Leita í fréttum mbl.is

Bloggfærslur mánaðarins, apríl 2012

Öldrunarhagkerfi Evrópusambandsins rafmagnslaus innan 30 ára? Hver á að borga?

Minnkandi summa Evrópusambandsins í Litháen hefur staðið í ráðagerðum og samningum um að byggja þar nýtt raforkuver knúið kjarnorku. Það gæti hugsanlega komið úr byggingu í slippnum í kringum árið 2022. Á þá ekki bara að byggja orkuverið fyrst allt er svona gott í ESB? Bara byggja og byggja?

Nei. Það eru þarna viss vandamál sem of fáir hér á landi hafa velt fyrir sér. Hver á að greiða fyrir bygginguna og hver á að greiða af þeim lánum sem taka þarf á mörkuðum svo af bygginu orkuversins geti orðið. Við ræddum þetta mál síðast hér þegar stór Summa ESB fór til bankastjóra.

HLUTFALL ALDRAÐRA Í EVRÓPULÖNDUM Morgunblaðið 31 mars 2012
Það vill svo til að fólksfækkun og frjósemi í Litháen er næstum því orðin banvæn fyrir þjóðina. Eins og er reyndar að gerast í flestum löndum Evrópusambandsins. Ferli fólksfækkunar vegna of lágrar frjósemi í ESB áratugum saman er þannig innréttað að fólkinu í ESB getur fækkað úr 500 milljónum manns og niður í 250 milljón manns á innan við næstu 80-150 árum. Og öngvir nema fátæklingar vilja utan frá flytja inn í deyjandi hagkerfi.

Svo nú spyrja þeir sem beðnir eru um að fjármagna rafmagnið til deyjandi þjóðar í Litháen; hver á að greiða af lánunum í framtíðinni? Hver á að borga þegar unga fólkið er farið fyrir fullt og allt úr landinu, og aðeins þeir sem gátu ekki flúið neitt eru þar eftir til að borga af lánunum. Hitachi group og fleirum langar til að vita þetta. Þetta eru langtíma samningar. Langtíma fjárfestingar. Hver á að greiða af lánunum inni í framtíðinni sem þarna er svo kolsvört.

Svo láta sumir hér á landi eins og blindar beljur þegar að eðli og framtíð hins efnahagslega öryrkjubandalags Evrópusambandsins kemur. Sambandið verður kolanáma framtíðarinnar. Mannlegt svarthol. Eins konar manngerður Svarti dauði sem tæki 500 til 1000 ár að læknast.
 
 
Fyrri færsla
 
 

Enn einn munurinn á plat og alvöru mynt

Bankakerfi flestra evrulanda komust í lausafjárþrot frá og með árinu 2008 og svo aftur um miðbik síðasta árs og eru nú enn aftur að komast í sama þrot. Þetta gerðist vegna þess lánveitingar á milli banka —interbank-lending— stöðvuðust. Þær stöðvuðust vegna þess að bankarnir vissu ekki hver af þeim á markaðinum voru að deyja. Fullkomið vantraust ríkti því bankanna á milli. Þeir treystu ekki hvor öðrum fyrir einni evru yfir nóttina

Í Bandaríkjunum kom bandaríski seðlabankinn —The Federal Resverve— í veg fyrir svona vantrausts-ástand á millibankamarkaði innan þjóðríkis Bandaríkjamanna með því að þvinga (skylda) alla banka í landinu til að taka við björgun (bail-out-money). Alveg sama hver staða þeirra var. Þar með vissu allir bankar í landinu að enginn þeirra var á leið í þrot vegna erfiðrar lausafjárstöðu. Þetta gat bandaríski seðlabankinn gert af því að Bandaríkin eru sjálfstætt fullvalda alvöru þjóðríki - og þetta virkaði. Svona er að hafa skjöld, sverð og Þórshamar. Þá ræður maður

Tvisvar sinnum síðan kreppan skall á síðsumars 2008 hefur seðlabanki Bandaríkjanna enn fremur þurft að koma öllu bankakerfi evrulanda til björgunar vegna þess að millibankamarkaður evruríkja virkaði ekki vegna viðvarandi vantrausts bankanna á milli. Þeir gátu því ekki lengur staðið við dollara-skuldbindingar sínar. Og enginn alþjóðlegur banki vildi lána þeim dollara til að borga þessar dollara-skuldbindingar. The Fed opnaði þá FX-SWAP-línur, þ.e.a.s gjaldmiðlaskiptalínur yfir til ECB-seðlabanka Evrópusambandsins upp á gátt til að bjarga heiminum frá hruni. Ef millibanka-markaður evrusvæðis hefði virkað þá hefðu evrumenn átt að geta bjargað sér sjálfir fyrir tilstilli ECB-seðlabanka Evrópusambandsins

En ECB-seðlabanki Evrópusambandsins er ekki alvöru seðlabanki. Hann er einungis seðlabankalingur, sem enga stjórn hefur á neinum peningamálum

Svona er að búa við platmynt og seðlabankaling. Það gerir Írland því miður. Þar hefur skorturinn á alvöru mynt og peningastjórn valdið neikvæðu framlagi til hagvaxtar í landinu í samfleytt 32 mánuði í röð. Evran og vanskapað peningakerfi hennar hefur dregið írska hagkerfið niður í samfleytt 32 mánuði - ofan í allt annað. En fyrst sprengdi ECB-seðlabankalingurinn Írland í loft upp
 
Við skulum ekki minnast á sjálft Grikkland á þessu hættulega augnabliki í sögu hinnar innvortis fjármálalegu borgarastyrjaldar sem Evrópusambandið hefur stofnað til með evrunni inni í ESB. Samúð mín með Grikkjum er djúp. Hún er miklu dýpri en samúð mín er með Steingrími J. Sigfússyni fyrir froðusnakk sitt frá greiðsluvanda yfir í heilshugarþrot. Einungis blaðurmenni haga sér svona

Myntmálið er hundrað sinnum dýpra mál en þú heldur. Þau eru um það bil sjálft framkvæmdavald fullveldisins
 
Hugsið um þetta
 
 
Fyrri færsla
 

3300 umsækjendur um eitt starf í ESB

Um daginn var tilkynnt um eitt laust starf hjá dönsku orkufyrirtæki. Um var að ræða svo kallað byrjunarstarf (trainee) þar sem lág laun eru greidd til nýútskrifaðra eftir 5 ára háskólanám. Alls bárust um 3300 umsóknir. Svo ömurleg er staða ungs fólks í ESB orðin. Eru háskólar í Evrópusambandinu orðnir svo lélegir að afurð þeirra er ekki fullra launa virði? Ég spyr

Stærsti fjárfestir í Evrópu lokar meira á Evrópusambandið

Norski olíusjóðurinn sem verið hefur stærsti einstaki fjárfestir í Evrópu hefur ákveðið að Evrópusambandið sé nú á leið með að verða svo framskriðið öldrunarhagkerfi að sjóðurinn ætlar að skera fjárfestingar sínar mikið niður á þessu efnahagssvæði. Í staðinn ætlar sjóðurinn að einbeita sér enn frekar að Bandaríkjum Norður-Ameríku, Suður-Ameríku og vissum svæðum í Asíu og Afríku. Skera á ESB-hlutfall fjáfestinga niður frá 54 prósentum niður 41 prósent á næstunni
 
Þetta er erfitt ferli því sjóðurinn verður að passa sig á því að draga sig ekki á of miklum exit-hraða út úr Evrópusambandinu, sem þá ætti á hættu að hrynja ofan á sjóðinn í leiðinni í langtíma flóttaferli hans út úr ESB. Þetta er ákaflega viturleg ákvörðun hjá Norðmönnum; að taka eggin sín úr gaukshreiðri Evrópusambandsins áður en þau verða öll fúl. Seðlabanki Noregs hefur frá 2010 sannfært fjármálaráðuneytið um nauðsyn þessa

Allur vöxturinn er fyrir utan ESB

Samkvæmt frétt dönsku hagstofunnar þann 23. febrúar fer allur vöxtur dótturfélaga danskra fyrirtækja erlendis nú fram fyrir utan Evrópusambandið
 
Den bagvedliggende tendens i 2010 viste stigninger i stort set alle landegrupper – med undtagelse af de gamle EU-lande (EU-15) samt resten af Europa
 
Fyrir utan ESB er framtíðin og þar eru neytendur framtíðarinnar. Það er ekki nóg með að aflvaki innlendrar eftirspurnar í Danmörku sé orðinn rétt geldur í flestum skilningi orðsins. Hann er því miður orðinn enn marggeldari í næstum öllum öðrum löndum Evrópusambandsins

Tveir seðlabankar evrusvæðis loka á hin evrulöndin
 
The Austrian Central Bank will join Germany’s Bundesbank in rejecting as collateral bank bonds guaranteed by member states receiving aid from the European Union and the International Monetary Fund Bb
 
Seðlabankar Þýskalands og Austurríkis neita nú að taka við tryggingum frá vissum öðrum seðlabönkum evrusvæðisins. Þeir hafa lokað á nokkra seðlabaka þeirra evrulanda sem ekki eru í öxulveldi og lykilstöðum. Upplausnarferli myntbandalagsins heldur áfram á meðan ECB-seðlabanki Evrópusambandsins heldur áfram að bagatellísera það sem er að gerast. Talsmenn finnska seðlabankans hafa enn sem komið er neitað að tala um málið. Á meðan halda ítalskar húsfrýr í Róm ótrauðar áfram að fylgjast með brauðverðinu í gluggum bakarísins á Hillasillagötu 15 í Helsinki. En til þess var evran uppfundin

Er hagstofa Evrópusambandsins, Eurostat, farin að birta falsaðar tölur um atvinnuleysi?
 
Það gæti vel verið. Spilling innan stofnana Evrópusambandsins er rótgróin. Sitt sýnist hverjum um línulega þráðbein strik stofnunarinnar. Þau vekja grunsemdir hagfræðinga. Er verið að reyna að fela eitthvað hér? The data looks suspect
 
Fyrri færsla
 
 

Seðlabankinn verður að finna eitthvað, alveg sama hvað

El Pais 2 apríl 2012 - atvinnuleysi ungmenna á Spáni upp fyrir fimmtíu prósent
50/50
 
Mér finnst óhugnalegt að fylgjast með Kastljósmáli Ríkisútvarpsins í Seðlabanka 

Hefði hér verið um fjármálastofnun eða banka að ræða þá væri hann gjaldþrota nú. Líklega berst Samherji HF við að halda uppi rekstri án möppuverks. Það er hættulegur rekstur þegar um fremsta fjandmann Íshússbókhaldara hins tvöfalt sitjandi yfirvalds í kuldamálum er að ræða

Þegar um yfirvöld er að ræða þá kostar það þau ekki neitt að hefja skammbyssuna á loft og miða henni að gagnauga hvers sem er. Þau borga þessar hitaeiningar handleggja sinna ekki sjálf. Það eru skattgreiðendur sem greiða fyrir slíka orkunotkun handleggja hins opinbera. Armbeygjur hins opinbera eru greiddar af þér

Bókhöld allra fyrirtækja innihalda alltaf misfærslur. Stórar sem smáar. Því þau geta ekki gert annað en að endurspegla þá lagaflækju sem stjórnvöld búa til á hverju einasta ári. Og svo er það sjálf túlkun of illa gerðra laga löggjafarvaldsins sem of oft er háð stað og stund. Að minnsta kosti í ESB. Þingmenn vekja áhuga fjölmiðla og kjósenda á sér með því að búa til mál sem að þeirra mati krefjast "bráðnauðsynlegrar" lagasetningar. Á þessu eru þó til vissar undantekningar. Þetta eru minnisvarðar stjórnmálamanna. Svona eru þeir of oft reistir

Þegar yfirvöld leggja til atlögu við fyrirtæki eða einstaklinga þá tapa þau of oft stórum hluta mála sinna. Þetta er að minnsta kosti svona í ESB. En þau áfrýja samt málunum næstum undantekningarlaust áfram og þá oft einungis samkvæmt eigin innvortis vinnureglum. Það kostar yfirvöld ekki neitt, því þau sækja sér bara fleiri peninga í vasa skattgreiðenda fyrir málaferlunum á hendur þeim. Sektir til sjálfs síns sér bókhald sjálfsins síðan um
 
Dómarar kvarta yfir þessu í ESB. Þeir kvarta yfir því að stjórnvöld séu að eyða tíma réttarins í ekki neitt með því að stunda fyrrgreindar aðferðir við að breiða yfir eigin mistök. Breiða yfir töpuð mál
 
Í gær fór atvinnuleysi ungmenna á Spáni upp fyrir fimmtíu prósentin (50).
 
Rúðubrjótar Evrópubandsins eru orðnir stórveldi

Fyrri færsla
 
 

Summa stór fer til bankastjóra

HLUTFALL ALDRAÐRA Í EVRÓPULÖNDUM Morgunblaðið 31 mars 2012
 
Góðan daginn. Ég heiti Evrópusambandið og mig vantar lán til fjárfestinga. Heimilishagir mínir eru þeir að lifandi búa nú um 500 milljón manns á heimili mínu. Þeir þurfa all mikið að borða og ýmsa aðstoð

Þetta er mikill fjöldi á einu heimili, segir hinn alþjóðlegi bankamaður. Við sáum þessa tölu birtast með brosi á vör í Landanum á sunnudagskvöldið. Þessa tölu ætti þó enginn að hafa í flimtingum. Hversu margir heimilismanna þinna hafa tekjur, spyr bankamaðurinn

Hvað kemur það málinu við, spyr summa Evrópusambandsins

Jú, segir hinn alþjóðlegi armur fjárfestingarbankans. Við sáum þessa mynd hér að ofan á blaðsíðu 29 í helgarútgáfu Morgunblaðsins. Lestu ekki Morgunblaðið. Þetta er ein stór hryllingsmynd af heimili þínu. Hver á að greiða af lánunum? Eins og staðan var við síðustu kosningar í Þýskalandi þá var meira en helmingur kjósenda þar kominn yfir sextugt. Svipað og enn verra er ástandið í næstum öllum 27 herbergjum heimilis þíns. Hver á að borga af lánunum?

Summa svarar; en við höfum jú evruna

Jahá, segir hinn alþjóðlegi bankamaður. Hverjir eru þessir VIÐ? Eru þessir VIÐ þeir sem eru atvinnulausir? Eru þessir VIÐ opinberir starfsmenn sem samkvæmt eðli sínu geta ekki búið til velmegun né verðmæti. Bara eytt þeim. Eða eru þessir VIÐ allir í þeim stóra hópi heimilismanna þinna sem bráðlega eru að koma sér í kistuna vegna öldrunar. Hvar er unga fólkið ykkar? Af hverju eru svona margir gamlir á heimili þínu. Eruð þið geld?

Alþjóðlegi bankamaðurinn heldur áfram: Við höfum einungis ákveðið fjármagn til umráða, útskýrir hann. Þið getið ekki einu sinni boðið okkur neitt gott veð. Samkvæmt skýrslu alþjóðastofnunar seðlabanka heimsins, Bank for International Settlements (BIS), mun fasteignaverð heimilis þíns falla um allt að 80 prósent á næstu fjórum áratugum. Þetta er afleiðing alls þessa heimabúandi geldneytis á heimili þínu. Hver á að kaupa af þeim eignirnar. Fuglarnir? Þið hafið lítið sem ekkert veðhæft framtíðarfólk. Minna en flestir aðrir í heiminum hafa. Heimilismenn þínir hafa einnig verið sviptir fjárráðum að hluta til. Einnig miklu sjálfræði og lýðræði, sýnist okkur. Er heimili þitt nokkuð á leiðinni að breytast í fangelsi? Við höfum ekki áhuga á fanganýlendum
 
BIS Demographic impact on housing

Bankamaðurinn heldur enn áfram; Og samkvæmt útreikningum alþjóðlegra matsfyrirtækja mun ríkissjóður Þýskalands vera orðinn gjaldþrota árið 2060, vegna gífurlega þungarar framfærslubyrði öldrunarhagkerfis síns. Það fáa menntaða ungviði sem er á heimili þínu fær svo lág laun og þarf að greiða svo háa og hækkandi skatta að það flýr Vestur um haf og til Eyjaálfu. Við það versnar heimilisástand þitt enn frekar. Hver á að búa til eftirspurn á heimili þínu? Gamlingjar? Dánarbúið? Og hver á að greiða skattana sem þarf til að halda ykkur á floti?

Eins og ég sagði, við höfum bara ákveðið fjármagn til umráða og við munum ekki lána það út til deyjandi samfélaga á meðan við höfum betri og framtíðarvænlegri valkosti. Við höfum engan sérstakan áhuga á að fjárfesta í deyjandi eignum. Það ættu allir að geta skilið. Við höfum tryggari veð og bjartari framtíðarmöguleika annars staðar í heiminum. Við, peningarnir, erum að miklu leyti fluttir

Sérfræðingar í mannfjöldafræðum hafa enn fremur útskýrt fyrir okkur að heimili þitt sé læst fast í gildru lágrar frjósemi (e. low fertility trap, LFT). Engin lönd sem umfram ákveðinn tíma fara undir 1,5 lifandi fædd börn á ævi hverrar konu, ná sér upp úr þeirri gildru aftur. Ástandið hjá ykkur versnar bara og versnar. Þættir 1,2,3 og 4, fyrir neðan miðju, líta afar illa út á þínu heimili. Líkja má þessu við Svarta dauða. Það tekur ykkur 500 til 1000 ár að koma málunum í lag á ný. Fjárfestingar okkar eru ekki til svo langs tíma. Vextir okkar yrðu svo himinháir að þeir minnkuðu enn meira líkurnar á að þið gætuð staðið í skilum. Sjáðu Grikkland, Spán, Ítalíu, Portúgal og ríkisútsöluna á Írlandi? Hefurðu prófað að tala við Pútin eða Kínverjana. Þið hentið þeim sennilega eðlislega betur. Þið hafið jú dundað ykkur saman áður . . 

Gamli svarti síminn glymur á borði bankamannsins. Rrrrring! Vindlaöskubakkinn hristir í sig öskuna. Já, svarar hann, já, já, já já. Við kýlum á þetta. Akkúrat. Einmitt. Það er það flotta við þetta. Járnbrautarkílómeterinn fyrir hvert flutt tonn kostar aðeins 1/15 í Ameríku miðað við Japan og ESB. Já, þetta er mikið framtíðarverkefni og miklar vegalengdir bæði í norðri sem suðri. Já, já, sjálfbært fólk. Við segjum því já. Innsog. Tölum um það seinna. Við segjum samt já. Vertu sæll

Summan skreppur skattfrjálst saman. Segist bara vinna þarna. Og fer fyrir ekki neitt
 
Fyrri færsla
 

Landinn: kynnir neyðarbremsur þjóðþinga ESB-landa

losseplads
Mynd; Lissabon-sáttmálinn
ofan á 20-ára jarðlögum Maastricht-sáttmálans.
 
Er einhver hér sem man enn eftir orðinu "subsidiarity", danska: nærhedsprincip. Þetta orð er nú loksins fundið og var í kvöld notað í þættinum Landinn hjá DDR-Ríkisútvarpinu. Í gúlagsorðabók Evrópusambandsins er þetta orð númer 23258975815367 undir Losseplads-sáttmálanum. Þetta er hin önnur sovéska þáttagrein Landans heim frá Brusseli um gluggatjöldin í ESB.

Hægt væri að kalla þetta orðskrípi (þ.e. subsidiarity) fyrir "neyðarbremsur þjóðþinga" þeirra ólukkulegu landa sem logið var um borð í ESB-Titanic.
 
En hversu oft skyldu menn hafa togað í þessa svo kölluðu neyðarbremsu þjóðþinga ESB-landa með þeim árangri að ESB-lestin stöðvaðist? Hægt er að hugleiða þetta í nokkra daga á meðan Landinn í svartholi DDRÚV gerjast enn frekar og flýtur skattgreitt yfir Íslendinga með áróðri sínum.
 
NRK kom afar illa út úr rannsókn á áróðri fyrir ESB þegar hún kom út fyrir tveimur árum. Þá þurfti NRK að ganga um með hauspoka.
 
Vinstri grænir sviptir veiðiheimildum

Nú er það Ögmundur Jónasson: hann vill svipta útgerðarmenn "veiðiheimildum" hafi þeir brotið gjaldreyrishöft eða önnur hafta höft. Þetta finnst mér frauðkennd Steingrímssamin öfugmæli úr munni Ögmundar. Miklu nærtækara væri að svipta steingrímskan Ögmund embætti og þingsæti því hann mistnotaði aflann úr þeirri veiðiheimild sem kjósendur veittu honum í síðustu þingkosningum.
 
Hann seldi allan afla sinn fyrir einn stól yfir til Samfylkingarinnar. Þeir sem gáfu Ögmundi atkvæði sitt hafa nú verið framseldir til erlends dótturfélags Vinstri grænna, sem er Samfylkingin í ESB. Og það fyrir ekki neitt minna en risavaxið hugleysi formannsins. Þingmenn sækja umboð sitt til kjósenda. Hvar er Evrópusambandsumsóknar-umboð þitt herra Ögmundur Jónasson og Steingrímur J. Sigfússon. Hvar er umboð ykkar frá kjósendum. Hvar?
 
Þeir þingmenn sem misnoðutu það umboð sem þeir sóttu til kjósenda í síðustu kosningum til þess eins að lauma inn umsókn Íslands inn í Evrópusambandið yfir til Brussel, þegar í valdastóla var komið, ber að ákæra fyrir pólitískt vændi, svipta þá pinnanum og þess litla sem eftir er æru þeirra. Þvílík kosningasvik hafa ekki fyrr sést.  
 

Vandamálið með Google

er það að fyrirtæðið kann ekki að hafa viðskiptavini. Og kann ekki að umgangast þá. Fyrirtækið er ekki með eiginlega viðskiptavini og hefur aldrei haft eiginlega viðskiptavini, bara notendur og auglýsendur. Google er eins konar ókeypis þetta og hitt. Flest, ef ekki allt, sem þeir gera er gallað og heldur áfram að vera gallað, endalaust. Hlutabréf fyrirtækisins hafa varla haggast í 5 ár. Það segir sitt og sérstaklega á þeim tímum sem við lifum nú. 

Leitarvélin þeirra er ekki lengur góð. Reyndar er ekkert af því sem Google gerir first class. Það er bara gert. Bara gert og gert þangað til peningarnir eru búnir. 

Þetta fyrirtæki mun sennilega aldrei geta orðið stolt af þeim hlutum sem það aldrei gerði. Aldrei stolt af því sem það lét ekki leiðast út í.

Fyrirtækið er þess eðlis að það mun aldrei læra að hafa viðskiptavini. Og þeir sem vinna hjá fyrirtækinu eru því eftir því. Ótengdir og lost in space.

Darling Google er að fölna. Þeir stigu útaf stígnum.


mbl.is Google Earth gegn hvalveiðum Íslendinga?
Tilkynna um óviðeigandi tengingu við frétt

« Fyrri síða

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband