfi Þýskalands er ekki bein afleiðing hinnar alþjóðlegu fármála- og efnahagskreppu, segir Dr. Marnette. Nei, mistökin sem til dæmis HSH Nordbank gerði voru þau, að þeir lánuðu ódýra peninga á alþjóðamarkaðnum, en höfðu engin fyrirtæki eða viðskiptavinni í Þýskalandi til að taka við meiri lánum frá bönkunum. Því fóru bankarnir út í að þróa nýjar leiðir til að koma peningunum í lóg. Þeir fóru til dæmis inná bandaríska fasteignamarkaðinn, sem var meira og minna bólugrafinn og sem hrundi þegar kreppan kom. HSH Nordbank er að hluta til eign fylkisríkisstjórnar Schleswig-Holstein og Hamborgar

Ástandið í Landesbankakerfi Þýskalands er nú svo alvarlegt að ríkisstjórn Þýskalands hefur farið þess á leit við Evrópusambandið að Þýskaland fái leyfi til að að endurskoða bókhaldsreglur banka og að það verði slakað á kröfum um eiginfjárhlutfall banka; samkvæmt Basel reglunum um eiginfjárkröfur til banka. En þessu hefur verið hafnað. Viðbúnaður í Þýskalandi til að mæta hinni seinni hrinu á fjármálamarkaði í haust og vetur er því núna í áköfum undirbúningi. Málin líta alls ekki vel út í Þýskalandi. Verk ESB elítu Evrópu tala víða. Þegnarnir fá svo náðarsamlegast að greiða fyrir draumana 

 

SÍMSKEYTI: > Steinbruck says government has received warnings of a credit crunch

Peer Steinbruck yesterday revealed that the German government had received expert advice that a credit crunch might come about during the second half of the year, and preparation are being made to solve the problem. Steinbruck said that the Bundesbank might in this case circumvent the banks by lending directly to companies. Axel Weber, who had made similar remarks yesterday, went out of his way to confirm that the situation had not arisen yet, but it seems that they extremely worried about a general deterioration in banks’ willingness to provide credit. FRÁ - FULLT STOPP

 

Þýska ríkið greiðir niður atvinnuleysið. En nú eru peningarnir að verða búnir 

Í júní mánuði sagði Dr. Werner Marnette að atvinnuástand í Þýskalandi væri mjög bágborið og ennþá verra en opinberar tölur segja til um. Í Þýskalandi er nefnilega í gangi prógramm á atvinnumarkaði sem kallast "Kurzarbeit". Þar greiðir þýska ríkið hluta af launum starfsfólks því atvinnuástand er það bágborið að stór hluti vinnuafls hefur ekki fulla dagvinnu og vinnur því minna en fulla vinnuviku. Ríkið greiðir mismuninn samkvæmt þessu Kurzarbeit prógrammi. Þetta dylur hið raunverulega atvinnuleysi sem er því mun hærra en þau 8,1% sem opinberlega eru gefin upp til hagstofu

Dr. Marnette segir að þetta fyrirkomulag ali upp ósamkeppnishæf fyrirtæki og þegar þeir peningar sem eru veittir í þetta “Kurzarbeit-fyrirkomulag” eru búnir, þá muni atvinnuleysi Þýskalands þjóta upp. Yfir 10.000 fyrirtæki urðu gjaldþrota í Þýskalandi á fyrstu þremur mánuðum ársins

Mín skoðun

Ef Þýskaland átti áður fyrr gott bankakerfi þar sem yfirvöld sáu sér hag í að deila hluta af áhættunni með fjárfestum og starfsfólki í fyrirtækjum Þýskalands, af hverju máttu þeir ekki fá að hafa þetta bankakerfi sitt í friði fyrir Evrópusambandinu? Þýskaland hefur alls ekki jafn sterka hefð fyrir því að afla fjárfestingarfjármuna á opnum hlutabréfamörkuðum eins og til dæmis Bandaríkjamenn hafa. Hinn almenni Þjóðverji spáir ekki í hlutabréf. Svoleiðis er þetta bara. Þetta er kannski álíka átakanlega fjarstæðukennt og hugmyndin um að ætla Spánverjum og Ítölum að búa við sömu efnahagsstefnu og mynt og Þjóðverjar nota. Gengur aldrei upp. Fáránleg hugsun.

En af hverju á að þvinga þetta stóra Þýskaland til að spila það spil sem þeir eru kannski ekki svo góðir í? Þjóðverjar geta ýmislegt annað og aðra hluti en allir hinir geta. Marga hluti. Hversvegna í ósköpunum þarf þetta allt að verða ein og sama steypan? Það er jú ekki eins og að allt Þýskaland hafi verið eða sé rekið eins og Norður Kórea eða Kúba. Það var og er fullt af bönkum í einkaeigu í Þýskalandi

Af hverju máttu Þjóðverjar ekki hafa Landesbankakerfi sitt í friði fyrr ESB? Hvaða tilgangi þjónar þetta? Þurfa allir að vélsagast ofaní sama Brussel formið? Lesandi góður: hefur þú hugsanlega rekist á fleiri bankakerfi sem "alveg óvart" hafa látið lífið ofaní naglasúpupotti ESB? Kannski myndi upptaka evru í Þýskalandi bjarga "fjármálageiranum" þar. Það segir kór fræðinga á Íslandi að sé allra meina bót sem leysi fjármálavanda allra landa á einu bretti 

Kórinn og titlarnir - kirkjukór Evrópusambandsins á Íslandi 

Er það ekki dæmigert fyrir kirkjukór ESB á Íslandi að það skuli birtast lofsöngsgreinar eftir greinar á bestu stöðum blaða og ríkisfjölmiðla. Lofsöngur um það hvernig ESB ætti að færa Íslandi því sem næst gulli og grænum skógum - og það alveg gratís. Höfundar greinanna skrifa yfirleitt alltaf undir með titlagrobbtittum sínum. Veifa þeim sem fána við húninn á stönginni. “Höfundur er menntaður xxxxfræðingur”. Eins og okkur sé ekki nákvæmlega sama um hvort maðurinn hafi heildsöluháskólagráðu eða gagnfræðapróf, sem þó einungis áttu að vera gagnleg en ekki þjóna í hlutverki magnara fyrir tómar tunnur. Maður er bókstaflega að ærast í fræðingabullinu

Við viljum fá menn sem geta hugsað. Titlagrobbið á Íslandi er sprenghlægilegt og jafnframt hjákátlegt. Heimurinn hefur haft yfirdrifið ofgnótt af mönnum og konum sem kunna, en geta þó ekki hugsað. Lang-langskólagengið fólk án menntunar og hreinnar hugsunar. Eins og gamli Douglas Hurd, fyrrverandi utanríkisráðherra Bretlands sagði við drenginn sem langaði að verða atvinnupólitíkus - “já en fyrst þarftu að verða góður í annarri atvinnu áður en þú getur orðið góður stjórnmálamaður”.

Af hverju er þingið okkar svona þétt setið fólki sem veit ekki neitt og kann ekki neitt? Ég spyr! Er þingið og stjórnsýslan nokkuð að breytast í nýtt útrásarbankakerfi? Getur það nokkuð hugsast? Mér finnst nefnilega smíðahljóðin frá þessum apparötum minna eitthvað svo óþægilega á gamlan gusugang frá Ólafstímunum. Taka lán ofaní lán og borga seinna, sama hvað það kostar. Meiri og stærri lán. ESB-aftansöngur og útsölutilboð skoðana í þinginu um miðja nótt sem ónýta daga. Allt látið reka á reiðanum sem máli skiptir. Skriðið út um allar jarðir með skuldirnar standandi út úr eyrunum og beðið um meira, miklu meira! Beðið um yfirskammt eiturlyfjaneytandans. Gefðu mér frið núna, borga seinna. Við vitum öll hvernig það endar

Kunna, vita og hugsa 

Þeir sem vita eitthvað um Evrópusambandið vita að þar er ekki stöðugleiki, því 30 ára massíft fjöldaatvinnuleysi hefur fært því stöðnun sem er orðin að hnignun. Að vera næst lélegasta hagvaxtarsvæði heims þýðir hrörnun og lömun. Að vera orðið stærsta elliheimili heims vegna þess að ungt fólk í ESB hefur ekki trú á framtíð sinni í ESB, - og eingast því engin börnin - er hnignun og hvorki meira né minna en stórslys, disaster. Það er kistulagning hinnar efnahagslegu framtíðar Evrópusambandsins um aldur og æfi sem fer fram núna. Þessi þróun hefur verið í gangi öll hin síðustu 25-30 ár. Og alveg án þess að esbkórinn á Íslandi hafi tekið eftir neinu. Þau lönd sem hafa einu sinni farið undir 1,5 lifandi fædd börn að meðaltali á hverja konu í fæðingatíðni, hafa aldrei náð sér upp úr öldudalnum aftur. Það er aðeins ein undantekning til frá þeirri reglu. Svo kæru Íslendingar. Gleymið öllu um ESB. Það verður ekki þar sem framtíðin mun lýsa björt, því ESB mun verða hið stóra ríki fátækarinnar. Þá þróun er ekki lengur hægt að stöðva. Það er því miður of seint. Allt of seint

Fyrri færsla

• Ríkisfréttastofa Ríkisútvarpsins Ríkisfalsar Ríkisveruleikann og smálýgur að Almenningi Ríkisins

Ríkisfréttastofa Ríkisútvarpsins Ríkisfalsar Ríkisveruleikann og smálýgur að Almenningi Ríkisins

Á fullum launum tekur ríkisrekin fréttastofa Ríkisútvarps Íslands að sér hið gamla hlutverk TASS frá tímum Leonid Brezhnév í Sovétríkjunum hinum sálugu

Þetta er alveg ótrúlegt. Af hverju er þetta fyrirbæri ennþá starfandi og af hverju fá starfsmenn þessa fyrirbæris ríkislaun fyrir að smáljúga upp í opið geðið á almenningi á Íslandi - og víðar!

Eins og flestir vita sennilega núna, þá komst ákveðið viðtal við einn ákveðinn mann á Íslandi, já hann Davíð Oddsson, náðarsamlegast fyrir sjónir þess hluta almennings sem las einn ákveðinn fjölmiðil á Íslandi, nefnilega Morgunblaðið. Í Morgunblaðsviðtalinu við þennan mann, Davíð Oddsson, kemur fram, að fyrir hönd stofnunar sem annast æðstu peningamálefni þjóðarinnar, hafi Seðlabanki Íslands undirritað samninga um þátt Seðlabanka Íslands í viðskiptum Íslands við Alþjóðagjaldeyrissjóðinn

Já humm og ha. Fyrir og undir hönd & hertum handarvendi forsætisráðuneytisins hafi Seðlabanki Íslands ákveðið að vinna samkvæmt lögboðnu hlutverki sínu. Þvílíkt og annað eins. OMG! Hugsið ykkur! Seðlabankinn þarf að lúta að stjórnarskránni! OMG!

Í þessu viðtali við hann Davíð Oddsson, sem tekið var á köldum sléttum Síberíu, eða nánar - í þeim gerræðislegu einangrunarbúðum sem þessum hættulega Davíð var vísað til undir mikið stálstyrktri hönd & handarvendi ríkisins - kemur þessi hroðalegi sannleikur fram (OMG aftur):

<><><><> MBL <><><><> 

„Það er alveg rétt. Þegar samningur er gerður fyrir hönd ríkis við Alþjóðagjaldeyrissjóðinn, þá kemur það annars vegar í hlut fjármálaráðherrans og hins vegar í hlut seðlabankastjórans að undirrita slíkan samning. Hlutverk seðlabankastjórans með slíkri undirritun hefur bara með það að gera að staðfesta að Seðlabankinn muni sinna þeim skyldum sem að Seðlabankanum snúa í samstarfi við Alþjóðagjaldeyrissjóðinn samkvæmt samningnum. Hlutverk Seðlabankans hefur ekkert með það að gera að skuldbinda ríkið til að greiða peninga. Sá þáttur er algjörlega í höndum ríkisins, og að lokum Alþingis.

 

Afstaða mín til Icesave-samningsins liggur fyrir og kemur fram í bréfi sem ég ritaði þáverandi forsætisráðherra, Geir. H. Haarde og hún er óbreytt frá því það bréf var ritað.“ 

<><><><><><><><>

 

En þá skrifar Leonid Brezhnév fréttastofuhorn Ríkisútvarps Tazz á Íslandi þessa spuna & smálygafrétt hér, þ.e. við það sem kemur fram í Síberíuviðtali Morgunblaðsins:

<><><><> RÚV <><><><> 

Staðfesti erlendar skuldbindingar (hringja bjöllum sleðanna hér)

En tæpum mánuði síðar, 19 nóvember, skrifaði Davíð undir orðalag í 9. grein viljayfirlýsingar íslenskra stjórnvalda til Alþjóðagjaldeyrissjóðsins, þar sem hert var á orðalagi, því heitið að virða skuldbindingar á grundvelli innistæðutryggingakerfisins gagnvart öllum tryggðum innlánshöfum. Þetta herta orðalag var, samkvæmt upplýsingum fréttastofu, tekið upp til að tryggja afgreiðslu Alþjóðagjaldeyrissjóðsins á aðstoð fyrir íslendinga. RÚV

<><><><><><><><>  

 

Settu heimsmet. Allt Ríkið sett í útkall 

Aldrei hefur neitt unnist eins hratt á Íslandi eins og þessi smálygafrétt Tazz Ríkisútvarpsins á Íslandi. Og hvað meira gerði Ríkisútvarpið Tazz á Íslandi þessa helgina? Jú þeim tókst að vekja alla þá sem vinna í öllum stofnunum á Íslandi og fá þá til að leita að nokkrum blaðsíðum af gögnum sem hin fyrrverandi manneskja og útlagi Davíð gat um í viðtalinu. Tass segir að Davíð eigi gögnin því þetta séu "gögn Davíðs". Já það tókst að leita í öllum skúffum og tölvukerfum Ríkisins á Íslandi í einni laugardagshendingu hérna mitt um sumarið 2009. Geri aðrir betur! Þetta virkar bara maður!

En auðvitað fundust gögnin ekki þarna á meðan Ríkisútvarpið Tass var í gagngerðu breiðbandssímasambandi við alla starfsmenn allra stofnana íslenska Ríkisins í einu. Þetta ofursímakerfi Ríkisútvarps Ríkisins var byggt í þessum eina tilgangi: að veita almenningi vandaðar og góðar upplýsingar hraðar en ljósið fer undir venjulegum kringumstæðum á Íslandi

Helgin frá 4. til 6. júlí á Íslandi hefur nú þegar komist í heimsmetabók Sovétríkjanna. Þessa helgina unnu fréttastofufanglesi margra fjölmiðla Íslands nefnilega hraðar en ljósið. En ekki nóg með það. Stofnanir Ríkisins unnu hraðar en þær máttu samkvæmt lögum. Miklu miklu hraðar en ljósið. Svo hratt að ekkert fannst og ekkert sást    

 Með kveðjum 

 Útlagastofnun Ríkisins Ríkisins

 fyrir norðan og neðan ísskáp Niðurlagningastofnunar Lagmetisins 

 

Fyrri færsla

• Það barst bréf frá Síberíu. Það er þá kannski ennþá smá von

Það barst bréf frá Síberíu. Það er þá kannski ennþá smá von

Bréf frá Íslendingi í Síberíu 

Mikið gladdist ég við að heyra frá Davíð Oddssyni í Morgunblaðinu - og varð jafnframt glaður yfir að við skyldum náðarsamlegast FÁ LEYFI til að heyra frá Davíð Oddssyni. Það er ekki oft sem það berast bréf frá Síberíu íslenskra fjölmiðla og stjórnvalda þeirra. Þetta gefur ákveðna von. Vonin er fólgin í því að það sé ekki endalaust hægt að komast upp með að afvegaleiða alla íslenksu þjóðina í gegnum ríkisstjórn Íslands í KREML 101

Takk Davíð Oddsson! Takk!

Takið vinsamlegast eftir því að Davíð Oddsson talar ekki Evrópumálið. Talar það ekki. Hann talar Íslenskuna - og það helvíti vel  

 

Fyrri færsla

Treystir þú þessu fólki til að gæta hagsmuna Íslands og Íslendinga?