"Síðasta orðið" um morðið

ESB-aðildarsinnar staglast á því að þjóðin eigi að hafa síðasta orðið um eitthvað sem hún bað aldrei um. Síðasta orðið um morðið.

Vinstri grænir urðu sigurvegarar síðustu kosninga með því að auglýsa sig sem staðfasta umboðsmenn þeirra kjósenda sem mestir voru andstæðingar ESB-aðildar Íslands. Þingmenn sækja umboð sitt til kjósenda í þingkosningum. Sigur þeirra VG-manna vannst með því að lofa þjóðinni því —meðal annars í DDRíkisútvarpinu— að hún, en ekki fámenn ESB klíkuelíta, fengi þarna tækifæri til að eiga síðasta orðið um þetta mál. Þá óskaði ég VG til hamingju með sigurinn og bað þá um að fara vel með valdið sýna því virðingu. Aðeins 27 prósent kjósenda undir stóráfalli kusu flokka sem höfðu ESB aðild sem sitt baráttumál. En lítið vissi kjáninn ég; að þarna væri ég að ávarpa lýðræðislega, pólitíska og stjórnarfarslega svikamyllu.

Ég get svo sannarlega alveg lifað með vinstri-stjórnir. Kerfisskipti eru oft ágæt sé rétt og lögmætlega til þeirra stofnað. Þetta segi ég því Alþingiskosningar eru haldnar á fjögurra ára fresti í fullvalda lýðveldi mínu. Hármarks sársauki fyrir mig sem kjósanda er því í mesta lagi fjögur ár. Max_pain er hámark fjögur ár. Þá er kosið aftur og ég sem kjósandi get hent ríkisstjórninni á dyr. Þetta er kallað lýðræði.

Ég sætti mig aldrei við að þurfa að búa til frambúðar við síðustu orð umboðslauss Steingríms og þingflokks hans. Að búa við mottó sem segir; Þú skaffar fórnarlömbin í kosningum og við afhendum morðin. Vonandi eru þetta síðustu orð foringjaklíku flokksins sem umboðslaus umboðsmaður kjósenda.

Aðeins kjánar halda að nokkurn tíma verði sagt síðasta orðið um ESB. Vinstri grænir og blóðrauður vettvangur eru til dæmis á ný farnir að tala um Marx-Lenínisma. Héldu þó sumir að þarna væri síðasta orðið sagt. Leshringur þeirra hefur á ný myndast um það síðasta og stærsta morð sögunnar.

Norðmenn hafa verið látnir kjósa um ESB aðild tvisvar sinnum. Þetta hættir aldrei fyrr en það kemur já. Því þegar þjóðir hafa einu sinni í hræðslukasti sagt já við að skríða í ESB, þá er aldrei kosið aftur. Aldrei. Já er því síðasta orðið um morðið á lýðræðinu. Það ætti að banna þjóðum að kjósa undan sér lýðræðið á þennan hátt.

Ég segi nei. Umsókn Íslands inn í Evrópusambandið er algerlega án umboðs kjósenda. Hún er árangur hreinna og beinna kosningasvika. Draga á hana umsvifalaust til baka. Hún er skammarblettur á Íslandi.

 

Fyrri færsla

 

Eistland tók upp evru og varð "Mið-Afríkuríki" 

Eistland tók upp evru og varð "Mið-Afríkuríki"

Eistland tók upp evru eina mínútu yfir miðnætti 31. desembers 2010. Sven Kunsing eigna-stjórnandi sænska SEB —Skandinaviska Enskilda Banken— í Eistlandi segir að landið standi nú í sporum vanþróaðra ríkja Mið-Afríku.

“Foreign investors have stopped buying local stocks, there is no market for stocks or bond and local pension funds play a marginal role. It’s like Central Africa,” says Sven Kunsing from the asset management arm of SEB.

Enginn lífeyrissjóður Eistlands hefur áhuga á að fjárfesta í eistlenskum fyrirtækjum á markaði. Í vestrænum ríkjum er fjárfestingahlutfall lífeyrissjóða í innlendum fyrirtækjum um það bil 60 prósent af heildarfjárfestingum þeirra. En ekki í Eistlandi; þar er hlutfallið aðeins 6 prósent. Það er sem sagt 10 sinnum verra að vera evrulandið Eistland en að vera Vesturland eins og Ísland.

Trúin á bjarta framtíð eigin fjármagns í eigin landi er orðin eistlenskum fjárfestum ofviða. Eða eru þeir kannski bara flúnir með peningana úr landi? Það kæmi mér ekki á óvart. Þetta yrði einnig raunin á Íslandi ef upplýstu pakki ESB-elítunnar tekst að framselja fullveldi og sjálfstæði íslenska lýðveldisins yfir til Evrópusambandsins, sem er nýtt ríki í smíðum. 

Svo að segja engir erlendir fjárfestar kaupa heldur hluta- eða skuldabréf fyrirtækja í Eistlandi, segir Sven Kunsing.

Þetta gap ESB-dauðans gapir nú alla leið inn á Alþingi Íslendinga; þar sem kosningasvikarar og fullveldis-spákaupmenn Vinstri grænna skríða um íklæddir hnjáhlífum Samfylkingar ESB

 

Fyrri færsla

 

Spákaupmenn Vinstrisins

Lífeyrissjóðir jafnvel til taks

Spákaupmenn Vinstrisins

Föstudagurinn endar afar illa. Þú pakkar saman og ekur heim í helgi. Staðráðinn í því að endurmeta stöðuna. Yfir eina rólega og yfirvegaða helgi kemstu að þeirri niðurstöðu að markaðurinn sé á villigötum. Að burðargeta raunveruleikans sé lítil sem engin og að vísitalan sé komin út í loftin blá. Þetta heldur ekki. Ákvörðun er tekin. Á mánudag ætlar þú að mæta til vinnu og selja allt. Koma þér þurrfóta út úr markaðnum áður en hann hrynur yfir þig. Þetta er bjargföst niðurstaða hugsana helgarinnar. Það var sko gott að komast burt frá ys og þys kauphallarinnar í helgarfrí. Þá getur maður vandað sig. 

Á mánudag mætir þú þungbúinn í vinnu með þína bjargföstu ákvörðun. Hana ætlar þú að setja í framkvæmd um leið og markaðsdruslan opnar. Execute, execute, execute immed! En hvað er að gerast? Þegar þú stígur út á dansgólf vísitölunnar þá mæta þér bara glaðir menn. Allir eru kátir og kalla hátt; ég ætla að kaupa A og ég ætla kaupa B. Markaðurinn æðir upp. Allir brosa nema þú. Ætlar þú einn að ganga á móti öllum. Þessum öllum? Nei, þú hikar um stund, stekkur svo á vagninn og dansar. 

Þetta var sagan af spákaupmönnum markaðarins. Þessir eiga ekkert skylt við fjárfestingar. Þetta eru bara drengirnir. Raunverulegir fjárfestar eru maraþonhlauparar markaðarins. Þeim haggar ekkert. Þeir spila ekki póker. Þeir dansa ekki. Þeir standa við ákvaðarnir, sama þó ALLIR segi; seldu og seldu nú!

En þetta ER reyndar sagan af pólitískum spákaupmönnum Vinstrisins. Svona mættu Vinstri gæjar grænir til þingkosninga vorið 2009. En nú er allt selt. Selt, selt og selt. Gjaldþrotið blasir við. Þeir spiluðu póker með atkvæði kjósenda. Fjárfestu vörslufé kjósenda í pólitískri neðanjarðarstarfsemi. Umboðssviku allt, jafnvel áður en markaðurinn opnaði. Og þeir eru enn að spila póker; með sjálft fullveldi íslenska lýðveldisins. Svona leikur pólitísk græðgi smámennin.

Ekkert er ömurlegra en pólitísk græðgi. Hún er margfalt verri, afdrifaríkari og óæðri hinni efnahagslegu græðgi. Hún tortímir löndum, samfélögum og þjóðum þeirra. Slátrar milljónum. Tugum milljóna

Fyrri færsla

 

Hæsta einkunn breska pundsins staðfest. Evrunni hent út úr seðlabönkum heimsins

 

Hæsta einkunn breska pundsins staðfest. Evrunni hent út úr seðlabönkum heimsins

"Alþjóðlega matsfyrirtækið Standard & Poor's hefur staðfest óbreytt lánshæfismat breska ríkisins. Bretlands verður því áfram með hæstu einkunn eða AAA", segir í frétt Morgunblaðsins hér að neðan.

Við þetta get ég bætt þeirri staðreynd að hlutfall evru sem alþjóðleg mynt í forðabúrum seðlabanka heimsins fer mjög hratt minnkandi. Evrum Evrópusambandsins er skipað þaðan út - og Bandaríkjadölum þangað inn - með því að seðlabankar heimsins losa sig við ríkisskuldabréf evrulanda. Þannig minnka þeir evruforða sína og áhættuna sem samfara er því að sitja fastir uppi með þann ráfandi svarta pétur sem nú þrammar heimilislaus á snjóþrúgum um næfurþunnt peningagólf seðlabanka Evrópusambandsins. Tilraunin með evru sem alþjóðleg mynt, hefur mistekist. Og enn verr hefur tiltekist á heimavelli hennar.

Ríkisskuldabréf evruríkja eru orðin áhættusöm fjárfesting í mjög vafasömu fyrirbæri sögunnar. Gengisáhættan sem lækna átti með tilkomu evru hefur nú stökkbreytst yfir í fyrirvaralausa ríkisgjaldþrota áhættu. Hagkerfi margra evrulanda riða til falls. Draumórar um þjóðríkislausan seðlabanka sem handhafa peningamála, var frá byrjun fráleitt fölsk hugmynd, eins og bandarískir hagfræðingar margbentu Evrópumönnum á frá byrjun. Hlutfall evru sem forðamynt hjá seðlabönkum heimsins hefur því hrunið frá 34 prósenta hámarks hlutfalli árið 2009 og niður í 23 prósent. Og fer hlutfallið enn lækkandi.

Hér verða seðlabankar heimsins þó að fara varlega því ef þeir ætla allir að henda fullveldishaftamynt Evrópusambandsins út samtímis og samstundis, þá myndast hrun. Þær eru því látnar seytla út eins hratt og kostur er. ECB-seðlabanki Evrópusambandsins hefur misst tökin á peningamálum myntsvæðisins í núverandi mynd þess, til frambúðar. Evran endurspeglar nú lítið annað en 34 ára samfellt mistakaferli Evrópusambandselítunnar

Krækjur 

• The decline of the euro as a reserve currency
• Central Banks Dump Euros for Dollars
• Global Central Banks Boost Dollar Holdings, Cut Euro Stores

Fyrri færsla

Mynt Evrópusambandsins ER evra 

Hæsta einkunn og stöðugar horfur

Mynt Evrópusambandsins ER evra

Þeir sem daðra við ólesinn sannleikann. Og þeir sem settir hafa verið í svæfingu í ráðuneyti sínu, ættu að íhuga eftirfarandi staðreyndir:

Mynt Evrópusambandsins ER evra.

Þessi einfalda sáttmálalega staðreynd er skjalfest í Lissabon sáttmála Evrópusambandsins. Það tók 27 ríki sambandsins NÍU ár að staðfesta sáttmálann. Níu ár!

Þetta þýðir það að engin lönd komast hjá því að taka upp evru og afsala sér öllu fullveldi í peningamálum. Það er engin leið að hætta með evruna. Alveg sama þó að hún leggi efnahag lands þíns í rústir. Mynt Evrópusambandsins ER evra.

Eina leiðin til að losna við evruna er að segja sig úr Evrópusambandinu. Og það geta engin lönd gert nema að þau hafi stórleika og hervald til þess í praxís. Ekki eftir að stjórnarskrár-mynt Evrópusambandsins varð evra. Ekki eftir að sú staðreynd var njörvuð niður í níu ára stjórnarskrárfæðingu Evrópusambandsins.

Þeir sem daðra við sannleikann verða brenndir á báli sögunnar. Þeir eru hættulegir heimskingjar. Þeir sem vísvitandi krefjast þess að lýðveldi Íslendinga verði fært  inn í þetta Evrópusamband; þeir verða í sögunni dæmdir sem landráðamenn

The prize for European political illiteracy

 

Búið ykkur undir hrylling í Evrópusambandinu. Frá hinni gömlu deyjandi Evrópu. Einu sinni enn

Fyrri færsla

 

Þýskaland komið í nýtt myntsamstraff

Þýskaland komið í nýtt myntsamstraff

 

Ríkissjóður Kýpur nýtur nú þess vafasama heiðurs að vera útgefandi af áhættusömustu ríkisskuldabréfum heimsins. Kýpur tók upp evru 1. janúar 2008. Það tók því aðeins fjögur ár að rústa efnahags, peninga- og bankakerfi landsins. Í næsta sæti á áhættulistanum er tilraunasvæði myntfangabúða Evrópusambandsins; Portúgal. Evruríkið Grikkland er sprengt út af listanum því það er — í samfélagi þjóðanna — þegar orðið ríkisgjaldþrota í evrum. Evruríkið Kýpur hefur því tekið sér sæti Grikklands í aftökustólnum fyrir heimsins hættulegustu útgefendur ríkisskuldabréfa. Segið svo að evran virki ekki! 

 

Líkurnar á því að verða ríkisgjaldþrota Evrópuríki hafa aldrei verið eins bjartar og nú. Þær geta því miður ekki orðið meiri en 100%, því þá væri Grikkland enn lifandi í efsta sætinu. Samkvæmt áhættulistanum, sem er hér, eru næstum engar líkur á því að Bandaríkin, Noregur, Sviss og Svíþjóð verði ríkisgjaldþrota. Þýskaland er í þrefalt meiri hættu; það er evruland. Áhættan er minni hjá ríkissjóði Chile en ríkissjóði Þýskalands. Og áhættan samfara því að kaupa ríkisskuldabréf af íslenska krónu lýðveldinu er aðeins rúmlega þrefalt meiri en að eiga sömu viðskipti við ríkissjóð Þýskalands.

 

Hnjáhlífar frá heimsveldi hugleysisins í Icesavepakkhúsi Steingríms J. Sigfússonar, Jóhönnu og Össurar verða líklega sendar frá Íslandi sem þróunaraðstoð handa Kýpur. Ríkisstjórn þeirra þremenninga heldur síðan eftir pakksendingar til ESB, ótrauð áfram að auka við áhættu Íslands. Á fullum launum hjá skattgreiðendum og án umboðs kjósenda. Fullkomlega meðvituð. Landsdómur hlýtur að ná til yfirvegaðs aðgerðarleysis þessa fólks.

 

Endurskoðaðar tölur frá gjaldþrota Grikklandi segja að almennt atvinnuleysi þar sé nú komið yfir 21,8 prósent. Svo eru sumir enn að tala um smá-kreppuna 1930 sem ættleiddi sósíalistann Adolf litla til valda í kjölfar massífs niðurskurðar ríkisútgjalda. Aðgerð sem átti að auka tiltrú erlendra fjárfesta á Þýskalandi!

 

Mynd, Brad DeLong

 

Financial Times; And new in at Number One — It’s Cyprus

 

Fyrri færsla

 

Evrusvæðið og ESB gengur á einum strokki [u]

 

Evrusvæðið og ESB gengur á einum strokki [u]

Nánar: 

 

Þökk sé evrunni komst Ítalía frá lánshæfni A til B fyrir skömmu. Þökk sé evrunni hafa hlutabréfamarkaðir hins nýja balkansvæðis Suður-Evrópu fallið um allt að 70 prósent á síðustu tuttugu og fjórum björgunar-mánuðum skjaldborgar Evrópusambandsins. Efnahagur evrusvæðis er í frjálsu falli og gengur þessi vél nú á aðeins einum strokki, segir yfirhagfæðingur Saxo Bank, Steen Jakobsen; myndband | skrif

 

mynd; tradingeconomics.com

 

Mílanó féll um 5 prósent á meðan kaffið rann í fingurbjargir þarlendra takkamanna í kaffitíma gærdagsins. Frá miðjum mars nemur fallið 15 prósentustigum og líkist ferlið niðurleið sem erfitt er að finna hliðstæð dæmi um í hagsögu nýrri tíma. Þökk sé evrunni. Á evrusvæðinu ríkja nú verstu lánskjör veraldar. Suður-Afríka býr við betri lánskjör á alþjóðlegum fjármálamörkuðum en Portúgal, Írland, Ungverjaland og Grikkland. Og nýjustu evruríkin eins og t.d. Eistland eru í algerri fjármálalegri þurrkví; innan- sem utan frá séð.

 

mynd; euroland.com

 

Bandaríkjamenn hefja brátt annan undirbúning landgöngu skynseminnar norðan við Normandí. Þar hírast yfirmenn brjálsemis geggjunar Evrópusambandsins í neðanjarðarbyrgjum og bíða endaloka annars tveggja; evru eða Evrópu. Peningaumdæmi eyjaskeggja breska Sterlingspundsins haggast ekki frekar en fyrri daga; Wonder why

 

Uppfært:

 

Skriðdýrt Vinstri grænt hefur nú fjárfest í hnjáhlífum svo það geti skriðið áfram um í Icesavepakkhúsi Steingríms J. Sigfússonar; lagerinn hans af hnjáhlífum er nú glæsilega endalaus. Búmerang heimsveldis hugleysisins stirkes back.

 

Hefst nú Ólafsvaka íslenska lýðveldisins. Vökum við saman

Fyrri færsla

 

Havana, we have a problem

Havana, we have a problem

Samkvæmt fréttinni hér að neðan sækist fólk mest eftir að komast út úr samfélagi þjóðanna og inn í Ísland. Upp í sjálft myntumdæmi íslensku krónunnar. Hvernig gat þetta gerst?

 

Þetta krefst líklega húsleitar á mörgum stöðum af leshring Norður-Kóreufélags Ríkisútvarpsins. Er einhver að græða á þessu?

Það borgar sig alltaf að standa í lappirnar og faðma fullveldið. Krónan er átta strokka Þórshamar sjálfstæðis okkar 

 

Formenn allra flokka krjúpi, kyssi krónuna og eiðsverji henni hollustu sína. Fyrst þá má hleypa þeim

 

Failure Is Not an Option

Apríl 1970

Fyrri færsla

 

Structural reforms; skipulagsbreytingar ESB 

Ísland er heitasti staðurinn

Structural reforms; skipulagsbreytingar ESB

Líklega er þetta hugtak hið mest notaða fyrirbæri í orðaforða Brusselbáknsins. Í Sovétríkjunum voru skipulagsbreytingar yfirvalda krónískar. Þær tóku engan enda. Þær voru alltaf í gangi. En virkuðu samt aldrei neitt, nema til hins verra

Svona er staðan orðin í Evrópusambandinu. Endalausar skipulagsbreytingar elítu Evrópusambands hin síðustu 35 ár áttu alltaf að binda enda á öll vandræði og þjáningar Evrópubúa. Svo var okkur sagt

Vandamálið með þessi "structural reforms" Evrópusambandsins, þ.e.a.s skipulagsbreytingar sambandsins; er sjálfur aflvaki þeirra og tilgangur. Aflvakinn er ekki fólkið sjálft. Heldur er það þetta sem ESB-elítan þrífst á. Hún þrífst á því að krefjast sífelldra skipulagsbreytinga

Heill vellaunaður bransi hefur myndast í kringum þetta fyrirbæri í Evrópusambandinu. Þetta er ekki ólíkt atvinnubransanum sem á að finna atvinnu sem ekki er til handa fólki sem enga vinnu hefur. Endalaus námskeið eru haldin á vegum atvinnubransans. Þau snúast um að finna það sem ekki er til og sem aldrei verður til. Og um að breyta fólki og framkomu þess. Logið er endalaust til um árangur atvinnubransans. Og endalaust er skattpeningum borgarana hent á bál þessa fyrirbæris sem ekkert leggur til landsframleiðslunnar annað en froðugas. Áratug eftir áratug er atvinnuleysi í Evrópusambandinu eftir sem áður svo hátt að það jafnast á við 35 ára bankahrun. Á meðan þénar atvinnubransinn vel á þessum óförum almennings

Þetta er sjálfur tilgangur Evrópusambandsins í hnotskurn. Að rústa þjóðríkjunum. Best er að rústa þjóðríkjum með því að murka smá saman lífið úr "þjóðbernsku burðarafli" þess; natal-energy. Koma á krónískum skipulagsbreytingum sem alltaf eru endalaust alveg við það að lækna þetta allt. Þetta var svona í Sovét og þetta er svona í Evrópusambandinu; rétt handan við hornið, alveg að koma. Það þarf bara rétt að breyta þessu og hinu, leggja niður þetta eða hitt og færa það yfir til Brussel; upp á EU-level

Þegar búið er að veikja grunnstólpa þjóðríkjanna það mikið að þau geta ekki lengur stutt við sjálfa frumþróun sína, þá er takmarkinu náð. Númer eitt er því að rústa orkuforða þjóða; rústa hinu meðfædda natal-energy 

 

Here we come. It will never recover

 

DDRÚV: sænska krónan eykur viðskiptin hjá sænskum kaupmönnum 

DDRÚV: sænska krónan eykur viðskiptin hjá sænskum kaupmönnum

Mynd; geimverur heimsækja Ríkisútvarpið, DDRÚV.

 

Áhrifin af falli sænsku krónunnar frá ársbyrjun 2007 og sterkt auknum kaupmætti Norðmanna, hafa haft þau áhrif að landamæraverslun Norðmanna hefur aukist um 2 prósent á milli síðustu tveggja ára. Þrátt fyrir hækkandi eldsneytisverð og vegatolla

 

Mynd: Sýnist ykkur að sænsk hemili hafi orðið ríkari síðan 1994?

 

Í Danmörku varð uppi fótur og fit í janúar þegar blaðamenn úr heimi einkaframtaksins fóru í verslunarleiðangur upp í Svíþjóð. Þar fundu þeir út úr því að matarkarfan kostaði helmingi minna í Svíþjóð en í Danmörku. Svona er að hafa sína eigin frjálsu mynt. Sænska krónan vinnur dag og nótt fyrir sænska hagkerfið, eins og sú íslenska gerir fyrir hagkerfi Íslendinga. Laðar að viðskiptin. Svíþjóð hefur því miður skuldbundið sig til að leggja niður krónuna og taka upp evru með Evrópusambandsaðild landsins, sem fram fór í hræðslukasti og ömurlegu sundurlyndi árið 1994 , þegar 2,8 prósenta meirihluti kjósenda ákvað að rúlla yfir þá sem ekki vildu leggja landið niður. Nú er Svíþjóð orðin bensínstöð fyrir Norðmenn og stærsti útflytjandi fólks á vinnualdri til Noregs. Týnd er Svíþjóð og tröllum gefin á alþjóðavettvangi.

 

Børsen 25. janúar 2012: De danske forbrugere må betale mere end dobbelt så meget for dagligvarerne som forbrugerne i Sverige. Det viser en stikprøveundersøgelse, som avisen 24timer har lavet 

 

Í matvælalandinu Danmörku, sem áður framleiddi daglega matvæli fyrir 15 milljón manns, er matvælaverð nú það hæsta í Evrópusambandinu, samkvæmt síðustu verðvísitölu hagstofu Evrópusambandsins í Brusselbákninu. Ferðamaður sem á leið um Ísland þarf að greiða:

 

113 á Íslandi fyrir mat (frjálst land: atvinnuleysi 6,9% í kjölfar bankahruns)

116 í Svíþjóð fyrir sama mat (esb-land: atvinnuleysi 7,5%)

113 í Finnlandi fyrir sama mat (evru-land: atvinnuleysi 7,4%)

136 í Danmörku fyrir sama mat og (erm og esb-land: atvinnuleysi 7,9%)

165 í Noregi fyrir sama mat (ríkasta land Evrópu: atvinnuleysi 3,1%)

 

Af Norðurlöndunum fimm eru matvæli og heildar endanleg neysluútgjödl heimilis fyrir utanaðkomandi ódýrust á Íslandi. Atvinnuleysi er hér óbærilegt, en samt lægst, að olílandinu Noregi undanskildu. Og þetta er svona þrátt fyrir einstætt bankahrun og hryllings ríkisstjórn. Hvernig skyldi ESB líta út þegar evran hrynur ofan á það eins og í Grikklandi. Íslenska krónan er bjargvættur okkar. Hún er svo að segja framkvæmdavald fullveldisins. Þess vegna vilja ESB-aðildarsinnar, eins og þeir sem sitja á tökkum Ríkisútvarpsins, losna við hana. 

Hefði Ísland legið í túnfæti Norðmanna þá væru íslenskar verslanir yfirfullar af Norðmönnum, Svíum, Dönum og Írum. En landfræðileg lega Íslands er þannig að yfirfullar flugvélar af Norðmönnum, Svíum og Dönum hafa í staðinn bara flogið þeim hingað til landsins. Þökk sé krónunni. Reyndar er flogið hingað frá öllum heimsins hornum. Og krónukeyptar flugvélar duga okkur bara ágætlega. Að minnsta kosti betur en áróðursdeild Ríkisútvarpsins dugar okkur.

 

Einnig má geta þess að landamæraverslun Íra við peningaumdæmi bresku krúnunnar á Norður-Írlandi og á Bretlandseyjum hefur blómstrað og stuðlað að enn hryllingslega stærra gati á galtómu gólfi ríkissjóðs Írlands, sem álpaðist til að ganga í Evrópusambandið og taka þar upp evru; sér til ævarnadi bölvunar.

Mottó DDR-Ríkisútvarpsins er þetta

 

Danir aki til Þýskalands því þar eru engin lágmarkslaun og almenn laun allt að helmingi lægri. Þjóðverjar aki svo yfir til Póllands, þið vitið til hvers. Pólverjar aki síðan til Rúmeníu. En Rúmenar aka ekki neitt. Þeir fá bara 20 aura á tímann við að horfa á austur-þýska sjónvarpið frá DDRUV.IS

Það aumingjalegasta sem ég veit er að búa á t.d. Suður-Jótlandi og versla í Norður-Þýskalandi, en heimta svo skattafjármagnaða velferð og heilbrigðiskerfi þegar heim er komið með klessuna.

Ríkisútvarpið DDR

Hver greiðir fyrir rekstur DDRÚV? Það geri ég, því miður. En mér býður samt við undirmáls fréttaflutningi frá þessari ríkisreknu áróðurfréttastofu. Nú hef ég fylgst með ykkur í næstum tvö ár. Sendið þið út frá Austur-Þýskalandi, eða hvað? Ykkur myndi sortna fyrir augum af austur þýskum Evrópusambandskommúnisma ef við gætum hætt að versla við ykkur. Að hlusta og horfa á ykkur er eins og að hlusta á sovéska Tass í gamla daga. Þið eruð orðnir óforbetranlegir áróðursmenn. Hlutverk ykkar er ekki það. Þvert á móti. En því hafið þið með fullum vilja gleymt.

 

Evrópuvaktin skrifaði einnig um þessa fréttamennsku RÚV: túlkun RÚV!

 

Norðmenn urðu sjálfstæð þjóð 1905

Það skemmtilega við Norðmenn er það að þeir hefðu aldrei byggt brú yfir til meginlandsins með hvorki Svíum né Dönum. Þeir hefðu byggt hana einir. Algerlega eftir þeirra eigin höfði og þegar þeim hentaði. Þannig eru Norðmenn. Norski sveitastrákurinn kann að búa til verðmæti úr litlu. Það var alls ekki sjálfgefið að fjárfestingar þeirra í olíuiðnaði myndu bera sig fjárhagslega þegar þeir fóru í gang með þær. Fjárfesting Norðmanna fór fyrir brjóstið á mörgum. Oft og iðulega voru þeir kallaðir glæframenn. Skyldleikinn við þrjóskuna leynir sér ekki meðal okkar. Það er bara gott.

 

Fyrri færsla

 

Öldrunarhagkerfi Evrópusambandsins rafmagnslaus innan 30 ára? Hver á að borga?